12.12.2006   

MT

Il-Ġurnal Uffiċjali ta’ l-Unjoni Ewropea

485

(1)

L-influwenza tat-tjur hija marda virali li tittieħed fit-tjur u l-għasafar, li hija kawża ta’ mortalità u ta’ disturbi li faċilment jistgħu jaslu għal proporzjonijiet epiżootiċi u li jistgħu jkunu ta' periklu serju għas-saħħa ta’ l-annimali u tal-pubbliku u li jnaqqsu b’ mod konsiderevoli l-qligħ mit-trobbija tat-tjur.

(2)

Id-Direttiva tal-Kunsill 92/40/KEE tad-19 ta' Mejju 1992 li tintroduċi miżuri Komunitarji għall-kontroll ta' l-influwenza tat-tjur (2) tistipula miżuri ta' kontrolll li għandhom jiġu applikati fil-każ ta' tifqigħa ta' l-influwenza tat-tjur fit-tjur ta' l-irziezet, mingħajr preġudizzju għad-dispożizzjonijiet Komunitarji li jirregolaw il-Kummerċ intra-Komunitarju. Dik id-Direttiva ma tapplikax fejn l-influwenza tat-tjur tirriżulta f'għasafar oħra iżda tipprevedi li, f'każijiet bħal dawn, l-Istat Membru kkonċernat għandu jinforma lill-Kummissjoni bi kwalunkwe miżura li jieħu.

(3)

Id-Direttiva tal-Kunsill 92/65/KEE tat-13 ta' Lulju 1992 li tistipula rekwiżiti tas-saħħa ta' l-annimali li jirregolaw il-kummerċ fi u importazzjonijiet lejn il-Komunità ta' annimali, semen, ova u embrijuni li mhumiex soġġetti għar-rekwiżiti tas-saħħa ta' l-annimali stipulati f'regoli Komunitarji speċifiċi msemmija fl-Anness A(I) għad-Direttiva 90/425/KEE (3), u b'mod partikolari l-Artikolu 3 tagħha, tipprevedi li l-kummerċ fi u l-importazzjonijiet ta' annimali, semen, ova u embrijuni kkonċernati ma jistgħux ikunu pprojbiti jew ristretti għal raġunijiet marbuta mas-saħħa ta' l-annimali, ħlief għal dawk li jirriżultaw mill-applikazzjoni ta' leġiżlazzjoni Komunitarja, u partikolarment kwalunkwe miżuri ta' protezzjoni meħuda. Id-Direttiva tal-Kunsill 1999/22/KE tad-29 ta' Marzu 1999 dwar iż-żamma ta' annimali selvaġġi fiż-żoos (4), tiddefinixxi żoos li huma koperti minn dik id-Direttiva. Dik id-definizzjoni ta' żoos għandha titqies għall-iskopijiet ta' din id-Deċiżjoni. Madankollu, dik id-definizzjoni teħtieġ suppliment fir-rigward tal-kummerċ għall-iskop ta' din id-Deċiżjoni.

(4)

L-influwenza tat-tjur b'patoġeniċità għolja kkawżata mis-sottotip H5N1 tal-virus A ta' l-Influwenza dan l-aħħar ġiet ikkonfermata fit-Turkija, fir-Rumanija, fir-Russja, fil-Punent tal-muntanji Urali. Xhieda ċirkostanzjali u dejta ta' epidemjoloġija molekolari jissuġġerixxu bis-saħħa li l-virus ta' l-influwenza tat-tjur infirex lejn dawn il-pajjiżi mill-Ażja permezz ta' għasafar migratorji. Dan huwa ssuġġerit ukoll mir-rapport ta' missjoni reċenti lejn ir-Russja li twettqet mill-Organizzazzjoni Dinjija għas-Saħħa ta' l-Annimali (O.I.E.), li ġie ppublikat fl-14 ta' Ottubru 2005.

(5)

Fir-rigward tar-riskju ta' l-introduzzjoni ta' l-influwenza b'patoġeniċità għolja kkawżata mis-sottotip H5N1 tal-virus A ta' l-influwenza fil-Komunità, il-Kummissjoni adottat diversi Deċiżjonijiet, inkluża d-Deċiżjoni 2005/734/KE li tistipula miżuri ta' bijosigurtà għat-tnaqqis tar-riskju ta' trażmissjoni ta' influwenza tat-tjur b'patoġeniċità għolja kkawżata mis-sottotip H5N1 tal-virus A ta' l-influwenza minn għasafar li jgħixu fl-ambjent naturali għal tjur ta' l-irziezet u għasafar oħra mrobbija mill-bniedem u li tipprevedi sistema ta' ditezzjoni minn kmieni f'żoni ta' riskju partikolari (5).

(6)

Huwa xieraq li jiġu stipulati fuq il-livell Komunitarju, miżuri ta' bijosigurtà għall-prevenzjoni ta' influwenza tat-tjur b'patoġeniċità għolja kkawżata mis-sottotip H5N1 tal-virus A ta' l-influwenza f'għasafar suxxettibbli miżmuma fiż-żoos fl-Istati Membri sabiex tiġi mħarsa l-fawna selvaġġa u sabiex il-bijodiversità tiġi kkonservata.

(7)

It-tilqim ta' għasafar suxxettibbli fiż-żoos tista' tkun miżura preventiva addizzjonali li tixraq, taħt ċerti ċirkostanzi.

(8)

Huwa għalhekk ukoll xieraq li jiġu stipulati fuq il-livell Komunitarju ir-rekwiżiti essenzjali li jirrigwardaw it-tilqim ta' għasafar miżmuma fiż-żoos li għandhom isegwu l-Istati Membri, jekk iqisu li huwa xieraq li għasafar bħal dawn jitlaqqmu.

(9)

It-tilqim, minkejja li limitat għal kategoriji speċjali ta' annimali li mhumiex ikkonċernati b'xi mod importanti mal-kummerċ, jista' jikkontribwixxi għall-ipperikolar ta' l-istatus ta' l-influwenza tat-tjur f'termini ta' kummerċ internazzjonali, mhux biss għall-Istat Membru jew parti mit-territorju tiegħu fejn iseħħ it-tilqim. Għalhekk m'għandux iseħħ kummerċ f'għasafar imlaqqma sakemm ma jiġux sodisfatti ċerti rekwiżiti. L-Istati Membri għandhom jinfurmaw lill-Kummissjoni sat-30 ta' Novembru 2005 bil-miżuri meħuda sabiex tiġi żgurata implimentazzjoni tajba ta' din id-Deċiżjoni.

(10)

Il-miżuri previsti f'din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta' l-Annimali,

a)

“Żoo” tfisser:

b)

“Għasfur suxxettibbli” tfisser kull speċi ta' għasfur li x'aktar tkun suxxettibbli għall-influwenza tat-tjur u li mhux maħsuba għall-produzzjoni ta' prodotti ta' l-annimali.

a)

l-indirizz eżatt u l-post fejn jinsabu ż-żoos fejn għandha sseħħ it-tilqima;

b)

l-identifikazzjoni u n-numru speċifiċi ta' l-għasafar suxxettibbli;

c)

l-identifikazzjoni individwali ta' l-għasafar li għandhom jitlaqqmu;

d)

it-tip ta' vaċċina li għandha tintuża, l-iskema ta' tilqim u meta għandha sseħħ.

e)

ir-raġunijiet għad-deċiżjonijiet li jiġu implimentati l-miżuri ta' tilqim;

f)

l-iskeda tat-tilqim li għandu jseħħ.