31989R3209

Ir-Regolament tal-Kunsill (KEE) Nru 3209/89

tat-23 ta’ Ottubru 1989

li jemenda Regolament (KEE) Nru 234/79 dwar il-proċedura għall-aġġustament tan-nomenklatura tat-Tariffa Komuni tad-Dwana użata għall-prodotti agrikoli

IL-KUNSILL TAL-KOMUNITAJIET EWROPEJ,

Wara li kunsidra t-Trattat li jistabbilixxi l-Komunità Ekonomika Ewropea, u b’mod partikolari Artikolu 43 tiegħu,

Wara li kunsidra r-Regolament tal-Kunsill (KEE) Nru 827/68 tat-28 ta’ Ġunju 1968 dwar l-organizzazzjoni komuni tas-suq f’ċerti prodotti elenkati f’Anness II li jinsab mat-Trattat [1], kif l-aħħar emendat bir-Regolament (KEE) Nru 3911/87 [2], u b’mod partikolari Artikolu 6 tiegħu,

Wara li kunsidra l-proposta mill-Kummisjoni [3],

Wara li kunsidra l-opinjoni tal-Parlament Ewropew [4],

Billi n-nomenklatura magħquda ta’ l-oġġetti ntrodotti bir-Regolament (KEE) Nru 2658/87 [5], kif l-aħħar emendat mir-Regolament (KEE) Nru 2886/89 [6], issa jlaħħaq mal-ħtiġiet kemm tat-Tariffa Komuni tad-Dwana kif ukoll in-nomenklaturi ta’ l-istatistika tan-negozju estern;

Billi Artikolu 9 tar-Regolament (KEE) Nru 2658/87 jagħmel żejda d-dispożizzjonijiet ta’ Artikolu 2(1) tar-Regolament (KEE) Nru 234/79 [7];

Billi Artikolu 12 tar-Regolament (KEE) Nru 2658/87 jipprovdi li n-nomenklatur magħuda trid tiġi aġġornata kull sena mill-Kummisjoni; billi għandhom isiru dispożizzjonijiet, b’mod partikolari meta jsiru dawk l-aġġustamenti, għad-deskrizzjonijiet u kodifiċi li jkunu jikkorrispondu mar-Regolamenti tal-Kunsill li għandhom ikunu aġġustati mill-Kummissjoni u għal Artikolu 2(2) tar-Regolament (KEE) Nru No 234/79 biex jiġu hekk adottati,

ADOTTA DAN IR-REGOLAMENT:

Artikolu 1

Artikolu 2 tar-Regolament (KEE) Nru 234/79 qiegħed jiġi mibdul b’dan li ġej:

"Artikolu 2

1. Id-deskrizzjoni tal-prodotti u r-riferenzi għall-intestaturi jew subintestaturi tan-nomenklaturi maqgħudin fir-Regolamenti tal-Kunsill jistgħu jiġu aġġustati skond il-proċeduri stipulati f’Artikolu 38 tar-Regolament Nru 136/66/KEE u fl-Artikolu li jikkorrispondi mar-Regolamenti l-oħra dwar l-organizzazzjoni komuni tas-swieq jekk dawk l-aġġustamenti jsiru minħabba emendi fin-nomenklaturi magħqudin.

2. Għall-għanijiet ta’ dan ir-Regolament, il-Kumitat stabbilit b’Artikolu 37 tar-Regolament Nru 136/66/KEE qiegħed hawn jiġi dikjarat kompetenti dwar il-prodotti koperti bir-Regolament (KEE) Nru 827/68."

Artikolu 2

Dan ir-Regolament għandu jidħol fis-seħħ fit-tielet jum wara li jiġi pubblikat fil-Ġurnal Uffiċjali tal-Komunitajiet Ewropej.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, fit-23 ta’ Ottubru 1989.

Għall-Kunsill

Il-President

H. Nallet

[1] ĠU L 151, tat-30.6.1968, p. 16.

[2] ĠU L 370, tat-30.12.1987, p. 36.

[3] ĠU C 199, ta’ l-4.8.1989, p. 8.

[4] Opinjoni mwassla fit-13 ta’ Ottubru 1989 (għadu mhux ippubblikat fil-Ġurnal Uffiċjali).

[5] ĠU L 256, tas-7.9.1987, p. 1.

[6] ĠU L 282, tat-2.10.1989, p. 1.

[7] ĠU L 34, tad-9.2.1979, p. 2.

--------------------------------------------------