22003A0618(01)

Ftehim

fil-għamla ta' Skambju ta' l-Ittri bejn il-Komunità Ewropea u r-Repubblika tal-Kroazja li jirrigwarda s-sistema ta' l-eko-punti li trid tiġi applikata għat-traffiku Kroat fi transitu minn ġo l-Awstrija mill-1 ta' Jannar 2003

A. Ittra mill-Komunità Ewropea

Sinjur,

Għandi l-unur ngħarrfek illi, wara n-negozjati bejn id-delegazzjoni tar-Repubblika tal-Kroazja u d-delegazzjoni tal-Komunità Ewropea, skond id-disposizzjonijiet ta' l-Artikolu 2(2)(b) tal-Protokoll Nru 6 tal-Ftehim Interim bejn il-Komunità Ewropea u r-Repubblika tal-Kroazja, ġie miftiehem dan li ġej:

1. L-eko-punti (drittijiet tat-transitu) għall-vetturi tqal Kroati tal-merkanzija li jittransittjaw minn ġo l-Awstrija allokati għas-sena 2003: 171904 eko-punti.

Eko-punti addizzjonali allokati lill-utenti Kroati tar-Rollenden Landstrasse (RoLa) (sa massimu ta' 40 % tan-numru totali ta' l-eko-punti għas-sena 2003): 68762 eko-punti.

L-eko-punti għar-RoLa għandhom jiġu allokati lill-awtoritajiet Kroati, fuq il-bażi ta' l-eko-punti għal żewġ vjaġġi bit-triq għal kull żewġ vjaġġi ċirkolari magħmula bir-RoLa.

Il-kumpaniji Awstrijaċi tat-trasport magħqud iridu jipprovdu b'mod regolari, kull xahar, tagħrif lill-Ministru ta' l-Affarijiet Marittimi, it-Trasport u l-Komunikazzjonijiet tar-Repubblika tal-Kroazja li jirrigwarda lill-utenti Kroati tat-trasport magħqud fi transitu minn ġo l-Awstrija.

Il-vjaġġi tat-transitu magħmula fiċ-ċirkostanzi elenkati fl-Anness A jew taħt l-awtorizzazzjonijiet ta' l-ECMT għandhom ikunu eżentati mis-sistema ta' l-eko-punti.

2. Is-sewwieq ta' vettura tqila tal-merkanzija fit-territorju ta' l-Awstrija għandu jġorr, u għandu jagħmel disponibbli għall-ispezzjon fuq it-talba ta' l-awtoritajiet tas-sorveljanza, jew:

(a) formola standard mimlija kif mistħoqq jew ċertifikat Awstrijakk li jikkonferma l-ħlas ta' l-eko-punti għall-vjaġġ fil-kwistjoni, immudellat fuq l-Anness B, minn issa 'l quddiem imsejħa l-"eko-karta";

(b) apparat elettroniku, imwaħħal mal-vettura bil-magna li jgħin li l-eko-punti jiġu ddebitati awtomatikament, minn issa 'l quddiem imsejjaħ l-"eko-apparat";

(ċ) id-dokumentazzjoni approprjata għalbiex turi illi jkun qiegħed isir vjaġġ ta' transitu ħieles mill-eko-punti; jew

(d) id-dokumentazzjoni approprjata għalbiex turi illi jkun qiegħed isir vjaġġ mhux tat-transitu, u meta eko-apparat jitwaħħal fuq il-vettura, l-eko-apparat jitwaħħal b'dan il-għan.

L-awtoritajiet kompetenti Awstrijaċi għandhom joħorġu l-eko-karta għall-ħlas ta' l-ispiża tal-produzzjoni u d-distribuzzjoni ta' l-eko-punti u l-eko-karti.

3. L-eko-apparati għandhom jiġu ffabbrikati, ipproggrammati u mwaħħla skond l-ispeċifikazzjonijiet ġenerali tekniċi stabbiliti fl-Anness Ċ. Il-Ministeru ta' l-Affarijiet Marittimi, it-Trasport u l-Komunikazzjoijiet tar-Repubblika tal-Kroazja huwa awtorizzat li japprova, jipprogramma u jwaħħal l-eko-apparati.

L-eko-apparat għandu jkun ipprogrammat li jkun fih tagħrif dwar il-pajjiż tar-reġistrazzjoni u l-valur tan-NOx tal-vettura bil-magna, kif iddikjarat fid-dokument tal-komformità mal-produzzjoni (KP), kif iddefinit fil-punt 4.

L-eko-apparat għandu jitwaħħal mal-ħġieġa ta' quddiem tal-vettur bil-magna. Għandu jkun ippożizzjonat skond l-Anness D. Ma għandux ikun jista' jiġi ttrasferit.

4. Is-sewwieq ta' vettura tqila Kroata tal-merkanzija rreġistrata fl-1 ta' Ottubru 1990 jew qabel għandu jġorr ukoll, u jipproduċi fuq talba, dokument tal-KP, immudellat fuq l-Anness E, bħala xhieda tal-ħruġ tan-NOx tal-vettura. Il-vetturi tqal tal-merkanzija rreġistrati għall-ewwel darba qabel l-1 ta' Ottubru 1990 li rigward tagħhom ma jiġi prodott l-ebda dokument għandhom jiġu meqjusa li jkollhom il-valur tal-KP ta' 15,8 g/kWh.

