EUR-Lex Access to European Union law
This document is an excerpt from the EUR-Lex website
Document 32004R0213
Commission Regulation (EC) No 213/2004 of 5 February 2004 suspending for an additional period of six months, with regard to sugar of CN codes 1701 and 1702 imported from Serbia and Montenegro, the arrangements provided for in Council Regulation (EC) No 2007/2000 introducing exceptional trade measures for countries and territories participating in or linked to the European Union's stabilisation and association process
Ir-Regolament tal-Kummissjoni (KE) Nru 213/2004 tal-5 ta' Frar 2004 li jissospendi għal perjodu addizzjonali ta' sitt xhur, fir-rigward ta' zokkor tal-kodiċijiet NM 1701 u 1702, impurtat mis-Serbja u l-Montenegro, l-arranġamenti provduti fir-Regolament tal-Kunsill (KE) Nru 2007/2000, li jintroduċi miżuri ta' kummerċ eċċezzjonali, għal pajjiżi u territorji li jipparteċipaw jew jassoċjaw ruħhom mal-proċess ta' stabilizzazzjoni u assoċjazzjoni ta' l-Unjoni Ewropea
Ir-Regolament tal-Kummissjoni (KE) Nru 213/2004 tal-5 ta' Frar 2004 li jissospendi għal perjodu addizzjonali ta' sitt xhur, fir-rigward ta' zokkor tal-kodiċijiet NM 1701 u 1702, impurtat mis-Serbja u l-Montenegro, l-arranġamenti provduti fir-Regolament tal-Kunsill (KE) Nru 2007/2000, li jintroduċi miżuri ta' kummerċ eċċezzjonali, għal pajjiżi u territorji li jipparteċipaw jew jassoċjaw ruħhom mal-proċess ta' stabilizzazzjoni u assoċjazzjoni ta' l-Unjoni Ewropea
ĠU L 36, 7.2.2004, p. 4–5
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL)
No longer in force, Date of end of validity: 07/08/2004
Official Journal L 036 , 07/02/2004 P. 0004 - 0005
Ir-Regolament tal-Kummissjoni (KE) Nru 213/2004 tal-5 ta' Frar 2004 li jissospendi għal perjodu addizzjonali ta' sitt xhur, fir-rigward ta' zokkor tal-kodiċijiet NM 1701 u 1702, impurtat mis-Serbja u l-Montenegro, l-arranġamenti provduti fir-Regolament tal-Kunsill (KE) Nru 2007/2000, li jintroduċi miżuri ta' kummerċ eċċezzjonali, għal pajjiżi u territorji li jipparteċipaw jew jassoċjaw ruħhom mal-proċess ta' stabilizzazzjoni u assoċjazzjoni ta' l-Unjoni Ewropea IL-KUMMISSJONI TAL-KOMUNITAJIET EWROPEJ Wara li kkunsidrat it-Trattat li jistabbilixxi l-Komunità' Ewropea, Wara li kkunsidrat ir-Regolament tal-Kunsill (KE) Nru 2007/2000 tat-18 ta' Settembru 2000, li jintroduċi miżuri ta' kummerċ eċċezzjonali għal pajjizi u territorji li jipparteċipaw jew jassoċjaw ruħhom mal-proċess ta' stabilizzazzjoni u assoċjazzjoni ta' l-Unjoni Ewropea, li jemenda r-Regolament (KE) Nru 2820/98 u li jħassar ir-Regolamenti (KE) Nru 1763/1999 u (KE) Nru 6/2000 [1], partikolarment l-Artikolu 12(3) tiegħu, Billi: (1) Ir-Regolament tal-Kummissjoni (KE) Nru 764/2003 [2] jissospendi, għal perjodu ta' tlett xhur, l-arranġamenti preferenzali msemmija fir-Regolament (KE) Nru 2007/2000 għaz-zokkor tal-kodiċijiet NM 1701 u 1702 impurtat mis-Serbja u l-Montenegro. din id-deċiżjoni kienet ibbażata fuq sejbiet li saru fis-Serbja u l-Montenegro, li jgħidu illi s-sistema ta' ċertifikazzjoni u kontroll ta' l-oriġini preferenzali ta' zokkor tal-kodiċijiet NM 1701 u 1702, ma ħallietx lill-awtorijitajiet kompetenti ta' dan il-pajjiz benefiċjarju illi jivverifikaw l-istat ta' l-oriġini tal-prodotti u jipprovdi koperazzjoni amministrattiva kif meħtieġ għall-verifika tal-prova ta' l-oriġini. (2) Peress illi ma sarux tibdiliet sinifikanti fis-sitwazzjoni fis-Serbja u l-Montenegro, ir-Regolament tal-Kummissjoni (KE) Nru 1343/2003 [3] jissospendi, għal perjodu addizjonali ta' sitt xhur, l-arranġamenti preferenzali msemmija fir-Regolament (KE) Nru 2007/2000 għal zokkor tal-kodiċijiet NM 1701 u 1702 importat mis-Serbja u l-Montenegro. (3) Iż-żewg miżuri ta' sospensjoni ġew deċiżi fl-applikazzjoni tad-direttivi stipulati fl-Artikolu 12(1) tar-Regolament (KE) Nru 2007/2000. (4) L-Artikolu 12(3) tar-Regolament (KE) Nru 2007/2000 jgħid illi, fit-tmiem tal-perjodu ta' sospensjoni, il-Kummissjoni tiddeċiedi jekk ittemmx jew testendix il-miżura ta' sospensjoni. (5) Minkejja sforzi konsiderevoli mill-awtoritajiet tas-Serbja u l-Montenegro biex jirrimedjaw is-sitwazzjoni, qed jippersistu n-nuqqasijiet fis-sistema tagħhom għal ċertifikazzjoni u kontroll ta' oriġini preferenzali. (6) Il-Kummissjoni għaldaqstant tikkonsidra illi l-miżura ta' sospensjoni għandha tiġi estiża għal perjodu addizjonali ta' sitt xhur, kull fejn hu konċernat zokkor tal-Kodiċijiet 1701 u 1702 dikjarat li joriġina fis-Serbja u Montenegro, fl-applikazzjoni tal-Artikolu 12(3) tar-Regolament tal-Kunsill (KE) Nru 2007/2000. (7) Il-Kumitat tal-Kodiċi Doganali ġie infurmat b'dan, ADOTTAT DAN IR-REGOLAMENT: Artikolu 1 L-arranġamenti preferenzali msemmija fir-Regolament tal-Kunsill (KE) Nru 2007/2000 għal zokkor tal-Kodiċijiet 1701 u 1702, impurtat mis-Serbja u l-Montenegro, huma sospizi għal perjodu addizzjonali ta' sitt xhur. Artikolu 2 Dan ir-Regolament għandu jidħol fis-seħħ l-għada tal-pubblikazzjoni tiegħu fil-Ġurnal Uffiċjali ta' l-Unjoni Ewropea. Huwa applikabbli mit-8 ta' Frar 2004. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, fil-5 ta' Frar 2004. Għall-Kummissjoni Franz Fischler Membru tal-Kummissjoni [1] ĠU L 240, tat-23.9.2000, p. 1. Regolament emendat l-aħħar mir-Regolament tal-Kummissjoni (KE) Nru 607/2003 (ĠU L 86, tat-3.4.2003, p. 18). [2] ĠU L 109, 01.05.03, p. 13. [3] ĠU L 189, 29.07.03, p. 30. --------------------------------------------------