This document is an excerpt from the EUR-Lex website
Document 22000D1019(07)
Decision of the EEA Joint Committee No 34/1999 of 26 March 1999 amending Annex VI (social security) to the EEA Agreement
Deċiżjoni tal-Kumitat Konġunt taż-ŻEE Nru 34/1999 tas-26 ta' Marzu 1999 li temenda l-Anness VI (Sigurtà soċjali) għall-Ftehim taż-ŻEE
Deċiżjoni tal-Kumitat Konġunt taż-ŻEE Nru 34/1999 tas-26 ta' Marzu 1999 li temenda l-Anness VI (Sigurtà soċjali) għall-Ftehim taż-ŻEE
ĠU L 266, 19.10.2000, p. 20–21
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
No longer in force, Date of end of validity: 31/05/2011; Impliċitament imħassar minn 22011D0076
Official Journal L 266 , 19/10/2000 P. 0020 - 0021
Deċiżjoni tal-Kumitat Konġunt taż-ŻEE Nru 34/1999 tas-26 ta' Marzu 1999 li temenda l-Anness VI (Sigurtà soċjali) għall-Ftehim taż-ŻEE IL-KUMITAT KONĠUNT TAŻ-ŻEE, Wara li kkunsidra l-Ftehim dwar iż-Żona Ekonomika Ewropea, kif aġġustat bil-Protokoll li jaġġusta l-Ftehim għaż-Żona Ekonomika Ewropea, minn hawn iżjed 'il quddiem issir referenza għalih bħala "il-Ftehim", u b'mod partikolari l-Artikolu 98 tiegħu, Billi: (1) l-Anness VI għall-Ftehim ġie emendat bid-Deċiżjoni tal-Kumitat Konġunt taż-ŻEE Nru 68/98 ta' l-4 ta' Lulju 1998 [1]; (2) d-Deċiżjoni Nru 166 tat-2 ta' Ottubru 1997 dwar l-emendar tal-formoli E 106 u E 109 [2] Billi d-Deċiżjoni Nru 168 tal-11 ta' Ġunju 1998 dwar l-emenda għall-formoli E 121 u E 127 u t-twaqqif mill-użu tal-formola E 122 [3] u d-Deċiżjoni Nru 169 tal-11 ta' Ġunju 1998 dwar il-metodu ta' operazzjoni u l-kompożizzjoni tal-Kummissjoni Teknika dwar l-Ipproċessar ta' Data tal-Kummissjoni Amministrattiva dwar is-Sigurtà Soċjali għal Ħaddiema li jmorru jaħdmu barra minn pajjiżhom [4] għandhom jiġu inkorporati fil-Ftehim; (3) l-modalitajiet għall-parteċipazzjoni ta' l-Istati ta' l-EFTA fil-Kummissjoni Amministrattiva dwar is-Sigurtà Soċjali għal Ħaddiema li jmorru jaħdmu barra minn pajjiżhom stabbilita fl-Anness VI għall-Ftehim għandhom jiġu emendati sabiex jirriflettu l-parteċipazzjoni ta' l-Istati ta' l-EFTA fil-Kummissjoni Teknika mehmuża mal-Kummissjoni Amministrattiva, IDDEĊIEDA KIF ĠEJ: Artikolu 1 L-inċiż li ġej għandu jiġi miżjud fil-punt 3.39 (Deċiżjoni Nru 153) fl-Anness VI għall-Ftehim: ", kif emendat bi: - 398 D 0441: Id-Deċiżjoni Nru 166 tat-2 ta' Ottubru 1997 (E 106, E 109) (ĠU L 195, tal-11.7.1998, p. 25), - 398 D 0443: Id-Deċiżjoni Nru 168 tal-11 ta' Ġunju 1998 (E 121, E 122, E 127) (ĠU L 195, tal-11.7.1998, p. 37)." Artikolu 2 L-Anness VI għall-Ftehim għandu jiġi emendat kif ġej: 1. Il-punt li ġej għandu jiġi mdaħħal wara l-punt 3.49 (Deċiżjoni Nru 165): "3.50 398 D 0444: Id-Deċiżjoni Nru 169 tal-11 ta' Ġunju 1998 dwar il-metodi ta' operazzjoni u l-kompożizzjoni tal-Kummissjoni Teknika dwar l-Ipproċessar ta' Data tal-Kummissjoni Amministrattiva dwar is-Sigurtà Soċjali għal Ħaddiema li jmorru jaħdmu barra minn pajjiżhom (ĠU L 195, tal-11.7.1998, p. 46)." 2. L-intestatura, li tinkludi d-dispożizzjoni, wara l-punt 5.7 (Dikjarazzjoni magħmula mir-Repubblika Franċiża) għandha tiġi mibdula b'li ġej: ""MODALITAJIET GĦALL-PARTEĊIPAZZJONI TA" L-ISTATI TA' L-EFTA FIL-KUMMISSJONI AMMINISTRATTIVA DWAR IS-SIGURTÀ SOĊJALI GĦAL ĦADDIEMA LI JMORRU JAĦDMU BARRA MINN PAJJIŻHOM U FIL-BORD TAL-VERIFIKA U FIL-KUMMISSJONI TEKNIKA, IT-TNEJN MEHMUŻIN MA' DIN IL-KUMMISSJONI, BI QBIL MA' L-ARTIKOLU 101(1) TAL-FTEHIM L-Islanda, il-Liechtenstein u n-Norveġja jistgħu jibagħtu rappreżentant kull wieħed, preżenti bħala konsulent (osservatur), għal-laqgħat tal-Kummissjoni Amministrattiva dwar is-Sigurtà Soċjali għal Ħaddiema li jmorru jaħdmu barra minn pajjiżhom mehmużin mal-Kummissjoni tal-Komunitajiet Ewropej u għal-laqgħat tal-Bord tal-Verifika u tal-Kummissjoni teknika, it-tnejn mehmużin mal-Kummissjoni Amministrattiva msemmija." Artikolu 3 It-testi tad-Deċiżjoni Nru 166, Deċiżjoni Nru 168 u Deċiżjoni Nru 169 fil-lingwa Islandiża u f'dik Norveġiża, li huma annessi għall-verżjonijiet rispettivi tal-lingwa għal din id-Deċiżjoni, huma awtentiċi. Artikolu 4 Din id-Deċiżjoni għandha tidħol fis-seħħ nhar is-27 ta' Marzu 1999, sakemm ikunu saru n-notifiki kollha taħt l-Artikolu 103(1) tal-Ftehim lill-Kumitat Konġunt taż-ŻEE. Artikolu 5 Din id-Deċiżjoni għandha tiġi ppubblikata fit-Taqsima taż-ŻEE ta', u fis-Suppliment taż-ŻEE għall-Ġurnal Uffiċjali tal-Komunitajiet Ewropej. Magħmula fi Brussel, fis-26 ta' Marzu 1999. Għall-Kumitat Konġunt taż-ŻEE Il-President F. Barbaso [1] ĠU L 123, tat-13.5.1999, p. 44. [2] ĠU L 195, tal-11.7.1998, p. 25. [3] ĠU L 195, tal-11.7.1998, p. 37. [4] ĠU L 195, tal-11.7.1998, p. 46. --------------------------------------------------