1.   Id-data personali mitluba u riċevuta skont dan il-Ftehim għandha tiġi pproċessata biss għall-finijiet tal-prevenzjoni, l-investigazzjoni, is-sejbien jew il-prosekuzzjoni ta’ reati kriminali jew l-eżekuzzjoni ta’ pieni kriminali fil-limiti tal-Artikolu 4(5) u l-mandati rispettivi tal-awtoritajiet kompetenti.

2.   L-awtoritajiet kompetenti għandhom jindikaw b’mod ċar, mhux aktar tard mill-mument tat-trasferiment ta’ data personali, il-fini jew il-finijiet speċifiċi li għalihom tkun qed tiġi ttrasferita d-data. Għal trasferimenti lill-Europol, il-fini jew il-finijiet għal tali trasferiment għandhom jiġu speċifikati f’konformità mal-fini jew mal-finijiet speċifiċi tal-ipproċessar stabbiliti fil-mandat tal-Europol.

1.   Kull Parti Kontraenti għandha tipprevedi li d-data personali skambjata skont dan il-Ftehim tkun:

2.   L-awtorità kompetenti li tittrasferixxi, fil-mument tat-trasferiment ta’ data personali, tista’ tindika kwalunkwe restrizzjoni fuq l-aċċess għaliha jew fuq l-użu li għandu jsir minnha, f’termini ġenerali jew speċifiċi, inkluż fir-rigward tat-trasferiment ulterjuri, tat-tħassir jew tal-qerda tagħha wara ċertu perjodu ta’ żmien, jew l-ipproċessar ulterjuri tagħha. Fejn il-ħtieġa għal tali restrizzjonijiet issir evidenti wara li tkun ġiet ipprovduta l-informazzjoni, l-awtorità kompetenti li tittrasferixxi għandha tinforma lill-awtorità riċeventi b’dan.

3.   Kull Parti Kontraenti għandha tiżgura li l-awtorità kompetenti riċeventi tikkonforma ma’ kwalunkwe restrizzjoni fuq l-aċċess jew l-użu ulterjuri tad-data personali indikata mill-awtorità kompetenti li tittrasferixxi kif deskritt fil-paragrafu 2.

4.   Kull Parti Kontraenti għandha tipprevedi li l-awtoritajiet kompetenti tagħha jimplimentaw miżuri tekniċi u organizzattivi xierqa b’tali mod li jkunu jistgħu juru li l-ipproċessar ser jikkonforma ma’ dan il-Ftehim u li d-drittijiet tas-suġġetti tad-data kkonċernati huma protetti.

5.   Kull Parti Kontraenti għandha tiżgura li l-awtoritajiet kompetenti tagħha ma jittrasferixxux data personali li tkun inkisbet bi ksur manifest tad-drittijiet tal-bniedem rikonoxxuti min-normi tal-liġi internazzjonali li jorbtu lill-Partijiet Kontraenti. Kull Parti Kontraenti għandha tiżgura li d-data personali riċevuta ma tintużax biex tintalab, tingħata jew tiġi eżegwita piena tal-mewt jew kwalunkwe forma ta’ trattament krudili jew inuman.

6.   Kull Parti Kontraenti għandha tiżgura li jinżamm rekord tat-trasferimenti kollha ta’ data personali skont dan il-Ftehim u tal-fini jew tal-finijiet għal dawk it-trasferimenti.

1.   It-trasferiment ta’ data personali fir-rigward ta’ vittmi ta’ reat kriminali, ta’ xhieda jew ta’ persuni oħra li jistgħu jipprovdu informazzjoni dwar reati kriminali, jew fir-rigward ta’ persuni taħt it-18-il sena, għandu jkun ipprojbit diment li tali trasferiment ma jkunx strettament neċessarju u proporzjonat f’każijiet individwali għall-prevenzjoni jew għall-ġlieda kontra reat kriminali.

2.   It-trasferiment ta’ data personali li tiżvela oriġini razzjali jew etnika, opinjonijiet politiċi, twemmin reliġjuż jew filosofiku, jew sħubija fi trade union, data ġenetika, data bijometrika għall-fini ta’ identifikazzjoni unika ta’ persuna fiżika, jew data dwar is-saħħa, jew data li tikkonċerna l-ħajja sesswali jew l-orjentazzjoni sesswali ta’ persuna fiżika għandu jkun permess biss fejn strettament neċessarju kif ukoll raġonevoli u proporzjonat f’każijiet individwali għall-prevenzjoni jew il-ġlieda kontra reat kriminali, u jekk dik id-data, ħlief data bijometrika, tissupplimenta data personali oħra.

