32001R0610

Ir-Regolament tal-Kummissjoni (KE) Nru 610/2001

tad-29 ta’ Marzu 2001

li jemenda Regolament (KE) Nru 708/98 fuq it-teħid ta’ ross bil-ħliefa mill-aġenziji li jintervjenu u l-iffissar ta’ l-ammonti korrettivi u ż-żidiet u t-tnaqqis fil-prezz li għandu jiġi applikat

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 3072/95 tat-22 ta’ Diċembru 1995 fuq l-organizzazjoni komuni tas-suq tar-ross [1], kif emendat l-aħħar bir-Regolament (KE) Nru 1667/2000 [2], u b’mod partikolari Artikolu 8 ta’ l-istess Regolament,

Billi:

(1) Il-kondizzjonijiet għat-teħid ta’ ross bil-ħliefa mill-aġenziji li jintervjenu ġià jeżistu fir-Regolament tal-Kummissjoni (KE) Nru 708/98 [3], kif emendat bir-Regolament (KE) Nru 691/1999 [4]. Artikolu 2 tar-Regolament jistipula l-kondizzjonijiet li taħthom ir-ross jista’ jiġi aċċettat għall-intervenzjoni u Artikolu 3 jsemmi l-kriterji applikabbli għal żidiet u tnaqqis fil-prezz, b’mod partikolari fir-rigward ta’ prodott wara l-ipproċċessar.

(2) L-esperjenza uriet f’dawn l-aħħar snin ta’ marketing li l-produzzjoni tar-ross wara l-ipproċċessar offrut għall-intervenzjoni hija ġeneralment ogħla mill-produzzjoni bażika elenkata f’Parti B ta’ Anness II tar-Regolament (KE) Nru 708/98.

(3) Sabiex jissaħħaħ is-sehem ta’ l-intervenzjoni bħala xibka ta’ lqugħ u sabiex jinkoraġġixxi l-produzzjoni ta’ ross ta’ kwalità għolja, il-kriterji għall-intervenzjoni għandhom jiġu ssikkati.

(4) L-aġġustament tal-produzzjoni wara l-ipproċċessar elenkat f’Parti B ta’ Anness II tar- Regolament (KE) Nru 708/98, flimkien ma’ kull tnaqqis fil-prezz kurrenti u t-tnaqqis ta’ tolleranzi għad-diverġenza mill-produzzjoni bażika, jidhru li huma l-aktar modi effettivi biex tiġi inkoraġġita l-produzzjoni ta’ ross ta’ kwalità għolja u, fl-istess ħin, li tiżgura l-kwalità għolja ta’ ross maħżun mill-aġenziji ta’ intervenzjoni.

(5) Il-Kumitat ta’ Ġestjoni għaċ-Ċereali ma tax l-opinjoni fiż-żmien iffissat mill-President tiegħu,

ADOTTA DAN IR-REGOLAMENT:

Artikolu 1

Ir-Regolament (KE) Nru 708/98 huwa hawnhekk emendat kif ġej:

1. It-tieni indent ta’ Artikolu 2(2) huwa sostitwit b’dan:

"– il-produzzjoni wara l-ipproċċessar m’hijiex inqas minn 7 punti taħt mill-produzzjoni bażika elenkata f’Parti B ta’ Anness II,".

2. Anness II huwa ssostitwit bl-Anness ta’ hawnhekk.

Artikolu 2

Dan ir-Regolament għandu jidħol fis-seħħ fil-ġurnata tal-pubblikazzjoni tiegħu fil-Ġurnal Uffiċjali tal-Komunitajiet Ewropej.

Għandu japplika mill-1 ta’ April 2001.

Dan ir-Regolament għandu jorbot fl-intier tiegħu u jkun direttament applikabbli f’kull Stat Membru.

Magħmul fi Brussel, fid-29 ta’ Marzu 2001.

Għall-Kummissjoni

Franz Fischler

Membru tal-Kummissjoni

[1] ĠU L 329, tat-30.12.1995, p. 18.

[2] ĠU L 193, tad-29.7.2000, p. 3.

[3] ĠU L 98, tal-31.3.1998, p. 21.

[4] ĠU L 87, tal-31.3.1999, p. 8.

--------------------------------------------------

ANNESS

ANNESS II

A. Żidiet u tnaqqis fil-prezzijiet relatati mal-produzzjoni wara l-ipproċċessar

Produzzjoni minn ross bil-ħliefa fl-għamla ta' qmuħ sħaħ ta' ross mitħun | Żidiet u tnaqqis fil-prezz għal kull unità ta' produzzjoni |

Aktar mill-produzzjoni bażika | Żieda fil-press ta' 0,75 % |

Inqas mill-produzzjoni bażika | Tnaqqis fil-prezz ta' 1 % |

Produzzjoni sħiħa mir-ross bil-ħliefa fil-forma ta’ ross mitħun | Żieda u tnaqqis fil-prezz għal kull unità ta’ prodott |

Aktar mill-produzzjoni bażika | Żieda fil-press ta’0,60 % |

Anqas mill-produzzjoni bażika | Tnaqqis fil-prezz ta’ 0,80 % |

B. Produzzjoni bażika wara l-ipproċċessar

Deskrizzjoni tal-kwalità tar-ross | Produzzjoni tal-qmuħ sħaħ (%) | Produzzjoni totali (%) |

Carillon | 66 | 70 |

Argo, Selenio, Couachi | 65 | 72 |

Alpe, Arco, Balilla, Balilla GG, Balilla Sollana, Bomba, Bombon, Colina, Elio, Flipper, Frances, Lido, Riso, Matusaka, Monticili, Pegoni, Sara, Strella, Thainato, Thaiperla, Ticinese, Veta, Leda, Mareny, Clot, Albada, Guadiamar | 64 | 72 |

Ispaniko A, Makedonia | 63 | 72 |

Bravo, Europa, Loto, Riva, Rosa Marchetti, Savio, Veneria | 62 | 71 |

Tolima | 62 | 70 |

Inka | 62 | 69 |

Arôme | 61 | 72 |

Alfa, Ariete, Bahija, Karola, Ċigalon, Corallo, Kripto, Kristal, Drago, Eolo, Ġirona, Gladio, Graldo, l-Indjo, Italico, Jucar, Koral, Lago, Lemont, Mercurio, Miara, Molo, Navile, Niva, Onda, Padano, Panda, Pierina, Marketti, Ribe, Ringo, Rio S. Andrea, Saturno, Senia, Sequial, Smeraldo, Star, Stirpe, Vela, Vitro, Kalca, Dion, Zeus | 61 | 71 |

Strymonas | 61 | 70 |

Anseatiko, Arlesienne, Baldo, Belgioioso, Betis, Euribe, Italpatna, Marathon, Redi, Ribello, Rizzotto, Rocca, Roma, romanico, Romeo, Tebre, Volano | 60 | 71 |

Bonnet Bell, Rita, Silla, Thaibonnet, L 202, Puntal | 59 | 71 |

Evropi, Melas | 59 | 69 |

Arborio, Arlatan, Blue Belle, Blue Belle "E", Blue Bonnet, Calendal, Razza 82, Rea | 57 | 71 |

Cesariot, Maratelli, Precoce Rossi | 57 | 69 |

Carnaroli, Elba, Vialone Nano | 56 | 71 |

Delta | 56 | 69 |

Axios | 56 | 66 |

Roxani | 56 | 65 |

Irat 348, Mana | 46 | 66 |

Pygmalion | 51 | 70 |

Varjetajiet mhux speċifikati | 63 | 71 |

--------------------------------------------------