5. Il-Ministeru ta' l-Affarijiet Marittimi, it-Trasport u l-Komunikazzjonijiiet tar-Repubblika tal-Kroazja huwa awtorizzat li joħroġ id-dokumenti u l-eko-apparati riferiti fil-punti minn 2 sa 4.

6. Għajr jekk vettura tkun qiegħda tuża eko-apparat, in-numru mitlub ta' l-eko-punti għandu jiġi mwaħħal fuq l-eko-karta u kkanċellat. L-eko-karta għandha tiġi kkanċellata minn wieħed jew ieħor tal-metodi li ġejjin:

(a) billi l-eko-karta tiġi ttimbrata b'magna li tittimbra l-eko-karti;

(b) billi l-eko-karta tiġi ttimbrata mill-awtoritjiet Awstrijaċi tal-kontroll fuq il-fruntiera mad-dħul fl-Awstrija;

(ċ) billi l-eko-karta tkun ittimbrata u ddatata mill-awtoritajiet nazzjonali tat-trasportatur qabel ma tidħol fit-territorju Awstijakk;

(d) billi l-eko-karta tiġi ttimbrata f'uffiċċju fejn titwettaq l-inizjalizzazzjoni ta' l-eko-apparati.

L-istazzjonijiet Awstrijaċi mgħammra b'magna li tittimbra l-eko-karti huma elenkati fl-Anness F.

Għall-għanijiet ta' l-istatistika l-paġna 1 ta' l-eko-karta kkompletata għandha jew tinġabar mill-awtoritajiet Awstrijaċi jew sussegwentement tiġi mogħtija lura mill-awtoritajiet kompetenti lill-awtoritajiet Awstrijaċi fi żmien tliet xhur mit-tkomplija tal-vjaġġ. L-istatistika hekk miġbura għandha tgħin lill-Kummissjoni sabiex tagħmel kull proposta għad-distribuzzjoni ta' l-eko-punti ta' riserva.

Jekk il-vettura jkollha eko-apparat imwaħħal fuqha, mal-konferma li tkun daħlet għal vjaġġ ta' transitu li jkun jeħtieġ l-eko-punti, għandu jiġi mnaqqas numru ta' eko-punti ekwivalenti għat-tagħrif dwar il-ħruġ tan-NOx maħżun fl-eko-apparat tal-vettura mit-total ta' l-eko-punti allokati lir-Repubblika tal-Kroazja. Dan għandu jsir mill-infrastruttura pprovduta u mħaddma mill-awtoritajiet Awstrijaċi.

Għall-vetturi mgħammra bl-eko-apparati li jkunu qegħdin jagħmlu vjaġġi bilaterali, dawn iridu jirranġaw l-eko-apparat sabiex juri illi jkun qiegħed isir vjaġġ mhux ta' transitu qabel ma jidħol fit-territorju Awstrijakk.

Fil-każ dwar meta tintuża eko-karta u meta unit ta' vettura tal-ġbid tinbidel matul vjaġġ ta' transitu, il-prova tal-ħlas mad-dħul għandha tibqa' valida u tinżamm. Meta l-valur tal-KP tal-vettura l-ġdida tal-ġbid jaqbeż lil dak indikat fuq il-formola, għandhom jiġu kanċellati l-eko-punti addizzjonali, imwaħħla fuq karta ġdida, mal-ħruġ mill-pajjiż.

7. Il-vjaġġi mingħajr waqfien li jinvolvu l-qsim tal-fruntiera Awstrijaka għal darba waħda bil-ferrovija, sewwa jekk bit-trasport konvenzjonali tal-ferroviji u sewwa f'ħidma magħquda tat-trasport, u li jaqsmu l-fruntiera bit-triq qabel jew wara l-qsim bil-ferrovija, ma għandhomx jitqiesu bħala transitu tal-merkanzija bit-triq minn ġo l-Awstrija imma bħala vjaġġi bilaterali.

Il-vjaġġi mingħajr waqfien minn ġo l-Awstrija li jużaw l-istazzjonijiet terminali li ġejjin għandhom jitqiesu bħala vjaġġi bilaterali:

Fürnitz, Villach Süd, Sillian, Innsbruck/Hall, Brennersee, Graz.

8. L-eko-punti għandhom ikunu validi bejn l-1 ta' Jannar tas-sena li għaliha jkunu attribwiti u l-31 ta' Jannar tas-sena ta' wara.

9. Il-kontravenzjonijiet għal dan il-Ftehim minn sewwieq ta' vettura tqila Kroata tal-merkanzija jew impenn għandhom jiġu mħarrka skond il-leġislazzjoni nazzjonali fis-seħħ.

Il-Kummissjoni u l-awtoritajiet kompetenti ta' l-Awstrija u tal-Kroazja għandhom, kull waħda fil-limiti tal-ġurisdizzjoni tagħha, jipprovdu lil xulxin bl-assistenza amministrattiva għalbiex iwettqu l-investigazzjoni u l-prosekuzzjoni dwar dawn il-kontravenzjonijiet, b'mod partikolari billi jiżguraw illi l-eko-karti u l-eko-apparati jkunu wżati u mħaddma b'mod korrett.

