This document is an excerpt from the EUR-Lex website
Document 22003D0094
Decision of the EEA Joint Committee No 94/2003 of 11 July 2003 amending Annex XXI (Statistics) to the EEA Agreement
Id-Deċiżjoni tal-Kumitat Konġunt taż-ŻEE Nru 94/2003 tal-11 ta' Lulju 2003 li temenda l-Anness XXI (l-Istatistika) tal-Ftehim taż-ŻEE
Id-Deċiżjoni tal-Kumitat Konġunt taż-ŻEE Nru 94/2003 tal-11 ta' Lulju 2003 li temenda l-Anness XXI (l-Istatistika) tal-Ftehim taż-ŻEE
ĠU L 272, 23.10.2003, p. 31–31
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force
Official Journal L 272 , 23/10/2003 P. 0031 - 0031
Id-Deċiżjoni tal-Kumitat Konġunt taż-ŻEE Nru 94/2003 tal-11 ta' Lulju 2003 li temenda l-Anness XXI (l-Istatistika) tal-Ftehim taż-ŻEE IL-KUMITAT KONĠUNT TAŻ-ŻEE, Wara li kkunsidra l-Ftehim dwar iż-Żona Ekonomika Ewropea, kif emendat mill-Protokoll li jimmodifika l-Ftehim dwar iż-Żona Ekonomika Ewropea, hawnhekk iżjed 'il quddiem imsejjaħ "il-Ftehim", u partikolarment l-Artikolu 98 tiegħu, Billi: (1) L-Anness XXI ta' mal-Ftehim ġie emendat bid-Deċiżjoni tal-Kumitat Konġunt taż-ŻEE Nru 62/2003 tas-16 ta' Mejju 2003 [1]. (2) Ir-Regolament tal-Kummissjoni (KE) Nru 6/2003 tat-30 ta' Diċembru 2002 li jikkonċerna t-tixrid ta' tagħrif statistiku dwar il-ġarr stradali ta' merkanzija [2] ikollu jiġi inkorporat fil-Ftehim. (3) Din id-Deċiżjoni ma tapplikax għall-Islanda, IDDEĊIEDA DAN LI ĠEJ: Artikolu 1 Il-punt li ġej għandu jiddaħħal wara l-punt 7f (ir-Regolament tal-Kunsill (KE) Nru 1172/98) ta' l-Anness XXI ta' mal-Ftehim: "7g. 32003 R 0006: Ir-Regolament tal-Kummissjoni (KE) Nru 6/2003 tat-30 ta' Diċembru 2002 li jikkonċerna t-tixrid ta' tagħrif statistiku dwar il-ġarr stradali ta' merkanzija (ĠU L 1, ta' l-4.1.2003, p. 45). Għall-finijiet tal-Ftehim preżenti, id-dispożizzjonijiet tar-Regolament għandhom jinqraw ma' l-adattamenti li ġejjin: Dan ir-Regolament ma għandux japplika għall-Islanda." Artikolu 2 It-test tar-Regolament (KE) Nru 6/2003 fl-ilsien Norveġiż, li jrid jiġi ppubblikat fis-Suppliment taż-ŻEE fil-Ġurnal Uffiċjali ta' l-Unjoni Ewropea, għandu jkun awtentiku. Artikolu 3 Din id-Deċiżjoni għandha tidħol fis-seħħ fit-12 ta' Lulju 2003, iżda n-notifiki kollha fl-Artikolu 103(1) tal-Ftehim iridu jkunu saru lill-Kumitat Konġunt taż-ŻEE [3]. Artikolu 4 Din id-Deċiżjoni għandha tiġi ppubblikata fit-taqsima taż-ŻEE u fis-Suppliment taż-ŻEE fil-Ġurnal Uffiċjali ta' l-Unjoni Ewropea. Magħmul fi Brussel, fil-11 ta' Lulju 2003. Għall-Kumitat Konġunt taż-ŻEE Il-President H. S. H. Prinz Nikolaus von Liechtenstein [1] ĠU L 193, tal-31.7.2003, p. 50. [2] ĠU L 1, ta' l-4.1.2003, p. 45. [3] L-ebda ħtieġa kostituzzjonali ma hi indikata. --------------------------------------------------