29.6.2006   

MT

Il-Ġurnal Uffiċjali ta’ l-Unjoni Ewropea

76

(1)

L-Azzjoni Konġunta 2004/847/PESK (1) li tistabbilixxi l-EUPOL KINSHASA tiskadi fil-31 ta' Diċembru 2005.

(2)

Fis-6 ta' Ottubru 2005, il-President tar-Repubblika Demokratika tal-Kongo (DRC), is-Sur Joseph Kabila, bagħat ittra lis-Segretarju Ġenerali/Rappreżentant Għoli (SĠ/RGħ), li tistieden lill-UE biex testendi l-EUPOL KINSHASA.

(3)

Fis-7 ta' Novembru 2005 l-Kunsill qabel li jestendi l-EUPOL KINSHASA għal 12-il xahar ieħor wara l-iskadenza tal-mandat attwali. Din l-Azzjoni Konġunta tkopri l-ewwel fażi ta' din l-estensjoni sat-30 ta' April 2006.

(4)

Stati Terzi għandhom jipparteċipaw fl-operazzjoni skond il-linji gwida stabbiliti mill-Kunsill Ewropew ta' Nizza.

(5)

Is-sitwazzjoni attwali ta’ sigurtà fid-DRC tista’ tiħżien, b’riperkussjonijiet potenzjalment serji fuq il-proċess ta’ tisħiħ tad-demokrazija, l-istat tad-dritt u s-sigurtà internazzjonali u reġjonali. Impenn kontinwu ta’ l-isforz politiku u r-riżorsi ta’ l-UE jgħinu biex tiġi ssudata l-istabbiltà fir-reġjun.

(6)

Fid-9 ta' Diċembru 2004, il-Kumitat Politiku u ta' Sigurtà ħatar lis-Supritendent Adílio Custódio bħala Kap tal-Missjoni għall-EUPOL KINSHASA, li l-mandat tiegħu għandu jiġi estiż għat-tul tal-Missjoni,

1)

L-Artikolu 2 għandu jiġi mibdul b'dan li ġej:

“Artikolu 2

Fażi ta' ppjanar

Is-Segretarjat Ġenerali tal-Kunsill għandu jiżviluppa l-istrumenti tekniċi kollha meħtieġa għall-eżekuzzjoni ta' l-EUPOL‘KINSHASA’. Il-Kap tal-Missjoni għandu jelabora Pjan ta' Operazzjoni (OPLAN) li għandu jqis valutazzjoni ta' riskju komprensiva. Il-Kunsill għandu japprova l-OPLAN.”

2)

L-Artikolu 3 għandu jiġi mibdul b'dan li ġej:

“Artikolu 3

Dikjarazzjoni tal-missjoni

L-Unjoni Ewropea għandha twettaq missjoni tal-pulizija f’Kinshasa (DRC) sabiex tagħmel monitoraġġ, tiggwida u tipprovdi konsulenza għall-istabbiliment u t-tmexxija inizjali ta’ l-IPU sabiex jiġi żgurat li l-IPU taġixxi billi ssegwi t-taħriġ li tkun irċeviet fiċ-Ċentru ta’ l-Akkademja u skond l-aħjar prattiċi internazzjonali f’dan il-qasam. Dawn l-azzjonijiet għandhom ikunu ffukati fuq il-linja ta’ kmand ta’ l-IPU biex titjieb il-kapaċità ta’ amministrazzjoni ta’ l-IPU u għall-monitoraġġ, l-iggwidar u l-konsulenza lill-Unitajiet operazzjonali fl-eżekuzzjoni tal-kompiti tagħha.

L-EUPOL KINSHASA għandha tkompli tagħmel monitoraġġ, tiggwida u tipprovdi konsulenza dwar l-istabbiliment u l-iżvilupp ta' l-IPU, inkluża konsulenza aktar estensiva lil-linja ta' kmand ta' l-IPU rigward l-eżekuzzjoni tal-missjonijiet, u iktar konsulenza dwar kwistjonijiet oħra kumplimentari għat-tmexxija effettiva tal-pulizija fid-DRC, u għandha ssaħħaħ il-kollegament ma' l-EUSEC RD CONGO fil-qasam tar-riforma tas-settur tas-sigurtà.”

3)

L-Artikolu 4 għandu jiġi mibdul b'dan li ġej:

“Artikolu 4

Struttura tal-Missjoni

Il-Missjoni ser tkun magħmula minn Kwartieri Ġenerali (HQ) u monituri tal-pulizija. Il-HQ ser ikunu magħmula mill-uffiċċju tal-Kap tal-Missjoni u fergħa ta' sostenn amministrattiv. Il-monituri, il-mentors u l-konsulenti kollha, kif ukoll min iħarreġ, ser jinsabu flimkien fil-bażi operattiva ta' l-IPU.”

4)

L-Artikolu 10(1) għandu jiġi sostitwit b'dan li ġej:

“1.   L-ammont ta' referenza finanzjarju maħsub biex ikopri l-infiq relatat mal-missjoni għandu jkun ammont massimu ta' EUR 4 370 000 għall-perijodu mid-9 ta' Diċembru 2004 sat-30 ta' April 2006.”

5)

L-Artikolu 10(2) (b) għandu jinbidel bl-Artikolu li ġej:

.

6)

Fl-Artikolu 14, it-tieni paragrafu għandu jinbidel b'dan li ġej:

“Din għandha tiskadi fil-30 ta’ April 2006.”