EUR-Lex Access to European Union law
This document is an excerpt from the EUR-Lex website
Document 02021R1173-20210719
Council Regulation (EU) 2021/1173 of 13 July 2021 on establishing the European High Performance Computing Joint Undertaking and repealing Regulation (EU) 2018/1488
Consolidated text: Regolament tal-Kunsill (UE) 2021/1173 tat-13 ta’ Lulju 2021 dwar l-istabbiliment tal-Impriża Konġunta għall-Computing ta’ Prestazzjoni Għolja Ewropew u li jħassar ir-Regolament (UE) 2018/1488
Regolament tal-Kunsill (UE) 2021/1173 tat-13 ta’ Lulju 2021 dwar l-istabbiliment tal-Impriża Konġunta għall-Computing ta’ Prestazzjoni Għolja Ewropew u li jħassar ir-Regolament (UE) 2018/1488
02021R1173 — MT — 19.07.2021 — 000.001
Dan it-test hu maħsub purament bħala għodda ta’ dokumentazzjoni u m’għandu l-ebda effett legali. L-istituzzjonijiet tal-Unjoni m'għandhom l-ebda responsabbiltà għall-kontenut tiegħu. Il-verżjonijiet awtentiċi tal-atti rilevanti, inklużi l-preamboli tagħhom, huma dawk ippubblikati fil-Ġurnal Uffiċjali tal-Unjoni Ewropea u disponibbli f’EUR-Lex. Dawk it-testi uffiċjali huma aċċessibbli direttament permezz tal-links inkorporati f’dan id-dokument
REGOLAMENT TAL-KUNSILL (UE) 2021/1173 tat-13 ta’ Lulju 2021 (ĠU L 256 19.7.2021, p. 3) |
Ikkoreġut bi:
REGOLAMENT TAL-KUNSILL (UE) 2021/1173
tat-13 ta’ Lulju 2021
dwar l-istabbiliment tal-Impriża Konġunta għall-Computing ta’ Prestazzjoni Għolja Ewropew u li jħassar ir-Regolament (UE) 2018/1488
Artikolu 1
Stabbiliment
Artikolu 2
Definizzjonijiet
Għall-iskopijiet ta’ dan ir-Regolament, japplikaw id-definizzjonijiet li ġejjin:
“test ta’ aċċettazzjoni” tfisser test li sar biex jiddetermina jekk ir-rekwiżiti tal-ispeċifikazzjoni tas-sistema humiex issodisfati minn supercomputer tal-EuroHPC;
“ħin tal-aċċess” tfisser il-ħin tal-computing ta’ supercomputer li jkun magħmul disponibbli għal utent jew għal grupp ta’ utenti biex jeżegwixxu l-programmi tal-kompjuter tagħhom;
“entità affiljata” tfisser kwalunkwe entità ġuridika kif definita fl-Artikolu 187(1) tar-Regolament (UE, Euratom) 2018/1046;
“Ċentru ta’ Eċċellenza tal-Computing ta’ Prestazzjoni Għolja ” tfisser proġett kollaborattiv magħżul permezz ta’ sejħa għal proposti miftuħa u kompetittiva biex jiġi promoss l-użu ta’ kapaċitajiet futuri tal-computing ta’ prestazzjoni estrema li jippermettu lill-komunitajiet tal-utenti f’kollaborazzjoni ma’ partijiet ikkonċernati oħra fil-Computing ta’ Prestazzjoni Għolja jiskalaw il-kodiċijiet paralleli eżistenti lejn skala ‘eksa’ u prestazzjoni ta’ skalar estrema;
“kodisinn” tfisser approċċ kollettiv bejn il-fornituri tat-teknoloġija u l-utenti involuti fi proċess ta’ disinn kollaborattiv u iterattiv għall-iżvilupp ta’ teknoloġiji, applikazzjonijiet u sistemi ġodda;
“kunflitt ta’ interess” tfisser sitwazzjoni li tinvolvi attur finanzjarju jew persuna oħra kif imsemmi fl-Artikolu 61 tar-Regolament (UE, Euratom) 2018/1046;
“entità kostitwenti” tfisser entità li tikkostitwixxi Membru Privat tal-Impriża Konġunta, skont l-istatuti ta’ kull Membru Privat;
“konsorzju ta’ sħab privati” tfisser assoċjazzjoni ta’ entitajiet legali tal-Unjoni li jingħaqdu bl-għan li jakkwistaw supercomputer ta’ grad industrijali b’mod konġunt mal-Impriża Konġunta; wieħed jew aktar minn dawn is-sħab privati jistgħu jkunu qed jipparteċipaw fil-Membri Privati tal-Impriża Konġunta;
“supercomputer tal-EuroHPC” tfisser kwalunkwe sistema tal-computing li tkun kompletament proprjetà tal-Impriża Konġunta jew li tkun koproprjetà ma’ Stati Parteċipanti oħra jew ma’ konsorzju ta’ sħab privati; dan jista’ jkun supercomputer klassiku (supercomputer ta’ livell għoli, supercomputer ta’ grad industrijali, jew supercomputer ta’ livell medju), kompjuter ibridu klassiku-kwantistiku, kompjuter kwantistiku jew simulatur kwantistiku;
“skala ‘eksa’” tfisser livell ta’ prestazzjoni b’kapaċità ta’ eżekuzzjoni ta’ għaxar operazzjonijiet b’potenza ta’ tmintax (1018) fis-sekonda (jew 1 Eksaflop);
“supercomputer ta’ livell għoli” tfisser sistema tal-computing tal-ogħla klassi żviluppata bl-aktar teknoloġija avvanzata disponibbli f’mument partikolari u li tikseb tal-anqas livelli ta’ prestazzjoni fuq skala ‘eksa’ jew aktar (jiġifieri fuq skala posteksa) għal applikazzjonijiet li jindirizzaw problemi b’kumplessità akbar;
“konsorzju tal-hosting” tfisser grupp ta’ Stati Parteċipanti jew konsorzju ta’ sħab privati li qablu li jikkontribwixxu għall-akkwist u għat-tħaddim ta’ supercomputer tal-EuroHPC, inkluż kwalunkwe organizzazzjoni li tirrappreżenta dawn l-Istati Parteċipanti;
“entità tal-hosting” tfisser entità legali li tinkludi faċilitajiet għall-hosting u għat-tħaddim ta’ supercomputer tal-EuroHPC u li tkun stabbilita fi Stat Parteċipanti li jkun Stat Membru;
“iperkonness” tfisser kapaċità ta’ komunikazzjoni ta’ trasferiment ta’ data f’għaxar bits b’potenza ta’ tnax (1012) fis-sekonda (1 Terabit fis-sekonda) jew aktar;
“supercomputer ta’ grad industrijali” tfisser mill-inqas supercomputer ta’ livell medju ddisinjat speċifikament b’rekwiżiti ta’ sigurtà, ta’ kunfidenzjalità u ta’ integrità tad-data għall-utenti industrijali li jkunu aktar eżiġenti minn dawk għal użu xjentifiku;
“kontribuzzjonijiet in natura għal azzjonijiet indiretti” ffinanzjati mill-Orizzont Ewropa tfisser kontribuzzjonijiet mill-Istat Parteċipanti jew mill-Membri Privati tal-Impriża Konġunta jew mill-entitajiet kostitwenti tagħhom jew mill-entitajiet affiljati tagħhom, li jikkonsistu fil-kostijiet eliġibbli mġarrba minnhom fl-implimentazzjoni ta’ azzjonijiet indiretti, minbarra l-kontribuzzjoni ta’ dik l-Impriża Konġunta, tal-Istati Parteċipanti ta’ dik l-Impriża Konġunta u kull kontribuzzjoni oħra tal-Unjoni għal dawk il-kostijiet;
“kontribuzzjonijiet in natura għal azzjonijiet” iffinanzjati mill-Programm Ewropa Diġitali jew mill-Faċilità Nikkollegaw l-Ewropa tfisser kontribuzzjonijiet mill-Istat Parteċipanti jew mill-Membri Privati tal-Impriża Konġunta jew mill-entitajiet kostitwenti tagħhom jew mill-entitajiet affiljati tagħhom, li jikkonsistu fil-kostijiet eliġibbli mġarrba minnhom fl-implimentazzjoni ta’ parti mill-attivitajiet tal-Impriża Konġunta, minbarra l-kontribuzzjoni ta’ dik l-Impriża Konġunta, tal-Istati Parteċipanti ta’ dik l-Impriża Konġunta u kull kontribuzzjoni oħra tal-Unjoni għal dawk il-kostijiet;
“supercomputer ta’ livell medju” tfisser supercomputer tal-ogħla klassi b’livell ta’ prestazzjoni ta’ mhux aktar minn grad wieħed anqas minn dak ta’ supercomputer ta’ livell għoli;
“Ċentru nazzjonali ta’ Kompetenza tal-Computing ta’ Prestazzjoni Għolja” tfisser entità ġuridika, jew konsorzju ta’ entitajiet ġuridiċi, stabbilit fi Stat Parteċipanti, assoċjat ma’ ċentru nazzjonali tas-supercomputing ta’ dak l-Istat Parteċipanti, li jipprovdi lill-utenti mill-industrija, inklużi l-SMEs, l-akkademiċi, u l-amministrazzjonijiet pubbliċi b’aċċess, fuq talba, għas-supercomputers u għall-aħħar teknoloġiji, għodod, applikazzjonijiet u servizzi tal-Computing ta’ Prestazzjoni Għolja, u li joffri għarfien espert, ħiliet, taħriġ, networking u komunikazzjoni;
“Stat osservatur” tfisser pajjiż eliġibbli biex jipparteċipa fl-azzjonijiet tal-Impriża Konġunta ffinanzjati mill-Orizzont Ewropa jew mill-Programm Ewropa Diġitali li ma jkunx Stat Parteċipanti;
“Stat Parteċipanti” tfisser pajjiż li jkun membru tal-Impriża Konġunta;
“livell ta’ prestazzjoni” tfisser l-għadd ta’ operazzjonijiet b’punt varjabbli fis-sekonda (flops) li supercomputer jista’ jeżegwixxi;
“Membru Privat” tfisser kwalunkwe membru tal-Impriża Konġunta minbarra l-Unjoni jew l-Istati Parteċipanti;
“kompjuter kwantistiku” tfisser apparat tal-computing li juża l-liġijiet tal-mekkanika kwantistika sabiex isolvi ċerti kompiti partikolari billi, permezz ta’ dawn, juża anqas riżorsi komputazzjonali mill-kompjuters klassiċi;
“simulatur kwantistiku” tfisser apparat kwantistiku kontrollabbli ħafna li jippermetti li jinkiseb għarfien dwar il-proprjetajiet ta’ sistemi kwantistiċi kumplessi jew li jissolvew problemi komputazzjonali speċifiċi inaċċessibbli għall-kompjuters klassiċi;
“sigurtà tal-katina tal-provvista” ta’ supercomputer tal-EuroHPC tfisser il-miżuri li jridu jiġu inklużi fl-għażla ta’ kwalunkwe fornitur ta’ dan is-supercomputer biex tkun żgurata d-disponibbiltà tal-komponenti, tat-teknoloġiji, tas-sistemi u tal-għarfien meħtieġa fl-akkwist u fit-tħaddim ta’ dan is-supercomputer; dan ikun jinkludi miżuri biex jittaffew ir-riskji relatati ma’ interruzzjonijiet eventwali fil-provvista ta’ dawn il-komponenti, it-teknoloġiji u s-sistemi, inkluż bidliet fil-prezzijiet jew prestazzjoni inferjuri jew sorsi alternattivi ta’ provvista; dan ikun ikopri l-ħajja kollha tas-supercomputer tal-EuroHPC;
“Aġenda Strateġika ta’ Riċerka u ta’ Innovazzjoni” tfisser id-dokument li jkopri t-tul ta’ żmien tal-Orizzont Ewropa li jidentifika l-prijoritajiet ewlenin u t-teknoloġiji u l-innovazzjonijiet essenzjali meħtieġa biex jintlaħqu l-objettivi tal-Impriża Konġunta;
“programm strateġiku pluriennali” tfisser dokument li jistabbilixxi strateġija għall-attivitajiet kollha tal-Impriża Konġunta;
“supercomputing” tfisser computing fil-livelli ta’ prestazzjoni li jeħtieġ l-integrazzjoni massiva ta’ elementi individwali tal-computing, inkluż komponenti kwantistiċi, għas-soluzzjoni ta’ problemi li ma jistgħux jiġu trattati minn sistemi standard tal-computing;
“kost totali tas-sjieda” ta’ supercomputer tal-EuroHPC tfisser il-kostijiet tal-akkwist kif ukoll il-kostijiet operatorji, inkluż il-manutenzjoni, sakemm is-sjieda tas-supercomputer tiġi ttrasferita lill-entità tal-hosting jew tinbiegħ, jew sakemm is-supercomputer jiġi dekummissjonat mingħajr trasferiment tas-sjieda;
“programm ta’ ħidma” tfisser id-dokument imsemmi fil-punt (25) tal-Artikolu 2 tar-Regolament (UE) 2021/695 jew, fejn rilevanti, id-dokument li jiffunzjona wkoll bħala l-programm ta’ ħidma msemmi fl-Artikolu 24 tar-Regolament (UE) 2021/694, jew fl-Artikolu 19 tar-Regolament (UE) 2021/1153.
