This document is an excerpt from the EUR-Lex website
Document 22014A1129(01)
Agreement in the form of an Exchange of Letters between the European Union and the Republic of Mali regarding the status of the European Union CSDP Mission in Mali (EUCAP Sahel Mali)
Ftehim fil-forma ta' Skambju ta' Ittri bejn l-Unjoni Ewropea u r-Repubblika ta' Mali dwar l-istatus tal-Missjoni tal-PSDK tal-Unjoni Ewropea f'Mali (EUCAP Sahel Mali)
Ftehim fil-forma ta' Skambju ta' Ittri bejn l-Unjoni Ewropea u r-Repubblika ta' Mali dwar l-istatus tal-Missjoni tal-PSDK tal-Unjoni Ewropea f'Mali (EUCAP Sahel Mali)
ĠU L 344, 29.11.2014, p. 3–4
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 06/11/2019; Imħassar b' 22019A1120(01)
ELI: http://data.europa.eu/eli/exch_let/2014/853/oj
29.11.2014 |
MT |
Il-Ġurnal Uffiċjali tal-Unjoni Ewropea |
L 344/3 |
TRADUZZJONI
FTEHIM
fil-forma ta' Skambju ta' Ittri bejn l-Unjoni Ewropea u r-Repubblika ta' Mali dwar l-istatus tal-Missjoni tal-PSDK tal-Unjoni Ewropea f'Mali (EUCAP Sahel Mali)
A. Ittra mill-Unjoni Ewropea
Brussell, l-20 ta' Ottubru 2014
Sinjur,
Fil-qafas tal-politika tagħha ta' sigurtà u ta' difiża komuni, l-Unjoni bagħtet, fi Frar 2013, missjoni militari biex tikkontribwixxi għat-taħriġ tal-Forzi Armati ta' Mali (EUCAP Mali). Bl-istess mod, f'April 2014, l-Unjoni ser tibgħat missjoni ċivili b'appoġġ għall-forzi interni ta' sigurtà ta' Mali (EUCAP Sahel Mali). L-istatus tal-missjoni EUCAP Sahel Mali u tal-persunal tagħha jeħtieġ li jkun regolat minn ftehim internazzjonali konkluż bejn l-Unjoni Ewropea u r-Repubblika ta' Mali.
Kif tiftakar, ir-Repubblika ta' Mali kkonkludiet, fl-4 ta' April 2013, ftehim dwar l-istatus, fir-Repubblika ta' Mali, tal-missjoni EUTM Mali. Id-dispożizzjonijiet ta' dan il-ftehim huma perfettament adatti għall-ħtiġijiet tal-missjoni EUCAP Sahel Mali, bl-eċċezzjoni ta' xi wħud minnhom. Konsegwentement nipproponilek li d-dispożizzjonijiet kollha ta' dan il-ftehim (l-Artikoli 1 sa 19), bl-eċċezzjoni tal-Artikolu 1(3)(e) u l-Artikolu 13(2) sa (5), jsiru applikabbli għall-EUCAP Sahel Mali, bil-kundizzjoni li:
— |
kull referenza għall-EUTM Mali titqies bħala referenza għall-EUCAP Sahel Mali; |
— |
fl-Artikolu 1(3)(a), it-termini “kwartieri ġenerali militari” jinbidlu bit-termini “kwartieri ġenerali tal-EUCAP Sahel Mali”; |
— |
fl-Artikolu 1(3)(c), id-definizzjoni ta' “Kmandant tal-Missjoni” tinbidel bid-definizzjoni li ġejja: “‘Kap tal-Missjoni’, il-Kap tal-missjoni EUCAP Sahel Mali fuq il-post”; |
— |
fl-Artikolu 9(2), it-terminu “il-persunal militari” jinbidel bit-terminu “il-persunal”; |
— |
fl-Artikolu 10(3), it-terminu “forzi armati tal-Istat Ospitanti” jinbidel bit-terminu “aġenti jew ħarrieġa ċivili tal-Istat Ospitanti”. |
Nitolbok ġentilment tgħarrafni jekk taqbilx ma' dawn il-proposti.
