il-forniment ta’ servizzi tal-ġestjoni tat-traffiku tal-ajru u tan-navigazzjoni bl-ajru (“ATM/ANS”) għat-traffiku tal-ajru ġenerali, b’mod partikolari għall-persuni ġuridiċi jew fiżiċi li jipprovdu dawk is-servizzi u l-funzjonijiet;

l-awtoritajiet kompetenti u l-entitajiet ikkwalifikati li jaġixxu f’isimhom u li jwettqu l-kompiti ta’ ċertifikazzjoni, ta’ sorveljanza u ta’ infurzar fir-rigward tas-servizzi msemmija fil-punt (a);

ir-regoli u l-proċeduri għad-disinn tal-istrutturi tal-ispazju tal-ajru.

id-definizzjonijiet fl-Artikolu 2 tar-Regolament (KE) Nru 549/2004 u fl-Artikolu 3 tar-Regolament (KE) Nru 216/2008, ħlief għad-definizzjoni ta' “ċertifikat” fl-Artikolu 2(15) tar-Regolament (KE) Nru 549/2004;

“fornitur ta’ ATM/ANS” tfisser kwalunkwe persuna ġuridika jew fiżika li tipprovdi kwalunkwe ATM/ANS kif definit fl-Artikolu 3(5) tar-Regolament (UE) 2018/1139, b’mod individwali jew fi grupp, għat-traffiku tal-ajru ġenerali;

“Maniġer tan-Netwerk” tfisser il-korp stabbilit fuq il-bażi tal-Artikolu 6 tar-Regolament (KE) Nru 551/2004 sabiex iwettaq il-kompiti stipulati f'dak l-Artikolu u fl-Artikoli 3 u 4 tar-Regolament (UE) Nru 677/2011;

“servizz pan-Ewropew” tfisser attività li tkun maħsuba u stabbilita għal utenti fi ħdan l-Istati Membri kollha jew fil-biċċa l-kbira minnhom u li tista' testendi wkoll lil hinn mill-ispazju tal-ajru tat-territorju li fih japplika t-Trattat;

“fornitur tas-servizzi tad-data (fornitur DAT)” tfisser organizzazzjoni, li hija:

“disinn ta’ strutturi tal-ispazju tal-ajru” tfisser proċess li jiżgura li l-istrutturi tal-ispazju tal-ajru jkunu mfassla, mistħarrġa u vvalidati kif xieraq qabel ma jitnedew u jintużaw mill-inġenji tal-ajru;

“sistema għall-evitar ta” kolliżjonijiet fl-ajru (ACAS)” tfisser sistema tal-inġenji tal-ajru bbażata fuq sinjali ta’ transponder tar-radar ta’ sorveljanza sekondarju (SSR) li topera indipendentement mit-tagħmir ibbażat fuq l-art sabiex tipprovdi pariri lill-bdot dwar inġenji tal-ajru li potenzjalment jista’ jkollu kunflitt magħhom u li jkunu mgħammra bi transponders SSR;

“entità li toriġina data ajrunawtika u informazzjoni ajrunawtika” tfisser kwalunkwe entità pubblika jew privata responsabbli għall-oriġinar ta’ data ajrunawtika u ta’ informazzjoni ajrunawtika użata bħala sors għal prodotti u servizzi ta’ informazzjoni ajrunawtika. Dawn l-entitajiet ma jinkludux fornituri ta’ ATM/ANS imsemmija fil-punt (2) tal-Artikolu 2 ta’ dan ir-Regolament u l-ajrudromi definiti fil-punt (1)(e) tal-Artikolu 2 tar-Regolament (UE) 2018/1139.

il-fornituri tas-servizzi tat-traffiku tal-ajru jiġu nnotifikati jekk unità militari tosserva li inġenju tal-ajru, li jkun, jew jista’ jkun, inġenju tal-ajru ċivili, ikun qed javviċina, jew daħal fi, kwalunkwe żona li fiha jista’ jkun hemm bżonn li ssir interċettazzjoni;

il-fornitur tas-servizzi tat-traffiku tal-ajru għandu jikkonferma f’koordinazzjoni mill-qrib mal-unità militari l-identità tal-inġenju tal-ajru u jipprovdilu l-gwida navigazzjonali neċessarja sabiex jevita l-bżonn ta’ interċettazzjoni.

għall-fornituri kollha tas-servizz, ir-rekwiżiti stipulati fl-Anness III (Parti-ATM/ANS.OR), is-Subpartijiet A u B, u fl-Anness XIII (Parti-PERS);

għall-fornituri ta' servizzi għajr il-fornituri ta' servizzi tat-traffiku tal-ajru (“ATS”), minbarra r-rekwiżiti tal-punti (a), ir-rekwiżiti stabbiliti fl-Anness III (Parti-ATM/ANS.OR), Subparti C;

għall-fornituri ta' servizzi tan-navigazzjoni bl-ajru (“ANS”), għall-fornituri tal-ġestjoni tal-fluss tat-traffiku tal-ajru (“ATFM”) u għall-Maniġer tan-Netwerk, apparti r-rekwiżiti tal-punti (a), ir-rekwiżiti stabbiliti fl-Anness III (Parti-ATM/ANS.OR), Subparti D;

għall-fornituri tas-servizzi tat-traffiku tal-ajru, minbarra r-rekwiżiti tal-punti (a) u (c), ir-rekwiżiti stabbiliti fl-Anness IV (Parti-ATS) u r-rekwiżiti stabbiliti fir-Regolament (UE) Nru 923/2012;

għall-fornituri ta' servizzi meteoroloġiċi (“MET”), apparti r-rekwiżiti tal-punti (a), (b) u (c), ir-rekwiżiti stabbiliti fl-Anness V (Parti-MET);

għall-fornituri ta' servizzi ta' informazzjoni ajrunawtika (“AIS”), minbarra r-rekwiżiti tal-punti (a), (b) u (c), ir-rekwiżiti stabbiliti fl-Anness VI (Parti-AIS);

għall-fornituri ta' servizzi tad-data (“DAT”), minbarra r-rekwiżiti tal-punti (a) u (b), ir-rekwiżiti stabbiliti fl-Anness VII (Parti-DAT);

għall-fornituri ta' servizzi tal-komunikazzjoni, tan-navigazzjoni jew tas-sorveljanza (“CNS”), minbarra r-rekwiżiti tal-punti (a), (b) u (c) ir-rekwiżiti stabbiliti fl-Anness VIII (Parti-CNS);

għall-fornituri tal-ġestjoni tal-fluss tat-traffiku tal-ajru (“ATFM”), minbarra r-rekwiżiti tal-punti (a), (b) u (c), ir-rekwiżiti stabbiliti fl-Anness IX (Parti-ATFM);

għall-fornituri ta' ġestjoni tal-ispazju tal-ajru (“ASM”), minbarra r-rekwiżiti tal-punti (a) u (b), ir-rekwiżiti stabbiliti fl-Anness X (Parti-ASM);

għall-fornituri tas-servizzi ta’ disinn tal-proċeduri tat-titjiriet, minbarra r-rekwiżiti tal-punti (a) u (b), ir-rekwiżiti stabbiliti fl-Anness XI (Parti-FPD);

għall-Maniġer tan-Netwerk, minbarra r-rekwiżiti tal-punti (a), (b) u (c), ir-rekwiżiti stabbiliti fl-Anness XII (Parti-NM);

l-Artikolu 9(2) għandu japplika mid-data tad-dħul fis-seħħ ta' dan ir-Regolament;

fir-rigward tal-Aġenzija, l-Artikolu 4(1), (2), (5), (6) u (8) u l-Artikolu 5 għandhom japplikaw mid-data tad-dħul fis-seħħ ta' dan ir-Regolament;

fir-rigward tal-fornituri tas-servizzi tad-data, l-Artikolu 6 għandu japplika f'kull każ mill-1 ta' Jannar 2019 u fejn tali fornitur japplika għal u jingħata ċertifikat skont l-Artikolu 6, mid-data tad-dħul fis-seħħ ta' dan ir-Regolament.

