This document is an excerpt from the EUR-Lex website
Document 22018D0442
Decision of the EEA Joint Committee No 184/2016 of 23 September 2016 amending Annex II (Technical regulations, standards, testing and certification) to the EEA Agreement [2018/442]
Deċiżjoni tal-Kumitat Konġunt taż-ŻEE Nru 184/2016 tat-23 ta’ Settembru 2016 li temenda l-Anness II (Regolamenti tekniċi, standards, ittestjar u ċertifikazzjoni) tal-Ftehim ŻEE [2018/442]
Deċiżjoni tal-Kumitat Konġunt taż-ŻEE Nru 184/2016 tat-23 ta’ Settembru 2016 li temenda l-Anness II (Regolamenti tekniċi, standards, ittestjar u ċertifikazzjoni) tal-Ftehim ŻEE [2018/442]
ĠU L 80, 22.3.2018, p. 29–29
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
22.3.2018 |
MT |
Il-Ġurnal Uffiċjali tal-Unjoni Ewropea |
L 80/29 |
DEĊIŻJONI TAL-KUMITAT KONĠUNT TAŻ-ŻEE
Nru 184/2016
tat-23 ta’ Settembru 2016
li temenda l-Anness II (Regolamenti tekniċi, standards, ittestjar u ċertifikazzjoni) tal-Ftehim ŻEE [2018/442]
IL-KUMITAT KONĠUNT TAŻ-ŻEE,
Wara li kkunsidra l-Ftehim dwar iż-Żona Ekonomika Ewropea (“il-Ftehim ŻEE”), u b’mod partikolari l-Artikolu 98 tiegħu,
Billi:
|
(1) |
Ir-Regolament ta’ Implimentazzjoni tal-Kummissjoni (UE) 2016/672 tad-29 ta’ April 2016 li japprova l-aċidu peraċetiku bħala sustanza attiva eżistenti għall-użu fi prodotti bijoċidali għall-prodotti tat-tipi 1, 2, 3, 4, 5 u 6 (1) għandu jiġi inkorporat fil-Ftehim ŻEE. |
|
(2) |
Id-Deċiżjoni ta’ Implimentazzjoni tal-Kummissjoni (UE) 2016/678 tad-29 ta’ April 2016 skont l-Artikolu 3(3) tar-Regolament (UE) Nru 528/2012 tal-Parlament Ewropew u tal-Kunsill dwar prodott magħmul mill-inwar imnixxef tal-ispika mqiegħed ġo kuxxinett imqiegħed fis-suq biex ikeċċi l-baħrijiet (2) għandu jiġi inkorporat fil-Ftehim ŻEE. |
|
(3) |
Għalhekk, l-Anness II tal-Ftehim ŻEE għandu jiġi emendat skont dan, |
ADOTTA DIN ID-DEĊIŻJONI:
Artikolu 1
Il-punti li ġejjin jiddaħħlu wara l-punt 17 (ir-Regolament ta’ Implimentazzjoni tal-Kummissjoni (UE) 2016/9) tal-Kapitolu XV tal-Anness II tal-Ftehim ŻEE:
|
“18. |
32016 R 0672: Ir-Regolament ta’ Implimentazzjoni tal-Kummissjoni (UE) 2016/672 tad-29 ta’ April 2016 li japprova l-aċidu peraċetiku bħala sustanza attiva eżistenti għall-użu fi prodotti bijoċidali għall-prodotti tat-tipi 1, 2, 3, 4, 5 u 6 (ĠU L 116, 30.4.2016, p. 3). |
|
19. |
32016 D 0678: Id-Deċiżjoni ta’ Implimentazzjoni tal-Kummissjoni (UE) 2016/678 tad-29 ta’ April 2016 skont l-Artikolu 3(3) tar-Regolament (UE) Nru 528/2012 tal-Parlament Ewropew u tal-Kunsill dwar prodott magħmul mill-inwar imnixxef tal-ispika mqiegħed ġo kuxxinett imqiegħed fis-suq biex ikeċċi l-baħrijiet (ĠU L 116, 30.4.2016, p. 37).” |
Artikolu 2
It-testi tar-Regolament (UE) 2016/672 u r-Regolament ta’ Implimentazzjoni (UE) 2016/678 fil-lingwa Iżlandiża u b’dik Norveġiża, li se jiġu ppubblikati fis-Suppliment taż-ŻEE ta’ Il-Ġurnal Uffiċjali tal-Unjoni Ewropea, għandhom ikunu awtentiċi.
Artikolu 3
Din id-Deċiżjoni għandha tidħol fis-seħħ fl-24 ta’ Settembru 2016, bil-kundizzjoni li jkunu saru n-notifiki kollha skont l-Artikolu 103(1) tal-Ftehim ŻEE (*1).
Artikolu 4
Din id-Deċiżjoni għandha tiġi ppubblikata fit-Taqsima taż-ŻEE ta’ Il-Ġurnal Uffiċjali tal-Unjoni Ewropea, u fis-Suppliment tiegħu dwar iż-ŻEE.
Magħmul fi Brussell, it-23 ta’ Settembru 2016.
Għall-Kumitat Konġunt taż-ŻEE
Il-President
Bergdís ELLERTSDÓTTIR
(1) ĠU L 116, 30.4.2016, p. 3.
(2) ĠU L 116, 30.4.2016, p. 37.
(*1) Ma huma indikati l-ebda rekwiżiti kostituzzjonali.