This document is an excerpt from the EUR-Lex website
Document 22022D2164
Decision of the EEA Joint Committee No 172/2019 of 14 June 2019 amending Annex XIX (Consumer protection) to the EEA Agreement [2022/2164]
Deċiżjoni tal-Kumitat Konġunt taż-ŻEE Nru 172/2019 tal-14 ta' Ġunju 2019 li temenda l-Anness XIX (Protezzjoni tal-konsumatur) tal-Ftehim dwar iż-ŻEE [2022/2164]
Deċiżjoni tal-Kumitat Konġunt taż-ŻEE Nru 172/2019 tal-14 ta' Ġunju 2019 li temenda l-Anness XIX (Protezzjoni tal-konsumatur) tal-Ftehim dwar iż-ŻEE [2022/2164]
ĠU L 291, 10.11.2022, p. 60–61
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
10.11.2022 |
MT |
Il-Ġurnal Uffiċjali tal-Unjoni Ewropea |
L 291/60 |
DEĊIŻJONI TAL-KUMITAT KONĠUNT TAŻ-ŻEE Nru 172/2019
tal-14 ta' Ġunju 2019
li temenda l-Anness XIX (Protezzjoni tal-konsumatur) tal-Ftehim dwar iż-ŻEE [2022/2164]
IL-KUMITAT KONĠUNT TAŻ-ŻEE,
Wara li kkunsidra l-Ftehim dwar iż-Żona Ekonomika Ewropea (“il-Ftehim dwar iż-ŻEE”), u b’mod partikolari l-Artikolu 98 tiegħu,
Billi:
(1) |
Ir-Regolament (UE) 2017/2394 tal-Parlament Ewropew u tal-Kunsill tat-12 ta’ Diċembru 2017 dwar il-kooperazzjoni bejn l-awtoritajiet nazzjonali responsabbli għall-infurzar tal-liġijiet tal-protezzjoni tal-konsumaturi u li jħassar ir-Regolament (KE) Nru 2006/2004 (1) għandu jiġi inkorporat fil-Ftehim dwar iż-ŻEE. |
(2) |
Ir-Regolament (UE) 2017/2394 iħassar, b’effett mis-17 ta’ Jannar 2020, ir-Regolament (KE) 2006/2004 tal-Parlament Ewropew u tal-Kunsill (2), li huwa inkorporat fil-Ftehim dwar iż-ŻEE, u li konsegwentement irid jitħassar skont il-Ftehim dwar iż-ŻEE b’effett mis-17 ta’ Jannar 2020. |
(3) |
Il-Partijiet Kontraenti jikkondividu l-għan li jiżguraw livell għoli ta’ protezzjoni tal-konsumatur, u l-fehim li l-inkorporazzjoni tar-Regolament (UE) 2017/2394 fil-Ftehim dwar iż-ŻEE ma timplikax bidliet fid-definizzjoni ta’ “ksur mifrux b’dimensjoni tal-Unjoni”. B’konsegwenza ta’ dan, il-limiti għad-determinazzjoni ta’ jekk ksur għandux dimensjoni tal-Unjoni se jiġu kkalkulati biss fuq il-bażi tal-Istati Membri tal-UE kkonċernati mill-ksur mingħajr ma jitqiesu l-Istati tal-EFTA. |
(4) |
Jenħtieġ għalhekk, li l-Anness XIX tal-Ftehim dwar iż-ŻEE jiġi emendat skont dan, |
ADOTTA DIN ID-DEĊIŻJONI:
Artikolu 1
It-test tal-punt 7f (ir-Regolament (KE) Nru 2006/2004 tal-Parlament Ewropew u tal-Kunsill) tal-Anness XIX tal-Ftehim dwar iż-ŻEE għandu jinbidel b’dan li ġej, b’effett mis-17 ta’ Jannar 2020:
|
“32017 R 2394: Ir-Regolament (UE) 2017/2394 tal-Parlament Ewropew u tal-Kunsill tat-12 ta’ Diċembru 2017 dwar il-kooperazzjoni bejn l-awtoritajiet nazzjonali responsabbli għall-infurzar tal-liġijiet tal-protezzjoni tal-konsumaturi u li jħassar ir-Regolament (KE) Nru 2006/2004 (ĠU L 345, 27.12.2017, p. 1). Għall-finijiet ta’ dan il-Ftehim, id-dispożizzjonijiet tar-Regolament għandhom jinqraw bl-adattamenti li ġejjin:
|
Artikolu 2
It-test tar-Regolament (UE) 2017/2394 bil-lingwa Iżlandiża u b’dik Norveġiża, li se jiġi ppubblikat fis-Suppliment taż-ŻEE ta’ Il-Ġurnal Uffiċjali tal-Unjoni Ewropea, għandu jkun awtentiku.
Artikolu 3
Din id-Deċiżjoni għandha tidħol fis-seħħ fil-15 ta' Ġunju 2019, dment li jkunu saru n-notifiki kollha skont l-Artikolu 103(1) tal-Ftehim dwar iż-ŻEE (*).
Artikolu 4
Din id-Deċiżjoni għandha tiġi ppubblikata fit-Taqsima taż-ŻEE, u fis-Suppliment taż-ŻEE, ta' Il-Ġurnal Uffiċjali tal-Unjoni Ewropea.
Magħmul fi Brussell, l-14 ta’ Ġunju 2019.
Għall-Kumitat Konġunt taż-ŻEE
Il-President
Claude MAERTEN
(1) ĠU L 345, 27.12.2017, p. 1.
(2) ĠU L 364, 9.12.2004, p. 1.
(*) Ma huwa indikat l-ebda rekwiżit kostituzzjonali.