This document is an excerpt from the EUR-Lex website
Document 22012D0346
2012/346/EU: Decision No 1/2012 of the EU-Chile Special Committee on Customs Cooperation and Rules of Origin of 27 March 2012 relating to Annex III to the Agreement establishing an association between the European Community and its Member States, of the one part, and the Republic of Chile, of the other part, concerning the definition of the concept of originating products and methods of administrative cooperation
2012/346/UE: Deċiżjoni Nru 1/2012 tal-Kumitat Speċjali UE-Ċilì dwar Kooperazzjoni Doganali u Regoli tal-Oriġini tas- 27 ta’ Marzu 2012 relatata mal-Anness III tal-Ftehim li jistabbilixxi assoċjazzjoni bejn il-Komunità Ewropea u l-Istati Membri tagħha, fuq naħa waħda, u r-Repubblika taċ-Ċilì, fuq in-naħa l-oħra, dwar id-definizzjoni tal-kunċett ta’ prodotti ta’ oriġini u metodi ta’ kooperazzjoni amministrattiva
2012/346/UE: Deċiżjoni Nru 1/2012 tal-Kumitat Speċjali UE-Ċilì dwar Kooperazzjoni Doganali u Regoli tal-Oriġini tas- 27 ta’ Marzu 2012 relatata mal-Anness III tal-Ftehim li jistabbilixxi assoċjazzjoni bejn il-Komunità Ewropea u l-Istati Membri tagħha, fuq naħa waħda, u r-Repubblika taċ-Ċilì, fuq in-naħa l-oħra, dwar id-definizzjoni tal-kunċett ta’ prodotti ta’ oriġini u metodi ta’ kooperazzjoni amministrattiva
ĠU L 169, 29.6.2012, p. 61–61
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
Date of entry into force unknown (pending notification) or not yet in force.
|
29.6.2012 |
MT |
Il-Ġurnal Uffiċjali tal-Unjoni Ewropea |
L 169/61 |
DEĊIŻJONI Nru 1/2012 TAL-KUMITAT SPEĊJALI UE-ĊILÌ DWAR KOOPERAZZJONI DOGANALI U REGOLI TAL-ORIĠINI
tas-27 ta’ Marzu 2012
relatata mal-Anness III tal-Ftehim li jistabbilixxi assoċjazzjoni bejn il-Komunità Ewropea u l-Istati Membri tagħha, fuq naħa waħda, u r-Repubblika taċ-Ċilì, fuq in-naħa l-oħra, dwar id-definizzjoni tal-kunċett ta’ prodotti ta’ oriġini u metodi ta’ kooperazzjoni amministrattiva
(2012/346/UE)
IL-KUMITAT SPEĊJALI,
Wara li kkunsidra l-Ftehim iffirmat fit-18 ta’ Novembru 2002 li jistabbilixxi assoċjazzjoni bejn il-Komunità Ewropea u l-Istati Membri tagħha, fuq naħa waħda, u r-Repubblika taċ-Ċilì, fuq in-naħa l-oħra (1) (“Ftehim ta’ Assoċjazzjoni”), u b’mod partikolari t-termini “territorju doganali tal-Komunità” l-Artikolu 36(2) tal-Anness III tiegħu dwar id-definizzjoni tal-kunċett ta’ prodotti ta’ oriġini u metodi ta’ kooperazzjoni amministrattiva,
Billi:
|
(1) |
L-Anness III tal-Ftehim ta’ Assoċjazzjoni jistabbilixxi r-regoli tal-oriġini għall-prodotti li joriġinaw fit-territorji tal-Partijiet f’dak il-Ftehim. |
|
(2) |
L-Anness III tal-Ftehim ta’ Assoċjazzjoni jirreferi għat-terminu “Komunità” fit-test tiegħu. |
|
(3) |
Għall-għanjiet tal-Anness III tal Ftehim ta’ Assoċjazzjoni, hu kkunsidrat xieraq li wieħed jiddefinixxi t-termini “Komunità” u “territorju doganali tal-Komunità” sabiex wieħed jiżgura l-applikazzjoni territorjali korretta ta’ dak l-Anness permezz ta’ Nota ta’ Spjegazzjoni annessa miegħu, |
ADOTTA DIN ID-DEĊIŻJONI:
Artikolu 1
Għall-iskopijiet tal-Artikolu 36(2) tal-Anness III tal-Ftehim ta’ Assoċjazzjoni, it-terminu “territorju doganali tal-Komunità” għandu jkopri t-territorju doganali tal-Komunità Ewropea (issa l-Unjoni Ewropea) kif indikat fl-Artikolu 3(1) tar-Regolament tal-Kunsill (KEE) Nru 2913/92 tat-12 ta’ Ottubru 1992 li jistabbilixxi l-Kodiċi Doganali tal-Komunità (2), mingħajr preġudizzju għal kwalunkwe emenda futura jew tħassir ta’ leġiżlazzjoni eżistenti.
Din in-Nota ta’ Spjegazzjoni għall-Anness III għandha tkun mingħajr preġudizzju għat-Titolu VII dwar Ceuta u Melilla ta’ dak l-Anness.
Artikolu 2
Għall-għanjiet tal-Anness III tal-Ftehim ta’ Assoċjazzjoni, it-terminu “Komunità” tfisser it-territorju doganali tal-Kommunità Ewropea (issal-Unjoni Ewropea) kif stabbilit fl-Artikolu 1 ta’ din id-Deċiżjoni.
Artikolu 3
Din id-Deċizjoni għandha tidħol fis-seħħ sittin jum wara d-data li fiha l-aħħar Parti tkun innotifikat li r-rekwiżiti interni tagħha dwar l-implimentazzjoni ta’ din id-Deċiżjoni jkunu ġew milħuqa.
Magħmul f’Santjago, iċ-Ċilì, is-27 ta’ Marzu 2012.
F’isem il-Kumitat Speċjali
Il-President
Paulina NAZAL
(1) ĠU L 352, 30.12.2002, p. 3.
(2) ĠU L 302, 19.10.1992. p. 1.