3.   Il-Partijiet Kontraenti għandhom jiżguraw li l-ipproċessar tad-data personali skont il-paragrafi 1 u 2 ta’ dan l-Artikolu jkun soġġett għal salvagwardji xierqa kontra r-riskji speċifiċi involuti, inklużi restrizzjonijiet fuq l-aċċess, miżuri għas-sigurtà tad-data fis-sens tal-Artikolu 15 u limitazzjonijiet fuq trasferimenti ulterjuri skont l-Artikolu 7.

1.   New Zealand għandha tiżgura li l-awtoritajiet kompetenti tagħha jittrasferixxu biss data personali riċevuta skont dan il-Ftehim lil awtoritajiet oħra fi New Zealand jekk:

2.   New Zealand għandha tiżgura li t-trasferimenti ulterjuri ta’ data personali riċevuti mill-awtoritajiet kompetenti tagħha skont dan il-Ftehim lill-awtoritajiet ta’ pajjiż terz jew lil organizzazzjoni internazzjonali jkunu pprojbiti, sakemm ma jiġux issodisfati l-kundizzjonijiet li ġejjin:

3.   Il-Europol tista’ tagħti l-awtorizzazzjoni tagħha skont il-paragrafu 3, punt b, ta’ dan l-Artikolu għal trasferiment ulterjuri lill-awtorità ta’ pajjiż terz jew lil organizzazzjoni internazzjonali biss jekk u sa fejn ikun hemm fis-seħħ deċiżjoni ta’ adegwatezza, ftehim internazzjonali li jipprovdi salvagwardji xierqa fir-rigward tal-protezzjoni tad-dritt tal-privatezza u d-drittijiet u l-libertajiet fundamentali tal-individwi, ftehim ta’ kooperazzjoni jew kwalunkwe raġuni legali oħra għat-trasferimenti ta’ data personali fis-sens tar-Regolament tal-Europol li jkopri t-trasferiment ulterjuri.

4.   L-Unjoni għandha tiżgura li t-trasferimenti ulterjuri ta’ data personali riċevuta mill-Europol skont dan il-Ftehim lill-korpi tal-Unjoni mhux elenkati fl-Anness III, lill-awtoritajiet ta’ pajjiżi terzi jew lil organizzazzjoni internazzjonali jkunu pprojbiti, diment li:

1.   L-awtoritajiet kompetenti għandhom jindikaw kemm jista’ jkun, sa mhux aktar tard mill-mument tat-trasferiment tad-data personali, l-affidabbiltà tas-sors tal-informazzjoni abbażi ta’ wieħed jew aktar mill-kriterji li ġejjin:

2.   L-awtoritajiet kompetenti għandhom jindikaw kemm jista’ jkun, sa mhux aktar tard mill-mument tat-trasferiment tad-data personali, il-preċiżjoni tal-informazzjoni abbażi ta’ wieħed jew aktar mill-kriterji li ġejjin:

3.   Meta l-awtorità kompetenti li tirċievi, fuq il-bażi ta’ informazzjoni diġà fil-pussess tagħha, tasal għall-konklużjoni li l-valutazzjoni tal-informazzjoni pprovduta mill-awtorità kompetenti li tittrasferixxi jew tas-sors tagħha mwettqa f’konformità mal-paragrafi 1 u 2 teħtieġ korrezzjoni, hija għandha tinforma lil dik l-awtorità kompetenti u għandha tipprova taqbel dwar emenda għall-valutazzjoni. L-awtorità kompetenti li tirċievi ma għandhiex tbiddel il-valutazzjoni tal-informazzjoni riċevuta jew tas-sors tagħha mingħajr tali ftehim.

4.   Jekk awtorità kompetenti tirċievi informazzjoni mingħajr valutazzjoni, hija għandha tipprova kemm jista’ jkun u fejn possibbli bi ftehim mal-awtorità kompetenti li tittrasferixxi tivvaluta l-affidabbiltà tas-sors jew il-preċiżjoni tal-informazzjoni fuq il-bażi tal-informazzjoni li diġà tkun fil-pussess tagħha.

