This document is an excerpt from the EUR-Lex website
Document 31985R3788
Council Regulation (EEC) No 3788/85 of 20 December 1985 amending, on account of the accession of Spain and Portugal, certain regulations in the oils and fats sector
Ir-Regolament tal-Kunsill (KEE) Nru 3788/85 tal-20 ta’ Diċembru, 1985 li jemenda, minħabba l-adeżjoni ta’ Spanja u l-Portugall, ċerti regolamenti fis-settur taż-żjut u x-xaħmijiet
Ir-Regolament tal-Kunsill (KEE) Nru 3788/85 tal-20 ta’ Diċembru, 1985 li jemenda, minħabba l-adeżjoni ta’ Spanja u l-Portugall, ċerti regolamenti fis-settur taż-żjut u x-xaħmijiet
ĠU L 367, 31.12.1985, p. 1–3
(DA, DE, EL, EN, FR, IT, NL) Dan id-dokument ġie ppubblikat f’edizzjoni(jiet) speċjali
(ES, PT, FI, SV, CS, ET, LV, LT, HU, MT, PL, SK, SL)
No longer in force, Date of end of validity: 31/10/2005; Impliċitament imħassar minn 32004R0865
Official Journal L 367 , 31/12/1985 P. 0001 - 0003
Spanish special edition: Chapter 03 Volume 40 P. 0003
Portuguese special edition Chapter 03 Volume 40 P. 0003
Finnish special edition: Chapter 3 Volume 20 P. 0033
Swedish special edition: Chapter 3 Volume 20 P. 0033
Ir-Regolament tal-Kunsill (KEE) Nru 3788/85 tal-20 ta’ Diċembru, 1985 li jemenda, minħabba l-adeżjoni ta’ Spanja u l-Portugall, ċerti regolamenti fis-settur taż-żjut u x-xaħmijiet IL-KUNSILL TAL-KOMUNITAJIET EWROPEJ, Wara li kkunsidra t-Trattat li jwaqqaf il-Komunità Ekonomika Ewropea, Wara li kkunsidra l-Att ta’ Adeżjoni ta’ Spanja u l-Portugall, u partikolarment Artikolu 396(2) ta’ dan; Wara li kkunsidra l-proposta mill-Kummissjoni; Billi, minħabba l-adeżjoni ta’ Spanja u l-Portugall, għandhom isiru ċerti aġġustamenti tekniċi għar-Regolamenti li ġejjin fis-settur taż-żjut u x-xaħmijiet: - Ir-Regolament tal-Kunsill (KEE) Nru 2164/70 tas-27 ta’ Ottubru, 1970 dwar l-importazzjoni taż-żejt taż-żebbuġa minn Spanja [1], kif emendat bir-Regolament (KEE) Nru 2277/71 [2], - Ir-Regolament tal-Kunsill (KEE) Nru 154/75 tal-21 ta’ Jannar, 1975 dwar it-twaqqif ta’ reġistru tal-kultivazzjoni taż-żebbuġ fl-Istati Membri li jipproduċu ż-żejt taż-żebbuġa [3], kif l-aħħar emendat bir-Regolament (KEE) Nru 3453/80 [4], - Ir-Regolament tal-Kunsill (KEE) Nru 3089/78 tad-19 ta’ Diċembru, 1978 li jelenka regoli ġenerali dwar għajnuna għall-konsum taż-żejt taż-żebbuġa [5], kif emendat bir-Regolament (KEE) Nru 2762/80 [6], - Ir-Regolament tal-Kunsill (KEE) Nru 591/79 tas-26 ta’ Marzu, 1979 li jelenka regoli ġenerali dwar ir-rimborż ta’ flus għall-produzzjoni taż-żejt taż-żebbuġa wżat fil-manifattura ta’ ċertu ikel priservat [7], kif l-aħħar emendat bir-Regolament (KEE) Nru 3176/84 [8], - Ir-Regolament tal-Kunsill (KEE) Nru 1590/83 ta’ l-14 ta’ Ġunju, 1983 dwar