Jistgħu jiġu mwettqa kontrolli f'post ieħor għajr fuq il-fruntiera interna, skond id-diskrezzjoni ta' l-Istat Membru tal-Komunità Ewropea, bir-rigward mistħoqq għall-prinċipju li ma ssirx diskriminazzjoni.

10. L-awtoritajiet Awstrijaċi tas-sorveljanza jistgħu, filwaqt li jqisu kif mistoqq il-prinċipji tal-proporzjonalità, jieħdu l-miżuri approprjati jekk vettura jkollha l-eko-apparat imwaħħal fuqha u tiġri mill-inqas waħda mis-sitwazzjonijiet li ġejjin:

(a) il-vettura u l-operatur ikunu kkommettew kontravenzjonijiet ripetutament;

(b) ma jifdlux eko-punti biżżejjed fl-allokazzjoni tal-Kroazja;

(ċ) l-eko-apparat ikun ġie mbagħbas jew ġie mibdul minn parti oħra għajr dawk awtorizzati fil-punt 3;

(d) il-Kroazja ma allokatx eko-punti biżżejjed għalbiex il-vettura tagħmel vjaġġ ta' transitu;

(e) il-vettura ma jkollhiex id-dokumentazzjoni approprjata skond il-punt 2 (ċ) jew (d) għalbiex tiġġustifika għaliex l-eko-apparat ikun tqiegħed għalbiex juri illi jkun qiegħed isir vjaġġ mhux tat-transitu fit-territorju Awstrijakk;

(f) meta l-eko-apparat speċifikat fl-Anness Ċ ma jkunx mimli b'eko-punti biżżejjed għalbiex jagħmel vjaġġ ta' transitu.

L-awtorijajiet Awstrijaċi tas-sorveljanza jistgħu, fil-waqt li jagħtu qies mistħoqq tal-prinċipju tal-proporzjonalità, jieħdu l-miżuri approprjati jekk vettura ma jkollhiex l-eko-apparat imwaħħla fuqha u tiġri waħda mis-sitwazzjonijiet li ġejjin:

(a) ma tiġix ippreżentata eko-karta lill-awtoritajiet tas-sorveljanza skond id-disposizzjonijiet ta' dan il-Ftehim;

(b) eko-karta li ma tkunx ikkompletata jew ma tkunx korretta, jew meta l-eko-punti ma jiġux imwaħħla b'mod korrett;

(ċ) il-vettura ma tippossjedix id-dokumentazzjoni approprjata sabiex tiġġustifika illi ma teħtiġx eko-punti;

(d) l-eko-karta ma tkunx ġiet ikkanċellata skond il-proċedura stabbilita fil-punt 6.

11. L-eko-punti stampati li jkunu maħsuba għalbiex jitwaħħlu fuq l-eko-karti għandhom ikunu disponibbli kull sena qabel l-1 ta' Novembru tas-sena ta' qabel.

12. Fil-każ tal-vetturi rreġistrati qabel l-1 ta' Ottubru 1990 li kellhom il-magna mibdula minn din id-data, għandu japplika l-valur tal-KP tal-magna l-ġdida. F'dan il-każ iċ-ċertifikat maħruġ mill-awtorità approprjata għandu jsemmi l-bidla tal-magna u jagħti d-dettalji dwar il-valur il-ġdid tal-KP għall-ħruġ tan-NOx.

13. Vjaġġ ta' transitu għandu jkun eżentat mill-ħlas ta' l-eko-punti jew jiġu sodisfatti t-tliet kondizzjonijiet li ġejjin:

(a) il-għan waħdieni tal-vjaġġ ikun li jikkunsinna vettura ġdida fjamanta, jew għaqda ta' vetturi, mingħand il-fabbrikanti lejn destinazzjoni fi Stat ieħor;

(b) ma tinġarr l-ebda merkanzija fuq il-vjaġġ;

(ċ) il-vettura jew l-għaqda tal-vetturi jkollhom il-karti approprjati tar-reġistrazzjoni internazzjonali u l-pjanċi tal-liċenzja ta' l-esportazzjoni.

14. Vjaġġ ta' transitu għandu jkun eżentat mill-ħlas ta' l-eko-punti jekk il-parti mhux mgħobbija tal-vjaġġ tkun eżentata mill-eko-punti kif elenkat fl-Anness A u l-vettura ġġorr id-dokumentazzjoni xierqa għalbiex turi dan. Din id-dokumentazzjoni xierqa għandha tkun jew:

(a) polza tat-tagħbija; jew

(b) eko-karta kkompletata li ma jkunu twaħlu l-ebda eko-punti fuqha; jew

(ċ) eko-karta kkompletata bl-eko-punti, li jiġu sussegwentement istitwiti mill-ġdid.