5.   Jekk ma tkun tista’ ssir l-ebda valutazzjoni affidabbli, l-informazzjoni għandha tiġi evalwata skont il-paragrafu 1, punt (d), u l-paragrafu 2, punt (d), kif applikabbli.

1.   Il-Partijiet Kontraenti għandhom jiżguraw li s-suġġett tad-data jkollu d-dritt, f’intervalli raġonevoli, li jikseb informazzjoni dwar jekk id-data personali relatata miegħu hijiex ipproċessata skont dan il-Ftehim, u meta dan ikun il-każ, l-aċċess għal mill-inqas l-informazzjoni li ġejja:

2.   F’każijiet fejn jiġi eżerċitat id-dritt ta’ aċċess, il-Parti Kontraenti li tittrasferixxi tiġi kkonsultata fuq bażi mhux vinkolanti qabel ma tittieħed deċiżjoni finali dwar it-talba għall-aċċess.

3.   Il-Partijiet Kontraenti jistgħu jipprevedu li l-għoti ta’ informazzjoni bi tweġiba għal kwalunkwe talba skont il-paragrafu 1 jiġi ttardjat, irrifjutat jew ristrett jekk u sakemm tali dewmien, rifjut jew restrizzjoni jikkostitwixxu miżura li hija neċessarja kif ukoll raġonevoli u proporzjonata b’kont meħud tad-drittijiet fundamentali u l-interessi tas-suġġett tad-data, sabiex:

4.   Il-Partijiet Kontraenti għandhom jiżguraw li l-awtorità kompetenti tinforma lis-suġġett tad-data bil-miktub dwar kwalunkwe dewmien, rifjut jew restrizzjoni ta’ aċċess u r-raġunijiet għal tali dewmien, rifjut jew restrizzjoni ta’ aċċess. Dawk ir-raġunijiet jistgħu jitħallew barra jekk u sakemm dan idgħajjef il-fini tad-dewmien, ir-rifjut jew ir-restrizzjoni skont il-paragrafu 3. L-awtorità kompetenti għandha tinforma lis-suġġett tad-data dwar il-possibbiltà li jressaq ilment mal-awtoritajiet superviżorji rispettivi u dwar mezzi ta’ rimedju disponibbli oħra previsti fl-oqfsa legali rispettivi tagħhom.

1.   Il-Partijiet Kontraenti għandhom jiżguraw li s-suġġett tad-data għandu d-dritt li jitlob lill-awtoritajiet kompetenti biex jirrettifikaw/jikkoreġu data personali mhux preċiża li tikkonċerna dak is-suġġett tad-data u li ġiet ittrasferita skont dan il-Ftehim. Filwaqt li jitqiesu l-fini jew il-finijiet tal-ipproċessar, dan jinkludi d-dritt li d-data personali mhux kompluta tiġi ttrasferita skont dan il-Ftehim.

2.   Rettifika/korrezzjoni għandha tinkludi t-tħassir/l-ikkanċellar ta’ data personali li ma tkunx għadha meħtieġa għall-fini jew għall-finijiet li għalihom tiġi pproċessata.

3.   Il-Partijiet Kontraenti jistgħu jipprevedu għar-restrizzjoni tal-ipproċessar aktar milli għat-tħassir/l-ikkanċellar ta’ data personali jekk ikun hemm raġunijiet raġonevoli biex wieħed jemmen li tali tħassir/ikkanċellar jista’ jaffettwa l-interessi leġittimi tas-suġġett tad-data.

4.   L-awtoritajiet kompetenti għandhom jinfurmaw lil xulxin bil-miżuri meħuda skont il-paragrafi 1, 2 u 3. L-awtorità kompetenti li tirċievi għandha tirrettifika/tikkoreġi, tħassar jew tirrestrinġi l-ipproċessar f’konformità mal-azzjoni meħuda mill-awtorità kompetenti li tittrasferixxi.

