31995R1798

Ir-Regolament tal-Kummissjoni (KE) Nru 1798/95

ta’ l-25 ta’ Lulju 1995

li jemenda l-Anness IV għar-Regolament tal-Kunsill (KEE) Nru 2377/90 li jistabilixxi il-proċedura tal-Komunità għall-istabbiliment ta’ limiti massimi ta’ residwu ta’ prodotti mediċinali veterinarji fl-oġġetti ta’ l-ikel li ġejjin mill-annimali

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jwaqqaf il-Komunità Ekonomika Ewropea,

Wara li kkunsidrat ir-Regolament tal-Kunsill (KEE) Nru 2377/90 tas-26 ta’ Ġunju 1990 li jestabilixxi l-proċedura tal-Komunità għall-istabbliment tal-limiti massimu ta’ residwu ta’ prodotti mediċinali veterinarji f’oġġetti ta’ l-ikel [1], kif l-aħħar emendat mir Regolament tal-Kummissjoni (KE) Nru 1442/95 [2] u b’mod partikolari l-Artikoli 6, 7 u 8 dwar dan,

Billi, b’mod konformi mar Regolament (KEE) Nru 2377/90, limiti massimu ta’ residwu jridu jiġu stabbiliti progressivament għal kull sustanza farmakoloġikament attiva li hi wżata fil-Komunità fi prodotti mediċinali veterinarji maħsuba għat teħid mill-annimali li jipproduċu l-ikel;

Billi limiti massimi ta’ residwu għandhom jiġu stabbiliti biss wara eżami ġewwa l-Kumitat għall-Prodotti Mediċinali Veterinarji ta’ l-informazzjoni kollha rilevanti dwar is-sigurtà ta’ residwi tas-sustanza kkonċernata għall-konsumatur fuq oġġetti ta’ l-ikel li ġejjin mill-annimali u l-impatt ta’ residwi fuq l-ipproċessar industrijali ta’ oġġetti ta’l-ikel.

Billi, fit-twaqqif tal-limiti ta’ residwu massimu għal residwi ta’ prodotti mediċinali veterinarji f’oġġetti ta’ l-ikel li ġejjin mill-annimali, huwa meħtieġ li tkun speċifikata l-ispeċi ta’ l-annimali fejn residwi jistgħu ikunu preżenti, il-livelli li jistgħu ikunu preżenti f’kull wieħed mit-tessuti tal-laħam rilevanti miksuba mill-annimal ittrattat (tessut bersal) u n-natura tar-residwu li hi rilevanti għall-monitoraġġ ta’ residwi (residwu markatur);

Billi, għall-kontroll ta’ residwi, kif ipprovdut f’kull leġiżlazzjoni xierqa tal-Komunità, limiti massimu ta’ residwu għandhom ġeneralment jiġu stabbiliti għal tessuti bersalji ta’ fwied jew kliewi; Billi, madanakollu, il-fwied u l-kliewi huma ta’ spiss imneħħija mill-karkassi li jispustaw fil-kummerċ internnazzjonali, u limiti massimu ta’ residwu massimu għandhom għalhekk dejjem ikunu mwaqqfa għat-tessuti ta’ muskolu u grass

Billi, fil-każ ta’ prodotti mediċinali veterinarji maħsuba għall-użu f’għasafar li jbidu, annimali li jagħmlu l-ħalib jew żunżan li jagħmlu l-għasel, limiti massimu ta’ residwu jridu jiġu stabbiliti għall-bajd, ħalib jew għasel;

Billi jidher li limiti massimu ta’ residwu ma jistgħux jiġu stabbiliti għal dimetridazole għax residwi, f’kull limitu, fl-oġġetti ta’ l-ikel li ġejjin mill-annimali jikkostitwixxu perikolu lis-saħħa tal-konsumatur; Billi dimetridazole għandu għalhekk jiġi mdaħħal fl-Anness IV għar-Regolament (KEE) Nru 237790;

Billi kull perjodu ta’ 60 jum għandu jiġi permessi qabel id-dħul fis-seħħ ta’ dan ir-Regolament sabiex jippermetti lill-Istati Membri biex jagħmlu kull aġġustament li jista’ jkun meħtieġa għall-awtroiżżazzjonijiet li ġew mogħtija b’mod konformi mad-Direttiva tal-Kunsill 81/851/KEE [3], kif l-aħħar emendata minn Direttiva 93/40/KEE [4] biex jittieħed akkont tad-dispożizzjonijiet ta’ dan ir-Regolament biex il-prodotti mediċinali veterinarji kkonċernati jitqegħdu fis-suq.

Billi, b’mod konformi mal-proċeduri stabbiliti fl-Artikolu 8 ta’ Regolament (KEE) Nru 2377/90, l-abbozz fuq il-mużuri li għandhom jiġu adottati ġiet sottomessa lill-Kumitat għall-Adattament għall-Progress Tekniku tad-Direttivi fuq ir-Tneħħijja ta’ Barrieri Tekniċi għall-Kummerċ fil-qasam tal-prodotti Mediċinali Veterinarji; Billi l-Kumitat ma kienx kapaċi jwassal fehma, Billi l-Kummissjoni għalhekk ipproponiet il-miżuri li għandhom ikunu adottati mill-Kunsill;

Billi l-Kunsill ma’ aġixxiex jew ma ivvutax kontra l-miżuri proposti b’kull maġġoranza sempliċi fil-perjodu ta’ tlett xhur permess; Billi huwa għalhekk dmir fuq il-Kummissjoni li taddotta l-miżuri,

ADDOTTAT DAN IR-REGOLAMENT:

L-Artikolu 1

l-Annessi IV għal Regolament (KEE) Nru 2377/90 huwa b’dan emendat kif imfassal fl-Anness hawnhekk.

L-Artikolu 2

Dan ir-Regolament għandu jidħol fis-seħħ fis-sittin jum ta’ wara l-pubblikazzjoni tiegħu fil-Ġurnal Uffiċjali tal-Komunitajiet Ewropej.

Dan ir-Regolament jorbot fl-intier tiegħu u huwa direttament applikabbli f’kull Stat Membru.

Magħmul fi Brussel, fil-25 ta’ Lulju 1995.

Għall-Kummissjoni

Martin Bangemann

Membru tal-Kummissjoni

[1] ĠU L 224, tat-18.8.1990, p. 1.

[2] ĠU L 143, tas-27.6.1995, p. 26

[3] ĠU L 317, tas-6.11.1981, p. 1.

[4] ĠU L 214, ta’ l-24.8.1993, p. 31.

--------------------------------------------------

L-ANNESS

L-Anness IV hu emendat kif isegwi:

Elenku ta’ sustanzi farmakoloġikament attivi għal liema l-ebda limiti ta’ residwu massimu ma jistgħu jiġu stabbiliti

--------------------------------------------------