32001R0590

Ir-Regolament tal-Kummissjoni (KE) Nru 590/2001

tas-26 ta’ Marzu 2001

li jidderoga minn u jemenda r-Regolament (KE) Nru 562/2000 li jistabbilixxi ċerti regoli ddettaljati sabiex jiġi applikat ir-Regolament tal-Kunsill (KE) Nru 1254/1999 rigward ix-xiri għall-ħażna tal-laħam taċ-ċanga

IL-KUMMISJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 1254/1999 tas-17 ta’ Mejju 1999 dwar l-organizzazzjoni komuni tas-suq fil-laħam taċ-ċanga u l-vitella [1], u b’mod partikolari Artikolu 38(2) u Artikolu 47(8) tiegħu,

Billi:

(1) L-avvenimenti riċenti li jinvolvu l-enċefalopatija sponġiforma ta’ l-ifrat (BSE) ħolqu telf serju fil-fiduċja tal-konsumatur dwar is-sigurezza tal-laħam taċ-ċanga u tal-vitella. Dan wassal għal tnaqqis qawwi fil-konsum tal-laħam taċ-ċanga u tnaqqis sinifikanti fil-prezzijiet, li jistgħu jdumu għal xi żmien. B’riżultat ta’ dan, is-suq fil-laħam taċ-ċanga u l-vitella huwa mfixkel serjament u hemm ir-riskju li jista’ jikkollassa għal kollox.

(2) Minħabba is-sitwazzjoni tas-suq imfissra hawn fuq u biex tittejjeb l-effettività tal-miżuri li jridu jittieħdu, għandhom jiġu aċċettati prodotti addizzjonali għall-intervent, kif ipprovvdut bir-Regolament tal-Kummissjoni (KE) Nru 562/2000 tal-15 ta’ Marzu 2000 li jistabbilixxi regoli sabiex jiġi applikat ir-Regolament tal-Kunsill (KE) Nru 1254/1999 rigward ix-xiri għall-ħażna tal-laħam taċ-ċanga [2], kif l-aħħar emendat bir-Regolament (KE) Nru 503/2000 [3], il-karkassi tal-bhejjem li jaqbżu l-piż massimu permess bħal issa u li kellhom jinżammu għal perjodu itwal minn dak normali minħabba d-domanda baxxa għandhom jiġu aċċettati u, finalment, iż-żieda li trid tiġi applikata għall-prezz medju fis-suq sabiex jiġi kkalkolat il-prezz massimu tax-xiri għall-ħażna għandu jiġi aġġustat temporanjament sabiex jitqiesu, b’mod partikolari, in-nefqa miżjuda u d-dħul imnaqqas fis-settur.

(3) Ir-Regolament tal-Kummissjoni (KE) Nru 716/96 tad-19 ta’ April 1996 li jadotta miżuri eċċezzjonali ta’ appoġġ għas-suq tal-laħam taċ-ċanga fir-Renju Unit [4], kif l-aħħar emendat bir-Regolament (KE) Nru 1176/2000 [5], li adotta miżuri speċjali rigward il-bhejjem tal-fart imkabbra fir-Renju Unit u li għandhom aktar minn 30 xahar għomor. Dawn il-miżuri jinkludu l-qatla u l-qerda sossegwenti ta’ dawn il-bhejjem. Il-bhejjem kastrati mir-Renju Unit li jaqbżu dan il-għomor mhumiex għalhekk eliġibbli għall-intervent pubbliku. Barra minn hekk, id-Deċiżjoni tal-Kummissjoni 2000/764/KE [6], kif l-aħħaremendata bid-Deċiżjoni 2001/8/KE [7] dwar it-testjar tal-bhejjem tal-fart għall-preżenza ta’ l-enċefalopatija sponġiforma tal-frat, tistabbilixxi illi l-bhejjem tal-fart kollha li għandhom aktar minn għomor ta’ 30 xahar bla ħsara għall-qatla normali għall-konsum mill-bniedem iridu jiġu eżaminati b’wieħed mit-testijiet imħaffa approvati elenkati f’Anness IVa mad-Deċiżjoni tal-Kummissjoni 98/272/KE [8] l-aktar tard mill-1 ta’ Lulju 2001. Il-bhejjem li ma jkunux ġew soġġetti għal dawn it-testijiet ma għandhomx għalhekk jiġu aċċettati għall-intervent pubbliku bil-ħsieb tad-disponiment sossegwenti fis-suq.