5.   Il-Partijiet Kontraenti għandhom jipprevedu li l-awtorità kompetenti li tkun irċeviet it-talba biex tinforma lis-suġġett tad-data bil-miktub mingħajr dewmien żejjed, u fi kwalunkwe każ fi żmien tliet xhur mill-wasla ta’ talba skont il-paragrafu 1 jew 2, li d-data li tikkonċerna s-suġġett tad-data tkun ġiet rettifikata/ikkoreġuta, imħassra/ikkanċellata jew li l-ipproċessar ġie ristrett.

6.   Il-Partijiet Kontraenti għandhom jipprevedu li l-awtorità kompetenti li tkun irċeviet it-talba tinforma lis-suġġett tad-data bil-miktub, mingħajr dewmien żejjed u fi kwalunkwe każ fi żmien tliet xhur minn meta tirċievi talba dwar kwalunkwe rifjut ta’ rettifika/korrezzjoni, tħassir/ikkanċellar jew restrizzjoni tal-ipproċessar, bir-raġunijiet għal tali rifjut u bil-possibbiltà li jitressaq ilment mal-awtoritajiet superviżorji rispettivi u mezzi ta’ rimedju disponibbli oħra previsti fl-oqfsa legali rispettivi tagħhom.

1.   Il-Partijiet Kontraenti għandhom jiżguraw, fil-każ ta’ ksur ta’ data personali li jaffettwa data personali ttrasferita skont dan il-Ftehim, li l-awtoritajiet kompetenti rispettivi jinnotifikaw lil xulxin kif ukoll lill-awtorità ta’ superviżjoni rispettiva tagħhom dwar dak il-ksur ta’ data personali mingħajr dewmien, u jieħdu miżuri biex itaffu l-effetti negattivi possibbli tiegħu.

2.   In-notifika għandha mill-inqas:

3.   Sa fejn ma jkunx possibbli li tiġi pprovduta l-informazzjoni kollha meħtieġa fl-istess ħin, din tista’ tiġi pprovduta f’fażijiet. L-informazzjoni pendenti għandha tiġi pprovduta mingħajr aktar dewmien żejjed.

4.   Il-Partijiet Kontraenti għandhom jiżguraw li l-awtoritajiet kompetenti rispettivi tagħhom jiddokumentaw kwalunkwe ksur ta’ data personali li jaffettwa d-data personali ttrasferita skont dan il-Ftehim, inklużi l-fatti relatati mal-ksur ta’ data personali, l-effetti tiegħu u l-azzjoni ta’ rimedju meħuda, biex b’hekk l-awtorità ta’ superviżjoni rispettiva tagħhom tkun tista’ tivverifika l-konformità mar-rekwiżiti legali applikabbli.

1.   Il-Partijiet Kontraenti għandhom, fejn ksur ta’ data personali kif imsemmi fl-Artikolu 11 x’aktarx ikollu effett negattiv serju fuq id-drittijiet u l-libertajiet tas-suġġett tad-data, jipprevedu li l-awtoritajiet kompetenti rispettivi tagħhom jikkomunikaw il-ksur tad-data personali lis-suġġett tad-data mingħajr dewmien żejjed.

2.   Il-Komunikazzjoni lis-suġġett tad-data skont il-paragrafu 1 għandha tiddeskrivi, fejn possibbli, in-natura tal-ksur ta’ data personali, tirrakkomanda miżuri biex jittaffew l-effetti negattivi possibbli tal-ksur ta’ data personali, u tipprovdi l-isem u d-dettalji ta’ kuntatt tal-punt ta’ kuntatt fejn tista’ tinkiseb aktar informazzjoni.

3.   Il-komunikazzjoni lis-suġġett tad-data skont il-paragrafu 1 ma għandhiex tkun meħtieġa jekk:

4.   Il-komunikazzjoni lis-suġġett tad-data skont il-paragrafu 1 tista’ tiġi ttardjata, ristretta jew titħalla barra fejn tali komunikazzjoni x’aktarx li:

1.   Il-Partijiet Kontraenti għandhom jipprevedu għal limiti ta’ żmien xierqa li għandhom jiġu stabbiliti għall-ħażna ta’ data personali riċevuta taħt dan il-Ftehim jew għal reviżjoni perjodika tal-ħtieġa għall-ħażna ta’ data personali, sabiex id-data personali tinħażen biss sakemm ikun neċessarju għall-fini jew għall-finijiet li għalih tiġi ttrasferita.