Artikolu 3
Missjoni u objettivi
L-Impriża Konġunta għandu jkollha l-objettivi ġenerali li ġejjin:
tikkontribwixxi għall-implimentazzjoni tar-Regolament (UE) 2021/695 u b’mod partikolari l-Artikolu 3 tiegħu, biex tħalli impatt xjentifiku, ekonomiku, ambjentali, teknoloġiku u soċjetali mill-investimenti tal-Unjoni fir-riċerka u l-innovazzjoni, b’tali mod li ssaħħaħ il-bażijiet xjentifiċi u teknoloġiċi tal-Unjoni, twettaq il-prijoritajiet strateġiċi tal-Unjoni u tikkontribwixxi biex jintlaħqu l-objettivi u jitwettqu l-politiki tal-Unjoni, u biex tikkontribwixxi biex jiġu indirizzati l-isfidi globali, inkluż l-Għanijiet ta’ Żvilupp Sostenibbli billi jiġu segwiti l-prinċipji tal-Aġenda 2030 tan-Nazzjonijiet Uniti u tal-Ftehim ta’ Pariġi adottat taħt il-Konvenzjoni Qafas tan-Nazzjonijiet Uniti dwar il-Bidla fil-Klima ( 1 );
tiżviluppa kooperazzjoni msaħħa u tiżgura l-koordinazzjoni ma’ Sħubiji Ewropej oħra, inkluż permezz ta’ sejħiet konġunti, kif ukoll tfittex li tikseb sinerġiji ma’ attivitajiet u ma’ programmi rilevanti fil-livell tal-Unjoni, nazzjonali u reġjonali, b’mod partikolari ma’ dawk li jappoġġaw l-implimentazzjoni ta’ soluzzjonijiet innovattivi, l-edukazzjoni u l-iżvilupp reġjonali, fejn rilevanti;
tiżviluppa, timplimenta, testendi u żżomm fl-Unjoni infrastruttura tas-supercomputing u tad-data tal-ogħla klassi, integrata, orjentata lejn id-domanda u mmexxija mill-utenti;
tiffedera l-infrastruttura iperkonnessa tas-supercomputing u tad-data u toħloq interkonnessjoni bejn din u l-ispazji tad-data u l-ekosistema tal-cloud Ewropej għall-provvista ta’ servizzi tal-computing u tad-data lil firxa wiesgħa ta’ utenti pubbliċi u privati fl-Ewropa;
tippromwovi l-eċċellenza xjentifika u tappoġġa l-adozzjoni u l-użu sistematiku tar-riżultati tar-riċerka u l-innovazzjoni ġġenerati fl-Unjoni.
tkompli tiżviluppa u tappoġġa ekosistema ferm kompetittiva u innovattiva tas-supercomputing u tad-data mifruxa b’mod wiesa’ fl-Ewropa li tikkontribwixxi għat-tmexxija xjentifika u diġitali tal-Unjoni, li tkun kapaċi tipproduċi b’mod awtonomu teknoloġiji u arkitetturi tal-computing u l-integrazzjoni tagħhom f’sistemi ewlenin tal-computing, u applikazzjonijiet avvanzati ottimizzati għal dawn is-sistemi;
twessa’ l-użu tas-servizzi tas-supercomputing u l-iżvilupp ta’ ħiliet ewlenin li jeħtieġu x-xjenza u l-industrija Ewropej.
Artikolu 4
Pilastri tal-attività
L-Impriża Konġunta għandha timplimenta l-missjoni msemmija fl-Artikolu 3 skont il-pilastri tal-attivitajiet li ġejjin:
il-pilastru amministrattiv, li jkopri l-attivitajiet ġenerali għall-operazzjoni u l-ġestjoni tal-Impriża Konġunta;
il-pilastru tal-infrastruttura, li jinkludi l-attivitajiet għall-akkwist, l-implimentazzjoni, l-upgrade u l-operazzjoni tal-infrastruttura sigura, iperkonnessa u ta’ klassi dinjija tas-supercomputing, tal-computing kwantistiku u tad-data, inkluż il-promozzjoni tal-adozzjoni u l-użu sistematiku tar-riżultati tar-riċerka u l-innovazzjoni ġġenerati fl-Unjoni;
il-pilastru tal-federazzjoni ta’ servizzi tas-supercomputing, li jkopri l-attivitajiet kollha għall-provvista tal-aċċess madwar l-Unjoni għal riżorsi u servizzi federati u siguri tas-supercomputing u tad-data madwar l-Ewropa għall-komunità xjentifika u tar-riċerka, l-industrija, inklużi l-SMEs, u s-settur pubbliku, b’mod partikolari f’kooperazzjoni ma’ PRACE u GÉANT; dawk l-attivitajiet għandhom jinkludu:
l-appoġġ għall-interkonnessjoni tar-riżorsi tal-Computing ta’ Prestazzjoni Għolja, tal-computing kwantistiku u tad-data li huma proprjetà sħiħa jew parzjali tal-Impriża Konġunta jew magħmula disponibbli fuq bażi volontarja mill-Istati Parteċipanti;
l-appoġġ għall-interkonnessjoni tal-infrastrutturi tad-data tas-supercomputing, u tal-computing kwantistiku mal-ispazji komuni Ewropej tad-data u mal-infrastrutturi federati u siguri tal-cloud u tad-data tal-Unjoni;
l-appoġġ għall-iżvilupp, l-akkwist u l-operazzjoni ta’ pjattaforma għall-federazzjoni mingħajr xkiel u l-provvista sigura ta’ servizzi tal-infrastruttura tas-servizzi u tad-data tas-supercomputing u tal-computing kwantistiku, għall-istabbiliment ta’ punt uniku ta’ aċċess għal kwalunkwe servizz tas-supercomputing jew tad-data ġestit mill-Impriża Konġunta, fejn kwalunkwe utent jiġi pprovdut b’punt uniku ta’ dħul;
il-pilastru tat-teknoloġija, li jindirizza attivitajiet tar-riċerka u l-innovazzjoni għall-iżvilupp ta’ ekosistema tas-supercomputing ta’ klassi dinjija, kompetittiva u innovattiva madwar l-Ewropa li tindirizza t-teknoloġiji tal-hardware u tas-software, u l-integrazzjoni tagħhom f’sistemi tal-computing, filwaqt li jkopri l-katina tal-valur xjentifika u industrijali sħiħa, għall-kontribuzzjoni għall-awtonomija strateġika tal-Unjoni; dan għandu jiffoka wkoll fuq teknoloġiji tal-Computing ta’ Prestazzjoni Għolja effiċjenti fl-użu tal-enerġija, li jikkontribwixxu għas-sostenibbiltà ambjentali; dawk l-attivitajiet għandhom jindirizzaw fost l-oħrajn:
komponenti ta’ mikropproċessar b’konsum baxx tal-enerġija, komponenti tal-interkonnessjoni, arkitettutra tas-sistema u teknoloġiji relatati bħal algoritmi, kodiċijiet tas-software, għodod, u ambjenti ġodda;
paradigmi emerġenti tal-computing u l-integrazzjoni tagħhom f’sistemi ewlenin tas-supercomputing permezz ta’ approċċ ta’ kodisinn; dawn it-teknoloġiji għandhom ikunu marbuta mal-iżvilupp, l-akkwist u l-implimentazzjoni ta’ supercomputers ta’ livell għoli, inkluż kompjuters kwantistiċi, u infrastrutturi;
it-teknoloġiji u s-sistemi għall-interkonnessjoni u l-operazzjoni ta’ sistemi klassiċi tas-supercomputing ma’ teknoloġiji oħra, spiss komplementari, tal-computing, bħall-computing kwantistiku jew teknoloġiji tal-computing emerġenti oħra u l-iżgurar tal-operazzjoni effettiva tagħhom;
algoritmi u teknoloġiji tas-software ġodda li joffru żidiet sostanzjali tal-prestazzjoni;
il-pilastru tal-applikazzjoni, li jindirizza attivitajiet għall-kisba u ż-żamma tal-eċċellenza Ewropea fl-applikazzjonijiet ewlenin tal-computing u tad-data u l-kodiċijiet għax-xjenza, l-industrija, inklużi l-SMEs, u s-settur pubbliku; dawk l-attivitajiet għandhom jindirizzaw fost l-oħrajn:
l-applikazzjonijiet, inkluż algoritmi ġodda u żviluppi tas-software, għall-utenti pubbliċi u privati li jibbenefikaw mill-isfruttar tar-riżorsi u l-kapaċitajiet ta’ supercomputers ta’ livell għoli u l-konverġenza tagħhom ma’ teknoloġiji diġitali avvanzati bħall-intelliġenza artifiċjali, l-analitika tad-data ta’ prestazzjoni għolja, teknoloġiji tal-cloud, eċċ. permezz tal-kodisinn, l-iżvilupp u l-ottimizzazzjoni ta’ kodiċijiet u applikazzjonijiet ta’ swieq pilota emerġenti fuq skala kbira u ffaċilitati mill-Computing ta’ Prestazzjoni Għolja;
l-appoġġ, fost l-oħrajn, liċ-Ċentri ta’ Eċċellenza tal-Computing ta’ Prestazzjoni Għolja fl-applikazzjonijiet u fil-proġetti dimostranti pilota u bankijiet ta’ ttestjar fuq skala kbira ffaċilitati mill-Computing ta’ Prestazzjoni Għolja għall-applikazzjonijiet u s-servizzi diġitali avvanzati tal-big data f’firxa wiesgħa ta’ setturi xjentifiċi, pubbliċi u industrijali;
il-pilastru tat-twessigħ tal-użu u tal-ħiliet, bil-għan li jiġu żviluppati kapaċitajiet u ħiliet li jrawmu l-eċċellenza fis-supercomputing, fil-computing kwantistiku, u fl-użu tad-data, filwaqt li jittieħed kont tas-sinerġiji ma’ programmi u strumenti oħra, b’mod partikolari l-Programm Ewropa Diġitali, jitwessa’ l-użu xjentifiku u industrijali tar-riżorsi tas-supercomputing u tal-applikazzjonijiet tad-data u jitrawmu l-aċċess u l-użu industrijali ta’ infrastrutturi tas-supercomputing u tad-data għall-innovazzjoni adattata għall-ħtiġijiet industrijali, kif ukoll li l-Ewropa tiġi pprovduta b’komunità xjentifika ewlenija esperta u b’forza tax-xogħol b’livell għoli ta’ ħiliet għat-tmexxija xjentifika u t-trasformazzjoni diġitali tal-industrija u l-amministrazzjoni pubblika, inkluż l-appoġġ u n-networking ta’ Ċentri ta’ Kompetenza tal-Computing ta’ Prestazzjoni Għolja nazzjonali u ta’ Ċentri ta’ Eċċellenza tal-Computing ta’ Prestazzjoni Għolja;
il-pilastru tal-kooperazzjoni internazzjonali: Skont l-objettivi tal-politika esterna u mal-impenji internazzjonali tal-Unjoni, id-definizzjoni, l-implimentazzjoni u l-parteċipazzjoni fl-attivitajiet rilevanti għall-promozzjoni tal-kollaborazzjoni internazzjonali fis-supercomputing biex jingħelbu sfidi xjentifiċi u soċjetali globali, filwaqt li tiġi promossa l-kompetittività tal-provvista Ewropea tal-Computing ta’ Prestazzjoni Għolja u tal-ekosistema Ewropea tal-utenti.
