Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 22009D0037

    Deċiżjoni tal-Kumitat Konġunt taż-ŻEE Nru 37/2009 tas- 17 ta’ Marzu 2009 li temenda l-Anness XXI (Statistika) al-Ftehim taż-ŻEE

    ĠU L 130, 28.5.2009, p. 31–32 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

    ⏵Dan id-dokument ġie ppubblikat f’edizzjoni(jiet) speċjali (HR)

    Legal status of the document In force

    ELI: http://data.europa.eu/eli/dec/2009/37/oj

    28.5.2009   

    MT

    Il-Ġurnal Uffiċjali tal-Unjoni Ewropea

    L 130/31

    DEĊIŻJONI TAL-KUMITAT KONĠUNT TAŻ-ŻEE

    Nru 37/2009

    tas-17 ta’ Marzu 2009

    li temenda l-Anness XXI (Statistika) al-Ftehim taż-ŻEE

    IL-KUMITAT KONĠUNT TAŻ-ŻEE,

    Wara li kkunsidra l-Ftehim dwar iż-Żona Ekonomika Ewropea, kif emendat bil-Protokoll li jaġġusta l-Ftehim dwar iż-Żona Ekonomika Ewropea, minn hawn ’il quddiem imsejjaħ ‘il-Ftehim’, u b’mod partikolari l-Artikolu 98 tiegħu,

    Billi:

    (1)

    L-Anness XXI tal-Ftehim kien emendat bid-Deċiżjoni tal-Kumitat Konġunt taż-ŻEE Nru 131/2008 tal-5 ta’ Diċembru 2008 (1).

    (2)

    Ir-Regolament tal-Kummissjoni (KE) Nru 1062/2008 tat-28 ta’ Ottubru 2008 li jimplimenta r-Regolament (KE) Nru 453/2008 tal-Parlament Ewropew u tal-Kunsill dwar l-istatistika ta’ kull tliet xhur dwar impjiegi battala fil-Komunità, fir-rigward ta’ proċeduri ta’ aġġustament staġjonali u rapporti dwar il-kwalità (2) għandu jiġi inkorporat mal-Ftehim.

    (3)

    Ir-Regolament (KE, Euratom) Nru 1101/2008 tal-Parlament Ewropew u tal-Kunsill tat-22 ta’ Ottubru 2008 dwar it-trażmissjoni ta’ dejta suġġetta għall-kunfidenzjalità statistika lill-Uffiċċju tal-Istatistika tal-Komunitajiet Ewropej (Verżjoni kodifikata) (3) għandu jiġi inkorporat mal-Ftehim.

    (4)

    Ir-Regolament (KE, Euratom) Nru 1101/2008 jħassar ir-Regolament tal-Kunsill (Euratom, KEE) Nru 1588/90 (4), li hu inkorporat fil-Ftehim u li konsegwentement għandu jitħassar skont il-Ftehim.

    (5)

    Ir-Regolament (KE, Euratom) Nru 1101/2008 hu verżjoni kodifikata tar-Regolament (Euratom, KEE) Nru 1588/90 u għalhekk għandhom jinżammu l-adattamenti attwali taż-ŻEE għal dawn tal-aħħar.

    IDDEĊIEDA DAN LI ĠEJ:

    Artikolu 1

    L-Anness XXI għall-Ftehim għandu jiġi emendat kif ġej:

    (1)

    Il-punt li ġej għandu jiddaħħal wara l-punt 18v (ir-Regolament KE) Nru 453/2008 tal-Parlament Ewropew u tal-Kunsill):

    “18va.

    32008 R 1062: Ir-Regolament tal-Kummissjoni (KE) Nru 1062/2008 tat-28 ta’ Ottubru 2008 li jimplimenta r-Regolament (KE) Nru 453/2008 tal-Parlament Ewropew u tal-Kunsill dwar l-istatistika ta’ kull tliet xhur dwar impjiegi battala fil-Komunità, fir-rigward ta’ proċeduri ta’ aġġustament staġjonali u rapporti dwar il-kwalità (ĠU L 285, 29.10.2008, p. 3).”

    (2)

    It-test tal-punt 17 (ir-Regolament tal-Kunsill (KEE) Nru 1588/90) għandu jiġi sostitwit b’dan li ġej:

    “32008 R 1101: Ir-Regolament (KE, Euratom) Nru 1101/2008 tal-Parlament Ewropew u tal-Kunsill tat-22 ta’ Ottubru 2008 dwar it-trażmissjoni ta’ dejta suġġetta għall-kunfidenzjalità statistika lill-Uffiċċju tal-Istatistika tal-Komunitajiet Ewropej (Verżjoni kodifikata) (ĠU L 304, 14.11.2008, p. 70).

    Id-dispożizzjonijiet tar-Regolament għandhom, għall-finijiet ta’ dan il-Ftehim, jinqraw bl-adattazzjonijiet li ġejjin:

    (a)

    Il-paragrafu li ġej għandu jiżdied mal-Artikolu 2:

    ‘(k)

    il-persunal tal-Uffiċċju tal-Istatistika tal-EFTA: l-istaff tas-Segretarjat tal-EFTA li qed jaħdem fil-bini tal-Eurostat.’;

    (b)

    fit-tieni sentenza tal-Artikolu 5(1), it-terminu ‘Eurostat’ għandu jinbidel bi ‘Eurostat u tal-Uffiċċju tal-Istatistika tal-EFTA’;

    (ċ)

    Is-sottoparagarfu li ġej għandu jiġi miżjud fl-Artikolu 5(2):

    ‘Dejta statistika kunfidenzjali li tiġi trażmessa lill-Eurostat permezz tal-Uffiċċju tal-Istatistika tal-EFTA għandha tkun aċċessibbli wkoll għall-persunal ta’ dan l-Uffiċċju’;

    (d)

    Fl-Artikolu 6, it-terminu ‘Eurostat’ għandu, għal dawn l-għanijiet, jinqara li jinkludi l-Uffiċċju tal-Istatistika tal-EFTA.”

    Artikolu 2

    It-testi tar-Regolamenti (KE) Nru 1062/2008 u (KE, Euratom) Nru 1101/2008 fl-ilsien Iżlandiz u f’dak Norveġiż, li għandhom jiġu ppubblikati fis-Suppliment għaż-ŻEE ta’ Il-Ġurnal Uffiċjali tal-Unjoni Ewropea għandhom ikunu awtentiċi.

    Artikolu 3

    Din id-Deċiżjoni għandha tidħol fis-seħħ nhar it-18 ta’ Marzu 2009, sakemm ikunu saru n-notifiki kollha taħt l-Artikolu 103(1) tal-Ftehim lill-Kumitat Konġunt taż-ŻEE (*).

    Artikolu 4

    Din id-Deċiżjoni għandha tkun ippubblikata fis-Sezzjoni ŻEE u fis-Suppliment ŻEE ta’ Il-Ġurnal Uffiċjali tal-Unjoni Ewropea.

    Magħmul fi Brussell, is-17 ta’ Marzu 2009.

    Għall-Kumitat Konġunt taż-ŻEE

    Il-President

    Alan SEATTER

    (1)  ĠU L 25, 29.1.2009, p. 40.

    (2)  ĠU L 285, 29.10.2008, p. 3.

    (3)  ĠU L 304, 14.11.2008, p. 70.

    (4)  ĠU L 151, 15.6.1990, p. 1.

    (*)  M’huma indikati l-ebda rekwiżiti kostituzzjonali.

    Top