This document is an excerpt from the EUR-Lex website
Document 22001D0100
Decision of the EEA Joint Committee No 100/2001 of 13 July 2001 amending Protocol 31 to the EEA Agreement on cooperation in specific fields outside the four freedoms
Deċiżjoni tal-Kumitat Konġunt taż-ŻEE Nru 100/2001 tat-13 ta' Lulju 2001 li temenda l-Protokoll 31 għall-Ftehim taż-ŻEE, dwar il-kooperazzjoni f'oqsma speċifiċi barra l-erba' libertajiet
Deċiżjoni tal-Kumitat Konġunt taż-ŻEE Nru 100/2001 tat-13 ta' Lulju 2001 li temenda l-Protokoll 31 għall-Ftehim taż-ŻEE, dwar il-kooperazzjoni f'oqsma speċifiċi barra l-erba' libertajiet
ĠU L 251, 20.9.2001, p. 27–28
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force
Official Journal L 251 , 20/09/2001 P. 0027 - 0028
Deċiżjoni tal-Kumitat Konġunt taż-ŻEE Nru 100/2001 tat-13 ta' Lulju 2001 li temenda l-Protokoll 31 għall-Ftehim taż-ŻEE, dwar il-kooperazzjoni f'oqsma speċifiċi barra l-erba' libertajiet IL-KUMITAT KONĠUNT TAŻ-ŻEE, Wara li kkunsidra l-Ftehim dwar iż-Żona Ekonomika Ewropea, kif emendat bil-Protokoll li jaġġusta l-Ftehim għaż-Żona Ekonomika Ewropea, minn hawn iżjed 'il quddiem issir referenza għalih bħala l-Ftehim, u b'mod partikolari l-Artikoli 86 u 98 tiegħu, Billi: (1) Il-Protokoll 31 għall-Ftehim ġie emendat bid-Deċiżjoni tal-Kumitat Konġunt taż-ŻEE Nru 84/2000 tat-2 ta' Ottubru 2000 [1]. (2) L-Istati ta' l-EFTA taż-ŻEE bħallissa qegħdin jipparteċipaw f'diversi programmi fil-qasam tas-saħħa pubblika li sejrin jiskadu fis-snin 2000 u 2001, filwaqt li d-daħla fis-seħħ tal-programm tal-Komunità Ewropea li jssewgwi wara dawn il-programmi hija inċerta. (3) Huwa xieraq illi tiġi estża l-kooperazzjoni tal-Partijiet Kontraenti għall-Ftehim sabiex tinkludi d-Deċiżjoni Nru 521/2001/KE tal-Parlament Ewropew u tal-Kunsill tas-26 ta' Frar 2001 li testendi ċerti programmi ta' azzjoni tal-Komunità fil-qasam tas-saħħa pubblika adottati bid-Deċiżjonijiet Nru 645/96/KE, Nru 646/96/KE, Nru 647/96/KE, Nru 102/97/KE, Nru 1400/97/KE u Nru 1296/1999/KE u li temenda dawk id-Deċiżjonijiet [2]. (4) Il-Protokoll 31 għall-Ftehim għandu għalhekk jiġi emendat sabiex jippermetti li sseħħ din il-kooperazzjoni estiża, fir-rigward tad-Deċiżjonijiet Nru 645/96/KE [3], Nru 646/96/KE [4], Nru 647/96/KE [5] u Nru 102/97/KE [6]minn Jannar 2001 u fir-rigward tad-Deċiżjonijiet Nru 1400/97/KE [7] u Nru 1296/1999/KE [8]minn Jannar 2002 u, fil-każijiet kollha, sal-31 ta' Diċembru 2002, IDDEĊIEDA KIF ĠEJ: Artikolu 1 Fl-Artikolu 16(1) tal-Protkoll 31 għall-Ftehim, li ġej għandu jiġi miżjud fl-inċiżi 1,2,3,4,5 u 8: ", kif emendat bi: - 32001 D 0521: Id-Deċiżjoni Nru 521/2001/KE tal-Parlament Ewropew u tal-Kunsill tas-26 ta' Frar 2001 li testendi ċerti programmi ta' azzjoni tal-Komunità fil-qasam tas-saħħa pubblika adottati bid-Deċiżjonijiet Nru 645/96/KE, Nru 646/96/KE, Nru 647/96/KE, Nru 102/97/KE, Nru 1400/97/KE u Nru 1296/1999/KE u li temenda dawk id-Deċiżjonijiet (ĠU L 79, tas-17.3.2001, p. 1)." Artikolu 2 Din id-Deċiżjoni għandha tidħol fis-seħħ nhar l-14 ta' Lulju 2001, sakemm ikunu saru n-notifiki kollha taħt l-Artikolu 103(1) tal-Ftehim lill-Kumitat Konġunt taż-ŻEE [9]. Għandha tapplika mill-1 ta' Jannar 2001. Artikolu 3 Din id-Deċiżjoni għandha tiġi ppubblikata fit-Taqsima taż-ŻEE ta', u fis-Suppliment taż-ŻEE għall-Ġurnal Uffiċjali tal-Komunitajiet Ewropej. Magħmula fi Brussel, fit-13 ta' Lulju 2001. Għall-Kumitat Konġunt taż-ŻEE Il-President E. Bull [1] ĠU L 315, ta' l-14.12.2000, p. 30. [2] ĠU L 79, tas-17.3.2001, p. 1. [3] ĠU L 95, tas-16.4.1996, p. 1. [4] ĠU L 95, tas-16.4.1996, p. 9. [5] ĠU L 95, tas-16.4.1996, p. 16. [6] ĠU L 19, tat-22.1.1997, p. 25. [7] ĠU L 193, tat-22.7.1997, p. 1. [8] ĠU L 155, tat-22.6.1999, p. 7. [9] Ebda ħtiġiet kostituzzjonali indikati. --------------------------------------------------