15. Kull problema li tinħoloq mill-ġestjoni ta' dan ir-reġim ta' l-eko-punti għandha tiġi ssottomessa lis-Sotto Kumitat Interim tat-Trasport tal-Komunità/ir-Repubblika tal-Kroazja pprovdut fl-Artikolu 41 tal-Ftehim Interim li għandu jistma s-sitwazzjoni u jirrakkomanda l-azzjonijiet approprjati. Kull miżura li trid tiġi implimentata minnufih għandha tkun ipproporzjonata u mhux diskriminatorja.

Inkun obbligat jekk inti tikkonferma l-qbil tal-Gvern tiegħek mal-kontenut ta' din l-ittra.

Sinjur, jekk jogħġbok, aċċetta l-assigurazzjoni ta' l-ogħla konsiderazzjoni tiegħi.

F'isem il-Kunsill ta' l-Unjoni Ewropea

ANNESS A

Il-vjaġġi li għalihom mhumiex meħtieġa eko-punti

1. It-trasport okkażjonali tal-merkanzija lejn u mill-ajruporti meta t-titjiriet jiġu mibdula.

2. Il-ġarr tal-bagalji fit-trailers imwaħħla mal-vetturi tal-passiġġieri, u l-ġarr tal-bagalji lejn u mill-ajruporti minn kull għamla ta' vetturi.

3. Il-ġarr tal-kunsinni postali.

4. Il-ġarr tal-vetturi bil-ħsara jew il-vetturi li jeħtieġu t-tiswija.

5. Il-ġarr ta' l-iskart u tad-drenaġġ.

6. Il-ġarr tal-karkassi ta' l-annimali biex jiġu disponuti minnhom.

7. Il-ġarr tan-naħal u tal-bajd tal-ħut.

8. Il-ġarr tal-katavri.

9. Il-ġarr tax-xogħlijiet ta' l-arti għall-esibizzjonijiet u għal għanijiet kummerċjali.

10. Il-ġarr okkażjonali tal-merkanzija għal għanijiet tar-reklamar u edukattivi.

11. Il-ġarr tal-merkanzija minn ditti tal-ġarr li jippossjedu l-personal u t-tagħmir approprjati.

12. Il-ġarr tat-tagħmir, l-aċċessorji u l-annimali minn u lejn okkażjonijiet teatrali, mużikali, ta' l-isport jew taċ-ċinema, esibizzjonijiet jew fieri, minn u lejn reġistrazzjonijiet tar-radjo, taċ-ċinema jew tat-televiżjoni.

13. Il-ġarr tal-partijiet li jinbidlu tal-bastimenti u tal-vetturi ta' l-ajru.

14. Il-vjaġġ battal ta' vettura tal-merkanzija mibgħuta biex tieħu l-post ta' vettura li tkun ġratilha l-ħsara waqt it-transitu u t-tkomplija tal-vjaġġ mill-vettura tal-bidla bl-użu ta' l-awtorizzazzjoni maħruġa għall-ewwel vettura.

15. Il-ġarr ta' għajnuna medika ta' emerġenza (b'mod partikolari fil-każ ta' diżastri naturali).

16. Il-ġarr ta' l-oġġetti prezzjużi (p.e. metalli prezzjużi) f'vetturi speċjali skortati mill-pulizija jew servizz ieħor tas-sigurtà.

ANNESS B

+++++ TIFF +++++

+++++ TIFF +++++

+++++ TIFF +++++

+++++ TIFF +++++

+++++ TIFF +++++

+++++ TIFF +++++

ANNESS Ċ

L-ispeċifikazzjonijiet ġenerali tekniċi ta' l-eko-apparat

Vettura b'sinjal ta' komunikazzjoni ta' firxa qasira

Il-(pri)standards u r-rapporti tekniċi rilevanti għad-DSRC

Iridu jiġu sodisfatti l-ħtiġiet li ġejjin ippovduti mis-CEN/TC 278 rigward il-komunikazzjoni fuq firxa qasira bejn il-vetturi u l-infrastuttura ta' maġenb it-triq:

(a) il-prENV278/Nru 62"saff fiżiku tad-DSRC li juża microwave fil-5,8 GHz";

(b) il-prENV278/Nruo 64"saff tad-DSRC tar-rabta ta' l-informazzjoni";

(ċ) il-prENV278/Nru 65"saff tad-DSRC ta' l-applikazzjoni".

It-test tat-tip

Il-fornitur ta' l-eko-apparat irid iforni ċertifikati ta' test tat-tip għall-apparat minn istitut ta' l-akkreditazzjoni tat-testijiet li jikkonferma l-konformità mal-valuri kollha tal-limitu speċifikati fl-I-ETS 300674 korrenti.

Il-kondizzjonijiet tat-tħaddim

L-eko-apparat għas-sistema awtomatika ta' l-eko-punti jrid jiggarantixxi l-funzjonalità meħtieġa taħt il-kondizzjonijiet tat-tħaddim li ġejjin:

- il-kondizzjonijiet ambjentali: temperatura ta' minn − 25 °C sa + 70 °C,

- il-kondizzjonijiet tat-temp: l-eventwalitajiet kolllha,

- it-traffiku: in-numru ta' sriebet, għaddejjin,

- il-firxa tal-veloċità: minn "wieqaf u itlaq" sa 120 km/h.

Il-kondizzjonijiet tat-tħaddim ta' hawn fuq huma l-ħtiġiet minimi sakemm jiġu adottati l-(pri-standards) rilevanti għad-DSRC.