Artikolu 5
Kontribuzzjoni finanzjarja tal-Unjoni
Il-kontribuzzjoni finanzjarja tal-Unjoni għall-Impriża Konġunta, inkluż l-approprjazzjonijiet taż-ŻEE, għandhom ikunu sa EUR 3 081 300 000 , inkluż EUR 92 000 000 għall-kostijiet amministrattivi, bil-kondizzjoni li l-ammont huwa korrispost mill-kontribuzzjoni tal-Istati Parteċipanti, imqassmin kif ġej:
sa EUR 900 000 000 mill-Orizzont Ewropa;
sa EUR 1 981 300 000 mill-Programm Ewropa Diġitali;
sa EUR 200 000 000 mill-Faċilità Nikkollegaw l-Ewropa.
Artikolu 6
Kontribuzzjonijiet oħra tal-Unjoni
Kontribuzzjonijiet minn programmi tal-Unjoni għajr dawk imsemmija fl-Artikolu 5(1) li huma parti minn kofinanzjament mill-Unjoni għal programm implimentat minn wieħed mill-Istati Parteċipanti li huwa Stat Membru ma għandhomx jitqiesu fil-kalkolu tal-kontribuzzjoni finanzjarja massima tal-Unjoni msemmija fl-Artikolu 5.
Artikolu 7
Kontribuzzjonijiet ta’ membri għajr l-Unjoni
Il-Kummissjoni tista’ ttemm, tnaqqas proporzjonalment jew tissospendi l-kontribuzzjoni finanzjarja tal-Unjoni għall-Impriża Konġunta jew tiskatta l-proċedura ta’ stralċ imsemmija fl-Artikolu 23 tal-Istatuti fil-każijiet li ġejjin:
jekk l-Impriża Konġunta tonqos milli tissodisfa l-kondizzjonijiet għall-kontribuzzjoni tal-Unjoni; jew
jekk il-membri għajr l-Unjoni jew l-entitajiet kostitwenti tagħhom jew l-entitajiet affiljati tagħhom jonqsu milli jikkontribwixxu, jikkontribwixxu biss parzjalment jew ma jirrispettawx l-iskadenzi fir-rigward tal-kontribuzzjoni msemmija fil-paragrafi 1 u 2 ta’ dan l-Artikolu; jew
bħala riżultat tal-evalwazzjonijiet imsemmija fl-Artikolu 24.
Id-deċiżjoni tal-Kummissjoni li ttemm, tnaqqas proporzjonalment jew tissospendi l-kontribuzzjoni finanzjarja tal-Unjoni ma għandhiex tfixkel ir-rimborż tal-kostijiet eliġibbli mġarrba mill-membri għajr l-Unjoni qabel ma d-deċiżjoni tiġi nnotifikata lill-Impriża Konġunta.
Artikolu 8
Ġestjoni ta’ kontribuzzjonijiet mill-Istati Parteċipanti
Flimkien mal-kriterji stabbiliti fl-Artikolu 22 tar-Regolament (UE) 2021/695, jew fl-Artikolu 18 tar-Regolament (UE) 2021/694 u fl-Artikolu 11 tar-Regolament (UE) 2021/1153, il-programm ta’ ħidma jista’ jinkludi, bħala anness, kriterji ta’ eliġibbiltà rigward il-parteċipazzjoni ta’ entitajiet legali nazzjonali.
Kull Stat Parteċipanti għandu jafda lill-Impriża Konġunta bl-evalwazzjoni tal-proposti skont ir-regoli tal-Orizzont Ewropa.
L-għażla ta’ proposti għandha tkun ibbażata fuq il-lista ta’ klassifikazzjoni pprovduta mill-kumitat ta’ evalwazzjoni. Il-Bord tat-Tmexxija jista’ jiddevja minn dik il-lista f’każijiet debitament ġustifikati kif jinsab fil-programm ta’ ħidma biex jiżgura l-konsistenza ġenerali tal-approċċ ta’ portafoll.
Kull Stat Parteċipanti għandu dritt ta’ veto fuq il-kwistjonijiet kollha li jikkonċernaw l-użu tal-kontribuzzjonijiet finanzjarji nazzjonali tiegħu stess lill-Impriża Konġunta għall-applikanti stabbiliti f’dawk l-Istati Parteċipanti, abbażi ta’ prijoritajiet strateġiċi nazzjonali.
Kull Stat Parteċipanti għandu jagħmel ħiltu biex jissinkronizza l-iskeda ta’ pagamenti, ir-rappurtar u l-awditi tiegħu ma’ dawk tal-Impriża Konġunta u jikkonvergi r-regoli dwar l-eliġibbiltà tal-kostijiet mar-regoli tal-Orizzont Ewropa.
Artikolu 9
Entità tal-hosting
Wara sejħa għal espressjoni ta’ interess, l-entità tal-hosting imsemmija fil-paragrafu 2 ta’ dan l-Artikolu u l-Istat Parteċipanti korrispondenti fejn tkun stabbilita l-entità tal-hosting jew il-konsorzju tal-hosting korrispondenti għandhom jintgħażlu mill-Bord tat-Tmexxija bi proċess ġust u trasparenti bbażat, fost l-oħrajn, fuq il-kriterji li ġejjin:
il-konformità mal-ispeċifikazzjonijiet tas-sistema ġenerali definiti fis-sejħa għal espressjoni ta’ interess;
il-kost totali tas-sjieda tas-supercomputer tal-EuroHPC, inkluż stima preċiża u metodu ta’ verifika tal-kostijiet operatorji ta’ dan is-supercomputer tul il-ħajja tiegħu;
l-esperjenza tal-entità tal-hosting fl-installazzjoni u fl-operazzjoni ta’ sistemi simili;
il-kwalità tal-infrastruttura fiżika u tal-IT tal-faċilità tal-hosting, is-sigurtà tagħha u l-konnettività tagħha mal-bqija tal-Unjoni;
il-kwalità tas-servizz lill-utenti, jiġifieri l-kapaċità tal-konformità mal-ftehim dwar il-livell ta’ servizz mogħti fost id-dokumenti mehmuża mal-proċedura ta’ għażla;
il-provvista ta’ dokument ta’ sostenn xieraq li jagħti prova tal-impenn tal-Istat Membru fejn tkun stabbilita l-entità tal-hosting jew tal-awtoritajiet kompetenti tal-Istati Parteċipanti tal-konsorzju tal-hosting biex ikopru s-sehem tal-kost totali tas-sjieda tas-supercomputer tal-EuroHPC li ma jkunx kopert mill-kontribuzzjoni tal-Unjoni kif stabbilit fl-Artikolu 5 jew kwalunkwe kontribuzzjoni oħra tal-Unjoni kif stabbilit fl-Artikolu 6, jew sakemm is-sjieda tiegħu tiġi trasferita mill-Impriża Konġunta lil dik l-entità tal-hosting inkella sakemm is-supercomputer jinbiegħ jew jiġi dekummissjonat f’każ li ma jsir l-ebda trasferiment tas-sjieda.
Għas-supercomputers tal-EuroHPC ta’ grad industrijali msemmija fl-Artikolu 1, l-entità tal-hosting għandha tidħol fi ftehim ma’ konsorzju ta’ sħab privati għat-tħejjija tal-akkwist u għall-operazzjoni ta’ tali supercomputers jew partizzjonijiet ta’ supercomputers tal-EuroHPC.
Il-hosting ta’ supercomputer tal-EuroHPC ta’ grad industrijali għandu jirrispetta l-kondizzjonijiet li ġejjin:
l-Impriża Konġunta għandha tinkariga lill-entità tal-hosting bl-operazzjoni ta’ kull supercomputer tal-EuroHPC ta’ grad industrijali individwali li jkun proprjetà tagħha b’mod konġunt f’konformità mal-Artikolu 13;
l-entitajiet tal-hosting għandhom jintgħażlu f’konformità mal-paragrafu 5 ta’ dan l-Artikolu u mar-regoli finanzjarji tal-Impriża Konġunta msemmija fl-Artikolu 19;
wara sejħa għal espressjoni ta’ interess, l-entità tal-hosting u l-konsorzju ta’ sħab privati assoċjat magħha għandhom jintgħażlu mill-Bord tat-Tmexxija bi proċess ġust u trasparenti bbażat, fost l-oħrajn, fuq il-bażi ta’ dawn li ġejjin:
il-kriterji stabbiliti fil-paragrafi 5(a) sa 5(e) ta’ dan l-Artikolu; u
il-provvista ta’ dokument ta’ sostenn adegwat li jagħti prova tal-impenn tal-konsorzju ta’ sħab privati biex ikopru s-sehem tal-kost totali tas-sjieda tas-supercomputer tal-EuroHPC li mhux kopert mill-kontribuzzjoni tal-Unjoni kif stabbilit fl-Artikolu 5 jew minn kwalunkwe kontribuzzjoni oħra tal-Unjoni kif stabbilita fl-Artikolu 6.
