15.3.2012   

MT

Il-Ġurnal Uffiċjali tal-Unjoni Ewropea

L 76/41

(1)

L-Anness XX tal-Ftehim kien emendat bid-Deċiżjoni tal-Kumitat Konġunt taż-ŻEE Nru 122/2011 tal-21 ta’ Ottubru 2011 (1).

(2)

Ir-Regolament tal-Kummissjoni (EU) Nru 920/2010 tas-7 ta’ Ottubru 2010 għal sistema standardizzata u sikura ta’ reġistri skont id-Direttiva 2003/87/KE tal-Parlament Ewropew u tal-Kunsill u d-Deċiżjoni Nru 280/2004/KE tal-Parlament Ewropew u tal-Kunsill (2) għandu jkun inkorporat fil-Ftehim.

(3)

Ir-Regolament (UE) Nru 920/2010 iħassar, b’effett mill-1 ta’ Jannar 2012, ir-Regolament tal-Kummissjoni (KE) Nru 2216/2004 (3), li huwa inkorporat fil-Ftehim u li konsegwentement għandu jitħassar mill-Ftehim.

(4)

Id-Deċiżjoni Nru 280/2004/KE tal-Parlament Ewropew u tal-Kunsill tal-11 ta’ Frar 2004 li tikkonċerna l-mekkaniżmu għall-monitoraġġ tal-emissjonijiet ta’ gass serra tal-Komunità u biex jiġi implimentat il-Protokoll ta’ Kyoto (4) ma kinitx inkorporata fil-Ftehim u għalhekk il-ħtiġijiet speċifiċi ta’ rapportaġġ previsti f’dik id-Deċiżjoni ma japplikawx għall-Istati tal-EFTA,

(5)

L-Istati tal-EFTA se jkunu inklużi fir-Reġistru tat-Tranżazzjonijiet tal-Unjoni Ewropea (EUTL). L-Amministratur Ċentrali tal-EUTL ikun iwettaq il-kompiti tiegħu fir-rigward tal-Istati tal-EFTA, u l-Awtorità ta’ Sorveljanza tal-EFTA tkun il-korp kompetenti biex tagħti l-istruzzjonijiet meħtieġa lill-Amministratur Ċentrali b’rabta mad-dispożizzjonijiet relatati mal-applikazzjoni tar-Regolament (UE) Nru 920/2010 għall-Istati tal-EFTA.

(6)

Skont id-Deċiżjoni tal-Kumitat Konġunt taż-ŻEE Nru 146/2007, l-Islanda kienet eżentata mill-ħtieġa li tissottometti pjan nazzjonali ta’ allokazzjoni għall-perjodu ta’ bejn l-2008 u l-2012. Għalhekk, id-dispożizzjonijiet ta’ dan ir-Regolament dwar l-allokazzjoni lill-operaturi tal-installazzjonijiet bejn l-2008 u l-2012 m’għandhomx japplikaw fir-rigward tal-Islanda.

(7)

Skont id-Deċiżjoni tal-Kumitat Konġunt taż-ŻEE Nru 146/2007, l-installazzjonijiet stazzjonarji fl-Islanda li setgħu waqgħu fi ħdan il-kamp ta’ applikazzjoni tad-Direttiva 2003/87/KE għall-perjodu bejn l-2008 u l-2012 kienu eżentati mill-kamp ta’ applikazzjoni tad-Direttiva matul dak il-perjodu. Għalhekk, l-Islanda ma stabbilixxitx Reġistru Nazzjonali marbut mal-Iskema tal-UE għan-Negozjar ta’ Emissjonijiet (EU ETS). Kif xieraq, l-iskadenza biex jingħata bidu għall-proċedura prevista għall-ftuħ tal-kontijiet ta’ depożitu tal-operatur fir-Reġistru tal-Unjoni jeħtieġ li tiġi aġġustata. Fil-każ tal-installazzjonijiet stazzjonarji Islandiżi li għalihom diġà nħareġ permess għall-emissjonijiet ta’ gass b’effett ta’ serra mill-awtorità kompetenti, il-proċedura se tibda fid-data tad-dħul fis-seħħ tad-Deċiżjoni attwali, jew mid-data li fiha jibda jopera r-Reġistru tal-Unjoni għall-Islanda, liema minnhom hi aktar tard.

(8)

It-tabella tal-Unjoni dwar l-allokazzjonijiet tal-avjazzjoni li tinsab fl-EUTL għandha tirrifletti l-estensjoni tal- għall-attivitajiet tal-avjazzjoni, għall-Istati tal-EFTA. Għaldaqstant it-Tabella tal-Unjoni dwar l-allokazzjonijiet tal-avjazzjoni għandha tindika n-numru ta’ kwoti ta’ Kapitolu II li għandhom jiġu allokati fl-2012 madwar iż-ŻEE kollha.

(9)

Il-Partijiet Kontraenti jifhmu li n-natura speċifika tal- u s-sistema standardizzata u sikura tar-reġistri relatata skont id-Direttiva 2003/87/KE, li jipprovdu għall-istabbiliment ta’ Reġistru tal-Unjoni, jeħtieġu regoli speċjali dwar il-ħżin u l-aċċess tad-dejta rigward ir-Reġistru tal-Unjoni biex jiġi żgurat li l-kwoti tal-emissjonijiet ta’ gassijiet serra jikkonformaw mal-ispeċifikazzjonijiet funzjonali u tekniċi tal-istandards tal-iskambju tad-dejta għas-sistemi tar-reġistru skont il-Protokoll ta’ Kyoto, u li t-trasferimenti ta’ tali kwoti jkunu kompatibbli mal-obbligazzjonijiet li jirriżultaw mill-Protokoll ta’ Kyoto.