il-kalkolu ta’ meded ta’ art imħawla bis-siġar taż-żebbuġ li jikkwalifikaw għal għajnuna għall-produzzjoni taż-żejt taż-żebbuġa [9], - Ir-Regolament tal-Kunsill (KEE) Nru 2261/84 tas-17 ta’ Lulju, 1984 li jelenka regoli ġenerali dwar l-għoti ta’ għajnuna għall-produzzjoni taż-żejt taż-żebbuġa u għajnuna lil organizzazzjonijiet tal-produtturi taż-żejt taż-żebbuġa [10], - Ir-Regolament tal-Kunsill (KEE) Nru 2262/84 tas-17 ta’ Lulju, 1984 li jelenka miżuri speċjali rigward iż-żejt taż-żebbuġa [11], Billi, skond Artikolu 2(3) tat-Trattat ta’ Adeżjoni, l-istituzzjonijiet tal-Komunità jistgħu jadottaw, qabel l-adeżjoni, il-miżuri msemmija f’Artikolu 396 ta’ l-Att ta’ Adeżjoni, ADOTTA DAN IR-REGOLAMENT: Artikolu 1 Ir-Regolament (KEE) Nru 2164/70 jitħassar b’effett mill-1 ta’ Marzu, 1986. Artikolu 2 Ir-Regolament (KEE) Nru 154/75 ikun emendat kif ġej: 1. f’Artikolu 1(2), it-tielet subparagrafu jitbiddel b’dan li ġej: "Il-perjodi ta’ żmien imsemmija fil-punti (a) u (b) jibdew jgħoddu-: - mill-1 ta’ Novembru, 1982 rigward it-twaqqif ta’ reġistru tal-kultivazzjoni taż-żebbuġ fil-Ġreċja, - mill-1 ta’ Novembru, 1986 rigward it-twaqqif ta’ reġistru tal-kultivazzjoni taż-żebbug fi Spanja u l-Portugall."; 2. il-paragrafu li ġej jiddaħħal f’Artikolu 3: "2b. L-awtoritajiet kompetenti ta’ Spanja u l-Portugall li huma responsabbli li jħallsu l-għajnuna għall-produzzjoni msemmija f’Artikolu 5 tar-Regolament (KEE) Nru 136/66/KEE, inaqqsu l-ammont ta’ din l-għajnuna b’0,96 ECU għal kull 100 kg, meta jkunu qegħdin jagħmlu pagament. Dan it-tnaqqis japplika għal għajnuna għas-snin ta’ bejgħ mill-1986/1987 sal-1989/1990." Artikolu 3 Ir-Regolament (KEE) Nru 3089/78 ikun emendat kif ġej: 1. f’Artikolu 9: (a) it-tielet subparagrafu li ġej jiżdied mal-paragrafu 1: "Is-sigurtà applikabbli meta ż-żejt taż-żebbuġa jinħareġ f’ċirkulazzjoni ħielsa fi Spanja u l-Portugall tkun l-istess bħal dik applikabbli fil-bqija tal-Komunità."; (b) it-tieni subparagrafu li ġej jiżdied mal-paragrafu 2: "F’każi fejn, mill-1 ta’ Marzu, 1986 sal-31 ta’ Ottubru, 1995, iż-żejt taż-żebbuġa fil-kwistjoni jkun esportat lejn Spanja jew il-Portugall mill-Komunità kif kostitwit fil-31 ta’ Diċembru, 1985, il-parti konċernata għandha wkoll tipprova li l-ammont ta’ kumpensa ta’ l-adeżjoni applikat proprjament għal kummerċ bħal dan kien dak applikabbli għal żjut li joriġinaw f’pajjiżi li mhumiex membri."; 2. it-tieni subparagrafu ta’ Artikolu 11 jitbiddel b’dan li ġej: "Ikun applikabbli mill-1 ta’ Jannar, 1979. Iżda, Artikoli 1, 2 u 3 japplikaw għal Spanja u l-Portugall biss b’effett mill-1 ta’ Jannar, 1991." Artikolu 4 Ir-Regolament (KEE) Nru 519/79 ikun emendat kif ġej: 1. Artikolu 4(1) jitbiddel b’dan li ġej: "1. Bla ħsara għal Artikolu 6, l-ammont tar-rimborż ikun il-medja aritmetiku tal-komponent varjabbli tal-levies applikati għall-importazzjoni ta’ żjut taż-żebbuġa li jaqgħu taħt is-subtitolu 15.07 A II a) tat-Tariffa Komuni Doganali matul ix-xahrejn li jiġu qabel ix-xahar li fih ir-rimborż ikun implimentat, aġġustat fi Spanja u l-Portugall rispettivament bl-ammont ta’ kumpens ta’ l-adeżjoni applikabbli għall-importazzjonijiet f’kull wieħed minn dawn l-Istati Membri minn pajjiżi li mhumiex membri. Iżda, fejn iż-żejt taż-żebbuġa wżat għall-manifattura ta’ prodotti priservati kien prodott fil-Komunità, ir-rimborż ikun il-medja, imsemmija hawn fuq, li magħha jingħadd l-ammont ta’ għajnuna għall-konsum validu fid-data ta’ l-implimentazzjoni tar-rimborż. Fil-każ ta’ Spanja u l-Portugall iż-żieda tapplika biss b’effett mill-1 ta’ Jannar, 1991. Minn din id-data ż-żieda tkun l-istess bħal dik applikata fl-Istati Membri l-oħra u l-ammont tar-rimborż li jirriżulta jkun aġġustat bid-differenza bejn il-prezzijiet ta’ l-intervent applikabbli fil-Komunità kif ikunu kostitwiti fil-31 ta’ Diċembru, 1985 u dawk applikabbli għal Spanja u l-Portugall rispettivament." 2. f’Artikolu 5: (a) it-tieni subparagrafu tal-paragrafu 1 jitbiddel b’dan li ġej: "Ir-rimborż tal-produzzjoni iffissat bi qbil ma’ l-ewwel subparagrafu jkun aġġustat, fi Spanja u l-Portugall rispettivament, bl-ammonti ta’ kumpens ta’ l-adeżjoni applikabbli għall-importazzjonijiet f’kull wieħed minn dawn l-Istati Membri minn pajjiżi li mhumiex membri."; (b) il-paragrafu 2 jitbiddel b’dan li ġej: "2. Iżda, fejn iż-żebbuġ użat fil-manifattura ta’ prodotti priservati jkun prodott fil-Komunità, l-ammont stabbilit skond l-ewwel subparagrafu tal-paragrafu 1 jiżdied bl-ammont tal-għajnuna għall-konsum valida fid-data ta’ l-implimentazzjoni tar-rimborż. Fil-każ ta’ Spanja u l-Portugall, iż-żieda tapplika biss b’effett mill-1 ta’ Jannar, 1991. Minn din id-data ż-żieda tkun l-istess bħal dik applikata fl-Istati Membri l-oħra u l-ammont ta’ rimborż li jirriżulta jkun aġġustat bid-differenza bejn il-prezzijiet ta’ intervent applikabbli fil-Komunità kif kostitwiti fil-31 ta’ Diċembru, 1985 u dawk applikabbli fi Spanja u l-Portugall rispettivament." Artikolu 5 Artikolu 1 tar-Regolament (KEE) Nru 1590/83 jitbiddel b’dan li ġej: "Artikolu 1 1. Għajnuna għall-produzzjoni taż-żejt taż-żebbuġa tingħata biss lil kull min ikabbar iż-żebbuġ skond il-meded ta’ art imħawla bis-siġar taż-żebbuġ - fi Franza u fl-Italja kif kienu fil-31 ta’ Ottubru, 1978, - fil-Greċja kif kienu fl-1 ta’ Jannar, 1981, - fi Spanja kif kienu fl-1 ta’ Jannar, 1984, u li kienu s-suġġett: (a) fl-Italja, għad-dikjarazzjoni tal-kultivazzjoni għas-sena