L'accès au droit de l'Union européenne
<a href="https://eur-lex.europa.eu/content/help/eurlex-content/experimental-features.html" target="_blank">En savoir plus sur l’espace «Fonctionnalités expérimentales»</a>
Choisissez les fonctionnalités expérimentales que vous souhaitez essayer
EUR-Lex
L'accès au droit de l'Union européenne

Ce document est extrait du site web EUR-Lex

Vous êtes ici
Utilisez des guillemets («" "») pour effectuer une recherche sur une expression exacte. Ajoutez un astérisque («*») à un terme de recherche pour en trouver des variantes («transp*» ou «32019R*»). Utilisez un point d’interrogation («?») pour remplacer un caractère dans votre terme de recherche afin d’en trouver des variantes (exemple: «ca?e» fournira les résultats correspondant à «case», «cape», etc.).
Conseils pour la recherche
Besoin de plus d’options de recherche? Utilisez Recherche avancée

Document 02023R2462-20250101

Texte consolidé: Regolament Delegat tal-Kummissjoni (UE) 2023/2462 tat-22 ta’ Awwissu 2023 li jissupplimenta r-Regolament (UE) 2019/1022 tal-Parlament Ewropew u tal-Kunsill billi jispeċifika d-dettalji tal-obbligu ta’ ħatt l-art għal ċerti stokkijiet tal-ħut tal-qiegħ fil-Punent tal-Baħar Mediterran

Accéder à l’acte juridique initial
(

Statut juridique du document En vigueur

)

ELI: http://data.europa.eu/eli/reg_del/2023/2462/2025-01-01

02023R2462 — MT — 01.01.2025 — 001.001

Dan it-test hu maħsub purament bħala għodda ta’ dokumentazzjoni u m’għandu l-ebda effett legali. L-istituzzjonijiet tal-Unjoni m'għandhom l-ebda responsabbiltà għall-kontenut tiegħu. Il-verżjonijiet awtentiċi tal-atti rilevanti, inklużi l-preamboli tagħhom, huma dawk ippubblikati fil-Ġurnal Uffiċjali tal-Unjoni Ewropea u disponibbli f’EUR-Lex. Dawk it-testi uffiċjali huma aċċessibbli direttament permezz tal-links inkorporati f’dan id-dokument

►B

REGOLAMENT DELEGAT TAL-KUMMISSJONI (UE) 2023/2462

tat-22 ta’ Awwissu 2023

li jissupplimenta r-Regolament (UE) 2019/1022 tal-Parlament Ewropew u tal-Kunsill billi jispeċifika d-dettalji tal-obbligu ta’ ħatt l-art għal ċerti stokkijiet tal-ħut tal-qiegħ fil-Punent tal-Baħar Mediterran

(ĠU L 2462 6.11.2023, p. 1)

Emendat bi:

 

 

Il-Ġurnal Uffiċjali

  Nru

Paġna

Data

►M1

REGOLAMENT DELEGAT TAL-KUMMISSJONI (UE) 2024/2992 tas-26 ta’ Lulju 2024

  L 2992

1

2.12.2024



▼B

REGOLAMENT DELEGAT TAL-KUMMISSJONI (UE) 2023/2462

tat-22 ta’ Awwissu 2023

li jissupplimenta r-Regolament (UE) 2019/1022 tal-Parlament Ewropew u tal-Kunsill billi jispeċifika d-dettalji tal-obbligu ta’ ħatt l-art għal ċerti stokkijiet tal-ħut tal-qiegħ fil-Punent tal-Baħar Mediterran



Artikolu 1

Implimentazzjoni tal-obbligu ta’ ħatt l-art

L-obbligu ta’ ħatt l-art previst fl-Artikolu 15(1) tar-Regolament (UE) Nru 1380/2013 għandu japplika fl-ilmijiet tal-Unjoni tal-Punent tal-Baħar Mediterran għas-sajd demersali f’konformità ma’ dan ir-Regolament.

Artikolu 2

Definizzjonijiet

Għall-finijiet ta’ dan ir-Regolament, għandhom japplikaw id-definizzjonijiet li ġejjin:

(1) 

“is-Subżoni Ġeografiċi tal-GFCM” (“GSAs”) tfisser is-Subżoni Ġeografiċi tal-Kummissjoni Ġenerali tas-Sajd għall-Mediterran (“GFCM”) kif inhuma definiti fl-Anness I tar-Regolament (UE) Nru 1343/2011 tal-Parlament Ewropew u tal-Kunsill ( 1 ).