Artikolu 10
Ftehim ta’ hosting
Il-ftehim ta’ hosting għandu jindirizza b’mod partikolari l-elementi li ġejjin rigward is-supercomputers tal-EuroHPC:
id-drittijiet u l-obbligi tul il-proċedura għall-akkwist tas-supercomputer, inkluż it-testijiet ta’ aċċettazzjoni tas-supercomputer;
il-kondizzjonijiet tar-responsabbiltà għall-operazzjoni tas-supercomputer;
il-kwalità tas-servizz offrut lill-utenti meta joperaw is-supercomputer, kif stabbilit fil-ftehim dwar il-livell ta’ servizz;
il-pjanijiet rigward l-effiċjenza enerġetika u s-sostenibbiltà ambjentali tas-supercomputer;
il-kondizzjonijiet tal-aċċess tas-sehem tal-Unjoni tal-ħin ta’ aċċess għas-supercomputer, kif deċiż mill-Bord tat-Tmexxija f’konformità mal-Artikolu 17;
il-modalitajiet ta’ kontabbiltà tal-ħinijiet ta’ aċċess;
is-sehem mill-kost totali tas-sjieda li l-entità tal-hosting għandha tagħmel arranġamenti biex jiġu koperti mill-Istat Parteċipanti fejn tkun stabbilita l-entità tal-hosting jew mill-Istati Parteċipanti fil-konsorzju tal-hosting;
il-kondizzjonijiet għat-trasferiment tas-sjieda msemmija fl-Artikoli 11(5), 12(7), 13(6) u 14(6), inkluż, f’każ ta’ supercomputers tal-EuroHPC, id-dispożizzjonijiet għall-kalkolu tal-valur residwu tagħhom u għad-dekommissjonar tagħhom;
l-obbligu tal-entità tal-hosting li tipprovdi aċċess għas-supercomputers tal-EuroHPC, filwaqt li tiżgura s-sigurtà tas-supercomputers, il-protezzjoni tad-data personali f’konformità mar-Regolament (UE) 2016/679, il-protezzjoni tal-privatezza tal-komunikazzjonijiet elettroniċi f’konformità mad-Direttiva 2002/58/KE, il-protezzjoni tas-sigrieti kummerċjali f’konformità mad-Direttiva (UE) 2016/943 u l-protezzjoni tal-kunfidenzjalità ta’ data oħra koperta mill-obbligu tas-segretezza professjonali;
l-obbligu tal-entità tal-hosting li tistabbilixxi proċedura tal-awditu ċertifikat li tkopri l-kostijiet tal-operazzjoni tas-supercomputer tal-EuroHPC u l-ħinijiet ta’ aċċess tal-utenti;
l-obbligu tal-entità tal-hosting biex sal-31 ta’ Jannar ta’ kull sena tippreżenta lill-Bord tat-Tmexxija rapport tal-awditjar u data dwar l-użu tal-ħin ta’ aċċess fis-sena finanzjarja preċedenti;
il-kondizzjonijiet speċifiċi applikabbli meta l-entità tal-hosting topera supercomputer tal-EuroHPC għal użu industrijali.
Artikolu 11
Akkwist u sjieda ta’ supercomputers ta’ livell għoli
Il-bqija tal-kost totali tas-sjieda tas-supercomputers ta’ livell għoli għandha tiġi koperta mill-Istat Parteċipanti fejn tkun stabbilita l-entità tal-hosting jew mill-Istati Parteċipanti fil-konsorzju tal-hosting, possibbilment issupplimentat mill-kontribuzzjonijiet imsemmija fl-Artikolu 6.
Artikolu 12
Akkwist u sjieda ta’ kompjuters kwantistiċi u ta’ simulaturi kwantistiċi
Il-bqija tal-kost totali tas-sjieda tal-kompjuters kwantistiċi u tas-simulaturi kwantistiċi għandha tiġi koperta mill-Istat Parteċipanti fejn tkun stabbilita l-entità tal-hosting jew mill-Istati Parteċipanti fil-konsorzju tal-hosting, possibbilment issupplimentati mill-kontribuzzjonijiet imsemmija fl-Artikolu 6.
Artikolu 13
Akkwist u sjieda tas-supercomputers tal-EuroHPC ta’ grad industrijali
Artikolu 14
Akkwist u sjieda tas-supercomputers ta’ livell medju
Artikolu 15
Upgrading fil-kwalità tas-supercomputers
L-entità tal-hosting għandha tintgħażel mill-Bord tat-Tmexxija permezz ta’ proċess ġust u trasparenti bbażat fuq, fost l-oħrajn, il-kriterji li ġejjin:
ġustifikazzjoni tal-upgrade;
kompatibbiltà mas-supercomputer tal-EuroHPC oriġinali;
żieda fil-prestazzjoni tal-kapaċità operazzjonali tas-supercomputer tal-EuroHPC;
il-provvista ta’ dokument ta’ sostenn xieraq li jagħti prova tal-impenn tal-Istat Membru fejn tinsab l-entità tal-hosting jew tal-awtoritajiet kompetenti tal-Istati Parteċipanti tal-konsorzju tal-hosting biex ikopru s-sehem tal-kost tal-upgrading fil-kwalità tas-supercomputer tal-EuroHPC li ma jkunx kopert mill-kontribuzzjoni tal-Unjoni kif stabbilit fl-Artikolu 5 jew kwalunkwe kontribuzzjoni oħra tal-Unjoni kif stabbilit fl-Artikolu 6, sakemm is-sjieda tiegħu tiġi trasferita mill-Impriża Konġunta lil dik l-entità tal-hosting jew sakemm is-supercomputer jinbiegħ jew jiġi dekummissjonat jekk ma jkun hemm l-ebda trasferiment tas-sjieda.
Artikolu 16
Użu tas-supercomputers tal-EuroHPC
Artikolu 17
Allokazzjoni tal-ħin ta’ aċċess tal-Unjoni għas-supercomputers tal-EuroHPC
Il-Bord tat-Tmexxija għandu jissorvelja b’mod regolari s-sehem mill-ħin tal-aċċess tal-Unjoni mogħti għal kull Stat Parteċipanti u għal kull kategorija ta’ utent, inkluż għal finijiet kummerċjali. Huwa jista’ jiddeċiedi fost l-oħrajn li:
jadatta mill-ġdid il-ħinijiet tal-aċċess għal kull kategorija ta’ attività jew ta’ utent, bil-għan li jiġi ottimizzat l-użu tal-kapaċitajiet tas-supercomputers tal-EuroHPC;
jipproponi miżuri addizzjonali ta’ appoġġ biex jingħataw opportunitajiet xierqa ta’ aċċess lil utenti li jkollhom l-għan li jgħollu l-livell ta’ ħiliet u ta’ għarfien espert tagħhom f’sistemi tal-Computing ta’ Prestazzjoni Għolja.
Artikolu 18
Ħin tal-aċċess tal-Unjoni għal supercomputers tal-EuroHPC għal finijiet kummerċjali
Artikolu 19
Regoli finanzjarji
Artikolu 20
Persunal
Artikolu 21
Esperti nazzjonali sekondati u trainees
Artikolu 22
Privileġġi u Immunitajiet
Il-Protokoll Nru 7 dwar il-privileġġi u l-immunitajiet tal-Unjoni Ewropea, anness mat-TUE u mat-TFUE, għandu japplika għall-Impriża Konġunta u l-persunal tagħha.
Artikolu 23
Responsabbiltà tal-Impriża Konġunta
Artikolu 24
Monitoraġġ u evalwazzjoni
Artikolu 25
Ġuriżdizzjoni tal-Qorti tal-Ġustizzja tal-Unjoni Ewropea u l-liġi applikabbli
Il-Qorti tal-Ġustizzja tal-Unjoni Ewropea għandu jkollha ġuriżdizzjoni:
skont kwalunkwe klawżola ta’ arbitraġġ li tinsab fi ftehimiet jew f’kuntratti konklużi mill-Impriża Konġunta, jew fid-deċiżjonijiet tagħha;
f’tilwimiet relatati ma’ kumpens għal dannu kkawżat mill-persunal tal-Impriża Konġunta waqt il-qadi ta’ dmirijietu;
fi kwalunkwe tilwima bejn l-Impriża Konġunta u l-persunal tagħha fil-limiti u skont il-kondizzjonijiet stabbiliti fir-Regolamenti tal-Persunal jew fil-Kondizzjonijiet tal-Impjieg.
Artikolu 26
Ilmenti quddiem l-Ombudsman
Id-deċiżjonijiet meħuda mill-Impriża Konġunta fl-implimentazzjoni ta’ dan ir-Regolament jistgħu jiffurmaw is-suġġett ta’ lmenti quddiem l-Ombudsman f’konformità mal-Artikolu 228 TFUE.
Artikolu 27
Awditi ex post
Artikolu 28
Protezzjoni tal-interessi finanzjarji tal-membri
Artikolu 29
Kunfidenzjalità
L-Impriża Konġunta għandha tiżgura l-protezzjoni ta’ informazzjoni sensittiva li d-divulgazzjoni tagħha tista’ tagħmel ħsara lill-interessi tal-membri tagħha jew tal-parteċipanti fl-attivitajiet tal-Impriża Konġunta.
Artikolu 30
Trasparenza
Ir-Regolament (KE) Nru 1049/2001 tal-Parlament Ewropew u tal-Kunsill ( 6 ) għandu japplika għad-dokumenti miżmuma mill-Impriża Konġunta.
Artikolu 31
Proċessar ta’ data personali
Fejn l-implimentazzjoni ta’ dan ir-Regolament tirrikjedi l-proċessar ta’ data personali, din għandha tiġi pproċessata f’konformità mar-Regolament (UE) 2018/1725 tal-Parlament Ewropew u tal-Kunsill ( 7 ).
Artikolu 32
Aċċess għar-riżultati u l-informazzjoni dwar il-proposti
Artikolu 33
Regoli għall-parteċipazzjoni u d-disseminazzjoni applikabbli għall-azzjonijiet indiretti ffinanzjati mill-Orizzont Ewropa
Artikolu 34
Rati ta’ rimborż
Għall-azzjonijiet indiretti ffinanzjati taħt l-Orizzont Ewropa, b’deroga mill-Artikolu 34 tar-Regolament (UE) 2021/695, u għall-attivitajiet iffinanzjati taħt il-Programm Ewropa Diġitali, l-Impriża Konġunta tista’ tapplika rati ta’ rimborż differenti għall-finanzjament tal-Unjoni fi ħdan azzjoni skont it-tip ta’ parteċipant, jiġifieri SMEs, u t-tip ta’ azzjoni. Ir-rati ta’ rimborż għandhom jiġu indikati fil-programm ta’ ħidma.
Artikolu 35
Regoli applikabbli għall-attivitajiet iffinanzjati mill-Faċilità Nikkollegaw l-Ewropa
Ir-Regolament (UE) 2021/1153 għandu japplika għall-attivitajiet iffinanzjati mill-Impriża Konġunta permezz tal-Faċilità Nikkollegaw l-Ewropa.
Artikolu 36
Regoli applikabbli għall-attivitajiet iffinanzjati mill-Programm Ewropa Diġitali
Ir-Regolament (UE) 2021/694 għandu japplika għall-attivitajiet iffinanzjati mill-Impriża Konġunta permezz tal-Programm Ewropa Diġitali.
Artikolu 37
Appoġġ mingħand l-Istat Membru ospitanti
L-Impriża Konġunta u l-Istat Membru fejn tinsab is-sede jistgħu jikkonkludu ftehim amministrattiv dwar il-privileġġi u l-immunitajiet u appoġġ ieħor li dak l-Istat għandu jagħti lill-Impriża Konġunta.
Artikolu 38
Tħassir
Fir-rigward tal-azzjonijiet mibdija skont l-Artikoli 10, 11, 13 u 14 tar-Regolament (UE) 2018/1488, kif ukoll l-Artikoli 6 u 7 tal-Istatuti mehmuża ma’ dak ir-Regolament, huwa għandu jibqa’ japplika sakemm jitlestew u sa fejn ikun meħtieġ.
