This document is an excerpt from the EUR-Lex website
Document 32005D0799
2005/799/EC: Commission Decision of 16 November 2005 repealing Decision 2004/614/EC concerning protection measures in relation to highly pathogenic avian influenza in the Republic of South Africa (notified under document number C(2005) 4396) (Text with EEA relevance)
2005/799/KE: Deċiżjoni tal-Kummissjoni tas- 16 ta’ Novembru 2005 li tirrevoka d-Deċiżjoni 2004/614/KE li tikkonċerna l-miżuri protettivi fir-rigward ta’ l-influwenza tat-tjur b'patoġeniċità għolja fir-Repubblika ta’ l-Afrika ta’ Isfel (innotifikata taħt dokument numru C(2005) 4396) Test b’rilevanza għaż-ŻEE.
2005/799/KE: Deċiżjoni tal-Kummissjoni tas- 16 ta’ Novembru 2005 li tirrevoka d-Deċiżjoni 2004/614/KE li tikkonċerna l-miżuri protettivi fir-rigward ta’ l-influwenza tat-tjur b'patoġeniċità għolja fir-Repubblika ta’ l-Afrika ta’ Isfel (innotifikata taħt dokument numru C(2005) 4396) Test b’rilevanza għaż-ŻEE.
ĠU L 301, 18.11.2005, p. 20–20
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 349M, 12.12.2006, p. 578–578
(MT)
In force
|
12.12.2006 |
MT |
Il-Ġurnal Uffiċjali ta’ l-Unjoni Ewropea |
578 |
DEĊIŻJONI TAL-KUMMISSJONI
tas-16 ta’ Novembru 2005
li tirrevoka d-Deċiżjoni 2004/614/KE li tikkonċerna l-miżuri protettivi fir-rigward ta’ l-influwenza tat-tjur b'patoġeniċità għolja fir-Repubblika ta’ l-Afrika ta’ Isfel
(innotifikata taħt dokument numru C(2005) 4396)
(Test b’rilevanza għaż-ŻEE)
(2005/799/KE)
IL-KUMMISSJONI TAL-KOMMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 91/496/KEE tal-15 ta’ Lulju 1991 li tistabbilixxi l-prinċipji li jirregolaw l-organizzazzjoni tal-kontrolli veterinarji fuq l-annimali li jidħlu fil-Komunità minn pajjiżi terzi u li temenda d-Direttivi 89/662/KEE, 90/425/KEE u 90/675/KEE (1), u b’mod partikolari l-Artikolu 18(6) u (7) tagħha,
Wara li kkunsidrat id-Direttiva tal-Kunsill 97/78/KE tat-18 ta’ Diċembru 1997 li tistabbilixxi l-prinċipji li jirregolaw l-organizzazzjoni tal-kontrolli veterinarji fuq prodotti li jidħlu fil-Komunità minn pajjiżi terzi (2), u b’ mod partikolari l-Artikolu 22(1) u (6) tagħha,
Billi:
|
(1) |
Id-Deċiżjoni tal-Kummissjoni 2004/614/KE li tikkonċerna l-miżuri protettivi fir-rigward ta’ l-influwenza li hija patoġenika ħafna tat-tjur fir-Repubblika ta’ l-Afrika ta’ Isfel (3) ġiet adottata b’ rispons għat-tfaqqigħ ta’ l-influwenza tat-tjur fl-għasafar li ma jtirux fl-Afrika ta’ Isfel. |
|
(2) |
Ir-Repubblika ta’ l-Afrika ta’ Isfel iddikjarat li issa hija ħielsa mill-influwenza tat-tjur u bagħtet rapport finali dwar is-sitwazzjoni tas-saħħa ta’ l-annimali lill-Kummissjoni flimkien ma’ talba għal emenda fid-Deċiżjoni 2004/614/KE kif meħtieġ. |
|
(3) |
L-informazzjoni li tinsab fir-rapport finali turi b’ mod ċar li t-tifqigħa fir-Repubblika ta’ l-Afrika ta’ Isfel kienet ġiet ristretta u li l-marda m’ għadhiex iktar preżenti fil-pajjiż. Il-miżuri protettivi fir-rigward tar-Repubblika ta’ l-Afrika ta’ Isfel għalhekk m'għadhomx meħtieġa. |
|
(4) |
Id-Deċiżjoni 2004/614/KE għandha għalhekk tkun irrevokata. |
|
(5) |
Il-miżuri stipolati f’din id-Deċiżjoni huma f’konformità ma’ l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali, |
ADOTTAT DIN ID-DEĊIŻJONI:
Artikolu 1
Id-Deċiżjoni 2004/614/KE hi rrevokata.
Artikolu 2
L-Istati Membri għandhom jemendaw il-miżuri li japplikaw għall-importazzjoni sabiex jinġiebu f’ konformità ma’ din id-Deċiżjoni u għandhom jippubbliċizzaw il-miżuri adottati b’mod xieraq u immedjat. Huma għandhom jinfurmaw immedjatament lill-Kummissjoni bihom.
Artikolu 3
Din id-Deċiżjoni hija indirizzata lill-Istati Membri.
Magħmul fi Brussell, nhar is-16 ta’ Novembru 2005.
Għall-Kummissjoni
Markos KYPRIANOU
Membru tal-Kummissjoni
(1) ĠU L 268, 24.9.1991, p. 56. Direttiva kif l-aħħar emendata mill-Att ta’ l-Adeżjoni ta’ l-2003.
(2) ĠU L 24, 30.1.1998, p. 9. Direttiva kif l-aħħar emendata mill-Att ta’ l-Adeżjoni ta’ l-2003.
(3) ĠU L 275, 25.8.2004, p. 20. Deċiżjoni kif emendata mid-Deċiżjoni 2005/469/KE (ĠU L 165, 25.6.2005, p. 31).