EUR-Lex Access to European Union law
This document is an excerpt from the EUR-Lex website
Document 32002R0345
Commission Regulation (EC) No 345/2002 of 25 February 2002 amending Regulation (EC) No 2461/1999 laying down detailed rules for the application of Council Regulation (EC) No 1251/1999 as regards the use of land set aside for the production of raw materials for the manufacture within the Community of products not primarily intended for human or animal consumption
Ir-Regolament tal-Kummissjoni (KE) Nru 345/2002 tal-25 ta’ Frar 2002 li jemenda r-Regolament (KE) Nru 2461/1999 li jistipula ċerti regoli dettaljati għall-applikazzjoni tar-Regolament tal-Kunsill (KE) Nru 1251/1999 fir-rigward ta’ l-użu ta’ art imwarrba apposta maħsuba għall-produzzjoni ta’ materja prima għall-manifattura fil-Komunità ta’ prodotti mhux maħsuba primarjament għall-konsum tal-bniedem jew dak ta’ l-annimali
Ir-Regolament tal-Kummissjoni (KE) Nru 345/2002 tal-25 ta’ Frar 2002 li jemenda r-Regolament (KE) Nru 2461/1999 li jistipula ċerti regoli dettaljati għall-applikazzjoni tar-Regolament tal-Kunsill (KE) Nru 1251/1999 fir-rigward ta’ l-użu ta’ art imwarrba apposta maħsuba għall-produzzjoni ta’ materja prima għall-manifattura fil-Komunità ta’ prodotti mhux maħsuba primarjament għall-konsum tal-bniedem jew dak ta’ l-annimali
ĠU L 55, 26.2.2002, p. 10–11
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL)
No longer in force, Date of end of validity: 31/12/2004
Official Journal L 055 , 26/02/2002 P. 0010 - 0011
Ir-Regolament tal-Kummissjoni (KE) Nru 345/2002 tal-25 ta’ Frar 2002 li jemenda r-Regolament (KE) Nru 2461/1999 li jistipula ċerti regoli dettaljati għall-applikazzjoni tar-Regolament tal-Kunsill (KE) Nru 1251/1999 fir-rigward ta’ l-użu ta’ art imwarrba apposta maħsuba għall-produzzjoni ta’ materja prima għall-manifattura fil-Komunità ta’ prodotti mhux maħsuba primarjament għall-konsum tal-bniedem jew dak ta’ l-annimali IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jwaqqaf il-Komunità Ewropea, Wara li kkunsidrat ir-Regolament tal-Kunsill (KEE) Nru 1251/1999 tas-17 ta’ Mejju 1999 li jwaqqaf sistema ta’ sostenn għall-produtturi ta’ ċerti wċuh tar-raba [1], kif l-aħħar emendat bir-Regolament (KE) Nru 1038/2001 [2] u b’mod partikolari l-Artikolu 9 tiegħu, Billi: (1) L-Artikolu 3(4) tar-Regolament tal-Kummissjoni (KE) Nru 2461/1999 [3], kif l-aħħar emendat bir-Regolament (KE) Nru 587/2001 [4], jippermetti lill-Istati Membri li jawtorizzaw lill-bdiewa li jipproċessaw fl-irziezet tagħhom il-materja prima maħsuda fuq art imwarrba. F’din is-sitwazzjoni fejn il-bidwi jkun kemm il-produttur u kemm dak li jipproċessa dik il-materja prima, hemm riskju ikbar ta’ frodi. Miżuri speċifiċi addizzjonali huma għalhekk meħtieġa biex jiġi żgurat monitoraġġ aktar mill-qrib ta’ l-użu li jsir mill-materja prima. (2) It-tielet subartikolu ta’ l-Artikolu 3(4) tar-Regolament (KE) Nru 2461/1999 jeħtieġ ukoll l-isnaturament ta’ ċereali u żerriegħa taż-żejt maħsuda fuq ċerti meded ta’ raba’ mwarrba fejn dawn għandhom jintużaw fuq ir-razzett bħala karburanti għat-tisħin jew biex jipproduċu enerġija jew bijo-karburanti fuq l-istess razzett. L-isnaturar huwa meħtieġ biex jiġi evitat li dawn il-prodotti jintużaw għall-konsum tal-bniedem jew ta’ l-annimali u jagħmilha possibbli li ma jkunx hemm bżonn ta’ aktar verifiki. Wara l-isnaturar, billi l-biprodotti ta’ prodotti manifatturati mhux għall-ikel ma jistgħux jintużaw aktar għall-konsum tal-bniedem jew ta’ l-annimali, b’mod partikolari fil-każ taż-żerriegħa taż-żejt, il-profitt ta’ l-uċuh taż-żerriegħa taż-żejt imkabbra fuq art imwarrba hija b’hekk imnaqqsa. (3) Biex tissewwa din il-problema, l-Istati Membri għandhom jiġu awtorizzati li jippermettu li żejt miksub miż-żerriegħa taż-żejt li għandha tiġi snaturata, b’mod illi jintroduċu arranġamenti speċifiċi għall-verifika, b’mod partikolari, li l-kwanitità sħiħa maħsuda tiġi pproċessata, li tkun twettqet il-garanzija ta’ l-ipproċessar u li l-isnaturar ikun sar. (4) L-Artikolu 9 tar-Regolament (KE) Nru 2461/1999 jeħtieġ ukoll li l-Istati Membri iwaqqfu produzzjoni rappreżentattiva għal ċerta materja prima kull sena, u li javżaw lill-applikanti b’dik