L-eko-apparat jista' jirreaġixxi biss għas-sinjali microwave speċifiċi għall-applikazzjoni tiegħu.

L-eko-apparat

L-identifikazzjoni

Kull eko-apparat irid ikollu numru waħdieni ta' l-identifikazzjoni. B'żieda man-numru ta' ċifri meħtieġa sabiex jingħaraf mill-oħrajn dan in-numru jrid ikollu wkoll somma tal-kontroll għall-verifika ta' l-integrità.

L-istallazzjoni

L-eko-apparat irid ikun iddisinjat sabiex jitwaħħal wara l-ħġieġa ta' quddiem tat-trakk jew ta' l-unità tal-ġbid. Għandu jiġi mwaħħal hekk li ma jkunx tista' jinqala' għal kollox mill-vettura.

Id-dikjarazzjoni tat-transitu

L-eko-apparat irid ikollu l-faċilità għall-inputs sabiex jiddikjara vjaġġ eżentat mill-ħlas ta' l-eko-punti.

Il-faċilità trid tkun tidher biċ-ċar fuq l-eko-apparat għall-għanijiet tal-kontroll; alternattivament, irid ikun possibbli li l-eko-apparat jiġi ssettjat f'pożizzjoni inizjali ddefinita. Fil-każijiet kollha, irid jiġi żgurat illi għall-valutazzjoni tas-sistema jitqies biss l-istat fil-ħin tad-dħul.

L-għoti tal-marki fuq barra

Kull eko-apparat irid ukoll ikun jista' jiġi identifikat biċ-ċar ma' spezzjon bl-għajn. Għal dan il-fini, in-numru waħdieni ta' l-identifikazzjoni msemmi hawn fuq irid ikun imwaħħal fuq il-wiċċ ta' l-apparat mingħajr ma jkun jista' jitħassar.

Għoti ta' marka li ma tistax tiġi maqlugħa u ma tistax tiġi mħassra lill-eko-apparat fl-għamla ta' stickers imħejjija għandu jiġi mwaħħal ma' l-eko-apparat. Dan l-għoti tal-marka jrid juri n-numru ta' eko-punti għall-vettura individwali (5, 6, … 16).

Dawn l-istickers speċjali jridu jkunu li ma jistgħux jiġu mbagħbsa; iridu jkunu ta' saħħa mekkanika u reżistenti għad-dawl u t-temperatura. Irid ikollhom saħħa qawwija fit-twaħħil u kull attentat għalbiex jitneħħew jista' jirriżulta fil-qerda tagħhom.

L-integrità

Il-kaxxa ta' barra ta' l-eko-apparat trid tkun mibnija b'mod illi teskludi kull tbagħbis tal-komponenti ta' ġewwa u sussegwement tkun tista' tinkixef kull interferenza.

Il-memorja

L-eko-apparat irid ikollu l-kapaċità ta' memorja suffiċjenti għall-informazzjoni li ġejja:

- in-numru ta' l-identifikzzjoni,

- l-informazzjoni dwar il-vettura,

- il-valur tal-KP,

- l-informazzjoni dwar it-transazzjoni,

- l-identifikazzjoni tal-posta fuq il-fruntiera,

- id-data/il-ħin,

- l-istat tal-prospett tal-vjaġġ,

- tagħrif dwar l-imblukkar (il-projbizzjoni),

- informazzjoni dwar l-istat,

- it-tbagħbis,

- l-istat tal-batterija,

- l-istat ta' l-aħħar komunikazzjoni.

Irid ikollu riserva tal-memorja ta' mill-inqas 30 %.

ANNESS D

Il-ħtiġiet ta' l-istallazzjoni għall-eko-apparat

+++++ TIFF +++++

l-eko-apparat għandu jkun lokat fuq in-naħa ta' ġewwa tal-ħġeġa ta' quddiem fiż-żona mmarkata (illustrata hawn fuq) fejn id-dimensjonijiet ikunu kif ġejjin:

il-x = 100 ċm

il-y = 80 ċm.

ANNESS E

+++++ TIFF +++++

ANNESS F

L-istazzjonijiet fuq il-fruntiera Awstrijaka li għandhom magna li tittimbra l-eko-karta

Achenkirch

Arnoldstein

Braunau

Brennerpass

Ehrwald

Hangendenstein

Hörbranz

Kiefersfelden

Musau

Nauders

Neuhaus

Pinswang

Reit im Winkl

Saalbrücke

Scharnitz

Schleching

Sillian

Springen

Suben

Steinpass

Walserberg

Wegscheid

B. Ittra mir-Repubblika tal-Kroazja

Sinjur,

Għandi l-unur nirriferi għall-ittra tiegħek ta'…, li fiha inti tgħarrafni b'dan li ġej:

"Għandi l-unur ingħarrfek illi, wara n-negozjati bejn id-delegazzjoni tar-Repubblika tal-Kroazja u d-delegazzjoni tal-Komunità Ewropea, skond id-disposizzjonijiet ta' l-Artikolu 2(2)(b) tal-Protokoll Nru 6 tal-Ftehim Interim bejn il-Komunità Ewropea u r-Repubblika tal-Kroazja, ġie miftiehem dan li ġej:

1. L-eko-punti (drittijiet tat-transitu) għall-vetturi tqal Kroati tal-merkanzija li jittransittjaw minn ġo l-Awstrija allokati għas-sena 2003: 171904 eko-punti.

