31988R3207

Ir-Regolament tal-Kunsill (KEE) Nru 3207/88

tas-17 ta' Ottubru 1988

li jemenda r-Regolament (KEE) Nru 2771/75 dwar l-organizzazzjoni komuni tas-suq tal-bajd

IL-KUNSILL TAL-KOMUNITAJIET EWROPEJ,

Wara li kkunsidra t-Trattat li jistabbilixxi l-Komunità Ekonomika Ewropeja, u b'mod partikolari Artikoli 42 u 43 tiegħu,

Wara li kkunsidra l-proposta mill-Kummissjoni,

Wara li kkunsidra l-opinjoni tal-Parlament Ewropew [1],

Wara li kkunsidra l-opinjoni tal-Kumitat Ekonomiku u Soċjali [2],

Billi l-Komunità hija Parti Kontrattanti tal-Konvenzjoni Internazzjoniali dwar id-Deskrizzjoni tal-Merkanzija u ta' Sistema Kodifikazzjoni Armonizzata, li minn issa' l quddiem hija msejħa bħala is-"sistema armonizzata", li tieħu post il-Konvenzjoni tal-15 ta' Diċembru 1950 dwar in-Nomenklatura għall-Klassifikazzjoni tal-Oġġetti fit-tariffi Doganali;

Billi r-Regolament (KEE) Nru 2658/87 [3] stabbilixxa, mill-1 ta' Jannar 1988, nomenklatura magħquda għall-oġġetti li tilħaq il-ħtiġiet kemm tat-Tariffa Doganali Komuni kif ukoll ta' l-istatistika tal-kummerċ barrani tal-Komunità;

Billi, bħala riżultat, huwa neċessarju li d-deskrizzjoni tal-oġġetti u l-intestaturi tan-numri tat-tariffi li jidhru fir-Regolament (KEE) Nru No 2771/75 [4], kif l-aħħar emendat bir-Regolament tal-Kummissjoni (KEE) Nru 4000/87 [5], bi qbil mat-termini tan-nomenklatura magħquda ibbażata fuq is-sistema armonizzata;

Billi bajd misjur bil-qoxra u prodotti tal-bajd iffurmati bħal "bajd twil" ċilindriku ġew ikklassifikati taħt subintestatura ta' l-intestatura Nru 21.07 (preparazzjoni ta' l-ikel li mhux speċifikat jew inkluż x'imkien ieħor) tat-Tariffi Doganali Komuni li kienet fis-seħħ sal-31 ta' Diċembru 1987; billi l-prodotti tal-bajd imsemmija ma kienux għalhekk ikkunsidrati li huma prodotti koperti b'Anness II tat-Trattat; billi, bl-introduzzjoni tan-nomenklatura magħquda, dawn il-prodotti huma issa ikklassifikati taħt il-kodiċi NM 0407 (bajd tal-għasafar, bil-qoxra, friski, preservati jew imsajra) jew 0408 (bajd tal-għasafar, mhux bil-qoxra u l-isfar tal-bajd, frisk, imqadded, imsajjar bil-fwar jew mgħolli fl-ilma, iffurmati, iffriżati jew b'mod ieħor preservati, kemm jekk għandhom iz-zokkor miżjud jew xi ħaġa oħra li tagħti l-ħlewwa u kemm jekk le); billi l-bajd misjur bil-qoxra u prodotti tal-bajd iffurmati jistgħu jintużaw bl-istess mod bħal, jew minflok, bajd ippreservat bil-qoxra jew mingħajr qoxra; billi l-bajd ippreservat hu inkluż fl-imsemmi Anness II u għalhekk hu speċifikat fir-Regolament (KEE) Nru 2771/75; billi huwa loġiku u meħtieġ li l-bajd imsajjar bil-qoxra u prodotti tal-bajd iffurmati għandhom ikunu ukoll imsemmija f'dan ir-Regolament;

Billi r-Regolament (KEE) Nru 4000/87 għandu jiġi mħassar;

Billi Regolamenti numerużi fis-settur tal-bajd għandhom jiġu adattati biex jingħata każ ta' l-użu tan-nomenklatura magħquda; billi, permezz ta' Artikolu 15 tar-Regolament (KEE) Nru 2658/87, jistgħu jsiru bidliet biss ta' natura purament teknika; billi, għalhekk, għandha tkun introdotta dispożizzjoni li biha kull aġġustament ieħor għandhu jsir skond il-proċedura stabbilita f'Artikolu 17 tar-Regolament (KEE) Nru 2771/75, basta li tali aġġustamenti huma meħtieġa biss minħabba l-introduzzjoni tas-sistema armonizzata,

ADOTTA DAN IR-REGOLAMENT:

Artikolu 1

Ir-Regolament (KEE) Nru 2771/75 hu emendat kif ġej:

1. Artikolu 1 hu mibdul b'dan li ġej:

"Artikolu 1

1. L-organizzazzjoni komuni tas-suq tal-bajd għandha tkopri l-prodotti li ġejjin:

Kodiċi NM | Deskrizzjoni |

| |

(a) | 04070011 | Bajd tat-tjur bil-qoxra, friski, ippreservati jew imsajra |

04070019 |

04070030 |

(b) | 04081110 | Bajd mhux bil-qoxra u isfra tal-bajd tajjeb għal konsum uman, frisk, imnixxef, imsajjar bil-fwar jew mgħolli fl-ilma, iffurmat, iffriżat jew b'mod ieħor ippriservat, kemm jekk għandu zokkor miżjud jew xi ħaġa oħra li tagħti l-ħlewwa u kemm jekk le |

