EUR-Lex Access to European Union law
This document is an excerpt from the EUR-Lex website
Document 22012D0220
2012/220/EU: Decision No 1/2012 of the EU-EFTA Joint Committee on a common transit procedure of 19 January 2012 concerning an invitation to Croatia to accede to the Convention of 20 May 1987 on a common transit procedure
2012/220/UE: Deċiżjoni Nru 1/2012 tal-Kumitat Konġunt UE-EFTA dwar proċedura komuni ta’ tranżitu tad- 19 ta’ Jannar 2012 dwar stedina lill-Kroazja biex taderixxi mal-Konvenzjoni tal- 20 ta’ Mejju 1987 dwar proċedura komuni ta’ tranżitu
2012/220/UE: Deċiżjoni Nru 1/2012 tal-Kumitat Konġunt UE-EFTA dwar proċedura komuni ta’ tranżitu tad- 19 ta’ Jannar 2012 dwar stedina lill-Kroazja biex taderixxi mal-Konvenzjoni tal- 20 ta’ Mejju 1987 dwar proċedura komuni ta’ tranżitu
ĠU L 114, 26.4.2012, p. 29–30
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
26.4.2012 |
MT |
Il-Ġurnal Uffiċjali tal-Unjoni Ewropea |
L 114/29 |
DEĊIŻJONI Nru 1/2012 TAL-KUMITAT KONĠUNT UE-EFTA DWAR PROĊEDURA KOMUNI TA’ TRANŻITU
tad-19 ta’ Jannar 2012
dwar stedina lill-Kroazja biex taderixxi mal-Konvenzjoni tal-20 ta’ Mejju 1987 dwar proċedura komuni ta’ tranżitu
(2012/220/UE)
IL-KUMITAT KONĠUNT,
Wara li kkunsidra l-Konvenzjoni tal-20 ta’ Mejju 1987 dwar proċedura komuni ta’ tranżitu (1) (il-“Konvenzjoni”), u b’mod partikolari l-Artikolu 15(3)(e) tagħha,
Billi:
(1) |
Il-promozzjoni tal-kummerċ mal-Kroazja tiġi ffaċilitata permezz ta’ proċedura komuni ta’ tranżitu għall-merkanzija ttrasportata bejn il-Kroazja u l-Unjoni Ewropea, ir-Repubblika tal-Islanda, ir-Renju tan-Norveġja u l-Konfederazzjoni Svizzera. |
(2) |
Bil-ħsieb li tinkiseb tali proċedura, huwa xieraq li l-Kroazja tkun mistiedna sabiex taderixxi mal-Konvenzjoni, |
ADOTTA DIN ID-DEĊIŻJONI:
Artikolu 1
Skont l-Artikolu 15a tal-Konvenzjoni, il-Kroazja hija mistiedna, fil-forma ta’ skambju ta’ ittri bejn il-Kunsill tal-Unjoni Ewropea u l-Kroazja mehmuż ma’ din id-Deċiżjoni, biex taderixxi mal-Konvenzjoni mill-1 ta’ Lulju 2012.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, id-19 ta’ Jannar 2012.
Għall-Kumitat konġunt
Il-President
Mirosław ZIELIŃSKI
(1) ĠU L 226, 13.8.1987, p. 2.
ANNESS
Sinjur,
Għandi l-unur ninfurmak bid-Deċiżjoni tal-Kumitat Konġunt tal-UE-EFTA dwar proċedura komuni ta’ tranżitu tad-19 ta’ Jannar 2012 (Deċiżjoni Nru 1/2012) li tistieden lill-Kroazja biex issir Parti Kontraenti għall-Konvenzjoni tal-20 ta’ Mejju 1987 dwar proċedura komuni ta’ tranżitu. L-Unjoni Ewropea tistieden lill-Kroazja biex tassigura li hija tapplika il-Konvenzjoni msemmija hawn fuq b’mod non-diskriminatorju għall-Istati Membri kollha.
L-adeżjoni tal-Kroazja għall-Konvenzjoni tista’ ssir billi jiġi ppreżentat l-Istrument tal-Adeżjoni tagħha mas-Segretarjat Ġenerali tal-Kunsill tal-Unjoni Ewropea flimkien ma’ traduzzjoni tal-Konvenzjoni fil-lingwa uffiċjali tal-Kroazja skont l-Artikolu 15a tal-Konvenzjoni.
Sinjur, jekk jogħġbok aċċetta l-assigurazzjoni tal-ogħla stima tiegħi.
Is-Segretarju Ġenerali
Is-Segretarjat Ġenerali tal-Kunsill tal-Unjoni Ewropea
Il-Kroazja,
Waqt li tieħu nota tad-Deċiżjoni tal-Kumitat Konġunt tal-UE-EFTA dwar proċedura komuni ta’ tranżitu tad-19 ta’ Jannar 2012 (Deċiżjoni Nru 1/2012) li tistieden lill-Kroazja biex taderixxi mal-Konvenzjoni tal-20 ta’ Mejju 1987 dwar proċedura komuni ta’ tranżitu (il-“Konvenzjoni”),
B’kont meħud tal-istedina biex taderixxi mal-Konvenzjoni, u
Waqt li tixtieq issir Parti Kontraenti għall-Konvenzjoni,
B’DAN
Taderixxi mal-Konvenzjoni;
Tehmeż ma’ dan l-Istrument traduzzjoni tal-Konvenzjoni fil-lingwa uffiċjali tal-Kroazja;
Tiddikjara li taċċetta r-Rakkomandazzjonijiet u d-Deċiżjonijiet kollha tal-Kumitat Konġunt tal-UE-EFTA dwar proċedura komuni ta’ tranżitu adottati bejn id-data tad-Deċiżjoni tad-19 ta’ Jannar 2012 u d-data li l-Adeżjoni tal-Kroazja ssir effettiva skont l-Artikolu 15a tal-Konvenzjoni.
Magħmula fi …