(10)

Il-Partijiet Kontraenti jgħarfu li jeħtieġ li s-servizzi tal-infurzar tal-liġi u l-awtoritajiet fiskali ta’ Parti Kontraenti, l-Uffiċċju Ewropew Kontra l-Frodi tal-Kummissjoni Ewropea, l-Europol u l-amministraturi nazzjonali tal-Partijiet Kontraenti jingħatalhom id-dritt li jakkwistaw ċerta dejta maħżuna fir-Reġistru tal-Unjoni u fl-EUTL f’każijiet definiti b’mod ċar għall-iskopijiet tal-investigazzjoni, tad-detezzjoni u tal-prosekuzzjoni ta’ frodi, amministrazzjoni jew infurzar tat-taxxa, ta’ ħasil tal-flus, ta’ finanzjament tat-terroriżmu jew ta’ reati serji kif indikat fl-Artikolu 75 tar-Regolament (UE) Nru 920/2010.

(11)

Il-Partijiet Kontraenti jfakkru li l-għoti tad-drittijiet għall-informazzjoni kif imniżżlin fl-Artikolu 75 tar-Regolament (UE) Nru 920/2010 huwa mingħajr preġudizzju għall-fehim li l-kooperazzjoni tal-pulizija u dik ġudizzjarja fi kwistjonijiet kriminali kif ukoll l-amministrazzjoni jew l-infurzar tat-taxxa ma jaqgħux fil-kamp ta’ applikazzjoni tal-Ftehim taż-ŻEE, u li għalhekk, ir-Regolament ma jagħti l-ebda drittijiet oħrajn lill-istituzzjonijiet imsemmija għajr dawk imsemmija b’mod espliċitu fl-Artikolu 75 tiegħu,

(a)

Il-kwistjoni, trasferiment u kanċellazzjoni ta’ kwoti li jikkonċernaw l-Istati tal-EFTA, l-operaturi tagħhom u l-operaturi tal-inġenji tal-ajru amministrati minnhom, tiġi rreġistrata fir-Reġistru tat-Tranżazzjonijiet tal-Unjoni Ewropea (EUTL).

L-Amministratur Ċentrali jkun kompetenti biex iwettaq il-kompiti msemmija fil-paragrafi 1 sa 3 tal-Artikolu 20 tad-Direttiva 2003/87/KE fir-rigward tal-Istati tal-EFTA, l-operaturi tagħhom jew l-operaturi tal-inġenji tal-ajru amministrati minnhom.

(b)

Id-dispożizzjonijiet marbutin mal-allokazzjoni tal-kwoti lill-operaturi tal-installazzjonijiet għall-perjodu ta’ bejn l-2008 u l-2012 ma japplikawx fir-rigward tal-Islanda.

(c)

Fl-Artikolu 6(5), tiżdied is-sentenza li ġejja:

‘L-Awtorità ta’ Sorveljanza tal-EFTA tkun tikkoordina l-implimentazzjoni ta’ dan ir-Regolament mal-amministraturi tar-reġistru ta’ kull Stat tal-EFTA u l-Amministratur Ċentrali.’

(d)

Il-paragrafu li ġej għandu jiżdied fl-Artikolu 15:

‘4.   B'rabta mal-installazzjonijiet stazzjonarji Islandiżi li għalihom diġà nħareġ permess dwar l-emissjonijiet tal-gassijiet serra mill-awtorità kompetenti qabel id-dħul fis-seħħ ta’ din id-Deċiżjoni, il-proċedura għall-ftuħ tal-kontijiet ta’ depożitu tal-operatur fir-Reġistru tal-Unjoni se tibda jew mid-data tad-dħul fis-seħħ ta’ din id-Deċiżjoni, jew mid-data li fiha jibda jopera r-Reġistru tal-Unjoni għall-Islanda, liema minnhom tkun aktar tard.’

(e)

L-Artikolu 34(1)(a) jinqara:

‘L-għadd totali tal-kwoti tal-Kapitolu II li se jiġu allokati fiż-Żona Ekonomika Ewropea fl-2012;’

(f)

Is-sottoparagrafu segwenti jiżdied fl-Artikoli 35(2) u 37(2):

‘Jekk ikollhom x'jaqsmu t-tabelli ta’ pjanijiet ta’ allokazzjoni nazzjonali tal-Istati tal-EFTA, l-Amministratur Ċentrali jingħata l-istruzzjonijiet mill-Awtorità ta’ Sorveljanza tal-EFTA.’

(g)

Is-sottoparagrafu segwenti jiżdied fl-Artikoli 36 u 38(3):

‘Jekk ikollhom x'jaqsmu d-deċiżjonijiet meħuda mill-Istati tal-EFTA dwar l-allokazzjoni ta’ kwoti tal-Kapitolu II, l-Amministratur Ċentrali jingħata l-istruzzjonijiet mill-Awtorità ta’ Sorveljanza tal-EFTA.’

(h)

Il-paragrafu li ġej jiżdied fl-Artikolu 65:

‘6.   Jekk ikollhom x'jaqsmu r-reġistri fl-Istati tal-EFTA, l-Amministratur Ċentrali jingħata l-istruzzjonijiet mill-Awtorità ta’ Sorveljanza tal-EFTA.’

(i)

Fl-Anness XII, il-‘kwantità ta’ kwoti tal-Kapitolu II fl-2012 fl-Unjoni kollha’ tirreferi għall-kwantità ta’ kwoti tal-Kapitolu II fl-2012 madwar iż-ŻEE kollha kif determinat mid-Deċiżjoni tal-Kumitat Konġunt taż-ŻEE Nru 93/2011 tal-20 ta’ Lulju 2011.”