(4) Sabiex tippermetti lill-intervent li jkollu rwol sħiħ meta ffaċċjat b’din is-sitwazzjoni serja, l-aċettazzjoni għall-intervent tal-kwarti ta’ quddiem għandha wkoll tiġi awtorizzata, bil-prezz jinħareġ mill-prezz tal-karkassa.

(5) Artikoli 10 u 16 tar-Regolament (KE) Nru 562/2000 jiddefinixxi l-perjodi taż-żmien sabiex jiġu ssottomessi l-offerti u għall-kunsinna rispettivament. Minħabba d-dati li fihom jiġu l-btajjel pubbliċi fit-tieni kwart tas-sena 2001, għal raġunijiet prattiċi għandhom jiġu mibdula d-dati tal-għeluq għas-sottomissjoni ta’ l-offerti fit-tieni kwart tas-sena u għall-kunsinna ta’ l-aħħar proċedura ta’ l-offerti fl-ewwel kwart tas-sena 2001.

(6) Sabiex jiġi ttrattat id-disburb miżjud tas-suq li jista’ jirriżulta mid-dħul fis-suq ta’ numru ta’ bhejjem maskili tal-ħażna li joriġina fil-Komunità, li jkunu nżammu fuq l-azjendi tagħhom ta’ l-oriġini minħabba n-nuqqas tad-domanda u li għalihom dawn l-azjendi ma’ jkollhomx aktar għalf, għandhom jiġu adottati l-miżuri meħtieġa ta’ appoġġ skond Artikolu 38 tar-Regolament (KE) Nru 1254/1999 u li jiġi permess ix-xiri għall-ħażna tal-karkassi ta’ dawn il-bhejjem. Barra minn hekk, sabiex jiġi evitat ix-xiri għall-ħażna tal-bhejjem li jkunu kważi lesti għas-suq, għandu jitqiegħed limitu fuq il-piż tal-karkassi eliġibbli skond dawn l-arranġamenti. Ġaladarba l- bhejjem tal-fart tar-razez elenkati f’Anness I mar-Regolament tal-Kummissjoni (KE) 2342/1999 tat-28 ta’ October 1999 li jistabbilixxi regoli ddettaljati sabiex jiġi applikat ir-Regolament tal-Kunsill (KE) Nru 1254/1999 dwar l-organizzazzjoni komuni tas-suq fil-laħam taċ-ċanga u l-vitella rigward l-iskemi tal-premiums [9], kif l-aħħar emendat bir-Regolament (KE) Nru 192/2001 [10], ma jitqesux li jappartjienu għal razza ta’ bhejjem tal-laħam, ma għandhomx ikunu eliġibbli għal dan it-tip ta’ intervent. Sabiex jiġi evitat illi tingħata għajnuna doppja, għandu jiġi introdott mekkaniżmu fejn il-ħlas tal-prezz tax-xiri għall-ħażna jsir bil-kondizzjoni li l-produttur ma jkunx applika għall-premium speċjali riferit f’Artikolu 4 tar-Regolament (KE) Nru 1254/1999 rigward il-bhima interessata. Finalment, huma meħtieġa wkoll aktar żidiet ma’ l-iskema normali ta’ l-intervent kif stabbiliti bir-Regolament (KE) Nru 1254/1999 jew derogi minnha.

(7) Artikolu 20 tar-Regolament (KE) Nru 562/2000 jawtorizza lill-Istati Membri li jneħħu l-għadam mill-laħam kollu jew minn parti minnu mixtri għall-ħażna. Minħabba l-kriżi korrenti, il-ħtieġa li jitneħħa l-għadam mill-laħam kollu tista’ tgħin biex jitbattal l-ispażju għall-ħażna meħtieġ sabiex ilaħħaq mal-volumi kbar tal-laħam taċ-ċanga li x’aktarx jinxtraw għall-ħażna, u jista’ jgħin id-disponiment sossegwenti tal-laħam. Artikolu 20 imsemmi għandu għalhekk jiġi emendat kif jixraq, waqt li jingħata żmien biżżejjed lill-Istati Membru sabiex jintroduċu l-miżura.

(8) B’konsegwenza ta’ dan, għandu jkun hemm deroga mir-Regolament (KE) Nru 562/2000 jew għandu jiġi emendat.