(2) 

“il-Punent tal-Baħar Mediterran” tfisser is-Subżoni Ġeografiċi tal-GFCM 1, 2, 5, 6, 7, 8, 9, 10,11.1, 11.2 u 12.

Artikolu 3

Eżenzjonijiet marbuta mal-kapaċità ta’ sopravivenza

1.  

L-eżenzjoni mill-obbligu ta’ ħatt l-art skont l-Artikolu 15(4)(b) tar-Regolament (UE) Nru 1380/2013 għall-ispeċijiet li għalihom, l-evidenza xjentifika turi rati għoljin ta’ sopravivenza, fil-Punent tal-Baħar Mediterran, għandha tapplika:

(a) 

għall-arzella tal-pellegrini (Pecten jacobaeaus) maqbuda bil-gangmi mekkanizzati (HMD).

(b) 

għall-vongole (Venerupis spp.) maqbuda bil-gangmi mekkanizzati (HMD).

(c) 

għall-paġella ħamra (Pagellus bogaraveo) maqbuda bis-snanar u bix-xlief (LHP, LHM, LLS, LLD, LL, LTL, LX).

(d) 

għall-awwista (Homarus gammarus) maqbuda bix-xbieki (GNS, GN, GND, GNC, GTN, GTR, GEN) u bil-pots u n-nases (FPO, FIX).

(e) 

għall-awwisti (Palinuridae) maqbuda bix-xbieki (GNS, GN, GND, GNC, GTN, GTR, GEN) u bil-pots u n-nases (FPO, FIX).

▼M1

(f) 

għall-gandoffli ta’ Venere (Venus spp.) li jinqabdu bil-gangmi mekkanizzati (HMD).

(g) 

għall-iskampu (Nephrops norvegicus) li jinqabad bix-xbieki tat-tkarkir tal-qiegħ kollha (OTB, OTT, PTB, TBN, TBS, TB, OT, PT, TX) minn Jannar sa Ġunju u minn Settembru sa Diċembru.

(h) 

għall-iskampu (Nephrops norvegicus) li jinqabad bin-nases u bix-xbieki tat-tidwir (FPO, FIX).

▼M1

2.  
għall-arzelli tal-pellegrini (Pecten jacobeus), għall-vongole (Venerupis spp.), għall-paġella ħamra (Pagellus bogaraveo), għall-awwista Ewropea (Homarus gammarus) għall-awwisti (Palinuridae), għall-gandoffli ta’ Venere (Venus spp.) u għall-iskampi (Nephrops norvegicus) li jinqabdu fiċ-ċirkostanzi msemmija fil-paragrafu 1 għandhom jiġu rilaxxati minnufih fiż-żona fejn ikunu nqabdu.

▼B

3.  
Sal-1 ta’ Mejju 2027, l-Istati Membri li jkollhom interess ta’ ġestjoni dirett fis-sajd fil-Baħar Mediterran għandhom jippreżentaw lill-Kummissjoni data addizzjonali dwar il-qbid skartat u r-riżultati tar-riċerka, tal-proġetti u tal-istudji li jappoġġaw l-eżenzjoni stabbilita fil-paragrafu 1. L-STECF għandu jivvaluta d-data u l-informazzjoni ppreżentati sa mhux aktar tard mill-31 ta’ Lulju 2027.

Artikolu 4

Eżenzjonijiet de minimis

1.  

B’deroga mill-Artikolu 15(1) tar-Regolament (UE) Nru 1380/2013, jistgħu jiġu skartati l-kwantitajiet ta’ speċijiet li ġejjin skont l-Artikolu 15(4), il-punt (c) tar-Regolament (UE) Nru 1380/2013:

(a) 

għall-merluzz (Merluccius merluccius) u għat-trill (Mullus spp.) sa massimu ta’ 5 % tal-qabdiet annwali totali ta’ dawk l-ispeċijiet maqbuda minn bastimenti li jużaw ix-xbieki tat-tkarkir tal-qiegħ.

(b) 

għall-merluzz (Merluccius merluccius) u għat-trill (Mullus spp.), sa massimu ta’ 1 % tal-qabdiet annwali totali ta’ dawk l-ispeċijiet maqbuda minn bastimenti li jużaw l-għeżula u l-pariti.

