31988R1098

Ir-Regolament tal-Kunsill (KEE) Nru 1098/88

tal-25 ta' April 1988

li jemenda r-Regolament Nru 136/66/KEE dwar l-istabbiliment ta' l-organizzazzjoni komuni fis-suq taż-żjut u x-xaħmijiet

IL-KUNSILL TAL-KOMUNITAJIET EWROPEJ,

Wara li kkunsidra it-Trattat li jistabbilixxi l-Komunità Ekonomika Ewropea, u partikolarment Artikolu 43 tiegħu,

Wara li kkunsidra l-proposta mill-Kummissjoni [1],

Wara li kkunsidra l-opinjoni tal-Parlament Ewropew [2],

Billi, għaż-żrieragħ tar-rapa minn naħa l-waħda u għaż-żrieragħ tal-ġirasol minn naħa l-oħra, huwa rakkomandabbli li tkun stabbilita l-kwantità garantita massima fl-istess waqt u żmien għal 1988/89, 1989/90 u 1990/91; billi għall-iskopijiet tas-sistema tal-kwantità massima garantita, huwa rakkomandabbli li tiġi stmata l-produzzjoni wara l-bidu tas-sena tas-suq sabiex isiru l-estimi kkonċernati biex jkunu aktar eżatti; billi Artikolu 27a tar-Regolament (KEE) Nru 136/66 KEE [3], kif l-aħħar emendat bir-Regolament (KEE) Nru 3994/87 [4], għandu għalhekk ikun emendat kif xieraq,

ADOTTA DAN IR-REGOLAMENT:

Artikolu 1

Artikolu 27a tar-Regolament (KEE) Nru 136/66/KEE huwa emendat kif ġej:

1. Il-paragrafu 1 huwa mibdul b'dan li ġej:

"1. Il-Kunsill, li jaġixxi bi qbil mal-proċedura stabbilita f'Artikolu 43(2) tat-Trattat, għandu jiffissa, għal perijodi ta' tlett snin tas-suq, u li jibdew mis-snin tas-suq 1988/99, 1989/90 u 1990/91, kwantitajiet massimi iggarantiti taż-żerriegħa tal-kolza u tar-rapa tal-Komunità u għal żerriegħa tal-ġirasol tal-Komunità."

2. Il-paragrafu 3 huwa mibdul b'dan li ġej:

"3. Billi l-estimi tal-produzzjoni taż-żrieragħ tar-rapa u tal-ġirasol magħmula qabel it-tmiem tat-tieni xhar tas-sena tas-suq jeċċedu l-kwantità massima iggarantita għaż-żrieragħ ikkonċernati u li għas-sena tas-suq f'dan il-każ, l-ammont tal-għajnuna għal dik is-sena tas-suq għandu jkun imnaqqas bl-inċidenza tal-mira tal-prezz b'koeffiċjenti li jirrefletti l-estent tad-differenza.

Billi l-applikar tas-subparagrafu preċedenti għall-produzzjoni attwali minflok il-produzzjoni stimata fil-bidu tas-sena tas-suq ikun jirriżulta fi tnaqqis differenti fl-ammont ta' l-għajnuna minn dak attwalment applikat, l-ammont ta' l-għajnuna għas-sena tas-suq segwenti għandu jkun aġġustat billi jittieħed akkont ta' dik is-sitwazzjoni."

Artikolu 2

Dan ir-Regolament għandu jidħol fis-seħħ fil-jum tal-publikazjoni tiegħu fil-Ġurnal Uffiċjali tal-Komunitajiet Ewropej.

Għandu jkun applikabbli għaż-żerriegħa tar-rapa mill-1 ta' Lulju 1988 u għaż-żerriegħa tal-ġirasol mill-1 ta' Awissu 1988.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Mgħamul fil-Lussemburgu, il-25 ta' April 1988.

Għall-Kunsill

Il-President

H.-D. Genscher

[1] ĠU C 84, tal-31.3.1988, p. 10.

[2] L-Opinjoni mogħtija fl-14 ta'April 1988 (għadha ma ġietx ippublikata fil-Ġurnal Uffiċjali).

[3] ĠU C 172, tat-30.9.1966, p. 3025/66.

[4] ĠU L 377, tal-31.12.1987, p. 31.

--------------------------------------------------