(9) Il-Kumitat Maniġerjali tal-Laħam taċ-¬anga u l-Vitella ma tax opinjoni fil-limitu taż-żmien iffissat mill-President tiegħu,

ADDOTTAT DAN IR-REGOLAMENT:

Artikolu 1

1. Minkejja Artikolu 4(1) tar-Regolament (KE) Nru 562/2000, il-prodotti addizzjonali li jistgħu jinxtraw għall-ħażna għall-intervent għandhom ikunu kif ġej:

- il-kategorija A, il-klassi O2 l-u klassi O3,

- l-Irlanda il-kategorija Ċ, il-klassi O4,

- ir-Renju Unit - l-Irlanda ta’ Fuq: il-kategorija Ċ, il-klassi O4,

2. B’deroga mill-Artikolu 4(2) tar-Regolament (KEC) Nru 562/2000 jew b’żieda miegħu:

(a) Dan li ġej ma għandux jixtara għall-ħażna għall-intervent:

(i) il-karkassi u n-nofs karkassi tal-bhejjem ikkastrati mkabbra fir-Renju Unit li għandhom aktar minn 30 xahar għomor;

(ii) fl-Istati Membri l-oħra, il-karkassi u n-nofs karkassi ta’ bhejjem ikkastrati li għandhom aktar minn 30 xahar għomor u li ma jkunux ġew issoġġettati għal wieħed mit-testijiet imħaffa approvati elenkati f’Anness IVa mad-Deċiżjoni 98/272/KE;

(b) il-kwarti ta’ quddiem b’ħames kustilji miksuba billi tintuża qatgħa dritta mill-karkassi jew in-nofs karkassi riferiti f’Artikolu 4(2) tar-Regolament (KE) Nru 562/2000; il-prezz tal-kwarti ta’ quddiem għandu jiġi kkalkolat billi jiġi applikat il-koeffiċjent ta’ 0,80 mal-prezz tal- karkassi.

3. Minkejja Artikolu 4(2)(g) tar-Regolament (KE) Nru 562/2000, għat-tieni kwart tas-sena 2001, il-piż massimu tal-karkassi riferit fih għandu jkun ta’:

- 430 kg għall-ewwel żewġ proċeduri ta’ l-offerti,

- 410 kg għat-tielet u r-raba’ proċeduri ta’ l-offerti,

- 390 kg għall-aħħar żewġ proċeduri ta’ l-offerti.

4. Minkejja l-ewwel sentenza ta’ Artikolu 10 tar-Regolament (KE) Nru 562/2000, il-limitu taż-żmien sabiex jiġu ssottomessi l-offerti fit-tieni kwart tas-sena 2001 għandu jkun nofsinhar (ħin ta’ Brusel) tad-dati li ġejjin:

- is-17 ta’ April,

- l-1, il-15 u d-29 ta’ Mejju,

- it-12 u s-26 ta’ Ġunju.

5. Minkejja Artikolu 16(2) tar-Regolament (KE) Nru 562/2000, il-perjodu tal-kunsinna għall-aħħar proċedura ta’ l-offerti f’Marzu 2001 għandu jintemm fil-21 ta’ April 2001.

6. Minkejja Artikolu 36 tar-Regolament (KE) Nru 562/2000:

(a) fil-każ ta’ sejħa għall-offerti skond Artikolu 47(3) tar-Regolament (KE) Nru 1254/1999, l-ammont li jrid jiżdied mal-prezz medju tas-suq għandu jkun ta’ 14 Ewro għal kull 100 kg piż tal-karkassa;

(b) fil-każ tas-sejħiet għall-offerti skond Artikolu 47(5) tar-Regolament (KE) Nru 1254/1999, l-ammont li għandu jiżdied mal-prezz medju tas-suq għandu jkun ta’ 7 Ewro għal kull 100 kg piż tal-karkassa;

7. Ix-xiri għall-ħażna skond ir-Regolament (KE) Nru 562/2000 u dan ir-Regolament għandu wkoll ikun miftuħ għall-karkassi u n-nofs karkassi tal-bhejjem maskili ta’ oriġini Komunitarju taħt il-għomor ta’ 12-il xahar fil-kategorija A u taħt il-għomor ta’ 4-il xahar fil-kategorija Ċ.