2.   Fi kwalunkwe każ, il-ħtieġa għal ħażna ta’ data personali kontinwa għandha tiġi riveduta mhux aktar tard minn tliet snin wara li d-data personali tkun ġiet ittrasferita, u jekk ma tittieħed l-ebda deċiżjoni ġustifikata u dokumentata dwar it-tkomplija tal-ħażna ta’ data personali, id-data personali għandha titħassar awtomatikament wara tliet snin.

3.   Meta awtorità kompetenti jkollha raġuni biex temmen li d-data personali li tkun ġiet ittrasferita preċedentement minnha ma tkunx korretta, preċiża, ma għadhiex aġġornata jew ma kellhiex tiġi ttrasferita, hija għandha tinforma lill-awtorità kompetenti riċeventi, li għandha tikkoreġi jew tikkanċella dik id-data, u tipprovdi notifika dwar dan lill-awtorità kompetenti li tittrasferixxi.

4.   Meta awtorità kompetenti jkollha raġuni biex temmen li d-data personali li tkun irċeviet preċedentement ma tkunx korretta, preċiża, ma għadhiex aġġornata jew ma kellhiex tiġi ttrasferita, hija għandha tinforma lill-awtorità kompetenti li tittrasferixxi, li għandha tipprovdi l-pożizzjoni tagħha dwar il-kwistjoni. Meta l-awtorità kompetenti li tittrasferixxi tikkonkludi li d-data personali mhijiex korretta, mhijiex preċiża, ma għadhiex aġġornata jew ma kellhiex tiġi ttrasferita, hija għandha tinforma lill-awtorità kompetenti riċeventi, li għandha tikkoreġi jew tikkanċella dik id-data, u tipprovdi notifika dwar dan lill-awtorità kompetenti li tittrasferixxi.

1.   Il-Partijiet Kontraenti għandhom jipprevedu għaż-żamma ta’ reġistrazzjonijiet u dokumentazzjoni tal-ġbir, alterazzjoni, aċċess, żvelar inklużi trasferimenti ulterjuri, kombinazzjoni u tħassir ta’ data personali.

2.   Ir-reġistrazzjonijiet jew id-dokumentazzjoni msemmija fil-paragrafu 1 għandhom jitqiegħdu għad-dispożizzjoni tal-awtorità ta’ superviżjoni rispettiva fuq talba għall-fini ta’ verifika tal-legalità tal-ipproċessar, l-awtomonitoraġġ u l-iżgurar tal-integrità u s-sigurtà xierqa tad-data.

1.   Il-Partijiet Kontraenti għandhom jiżguraw l-implimentazzjoni ta’ miżuri tekniċi u organizzattivi biex jipproteġu d-data personali skambjata skont dan il-Ftehim.

2.   Fir-rigward tal-ipproċessar awtomatizzat, il-Partijiet Kontraenti għandhom jiżguraw l-implimentazzjoni ta’ miżuri mfassla biex:

1.   Kull Parti Kontraenti għandha tiżgura li jkun hemm awtorità pubblika indipendenti responsabbli għall-protezzjoni tad-data (awtorità ta’ superviżjoni) biex tissorvelja kwistjonijiet li jaffettwaw id-dritt għall-privatezza tal-individwi, inklużi r-regoli domestiċi rilevanti skont dan il-Ftehim, sabiex jiġu protetti d-drittijiet u l-libertajiet fundamentali ta’ persuni fiżiċi fir-rigward tal-ipproċessar ta’ data personali. Il-Partijiet Kontraenti għandhom jinnotifikaw lil xulxin bl-awtorità li kull wieħed minnhom iqis bħala l-awtorità ta’ superviżjoni.

2.   Il-Partijiet Kontraenti għandhom jiżguraw li kull awtorità ta’ superviżjoni:

1.   Fil-każ ta’ ksur materjali jew ta’ nuqqas ta’ twettiq ta’ obbligi li joħorġu minn dan il-Ftehim, kull Parti Kontraenti tista’ tissospendi temporanjament dan il-Ftehim kollu jew parti minnu permezz ta’ notifika bil-miktub lill-Parti Kontraenti l-oħra permezz ta’ mezzi diplomatiċi. Tali notifika bil-miktub ma għandhiex issir qabel ma l-Partijiet ikunu ħadu sehem f’perjodu raġonevoli ta’ konsultazzjoni mingħajr ma tkun instabet soluzzjoni, u s-sospensjoni għandha ssir effettiva 20 jum mid-data tal-wasla ta’ tali notifika. Sospensjoni bħal din tista’ titneħħa mill-Parti Kontraenti li tkun qed tissospendi b’notifika bil-miktub lill-Parti Kontraenti l-oħra. Is-sospensjoni għandha titneħħa immedjatament malli tasal tali notifika.

