This document is an excerpt from the EUR-Lex website
Document 31997R1365
Commission Regulation (EC) No 1365/97 of 16 July 1997 amending Regulation (EC) No 716/96 adopting exceptional support measures for the beef market in the United Kingdom
Ir-Regolament tal-Kummissjoni (KE) Nru 1365/97 tas-16 ta’ Lulju 1997 li jemenda r-Regolament (KE) Nru 716/96 li jadotta miżuri ta’ sostenn eċċezzjonali għas-suq taċ-ċanga fir-Renju Unit
Ir-Regolament tal-Kummissjoni (KE) Nru 1365/97 tas-16 ta’ Lulju 1997 li jemenda r-Regolament (KE) Nru 716/96 li jadotta miżuri ta’ sostenn eċċezzjonali għas-suq taċ-ċanga fir-Renju Unit
ĠU L 188, 17.7.1997, p. 6–7
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
No longer in force, Date of end of validity: 12/03/2014
Official Journal L 188 , 17/07/1997 P. 0006 - 0007
Ir-Regolament tal-Kummissjoni (KE) Nru 1365/97 tas-16 ta’ Lulju 1997 li jemenda r-Regolament (KE) Nru 716/96 li jadotta miżuri ta’ sostenn eċċezzjonali għas-suq taċ-ċanga fir-Renju Unit IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunitajiet Ewropej, Wara li kkunsidrat ir-Regolament tal-Kunsill (KEE) Nru 805/68 tas-27 ta’ Ġunju 1968 fuq l-organizzazzjoni komuni tas-suq taċ-ċanga u l-vitella [1], kif l-aħħar emendat bir-Regolament (KE) Nru 2222/96 [2], u partikolarment l-Artikolu 23 tiegħu, Billi r-Regolament tal-Kummissjoni (KE) Nru 716/96 [3], kif l-aħħar emendat bir-Regolament (KE) Nru 2423/96 [4], li jipprovdi għall-miżuri ta’ sostenn eċċezzjonali għas-suq taċ-ċanga fir-Renju Unit, partikolarment billi jħallu li produtturi jitħallsu ECU 0,9 kull kilogramm ta’ piż meta l-annimal ikun ħaj għall-annimali maqtula taħt il-programm introdott bir-Regolament; u fejn, fid-dawl ta’ bidliet ta’ prezzijiet fis-suq tar-Renju Unit, dak l-ammont irid ikun aġġustat għall-baqar, u piż massimu irid ikun stabbilit għall-annimali li jikkwalifikaw għall-arrangamenti kkonċernati; u fejn il-piż massimu jrid jiġi stabbilit fid-dawl tal-piż medju tal-baqar; u fejn, għalhekk, il-kontribuzzjoni tal-Komunità f’ecu għal kull annimal irid ikun aġġustat; Billi l-Kumitat ta’ Ġestjoni għaċ-Ċanga u l-Vitella ma tax opinjoni fiż-żmien stipulat mill-President tiegħu, ADOTTAT DAN IR-REGOLAMENT: Artikolu 1 L-Artikolu 2 tar-Regolament (KE) Nru 716/96 huwa mibdul b’dan li ġej: "Artikolu 2 1. Il-prezz li jrid jitħallas lill-produtturi jew lill-aġenti mill-awtorità kompetenti tar-Renju Unit skond l-Artikolu 1(1) għandu jkun: - ECU 0,8 kull kilogramma piż kull annimal ħaj għall-baqar, - ECU 0,9 kull kilogramma piż kull annimal ħaj għall-annimali oħrajn. L-ebda pagament ma jingħata għall-piż iżjed minn 560 kilogrammi ta’ piż kull annimal ħaj, ikkalkulat fejn neċessarju billi jintuzaw il-koeffiċjenti msemmijin fil-paragrafu 2. 2. Billi huwa neċessarju li l-annimal kkonċernat jintiżen wara li jinqatel, biex b’hekk jiġi kkalkulat x’kien se jkun il-piż ta’ l-annimal ħaj, il-piż ta’ l-annimal mejjet wara li jitneħħew id-demm u l-ġilda, ir-ras, is-saqajn u l-interjuri għandu jiġi mmultiplikat b’ koefficjent ta’: - 2 fil-każ tal-baqar, - 1,70 fil-każ ta’ kull annimal ieħor. 3. Il-Komunità se tħallas parti milli ntefaq mir-Renju Unit għax-xiri msemmijin taħt l-Artikolu 1(1) b’rata ta’ ECU 291 kull ras fil-każ tal-baqar u ECU 328 kull ras fil-każ ta’ annimal ieħor li mhux baqra għal kull annimal li jinxtara li jiġi distrutt skond id-disposizzjonijiet ta’ l-Artikolu 1. Iżda ammont ekwivalenti għal 80 % tal-kontribut tal-Komunità se jiġi avvanzat u dan jitħallas wara li l-annimal ikkonċernat ikun ġie meqrud b’mod konformi ma’ l-Artikolu 1(2). 4. Jekk ix-xiri msemmi fl-Artikolu 1(1) jinvolvi annimal ta’ l-ifrat maskil ikkastrat, il-pagament tal-prezz sħiħ imsemmi fil-‘paragrafu 1 għandu jittieħed bil-kondizzjoni li ebda applikazzjoni għall-primjum ta’ deseasonalization kif imsemmi fl-Artikolu 4ċ tar-Regolament (KEE) Nru 805/68 ma jkun sar għall-annimal li kien mibjugħ. Il-produttur jew l-aġent irid jara li jkun ċert li dan il-primjum ma jkunx mitlub għall-annimal imsemmi. Jekk din l-obbligazzjoni ma tkunx mogħtija, l-ammont tal-prezz li jrid jkun imħallas skond il-paragrafu 1 għall-annimal imsemmi għandu jkun imnaqqas b’ammont ekwivalenti għall-ammont applikabbli tal-primjum ta’ deseasonalization. Jekk applikazzjoni għal dan il-primjum hi ppreżentata għal dan l-annimal, il-produttur ikkonċernat huwa obbligat jirrifondi mill-prezz li rrċieva għall-annimal ammont ekwivalenti għall-primjum applikabbli ta’ deseasonalization. F’dawn iż-żewġ każi, ir-rata tal-kontribut tal-Komunità li hemm ipprovdut fil-paragrafu 3 għandu jitnaqqas b’ammont ekwivalenti għall-primjum applikabbli ta’ deseasonalization. 5. Ir-rata ta’ tisrif li trid tapplika se tkun ir-rata ta’ agrikoltura valida fl-ewwel jum tax-xahar li fih l-annimal imsemmi ġie mixtri." Artikolu 2 Dan ir-Regolament jidħol fis-seħħ fit-tielet jum wara l-pubblikazzjoni tiegħu fil-Ġurnal Uffiċjali tal-Komunitajiet Ewropej. Ikun japplika għall-annimali li nxtraw mill-4 ta’ Awissu 1997. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, fis-16 ta’ Lulju 1997. Għall-Kummissjoni Franz Fischler Membru tal-Kummissjoni [1] ĠU L 148, tat-28.6.1968, p. 24. [2] ĠU L 296, tal-21.11.1996, p. 50. [3] ĠU L 99, ta’ l-20.4.1996, p. 14. [4] ĠU L 329, tad-19.12.1996, p. 43. --------------------------------------------------