EUR-Lex Access to European Union law
This document is an excerpt from the EUR-Lex website
Document 22001D0086
Decision of the EEA Joint Committee No 86/2001 of 19 June 2001 amending Annex XXI (statistics) to the EEA Agreement
Deċiżjoni tal-Kumitat Konġunt taż-ŻEE Nru 86/2001 tad-19 ta' Ġunju 2001 li temenda l-Anness XXI (Statistika) għall-Ftehim taż-ŻEE
Deċiżjoni tal-Kumitat Konġunt taż-ŻEE Nru 86/2001 tad-19 ta' Ġunju 2001 li temenda l-Anness XXI (Statistika) għall-Ftehim taż-ŻEE
ĠU L 238, 6.9.2001, p. 39–40
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force
Official Journal L 238 , 06/09/2001 P. 0039 - 0040
Deċiżjoni tal-Kumitat Konġunt taż-ŻEE Nru 86/2001 tad-19 ta' Ġunju 2001 li temenda l-Anness XXI (Statistika) għall-Ftehim taż-ŻEE IL-KUMITAT KONĠUNT TAŻ-ŻEE, Wara li kkunsidra l-Ftehim dwar iż-Żona Ekonomika Ewropea, kif emendat bil-Protokoll li jaġġusta l-Ftehim għaż-Żona Ekonomika Ewropea, minn hawn iżjed 'il quddiem issir referenza għalih bħala "l-Ftehim", u b'mod partikolari l-Artikolu 98 tiegħu, Billi: (1) L-Anness XXI għall-Ftehim ġie emendat bid-Deċiżjoni tal-Kumitat Konġunt taż-ŻEE Nru 57/2001 tat-18 ta' Mejju 2001 [1]. (2) Id-Deċiżjoni tal-Kunsill taż-ŻEE Nru 1/95 ta' l-10 ta' Marzu 1995 dwar id-daħla fis-seħħ tal-Ftehim dwar iż-Żona Ekonomika Ewropea għall-Prinċipalità tal-Liechtenstein [2] tipprovdi illi l-Liechtenstein għandu jittrżmetti data fil-qasam ta' statistika ta' kummerċ ma' pajjiżi barranin, kif meħtieġ mid-dispożizzjonijiet relevanti għall-Ftehim mill-1 ta' Jannar 1999. (3) Reviżjoni ta' dan l-obbligu kellha ssir mill-Kumitat Konġunt taż-ŻEE fl-aħħar tal-perjodu ta' transizzjoni, billi tieħu kont tas-sitwazzjoni speċifika tal-Liechtenstein. (4) B'riżultat tar-reviżjoni msemmija qabel, il-Liechtenstein għandu jiġi eżentat mill-ġabra ta' ċerti statistiċi dwar il-kummerċ ma' pajjiżi barranin, IDDEĊIEDA KIF ĠEJ: Artikolu 1 L-Anness XXI għall-Ftehim għandu jiġi emendat kif ġej: 1. L-ewwel paragrafu wara l-intestatura "Statistika ta' Kummerċ Barrani" għandu jitħassar. 2. Li ġej għandu jiġi miżjud fil-punt 8 (Regolament tal-Kunsill (KEE) Nru 1172/95) wara t-test ta' addattament: "(e) Il-Liechtenstein għandu jiġbor id-data meħtieġa minn dan ir-Regolament sa mill-1 ta' Jannar 2000. (f) Il-Liechtenstein għandu jkun eżentat mill-ġbir ta' data fuq kummerċ bejn l-Isvizzera u l-Liechtenstein. (g) Il-Liechtenstein għandu jiġbor biss data dwar importazzjonijiet u esportazzjonijiet diretti. (h) Il-Liechtenstein għandu jkun eżentat mill-ġbir ta' data fuq kummerċ bil-muniti u lingotti tad-deheb u l-fidda. (i) Il-kliem "inkluż il-kurrent elettriku" fl-Artikolu 2(b) ma għandhomx japplikaw għall-Liechtenstein. (j) Il-Liechtenstein għandu jipprovdi biss informazzjoni fuq livell ta' sitt ċifri taħt l-Artikolu 8(2). (k) Fir-rigward tal-Liechtenstein, in-nazzjonalità tal-mezzi ta' trasport li jaqbżu l-fruntjieri fl-Artikolu 10(1)(i) tapplika biss għal trasport bit-triq. (l) Il-Liechtenstein huwa eżenti milli jitrażmetti id-data meħtieġa mill-Artikolu 10(1)(j). (m) Fir-rigward tal-Liechtenstein, riżultati statistiċi koperti mill-Artikolu 13(1) li jagħmlu possibbli illi jiġu identifikati b'mod indirett esportaturi u importaturi ma għandhomx jiġu mifruxa u għandha tiġi mifruxa biss informazzjoni ta' livell ta' żewġ ċifri tas-Sistema Armonizzata." 3. Li ġej għandu jiġi miżjud wara t-test ta' addattament fil-punt 10 (Regolament tal-Kummissjoni (KE) Nru 840/96): "(f) Il-Kodiċi Nru 7 fl-Artikoli 6(4)(a) u 6(4)(b) ma għandhomx japplikaw għal-Liechtenstein; (g) "Propulsjoni proprja" bħala mezz ta' trasport taħt l-Artikolu 10(3) ma huwiex użat għal-Liechtenstein." Artikolu 2 Din id-Deċiżjoni għandha tidħol fis-seħħ nhar l-20 ta' Ġunju 2001, sakemm ikunu saru n-notifiki kollha taħt l-Artikolu 103(1) tal-Ftehim lill-Kumitat Konġunt taż-ŻEE [3]. Artikolu 3 Din id-Deċiżjoni għandha tiġi ppubblikata fit-Taqsima taż-ŻEE ta', u fis-Suppliment taż-ŻEE għall-Ġurnal Uffiċjali tal-Komunitajiet Ewropej. Magħmula fi Brussel, fid-19 ta' Ġunju 2001. Għall-Kumitat Konġunt taż-ŻEE Il-President P. Westerlund [1] ĠU L 165, tat-21.6.2001, p. 63. [2] ĠU L 86, ta' l-20.4.1995, p. 58. [3] Ebda ħtiġiet kostituzzjonali indikati. --------------------------------------------------