2.   Minkejja kwalunkwe sospensjoni ta’ dan il-Ftehim, id-data personali li taqa’ fil-kamp ta’ applikazzjoni ta’ dan il-Ftehim u li tkun ġiet ittrasferita qabel is-sospensjoni ta’ dan il-Ftehim għandha tkompli tiġi pproċessata b’konformità ma’ dan il-Ftehim.

1.   Dan il-Ftehim jista’ jiġi tterminat fi kwalunkwe ħin minn kull waħda mill-Partijiet Kontraenti permezz ta’ notifika bil-miktub permezz ta’ mezzi diplomatiċi, b’avviż ta’ tliet xhur.

2.   Id-data personali li taqa’ fil-kamp ta’ applikazzjoni ta’ dan il-Ftehim u li tiġi ttrasferita qabel it-terminazzjoni ta’ dan il-Ftehim għandha tkompli tiġi pproċessata f’konformità ma’ dan il-Ftehim fil-mument tat-terminazzjoni.

3.   F’każ ta’ terminazzjoni ta’ dan il-Ftehim, il-Partijiet Kontraenti għandhom jilħqu ftehim dwar it-tkomplija tal-użu u l-ħżin tal-informazzjoni li tkun diġà ġiet ikkomunikata bejniethom.

1.   Dan il-Ftehim ma għandux jippreġudika jew b’xi mod ieħor jaffettwa jew ikollu impatt fuq id-dispożizzjonijiet legali fir-rigward tal-iskambju ta’ informazzjoni previst minn kwalunkwe trattat ta’ assistenza legali reċiproka, kwalunkwe ftehim jew arranġament ieħor ta’ kooperazzjoni, jew relazzjoni ta’ ħidma għall-infurzar tal-liġi għall-iskambju ta’ informazzjoni bejn New Zealand u kwalunkwe Stat Membru tal-Unjoni.

2.   Dan l-Arranġament għandu jiġu kkumplimentat mill-Arranġament ta’ Ħidma li jistabbilixxi relazzjonijiet ta’ kooperazzjoni bejn il-Pulizija ta’ New Zealand u l-Aġenzija tal-Unjoni Ewropea għall-Kooperazzjoni fl-Infurzar tal-Liġi.

1.   New Zealand għandha taħtar punt ta’ kuntatt nazzjonali biex jaġixxi bħala l-punt ċentrali ta’ kuntatt bejn l-Europol u l-awtoritajiet kompetenti ta’ New Zealand. Il-kompiti speċifiċi tal-punt ta’ kuntatt nazzjonali għandhom jiġu elenkati fl-arranġament amministrattiv ta’ implimentazzjoni imsemmi fl-Artikolu 22. Il-punt ta’ kuntatt nazzjonali magħżul għal New Zealand huwa indikat fl-Anness IV.

2.   Il-Europol u New Zealand għandhom itejbu l-kooperazzjoni tagħhom kif stabbilit f’dan il-Ftehim permezz tal-iskjerament ta’ uffiċjal(i) ta’ kollegament minn New Zealand. Il-Europol jista’ jiskjera uffiċjal ta’ kollegament wieħed jew aktar fi New Zealand.

1.   Kull Parti Kontraenti għandha tipprevedi li l-awtoritajiet kompetenti tagħha jagħmlu disponibbli għall-pubbliku dokument li jistabbilixxi f’forma intelliġibbli d-dispożizzjonijiet dwar l-ipproċessar ta’ data personali ttrasferita taħt dan il-Ftehim inklużi l-mezzi disponibbli għall-eżerċizzju tad-drittijiet tas-suġġetti tad-data. Kull Parti Kontraenti għandha tiżgura li kopja ta’ dak id-dokument tiġi nnotifikata lill-Parti Kontraenti l-oħra.