“mezzi aċċettabbli ta' konformità (AMC)” tfisser standards mhux vinkolanti adottati mill-Aġenzija sabiex juru l-mezzi li bihom tiġi stabbilita l-konformità mar-Regolament (KE) Nru 216/2008 u mar-regoli ta' implimentazzjoni tiegħu;

“xogħol fl-ajru” tfisser operazzjoni ta' inġenji tal-ajru fejn inġenju tal-ajru jintuża għal servizzi speċjalizzati bħall-agrikoltura, il-kostruzzjoni, il-fotografija, l-istħarriġ, l-osservazzjoni u l-pattulja, it-tfittxija u s-salvataġġ jew ir-reklami fl-ajru;

“sommarju klimatoloġiku tal-ajdurom” tfisser sommarju konċiż tal-elementi meteoroloġiċi speċifiċi f'ajrudrom, abbażi ta' data statistika;

“tabella klimatoloġika tal-ajrudrom” tfisser tabella li tipprovdi data statistika dwar l-okkorrenza osservata ta' element meteoroloġiku wieħed jew iktar f'ajrudrom;

“elevazzjoni tal-ajrudrom” tfisser l-elevazzjoni tal-ogħla punt tal-erja tal-inżul;

“servizz ta’ informazzjoni dwar it-titjir tal-ajrudrom (AFIS)” tfisser servizz ta’ informazzjoni dwar it-titjir għat-traffiku tal-ajrudrom ipprovdut minn fornitur iddeżinjat tas-servizzi tat-traffiku tal-ajru;

“uffiċċju meteoroloġiku tal-ajrudrom” tfisser uffiċċju responsabbli għall-forniment ta' servizz meteoroloġiku għall-ajrudrom;

“twissija tal-ajrudrom” tfisser informazzjoni maħruġa minn uffiċċju meteoroloġiku tal-ajrudrom rigward l-okkorrenza jew l-okkorrenza mistennija ta' kundizzjonijiet meteoroloġiċi li jistgħu jħallu effett ħażin fuq l-inġenji tal-ajru li jkunu fuq l-art, inklużi inġenji tal-ajru pparkjati u fuq il-faċilitajiet u s-servizzi tal-ajrudrom;

“data ajrunawtika” tfisser rappreżentazzjoni ta' fatti, kunċetti jew struzzjonijiet ajrunawtiċi f'għamla formalizzata adattata għall-komunikazzjoni, l-interpretazzjoni jew l-ipproċessar;

“bażi ta' data ajrunawtika” tfisser ġabra ta' data ajrunawtika organizzata u rranġata bħala sett ta' data strutturat, maħżun b'mod elettroniku fuq sistemi, li huwa validu għal perjodu ddedikat u jista' jiġi aġġornat.

“servizz ajrunawtiku fiss (AFS)” tfisser servizz tat-telekomunikazzjoni bejn punti fissi speċifiċi pprovduti qabelxejn għas-sikurezza u n-navigazzjoni bl-ajru u għall-operazzjoni regolari, effiċjenti u ekonomika tas-servizzi bl-ajru;

“netwerk fiss tat-telekomunikazzjoni ajrunawtika (AFTN)” tfisser sistema dinjija ta' ċirkwiti fissi ajrunawtiċi pprovduti, bħala parti mill-AFS, għall-iskambju ta' messaġġi u/jew ta' data diġitali bejn stazzjonijiet ajrunawtiċi fissi li jkollhom l-istess karatteristiċi tal-komunikazzjoni kompatibbli;

“informazzjoni ajrunawtika” tfisser informazzjoni li tirriżulta mill-assemblaġġ, l-analiżi u l-ifformattjar tad-data ajrunawtika;

“data għall-immappjar tal-ajrudromi” tfisser id-data miġbura għall-fini ta' ġbir tal-informazzjoni għall-immappjar tal-ajrudromi.

“bażi ta' data għall-immappjar tal-ajrudromi (AMDB)” tfisser ġabra tad-data għall-immappjar tal-ajrudromi organizzata u rranġata bħala sett ta' data strutturata.

“stazzjon meteoroloġiku ajrunawtiku” tfisser stazzjon li jagħmel osservazzjonijiet u rapporti meteoroloġiċi għall-użu fin-navigazzjoni bl-ajru;

“rapport dwar l-ajru” tfisser rapport minn inġenju tal-ajru waqt titjira mħejji f'konformità mar-rekwiżiti għall-pożizzjoni, u r-rapportar operazzjonali u/jew meteoroloġiku;

“inġenju tal-ajru” tfisser kwalunkwe magna li tista' tikseb sostenn fl-atmosfera mir-reazzjonijiet tal-arja għajr ir-reazzjonijiet tal-arja ma' wiċċ id-dinja;

“AIRMET” tfisser informazzjoni maħruġa minn uffiċċju ta’ osservazzjoni meteoroloġika rigward l-okkorrenza jew l-okkorrenza mistennija ta’ fenomeni speċifikati tat-temp fir-rotta li jistgħu jaffettwaw is-sikurezza ta’ operazzjonijiet ta’ livell baxx tal-inġenji tal-ajru u tal-iżvilupp ta’ dawk il-fenomeni fil-ħin u fl-ispazju, u li ma kinitx diġà inkluża fit-tbassir maħruġ għal titjiriet ta’ livell baxx fir-reġjun ta’ informazzjoni dwar it-titjir ikkonċernat jew subżona tiegħu;

“persunal tal-apparati elettroniċi tas-sikurezza tat-traffiku tal-ajru (ATSEP)” tfisser kwalunkwe persunal awtorizzat li huwa kompetenti sabiex jopera, imantni, jirrilaxxa minn, u jirritorna f'operazzjonijiet apparati tas-sistema funzjonali;

“unità tas-servizzi tat-traffiku tal-ajru” hija terminu ġeneriku li jfisser, skont il-każ, “unità ta' kontroll tat-traffiku tal-ajru”, “ċentru ta' informazzjoni dwar it-titjir”, “unità ta' servizz ta' informazzjoni dwar it-titjir tal-ajrudrom” jew “uffiċċju tar-rappurtar tas-servizzi tat-traffiku tal-ajru”;

“ajrudrom alternattiv” tfisser ajrudrom li jista' jipproċedi lejh inġenju tal-ajru meta jsir impossibbli jew mhux rakkomandabbli li jipproċedi lejn jew li jinżel fl-ajrudrom tal-inżul ippjanat meta jkunu disponibbli s-servizzi u l-faċilitajiet neċessarji, meta jkunu jistgħu jiġu ssodisfati r-rekwiżiti tal-prestazzjoni tal-inġenju tal-ajru u li jkun operazzjonali fil-ħin ta' użu mistenni;

“mezzi alternattivi ta' konformità (AltMOC)” tfisser dawk il-mezzi ta' konformità li jipproponu alternattiva għal AMC eżistenti, jew dawk li jipproponu mezzi ġodda sabiex tkun stabbilita l-konformità mar-Regolament (KE) Nru 216/2008 u mar-Regoli ta' Implimentazzjoni tiegħu, li għaliha ma jkun ġie adottat l-ebda AMC assoċjat mill-Aġenzija;