Azzjonijiet li jirriżultaw minn sejħiet għal proposti u sejħa għal offerti previsti minn pjanijiet ta’ implimentazzjoni annwali adottati skont ir-Regolament (UE) 2018/1488 għandhom ukoll jitqiesu bħala azzjonijiet mibdija skont dak ir-Regolament.
Artikolu 39
Dispożizzjonijiet tranżitorji
Artikolu 40
Dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
ANNESS
STATUTI TAL-IMPRIŻA KONĠUNTA GĦALL-COMPUTING TA’ PRESTAZZJONI GĦOLJA EWROPEW
Artikolu 1
Kompiti
L-Impriża Konġunta għandha twettaq il-kompiti li ġejjin:
timmobilizza fondi mis-settur pubbliku u privat għall-finanzjament tal-attivitajiet tal-Impriża Konġunta;
tappoġġa l-implimentazzjoni tal-missjoni, tal-objettivi u tal-pilastri tal-attivitajiet tal-Impriża Konġunta elenkati fl-Artikoli 3 u 4 ta’ dan ir-Regolament; dawk l-attivitajiet ser ikunu ffinanzjati mill-baġit tal-Unjoni li jirriżulta mir-Regolament (UE) 2021/695 li jistabbilixxi l-Orizzont Ewropa, ir-Regolament (UE) 2021/694 li jistabbilixxi l-Programm Ewropa Diġitali u r-Regolament (UE) 2021/1153 li jistabbilixxi l-Faċilità Nikkollegaw l-Ewropa, f’konformità mal-kamp ta’ applikazzjoni tar-Regolamenti rispettivi tagħhom u b’kontribuzzjonijiet mingħand l-Istati Parteċipanti rilevanti għall-Impriża Konġunta; għal dak il-għan, l-Impriża Konġunta għandha tniedi sejħiet għal proposti, sejħiet għal offerti, u kwalunkwe strument jew proċedura oħra previsti f’Orizzont Ewropa, fil-Programm Ewropa Diġitali, u fil-Faċilità Nikkollegaw l-Ewropa;
tibda u timmaniġġa s-sejħiet għal espressjoni ta’ interess għall-hosting jew l-upgrade tas-supercomputers tal-EuroHPC u tevalwa l-offerti riċevuti, bl-appoġġ ta’ esperti esterni indipendenti;
tagħżel l-entità tal-hosting tas-supercomputers tal-EuroHPC b’mod ġust, miftuħ u trasparenti, f’konformità mal-Artikolu 9 ta’ dan ir-Regolament;
tikkonkludi ftehim ta’ hosting f’konformità mal-Artikolu 10 ta’ dan ir-Regolament mal-entità tal-hosting għat-tħaddim u għall-manutenzjoni tas-supercomputers tal-EuroHPC u tissorvelja l-konformità kuntrattwali mal-ftehim ta’ hosting, inkluż it-test tal-aċċettazzjoni tas-supercomputers akkwistati;
tiddefinixxi l-kondizzjonijiet ġenerali u speċifiċi għall-allokazzjoni tas-sehem tal-Unjoni tal-ħin tal-aċċess għas-supercomputers tal-EuroHPC u tissorvelja l-aċċess għal dawk is-supercomputers f’konformità mal-Artikolu 17 ta’ dan ir-Regolament;
tiżgura l-kontribut tal-operazzjonijiet tagħha biex jintlaħqu l-objettivi tal-Orizzont Ewropa, l-ippjanar pluriennali strateġiku, ir-rappurtar, il-monitoraġġ u l-evalwazzjoni u rekwiżiti oħra ta’ dak il-programm bħall-implimentazzjoni tal-qafas komuni ta’ feedback għall-politika;
tniedi sejħiet miftuħa għal proposti u tagħti finanzjament f’konformità mar-Regolament (UE) 2021/695, u fil-limiti tal-fondi disponibbli, għal azzjonijiet indiretti, prinċipalment fil-forma ta’ għotjiet;
tniedi sejħiet miftuħa għal proposti u sejħiet għal offerti u tagħti finanzjament f’konformità mar-Regolament (UE) 2021/694 u r-Regolament (UE) 2021/1153 fil-limiti tal-fondi disponibbli;
tissorvelja l-implimentazzjoni tal-azzjonijiet u timmaniġġa l-ftehimiet ta’ għotja u l-kuntratti ta’ akkwist;
tiżgura l-effiċjenza tal-inizjattiva tal-Computing ta’ Prestazzjoni Għolja Ewropew, abbażi ta’ sett ta’ miżuri xierqa;
tissorvelja l-progress ġenerali biex jintlaħqu l-objettivi tal-Impriża Konġunta;
tiżviluppa kooperazzjoni mill-qrib u tiżgura koordinazzjoni ma’ attivitajiet tal-Unjoni u nazzjonali, korpi u partijiet konċernati, biex jinħolqu sinerġiji u jitjieb l-użu tar-riżultati tar-riċerka u l-innovazzjoni fil-qasam tal-Computing ta’ Prestazzjoni Għolja;
tiżviluppa kooperazzjoni mill-qrib u tiżgura koordinazzjoni ma’ Sħubijiet Ewropej oħra, kif ukoll sinerġiji operazzjonali ta’ ċentralizzazzjoni tal-funzjonijiet amministrattivi ma’ Impriżi Konġunti oħra;
tiddefinixxi l-programm strateġiku pluriennali, tfassal u timplimenta l-programmi ta’ ħidma annwali korrispondenti għat-twettiq tagħhom u tagħmel kull aġġustament meħtieġ fil-programm strateġiku pluriennali;
tkun involuta f’attivitajiet ta’ informazzjoni, komunikazzjoni, sfruttament u disseminazzjoni billi tapplika mutatis mutandis l-Artikolu 51 tar-Regolament (UE) 2021/695, fost l-oħrajn billi tagħmel l-informazzjoni dettaljata dwar ir-riżultati tas-sejħiet għal proposti disponibbli u aċċessibbli fuq bażi tad-data elettronika komuni tal-Orizzont Ewropa;
twettaq kull kompitu ieħor meħtieġ biex jintlaħqu l-objettivi stabbiliti fl-Artikolu 3 ta’ dan ir-Regolament.
Artikolu 2
Membri
Il-membri tal-Impriża Konġunta għandhom ikunu:
l-Unjoni, irrappreżentata mill-Kummissjoni;
l-Awstrija, il-Belġju, il-Bulgarija, Ċipru, Czechia, id-Danimarka, l-Estonja, il-Finlandja, Franza, il-Ġermanja, il-Greċja, l-Irlanda, l-Italja, l-Iżlanda, il-Kroazja, il-Latvja, il-Litwanja, il-Lussemburgu, Malta, in-Netherlands, in-Norveġja, il-Polonja, il-Portugall, ir-Rumanija, is-Slovakkja, is-Slovenja, Spanja, l-Ungerija, l-Iżvezja;
il-Maċedonja ta’ Fuq, il-Montenegro, it-Turkija u l-Iżvizzera, bil-kondizzjoni li dawk il-pajjiżi terzi jkunu assoċjati ma’ tal-anqas wieħed mill-programmi rilevanti msemmija fl-Artikolu 5(1) ta’ dan ir-Regolament.
malli dawn l-Istatuti jiġu aċċettati permezz ta’ ittra ta’ approvazzjoni, l-Assoċjazzjoni tal-Pjattaforma Ewropea tat-Teknoloġija għall-Computing ta’ Prestazzjoni Għolja (ETP4HPC) reġistrata taħt il-liġi Olandiża bl-uffiċċju reġistrat tagħha f’Amsterdam (in-Netherlands) u l-assoċjazzjoni Data, AI and Robotics (DAIRO) reġistrata taħt il-liġi Belġjana bl-uffiċċju reġistrat tagħha fi Brussell (il-Belġju).
Artikolu 3
Bidliet fis-sħubija
Artikolu 4
Korpi tal-Impriża Konġunta
Il-korpi tal-Impriża Konġunta għandhom ikunu:
il-Bord tat-Tmexxija;
id-Direttur Eżekuttiv;
il-Bord Konsultattiv Industrijali u Xjentifiku magħmul mill-Grupp Konsultattiv għar-Riċerka u l-Innovazzjoni u mill-Grupp Konsultattiv għall-Infrastruttura.
Artikolu 5
Kompożizzjoni tal-Bord tat-Tmexxija
Artikolu 6
Funzjonament tal-Bord tat-Tmexxija
Għall-finijiet ta’ dan il-paragrafu, id-deċiżjonijiet tal-Bord tat-Tmexxija għandhom jittieħdu b’maġġoranza li tikkonsisti mill-vot tal-Unjoni u mill-inqas 50 % tal-voti kollha tal-Istati Parteċipanti, inkluż il-voti tal-membri assenti.
Għall-finijiet ta’ dan il-paragrafu, id-deċiżjonijiet tal-Bord tat-Tmexxija għandhom jittieħdu b’maġġoranza kwalifikata. Maġġoranza kwalifikata għandha titqies stabbilita jekk din tkun tirrappreżenta lill-Unjoni u mill-inqas 55 % tal-Istati Parteċipanti li jkunu Stati Membri, li flimkien jagħmlu mill-inqas 65 % tal-popolazzjoni totali ta’ dawn l-Istati. Biex tiġi ddeterminata l-popolazzjoni, għandhom jintużaw iċ-ċifri li jinsabu fl-Anness III għad-Deċiżjoni tal-Kunsill 2009/937/UE ( 8 ).
Għall-finijiet ta’ dan il-paragrafu, id-deċiżjonijiet tal-Bord tat-Tmexxija għandhom jittieħdu b’maġġoranza ta’ mill-inqas 75 % tal-voti kollha, inkluż il-voti tal-membri assenti.
Fl-ewwel stadju, il-50 % li jifdal mid-drittijiet tal-vot għandhom jiġu ddistribwiti b’mod ugwali bejn l-Istati Parteċipanti kollha. Id-deċiżjonijiet tal-Bord tat-Tmexxija għandhom jittieħdu b’maġġoranza li tikkonsisti mill-vot tal-Unjoni u mill-inqas 55 % tal-voti kollha tal-Istati Parteċipanti, inkluż il-voti tal-membri assenti.
Fit-tieni stadju, il-Bord tat-Tmexxija għandu jiddeċiedi bil-maġġoranza kwalifikata msemmija fil-paragrafu 4 ta’ dan l-Artikolu.
Id-Direttur Eżekuttiv għandu jkollu d-dritt li jattendi l-laqgħat u jieħu sehem fid-deliberazzjonijiet, iżda ma għandu jkollu l-ebda dritt tal-vot. Skont il-każ, il-Bord tat-Tmexxija jista’ jistieden lil persuni oħra biex jattendu l-laqgħat tiegħu bħala osservaturi.
Kull Stat osservatur jista’ jaħtar delegat wieħed fuq il-Bord tat-Tmexxija, li għandu jirċievi d-dokumenti rilevanti kollha u jista’ jieħu sehem fid-deliberazzjonijiet tal-Bord tat-Tmexxija sakemm ma jiġix deċiż mod ieħor mill-Bord tat-Tmexxija skont il-każ. Dawk id-delegati ma għandu jkollhom l-ebda dritt tal-vot u għandhom jiżguraw il-kunfidenzjalità tal-informazzjoni sensittiva f’konformità mal-Artikolu 29 ta’ dan ir-Regolament u soġġetti għar-regoli dwar il-kunflitt ta’ interess.