2.   Meta ma jkunux diġà fis-seħħ, l-awtoritajiet kompetenti għandhom jadottaw regoli li jispeċifikaw kif il-konformità mad-dispożizzjonijiet dwar l-ipproċessar tad-data personali ttrasferita taħt dan il-Ftehim ser tiġi infurzata fil-prattika. Kopja ta’ dawn ir-regoli għandha tiġi nnotifikata lill-Parti Kontraenti l-oħra u lill-awtoritajiet superviżorji rispettivi.

1.   Dan il-Ftehim jista’ jiġi emendat bil-miktub, fi kwalunkwe ħin b’kunsens reċiproku bejn il-Partijiet Kontraenti permezz ta’ notifika bil-miktub skambjata permezz ta’ mezzi diplomatiċi. L-emendi għal dan il-Ftehim għandhom jidħlu fis-seħħ f’konformità mal-proċedura legali prevista fl-Artikolu 27(1) u (2).

2.   L-Annessi għal dan il-Ftehim jistgħu jiġu aġġornati, kif neċessarju, permezz ta’ skambju ta’ noti diplomatiċi. Tali aġġornamenti għandhom jidħlu fis-seħħ f’konformità mal-proċedura legali prevista fl-Artikolu 27(1) u (2).

3.   Il-Partijiet Kontraenti għandhom jidħlu f’konsultazzjonijiet fir-rigward tal-emendar ta’ dan il-Ftehim jew l-Annessi tiegħu fuq talba ta’ xi waħda mill-Partijiet Kontraenti.

1.   Il-Partijiet Kontraenti għandhom jirrevedu b’mod konġunt l-implimentazzjoni ta’ dan il-Ftehim sena wara d-dħul fis-seħħ tiegħu, u f’intervalli regolari minn hemm ‘il quddiem, u addizzjonalment jekk mitluba minn waħda mill-Partijiet Kontraenti u deċiżi b’mod konġunt.

2.   Il-Partijiet Kontraenti għandhom jevalwaw dan il-Ftehim b’mod konġunt erba’ snin wara d-data ta’ applikazzjoni tiegħu.

3.   Il-Partijiet Kontraenti għandhom jiddeċiedu minn qabel dwar il-modalitajiet tar-reviżjoni ta’ l-implimentazzjoni ta’ dan il-Ftehim u għandhom jikkomunikaw lil xulxin il-kompożizzjoni tat-timijiet rispettivi tagħhom. It-timijiet għandhom jinkludu esperti rilevanti dwar il-protezzjoni tad-data u l-infurzar tal-liġi. Soġġett għal-liġijiet applikabbli, il-parteċipanti kollha f’rieżami għandhom ikunu mitluba li jirrispettaw il-kunfidenzjalità tad-diskussjonijiet u jkollhom awtorizzazzjonijiet ta’ sigurtà xierqa. Għall-finijiet ta’ kwalunkwe reviżjoni, l-Unjoni u New Zealand għandhom jiżguraw aċċess għad-dokumentazzjoni, is-sistemi u l-persunal rilevanti.

1.   Dan il-Ftehim għandu japplika għat-territorju li fih, u sa fejn, ikunu applikabbli t-TUE u t-TFUE, u għat-territorju ta’ New Zealand.

2.   Dan il-Ftehim għandu japplika biss għat-territorju tad-Danimarka jekk l-Unjoni tinnotifika lil New Zealand bil-miktub li d-Danimarka għażlet li tintrabat b’dan il-Ftehim.

3.   Jekk l-Unjoni tinnotifika lil New Zealand qabel id-data ta’ applikazzjoni ta’ dan il-Ftehim li dan il-Ftehim ser japplika għat-territorju tad-Danimarka, dan il-Ftehim għandu japplika għat-territorju tad-Danimarka fl-istess jum li dan il-Ftehim japplika għall-Istati Membri l-oħra tal-Unjoni.

4.   Jekk l-Unjoni tinnotifika lil New Zealand wara d-dħul fis-seħħ ta’ dan il-Ftehim, li dan il-Ftehim ser japplika għat-territorju tad-Danimarka, dan il-Ftehim għandu japplika għat-territorju tad-Danimarka 30 jum wara d-data ta’ tali notifika.