“altitudni” tfisser id-distanza vertikali ta' livell, ta' punt jew ta' oġġett meqjusin bħala punt, imkejjel mil-livell medju tal-baħar (MSL);

“ċentru ta' kontroll tal-erja (ACC)” tfisser unità stabbilita biex tipprovdi servizz ta' kontroll tat-traffiku tal-ajru lil titjiriet ikkontrollati f'erjas ta' kontroll taħt il-ġurisdizzjoni tagħha;

“tbassir tal-erja għal titjiriet ta' livell baxx” tfisser tbassir ta' fenomeni tat-temp għal reġjun ta' informazzjoni dwar it-titjir jew subżona tiegħu, maħruġ sabiex ikopri s-saff ta' taħt il-livell 100 tat-titjira (jew inqas mil-livell 150 tat-titjira f'żoni muntanjużi, jew ogħla, jekk ikun hemm bżonn);

“navigazzjoni tal-erja (RNAV)” tfisser metodu ta' navigazzjoni li jippermetti t-tħaddim ta' inġenji tal-ajru fi kwalunkwe rotta mixtieqa tat-titjira sa fejn ilaħħqu l-għajnuniet ta' navigazzjoni bbażati fuq l-art jew fl-ispazju jew fil-limiti tal-kapaċità ta' għajnuniet awtonomi, jew b'taħlita ta' dawn;

“argument” tfisser dikjarazzjoni li tkun sostnuta b'inferenzi minn korp ta' evidenza;

“ASHTAM” tfisser serje speċjali ta' NOTAM li jinnotifikaw permezz ta' format speċifiku ta' bidla fl-attività ta' vulkan, żbroff ta' vulkan u/jew sħaba ta' rmied volkaniku li hija ta' importanza għall-operazzjonijiet tal-inġenji tal-ajru;

“Funzjonijiet tan-netwerk tal-ATM” tfisser il-funzjonijiet imwettqin mill-Maniġer tan-Netwerk skont ir-Regolament (UE) Nru 677/2011;

“awditu” tfisser proċess sistematiku, indipendenti u ddokumentat sabiex tinkiseb evidenza u sabiex din tiġi evalwata b'mod oġġettiv sabiex jiġi deċiż sa fejn huma ssodisfati r-rekwiżiti;

“sors awtoritattiv” tfisser:

“sistema ta' osservazzjoni awtomatika” tfisser sistema ta' osservazzjoni li tkejjel, tikseb u tirrapporta l-elementi meħtieġa kollha mingħajr interazzjoni umana;

“impriża tal-avjazzjoni” tfisser entità, persuna jew organizzazzjoni, għajr il-fornituri ta' servizzi rregolati minn dan ir-Regolament, li hija affettwata minn jew taffettwa servizz fornut minn fornitur ta' servizz;

“pawża” tfisser perjodu ta' żmien fil-perjodu tax-xogħol li fih kontrollur tat-traffiku tal-ajru mhuwiex meħtieġ li jaħdem, għal skopijiet ta' rkupru;

“applikazzjoni tal-inġenju tal-ajru ċċertifikata” tfisser applikazzjoni ta' softwer approvata mill-Aġenzija bħala parti mill-inġenju tal-ajru soġġett għall-Artikolu 4 tar-Regolament (KE) Nru 216/2008;

“sħaba ta’ importanza operazzjonali” tfisser sħaba bl-għoli tal-bażi tas-sħab taħt 5 000 pied jew taħt l-ogħla altitudni minima tas-settur, liema minnhom ikun l-akbar, jew sħaba kumulonimbu (cumulonimbus) jew sħaba kumulu (cumulus) għolja fi kwalunkwe għoli;

“trasport kummerċjali bl-ajru (CAT)” tfisser kwalunkwe operazzjoni tal-inġenju tal-ajru li tinvolvi t-trasport ta' passiġġieri, merkanzija jew posta bi ħlas jew kumpens ieħor ta' valur;

“rotta tan-navigazzjoni konvenzjonali” tfisser rotta tal-ATS stabbilita b’referenza għall-għajnuniet tan-navigazzjoni fuq l-art;

“erja ta' kontroll” tfisser spazju tal-ajru kontrollat li jestendi 'l fuq minn limitu speċifiku 'l fuq minn wiċċ id-dinja;

“stress minn inċident kritiku” tfisser il-manifestazzjoni ta' reazzjonijiet emozzjonali, fiżiċi u/jew fl-imġiba mhux tas-soltu u/jew estremi minn individwu wara li jseħħ avveniment jew inċident;

“kwalità tad-data” tfisser grad jew livell ta' kunfidenza li d-data pprovduta tissodisfa r-rekwiżiti tad-data tal-utent f'termini ta' preċiżjoni, riżoluzzjoni, integrità (jew livell ekwivalenti ta' garanzija), traċċabilità, puntwalità, kompletezza u format;

“rekwiżiti tal-kwalità tad-data (DQRs)” tfisser speċifikazzjoni tal-karatteristiċi tad-data (jiġifieri preċiżjoni, riżoluzzjoni, integrità (jew livell ekwivalenti ta' garanzija), traċċabilità, puntwalità, kompletezza u format) sabiex jiġi żgurat li d-data hija kompatibbli mal-użu intiż tagħha;

“alternattiva ta' destinazzjoni” tfisser ajrudrom alternattiv li fih ikun jista' jinżel inġenju tal-ajru jekk isir impossibbli jew mhux rakkomandat li jinżel fl-ajrudrom tal-inżul maħsub;

“dmir” tfisser kwalunkwe kompitu li kontrollur tat-traffiku tal-ajru huwa meħtieġ iwettaq mill-fornitur ta' servizz ta' kontroll tat-traffiku bl-ajru;

“perjodu ta' xogħol” tfisser perjodu li jibda meta kontrollur tat-traffiku tal-ajru jkun meħtieġ mill-fornitur tas-servizz ta' kontroll tat-traffiku tal-ajru li jirrapporta għal jew ikun disponibbli sabiex jibda x-xogħol u jintemm meta l-kontrollur tat-traffiku tal-ajru jkun lest minn xogħlu;

“elevazzjoni” tfisser id-distanza vertikali ta' punt jew livell, fuq jew b'rabta mal-wiċċ tad-dinja, imkejjel mil-livell medju tal-baħar;

“alternattiv fir-rotta” tfisser ajrudrom alternattiv li fih ikun jista' jinżel inġenju tal-ajru f'każ li diverżjoni ssir neċessarja meta jkun fir-rotta;

“għeja” tfisser stat psikoloġiku ta' kapaċità ta' prestazzjoni mentali jew fiżika mnaqqsa li tirriżżulta minn nuqqas ta' rqad jew dgħufija estiża, fażi ċirkadjana jew volum ta' xogħol (attività mentali jew fiżika, jew it-tnejn) li jista' jtellef il-prontezza ta' individwu u l-ħila tiegħu sabiex iwettaq xogħlu b'mod sikur;

“dokumentazzjoni tat-titjira” tfisser dokumenti, inklużi ċarts jew formoli, li fihom informazzjoni meteoroloġika għal titjira;

“ċentru ta' informazzjoni dwar it-titjir (FIC)” tfisser unità stabbilita sabiex tipprovdi servizz ta' informazzjoni dwar it-titjir u servizz ta' twissija;

