31997R1239

Ir-Regolament tal-Kummissjoni (KEE) Nru 1239/97

tat-30 ta’ Ġunju 1997

li jemenda Regolament (KEE) Nru 700/88 li jistabbilixi regoli dettaljati għall-applikazzjoni ta’ l-arranġamenti ta’ l-importazzjoni fil-Komunità ta’ ċerti prodotti florikulturali ġejjin minn Ċipru, l-Iżrael, il-Ġordan u l-Marokk

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunitajiet Ewropej,

Wara li kkunsidrat ir-Regolament tal-Kunsill (KEE) Nru 4088/87 tal-21 ta’ Diċembru 1987 li jagħmel kundizzjonijiet għall-applikazzjoni ta’ dazji tad-dwana preferenzjali fuq importazzjoni ta’ ċerti fjuri li ġejjin minn Ċipru, l-Israel, il-Ġordan, il-Marokk, ix-Xatt tal-Punent u l-Medda ta’Gaża [1], kif l-aħħar emendat bir-Regolament (KEE) Nru 539/96 [2], u partikolarment l-Artikolu 5(1) tiegħu,

Billi r-Regolament (KE) Nru 539/96 jestendi t-trattament preferenzjali stabbilit bir-Regolament (KEE) Nru 4088/87 biex jaqtgħu l-fjuri li ġejjin mix-Xatt tal-Punent u l-Medda ta’ Gaża; billi r-regoli dettaljati li adotta bir- Regolament tal-Kummissjoni (KEE) Nru 700/88 tas-17 ta’ Marzu 1988 [3], kif emendat bir- Regolament (KEE) Nru 2917/93 [4], li għandu jkun emendat skond dan;

Billi l-Ġermanja żviluppat swieq ta’ importazzjoni li jistgħu jkunu kkunsidrati bħala rappreżentattivi biex tapplika l-Artikolu 2(1) tar-Regolament (KEE) Nru 4088/87, transazzjonijiet sinifikanti tal-kummerċ li jiġu minn dawn is-swieq u kwotazzjonijiet ta’ prezzijiet u kwantitajiet li hemm disponibbli kuljum; billi dawk is-swieq iridu jiżdiedu mal-lista fl-Artikolu 2 tar-Regolament (KEE) Nru 700/88;

Billi l-prezzijiet tal-produtturi tal-Komunità huma kkalkulati fuq il-bażi tal-prezzijiet ta’ kuljum irreġistrati fuq kull suq ta’ produtturi rappreżentattivi għal kull varjetà pilota, i.e. il-varjetajiet li huma negozjati l-aktar; billi xi wħud mill-varjetajiet tilfu s-sinifikat ta’ kummerċ ta’ qabel u ġew mibdula b’oħrajn; billi l-Anness I tar-Regolament (KEE) Nru 700/88 irid jiġi aġġornat; billi l-Anness II hu għall-informazzjoni biss; għalhekk m’hemmx bżonn li jinżamm fir-Regolament;

Billi l-miżuri pprovduti f’dan ir-Regolament huma skond l-opinjoni tal-Kumitat ta’ Ġestjoni għall-Pjanti Ħajjin,

ADOTTAT DAN IR-REGOLAMENT:

Artikolu 1

Ir-Regolament (KEE) Nru 700/88 huwa emendat b’dan li ġej:

1. It-titolu huwa mibdul bi:

"Regolament tal-Kummissjoni (KEE) Nru 700/88 tas-17 ta’ Marzu 1988 li jistipula r-regoli dettaljati għall-applikazzjoni ta’ arranġamenti għall-importazzjoni fil-Komunità ta’ ċerti prodotti tal-florikultura li ġejjin minn Ċipru, l-Israel, il-Ġordan, il-Marokk, ix-Xatt tal-Punent u l-Medda ta’ Gaża."

2. L-Artikolu 1 huwa mibdul b’dan li ġej:

"Artikolu 1

Għal kull wieħed mill-erba’ prodotti, qronfol uniflorous (bloom) u qronfol multiflorous (spray), ward bil-fjuri kbar u ward bil-fjuri żgħar, imsemmijin fl-Artikolu 1 tar-Regolament (KEE) Nru 4088/87, il-prezzijiet tal-produtturi tal-Komunità jiġu stabbiliti għall-perjodi ta’ ġimagħtejn konsekuttivi b’riferenza għall-prezzijiet ta’ kuljum irreġistrati f’kull suq ta’ produtturi rappreżentattivi ta’ kull wieħed mill-varjetà pilota li hemm fl-Anness. Varjetajiet pilota għandhom jittieħdu bħala dawk il-varjetajiet li huma mibjugħa fl-akbar kwantitajiet fis-swieq imsemmijin hawn fuq. Rigward qronfol uniflorous (bloom) u qronfol multiflorous (spray), il-prezzijiet tal-produtturi tal-Komunità jridu jiġu stabbiliti għat-tipi ta’ bloom u spray, rispettivament.