Artikolu 7
Kompiti tal-Bord tat-Tmexxija
Il-Bord tat-Tmexxija għandu jwettaq b’mod partikolari dawn il-kompiti amministrattivi ġenerali tal-Impriża Konġunta li ġejjin:
jivvaluta, jaċċetta jew jirrifjuta l-applikazzjonijiet għal sħubija f’konformità mal-Artikolu 3(2) ta’ dawn l-Istatuti;
jiddeċiedi dwar it-tmiem tas-sħubija fl-Impriża Konġunta ta’ xi membru li ma jissodisfax l-obbligi tiegħu;
jiddiskuti u jadotta r-regoli finanzjarji tal-Impriża Konġunta f’konformità mal-Artikolu 19 ta’ dan ir-Regolament;
jiddiskuti u jadotta l-baġit amministrattiv annwali tal-Impriża Konġunta, inkluż il-pjan ta’ stabbiliment tal-persunal korrispondenti li jindika l-għadd ta’ pożizzjonijiet temporanji skont il-grupp ta’ funzjoni u skont il-grad, l-għadd ta’ persunal kuntrattwali u ta’ esperti nazzjonali sekondati espressi f’ekwivalenti ta’ ingaġġ full-time;
jaħtar, ineħħi u jestendi l-mandat tad-Direttur Eżekuttiv, jipprovdi gwida u jimmonitorja l-prestazzjoni tad-Direttur Eżekuttiv;
jiddiskuti u japprova r-rapport tal-attività annwali kkonsolidat, inkluż in-nefqa korrispondenti msemmija fl-Artikolu 18(1) ta’ dawn l-Istatuti;
jeżerċita s-setgħat tal-awtorità tal-ħatra fir-rigward tal-persunal, f’konformità mal-Artikolu 20 ta’ dan ir-Regolament;
fejn xieraq, jistabbilixxi regoli dwar l-implimentazzjoni tar-Regolamenti tal-Persunal u l-Kondizzjonijiet tal-Impjieg f’konformità mal-Artikolu 20(3) ta’ dan ir-Regolament;
fejn xieraq, jistabbilixxi regoli dwar is-sekondar ta’ esperti nazzjonali mal-Impriża Konġunta u dwar l-involviment tat-trainees f’konformità mal-Artikolu 21(2) ta’ dan ir-Regolament;
fejn xieraq, jistabbilixxi gruppi konsultattivi minbarra l-korpi tal-Impriża Konġunta msemmija fl-Artikolu 4 ta’ dawn l-Istatuti;
jistabbilixxi regoli u kriterji speċifiċi għall-għażla, il-ħatra u t-tneħħija ta’ membri tal-gruppi konsultattivi stabbiliti skont il-punti (j), inkluż kunsiderazzjonijiet ta’ diversità tal-ġeneru u dik ġeografika, u japprova r-regoli ta’ proċedura stabbiliti b’mod awtonomu minn dawn il-gruppi konsultattivi;
jiddiskuti u japprova l-istruttura organizzazzjonali tal-Uffiċċju tal-Programm skont rakkomandazzjoni tad-Direttur Eżekuttiv;
fejn xieraq, jagħmel talba lill-Kummissjoni biex jiġi emendat dan ir-Regolament, li tiġi proposta minn membru tal-Impriża Konġunta;
jiddefinixxi l-kondizzjonijiet tal-aċċess ġenerali u speċifiċi biex jintuża s-sehem tal-Unjoni tal-ħin tal-aċċess għas-supercomputers tal-EuroHPC f’konformità mal-Artikolu 17 ta’ dan ir-Regolament;
jistabbilixxi l-livell tat-tariffa tas-servizzi kummerċjali msemmija fl-Artikolu 18 ta’ dan ir-Regolament, u jiddeċiedi fuq l-allokazzjoni tal-ħin tal-aċċess għal dawk is-servizzi;
jiddiskuti u japprova l-politika tal-komunikazzjoni tal-Impriża Konġunta skont rakkomandazzjoni tad-Direttur Eżekuttiv;
ikun responsabbli għal kwalunkwe kompitu li ma jkunx allokat speċifikament lil korp partikolari tal-Impriża Konġunta; jista’ jassenja dawn il-kompiti lil xi korp tal-Impriża Konġunta.
Il-Bord tat-Tmexxija għandu jwettaq, b’mod partikolari, il-kompiti li ġejjin relatati mal-akkwist u t-tħaddim tas-supercomputers tal-EuroHPC u d-dħul ġenerat imsemmi fl-Artikolu 16 ta’ dan ir-Regolament:
jiddiskuti u jadotta l-parti tal-programm strateġiku pluriennali li hija relatata mal-akkwist ta’ supercomputers tal-EuroHPC imsemmi fl-Artikolu 18(1) ta’ dawn l-Istatuti;
jiddiskuti u jadotta l-parti tal-programm ta’ ħidma annwali li hi relatata mal-akkwist ta’ supercomputers tal-EuroHPC u l-għażla ta’ entitajiet tal-hosting u l-istimi tan-nefqa korrispondenti msemmija fl-Artikolu 18(4) ta’ dawn l-Istatuti;
japprova t-tnedija tas-sejħiet għal espressjoni ta’ interess, f’konformità mal-programm ta’ ħidma annwali;
japprova l-għażla tal-entitajiet tal-hosting għas-supercomputers tal-EuroHPC magħżula bi proċess ġust, miftuħ u trasparenti f’konformità mal-Artikolu 9 ta’ dan ir-Regolament;
jiddeċiedi kull sena dwar l-użu ta’ kull dħul iġġenerat mit-tariffi għas-servizzi kummerċjali msemmija fl-Artikolu 18 ta’ dan ir-Regolament;
japprova t-tnedija tas-sejħiet għal offerti, f’konformità mal-programm ta’ ħidma annwali;
japprova l-offerti magħżula għal finanzjament;
jiddeċiedi dwar il-possibbiltà ta’ trasferiment tas-sjieda tas-supercomputers tal-EuroHPC lil entità tal-hosting, il-bejgħ tagħhom lil entità oħra jew id-dekummissjonar tagħhom, f’konformità mal-Artikoli 11(5), 12(7) u 14(6) ta’ dan ir-Regolament;
jiddeċiedi dwar il-possibbiltà ta’ trasferiment tas-sjieda tas-supercomputers tal-EuroHPC lil konsorzju ta’ sħab privati, dwar il-bejgħ tagħhom lil entità oħra jew dwar id-dekummissjonar tagħhom, f’konformità mal-Artikolu 13(6) ta’ dan ir-Regolament.
Il-Bord tat-Tmexxija għandu jwettaq, b’mod partikolari, il-kompiti li ġejjin relatati mal-attivitajiet tar-riċerka u l-innovazzjoni, kif ukoll l-użu tad-data u l-attivitajiet tal-ħiliet tal-Impriża Konġunta:
jiddiskuti u jadotta l-parti tal-programm strateġiku pluriennali li hija relatata mal-attivitajiet ta’ riċerka u innovazzjoni msemmija fl-Artikolu 18(1) ta’ dawn l-Istatuti fil-bidu tal-inizjattiva u jemendaha tul id-durata kollha tal-Orizzont Ewropa, jekk ikun meħtieġ; il-programm strateġiku pluriennali għandu jidentifika, fost oħrajn, is-sħubijiet Ewropej l-oħra li magħhom l-Impriża Konġunta għandha tistabbilixxi kollaborazzjoni formali u regolari, kif ukoll il-possibbiltajiet għal sinerġiji bejn l-azzjonijiet tal-Impriża Konġunta u l-inizjattivi u l-politiki nazzjonali jew reġjonali bbażati fuq informazzjoni li jirċievu l-Istati Parteċipanti;
jiddiskuti u jadotta l-parti tal-programm ta’ ħidma annwali li hi relatata mal-attivitajiet ta’ riċerka u innovazzjoni u l-istimi tan-nefqa korrispondenti msemmija fl-Artikolu 18(4) ta’ dawn l-Istatuti biex jimplimenta l-programm strateġiku pluriennali, inkluż il-kontenut tas-sejħiet għal proposti; ir-rata ta’ finanzjament applikabbli għal kull suġġett tas-sejħa, kif ukoll ir-regoli relatati mal-proċeduri ta’ preżentazzjoni, ta’ evalwazzjoni, tal-għażla, tal-għoti u ta’ rieżami;
japprova t-tnedija tas-sejħiet għal proposti, f’konformità mal-programm ta’ ħidma annwali;
japprova l-lista ta’ azzjonijiet magħżula għal finanzjament abbażi tar-rakkomandazzjoni tad-Direttur Eżekuttiv skont l-Artikolu 8 ta’ dan ir-Regolament;
ikun responsabbli għall-monitoraġġ mill-qrib u f’waqtu tal-progress tal-programm ta’ riċerka u innovazzjoni tal-Impriża Konġunta u tal-azzjonijiet individwali b’rabta mal-prijoritajiet tal-Kummissjoni u l-programm strateġiku pluriennali u jieħu miżuri korrettivi fejn meħtieġ biex jiżgura li l-Impriża Konġunta tilħaq l-objettivi tagħha.
Il-Bord tat-Tmexxija għandu jwettaq, b’mod partikolari, il-kompiti li ġejjin relatati mal-attivitajiet għall-iżvilupp u t-twessigħ tal-kapaċitajiet tal-Impriża Konġunta:
jiddiskuti u jadotta l-parti tal-programm strateġiku pluriennali li hi relatata mal-iżvilupp u t-twessigħ tal-kapaċitajiet imsemmija fl-Artikolu 18(1) ta’ dawn l-Istatuti;
jiddiskuti u jadotta l-parti tal-programm ta’ ħidma annwali li hi relatata mal-attivitajiet tal-iżvilupp u t-twessigħ tal-kapaċitajiet u l-istimi tan-nefqa korrispondenti msemmija fl-Artikolu 18(4) ta’ dawn l-Istatuti;
japprova t-tnedija tas-sejħiet għal proposti u tas-sejħiet għal offerti, f’konformità mal-programm ta’ ħidma annwali;
japprova l-lista ta’ azzjonijiet magħżula għal finanzjament abbażi tar-rakkomandazzjoni tad-Direttur Eżekuttiv.
Il-Bord tat-Tmexxija għandu, b’mod partikolari, iwettaq il-kompiti li ġejjin relatati mal-federazzjoni u l-konnettività tal-attivitajiet tal-Computing ta’ Prestazzjoni Għolja u tal-infrastruttura tad-data, kif ukoll tal-attivitajiet ta’ kooperazzjoni internazzjonali tal-Impriża Konġunta:
jiddiskuti u jadotta l-parti tal-programm strateġiku pluriennali li huwa relatat mal-federazzjoni u l-konnettività tal-attivitajiet ta’ Computing ta’ Prestazzjoni Għolja u tal-infrastruttura tad-data, kif ukoll l-attivitajiet ta’ kooperazzjoni internazzjonali msemmija fl-Artikolu 18(1) ta’ dawn l-Istatuti;
jiddiskuti u jadotta l-parti tal-programm ta’ ħidma annwali li hi relatata mal-federazzjoni u l-konnettività tal-attivitajiet tal-Computing ta’ Prestazzjoni Għolja u tal-infrastruttura tad-data, kif ukoll mal-attivitajiet ta’ kooperazzjoni internazzjonali u l-istimi tan-nefqa korrispondenti msemmija fl-Artikolu 18(4) ta’ dawn l-Istatuti;
japprova t-tnedija tas-sejħiet għal proposti u tas-sejħiet għal offerti, f’konformità mal-programm ta’ ħidma annwali;
japprova l-lista ta’ azzjonijiet magħżula għal finanzjament abbażi tar-rakkomandazzjoni tad-Direttur Eżekuttiv.