“reġjun ta' informazzjoni dwar titjir (FIR)” tfisser spazju tal-ajru b'dimensjonijiet iddefiniti li fihom ikunu pprovduti servizz ta' informazzjoni dwar it-titjir u servizz ta' twissija;

“livell tat-titjira (FL)” tfisser superfiċje ta' pressjoni atmosferika kostanti li hija relatata ma' datum speċifiku ta' pressjoni, 1 013,2 hectopascals (hPa), u hija sseparata minn superfiċji oħrajn bħal dawn b'intervalli speċifiċi ta' pressjoni;

“test tat-titjira” tfisser titjira għall-fażi ta' żvilupp ta' disinn ġdid (inġenji tal-ajru, sistemi ta' propulsjoni, partijiet u apparati)“, titjira sabiex tintwera konformità mal-bażi ta' ċertifikazzjoni jew mad-disinn ta' tip għal inġenji tal-ajru li jiġu mil-linja ta' produzzjoni, titjira maħsuba sabiex jiġu sperimentati kunċetti ta' disinni ġodda, li jeħtieġu manuvri jew profili mhux konvenzjonali li għalihom ikun possibbli li wieħed joħroġ mill-pakkett diġà approvat ta' inġenju tal-ajru, jew titjira ta' taħriġ biex jitwettqu waħda minn dawn it-titjiriet”;

“tbassir” tfisser stqarrija tal-kundizzjonijiet meteoroloġiċi mistennija għal ħin jew perjodu speċifikat, u għal erja jew parti speċifikata tal-ispazju tal-ajru;

“tbassir għat-tlugħ” tfisser tbassir għal perjodu speċifikat ta' żmien, imħejji minn uffiċċju meteoroloġiku ta' ajrudrom, li fih informazzjoni dwar il-kundizzjonijiet mistennijin fuq il-kumpless tar-runways fir-rigward tad-direzzjoni tar-riħ qrib l-art u l-veloċità tar-riħ u kwalunkwe varjazzjoni fihom, it-temperatura, il-pressjoni (QNH) u kwalunkwe element ieħor miftiehem lokalment;

“sistema funzjonali” tfisser taħlita ta' proċeduri, riżorsi umani u tagħmir, inklużi ħardwer u softwer, organizzati sabiex iwettqu funzjoni fi ħdan il-kuntest tal-ATM/ANS u funzjonijiet oħrajn tan-netwerk tal-ATM;

“avjazzjoni ġenerali” tfisser kwalunkwe operazzjoni b'inġenji tal-ajru ċivili minbarra xogħol fl-ajru jew trasport kummerċjali bl-ajru;

“data tal-punt ta' grilja f'forma diġitali” tfisser data meteoroloġika pproċessata bil-kompjuter għal sett ta' punti b'intervalli regolari fuq ċart, għat-trażmissjoni minn kompjuter meteoroloġiku lil kompjuter ieħor f'forma ta' kodiċi xierqa għal użu awtomatizzat;

“materjal ta' gwida (GM)” tfisser materjal mhux vinkolanti żviluppat mill-Aġenzija li jgħin fit-tifsira ta' rekwiżit jew speċifikazzjoni, u li jintuża biex jgħin fl-interpretazzjoni tar-Regolament (KE) Nru 216/2008, u r-regoli ta' implimentazzjoni tiegħu u l-AMC;

“tbassir globali fi grilja” tfisser tbassir ta' valuri mistennijin ta' elementi meteoroloġiċi fuq grilja globali b'riżoluzzjoni vertikali u orizzontali definita;

“periklu” tfisser kwalunkwe kundizzjoni, avveniment, jew ċirkustanza li jistgħu jikkaġunaw effett ta' ħsara;

“għoli” tfisser id-distanza vertikali ta' livell, ta' punt jew ta' oġġett meqjus bħala punt, imkejjel minn datum speċifikat;

“livell” tfisser terminu ġeneriku relatat mal-pożizzjoni vertikali ta' inġenju tal-ajru li qed itir u tista' tfisser l-għoli, l-altitudni jew il-livell tat-titjira;

“rapport ta' rutina lokali” tfisser rapport meteoroloġiku maħruġ f'intervalli ta' żmien fissi, maħsub biss għad-disseminazzjoni fl-ajrudrom ta' oriġini fejn saru l-osservazzjonijiet;

“rapport speċjali lokali” tfisser rapport meteoroloġiku maħruġ skont il-kriterji stabbiliti għal osservazzjonijiet speċjali, maħsub biss għad-disseminazzjoni fl-ajrudrom ta' oriġini fejn saru l-osservazzjonijiet;

“bulettin meteoroloġiku” tfisser test li fih informazzjoni meteoroloġika ppreċeduta minn intestatura xierqa;

“informazzjoni meteoroloġika” tfisser rapport, analiżi, tbassir meteoroloġiċi, u kwalunkwe dikjarazzjoni oħra marbuta ma' kundizzjonijiet meteoroloġiċi eżistenti jew mistennijin;

“osservazzjoni meteoroloġika” tfisser il-kejl u/jew l-evalwazzjoni ta' element meteoroloġiku wieħed jew iktar;

“rapport meteoroloġiku” tfisser dikjarazzjoni ta' kundizzjonijiet meteoroloġiċi osservati marbutin ma' ħin u post speċifiċi;

“satellita meteoroloġika” tfisser satellita artifiċjali tad-Dinja li tagħmel osservazzjonijiet meteoroloġiċi u tibgħat dawn l-osservazzjonijiet lejn id-Dinja;

“uffiċċju ta’ osservazzjoni meteoroloġika (MWO)” tfisser uffiċċju li jissorvelja l-kundizzjonijiet meteoroloġiċi li jaffettwaw l-operazzjonijiet ta’ titjir u jipprovdi informazzjoni dwar l-okkorrenza jew l-okkorrenza mistennija ta’ fenomeni tat-temp speċifikati fir-rotta u ta’ fenomeni oħra fl-atmosfera li jistgħu jaffettwaw is-sikurezza tal-operazzjonijiet tal-inġenji tal-ajru fi ħdan l-erja ta’ responsabbiltà tiegħu;

“altitudni minima tas-settur (MSA)” tfisser l-inqas altitudni li tista' tintuża u li se tipprovdi qtugħ minimu ta' 300 m (1 000  ft) 'il fuq mill-oġġetti kollha li jinsabu f'żona li tinsab fi ħdan settur ta' ċirklu ta' radju ta' 46 km (25 NM) iffokat fuq punt sinifikanti, il-punt ta' riferiment tal-ajrudrom (ARP) jew il-punt ta' riferiment tal-ħeliport (HRP);

“NOTAM” tfisser avviż imqassam permezz tat-telekomunikazzjoni li jkun fih informazzjoni dwar l-istabbiliment, il-kundizzjoni ta' jew tibdil fi kwalunkwe faċilità, servizz, proċedura jew periklu ajrunawtiku, li l-għarfien dwaru fiż-żmien opportun huwa essenzjali għall-persunal relatat mal-operazzjonijiet ta' titjir;

“ostaklu” tfisser l-oġġetti kollha mwaħħla (kemm jekk b'mod temporanju kif ukoll b'mod permanenti) u dawk mobbli, jew partijiet minnhom, li jkunu:

“OPMET” tfisser informazzjoni meteoroloġika operazzjonali li tintuża fl-ippjanar preparatorju jew matul it-titjira tal-operazzjonijiet ta' titjir;