il-produzzjoni qabel il-31 ta’ Lulju, u qabel il-31 ta’ Awissu fil-każ ta’ żerriegħa tal-ġirasol. Huwa diffiċili li tiġi stabbilita produzzjoni rappreżentattiva għall-qamħirrum qabel il-31 ta’ Lulju, minħabba d-data taż-żriegħ tard u l-kondizzjonijiet diffiċili tat-temp f’xi Stati Membri. L-istess data għandha għalhekk tkun tgħodd għall-qamħirrum bħal dik taż-żerriegħa tal-ġirasol. (5) Il-miżuri li għalihom jipprovdi dan ir-Regolament huma skond l-opinjoni tal-Kumitat li jimmaniġġa ċ-ċereali, ADOTTAT DAN IR-REGOLAMENT: L-Artikolu 1 Ir-Regolament (KE) Nru 2461/1999 huwa b’dan emdendat kif ġej: 1. L-Artikolu 3(4) huwa mibdul b’dan li ġej: "4. Minkejja l-paragrafi 2 u 3, l-Istati Membri jistgħu jippermettu lill-applikanti: (a) li jużaw iċ-ċereali kollha jew iż-żerriegħa taż-żejt li taqa’ fil-kodiċi NM 12010090, qabel 12050090 u 12060091 maħsuda fuq ċerta art imwarrba: (i) bħala karburanti għat-tisħin tal-bini agrikolu tagħhom, (ii) għall-produzzjoni fuq il-propjeta’ agrikola ta’ enerġija jew bijo-karburanti; (b) li jipproċessaw f’bijogass li jaqa’ taħt il-kodiċi NM 27112900, fl-irziezet tagħhom, il-materja prima kollha maħsuda f’ċerta art imwarrba. Fil-każi elenkati fl-ewwel subparagrafu, l-applikanti għandhom jintrabtu, permezz ta’ dikjarazzjoni mniżżla fil-kuntratt riferit fl-Artikolu 4, li jużaw jew jipproċessaw direttament il-materja prima koperta bid-dikjarazzjoni. B’żieda, l-applikanti għandhom ikollhom il-materja prima kollha maħsuda miżuna minn korp jew impriża nominata mill-Istat Membru u għandhom iżommu kontijiet separati għall-materja prima wżata u l-prodotti u prodotti sussidjarji li jirriżultaw mill-ipproċessar tagħha. Iżda, fejn tintuża l-pjanta kollha, l-użin jista’ jiġi mibdul b’kejl volumetriku tal-materja prima. L-Istati Membri li japplikaw l-ewwel subparagrafu għandhom jintroduċu verifiki adegwati biex jiżguraw li l-materja prima tintuża direttament fuq ir-razzett jew li tiġi proċessata f’bijogass li jaqa’ fil-kodiċi NM 27112900. Barra minn hekk ċereali u żerriegħa taż-żejt użati skond il-punt (a) għandhom jiġu snaturati skond il-metodu mniżżel mill-Istat Membru. L-Istati Membri jistgħu, iżda, jawtorizzaw li żejt prodott mill-ipproċessar ta’ żerriegħa taż-żejt skond il-punt (a)(ii) li għandha tiġi snaturata minflok iż-żerriegħa taż-żejt innifisha, basta illi dak l-isnaturar isir minnufih wara li ż-żerriegħa tiġi proċessata f’żejt u li jiġi verifikat l-użu li jsir minn dik iż-żerriegħa. Il-miżuri li għalihom jipprovdu l-ewwel, it-tieni, it-tielet u r-raba’ s-subparagrafi u kull emendi għalihom għandhom jiġu notifikati lill-Kummissjoni sat-30 ta’ Novembru tas-sena li tiġi qabel is-sena tal-ħsad li għaliha jgħoddu dawn il-miżuri. Fil-każ tas-snin kummerċjali 2001/02 u 2002/03, il-miżuri għandhom jiġu komunkati qabel il-31 ta’ Mejju 2001 u l-31 ta’ Marzu 2001, rispettivament. L-Artikoli 4 sa 21 għandhom jgħoddu mutatis mutandis." 2. L-Artikolu 9(2) huwa mibdul b’dan li ġej: "2. Fil-każ li għalih jipprovdi l-paragrafu 1(b), l-Istati Membri għandhom jagħżlu l-lokalitajiet li għandhom jintużaw biex tiġi stabbilita l-produzzjoni rappreżentattiva, iżda mhux neċessarjament ikun meħtieġ, li jkunu jikkorrispondu mar-reġjuni mniżżla fil-pjani ta’ reġjonalizzazzjoni mħejjija skond ir-Regolament (KE) Nru 1251/1999. Kull sena qabel il-ħsad, l-Istati Membri għandhom javżaw lill-applikanti konċernati b’dik il-produzzjoni rappreżentattiva, sal-: (a) 31 ta’ Lulju l-aktar tard fil-każ ta’ materja prima li tista’ tinxtara fl-intervent mhux taħt din l-iskema, bl-eċċezzjoni ta’ qamħirrum, żerriegħa tan-nevew jew tal-kolza kif riferit fil-paragrafu 1; u (b) 31 ta’ Awissu l-aktar tard fil-każ ta’ qamħirrum u żerriegħa tal-ġirasol kif riferiti fil-paragrafu 1." L-Artikolu 2 Dan ir-Regolament għandu jidħol fis-seħħ fit-tielet jum li jiġi wara l-pubblikazzjoni tiegħu fil-Ġurnal Uffiċjali tal-Komunitajiet Ewropej. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, fil-25 ta’ Frar 2002. Għall-Kummissjoni Franz Fischler Membru tal-Kummissjoni [1] ĠU L 160, tas-26.6.1999, p. 1. [2] ĠU L 145, tal-31.5.2001, p. 16. [3] ĠU L 299, ta’ l-20.11.1999, p. 16. [4] ĠU L 86, tas-27.3.2001, p. 15. --------------------------------------------------