This document is an excerpt from the EUR-Lex website
Document 32006D0024
2006/24/EC: Commission Decision of 20 January 2006 amending for the second time Decision 2005/710/EC concerning certain protection measures in relation to a suspicion of highly pathogenic avian influenza in Romania (notified under document number C(2006) 62) (Text with EEA relevance)
Deċiżjoni tal-Kummissjoni ta' l- 20 ta' Jannar 2006 li temenda għat-tieni darba d-Deċiżjoni 2005/710/KE dwar ċerti miżuri ta' protezzjoni li għandhom x'jaqsmu ma' suspett ta' influwenza tat-tjur ta' patoġeniċità għolja fir-Rumanija (innotifikata taħt dokument numru C(2006) 62) Test b'rilevanza għaż-ŻEE.
Deċiżjoni tal-Kummissjoni ta' l- 20 ta' Jannar 2006 li temenda għat-tieni darba d-Deċiżjoni 2005/710/KE dwar ċerti miżuri ta' protezzjoni li għandhom x'jaqsmu ma' suspett ta' influwenza tat-tjur ta' patoġeniċità għolja fir-Rumanija (innotifikata taħt dokument numru C(2006) 62) Test b'rilevanza għaż-ŻEE.
ĠU L 17, 21.1.2006, p. 30–32
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 118M, 8.5.2007, p. 56–58
(MT)
No longer in force, Date of end of validity: 31/12/2006
8.5.2007 |
MT |
Il-Ġurnal Uffiċjali ta’ l-Unjoni Ewropea |
56 |
DEĊIŻJONI TAL-KUMMISSJONI
ta' l-20 ta' Jannar 2006
li temenda għat-tieni darba d-Deċiżjoni 2005/710/KE dwar ċerti miżuri ta' protezzjoni li għandhom x'jaqsmu ma' suspett ta' influwenza tat-tjur ta' patoġeniċità għolja fir-Rumanija
(innotifikata taħt dokument numru C(2006) 62)
(Test b'rilevanza għaż-ŻEE)
(2006/24/KE)
IL-KUMMISSJONI TAL-KOMMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 91/496/KEE tal-15 ta' Lulju 1991 li tistipula l-prinċipji li jirregolaw l-organizzazzjoni ta' kontrolli veterinarji fuq annimali li jidħlu fil-Komunità minn pajjiżi terzi, u li temenda d-Direttivi 89/662/KEE, 90/425/KEE, u 90/675/KEE (1), u b'mod partikolari l-Artikolu 18(7) tagħha,
Wara li kkunsidrat id-Direttiva tal-Kunsill 97/78/KE tat-18 ta' Diċembru 1997 li tistabbilixxi l-prinċipji li jirregolaw l-organizzazzjoni tal-verifiki veterinarji fuq prodotti li jidħlu fil-Komunità minn pajjiżi terzi (2), u b'mod partikolari l-Artikolu 22(6) tagħha,
Billi:
(1) |
L-influwenza tat-tjur hija marda virali infettiva fit-tjur ta' l-irziezet u għasafar oħra, li tikkawża mwiet u disturbi li malajr jistgħu jiksbu daqs epiżootiku li kapaċi jkunu ta' theddida serja għas-saħħa pubblika u dik ta' l-annimali u li jnaqqsu sew il-profittabbiltà tat-trobbija tat-tjur ta' l-irziezet. Hemm riskju li l-aġent tal-marda jista' jiddaħħal permezz tal-kummerċ internazzjonali fit-tjur ħajjin u fil-prodotti tat-tjur. |
(2) |
