EUR-Lex Access to European Union law
This document is an excerpt from the EUR-Lex website
Document 22002D0036
Decision of the EEA Joint Committee No 36/2002 of 19 April 2002 amending Annex VI (Social security) to the EEA Agreement
Deċiżjoni tal-Kumitat Konġunt ŻEE Nru 36/2002 tad-19 ta' April 2002 li temenda l-Anness VI (Sigurtà soċjali) tal-Ftehim ŻEE
Deċiżjoni tal-Kumitat Konġunt ŻEE Nru 36/2002 tad-19 ta' April 2002 li temenda l-Anness VI (Sigurtà soċjali) tal-Ftehim ŻEE
ĠU L 154, 13.6.2002, p. 20–21
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
No longer in force, Date of end of validity: 31/05/2011; Impliċitament imħassar minn 22011D0076
Official Journal L 154 , 13/06/2002 P. 0020 - 0021
Deċiżjoni tal-Kumitat Konġunt ŻEE Nru 36/2002 tad-19 ta' April 2002 li temenda l-Anness VI (Sigurtà soċjali) tal-Ftehim ŻEE IL-KUMITAT KONĠUNT ŻEE, Wara li ikkunsidra l-Ftehim dwar iż-Żona Ekonomika Ewropea, kif emendat bil-Protokoll li jaġġusta l-Ftehim dwar iż-Żona Ekonomika Ewropea, minn hawn il-quddiem referut bħala "il-Ftehim", u partikolarment l-Artikolu 98 tiegħu, Billi: (1) L-Anness VI tal-Ftehim kien emendat bid-Deċiżjoni tal-Kumitat Konġunt ŻEE Nru 117/2001 tat-28 ta' Settembru 2001 [1]. (2) Regolament tal-Kunsill (KE) Nru 1386/2001 tal-Parlament Ewropew u tal-Kunsill tal-5 ta' Ġunju 2001 li jemenda r-Regolamenti (KEE) Nru No 1408/71 dwar l-applikazzjoni ta' l-iskemi tas-sigurta soċjali għal persuni impjegati, għal persuni li jaħdmu għal rashom u għall-membri tal-familji tagħhom li jiċċaqalqu ġewwa l-Komunità u Nru 574/72 li jistabbilixxi l-proċedura għall-implimentazzjoni tar-Regolament (KEE) Nru No 1408/71 [2] għandu jkun inkorporat fil-Ftehim. (3) B'segwiment tal-konklużjoni tal-ftehim bejn Liechtenstein u l-Olanda, in-Norveġja u l-Ġermanja kif ukoll bejn in-Norveġja u l-Lussemburgu, tlett adattazzjonijiet tar-Regolament (KEE) 574/72 għandhom ikunu aġġortanti, IDDEĊIEDA KIF ĠEJ: Artikolu 1 L-Anness VI tal-Ftehim għandu jkun emendat kif ġej: 1. Dan l-inċiż li ġej għandu jkun miżjud mal-punt 1 (id-Direttiva tal-Kunsill (KEE) Nru 1408/71): "- 32001 R 1386: Ir-Regolament (KE) Nru 1386/201 tal-Parlament Ewropew u tal-Kunsill tal-5 ta' Ġunju 2001(ĠU L 187, ta' l-10.7.2001, p. 1)." 2. Dan l-inċiż li ġej għandu jkun miżjud mal-punt 2 (id-Direttiva tal-Kunsill (KEE) Nru 574/72): "- 32001 R 1386: Ir-Regolament (KE) Nru 1386/2001 tal-Parlament Ewropew u tal-Kunsill tal-5 ta' Ġunju 2001 (ĠU L 187, ta' l-10.7.2001, p. 1)." 3. L-Adattazzjoni (g) tal-punt 2 (ir-Regolament tal-Kunsill (KEE) Nru 574/72) għandu jkun emendat kif ġej: A. It-test, imma mhux l-intestatura, taħt il-punt 132 (LIECHTENSTEIN-OLANDA) għandu jkun mibul b'dan li ġej: "l-Artikoli 2 sa 6 tal-Ftehim tas-27 ta' Novembru 2000 dwar it-twettieq tal-ispejjeż fil-qasam tas-sigurtà soċjali." B. It-test, imma mhux l-intestatura, taħt il-punt 141 (NORVEĠJA-ĠERMANJA) għandu jkun emendat kif ġej: "l-Artikolu 1 tal-Konvenzjoni tat-28 ta' Mejju 1999 li jwarrab ir-rifużjoni tal-ispejjeż tal-benefiċji b'egħlejjel naturali dwar il-mard, il-maternità, l-inċidenti fuq ix-xogħol u l-mard okkupazzjonali u l-ispejjeż involuti għal verifiki amministrattivi u l-eżaminazzjonijiet mediċi." C. It-test, imma mhux l-intestatura, taħt il-punt 147 (NORVEĠJA-LUSSEMBURGU) għandu jkun emendat kif ġej: "l-Artikoli 2 sa 4 tal-Ftehim tad-19 ta' Marzu 1998 dwar ir-rifużjoni tal-ispejjeż fil-qasam tas-sigurtà soċjali." Artikolu 2 It-testi tar-Regolament (KE) 1386/2001 fil-lingwi Islandiż u Norveġiż, għandhom ikunu ppublikati fis-Suppliment ŻEE tal-Ġurnal Uffiċjali ta' l-Unjoni Ewropea, għandhom ikunu awtentiċi. Artikolu 3 Din id-Deċiżjoni għandha tidħol fis-seħħ fl-20 ta' April 2002, basta li n-notifiki kollha permezz ta' l-Artikolu 103(1) tal-Ftehim ikunu saru mill-Kumitat Konġunt ŻEE [3]. Artikolu 4 Din id-Deċiżjoni għandha tkun ippublikata fis-Sezzjoni ŻEE ta', u fis-Suppliment ŻEE ta', il-Ġurnal Uffiċjali tal-Komunitajiet Ewropej. Magħmula fi Brussel, fid-19 ta' April 2002. Għall-Kumitat Konġunt ŻEE Il-President P. Westerlund [1] ĠU L 322, tas-6.12.2001, p. 29. [2] ĠU L 187, ta' l-10.7.2001, p. 1. [3] Ebda ħtiġiet kostituzzjonali indikati. --------------------------------------------------