EUR-Lex Access to European Union law
This document is an excerpt from the EUR-Lex website
Document 32005R0107
Regulation (EC) No 107/2005 of the European Parliament and of the Council of 12 January 2005 amending Regulation (EC) No 2130/2001 on operations to aid uprooted people in Asian and Latin American developing countries
Ir-Regolament (KE) Nru 107/2005 tal-Parlament Ewropew u tal-Kunsill tat-12 ta' Jannar 2005 li jemenda r-Regolament (KE) Nru. 2130/2001 dwar operazzjonijiet biex jgħinu popolazzjonijiet li kienu mġiegħla jitilqu minn pajjiżi li għadhom qed jiżviluppaw ta' l-Asja u ta' l-Amerika Latina
Ir-Regolament (KE) Nru 107/2005 tal-Parlament Ewropew u tal-Kunsill tat-12 ta' Jannar 2005 li jemenda r-Regolament (KE) Nru. 2130/2001 dwar operazzjonijiet biex jgħinu popolazzjonijiet li kienu mġiegħla jitilqu minn pajjiżi li għadhom qed jiżviluppaw ta' l-Asja u ta' l-Amerika Latina
ĠU L 23, 26.1.2005, p. 1–2
(ES, CS, DA, DE, ET, EL, EN, FR, IT, LV, LT, HU, MT, NL, PL, PT, SK, SL, FI, SV)
No longer in force, Date of end of validity: 31/12/2006
26.1.2005 |
MT |
Il-Ġurnal Uffiċjali ta'l-Unjoni Ewropea |
L 23/1 |
IR-REGOLAMENT (KE) Nru 107/2005 TAL-PARLAMENT EWROPEW U TAL-KUNSILL
tat-12 ta' Jannar 2005
li jemenda r-Regolament (KE) Nru. 2130/2001 dwar operazzjonijiet biex jgħinu popolazzjonijiet li kienu mġiegħla jitilqu minn pajjiżi li għadhom qed jiżviluppaw ta' l-Asja u ta' l-Amerika Latina
IL-PARLAMENT EWROPEW U L-KUNSILL TA' L-UNJONI EWROPEA,
Wara li kkunsidraw it-Trattat li jistabbilixxi l-Komunità Ewropea, u b'mod partikolari l-Artikolu 179(1) tiegħu,
Wara li kkunsidraw il-proposta mill-Kummissjoni,
Filwaqt li jaġixxu skond il-proċedura stabbilita fl-Artikolu 251 tat-Trattat (1),
Billi:
(1) |
Il-Komunità qed timplimenta programm favur operazzjonijiet biex jiġu megħjuna popolazzjonijiet li kienu mġiegħla jitilqu minn pajjiżi li għadhom qed jiżviluppaw ta' l-Asja u ta' l-Amerika Latina taħt ir-Regolament (KE) Nru. 2130/2001 (2). Dak ir-Regolament skada fil-31 ta' Diċembru 2004.. |
(2) |
It-Tiġdid tar-Regolament (KE) Nru. 2130/2001 ser ikun dipendenti fuq il-possibbiltàjiet li jiġi integrat f'Regolament kwadru uniku għall-Asja u l-Amerika Latina. |
(3) |
F'Lulju 2002, il-Kummissjoni adottat proposta għal Regolament tal-Parlament Ewropew u tal-Kunsill dwar koperazzjoni Komunitarja mal-pajjiżi ta' l-Asja u ta' l-Amerika Latina (3) li jintegra l-għajnuna lil popolazzjonijiet li kienu mġiegħla jitilqu minn pajjiżi li għadhom qed jiżviluppaw ta' l-Asja u ta' l-Amerika Latina u li jħassar ir-Regolament (KE) Nru. 2130/2001. Ir-Regolament propost ma ġiex adottat fil-ħin sabiex jidħol fis-seħħ sal-31 ta' Diċembru 2004. Tali sitwazzjoni tista' tpoġġi f'periklu l-kontinwità u tfixkel l-implimentazzjoni ta' operazzjonijiet ta' għajnuna għal popolazzjonijiet li kienu mġiegħla jitilqu minn pajjiżi li qed jiżviluppaw ta' l-Asja u ta' l-Amerika Latina. |
(4) |
Jeħtieġ li tiġi żgurata l-applikazzjoni tar-Regolament (KE) Nru. 2130/2001 sad-dħul fis-seħħ tar-Regolament futur. Dan ta' l-aħħar konsegwentement ikun jikkostitwixxi l-qafas legali ġdid għal operazzjonijiet ta' għajnuna għal popolazzjonijiet li kienu mġiegħla jitilqu minn pajjiżhom f'dawn iż-żewġ reġjuni. |
(5) |
Jeħtieġ li jiġi indikat il-qafas finanzjarju għas-snin li baqa' tal-perspettiva finanzjarja attwali, jiġifieri l-2005 u l-2006. |
(6) |
Jeħtieġ ukoll li jsir provvediment għal valutazzjoni indipendenti ta' l-applikazzjoni tar-Regolament (KE) Nru. 2130/2001. |
(7) |
Ir-Regolament (KE) Nu 2130/2001 għandu għalhekk jiġi emendat kif meħtieġ, |
ADOTTAW DAN IR-REGOLAMENT:
Artikolu 1
.
Ir-Regolament (KE) Nru. 2130/2001 huwa b'dan emendat kif ġej:
(1) |
Fl-Artikolu 8, il-paragrafu 1 jiġi sostitwit b'dan li ġej: “1. Il-Kummissjoni għandha tkun responsabbli biex tivvaluta, tiddeċiedi u tamministra l-operazzjonijiet koperti minn dan ir-Regolament skond il-proċeduri tal-budget u proċeduri oħra fis-seħħ, b'mod partikolari dawk stabbiliti fl-Artikoli 27, 48(2) u 167 tar-Regolament tal-Kunsill (KE, Euratom) Nru. 1605/2002 tal-25 ta' Ġunju 2002 dwar ir-Regolament Finanzjarju applikabbli għall-budget ġenerali tal-Komunitajiet Ewropej (*).”; |
(2) |
Fl-Artikolu 15, jiġi nserit il-paragrafu li ġej: “1a. Il-qafas finanzjarju għall-implimentazzjoni ta' dan ir-Regolament għall-perjodu mill-2005 sa l-2006 huwa b'dan stabbilit għal EUR 141 miljun.”; |
(3) |
It-tieni paragrafu ta' l-Artikolu 20 jiġi sostitwit b'dan li ġej: “Għandu japplika sal-31 ta' Diċembru 2006.” |
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu fil-Ġurnal Uffiċjali ta' l-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Strasburgu, it-12 ta' Januar 2005
Għall-Parlament Ewropew
Il-President
J. P. BORRELL FONTELLES
Għall-Kunsill
Il-President
Nicolas SCHMIT
(1) Opinjoni tal-Parlament Ewropew tas-26 ta' Ottubru 2004 (li għadha mhijiex pubblikata fil-Ġurnal Uffiċjali), u d-Deċiżjoni tal-Kunsill tal-21 ta' Diċembru 2004.
(2) ĠU L 287, 31.10.2001, p. 3.
(3) ĠU C 331 E, 31.12.2002, p. 12.