ta’ bejgħ 1980/1981 jew, jekk ma teżistix din id-dikjarazzjoni, għall-aħħar dikjarazzjoni disponibbli; (b) fi Franza, għall-aħħar dikjarazzjoni tal-kultivazzjoni disponibbli qabel is-sena ta’ bejgħ 1982/1983; (ċ) fil-Greċja, għad-dikjarazzjoni tal-kultivazzjoni għas-sena ta’ bejgħ 1980/1981 jew 1981/1982; (d) fi Spanja, għad-dikjarazzjoni tal-kultivazzjoni għas-sena ta’ bejgħ 1986/1987 jew 1987/1988. Fil-każ tal-Portugall, l-għajnuna tingħata biss rigward il-kwantitajiet li jistgħu jkunu prodotti fuq meded ta’ art imħawwla bis-siġar taż-żebbuġ li kienu proprjament qed jipproduċu fl-1 ta’ Jannar, 1984 u li kienu s-suġġett għad-dikjarazzjoni tal-kultivazzjoni għas-sena ta’ bejgħ 1986/1987 jew 1987/1988. Iżda, fejn il-meded ta’ art imħawwla bis-siġar taż-żebbuġ li kienu jeżistu fid-dati msemmija fis-subparagrafu ta’ qabel ma kenux soġġetti għad-dikjarazzjoni tal-kultivazzjoni fil-kwistjoni, l-għajnuna għall-produzzjoni tingħata rigward dawn il-meded ta’ art biss bil-kundizzjoni li l-parti konċernata tissottometti dikjarazzjoni supplimentari ta’ kultivazzjoni lill-awtoritajiet nazzjonali kompetenti qabel it-30 ta’ Ġunju, 1984 jew, fil-każ ta’ Spanja u l-Portugall, it-30 ta’ Ġunju 1988. 2. Fejn ikunu tħawwlu siġar ġodda taż-żebbuġ fi Franza u l-Italja mill-31 ta’ Ottubru, 1978, fil-Greċja mill-1 ta’ Jannar, 1981 jew fi Spanja u l-Portugall mill-1 ta’ Jannar, 1984, taħt proġett ta’ ristrutturazzjoni fit-tħawwil ta’ siġar taż-żebbuġ għal qasam individwali jew medda speċifika ta’ art għal produzzjoni biss, l-għajnuna tingħata wkoll għar-rigward l-oqsma konċernati, sakemm: - il-proġett ta’ destrutturazzjoni jkun ġie approvat mill-awtoritajiet kompetenti ta’ l-Istati Membri konċernati; - f’kull medda ta’ art li tgħaddi minn ristrutturazzjoni, il-medda totali mħawwla bis-siġar taż-żebbuġ bħala riżultat tar-ristrutturazzjoni ma għandhiex taqbeż il-medda mħawwla, fi Franza u fl-Italja bħalma kienet fil-31 ta’ Ottubru, 1978, fil-Ġreċja bħalma kienet fl-1 ta’ Jannar, 1981 jew fi Spanja u l-Portugall bħalma kienet fl-1 ta’ Jannar, 1984. Fil-każ tal-Portugall, il-kwantità li tista’ tkun prodotta wara l-istrutturazzjoni ma għandhiex taqbeż dik li tista’ tkun prodotta fuq il-meded ta’ art imħawwla bis-siġar taż-żebbuġ li attwalment kienu qed jipproduċu fl-1 ta’ Jannar, 1984." Artikolu 6 Ir-Regolament (KEE) Nru 2261/84 ikun emendat kif ġej: 1. Artikolu 1 għandu jitbiddel b’dan li ġej: "Artikolu 1 Mis-sena ta’ bejgħ 1984/1985, ir-regoli ġenerali mniżżla f’dan ir-Regolament japplikaw għall-għoti ta’ għajnuna għall-produzzjoni taż-żejt taż-żebbuġa msemmija f’Artikolu 5 tar-Regolament (KEE) Nru 136/66/KEE. Iżda huma ma għandhomx japplikaw għal Spanja u l-Portugall qabel