Artikolu 8
Ħatra, tneħħija jew estensjoni tal-mandat tad-Direttur Eżekuttiv
Id-Direttur Eżekuttiv għandu jaħtar il-Bord tat-Tmexxija minn lista ta’ kandidati proposti mill-Kummissjoni, wara proċedura tal-għażla miftuħa u trasparenti.
Għall-fini tal-konklużjoni tal-kuntratt tad-Direttur Eżekuttiv, l-Impriża Konġunta għandha tiġi rrappreżentata mill-president tal-Bord tat-Tmexxija.
Artikolu 9
Kompiti tad-Direttur Eżekuttiv
Id-Direttur Eżekuttiv għandu jwettaq, b’mod partikolari, il-kompiti li ġejjin b’mod indipendenti:
jippreżenta għad-diskussjoni u għall-adozzjoni lill-Bord tat-Tmexxija l-abbozz tal-programm strateġiku pluriennali msemmi fl-Artikolu 18(1) ta’ dawn l-Istatuti;
iħejji u jippreżenta lill-Bord tat-Tmexxija għad-diskussjoni u għall-adozzjoni l-abbozz tal-baġit annwali, inkluż il-programm ta’ stabbiliment tal-persunal korrispondenti filwaqt li jindika l-għadd ta’ pożizzjonijiet temporanji f’kull grad u grupp ta’ funzjonijiet u l-għadd ta’ persunal kuntrattwali u ta’ esperti nazzjonali sekondati espress f’ekwivalenti ta’ ingaġġ full-time;
iħejji u jippreżenta għad-diskussjoni u għall-adozzjoni lill-Bord tat-Tmexxija l-abbozz tal-programm ta’ ħidma annwali, inkluż l-ambitu tas-sejħiet għal proposti, tas-sejħiet għal espressjoni ta’ interess u tas-sejħiet għal offerti meħtieġa għall-implimentazzjoni tal-programm tal-attivitajiet ta’ riċerka u innovazzjoni, tal-programm tal-akkwist, tal-programm tal-attivitajiet tal-iżvilupp u t-twessigħ tal-kapaċitajiet u tal-programm tal-attivitajiet ta’ federazzjoni, ta’ konnettività u ta’ kooperazzjoni internazzjonali, kif propost mill-Bord Konsultattiv Industrijali u Xjentifiku, u l-istimi tan-nefqa korrispondenti, kif propost mill-Istati Parteċipanti u mill-Kummissjoni;
jippreżenta l-kontijiet annwali lill-Bord tat-Tmexxija għall-opinjoni tiegħu;
iħejji u jippreżenta r-rapport annwali kkonsolidat tal-attività għall-approvazzjoni tal-Bord tat-Tmexxija, inkluż l-informazzjoni dwar in-nefqa korrispondenti;
jiffirma l-ftehimiet ta’ għotja, il-kuntratti u d-deċiżjonijiet individwali, li jkunu fil-kompetenza tiegħu f’isem l-Impriża Konġunta;
jiffirma l-kuntratti tal-akkwist;
jimmonitorja t-tħaddim tas-supercomputers tal-EuroHPC li huma proprjetà jew iffinanzjati mill-Impriża Konġunta, inkluż l-allokazzjoni tas-sehem tal-Unjoni tal-ħin tal-aċċess, il-konformità mad-drittijiet tal-aċċess għall-utenti akkademiċi u industrijali, u l-kwalità tas-servizzi mogħtija;
jipproponi l-politika tal-komunikazzjoni tal-Impriża Konġunta lill-Bord tat-Tmexxija;
jorganizza, jidderieġi u jissorvelja l-operazzjonijiet u l-persunal tal-Impriża Konġunta fil-limiti tad-delega mill-Bord tat-Tmexxija kif previst fl-Artikolu 20(2) ta’ dan ir-Regolament;
jistabbilixxi u jiżgura l-funzjonament ta’ sistema effettiva u effiċjenti tal-kontroll intern u jirrapporta kull bidla sinifikanti li ssirilha lill-Bord tat-Tmexxija;
jiżgura li jsiru l-valutazzjoni tar-riskju u l-ġestjoni tar-riskju;
jagħmel l-arranġamenti, kif xieraq, għall-istabbiliment ta’ kapaċità tal-awditjar intern tal-Impriża Konġunta;
jalloka l-ħin tal-aċċess għall-emerġenzi u l-ġestjoni tal-kriżijiet, bi qbil mal-politika ta’ aċċess definita mill-Bord tat-Tmexxija;
jieħu kull miżura oħra meħtieġa għall-valutazzjoni tal-progress tal-Impriża Konġunta biex jintlaħqu l-objettivi tagħha kif stabbilit fl-Artikolu 3 ta’ dan ir-Regolament;
iwettaq kull kompitu ieħor fdat jew delegat lid-Direttur Eżekuttiv mill-Bord tat-Tmexxija.
Id-Direttur Eżekuttiv għandu jwaqqaf Uffiċċju tal-Programm għall-eżekuzzjoni, taħt ir-responsabbiltà tiegħu, tal-kompiti kollha ta’ appoġġ li jirriżultaw minn dan ir-Regolament. L-Uffiċċju tal-Programm għandu jkun magħmul mill-persunal tal-Impriża Konġunta u b’mod partikolari għandu jwettaq dawn il-kompiti li ġejjin:
jappoġġa l-istabbiliment u l-ġestjoni ta’ sistema kontabilistika xierqa skont ir-regoli finanzjarji tal-Impriża Konġunta msemmija fl-Artikolu 19 ta’ dan ir-Regolament;
jimmaniġġa s-sejħiet għal proposti kif previst fil-programm ta’ ħidma annwali u jamministra l-ftehimiet ta’ għotja u d-deċiżjonijiet;
jimmaniġġa s-sejħiet għal offerti kif previsti fil-programm ta’ ħidma annwali u jamministra l-kuntratti;
jimmaniġġa l-proċess tal-għażla tal-entitajiet tal-hosting u jamministra l-ftehimiet ta’ hosting;
jipprovdi lill-membri u lill-korpi l-oħra tal-Impriża Konġunta bl-informazzjoni rilevanti kollha u bl-appoġġ li jeħtieġu biex jaqdu dmirijiethom, u jwieġeb it-talbiet speċifiċi tagħhom;
jaġixxi bħala s-segretarjat tal-korpi tal-Impriża Konġunta u jagħti appoġġ lill-gruppi konsultattivi stabbiliti mill-Bord tat-Tmexxija.
Artikolu 10
Kompożizzjoni tal-Bord Konsultattiv Industrijali u Xjentifiku
Artikolu 11
Funzjonament tal-Grupp Konsultattiv għar-Riċerka u l-Innovazzjoni
Artikolu 12
Funzjonament tal-Grupp Konsultattiv għall-Infrastruttura
Artikolu 13
Kompiti tal-Grupp Konsultattiv għar-Riċerka u l-Innovazzjoni
Il-Grupp Konsultattiv għar-Riċerka u l-Innovazzjoni għandu:
ifassal il-kontribut tiegħu għall-abbozz ta’ programm strateġiku pluriennali fir-rigward tal-attivitajiet ta’ riċerka u innovazzjoni msemmija fl-Artikolu 18(1) ta’ dawn l-Istatuti u jirrieżaminah regolarment f’konformità mal-evoluzzjoni tad-domanda xjentifika u industrijali;
jorganizza konsultazzjonijiet pubbliċi miftuħa għall-partijiet ikkonċernati pubbliċi u privati kollha li jkollhom interess fl-oqsma tal-Computing ta’ Prestazzjoni Għolja u tal-computing kwantistiku, biex jinfurmahom, u jiġbor feedback, dwar l-abbozz tal-programm strateġiku pluriennali u dwar l-abbozz tal-attivitajiet relatati tal-programm ta’ ħidma għar-riċerka u l-innovazzjoni għal sena partikolari.
Il-kontribut għall-programm strateġiku pluriennali msemmi fil-paragrafu 1 għandu jinkludi:
l-aġenda strateġika tar-riċerka u l-innovazzjoni li tidentifika l-prijoritajiet tar-riċerka u l-innovazzjoni għall-iżvilupp u l-adozzjoni ta’ teknoloġiji u applikazzjonijiet tal-utenti finali għall-Computing ta’ Prestazzjoni Għolja f’oqsma differenti ta’ applikazzjoni biex jappoġġaw l-iżvilupp tal-Computing ta’ Prestazzjoni Għolja, tal-computing kwantistiku u ta’ ekosistema tad-data fl-Unjoni, biex iżidu r-reżiljenza tal-Unjoni u biex jgħinu jinħolqu swieq u applikazzjonijiet soċjetali ġodda, u miżuri li jippromwovu l-iżvilupp u l-adozzjoni tat-teknoloġija Ewropea;
attivitajiet potenzjali ta’ kooperazzjoni internazzjonali fir-riċerka u l-innovazzjoni li jżidu l-valur u li jkunu ta’ interess reċiproku;
prijoritajiet ta’ taħriġ u ta’ edukazzjoni biex jiġu indirizzati kompetenzi ewlenin u d-diskrepanza fil-ħiliet fit-teknoloġiji u fl-applikazzjonijiet tal-Computing ta’ Prestazzjoni Għolja u tal-computing kwantistiku, b’mod partikolari għall-industrija.
Artikolu 14
Kompiti tal-Grupp Konsultattiv għall-Infrastruttura
Il-Grupp Konsultattiv għall-Infrastruttura għandu jagħti pariri lill-Bord tat-Tmexxija għall-akkwist u t-tħaddim tas-supercomputers tal-EuroHPC. Għal dak il-għan, għandu:
ifassal il-kontribut tiegħu għall-abbozz ta’ programm strateġiku pluriennali msemmi fl-Artikolu 18(1) ta’ dawn l-Istatuti fir-rigward tal-akkwist ta’ kompjuters tal-EuroHPC u attivitajiet tal-iżvilupp u t-twessigħ tal-kapaċitajiet u jirrieżaminah regolarment skont l-evoluzzjoni tad-domanda xjentifika u industrijali;
jorganizza konsultazzjonijiet pubbliċi miftuħa għall-partijiet ikkonċernati pubbliċi u privati kollha li jkollhom interess fil-qasam tal-Computing ta’ Prestazzjoni Għolja, inkluż il-computing kwantistiku, biex jinfurmahom, u jiġbor feedback, dwar l-abbozz tal-programm strateġiku pluriennali għall-akkwist u t-tħaddim tas-supercomputers tal-EuroHPC u dwar l-abbozz tal-attivitajiet relatati tal-programm ta’ ħidma għal sena partikolari.