“Bank tad-data OPMET” tfisser bank tad-data stabbilit sabiex jaħżen u jqiegħed għad-dispożizzjoni informazzjoni meteoroloġika operazzjonali f'livell internazzjonali għal użu ajrunawtiku;

“attività vulkanika qabel l-iżbroff” tfisser attività volkanika mhux tas-soltu u/jew li qiegħda tiżdied li tista' tkun preludju ta' żbroff ta' vulkan;

“viżibbiltà prevalenti” tfisser l-ikbar valur ta' viżibbiltà, osservat skont id-definizzjoni ta'“viżibbiltà”, li jintlaħaq fi ħdan tal-inqas nofs taċ-ċirku tax-xefaq jew tal-inqas fi ħdan nofs is-superfiċje tal-ajrudrom. Dawn l-erjas jistgħu jinkludu setturi kontigwi jew mhux kontingwi;

“użu problematiku ta' sustanzi psikoattivi” tfisser l-użu ta' sustanza psikoattiva waħda jew iktar minn individwu, b'mod li:

“ċart ta' pronjożi” tfisser tbassir ta' (a) elementi meteoroloġiċi speċifiċi għal ħin jew perjodu speċifiku u superfiċje speċifikata jew sehem speċifikat ta' spazju tal-ajru, muri b'mod grafiku fuq ċart;

“sustanzi psikoattivi” tfisser alkoħol, opjojdi, kannabinojdi, sedativi u ipnotiċi, kokaina, psikostimulanti oħrajn, alluċinoġeni u solventi volatili, filwaqt li l-kaffeina u t-tabakk huma esklużi;

“ċentru ta' koordinazzjoni tas-salvataġġ (RCC)” tfisser unità responsabbli għall-promozzjoni tal-organizzazzjoni effiċjenti tas-servizzi ta' tiftix u salvataġġ, u għall-koordinazzjoni tat-twettiq ta' operazzjonijiet ta' tiftix u salvataġġ fi ħdan reġjun ta' tiftix u salvataġġ;

“perjodu ta' mistrieħ” tfisser perjodu kontigwu u definit ta' żmien, wara u/jew qabel ma jibda l-ħin tax-xogħol, li matulu kontrollur tat-traffiku tal-ajru jkun ħieles minn kull dmir;

“sistema ta' roster” tfisser l-istruttura tal-perjodi tax-xogħol u ta' mistrieħ tal-kontrolluri tat-traffiku tal-ajru skont ir-rekwiżiti legali u operazzjonali;

“riskju” tfisser il-kombinament tal-probabbiltà globali, jew il-frekwenza tal-okkorrenza ta' effett li jagħmel il-ħsara kkaġunat minn periklu u s-severità ta' dak l-effett;

“runway” tfisser erja rettangolari ddefinita f'ajrudrom fuq l-art ippreparata għall-inżul u għat-tlugħ tal-inġenji tal-ajru;

“medda viżwali tar-runway (RVR)” tfisser il-medda li minn fuqha l-bdot ta' inġenju tal-ajru li jinsab fuq il-linja taċ-ċentru ta' runway jista' jara l-immarkar fuq is-superfiċje tar-runway jew id-dwal li jiddelinjaw ir-runway jew li jidentifikaw il-linja taċ-ċentru tagħha;

“direttiva dwar is-sikurezza” tfisser dokument maħruġ jew adottat minn awtorità kompetenti li jordna liema azzjonijiet għandhom jitwettqu fuq sistema funzjonali jew jistabbilixxi restrizzjonijiet fuq l-użu operazzjonali tagħha sabiex terġa' tiġi stabbilita s-sikurezza, f'każijiet meta jkun hemm xhieda li turi li inkella s-sikurezza tal-avjazzjoni tista' tiġi kompromessa;

“sistema għall-ġestjoni tas-sikurezza (SMS)” tfisser approċċ sistematiku għall-ġestjoni tas-sikurezza li jinkludi l-istrutturi organizzattivi neċessarji, ir-responsabbiltajiet, il-politiki u l-proċeduri;

“unità tas-servizzi ta' tiftix u salvataġġ” hija terminu ġeneriku li tkopri, skont il-każ, ċentru ta' koordinazzjoni tas-salvataġġ, subċentru tas-salvataġġ jew stazzjon ta' twissija;

“sistema ta' osservazzjoni semiawtomatika” tfisser sistema ta' osservazzjoni li tippermetti li jiżdiedu l-elementi mkejlin u teħtieġ bniedem fil-loop sabiex joħroġ ir-rapporti xierqa;

“SIGMET” tfisser informazzjoni maħruġa minn uffiċċju ta’ osservazzjoni meteoroloġika rigward l-okkorrenza jew l-okkorrenza mistennija ta’ fenomeni speċifikati tat-temp fir-rotta u ta’ fenomeni oħra fl-atmosfera li jistgħu jaffettwaw is-sikurezza ta’ operazzjonijiet tal-inġenji tal-ajru u dwar l-iżvilupp ta’ dawk il-fenomeni fil-ħin u l-ispazju;

“ajrurapport speċjali” tfisser rapport meteoroloġiku minn inġenju tal-ajru maħruġ skont il-kriterji fuq il-bażi ta' osservazzjonijiet li jsiru matul it-titjira;

“stress” tfisser l-eżiti esperjenzati minn individwu meta affaċċjat b'kawża potenzjali (“stressant”) ta' modifika fil-prestazzjoni tal-bniedem. L-esperjenza tal-istressant tista' tħalli impatt fuq il-prestazzjoni tal-individwu b'mod negattiv (distress), b'mod newtrali jew pożittiv (ewstress), skont il-perċezzjoni tal-individwu tal-ħila tiegħu stess li jkampa taħt l-istressant;

“taħriġ ta klassifikazzjoni tas-sistemi u t-tagħmir” tfisser taħriġ imfassal sabiex jagħti għarfien speċifiku dwar is-sistema/it-tagħmir u l-ħiliet li jwasslu għal kompetenza operazzjonali;

“data mfassla” tfisser data ajrunawtika li hija pprovduta mill-operatur tal-inġenju tal-ajru jew il-fornitur tad-DAT f'isem l-operatur tal-inġenju tal-ajru u prodott għal dan l-operatur tal-inġenju tal-ajru għall-użu operazzjonali intiż tiegħu;

“ajrudrom alternattiv għat-tlugħ” tfisser ajrudrom alternattiv li fih ikun jista’ jinżel l-inġenju tal-ajru jekk dan ikun meħtieġ ftit wara t-tlugħ u f’każ li ma jkunx possibbli li jintuża l-ajrudrom tat-tluq;

“tbassir tal-ajrudrom terminali (TAF)” tfisser dikjarazzjoni konċiża tal-kundizzjonijiet meteoroloġiċi mistennijin f'ajrudrom għal perjodu speċifikat;

“terren” tfisser is-superfiċje tad-Dinja li turi karatteristiċi naturali bħal muntanji, għoljiet, promontorji, widien, ilmijiet, silġ permanenti u borra, u li ma tinkludix ostakli;

“limitu” tfisser il-bidu ta' dik il-parti tar-runway li tista' tintuża għal inżul;

“żona tal-ewwel kuntatt mal-art” tfisser il-parti ta' runway, wara l-limitu, li fiha huwa maħsub li l-ajruplani li jinżlu sejrin imissu l-ewwel mar-runway;

“ċiklu tropikali” hija terminu ġenerali għal ċiklu ta' skala sinottika mhux frontali li joriġina fuq ilmijiet tropikali jew subtropikali b'konvezzjoni organizzata u ċirkulazzjoni tar-riħ qrib l-art ċiklonika definita;

