32002D0580

Id-Deċiżjoni tal-Kunsill

tat-18 ta’ Ġunju ta’ l-2002

li temenda d-Deċiżjoni 97/788/KE dwar il-perjodu ta’ validità

(2002/580/KE)

IL-KUNSILL TA’ L-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea,

Wara li kkunsidra d-Direttiva tal-Kunsill 70/457/KEE tad-29 ta’ Settembru ta’ l-1970 dwar il-katalgu komuni tal-varjetajiet ta’ l-ispeċi ta’ pjanti agrarji [1], u b’mod partikolari l-Artikolu 21(1)(b) tagħha,

Wara li kkunsidra d-Direttiva tal-Kunsill 70/458/KEE tad-29 ta’ Settembru ta’ l-1970 dwar ir-reklamar taż-żerriegħa tal-ħaxix [2], u b’mod partikolari l-Artikolu 32(1)(b) tagħha,

Wara li kkunsidra l-proposta mill-Kummissjoni,

Billi:

(1) Id-Deċiżjoni tal-Kunsill 97/788/KE tas-17 ta’ Novembru ta’ l-1997 dwar l-ekwivalenza ta’ verifiki tal-prassi għall-manutenzjoni tal-varjetajiet magħmula f’pajjiżi terzi [3] iddeterminat li l-verifiki uffiċjali dwar il-prassi għall-manutenzjoni tal-varjetajiet maħruġa f’ċerti pajjiżi terzi joffru l-istess garanziji bħal dawk magħmula mill-Istati Membri. Dik id-Deċiżjoni skadiet fil-każ li ċerti pajjiżi terzi fit-30 ta’ Ġunju ta’ l-1999, u fil-każ ta’ pajjiżi terzi oħra tiskadi fit-30 ta’ Ġunju ta’ l-2002.

(2) Jidher li l-verifiki magħmula fil-pajjiżi terzi b’konformità mad-Deċiżjoni 97/788/KE jkomplu joffru l-istess garanziji daqs dawk magħmula mill-Istati Membri.

(3) Id-Deċiżjoni 97/788/KE għandha għalhekk tkun emendata akkont,

ADDOTTA DIN ID-DEĊIŻJONI:

L-Artikolu 1

L-Artikolu 3 tad-Deċiżjoni 97/788/KE għandu jkun sostitwit permezz tas-segwenti:

"L-Artikolu 3

Din id-Deċiżjoni għandha tapplika mill-1 ta’ Lulju ta’ l-1997 sat-30 ta’ Ġunju ta’ l-1999 u mit-18 ta’ Ġunju ta’ l-2002 sat-30 ta’ Ġunju ta’ l-2005 fil-każ tar-Repubblika tal-Korea u r-Repubblika Federali tal-Jugoslavja u mill-1 ta’ Lulju ta’ l-1997 sat-30 ta’ Ġunju ta’ l-2005 fil-każ tal-pajjiżi terzi l-oħra mniżżla fl-Anness."

L-Artikolu 2

Din id-Deċiżjoni hija ndirizzata lill-Istati Membri.

Magħmul fil-Lussemburgu, fit-18 ta’ Ġunju 2002.

Għall-Kunsill

F. Álvarez-Cascos Fernández

Il-President

[1] ĠU L 225, tat-12.10.1970, p. 1. Direttiva kif l-aħħar emendata permezz tad-Direttiva tal-Kummissjoni 2002/8/KE (ĠU L 37, tas-7.2.2002, p. 7).

[2] ĠU L 225, tat-12.10.1970, p. 7. Direttiva kif l-aħħar emendarta permezz tad-Direttiva 2002/8/KE.

[3] ĠU L 322, tal-25.11.1997, p. 39.

--------------------------------------------------