il-bidu tas-sena ta’ bejgħ 1986/1987."; 2. f’Artikolu 3(1), it-tieni inċiż titbiddel b’dan li ġej: "— kopja tad-dikjarazzjoni mogħtija bil-għan li jinġabar reġistru tal-kultivazzjoni taż-żebbug. Rigward il-Greċja, Spanja u l-Portugall u sakemm ikun inġabar ir-reġistru tal-kultivazzjoni taż-żebbuġ f’dawn l-Istati Membri, din id-dikjarazzjoni tista titbiddel b’dik imsemmija f’Artikolu 1(1) tar-Regolament (KEE) Nru 1590/83."; 3. f’Artikolu 13(3), l-ewwel subparagrafu jitbiddel b’dan li ġej: "3. Matul is-snin ta’ bejgħ 1984/1985 u 1985/1986, l-Istati Membri konċernati jistgħu jagħtu approvazzjoni proviżorja lill-mitħna konċernata hekk kif tkun sottomessa applikazzjoni għall-approvazzjoni li jkun fiha t-tagħrif imsemmi fil-paragrafu 1. Din l-għażla tkun estiża sas-sena ta’ bejgħ 1986/1987 għal Spanja u l-Portugall." Artikolu 7 Ir-Regolament (KEE) Nru 2262/84 ikun emendat kif ġej: Artikolu 1(5) jitbiddel b’dan li ġej: "5. Għal perjodu ta’ tliet snin mill-1 ta’ Novembru, 1984, il-perċentwali li ġejjin ta’ l-ispiża proprja ta’ l-aġenzija jitħallas mill-estimi ġenerali tal-Komunitajiet Ewropej: - 100 % għall-ewwel sentejn, sa massimu ta’ 14-il miljun ECU għall-aġenzija mwaqqfa fl-Italja u 7 miljun ECU għall-aġenzija mwaqqfa fil-Greċja, - 50 % għat-tielet sena. Fil-każ ta’ Spanja u l-Portugall, ikunu koperti 100 % ta’ l-ispiża proprja ta’ l-aġenzija matul il-perjodu ta’ żmien mill-1 ta’ Marzu, 1986 sal-31 ta’ Ottubru, 1987, sa massimu ta’ 7 miljun ECU għal Spanja u ta’ 3,5 miljun ECU għall-Portugall. L-Istati Membri jistgħu, taħt kundizzjonijiet li jridu jkunu stabbiliti bi qbil mal-proċedura provduta f’Artikolu 38 tar-Regolament Nru 136/66/KEE, ikopru parti mill-ispiża li jridu jidħlu għaliha bi tnaqqis mill-għajnuna tal-Komunità mogħtija għaż-żejt taż-żebbuġa. Il-Kunsill, huwa u jaġixxi b’maġġoranza kwalifikata fuq proposta mill-Kummissjoni, jadotta sal-1 ta’ Jannar, 1987 il-metodu għal finanzjament ta’ l-ispiża fil-kwistjoni sa mis-sena ta’ bejgħ 1987/1988." Artikolu 8 Dan ir-Regolament jidħol fis-seħħ fl-1 Marzu, 1986, bla ħsara għad-dħul fis-seħħ tat-Trattat ta’ Adeżjoni ta’ Spanja u l-Portugall. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, 20 ta’ Diċembru, 1985. Għall-Kunsill Il-President R. Steichen [1] ĠU L 238, tad-29.10.1970, p. 3. [2] ĠU L 241, tas-27.10.1971, p. 2. [3] ĠU L 19, ta’ l-24.1.1975, p. 1. [4] ĠU L 360, tal-31.12.1980, p. 15. [5] ĠU L 369, tad-29.12.1978, p. 12. [6] ĠU L 287, tat-30.10.1980, p. 2. [7] ĠU L 78, tat-30.3.1979, p. 2. [8] ĠU L 298, tas-16.11.1984, p. 4. [9] ĠU Nru L 163, tat-22.6.1983, p. 39 [10] ĠU L 208, tat-3.8.1984, p. 3. [11] ĠU L 208, tat-3.8.1984, p. 11. --------------------------------------------------