Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 22023D2332

Deċiżjoni tal-Kumitat Konġunt taż-ŻEE Nru 50/2023 tas-17 ta’ Marzu 2023 li temenda l-Anness V (Moviment liberu tal-ħaddiema) u l-Anness VIII (Drittijiet ta’ stabbiliment) tal-Ftehim dwar iż-ŻEE [2023/2332]

ĠU L, 2023/2332, 26.10.2023, ELI: http://data.europa.eu/eli/dec/2023/2332/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/dec/2023/2332/oj

European flag

Il-Ġurnal Uffiċjali
ta'l-Unjoni Ewropea

MT

Serje L

2023/2332

26.10.2023

DEĊIŻJONI TAL-KUMITAT KONĠUNT TAŻ-ŻEE Nru 50/2023

tas-17 ta’ Marzu 2023

li temenda l-Anness V (Moviment liberu tal-ħaddiema) u l-Anness VIII (Drittijiet ta’ stabbiliment) tal-Ftehim dwar iż-ŻEE [2023/2332]

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea (‘il-Ftehim dwar iż-ŻEE’), u b’mod partikolari l-Artikolu 98 tiegħu,

Billi:

(1)

Ir-Regolament (UE) 2019/1157 tal-Parlament Ewropew u tal-Kunsill tal-20 ta’ Ġunju 2019 dwar it-tisħiħ tas-sigurtà tal-karti tal-identità taċ-ċittadini tal-Unjoni u tad-dokumenti ta’ residenza maħruġa liċ-ċittadini tal-Unjoni u lill-membri tal-familja tagħhom li jeżerċitaw id-dritt tagħhom ta’ moviment liberu (1) għandu jiġi inkorporat fil-Ftehim dwar iż-ŻEE.

(2)

Il-kunċett ta’ “Ċittadinanza tal-Unjoni” mhuwiex inkluż fil-Ftehim dwar iż-ŻEE.

(3)

Il-politika tal-immigrazzjoni mhijiex parti mill-Ftehim dwar iż-ŻEE u għalhekk, id-drittijiet ta’ residenza għal ċittadini ta’ pajjiżi terzi jaqgħu barra mill-kamp ta’ applikazzjoni tal-Ftehim dwar iż-ŻEE.

(4)

Madankollu, il-membri tal-familja fis-sens tad-Direttiva 2004/38/KE tal-Parlament Ewropew u tal-Kunsill (2) li għandhom ċittadinanza ta’ pajjiż terz igawdu minn ċerti drittijiet derivati ta’ ċittadini taż-ŻEE.

(5)

Ir-Regolament (UE) 2019/1157 fih dispożizzjonijiet b’referenzi għal atti adottati skont it-Titolu V TFUE. Ta’ min ifakkar li l-inkorporazzjoni ta’ atti b’dispożizzjonijiet bħal dawn fil-Ftehim dwar iż-ZEE hi mingħajr preġudizzju għall-fehim li l-leġiżlazzjoni tal-UE adottata skont it-Titolu V TFUE taqa’ barra mill-kamp ta’ applikazzjoni tal-Ftehim dwar iż-ŻEE.

(6)

Jenħtieġ għalhekk, li l-Annessi V u VIII tal-Ftehim dwar iż-ŻEE jiġu emendati skont dan,

ADOTTA DIN ID-DEĊIŻJONI:

Artikolu 1

Il-punt li ġej jiddaħħal wara l-punt 1 tal-Anness V tal-Ftehim dwar iż-ŻEE:

“1a.

L-att imsemmi fil-punt 10a tal-Anness VIII (ir-Regolament (UE) 2019/1157 tal-Parlament Ewropew u tal-Kunsill), kif adattat għall-finijiet tal-Ftehim, għandu japplika, kif xieraq, għall-oqsma koperti minn dan l-Anness.”

Artikolu 2

Il-punt li ġej jiddaħħal wara l-punt 10 tal-Anness VIII tal-Ftehim dwar iż-ŻEE:

“10a.

32019 R 1157: Ir-Regolament (UE) 2019/1157 tal-Parlament Ewropew u tal-Kunsill tal-20 ta’ Ġunju 2019 dwar it-tisħiħ tas-sigurtà tal-karti tal-identità taċ-ċittadini tal-Unjoni u tad-dokumenti ta’ residenza maħruġa liċ-ċittadini tal-Unjoni u lill-membri tal-familja tagħhom li jeżerċitaw id-dritt tagħhom ta’ moviment liberu (ĠU L 188, 12.7.2019, p. 67).

Id-dispożizzjonijiet tar-Regolament għandhom, għall-finijiet ta’ dan il-Ftehim, jinqraw bl-adattamenti li ġejjin:

(a)

Il-kliem ‘ċittadin/ċittadini tal-Unjoni’ għandhom jinbidlu bil-kliem ‘ċittadin/ċittadini tal-Istati Membri tal-UE u l-Istati tal-EFTA‘.