Fil-każ ta' tweġiba pożittiva min-naħa tiegħek, din l-ittra, flimkien mat-tweġiba tiegħek, tkun tikkostitwixxi ftehim internazzjonali legalment vinkolanti bejn l-Unjoni Ewropea u r-Repubblika ta' Mali dwar l-istatus tal-missjoni EUCAP Sahel Mali, li jidħol fis-seħħ fid-data tal-wasla tal-ittra ta' tweġiba tiegħek.
Nassigurak, Sinjur, mill-ikbar stima li għandi lejk.
Għall-Unjoni Ewropea
B. Ittra mir-Repubblika ta' Mali
Bamako, il-31 ta' Ottubru 2014
Għażiża Sinjura,
Nirringrazzjak tal-ittra tiegħek tal-20 ta' Ottubru 2014 dwar l-istatus tal-missjoni tal-PSDK tal-Unjoni Ewropea f'Mali (EUCAP Sahel Mali) fit-territorju tar-Repubblika ta' Mali li tgħid dan li ġej:
“Fil-qafas tal-politika tagħha ta' sigurtà u ta' difiża komuni, l-Unjoni bagħtet, fi Frar 2013, missjoni militari biex tikkontribwixxi għat-taħriġ tal-Forzi Armati ta' Mali (EUCAP Mali). Bl-istess mod, f'April 2014, l-Unjoni bagħtet missjoni ċivili b'appoġġ għall-forzi interni ta' sigurtà ta' Mali (EUCAP Sahel Mali). L-istatus tal-missjoni EUCAP Sahel Mali u tal-persunal tagħha jeħtieġ li jkun regolat minn ftehim internazzjonali konkluż bejn l-Unjoni Ewropea u r-Repubblika ta' Mali.
Kif tiftakar, ir-Repubblika ta' Mali kkonkludiet, fl-4 ta' April 2013, ftehim dwar l-istatus, fir-Repubblika ta' Mali, tal-missjoni EUTM Mali. Id-dispożizzjonijiet ta' dan il-ftehim huma perfettament adatti għall-ħtiġijiet tal-missjoni EUCAP Sahel Mali, bl-eċċezzjoni ta' xi wħud minnhom. Konsegwentement nipproponilek li d-dispożizzjonijiet kollha ta' dan il-ftehim (l-Artikoli 1 sa 19), bl-eċċezzjoni tal-Artikolu 1(3)(e) u l-Artikolu 13(2) sa (5), jsiru applikabbli għall-EUCAP Sahel Mali, bil-kundizzjoni li:
— |
kull referenza għall-EUTM Mali titqies bħala referenza għall-EUCAP Sahel Mali; |
— |
fl-Artikolu 1(3)(a), it-termini ‘kwartieri ġenerali militari’ jinbidlu bit-termini ‘kwartieri ġenerali tal-EUCAP Sahel Mali’; |
— |
fl-Artikolu 1(3)(c), id-definizzjoni ta' ‘Kmandant tal-Missjoni’ tinbidel bid-definizzjoni li ġejja: ‘“Kap tal-Missjoni”, il-Kap tal-missjoni EUCAP Sahel Mali fuq il-post’; |
— |
fl-Artikolu 9(2), it-terminu ‘il-persunal militari’ jinbidel bit-terminu ‘il-persunal’; |
— |
fl-Artikolu 10(3), it-terminu ‘forzi armati tal-Istat Ospitanti’ jinbidel bit-terminu ‘aġenti jew ħarrieġa ċivili tal-Istat Ospitanti’. |
Nitolbok ġentilment tgħarrafni jekk taqbilx ma' dawn il-proposti.
Fil-każ ta' tweġiba pożittiva min-naħa tiegħek, din l-ittra, flimkien mat-tweġiba tiegħek, tkun tikkostitwixxi ftehim internazzjonali legalment vinkolanti bejn l-Unjoni Ewropea u r-Repubblika ta' Mali dwar l-istatus tal-missjoni EUCAP Sahel Mali, li jidħol fis-seħħ fid-data tal-wasla tal-ittra ta' tweġiba tiegħek.”
Għandi l-unur ninfurmak li naqbel mat-termini suġġeriti fl-ittra tiegħek.
Nassigurak, Sinjura, mill-ikbar stima li għandi lejk.
Għar-Repubblika ta' Mali