8.5.2007   

MT

Il-Ġurnal Uffiċjali ta’ l-Unjoni Ewropea

115

(1)

Fil-21 ta' Settembru 2000 Karl Fazer Ltd. talbet lill-awtoritajiet kompetenti tal-Finlandja biex iqiegħdu ikel miżjuda bil-fitosteroli fis-suq bħala ikel ġdid jew ingredjent ġdid ta' l-ikel;

(2)

Fid-29 ta' Jannar 2001 l-awtoritajiet kompetenti tal-Finlandja ħarġu r-rapport ta' valutazzjoni inizjali tagħhom;

(3)

Fir-rapport ta' valutazzjoni inizjali tagħhom, il-korp kompetenti Finlandiż dwar il-valutazzjoni tas-sigurtà ta' l-ikel wasal għall-konklużjoni li l-fitosteroli/fitostanoli huma tajbin għall-konsum mill-bniedem;

(4)

Il-Kummissjoni bagħtet ir-rapport ta' valutazzjoni inizjali lil kull Stat Membru fit-13 ta' Marzu 2001;

(5)

Fil-perjodu ta' 60 ġurnata stipulat fl-Artikolu 6 (4) tar-Regolament, tressqu oġġezzjonijiet raġunati għall-kummerċjalizzazzjoni tal-prodotti f'konformità ma' dik id-dispożizzjoni;

(6)

Il-Kumitat Xjentifiku dwar l-Ikel (SCF) fl-opinjoni tiegħu “Ħarsa ġenerali fuq l-effetti fit-tul ta' konsum elevat ta' fitosteroli minn ħafna għejun tad-dieta, b'mod partikolari għall-effetti fuq il-ß-carotene” tas-26 ta' Settembru 2002 indika li m'hemmx evidenza ta' benefiċċji addizzjonali minn konsum ta' iktar minn 3 g/jum u li l-konsum għoli jaf iwassal għal effetti mhux mixtieqa u li għalhekk kien ikun iktar prudenti li jiġi evitat il-konsum ta' l-isterol tal-pjanti li hu ta' aktar minn 3 g/jum;

(7)

Minbarra dan, l-SCF, fl-opinjoni tiegħu tal-5 ta' Marzu 2003 dwar applikazzjonijiet għal approvazzjoni ta' varjetà ta' ikel bl-isteroli tal-pjanti miżjuda, reġa' tenna t-tħassib tiegħu dwar l-effetti ta' konsum kumulattiv minn firxa wiesa' ta' ikel bil-fitosteroli miżjuda. Madankollu, fl-istess waqt, l-SCF ikkonferma b'rigward ta' l-applikazzjoni ta' l-Oy Karl Fazer Ab li ż-żieda tal-fitosteroli lil firxa wiesa' ta' prodotti tal-ħobż kien sigur;

(8)

Sabiex jindirizza dan it-tħassib dwar il-konsum kumulattiv tal-fitosteroli/fitostanoli minn prodotti differenti, l-Oy Karl Fazer Ab konsegwentement qabel li jirriduċi l-applikazzjoni oriġinali għal ħobż tas-segala

(9)

Ir-Regolament tal-Kummissjoni (KE) Nru 608/2004 tal-31 ta' Marzu 2004 (2) li għandu x'jaqsam ma' l-ittikettjar ta' ikel u ingredjenti ta' l-ikel miżjud bil-fitosteroli, esteri tal-fitoseroli, fitostanoli u/jew esteri tal-fitostanoli jiżgura li l-konsumatur jirċievi l-informazzjoni neċessarja sabiex jevita l-konsum eċċessiv tal-fitosteroli addizzjonali;

(10)

Il-Kumitat Permanenti għall-Katina Alimentari u s-Saħħa ta' l-Annimali ma tax opinjoni favorevoli; il-Kummissjoni għalhekk ressqet proposta lill-Kunsill fit-22 ta' Awwissu 2005 skond l-Artikolu 5(4) tad-Deċiżjoni tal-Kunsill 1999/468/KE (3), bil-Kunsill obbligat jaġixxi fi żmien 3 xhur.

(11)

Madankollu, il-Kunsill ma rreaġixxiex fiż-żmien meħtieġ u għalhekk għandha tiġi adottata deċiżjoni mill-Kummissjoni.