“ċentru konsultattiv dwar iċ-ċiklun tropiku (TCAC)” tfisser ċentru meteoroloġiku li jipprovdi informazzjoni ta' notifika lil uffiċċji ta' osservazzjoni meteoroloġika, ċentri ta' tbassir tal-erjas madwar id-dinja u banek ta' data OPMET internazzjonali rigward il-pożizzjoni, id-direzzjoni mbassra u l-veloċità tal-moviment, il-pressjoni ċentrali u r-riħ qrib l-art massimu taċ-ċikluni tropikali;

“viżibilità” tfisser il-viżibilità għal finijiet ajrunawtiċi li hija l-ikbar minn:

“ċentru ta’ notifika dwar l-irmied vulkaniku (VAAC)” tfisser ċentru meteoroloġiku li jipprovdi informazzjoni ta’ notifika lil uffiċċji ta’ osservazzjoni meteoroloġika, ċentri ta’ kontroll taż-żona, ċentri ta’ informazzjoni dwar it-titjir, ċentri ta’ tbassir taż-żoni madwar id-dinja u banek ta’ data OPMET internazzjonali rigward il-firxa laterali u vertikali u l-moviment imbassar tal-irmied vulkaniku fl-atmosfera;

“Ċentru tat-Tbassir tal-Erjas Madwar id-Dinja (WAFC)” tfisser ċentru meteoroloġiku li jħejji u joħroġ tbassiriet importanti tat-temp (SIGWX) u tbassiriet tal-ajru ta’ fuq f’forma diġitali fuq bażi globali direttament lill-Istati Membri bħala parti mis-servizzi bbażati fuq l-Internet tas-servizz ajrunawtiku fiss (AFS);

“sistema tat-tbassir tal-erjas madwar id-dinja (WAFS)” tfisser sistema madwar id-dinja li biha ċ-ċentri ta' tbassir tal-erjas madwar id-dinja jipprovdu tbassiriet meteoroloġiċi ajrunawtiċi fir-rotta f'formats standardizzati uniformi;

“torri ta” kontroll ta’ ajrudrom’ tfisser unità stabbilita sabiex tipprovdi servizz ta’ kontroll tat-traffiku tal-ajru għat-traffiku tal-ajrudrom;

“traffiku tal-ajrudrom” tfisser it-traffiku kollu fuq l-erja ta’ mmanuvrar ta’ ajrudrom u l-inġenji tal-ajru kollha li jkunu qed itiru fil-viċinanzi ta’ ajrudrom. Inġenju tal-ajru li jkun qed jopera fil-viċinanzi ta’ ajrudrom jinkludi, imma mhuwiex limitat għall-inġenji tal-ajru li jidħlu jew joħorġu minn ċirkwit tat-traffiku tal-ajrudrom;

“ċirkwit tat-traffiku tal-ajrudrom” tfisser il-perkors speċifikat li fih għandu jtir inġenju tal-ajru li qed jopera fil-viċinanzi ta’ ajrudrom;

“stazzjon ajrunawtiku” tfisser stazzjon fis-servizz fiss ajrunawtiku;

“dawl ajrunawtiku fuq l-art” tfisser kwalunkwe dawl speċifikament ipprovdut bħala għajnuna għan-navigazzjoni bl-ajru, għajr dawl muri fuq inġenju tal-ajru;

“ċirkulari tal-informazzjoni ajrunawtika (AIC)” tfisser avviż li fih informazzjoni li ma tikkwalifikax għall-organizzazzjoni ta’ NOTAM jew għall-inklużjoni fil-pubblikazzjoni ta’ informazzjoni ajrunawtika, iżda li hija relatata mas-sigurtà tat-titjira, man-navigazzjoni bl-ajru, ma’ kwistjonijiet tekniċi, amministrattivi jew leġiżlattivi;

“ġestjoni tal-informazzjoni ajrunawtika (AIM)” tfisser il-ġestjoni dinamika u integrata ta’ informazzjoni ajrunawtika permezz tal-provvista u tal-iskambju ta’ data ajrunawtika diġitali ta’ kwalità garantita f’kollaborazzjoni mal-partijiet kollha;

“prodott ta’ informazzjoni ajrunawtika” tfisser data ajrunawtika u informazzjoni ajrunawtika pprovduti jew bħala settijiet ta’ data diġitali jew bħala preżentazzjoni standardizzata fuq mezzi stampati jew elettroniċi. Il-prodotti ta’ informazzjoni ajrunawtika jinkludu:

“pubblikazzjoni ta’ informazzjoni ajrunawtika (AIP)” tfisser pubblikazzjoni maħruġa minn jew bl-awtorità ta’ Stat u li jkun fiha informazzjoni ajrunawtika ta’ natura dejjiema essenzjali għan-navigazzjoni bl-ajru;

“emenda għall-AIP” tfisser tibdil permanenti fl-informazzjoni li tinsab fl-AIP;

“suppliment għall-AIP” tfisser tibdil temporanju fl-informazzjoni li tinsab fl-AIP, li jiġi pprovdut permezz ta’ paġni speċjali;

“regolamentazzjoni u kontroll tal-informazzjoni ajrunawtika” (AIRAC) tfisser sistema mmirata lejn notifika avvanzata, fuq il-bażi ta’ dati effettivi komuni, ta’ ċirkustanzi li jeħtieġu tibdiliet sinifikanti fil-prattiki operazzjonali;

“servizz mobbli ajrunawtiku” tfisser servizz mobbli bejn stazzjonijiet ajrunawtiċi u stazzjonijiet tal-inġenji tal-ajru, jew bejn stazzjonijiet tal-inġenji tal-ajru, fejn jistgħu jipparteċipaw stazzjonijiet ta’ inġenji ta’ sopravivenza; f’dan is-servizz jistgħu jipparteċipaw anki stazzjonijiet ta’ sinjali bir-radju li jindikaw pożizzjoni ta’ emerġenza fuq frekwenzi ta’ periklu u ta’ emerġenza deżinjati;

“stazzjon ajrunawtiku” tfisser stazzjon fuq l-art fis-servizz mobbli ajrunawtiku. F’ċerti każijiet, stazzjon ajrunawtiku jista’ jkun qiegħed, pereżempju, abbord bastiment jew fuq pjattaforma fuq il-baħar;

“stazzjoni tat-telekomunikazzjoni ajrunawtika” tfisser stazzjoni f’servizz tat-telekomunikazzjoni pprovdut għal kwalunkwe skop ajrunawtiku;

“ajrudrom tal-AFIS” tfisser ajrudrom fejn l-AFIS jiġi pprovdut fi ħdan l-ispazju tal-ajru assoċjat mat-tali ajrudrom;

“unità tal-AFIS” tfisser unità stabbilita sabiex tipprovdi AFIS u servizz ta’ twissija;

“identifikazzjoni tal-inġenju tal-ajru” tfisser grupp ta’ ittri, ċifri jew taħlita ta’ dawn li tkun identifika għas-sinjal tas-sejħa tal-inġenju tal-ajru, jew l-ekwivalenti kodifikat ta’ dan, li jrid jintuża fil-komunikazzjonijiet mill-ajru għall-art, u li jintuża għall-identifikazzjoni tal-inġenju tal-ajru f’komunikazzjonijiet għas-servizzi tat-traffiku tal-ajru mill-art għall-art;

