22001A1227(13)

Protokoll addizzjonali

li jemenda l-aspetti tal-kummerċ tal-Ftehim Temporanju bejn il-Komunità Ewropea, fuq naħa waħda, u r-Repubblika tal-Kroazja, fuq in-naħa l-oħra biex tikkunsidra r-riżultat tan-negozjati bejn il-partijiet dwar il-konċessjonijiet preferenzjali reċiproċi għal ċertu nbejjed, ir-rikonoxximent reċiproku, il-protezzjoni u l-kontroll ta' l-ismijiet ta' l-inbid u r-rikonoxximent reċiproku, il-protezzjoni u l-kontroll fuq deskrizzjonijiet ta' l-ispirti u xorb aromatiku

IL-KOMUNITÀ EWROPEA, iżjed ‘il quddiem imsejħa "il-Komunità",

fuq naħa waħda, u

IR-REPUBBLIKA TAL-KROAZJA, iżjed ‘il quddiem imsejħa "il-Kroazja",

fuq in-naħa l-oħra,

iżjed ‘il quddiem imsejħa "il-Partijiet Kontraenti",

BILLI l-Ftehim ta' Istabbilizzazzjoni u ta' Assoċjazzjoni bejn il-Komunitajiet Ewropej u l-Istati Membri tagħhom, fuq naħa waħda, u r-Repubblika tal-Kroazja, fuq in-naħa l-oħra, kien mibdi fi Brussel fl-14 ta' Mejju 2001 u iffirmat fil-Lussemburgu fid-29 ta' Ottubru 2001,

BILLI l-Artikolu 27(4) tal-Ftehim ta' Istabbilizzazzjoni u ta' Assoċjazzjoni jipprovdi li l-ftehim ta' l-inbid u l-ispirti għad irid jiġi negozjat,

BILLI Ftehim Temporanju għandu jassigura l-iżvilupp tal-ħolqa tal-kummerċ bit-twaqqif tar-relazzjoni appalti u timplimenta mill-aktar fiss possibli id-dispożizzjoni tal-Ftehim ta' Istabbilizzazzjoni u ta' Assoċjazzjoni dwar il-kummerċ u kwistjonijiet relatati mal-kummerċ. Dan il-Ftehim Temporanju kien mibdi fl-10 ta' Lulju 2001 u iffirmat fid-29 ta' Ottubru 2001 u għandu jkun applikat mill-1 ta' Jannar 2002. L-Artikolu 14(4) tal-Ftehim Temporanju jirrepeti l-impennji għall-protokoll separat ta' l-inbid u l-ispirti,

BILLI fuq dan il-bażi n-negozjati kienu magħmula u konklużi bejn il-Partijiet,

BILLI sabiex tiġi żgurata l-konsistenza fil-proċess ġenerali ta' l-istabbilizzazzjoni, il-ftehim ta' l-inbid u l-ispirti għandhom ikunu integrati fil-qafas tal-Ftehim Temporanju fil-forma ta' Protokoll,

BILLI dan il-Protokoll dwar l-inbejjed u l-ispirti għandu jidħol fis-seħħ fl-istess data tal-Ftehim Temporanju,

BILLI għal dan il-għan hu neċessarju li tiġi implimentata mill-aktar fiss possibli id-dispożizzjonijiet ta' dan il-Protokoll,

XEWQANA li jittejbu il-kondizzjonijiet għall-bejgħ ta' l-inbejjed, l-ispirti u xorb aromatiku fis-swieq rispettivi, b'mod konformi mal-prinċipji tal-kwalità, benefiċju lil xulxin u reċiproċità,

WARA LI KKUNSIDRAW l-interessi taż-żewġ Partijiet Kontraenti fil-protezzjoni u l-kontroll reċiproku fuq l-ismijiet ta' l-inbid, deskrizzjonijiet dwar spirti u xorb aromatiku,

FTEHMU KIF ĠEJ:

Artikolu 1

Dan il-Protokoll jinkludi l-elementi li ġejjin:

1. Ftehim dwar konċessjonijiet tal-kummerċ reċiproċi preferenzali għal ċertu nbejjed (L-Anness 1 ta' dan il-Protokoll);

2. Ftehim dwar ir-rikonoxximent reċiproku, il-protezzjoni u l-kontroll fuq l-ismijiet ta' l-inbid (L-Anness II ta' dan il-Protokoll);

3. Ftehim dwar ir-rikonoxximent reċiproku, il-protezzjoni u l-kontroll fuq deskrizzjonijiet ta' l-ispirti u xorb aromatiku (L-Anness III ta' dan Protokoll).

Il-listi riferuti fl-Artikolu 5 ta' dan il-Ftehim msemmi f'punt 2 u fl-Artikolu 5 tal-Ftehim msemmi f'punt 3 għandhom ikunu stabbiliti fi stadju aktar tard u approvati b'mod konformi mal-proċedura stabbilita rispettivament f'L-Artikoli 13 u 14 ta' dawn il-Ftehim.

Artikolu 2

Dan il-Protokoll għandu jifforma parti integrali mill-Ftehim Temporanju. Dawn l-Annessi ta' dan il-Protokoll għandhom jiffurmaw parti integrali tiegħu.

Artikolu 3

Dan il-Protokoll għandu jkun approvat mill-Komunità u mir-Repubblika tal-Kroazja b'mod konformi mal-proċeduri tagħhom. Il-Partijiet Kontraenti għandhom jieħdu l-miżuri neċessarji biex jimplimentaw dan il-Protokoll.

Il-Partijiet Kontraenti għandhom jinnotifikaw lil xulxin bir-riżultat tal-proċeduri korrispondenti riferruti fil-paragrafu ta' qabel.

Artikolu 4

Dan il-Protokoll għandu jidħol fis-seħħ fl-istess data tal-Ftehim Temporanju.

Artikolu 5

Dan il-Ftehim għandu jkun mfassal b'kopji fil-lingwi tad-Daniż, Olandiż, Ingliż, Finlandiż, Franċiż, Ġermaniż, Grieg, Taljan, Portugiż, Spanjol, Svediż, u Kroat, kull wieħed minn dawn it-testijiet jkun awtentiku l-istess.

Hecho en Zagreb, el siete de diciembre del dos mil uno.

Udfærdiget i Zagreb den syvende december to tusind og en.

Geschehen zu Zagreb am siebten Dezember zweitausendundeins.

Έγινε στο Ζάγκρεμπ, στις εφτά Δεκεμβρίου δύο χιλιάδες ένα.

Done at Zagreb on the seventh day of December in the year two thousand and one.

Fait à Zagreb, le sept décembre deux mille un.

Fatto a Zagabria, addì sette dicembre duemilauno.

Gedaan te Zagreb, de zevende december tweeduizendeneen.

Feito em Zagrebe, em sete de Dezembro de dois mil e um.

Tehty Zagrebissa seitsemäntenä päivänä joulukuuta vuonna kaksituhattayksi.

Som skedde i Zagreb den sjunde december tjugohundraett.

Sastavljeno u Zagrebu dana sedmog prosinca dvijetisuće i prve godine.

Por la Comunidad EuropeaFor Det Europæiske FællesskabFür die Europäische GemeinschaftΓια την Ευρωπαϊκή ΚοινότηταFor the European CommunityPour la Communauté européennePer la Comunità europeaVoor de Europese GemeenschapPela Comunidade EuropeiaEuroopan yhteisön puolestaPå Europeiska gemenskapens vägnar

+++++ TIFF +++++

Za Republiku Hrvatsku

+++++ TIFF +++++

--------------------------------------------------