Il-prezzijiet ta’ kuljum għall-varjetajiet pilota msemmijin fl-ewwel paragrafu għandhom jiġu rreġistrati għall-prodotti ta’ kwalità Klassi I, iddefinit wara l-Artikolu 3 tar-Regolament tal-Kunsill (KEE) Nru 234/68 (2), mingħajr ma jingħata każ tal-kodiċi tat-tul; l-ispejjeż għal dak li għandu x’jaqsam mal-preżentazzjoni tal-prodotti għandhom ikunu inklużi fil-prezz irreġistrat.

Biex jiġu stabbiliti l-prezzijiet tal-produtturi tal-Komunità, ma għandux jingħata każ tal-prezzijiet ta’ kuljum jekk fuq suq rappreżentattiv ikunu 40 % jew aktar jew inqas mill-prezz medju rreġistrat fl-istess perjodu fuq l-istess suq fuq it-tliet snin ta’ qabel. It-tisrif f’ecus tal-prezzijiet kkommunikati mill-Istati Membri għandu jsir bir-rata ta’ tisrif agrikolu applikabbli fl-aħħar jum tal-perjodu kkonċernat ta’ ġimagħtejn."

3. L-Artikolu 2 huwa mibdul b’dan li ġej:

"Artikolu 2

Is-swieq tal-produttur rappreżentattiv imsemmi fl-Artikolu 3(2) tar-Regolament (KEE) Nru 4088/87 għandu jkun bħal li ġej:

—Il-Ġermanja: | Neuss, |

—Franza: | Hyeres, Rungis, Regjun Val-de-Loire-Bretagne, |

—Spanja: | Barċellona, Murica, |

—L-Italja: | Pescia, San Remo, |

—In-Nederlands: | Alsmeer, Veiling Olanda." |

4. L-Artikolu 3 huwa mibdul b’dan li ġej:

"Artikolu 3

Is-swieq ta’ importazzjoni rappreżentattivi msemmijin fl-Artikolu 2 tar-Regolament (KEE) Nru 4088/87 ġħandhom ikunu:

—Il- Ġermanja: | Koln, Neuss, Frankfurt-am-Main, Straelen, |

—Franza: | Rungis, |

—In-Nederlands: | Aalsmeer, Veiling Olanda, |

—Ir-Renju Unit: | Covent Garden. |

Swieq ta’ importazzjoni li fihom isiru transazzjonijiet sinifikanti li jinvolvu wieħed mill-prodotti u hemm irreġistrat wieħed mill-postijiet ta’ oriġini msemmi huma kkunsidrati bħala rappreżentattivi."

5. L-Artikolu 4 huwa mibdul b’dan li ġej:

"Artikolu 4

Kull suq ta’ importazzjoni rappreżentattiv ta’ kull wieħed mill-erba’ prodotti msemmijin fl-Artikolu 1, u għal kull wieħed mill-postijiet ta’ origini li ġejjin: Ċipru, l-Israel, il-Ġordan, il-Marokk, ix-Xatt tal-Punent u l-Medda ta’Gaża, prezzijiet għall-prodotti importati għandhom ikunu rreġistrati għal kull fjura kull jum ta’ suq fl-istat ta’ importazzjoni bl-ingrossa, u l-prezz għandu jinkludi d-dazju ta’ dwana."

6. L-Anness I u II huma mibdula b’dan l-Anness li ġej.

Artikolu 2

Dan ir-Regolament jibda jseħħ fis-seba’ jum minn wara l-publikazzjoni tiegħu fil-Ġurnal Uffiċjali tal-Komunitajiet Ewropej.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, it-30 ta’ Ġunju 1997.

Għall-Kummissjoni

Franz Fischler

Membru tal-Kummissjoni

[1] ĠU L 382, tal-31.12.1987, p. 22.

[2] ĠU L 79, tad-29.3.1996, p. 6.

[3] ĠU L 72, tat-18.3.1988, p. 16.

[4] ĠU L 264, tat-23.10.1993, p. 33.

--------------------------------------------------

ANNESS

VARJETÀ PILOTA

Ward bil-fjur kbir

Il-Ġermanja: | First Red, Papillon, Konfetti |

Franza: | Royal Red, First Red, Anna, Noblesse, Greta, Vivaldi, Texas |

Spanja: | Dallas |

L-Italja: | Dallas, Anna, Texas |

l-Olanda: | First Red, Prophyta, Madelon, Red Velvet, Bianca |

Ward bil-fjuri żgħar

Il-Ġermanja; | Jazz, Frisco |

Franza: | Mercedes, Lambada, Candia |

Spanja: | Mercedes, Golden Times |

L-Italja: | Mercedes, Monella |

l-Olanda: | Frisco, Escimo, Lambada, Kiss, Gabrielle, Sacha |

--------------------------------------------------