“komunikazzjoni mill-ajru għall-art” tfisser komunikazzjoni bidirezzjonali bejn inġenji tal-ajru u stazzjonijiet jew postijiet fuq wiċċ id-dinja;

“servizz ta’ notifika dwar it-traffiku tal-ajru” tfisser servizz ipprovdut fi ħdan spazju tal-ajru ta’ dimensjonijiet definiti, jew f’rotta ddeżinjata (spazju tal-ajru tan-notifika) sabiex tiġi żgurata s-separazzjoni, sa fejn din hija prattika, bejn l-inġenji tal-ajru li qegħdin joperaw fuq pjanijiet tat-titjiriet skont ir-regoli tat-titjir bl-istrumenti (IFR);

“l-awtorizzazzjoni tal-kontroll tat-traffiku tal-ajru” jew “awtorizzazzjoni tal-ATC” tfisser awtorizzazzjoni għal inġenju tal-ajru sabiex jipproċedi skont il-kundizzjonijiet speċifikati mill-unità ta’ kontroll tat-traffiku tal-ajru;

“istruzzjoni tal-kontroll tat-traffiku tal-ajru” jew “istruzzjoni tal-ATC” tfisser direttivi maħruġa mill-ATC bl-iskop li jitolbu lil bdot jieħu azzjoni speċifika;

“unità ta’ kontroll tat-traffiku tal-ajru (ATC)” jew “unità tal-ATC” hija terminu ġeneriku li jfisser, skont il-każ, ċentru ta’ kontroll taż-żona, unità ta’ kontroll tal-avviċinament jew torri ta’ kontroll tal-ajrudrom;

“ALERFA” hija l-kelma kodiċi użata għad-deżinjazzjoni ta’ fażi ta’ twissija;

“servizz ta’ twissija” tfisser servizz ipprovdut sabiex jiġu nnotifikati l-organizzazzjonijiet xierqa dwar inġenji tal-ajru li jeħtieġu għajnuna ta’ tiftix u salvataġġ, u sabiex jiġu assistiti tali organizzazzjonijiet skont il-ħtieġa;

“fażi ta’ twissija” tfisser sitwazzjoni li fiha teżisti apprensjoni rigward is-sikurezza ta’ inġenju tal-ajru u tal-okkupanti tiegħu;

“unità ta” kontroll tal-avviċinament’ tfisser unità stabbilita sabiex tipprovdi servizz ta’ kontroll tat-traffiku tal-ajru lil titjiriet ikkontrollati li jaslu f’ajrudrom wieħed jew aktar jew li jitlqu minnhom;

“rotta ta’ navigazzjoni tal-erja” tfisser rotta tal-ATS stabbilita għall-użu ta’ inġenju tal-ajru li kapaċi jħaddem navigazzjoni tal-erja;

“assemblaġġ” tfisser proċess ta’ tgħaqqid tad-data minn diversi sorsi f’bażi ta’ data u l-istabbiliment ta’ xenarju bażi għall-ipproċessar sussegwenti;

“rotta ATS” tfisser rotta speċifikata ddisinjata sabiex il-fluss tat-traffiku jkun dirett kif meħtieġ għall-provvista tal-ATS;

“servizz ta’ sorveljanza tal-ATS” tfisser servizz ipprovdut direttament permezz ta’ sistema ta’ sorveljanza tal-ATS;

“sistema ta’ sorveljanza tal-ATS” tfisser terminu ġeneriku b’tifsira li tvarja ta’ ADS-B, PSR, SSR jew kwalunkwe sistema komparabbli bbażata fuq l-art li tippermetti li jiġi identifikat l-inġenju tal-ajru;

“sorveljanza dipendenti awtomatika fil-funzjoni tax-xandir (ADS-B)” tfisser mezz li permezz tiegħu inġenji tal-ajru, vetturi tal-ajrudrom u oġġetti oħrajn jistgħu awtomatikament jittrażmettu jew jirċievu, jew jittrażmettu u jirċievu data bħal data dwar identifikazzjoni, pożizzjoni u data addizzjonali, kif ikun xieraq, f’modalità ta’ xandir permezz ta’ kollegament tad-data;

“sorveljanza dipendenti awtomatika fil-funzjoni tal-kuntratt (ADS-C)” tfisser mezz li permezz tiegħu t-termini ta’ ftehim ta’ ADS-C se jiġu skambjati bejn is-sistema fuq l-art u l-inġenju tal-ajru b’kollegament tad-data, fejn jiġi speċifikat f’liema kundizzjonijiet għandu jingħata bidu għar-rapporti ta’ ADS-C u liema data għandha tkun inkluża fir-rapporti;

“servizz ta’ informazzjoni b’terminal awtomatiku (ATIS)” tfisser il-provvista awtomatika ta’ informazzjoni attwali u ta’ rutina lill-inġenji tal-ajru li se jaslu u li se jitilqu matul perjodu ta’ 24 siegħa kull jum jew parti speċifikata tiegħu;

“servizz ta’ informazzjoni b’terminal awtomatiku b’kollegament tad-data (D-ATIS)” tfisser il-provvista ta’ ATIS permezz ta’ kollegament tad-data;

“servizz ta’ informazzjoni b’terminal awtomatiku bil-vuċi (ATIS Vuċi)” tfisser il-provvista ta’ ATIS permezz ta’ xandiriet kontinwi u repetittivi bil-vuċi;

“xandira” tfisser it-trażmissjoni ta’ informazzjoni relatata man-navigazzjoni bl-ajru li mhijiex indirizzata għal stazzjon jew għal stazzjonijiet speċifiċi;

“limitu” tfisser l-għoli ’l fuq mill-art jew mill-ilma tal-bażi tal-aktar saff ta’ sħab baxx taħt 6 000 m (20 000 pied) li jkopri aktar minn nofs is-sema;

“limitu ta’ awtorizzazzjoni” tfisser il-punt sa fejn inġenju tal-ajru tingħata awtorizzazzjoni tal-ATC;

“bażi tas-sħab” tfisser l-għoli tal-bażi tal-aktar element tas-sħab osservat jew imbassar baxx fil-viċinanza ta’ ajrudrom jew ta’ sit operatorju jew fi ħdan żona ta’ operazzjonijiet speċifikata, normalment imkejjel f’livell ogħla mill-elevazzjoni tal-ajrudrom jew, fil-każ ta’ operazzjonijiet lil hinn mill-kosta, fuq il-livell medju tal-baħar;

“kompletezza” tfisser, b’rabta mad-data, il-livell ta’ fiduċja li hija pprovduta d-data kollha meħtieġa bħala sostenn għall-użu maħsub;

“livell ta’ fiduċja” tfisser il-probabbiltà li l-valur veru ta’ parametru jkun fi ħdan ċertu intervall madwar l-istima tal-valur tiegħu;

“komunikazzjonijiet konferenzjali” tfisser faċilitajiet ta’ komunikazzjoni li bihom tkun tista’ ssir konverżazzjoni diretta bit-taħdit bejn tliet postijiet jew aktar fl-istess ħin;

“żona ta” kontroll’ tfisser spazju tal-ajru kkontrollat li jestendi ’l fuq minn wiċċ id-Dinja sa limitu massimu speċifikat;

“ajrudrom ikkontrollat” tfisser ajrudrom fejn is-servizz ta’ kontroll tat-traffiku tal-ajru jiġi pprovdut lit-traffiku tal-ajrudrom;

“spazju tal-ajru kkontrollat” tfisser spazju tal-ajru b’dimensjonijiet iddefiniti li fih is-servizz ta’ kontroll tat-traffiku tal-ajru jiġi pprovdut skont il-klassifikazzjoni tal-ispazji tal-ajru;

