EUR-Lex Access to European Union law
This document is an excerpt from the EUR-Lex website
Document 22014D0027
Decision of the EEA Joint Committee No 27/2014 of 14 February 2014 amending Annex XIII (Transport) to the EEA Agreement
Deċiżjoni tal-Kumitat Konġunt taż-ŻEE Nru 27/2014 tal- 14 ta' Frar 2014 li temenda l-Anness XIII (Trasport) tal-Ftehim ŻEE
Deċiżjoni tal-Kumitat Konġunt taż-ŻEE Nru 27/2014 tal- 14 ta' Frar 2014 li temenda l-Anness XIII (Trasport) tal-Ftehim ŻEE
ĠU L 211, 17.7.2014, p. 36–37
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
17.7.2014 |
MT |
Il-Ġurnal Uffiċjali tal-Unjoni Ewropea |
L 211/36 |
DEĊIŻJONI TAL-KUMITAT KONĠUNT TAŻ-ŻEE
Nru 27/2014
tal-14 ta' Frar 2014
li temenda l-Anness XIII (Trasport) tal-Ftehim ŻEE
IL-KUMITAT KONĠUNT TAŻ-ŻEE,
Wara li kkunsidra l-Ftehim dwar iż-Żona Ekonomika Ewropea (“il-Ftehim ŻEE”), u b'mod partikolari l-Artikolu 98 tiegħu,
Billi:
|
(1) |
Regolament ta' Implimentazzjoni tal-Kummissjoni (UE) Nru 628/2013 tat-28 ta' Ġunju 2013 dwar metodi ta' operat tal-Aġenzija Ewropea tas-Sikurezza tal-Avjazzjoni għat-twettiq ta' spezzjonijiet ta' standardizzazzjoni u għal-monitoraġġ tal-applikazzjoni tar-regoli fir-Regolament (KE) Nru 216/2008 tal-Parlament Ewropew u tal-Kunsill u li jħassar ir-Regolament tal-Kummissjoni (KE) Nru 736/2006 (1) għandu jiġi inkorporat fil-Ftehim ŻEE. |
|
(2) |
Ir-Regolament ta' Implimentazzjoni (UE) Nru 628/2013 iħassar ir-Regolament tal-Kummissjoni (KE) Nru 736/2006 (2), li huwa inkorporat fil-Ftehim ŻEE u li konsegwentement irid jitħassar skont il-Ftehim ŻEE. |
|
(3) |
L-Anness XIII għall-Ftehim ŻEE għandu għalhekk jiġi emendat skont dan, |
ADOTTA DIN ID-DEĊIŻJONI:
Artikolu 1
It-test tal-punt 66qa (ir-Regolament tal-Kummissjoni (KE) Nru 736/2006) tal-Anness XIII tal-Ftehim ŻEE jinbidel b'li ġej:
“32013 R 0628: Regolament ta' Implimentazzjoni tal-Kummissjoni (UE) Nru 628/2013 tat-28 ta' Ġunju 2013 dwar metodi ta' operat tal-Aġenzija Ewropea tas-Sikurezza tal-Avjazzjoni għat-twettiq ta' spezzjonijiet ta' standardizzazzjoni u għal-monitoraġġ tal-applikazzjoni tar-regoli tar-Regolament (KE) Nru 216/2008 tal-Parlament Ewropew u tal-Kunsill u li jħassar ir-Regolament tal-Kummissjoni (KE) Nru 736/2006 (ĠU L 179, 29.6.2013, p. 46).
Għall-finijiet ta' dan il-Ftehim, id-dispożizzjonijiet tar-Regolament jinqraw bl-adattamenti li ġejjin:
|
(a) |
Fl-Artikoli 8(1) u (4), 9(1), 10(1)(c), 16(6) u (7), 17(4)(e) u (6), 19(3), 22(3)(b) u (4), u 23, il-kelma ‘Kummissjoni’ tinbidel bil-kliem ‘l-Awtorità ta' Sorveljanza tal-EFTA’ fir-rigward tal-Istati tal-EFTA. |
|
(b) |
Fl-Artikolu 21(1), il-kliem ‘jew ftehim bejn l-Istati tal-EFTA u pajjiż terz’ jiżdiedu wara l-kliem ‘ftehim tal-Unjoni’ u l-kliem ‘, kif adattat għall-għanijiet tal-Ftehim ŻEE,’ jiżdiedu wara l-kliem ‘Regolament (KE) Nru 216/2008’. |
|
(c) |
Fl-Artikolu 21(2), il-kliem ‘jew Memorandum ta' Kooperazzjoni futur possibbli bejn Stat tal-EFTA u l-ICAO’ jiżdiedu wara l-kliem ‘bejn l-Unjoni u l-ICAO’.” |
Artikolu 2
It-testi tar-Regolament ta' Implimentazzjoni (UE) Nru 628/2013 bil-lingwa Islandiża u b'dik Norveġiża, li jridu jiġu ppubblikati fis-Suppliment taż-ŻEE ta' Il-Ġurnal Uffiċjali tal-Unjoni Ewropea, ikunu awtentiċi.
Artikolu 3
Din id-Deċiżjoni tidħol fis-seħħ fil-15 ta Frar 2014, bil-kundizzjoni li jkunu saru n-notifiki kollha skont l-Artikolu 103(1) tal-Ftehim ŻEE (*).
Artikolu 4
Din id-Deċiżjoni tiġi ppubblikata fit-Taqsima taż-ŻEE u fis-Suppliment taż-ŻEE ta' Il-Ġurnal Uffiċjali tal-Unjoni Ewropea.
Magħmul fi Brussell, l-14 ta' Frar 2014.
Għall-Kumitat Konġunt taż-ŻEE
Il-President
Gianluca GRIPPA
(1) ĠU L 179, 29.6.2013, p. 46.
(2) ĠU L 129, 17.5.2006, p. 10.
(*) Ma huwa indikat l-ebda rekwiżit kostituzzjonali.