Eko-punti addizzjonali allokati lill-utenti Kroati tar-Rollenden Landstrasse (RoLa) (sa massimu ta' 40 % tan-numru totali ta' l-eko-punti għas-sena 2003): 68762 eko-punti.

L-eko-punti għar-RoLa għandhom jiġu allokati lill-awtoritajiet Kroati, fuq il-bażi ta' l-eko-punti għal żewġ vjaġġi bit-triq għal kull żewġ vjaġġi ċirkolari magħmula bir-RoLa.

Il-kumpaniji Awstrijaċi tat-trasport magħqud iridu jipprovdu b'mod regolari, kull xahar, tagħrif lill-Ministru ta' l-Affarijiet Marittimi, it-Trasport u l-Komunikazzjonijiet tar-Repubblika tal-Kroazja li jirrigwarda lill-utenti Kroati tat-trasport magħqud fi transitu minn ġo l-Awstrija.

Il-vjaġġi tat-transitu magħmula fiċ-ċirkostanzi elenkati fl-Anness A jew taħt l-awtorizzazzjonijiet ta' l-ECMT għandhom ikunu eżentati mis-sistema ta' l-eko-punti.

2. Is-sewwieq ta' vettura tqila tal-merkanzija fit-territorju ta' l-Awstrija għandu jġorr, u għandu jagħmel disponibbli għall-ispezzjon fuq it-talba ta' l-awtoritajiet tas-sorveljanza, jew:

(a) formola standard mimlija kif mistħoqq jew ċertifikat Awstrijakk li jikkonferma l-ħlas ta' l-eko-punti għall-vjaġġ fil-kwistjoni, immudellat fuq l-Anness B, minn issa 'l quddiem imsejħa l-"eko-karta";

(b) apparat elettroniku, imwaħħal mal-vettura bil-magna li jgħin li l-eko-punti jiġu ddebitati awtomatikament, minn issa 'l quddiem imsejjaħ l-"eko-apparat";

(ċ) id-dokumentazzjoni approprjata għalbiex turi illi jkun qiegħed isir vjaġġ ta' transitu ħieles mill-eko-punti; jew

(d) id-dokumentazzjoni approprjata għalbiex turi illi jkun qiegħed isir vjaġġ mhux tat-transitu, u meta eko-apparat jitwaħħal fuq il-vettura, l-eko-apparat jitwaħħal b'dan il-għan.

L-awtoritajiet kompetenti Awstrijaċi għandhom joħorġu l-eko-karta għall-ħlas ta' l-ispiża tal-produzzjoni u d-distribuzzjoni ta' l-eko-punti u l-eko-karti.

3. L-eko-apparati għandhom jiġu ffabbrikati, ipproggrammati u mwaħħla skond l-ispeċifikazzjonijiet ġenerali tekniċi stabbiliti fl-Anness Ċ. Il-Ministeru ta' l-Affarijiet Marittimi, it-Trasport u l-Komunikazzjoijiet tar-Repubblika tal-Kroazja huwa awtorizzat li japprova, jipprogramma u jwaħħal l-eko-apparati.

L-eko-apparat għandu jkun ipprogrammat li jkun fih tagħrif dar il-pajjiż tar-reġistrazzjoni u l-valur tan-NOx tal-vettura bil-magna, kif iddikjarat fid-dokument tal-komformità mal-produzzjoni (KP), kif iddefinit fil-punt 4.

L-eko-apparat għandu jitwaħħal mal-ħġieġa ta' quddiem tal-vettur bil-magna. Għandu jkun ippożizzjonat skond l-Anness D. Ma għandux ikun jista' jiġi ttrasferit.

4. Is-sewwieq ta' vettura tqila Kroata tal-merkanzija rreġistrata fl-1 ta' Ottubru 1990 jew qabel għandu jġorr ukoll, u jipproduċi fuq talba, dokument tal-KP, immudellat fuq l-Anness E, bħala xhieda tal-ħruġ tan-NOx tal-vettura. Il-vetturi tqal tal-merkanzija rreġistrati għall-ewwel darba qabel l-1 ta' Ottubru 1990 li rigward tagħhom ma jiġi prodott l-ebda dokument għandhom jiġu meqjusa li jkollhom il-valur tal-KP ta' 15,8 g/kWh.

5. Il-Ministeru ta' l-Affarijiet Marittimi, it-Trasport u l-Komunikazzjonijiiet tar-Repubblika tal-Kroazja huwa awtorizzat li joħroġ id-dokumenti u l-eko-apparati riferiti fil-punti minn 2 sa 4.