04081911 |

04081919 |

04089110 |

04089910 |

2. Għall-iskopijiet ta' dan ir-Regolament:

(a) "bajd bil-qoxra" tfisser bajd tat-tjur bil-qoxra, frisk, ippreservat, jew imsajjar, apparti minn bajd għat-tfaqqis kif speċifikat fi (b);

(b) "bajd għat-tfaqqis" tfisser bajd tat-tjur għat-tfaqqis;

(ċ) "prodotti sħaħ" tfisser bajd ta' l-għasafar mhux bil-qoxra, kemm jekk ikun fihom zokkor miżjud jew ħaġa oħra li tagħti l-ħlewwa u kemm jekk le, tajbin għall-konsum uman;

(d) "prodotti separati" tfisser l-isfra tal-bajd ta' l-għasafar, kemm jekk ikun fihom zokkor miżjud jew ħaġa oħra li tagħti l-ħlewwa u kemm le, tajbin għal konsum uman;

(e) "kwart" tfisser perjodu ta' tlett xhur li jibda mill-1 ta' Frar, 1 ta' Mejju, 1 ta' Awissu jew 1 ta' Novembru."

2. Anness I hu mibdul bl-Anness ta' dan ir-Regolament.

Artikolu 2

Ir-Regolament (KEE) Nru 4000/87 hu mħassar.

Artikolu 3

Il-Kummissjoni, bi qbil mal-proċedura li hemm provediment dwarha f'Artikolu 17 ta' Regolament (KEE) Nru 2771/75, għandha tagħmel l-aġġustamenti tekniċi meħtieġa għar-Regolamenti tal-Kunsill jew tal-Kummissjoni dwar l-organizzazzjoni komuni tas-suq tal-bajd li jirriżultaw mill-applikazzjoni ta' Artikolu 1.

Artikolu 4

Dan ir-Regolament għandu jidħol fis-seħħ fil-jum tal-publikazzjoni tiegħu fil-Ġurnal Uffiċjali tal-Komunitajiet Ewropej.

Għandu japplika b'effett mill-1 ta' Jannar 1988.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fil-Lussemburgu, fis-17 ta' Ottubru 1988.

Għall-Kunsill

Il-President

Y. Pottakis

[1] L-Opinjoni mogħtija nhar l-14 ta' Ottubru 1988 (għadha mhux ippublikata fil-Ġurnal Uffiċjali).

[2] ĠU C 237, tat-12.9.1988, p. 42.

[3] ĠU L 256, tas-7.9.1987, p. 1.

[4] ĠU L 282, ta' l-1.11.1975, p. 49.

[5] ĠU L 377, tal-31.12.1987, p. 42.

--------------------------------------------------

ANNESS

ANNESS I

Kodiċi NM | Deskrizzjoni |

ex0403 | Xorrox, ħalib mbaqqat u krema, yogurt, kefir u ħalib u krema oħrajn iffermentati jew aċidifikati, sew jekk konċentrati jew li jkun fihom iz-zokkor jew ħaġa oħra li tagħti l-ħlewwa jew bit-togħma jew li fihom il-kawkaw |

1806 | Ċikkulata u tħejjijiet oħra tal-ikel li fihom il-kawkaw |

ex1901 | Tħejjijiet ta' l-ikel tal-oġġetti tal-kodiċi 0401 sa 0404, li fihom trab tal-kawkaw, mhux speċifikati jew inkluż x'imkien ieħor |

19021100 | Għaġin mhux imsajjar, mhux mimli jew imħejji b'mod ieħor, li fih il-bajd |

ex1904 | Ikel ippreparat, miksub bin-nefħa jew xiwi taċ-ċerejali jew prodotti taċ-ċereali (bħal, corn flakes); ċereali, minbarra l-qamħirrun (qamħ), bħala qamħa, misjur minn qabel jew b'mod ieħor imhejji li jkun fih il-kawkaw |

ex1905 | Ħobż, għaġina, kejkijiet, biskuttini u prodotti oħra tal-furnara, kemm jekk fihom il-kawkaw u kemm jekk le; ostji, tipi ta' qxur vojta tajbin għal użu farmaċewtiku, wejfers tas-siġillar, karta tar-ross u prodotti simili: |

190520 | — Ħobż tal-Ġinġer u affarijiet simili |

190530 | — Gallettini ħelwin; waffles u wejfers |

19054000 | — Biskutelli, ħobż mixwi u prodotti mixwijin oħra |

19059040 | — Oħrajn |

19059050 |

19059060 |

19059090 |

ex210500 | Ġelati u silġiet oħra li jittieklu, li jkun fihom il-kawkaw |

ex220890 | Spirti, likuri, u xorb ieħor li fih l-ispirtu li jkun fihom bajd jew l-isfar tal-bajd |

ex350210 | Albumin tal-bajd: |

| — — Oħrajn: |

35021091 | — — — Imnixxef (f'folji, qxur, xrar, trab, eċċ.) |

35021099 | — — — Oħrajn |

--------------------------------------------------