(c) 

għall-ispnotta (Dicentrarchus labrax), għall-isparlu (Diplodus annularis), għall-mogħża (Diplodus puntazzo), għas-sargu komuni (Diplodus sargus), għax-xirgien (Diplodus vulgaris), għaċ-ċerna (Epinephelus spp.), għall-ajula (Lithognathus mormyrus), għall-bażuga (Pagellus acarne), għall-paġella ħamra (Pagellus bogaraveo), għall-paġella (Pagellus erythrinus), għall-pagru (Pagrus pagrus), għall-ħanżir tal-fond (Polyprion americanus), għal-lingwata komuni (Solea solea), għall-awrata (Sparus aurata) u għall-gamblu abjad (Parapenaeus longirostris) sa massimu ta’ 5 % tal-qabdiet annwali totali ta’ dawk l-ispeċijiet maqbuda minn bastimenti li jużaw ix-xbieki tat-tkarkir tal-qiegħ.

(d) 

għall-ispnotta (Dicentrarchus labrax), għall-isparlu (Diplodus annularis), għall-mogħża (Diplodus puntazzo), għas-sargu komuni (Diplodus sargus), għax-xirgien (Diplodus vulgaris), għaċ-ċerna (Epinephelus spp.), għall-ajula (Lithognathus mormyrus), għall-bażuga (Pagellus acarne), għall-paġella ħamra (Pagellus bogaraveo), għall-paġella (Pagellus erythrinus), għall-pagru (Pagrus pagrus), għall-ħanżir tal-fond (Polyprion americanus), għal-lingwata komuni (Solea solea), għall-awrata (Sparus aurata) sa massimu ta’ 3 % tal-qabdiet annwali totali ta’ dawk l-ispeċijiet maqbuda minn bastimenti li jużaw l-għeżula u l-pariti, u

(e) 

għall-ispnotta (Dicentrarchus labrax), għall-isparlu (Diplodus annularis), għall-mogħża (Diplodus puntazzo), għas-sargu komuni (Diplodus sargus), għax-xirgien (Diplodus vulgaris), għaċ-ċerna (Epinephelus spp.), għall-ajula (Lithognathus mormyrus), għall-bażuga (Pagellus acarne), għall-paġella (Pagellus erythrinus), għall-pagru (Pagrus pagrus), għall-ħanżir tal-fond (Polyprion americanus), għal-lingwata komuni (Solea solea) u għall-awrat (Sparus aurata), sa massimu ta’ 1 % tal-qabdiet annwali totali ta’ dawk l-ispeċijiet maqbuda minn bastimenti li jużaw is-snanar u x-xlief, u

▼M1

(f) 

għall-gambli tal-fond (gambli blu u ħomor (Aristeus antennatus) u gambli kbar ħomor (Aristaeomorpha folicea)), sa massimu ta’ 1 % tal-qabdiet annwali totali ta’ dawk l-ispeċijiet li jinqabdu minn bastimenti li jużaw ix-xbieki tat-tkarkir tal-qiegħ (OTB, OTT, PTB, TBN, TBS, TB, OT, PT, TX).

▼B

2.  
Sal-1 ta’ Mejju 2027, l-Istati Membri li jkollhom interess ta’ ġestjoni dirett fis-sajd fil-Baħar Mediterran għandhom jippreżentaw lill-Kummissjoni data addizzjonali dwar il-qbid skartat u r-riżultati tar-riċerka, tal-proġetti u tal-istudji li jappoġġjaw l-eżenzjoni stabbilita fil-paragrafu 1. L-STECF għandu jivvaluta d-data u l-informazzjoni ppreżentati sa mhux aktar tard mill-31 ta’ Lulju 2027.

Artikolu 5

Dħul fis-seħħ u applikazzjoni

Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Għandu japplika mill-1 ta’ Jannar 2024 sal-31 ta’ Diċembru 2027.

Dan ir-Regolament għandu jorbot fl-intier tiegħu u japplika direttament fl-Istati Membri kollha.


( 1 ) Ir-Regolament (UE) Nru 1343/2011 tal-Parlament Ewropew u tal-Kunsill tat-13 ta’ Diċembru 2011 dwar ċerti dispożizzjonijiet għas-sajd fiż-żona tal-Ftehim tal-GFCM (Kummissjoni Ġenerali tas-Sajd għall-Baħar Mediterran) u li jemenda r-Regolament tal-Kunsill (KE) Nru 1967/2006 dwar miżuri ta’ ġestjoni għall-isfruttament sostenibbli ta’ riżorsi tas-sajd fil-Baħar Mediterran (ĠU L 347, 30.12.2011, p. 44).

Haut