F’dan il-każ:

- il-bhejjem għandhom ikunu tar-razez mhux elenkati f’Anness I mar-Regolament (KE) Nru 2342/1999,

- il-piż tal-karkassa għandu jkun bejn il-140 u l-200 kg u l-karkassi ma għandu jkollhom l-ebda deformità jew anomalija fil-piż vis-a-vis il-għomor tal-bhima,

- meta l-karkassi u n-nofs karkassi ppreżentati għall-intervent ikunu ta’ bhejjem li jkollhom mill-anqas il-għomor ta’ 9 xhur, il-prezz tax-xiri għall-ħażna li għandu jitħallas lil min jirbaħ l-offerta għandu jitnaqqas bi 68 Ewro għal kull nofs karkassa kkunsinnata. Madankollu, meta tiġi pprovvduta prova li ma tkun saret l-ebda applikazzjoni għall-premium speċjali dwar il-bhima interessata, dan it-tnaqqis ma għandux jiġi applikat,

- il-prezz offrut għandu jkun mingħajr referenza għall-kwalità tal-prodott,

- Artikolu 13(3) tar-Regolament (KE) Nru 562/2000 għandu japplika għax-xiri għall-ħażna kif riferit f’dan l-Artikolu. Madankollu, il-koeffiċjent stabbilit jista’ jkun differenti minn dawk stabbiliti skond dan l-Artikolu fil-każ tax-xiri għall-ħażna ta’ prodotti oħra

- id-dispożizzjonijiet li ġejjin tar-Regolament (KE) Nru 562/2000 ma għandhomx japplikaw;

(a) Artikolu 4(3)(b) u (ċ), bl-eċċezzjoni ta’ dawk li jirrigwardaw il-għoti tal-marki li jindikaw il-kategorija u n-numru tal-qatla;

(b) Artikolu 18(3);

(ċ) Artikolu 20 fil-każ tal-bhejjem li jkollhom anqas minn 12-il xahar għomor;

(d) Artikolu 36;

(e) it-tagħrif f’Anness II li għandu x’jaqsam mal-klassifika tal-prodotti.

Barra minn dan, rigward il-prodotti mixtrija skond dan l-Artikolu:

- minkejja Artikolu 11(5)(a) tar-Regolament (KE) Nru 562/2000, l-offerti għandhom mill-inqas ikollhom x’jaqsmu ma’ 5 tunellati metriċi,

- meta jinnotifikaw l-offerti lill-Kummissjoni, l-aġenziji ta’ l-intervent iridu jispeċifikaw il-kwantitajiet interessati,

- dawn il-prodotti għandhom jinħażnu separatament, skond il-proċedura ta’ l-offerta jew skond ix-xahar tal-ħażna, f’lottijiet li jkunu jistgħu jiġu identifikati faċilment,

- in-notifiki provduti f’Artikolu 31(1), (2), (3) u (4) tar-Regolament (KE) Nru 562/2000 għandhom jintbagħtu separatament minn dawk meħtieġa għal prodotti oħra ta’ l-intervent.

Artikolu 2

Artikolu 20 tar-Regolament (KE) Nru 562/90 jiġi mibdul b’dan li ġej:

"Artikolu 20

Il-Ħtieġa tat-tneħħija tal-għadam

L-aġenziji ta’ l-intervent għandu jkollhom il-laħam kollu mixtri għall-ħażna bil-għadam imneħħi."

Artikolu 3

Dan ir-Regolament għandu jidħol fis-seħħ fil-jum tal-publikazzjoni tiegħu fil-Ġurnal Uffiċjali tal-Komunitajiet Ewropej.

L-Artikolu 1 għandu japplika għall-proċeduri ta’ l-offerti miftuħa matul it-tieni kwart tas-sena 2001. Iżda, il-punt 5 għandu japplika għall-aħħar proċedura ta’ l-offerta miftuħa f’Marzu 2001.

Artikolu 2 għandu jibda japplika mill-1 ta’ Lulju 2001.

Dan ir-Regolament għandu jkun jorbot fl-intier tiegħu u japplika direttament fl-Istati Membri kollha.

Magħmul fi Brussel, fis-26 ta’ Marzu 2001.

Għall-Kummissjoni

Franz Fischler

Membru tal-Kummissjoni

[1] ĠU L 160, tas-26.6.1999, p. 21.

[2] ĠU L 68, tas-16.3.2000, p. 22.

[3] ĠU L 73, tal-15.3.2001, p. 16.

[4] ĠU L 99, tal-20.4.1996, p. 14.

[5] ĠU L 131, ta’ l-1.6.2000, p. 37.

[6] ĠU L 305, tas-6.12.2000, p. 35.

[7] ĠU L 2, tal-5.1.2001, p. 28.

[8] ĠU L 122, ta’ l-24.4.1998, p. 59.

[9] ĠU L 281, ta’ l-4.11.1999, p. 30.

[10] ĠU L 29, tal-31.1.2001, p. 27.

--------------------------------------------------