(b)

Fl-Artikolu 3(4), fir-rigward tal-Istati tal-EFTA, il-kliem ‘, stampat fin-negattiv f’rettangolu blu u mdawwar bi 12-il stilla safra’ ma għandux japplika.

(c)

Fl-Artikolu 6(h), fir-rigward tal-Istati tal-EFTA, il-kliem ‘, stampat fin-negattiv f’rettangolu blu u mdawwar bi 12-il stilla safra’ ma għandux japplika.

(d)

Fl-Artikolu 7(2), il-kliem ‘Membru tal-Familja tal-UE’ għandhom jinbidlu bil-kliem ‘Membru tal-Familja taż-ŻEE’.

(e)

Fl-Artikolu 10(2), fir-rigward tal-Istati tal-EFTA, il-kliem ‘il-Karta’ ma għandhomx japplikaw.

(f)

Fl-Artikoli 11(4), fir-rigward tal-Istati tal-EFTA, il-kelma ‘Unjoni’ għandu jinqara ‘il-Ftehim dwar iż-ŻEE’.

(g)

Fl-Artikolu 5(1), fir-rigward tal-Istati tal-EFTA, il-kliem ‘sat-3 ta’ Awwissu 2031’ għandhom jinqraw ‘10 snin wara d-data tad-dħul fis-seħħ tad-Deċiżjoni tal-Kumitat Konġunt taż-ŻEE Nru 50/2023 tas-17 ta’ Marzu 2023’.

(h)

Fl-Artikolu 5(2), fir-rigward tal-Istati tal-EFTA, il-kliem ‘sat-3 ta’ Awwissu 2026’ għandhom jinqraw ‘ħames snin wara d-data tad-dħul fis-seħħ tad-Deċiżjoni tal-Kumitat Konġunt taż-ŻEE Nru 50/2023 tas-17 ta’ Marzu 2023’.

(i)

Fl-Artikolu 8(1), fir-rigward tal-Istati tal-EFTA, il-kliem ‘sat-3 ta’ Awwissu 2026’ għandhom jinqraw ‘ħames snin wara d-data tad-dħul fis-seħħ tad-Deċiżjoni tal-Kumitat Konġunt taż-ŻEE Nru 50/2023 tas-17 ta’ Marzu 2023’.

(j)

Fl-Artikolu 8(2), fir-rigward tal-Istati tal-EFTA, il-kliem ‘sat-3 ta’ Awwissu 2023’ għandhom jinqraw ‘sentejn wara d-data tad-dħul fis-seħħ tad-Deċiżjoni tal-Kumitat Konġunt taż-ŻEE Nru 50/2023 tas-17 ta’ Marzu 2023’.”

Artikolu 3

It-test tar-Regolament (UE) 2019/1157 bil-lingwa Iżlandiża u b’dik Norveġiża, li se jiġi ppubblikat fis-Suppliment taż-ŻEE ta’ Il-Ġurnal Uffiċjali tal-Unjoni Ewropea, għandu jkun awtentiku.

Artikolu 4

Din id-Deċiżjoni għandha tidħol fis-seħħ fit-18 ta’ Marzu 2023, dment li jkunu saru n-notifiki kollha skont l-Artikolu 103(1) tal-Ftehim dwar iż-ŻEE (*1).

Artikolu 5

Din id-Deċiżjoni għandha tiġi ppubblikata fit-Taqsima taż-ŻEE, u fis-Suppliment taż-ŻEE, ta’ Il-Ġurnal Uffiċjali tal-Unjoni Ewropea.

Magħmul fi Brussell, is-17 ta’ Marzu 2023.

Għall-Kumitat Konġunt taż-ŻEE

Il-President

Nicolas VON LINGEN

(1)   ĠU L 188, 12.7.2019, p. 67.

(2)  Id-Direttiva 2004/38/KE tal-Parlament Ewropew u tal-Kunsill tad-29 ta’ April 2004 dwar id-drittijiet taċ-ċittadini tal-Unjoni u tal-membri tal-familja tagħhom biex jiċċaqilqu u jgħixu liberament fit-territorju tal-Istati Membri u li temenda r-Regolament (KEE) Nru 1612/68 u li tħassar id-Direttivi 64/221/KEE, 68/360/KEE, 72/194/KEE, 73/148/KEE, 75/34/KEE, 75/35/KEE, 90/364/KEE, 90/365/KEE u 93/96/KEE (ĠU L 158, 30.4.2004, p. 77).

(*1)  Huma indikati rekwiżiti kostituzzjonali.

ELI: http://data.europa.eu/eli/dec/2023/2332/oj

ISSN 1977-074X (electronic edition)

Top