6. Għajr jekk vettura tkun qiegħda tuża eko-apparat, in-numru mitlub ta' l-eko-punti għandu jiġi mwaħħal fuq l-eko-karta u kkanċellat. L-eko-karta għandha tiġi kkanċellata minn wieħed jew ieħor tal-metodi li ġejjin:

(a) billi l-eko-karta tiġi ttimbrata b'magna li tittimbra l-eko-karti;

(b) billi l-eko-karta tiġi ttimbrata mill-awtoritjiet Awstrijaċi tal-kontroll fuq il-fruntiera mad-dħul fl-Awstrija;

(ċ) billi l-eko-karta tkun ittimbrata u ddatata mill-awtoritajiet nazzjonali tat-trasportatur qabel ma tidħol fit-territorju Awstijakk;

(d) billi l-eko-karta tiġi ttimbrata f'uffiċċju fejn titwettaq l-inizjalizzazzjoni ta' l-eko-apparati.

L-istazzjonijiet Awstrijaċi mgħammra b'magna li tittimbra l-eko-karti huma elenkati fl-Anness F.

Għall-għanijiet ta' l-istatistika l-paġna 1 ta' l-eko-karta kkompletata għandha jew tinġabar mill-awtoritajiet Awstrijaċi jew sussegwentement tiġi mogħtija lura mill-awtoritajiet kompetenti lill-awtoritajiet Awstrijaċi fi żmien tliet xhur mit-tkomplija tal-vjaġġ. L-istatistika hekk miġbura għandha tgħin lill-Kummissjoni sabiex tagħmel kull proposta għad-distribuzzjoni ta' l-eko-punti ta' riserva.

Jekk il-vettura jkollha eko-apparat imwaħħal fuqha, mal-konferma li tkun daħlet għal vjaġġ ta' transitu li jkun jeħtieġ l-eko-punti, għandu jiġi mnaqqas numru ta' eko-punti ekwivalenti għat-tagħrif dwar il-ħruġ tan-NOx maħżun fl-eko-apparat tal-vettura mit-total ta' l-eko-punti allokati lir-Repubblika tal-Kroazja. Dan għandu jsir mill-infrastruttura pprovduta u mħaddma mill-awtoritajiet Awstrijaċi.

Għall-vetturi mgħammra bl-eko-apparati li jkunu qegħdin jagħmlu vjaġġi bilaterali, dawn iridu jirranġaw l-eko-apparat sabiex juri illi jkun qiegħed isir vjaġġ mhux ta' transitu qabel ma jidħol fit-territorju Awstrijakk.

Fil-każ dwar meta tintuża eko-karta u meta unit ta' vettura tal-ġbid tinbidel matul vjaġġ ta' transitu, il-prova tal-ħlas mad-dħul għandha tibqa' valida u tinżamm. Meta l-valur tal-KP tal-vettura l-ġdida tal-ġbid jaqbeż lil dak indikat fuq il-formola, għandhom jiġu kanċellati l-eko-punti addizzjonali, imwaħħla fuq karta ġdida, mal-ħruġ mill-pajjiż.

7. Il-vjaġġi mingħajr waqfien li jinvolvu l-qsim tal-fruntiera Awstrijaka għal darba waħda bil-ferrovija, sewwa jekk bit-trasport konvenzjonali tal-ferroviji u sewwa f'ħidma magħquda tat-trasport, u li jaqsmu l-fruntiera bit-triq qabel jew wara l-qsim bil-ferrovija, ma għandhomx jitqiesu bħala transitu tal-merkanzija bit-triq minn ġo l-Awstrija imma bħala vjaġġi bilaterali.

Il-vjaġġi mingħajr waqfien minn ġo l-Awstrija li jużaw l-istazzjonijiet terminali li ġejjin għandhom jitqiesu bħala vjaġġi bilaterali:

Fürnitz, Villach Süd, Sillian, Innsbruck/Hall, Brennersee, Graz.

8. L-eko-punti għandhom ikunu validi bejn l-1 ta' Jannar tas-sena li għaliha jkunu attribwiti u l-31 ta' Jannar tas-sena ta' wara.

9. Il-kontravenzjonijiet għal dan il-Ftehim minn sewwieq ta' vettura tqila Kroata tal-merkanzija jew impenn għandhom jiġu mħarrka skond il-leġislazzjoni nazzjonali fis-seħħ.

Il-Kummissjoni u l-awtoritajiet kompetenti ta' l-Awstrija u tal-Kroazja għandhom, kull waħda fil-limiti tal-ġurisdizzjoni tagħha, jipprovdu lil xulxin bl-assistenza amministrattiva għalbiex iwettqu l-investigazzjoni u l-prosekuzzjoni dwar dawn il-kontravenzjonijiet, b'mod partikolari billi jiżguraw illi l-eko-karti u l-eko-apparati jkunu wżati u mħaddma b'mod korrett.

Jistgħu jiġu mwettqa kontrolli f'post ieħor għajr fuq il-fruntiera interna, skond id-diskrezzjoni ta' l-Istat Membru tal-Komunità Ewropea, bir-rigward mistħoqq għall-prinċipju li ma ssirx diskriminazzjoni.

