12.12.2006   

MT

Il-Ġurnal Uffiċjali ta’ l-Unjoni Ewropea

432

(1)

L-influwenza tat-tjur hija marda virali li tittieħed fit-tjur u l-għasafar, li hija kawża ta’ mortalità u ta’ disturbi li faċilment jistgħu jaslu sa proporzjonijiet epiżotiċi u li jistgħu jkunu ta' periklu serju għas-saħħa ta’ l-annimali u tal-pubbliku u jnaqqsu b’ mod konsiderevoli l-qligħ mit-trobbija tat-tjur. Hemm riskju li l-aġent tal-marda jista' jiddaħħal permezz tal-kummerċ internazzjonali fit-tjur ħajjin u fil-prodotti tat-tjur.

(2)

Fit-9 ta' Ottubru 2005, it-Turkija nnotifikat lill-Kummissjoni b'tifqigħa ta' l-influwenza tat-tjur fi stabbiliment tat-trobbija tat-tjur fil-partijiet tal-punent ta' l-Anatolja. Il-virus H5 iżolat u l-istampa klinika jirriżultaw f' suspett ta' influwenza tat-tjur b'patoġeniċità għolja sakemm ma jiġix determinat it-tip ta' neuramisa (N) u l-indiċi ta' patoġeniċità.

(3)

Importazzjonijiet mit-Turkija ta' għasafar u tjur u prodotti dderivati minn dawn l-ispeċi mhumiex awtorizzati bl-eċċezzjoni ta' għasafar ħajjin minbarra t-tjur ta' l-irziezet, rix mhux ittrattat u prodotti tal-laħam tat-tjur tar-razzett trattat bis-sħana.

(4)

Fid-dawl tar-riskju għas-saħħa ta' l-annimali ta' l-introduzzjoni ta' mard fil-Komunità, huwa għalhekk xieraq bħala miżura immedjata li l-importazzjonijiet ta' għasafar minbarra tjur ta' l-irziezet u rix mhux ittrattat mit-Turkija jiġu sospiżi temporanjament.

(5)

Id-Deċiżjoni tal-Kummissjoni 2005/432/KE (3) li tistipula l-kundizzjonijiet tas-saħħa ta' l-annimali u tas-saħħa pubblika u mudelli ta' ċertifikat għall-importazzjoni ta' prodotti tal-laħam għall-konsum mill-bniedem minn pajjiżi terzi u li tirrevoka d-Deċiżjonijiet 97/41/KE, 97/221/KE and 97/222/KE tistipula lista ta' pajjiżi terzi li minnhom l-Istati Membri jistgħu jawtorizzaw l-importazzjoni ta' prodotti tal-laħam u li tistabbilixxi reġimi ta' trattament meqjusa bħala effettivi fir-rigward ta' l-inattivazzjoni tal-patoġeni rispettivi. Bħala prevenzjoni tar-riskju tat-teħid tal-mard permezz ta' prodotti bħal dawn, trattament xieraq irid jiġi applikat skond l-istatus ta' saħħa tal-pajjiż ta' l-oriġni u l-ispeċi li l-prodott jinkiseb minnha. Għalhekk jidher li hu xieraq li importazzjonijiet ta' prodotti tal-laħam tat-tjur ta' l-irziezet li joriġinaw mit-Turkija u li jiġu ttrattati kompletament b'temperatura ta' mhux anqas minn 70 °C għandhom jibqgħu jiġu awtorizzati.

(6)

Fid-dawl ta' l-informazzjoni dwar is-sitwazzjoni tal-marda u l-miżuri ta' kontroll meħuda mill-awtoritajiet kompetenti fit-Turkija li ġew komunikati lill-Kummissjoni, id-dispożizzjonijiet ta' din id-Deċiżjoni se jiġu studjati fil-laqgħa li jmiss tal-Kumitat Permanenti għall-Katina Alimentari u s-Saħħa ta' l-Annimali.

—

“għasafar (ħajjin minbarra tjur ta' l-irziezet)” kif iddefinit fl-Artikolu 1, fit-tielet inċiż tad-Deċiżjoni 2000/666/KE (4), inklużi għasafar li huma akkumpanjati minn sidhom (għasafar domestiċi), u

—

rix u partijiet tar-rix mhux ipproċessati.