This document is an excerpt from the EUR-Lex website
Document 22023D1399
Decision of the EEA Joint Committee No 140/2020 of 25 September 2020 amending Annex XVI (Public Procurement) to the EEA Agreement [2023/1399]
Deċiżjoni tal-Kumitat Konġunt taż-ŻEE Nru 140/2020 tal-25 ta’ Settembru 2020 li temenda l-Anness XVI (Akkwisti pubbliċi) tal-Ftehim dwar iż-ŻEE [2023/1399]
Deċiżjoni tal-Kumitat Konġunt taż-ŻEE Nru 140/2020 tal-25 ta’ Settembru 2020 li temenda l-Anness XVI (Akkwisti pubbliċi) tal-Ftehim dwar iż-ŻEE [2023/1399]
PUB/2023/33
ĠU L 173, 6.7.2023, p. 42–43
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
Date of entry into force unknown (pending notification) or not yet in force.
|
6.7.2023 |
MT |
Il-Ġurnal Uffiċjali tal-Unjoni Ewropea |
L 173/42 |
DEĊIŻJONI TAL-KUMITAT KONĠUNT TAŻ-ŻEE Nru 140/2020
tal-25 ta’ Settembru 2020
li temenda l-Anness XVI (Akkwisti pubbliċi) tal-Ftehim dwar iż-ŻEE [2023/1399]
IL-KUMITAT KONĠUNT TAŻ-ŻEE,
Wara li kkunsidra l-Ftehim dwar iż-Żona Ekonomika Ewropea (‘il-Ftehim dwar iż-ŻEE’), u b’mod partikolari l-Artikolu 98 tiegħu,
Billi:
|
(1) |
Ir-Regolament ta' Implimentazzjoni tal-Kummissjoni (UE) 2019/1780 tat-23 ta’ Settembru 2019 li jistabbilixxi formoli standard għall-pubblikazzjoni ta’ avviżi fil-qasam tal-akkwist pubbliku u li jirrevoka r-Regolament ta’ Implimentazzjoni (UE) Nru 2015/1986 (‘Formoli elettroniċi’) (1) għandi jiġi inkorporat fil-Ftehim dwar iż-ŻEE. |
|
(2) |
Ir-Regolament ta’ Implimentazzjoni (UE) 2019/1780 iħassar, b’effett mill-25 ta’ Ottubru 2023, ir-Regolament ta’ Implimentazzjoni tal-Kummissjoni (UE) 2015/1986 (2), li huwa inkorporat fil-Ftehim dwar iż-ŻEE u li konsegwentement irid jitħassar skont il-Ftehim dwar iż-ŻEE b’effett mill-25 ta’ Ottubru 2023. |
|
(3) |
Jenħtieġ għalhekk, li l-Anness XVI tal-Ftehim dwar iż-ŻEE jiġi emendat skont dan, |
ADOTTA DIN ID-DEĊIŻJONI:
Artikolu 1
L-Anness XVI tal-Ftehim dwar iż-ŻEE għandu jiġi emendat kif ġej:
|
1. |
Il-punt li ġej jiddaħħal wara l-punt 6h (ir-Regolament ta’ Implimentazzjoni tal-Kummissjoni (UE) 2016/1804):
|
|
2. |
It-test tal-punt 6g (ir-Regolament ta’ Implimentazzjoni tal-Kummissjoni (UE) 2015/1986) għandu jitħassar b’effett mill-25 ta’ Ottubru 2023. |
Artikolu 2
It-test tar-Regolament ta’ Implimentazzjoni (UE) 2019/1780 bil-lingwa Iżlandiża u b’dik Norveġiża, li se jiġi ppubblikat fis-Suppliment taż-ŻEE ta’ Il-Ġurnal Uffiċjali tal-Unjoni Ewropea, għandu jkun awtentiku.
Artikolu 3
Din id-Deċiżjoni għandha tidħol fis-seħħ fis-26 ta’ Settembru 2020, dment li jkunu saru n-notifiki kollha skont l-Artikolu 103(1) tal-Ftehim dwar iż-ŻEE (*1).
Artikolu 4
Din id-Deċiżjoni għandha tiġi ppubblikata fit-Taqsima taż-ŻEE, u fis-Suppliment taż-ŻEE, ta’ Il-Ġurnal Uffiċjali tal-Unjoni Ewropea.
Magħmul fi Brussell, il-25 ta’ Settembru 2020.
Għall-Kumitat Konġunt taż-ŻEE
Il-President
Sabine MONAUNI
(1) ĠU L 272, 25.10.2019, p. 7.
(2) ĠU L 296, 12.11.2015, p. 1.
(*1) Ma huwa indikat l-ebda rekwiżit kostituzzjonali.