10. L-awtoritajiet Awstrijaċi tas-sorveljanza jistgħu, filwaqt li jqisu kif mistoqq il-prinċipji tal-proporzjonalità, jieħdu l-miżuri approprjati jekk vettura jkollha l-eko-apparat imwaħħal fuqha u tiġri mill-inqas waħda mis-sitwazzjonijiet li ġejjin:

(a) il-vettura u l-operatur ikunu kkommettew kontravenzjonijiet ripetutament;

(b) ma jifdlux eko-punti biżżejjed fl-allokazzjoni tal-Kroazja;

(ċ) l-eko-apparat ikun ġie mbagħbas jew ġie mibdul minn parti oħra għajr dawk awtorizzati fil-punt 3;

(d) il-Kroazja ma allokatx eko-punti biżżejjed għalbiex il-vettura tagħmel vjaġġ ta' transitu;

(e) il-vettura ma jkollhiex id-dokumentazzjoni approprjata skond il-punt 2 (ċ) jew (d) għalbiex tiġġustifika għaliex l-eko-apparat ikun tqiegħed għalbiex juri illi jkun qiegħed isir vjaġġ mhux tat-transitu fit-territorju Awstrijakk;

(f) meta l-eko-apparat speċifikat fl-Anness Ċ ma jkunx mimli b'eko-punti biżżejjed għalbiex jagħmel vjaġġ ta' transitu.

L-awtorijajiet Awstrijaċi tas-sorveljanza jistgħu, fil-waqt li jagħtu qies mistħoqq tal-prinċipju tal-proporzjonalità, jieħdu l-miżuri approprjati jekk vettura ma jkollhiex l-eko-apparat imwaħħla fuqha u tiġri waħda mis-sitwazzjonijiet li ġejjin:

(a) ma tiġix ippreżentata eko-karta lill-awtoritajiet tas-sorveljanza skond id-disposizzjonijiet ta' dan il-Ftehim;

(b) eko-karta li ma tkunx ikkompletata jew ma tkunx korretta, jew meta l-eko-punti ma jiġux imwaħħla b'mod korrett;

(ċ) il-vettura ma tippossjedix id-dokumentazzjoni approprjata sabiex tiġġustifika illi ma teħtiġx eko-punti;

(d) l-eko-karta ma tkunx ġiet ikkanċellata skond il-proċedura stabbilita fil-punt 6.

11. L-eko-punti stampati li jkunu maħsuba għalbiex jitwaħħlu fuq l-eko-karti għandhom ikunu disponibbli kull sena qabel l-1 ta' Novembru tas-sena ta' qabel.

12. Fil-każ tal-vetturi rreġistrati qabel l-1 ta' Ottubru 1990 li kellhom il-magna mibdula minn din id-data, għandu japplika l-valur tal-KP tal-magna l-ġdida. F'dan il-każ iċ-ċertifikat maħruġ mill-awtorità approprjata għandu jsemmi l-bidla tal-magna u jagħti d-dettalji dwar il-valur il-ġdid tal-KP għall-ħruġ tan-NOx.

13. Vjaġġ ta' transitu għandu jkun eżentat mill-ħlas ta' l-eko-punti jew jiġu sodisfatti t-tliet kondizzjonijiet li ġejjin:

(a) il-għan waħdieni tal-vjaġġ ikun li jikkunsinna vettura ġdida fjamanta, jew għaqda ta' vetturi, mingħand il-fabbrikanti lejn destinazzjoni fi Stat ieħor;

(b) ma tinġarr l-ebda merkanzija fuq il-vjaġġ;

(ċ) il-vettura jew l-għaqda tal-vetturi jkollhom il-karti approprjati tar-reġistrazzjoni internazzjonali u l-pjanċi tal-liċenzja ta' l-esportazzjoni.

14. Vjaġġ ta' transitu għandu jkun eżentat mill-ħlas ta' l-eko-punti jekk il-parti mhux mgħobbija tal-vjaġġ tkun eżentata mill-eko-punti kif elenkat fl-Anness A u l-vettura ġġorr id-dokumentazzjoni xierqa għalbiex turi dan. Din id-dokumentazzjoni xierqa għandha tkun jew:

(a) polza tat-tagħbija; jew

(b) eko-karta kkompletata li ma jkunu twaħlu l-ebda eko-punti fuqha; jew

(ċ) eko-karta kkompletata bl-eko-punti, li jiġu sussegwentement istitwiti mill-ġdid.

15. Kull problema li tinħoloq mill-ġestjoni ta' dan ir-reġim ta' l-eko-punti għandha tiġi ssottomessa lis-Sotto Kumitat Interim tat-Trasport tal-Komunità/ir-Repubblika tal-Kroazja pprovdut fl-Artikolu 41 tal-Ftehim Interim li għandu jistma s-sitwazzjoni u jirrakkomanda l-azzjonijiet approprjati. Kull miżura li trid tiġi implimentata minnufih għandha tkun ipproporzjonata u mhux diskriminatorja.

Inkun obbligat jekk inti tikkonferma l-qbil tal-Gvern tiegħek mal-kontenut ta' din l-ittra."

Għandi l-unur li nikkonferma illi l-Gvern tiegħi jaqbel mal-kontenut ta' l-ittra tiegħek.

Sinjur, jekk jogħġbok, aċċetta l-assigurazzjoni ta' l-ogħla konsiderazzjoni tiegħi.

F'isem il-Gvern tar-Repubblika tal-Kroazja

--------------------------------------------------