This document is an excerpt from the EUR-Lex website
Document 22003D0013
Decision of the EEA Joint Committee No 13/2003 of 31 January 2003 amending Annex XIII (Transport) to the EEA Agreement
Id-Deċiżjoni tal-Kumitat Konġunt taż-ŻEE Nru 13/2003 tal-31 ta' Jannar 2003 li temenda l-Anness XII (Trasport) tal-Ftehim ŻEE
Id-Deċiżjoni tal-Kumitat Konġunt taż-ŻEE Nru 13/2003 tal-31 ta' Jannar 2003 li temenda l-Anness XII (Trasport) tal-Ftehim ŻEE
ĠU L 94, 10.4.2003, p. 67–68
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force
Official Journal L 094 , 10/04/2003 P. 0067 - 0068
Id-Deċiżjoni tal-Kumitat Konġunt taż-ŻEE Nru 13/2003 tal-31 ta' Jannar 2003 li temenda l-Anness XII (Trasport) tal-Ftehim ŻEE IL-KUMITAT KONĠUNT TAŻ-ŻEE, Wara li kkunsidra l-Ftehim dwar iż-Żona Ekonomika Ewropea, kif emendat bil-Protokoll li jirranġa l-Ftehim dwar iż-Żona Ekonomika Ewropea, hawnhekk iżjed 'il quddiem imsejjaħ "il-Ftehim", u b'mod partikolari l-Artikolu 98 tiegħu, Billi: (1) L-Anness XIII tal-Ftehim ġie emendat bid-Deċiżjoni tal-Kumitat Konġunt taż-ŻEE Nru No 169/2002 tas-6 ta' Diċembru 2002 [1]. (2) Id-Direttiva 2002/59/KE tal-Parlament Ewropew u tal-Kunsill tas-27 ta' Ġunju 2002 li tistabbilixxi sistema Komunitarja ta' kontroll u tagħrif dwar it-traffiku tal-bastimenti u li tħassar id-Direttiva tal-Kunsill 93/75/KEE [2], għandha ssir parti mill-Ftehim, IDDEĊIEDA DAN LI ĠEJ: Artikolu 1 L-Anness XII tal-Ftehim ŻEE għandu jiġi emendat kif ġej: 1. Il-punt 55a eżistenti għandu jinbidel fil-punt 55aa. 2. Il-punt li ġej għandu jiġi miżjud wara l-punt 54a (test ta' punt 54a (Direttiva tal-Kunsill 94/58/KE) imħassar): "55a. 32002 L 0059: Id-Direttiva 2002/59/KE tal-Parlament Ewropew u tal-Kunsill tas-27 ta' Ġunju 2002 li tistabbilixxi sistema Komunitarja ta' kontroll u tagħrif dwar it-traffiku tal-bastimenti u li tħassar id-Direttiva tal-Kunsill 93/75/KEE (ĠU L 208, tal-5.8.2002, p. 10)."; 3. Il-punt 55aa (Direttiva tal-Kunsill 93/75/KEE:) għandu jitħassar b'effett mill-5 ta' Frar 2004. Artikolu 2 It-testi tad-Direttiva 2002/59/KE fl-ilsna Islandiż u Norveġiż, li għandhom jiġu ippubblikati fis-Suppliment taż-ŻEE fil-Ġurnal Uffiċjali ta' l-Unjoni Ewropea, għandhom jkunu awtentiċi. Artikolu 3 Din id-Deċiżjoni għandha tidħol fis-seħħ fl-1 ta' Frar 2003, bil-kondizzjoni li n-notifiki kollha taħt l-Artikolu 103(1) tal-Ftehim intbagħtu lill-Kumitat Konġunt taż-ŻEE [3]. Artikolu 4 Din id-Deċiżjoni għandha tiġi ippubblikata fit-Taqsima ŻEE, u fis-Suppliment taż-ŻEE li jinsabu fil-Ġurnal Uffiċjali ta' l-Unjoni Ewropea. Magħmul fi Brussel, fil-31 ta' Jannar 2003. Għall-Kumitat Konġunt taż-ŻEE Il-President P. Westerlund [1] ĠU L 38, tat-13.2.2003, p. 32. [2] ĠU L 208, tal-5.8.2002, p. 10. [3] Ebda ħtieġijiet kostituzzjonali indikati. --------------------------------------------------