Il-kontribut għall-abbozz ta’ programm strateġiku pluriennali msemmi fil-paragrafu 1 għandu jindirizza:
l-akkwist tas-supercomputers tal-EuroHPC filwaqt li jqis, fost l-oħrajn, l-ippjanar tal-akkwist, iż-żidiet fil-kapaċità meħtieġa, it-tipi ta’ applikazzjonijiet u komunitajiet tal-utenti li jridu jiġu indirizzati, ir-rekwiżiti tal-utenti rilevanti u l-arkitetturi tas-sistemi xierqa, ir-rekwiżiti tal-utenti, u l-arkitettura tal-infrastruttura;
il-federazzjoni u l-interkonnessjoni ta’ din l-infrastruttura, filwaqt li jqis, fost l-oħrajn, l-integrazzjoni mal-infrastrutturi nazzjonali tal-Computing ta’ Prestazzjoni Għolja u tal-computing kwantistiku, u l-arkitettura tal-infrastruttura iperkonnessa u federata; u
l-iżvilupp tal-kapaċitajiet, inkluż iċ-Ċentri ta’ Kompetenza tal-Computing ta’ Prestazzjoni Għolja u l-attivitajiet ta’ twessigħ u ta’ taħriġ għall-utenti finali, kif ukoll l-opportunitajiet għall-promozzjoni tal-adozzjoni u tal-użu ta’ soluzzjonijiet teknoloġiċi Ewropej b’mod partikolari miċ-Ċentri ta’ Kompetenza tal-Computing ta’ Prestazzjoni Għolja.
Artikolu 15
Sorsi ta’ finanzjament
Jekk ma tintużax parti mill-kontribuzzjoni tal-Unjoni għall-kostijiet amministrattivi, din tista’ tkun disponibbli biex tkopri l-kostijiet operatorji tal-Impriża Konġunta.
Il-kostijiet operatorji tal-Impriża Konġunta għandhom jiġu koperti b’dawn:
il-kontribuzzjoni finanzjarja tal-Unjoni;
il-kontribuzzjonijiet finanzjarji mingħand l-Istat Parteċipanti fejn tkun stabbilita l-entità tal-hosting jew mingħand l-Istati Parteċipanti f’konsorzju tal-hosting lill-Impriża Konġunta, inkluż il-kontribuzzjonijiet tal-Unjoni li huma meqjusa kontribuzzjonijiet tal-Istati Parteċipanti skont l-Artikolu 15(3) tar-Regolament (UE) 2021/695, għall-akkwist tas-supercomputers tal-EuroHPC jew tal-magni kwantistiċi tal-ogħla livell u għat-tħaddim tagħhom dment li s-sjieda tagħhom tiġi trasferita lill-entità tal-hosting, jinbiegħu jew jiġu dekummissjonati f’konformità mal-Artikoli 11(5) u 12(7) ta’ dan ir-Regolament, li minnhom jitnaqqsu l-kontribuzzjonijiet tal-Impriża Konġunta u kull kontribuzzjoni oħra tal-Unjoni għal dawk il-kostijiet;
kontribuzzjonijiet in natura tal-Istati Parteċipanti fejn l-entità ospitanti hija stabbilita jew tal-Istati Parteċipanti f’konsorzju ospitanti, inkluż il-kontribuzzjonijiet tal-Unjoni li huma meqjusa kontribuzzjonijiet tal-Istati Parteċipanti skont l-Artikolu 15(3) tar-Regolament (UE) 2021/695, magħmula mill-kostijiet operatorji tas-supercomputers tal-EuroHPC ta’ proprjetà tal-Impriża Konġunta, imġarrba mill-entitajiet ospitanti, li minnhom jitnaqqsu l-kontribuzzjonijiet tal-Impriża Konġunta u kwalunkwe kontribuzzjoni oħra tal-Unjoni għal dawk il-kostijiet;
kontribuzzjonijiet finanzjarji tal-Istat Parteċipanti fejn hi stabbilita l-entità tal-hosting jew tal-Istati Parteċipanti f’konsorzju tal-hosting, inkluż il-kontribuzzjonijiet tal-Unjoni li huma meqjusa kontribuzzjonijiet tal-Istati Parteċipanti skont l-Artikolu 15(3) tar-Regolament (UE) 2021/695, magħmula mill-kostijiet imġarrba għall-akkwist, b’mod konġunt mal-Impriża Konġunta, tas-supercomputers tal-EuroHPC ta’ livell medju, li minnhom jitnaqqsu l-kontribuzzjonijiet tal-Impriża Konġunta u kull kontribuzzjoni oħra tal-Unjoni għal dawk il-kostijiet;
il-kontribuzzjonijiet finanzjarji mingħand konsorzju ta’ sħab privati li jikkonsistu mill-kostijiet imġarrba għall-akkwist u t-tħaddim, flimkien mal-Impriża Konġunta, tas-supercomputers tal-EuroHPC ta’ grad industrijali, li minnhom jitnaqqsu l-kontribuzzjonijiet tal-Impriża Konġunta u kull kontribuzzjoni oħra tal-Unjoni għal dawk il-kostijiet, dment li s-sjieda tagħhom tiġi trasferita lill-entità tal-hosting, jinbiegħu jew jiġu dekummissjonati f’konformità mal-Artikolu 13(6) ta’ dan ir-Regolament;
kontribuzzjonijiet finanzjarji mill-Istati Parteċipanti għall-kostijiet eliġibbli mġarrba mill-benefiċjarji stabbiliti f’dak l-Istat Parteċipanti, inkluż il-kontribuzzjonijiet li huma meqjusa kontribuzzjonijiet tal-Istati Parteċipanti skont l-Artikolu 15(3) tar-Regolament (UE) 2021/695, fl-implimentazzjoni ta’ azzjonijiet indiretti li jikkorrispondu mal-aġenda tar-riċerka u l-innovazzjoni bħala komplement għar-rimborż ta’ dawn il-kostijiet magħmula mill-Impriża Konġunta, li minnhom jitnaqqsu l-kontribuzzjonijiet tal-Impriża Konġunta u kull kontribuzzjoni oħra tal-Unjoni għal dawk il-kostijiet. Dawn il-kontribuzzjonijiet għandhom ikunu mingħajr preġudizzju għar-regoli dwar l-għajnuna mill-Istat;
kontribuzzjonijiet in natura mingħand il-Membri Privati jew mingħand l-entitajiet kostitwenti u l-entitajiet affiljati tagħhom kif definit fl-Artikolu 2, il-punti (16) u (17) ta’ dan ir-Regolament.
Ir-riżorsi tal-Impriża Konġunta mdaħħla fil-baġit tagħha għandhom ikunu jikkonsistu minn dawn il-kontribuzzjonijiet:
kontribuzzjonijiet finanzjarji tal-Unjoni għall-kostijiet amministrattivi;
kontribuzzjonijiet finanzjarji tal-membri għall-kostijiet operatorji;
kull dħul iġġenerat mill-Impriża Konġunta;
kull kontribuzzjoni finanzjarja, riżorsa u dħul ieħor.
kull imgħax iġġenerat mill-kontribuzzjonijiet imħallsa lill-Impriża Konġunta għandu jitqies bħala dħul tagħha.
Artikolu 16
Impenji finanzjarji
L-impenji finanzjarji tal-Impriża Konġunta ma għandhomx jaqbżu l-ammont tar-riżorsi finanzjarji disponibbli jew impenjati għall-baġit tagħha mill-membri tagħha. Il-Kummissjoni tista’ tipprovdi impenji pluriennali.
Artikolu 17
Sena finanzjarja
Is-sena finanzjarja għandha tkun mill-1 ta’ Jannar sal-31 ta’ Diċembru.
Artikolu 18
Ippjanar operazzjonali u finanzjarju
Artikolu 19
Rappurtar operazzjonali u finanzjarju
Id-Direttur Eżekuttiv għandu jirrapporta kull sena lill-Bord tat-Tmexxija dwar il-qadi ta’ dmirijietu f’konformità mar-regoli finanzjarji tal-Impriża Konġunta msemmija fl-Artikolu 19 ta’ dan ir-Regolament. Fost l-oħrajn, ir-rapport ikkonsolidat tal-attività annwali għandu jkun fih informazzjoni dwar dawn il-materji:
l-azzjonijiet ta’ riċerka, innovazzjoni u azzjonijiet oħrajn li twettqu, u n-nefqa korrispondenti;
l-akkwist u t-tħaddim tal-infrastruttura, inkluż l-użu tal-infrastruttura u l-aċċess għaliha, fosthom il-ħin tal-aċċess użat effettivament minn kull Stat Parteċipanti;
il-proposti u l-offerti mressqa, inkluż elenku mqassam skont it-tip ta’ parteċipanti, fosthom l-SMEs, u skont il-pajjiż;
l-azzjonijiet indiretti magħżula għal finanzjament, inkluż elenku diżaggregat skont it-tip ta’ parteċipanti, fosthom l-SMEs, u skont il-pajjiż, u li jispeċifika l-kontribuzzjonijiet tal-Impriża Konġunta lill-parteċipanti u l-azzjonijiet individwali;
l-offerti magħżula għal finanzjament, inkluż elenku mqassam skont it-tip ta’ kuntratturi, fosthom l-SMEs, u skont il-pajjiż, u li jispeċifika l-kontribuzzjonijiet tal-Impriża Konġunta lill-kuntratturi u l-azzjonijiet tal-akkwist individwali;
l-eżitu tal-attivitajiet tal-akkwist;
il-progress biex jintlaħqu l-objettivi stabbiliti fl-Artikolu 3 ta’ dan ir-Regolament u proposti għal aktar ħidma meħtieġa biex jintlaħqu dawk l-objettivi.
Artikolu 20
Awditu intern
Artikolu 21
Responsabbiltà tal-membri u assigurazzjoni
Artikolu 22
Kunflitt ta’ interess
Artikolu 23
Stralċ
( 1 ) ĠU L 282, 19.10.2016, p. 4.
( 2 ) ĠU L 56, 4.3.1968, p. 1.
( 3 ) Ir-Regolament tal-Kunsill (Euratom, KE) Nru 2185/96 tal-11 ta’ Novembru 1996 dwar il-verifiki u l-ispezzjonijiet fuq il-post imwettqa mill-Kummissjoni sabiex tipproteġi l-interessi finanzjarji tal-Komunità Ewropea kontra l-frodi u irregolaritajiet oħra (ĠU L 292, 15.11.1996, p. 2).
( 4 ) Ir-Regolament (UE, Euratom) Nru 883/2013 tal-Parlament Ewropew u tal-Kunsill tal-11 ta’ Settembru 2013 dwar investigazzjonijiet immexxija mill-Uffiċċju Ewropew Kontra l-Frodi (OLAF) u li jħassar ir-Regolament tal-Parlament Ewropew u tal-Kunsill (KE) Nru 1073/1999 u r-Regolament tal- Kunsill (Euratom) Nru 1074/1999 (ĠU L 248, 18.9.2013, p. 1).
( 5 ) ĠU L 136, 31.5.1999, p. 15.
( 6 ) Ir-Regolament (KE) Nru 1049/2001 tal-Parlament Ewropew u tal-Kunsill tat-30 ta’ Mejju 2001 dwar l-aċċess pubbliku għad-dokumenti tal-Parlament Ewropew, tal-Kunsill u tal-Kummissjoni (ĠU L 145, 31.5.2001, p. 43).
( 7 ) Ir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data, u li jħassar ir-Regolament (KE) Nru 45/2001 u d-Deċiżjoni Nru 1247/2002/KE (ĠU L 295, 21.11.2018, p. 39).
( 8 ) Id-Deċiżjoni tal-Kunsill 2009/937/UE tal-1 ta’ Diċembru 2009 li tadotta r-Regoli ta’ Proċedura tal-Kunsill (ĠU L 325, 11.12.2009, p. 35).