Fit-12 ta' Ottubru 2005, ir-Rumanija nnotifikat lill-Kummissjoni bl-iżolament tal-varjant Ażjatiku ta' virus ta' l-influwenza tat-tjur miġbur minn każ kliniku fit-tjur ta' l-irziezet. Id-Deċiżjoni tal-Kummissjoni 2005/710/KE dwar ċerti miżuri ta' protezzjoni li għandhom x'jaqsmu ma' suspett ta' influwenza tat-tjur ta' patoġeniċità għolja fir-Rumanija (3) ġiet għalhekk adottata. |
(3) |
Dik id-Deċiżjoni ġiet emendata sabiex tirreġjonalizza r-Rumanija għall-importazzjoni lejn il-Komunità ta' laħam tat-tjur u prodotti tal-laħam tat-tjur minħabba li t-tifqigħat tar-razza Ażjatika tal-virus ta' l-influwenza tat-tjur fir-Rumanija kienu limitati għad-delta tad-Danubju. |
(4) |
Seħħew tifqigħat ġodda tal-marda f'dik il-parti tar-Rumanija li kienet meqjusa bħala ħielsa mill-infezzjoni. Jeħtieġ li tiġi estiża ż-żona tar-Rumanija li minnħa għandhom jibqgħu jiġu pprojbiti l-importazzjonijiet tal-laħam tat-tjur u l-prodtti tal-laħam tat-tjur, sabiex tkopri dik il-parti tal-pajjiż fil-Lvant u fin-Nofsinsar tal-Muntanji Karpazji. |
(5) |
Billi r-Rumanija issa ikkonfermat il-preżenza tal-marda fuq it-territorju tagħha, it-titolu tad-Deċiżjoni 2005/710/KE għandu jiġi emendat sabiex jitqies dan il-fatt. |
(6) |
Id-Deċiżjoni 2005/710/KE għandha għalhekk tiġi emendata skond dan. |
(7) |
Il-miżuri li hemm f'din id-Deċiżjoni huma fi qbil ma' l-opinjoni tal-Kumitat Permanenti fuq il- Katina Alimentari u s-Saħħa ta' l-Annimali, |
ADOTTAT DIN ID-DEĊIŻJONI:
Artikolu 1
Id-Deċiżjoni 2005/710/KE hija emendata kif ġej:
1. |
It-titolu jinbidel b'dan li ġej: “Id-Deċiżjoni tal-Kummissjoni 2005/710/KE tat-13 ta' Ottubru 2005 dwar ċerti miżuri ta' protezzjoni li għandhom x'jaqsmu ma' l- influwenza tat-tjur ta' patoġeniċità għolja fir-Rumanija” |
2. |
L-Anness jiġi ssostitwit mit-test fl-Anness għal din id-Deċiżjoni. |
Artikolu 2
L-Istati Membri ser jieħdu l-miżuri meħtieġa biex iħarsu din id-Deċiżjoni u jippubblikaw dawk il-miżuri. Huma għandhom jgħarrfu b'dan lill-Kummissjoni minnufih.
Artikolu 3
Din id-Deċiżjoni hija indirizzata lill-Istati Membri.
Magħmul fi Brussell, l-20 ta' Jannar 2006.
Għall-Kummissjoni
Markos KYPRIANOU
Membru tal-Kummissjoni
(1) ĠU L 268, 24.9.1991, p. 56. Direttiva kif emendata l-aħħar mill-Att ta' l-Adeżjoni ta' l-2003.
(2) ĠU L 24, 30.1.1998, p. 9. Direttiva kif l-aħħar emendata mir-Regolament (KE) Nru 882/2004 tal-Parlament Ewropew u tal-Kunsill (ĠU L 165, 30.4.2004, p. 1; verżjoni kkoreġuta fi ĠU L 191, 28.5.2004, p. 1).
(3) ĠU L 269, 14.10.2005, p. 42. Deċiżjoni kif emendata l-aħħar bid-Deċiżjoni 2006/23/KE (ara paġna 27 ta' dan il-Ġurnal Uffiċjali).
ANNESS
“ANNESS
Partijiet mit-territorju tar-Rumanija msemmija fl-Artikolu 1 (a) u (b)
Parti A
Kodiċi ISO tal-pajjiż |
Isem il-pajjiż |
Deskrizzjoni ta' parti mit-territorju |
||
RO |
Ir-Rumanija |
|
Parti B
Kodiċi ISO tal-pajjiż |
Isem il-pajjiż |
Deskrizzjoni ta' parti mit-territorju |
||||||||||||||||||||||||||||||||||||||||||||||||||||
RO |
Ir-Rumanija |
Fir-Rumanija, il-kontei ta':
|