“titjira kkontrollata” tfisser kwalunkwe titjira li tkun soġġetta għal awtorizzazzjoni tal-ATC;

“komunikazzjonijiet b’kollegament tad-data bejn il-kontrollur u l-bdot (CPDLC)” tfisser mezz ta’ komunikazzjoni bejn kontrollur tat-traffiku tal-ajru u bdot, fejn jintuża kollegament tad-data għall-komunikazzjonijiet tal-ATC;

“żona kritika” tfisser żona b’dimensjonijiet definiti li jestendu madwar it-tagħmir fuq l-art ta’ avviċinament bl-istrumenti ta’ preċiżjoni li fi ħdanha l-preżenza ta’ vetturi jew ta’ inġenji tal-ajru tikkawża disturb inaċċettabbli tas-sinjali ta’ gwida;

“livell ta’ veloċità kostanti” tfisser livell miżmum waqt parti sinifikanti ta’ titjira;

“verifika tar-ridondanza ċiklika (CRC)” tfisser algoritmu matematiku applikat għall-espressjoni diġitali tad-data li jipprovdi livell ta’ aċċertament kontra t-telf jew l-alterazzjoni tad-data;

“erja ta’ periklu” tfisser spazju tal-ajru b’dimensjonijiet iddefiniti fejn f’ħinijiet speċifikati jistgħu jeżistu attivitajiet li jkunu perikolużi għat-titjira ta’ inġenju tal-ajru;

“akkuratezza tad-data” tfisser grad ta’ konformità bejn il-valur li ġie stmat jew imkejjel u l-valur proprju;

“wiċċ tal-ġbir ta’ data” tfisser wiċċ definit maħsub għall-fini ta’ ġbir ta’ data dwar l-ostakoli jew l-art;

“integrità tad-data” tfisser grad ta’ aċċertament li data ajrunawtika u l-valur tagħha ma jkunux intilfu u lanqas ma nbidlu minn meta tkun inkisbet id-data jew minn meta tkun saret l-emenda awtorizzata;

“punt tad-data” tfisser attribut wieħed ta’ sett komplut ta’ data, li jiġi allokat valur li jiddefinixxi l-istatus kurrenti tiegħu;

“komunikazzjonijiet b’kollegament tad-data” tfisser forma ta’ komunikazzjoni maħsuba għall-iskambju tal-messaġġi permezz ta’ kollegament tad-data;

“kollegament tad-data VOLMET (D-VOLMET)” tfisser il-provvista ta’ rapport meteoroloġiku ta’ rutina tal-ajrudrom (METAR), rapport meteoroloġiku speċjali tal-ajrudrom (SPECI), TAF, SIGMET, rapporti tal-ajru speċjali mhux koperti minn SIGMET u, meta disponibbli, AIRMET permezz ta’ kollegament tad-data;

“oriġinazzjoni tad-data” tfisser il-ħolqien ta’ punt tad-data ġdid bil-valur assoċjat tiegħu, il-modifika tal-valur ta’ punt tad-data eżistenti jew it-tħassir ta’ punt tad-data eżistenti;

“speċifikazzjoni tal-prodott tad-data” tfisser deskrizzjoni dettaljata ta’ sett tad-data jew ta’ kollezzjoni ta’ settijiet tad-data flimkien ma’ informazzjoni addizzjonali li se tippermettilhom jinħolqu, jiġu forniti u jintużaw minn parti oħra;

“sett tad-data” tfisser kollezzjoni identifikabbli ta’ data;

“datum” tfisser kwalunkwe kwantità jew sett ta’ kwantitajiet li jistgħu jservu bħala referenza jew bħala bażi għall-kalkolu ta’ kwantitajiet oħrajn;

“DETRESFA” hija l-kelma kodiċi użata għad-deżinjazzjoni ta’ fażi ta’ diffikultà;

“fażi ta’ diffikultà” tfisser sitwazzjoni li fiha jkun hemm ċertezza raġonevoli li inġenju tal-ajru u l-okkupanti tiegħu jkunu mhedda minn periklu gravi u imminenti jew jeħtieġu assistenza immedjata;

“awtorizzazzjoni sussegwenti” tfisser awtorizzazzjoni maħruġa lil inġenju tal-ajru minn unità ta’ kontroll tat-traffiku tal-ajru li mhijiex l-awtorità ta’ kontroll kurrenti ta’ dak l-inġenju tal-ajru;

“traffiku essenzjali” tfisser traffiku kkontrollat li għalih tkun applikabbli l-provvista ta’ separazzjoni mis-servizz ta’ kontroll tat-traffiku tal-ajru, iżda li, b’rabta ma’ titjira kkontrollata partikolari ma jkunx, jew mhuwiex ser ikun, separat minn traffiku kkontrollat ieħor mill-minimu ta’ separazzjoni xieraq;

“traffiku lokali essenzjali” tfisser kwalunkwe inġenju tal-ajru, vettura jew persunal fiż-żona ta’ mmanuvrar jew fil-qrib, jew traffiku fiż-żona ta’ qtigħ u ta’ tlugħ jew fiż-żona tal-avviċinament finali, li jistgħu jikkostitwixxu periklu għall-inġenju tal-ajru kkonċernat;

“ħin stmat tal-wasla” tfisser:

“element” tfisser astrazzjoni ta’ fenomeni tad-dinja reali;

“attribut ta” element’ tfisser karatteristika ta’ element li għandha isem, tip ta’ data u dominju ta’ valur assoċjat magħha;

“tip ta” element’ tfisser klassi ta’ fenomeni tad-dinja reali bi proprjetajiet komuni, li tifforma l-livell bażiku ta’ klassifikazzjoni f’katalogu ta’ elementi;

“avviċinament finali” tfisser dik il-parti ta’ proċedura ta’ avviċinament bl-istrumenti li:

“żona ta’ informazzjoni dwar it-titjir” tfisser spazju tal-ajru b’dimensjoni ddefinita fejn jiġu pprovduti servizz ta’ informazzjoni dwar it-titjir tal-ajrudrom u servizz ta’ twissija għat-traffiku tal-ajrudrom;

“servizzi tad-disinn tal-proċedura tat-titjira” tfisser servizzi għad-disinn, għad-dokumentazzjoni, għall-validazzjoni, għall-manutenzjoni u għar-rieżami perjodiku tal-proċeduri tat-titjiriet neċessarji għas-sikurezza, għar-regolarità u għall-effiċjenza tan-navigazzjoni bl-ajru;

“disinjatur tal-proċedura tat-titjira” tfisser persuna kwalifikata li twettaq id-disinn, id-dokumentazzjoni, il-validazzjoni, il-manutenzjoni kontinwa, u r-rieżami perjodiku tal-proċeduri tat-titjiriet;

“proċedura tat-titjira” tfisser sett ta’ manuvri tat-titjiriet predeterminati maħsuba sabiex jiġu segwiti minn bdot, ippubblikat b’mezzi elettroniċi, stampati jew diġitali, jew kollha kemm huma. Il-proċedura tat-titjira titwettaq skont ir-regoli tat-titjir bl-istrumenti (IFR) jew ir-regoli tat-titjir viżwali (VFR);

“pjan tat-titjira” tfisser informazzjoni speċifikata pprovduta lill-unitajiet tas-servizzi tat-traffiku tal-ajru dwar titjira jew dwar parti minn titjira ppjanata ta’ inġenju tal-ajru;

“viżibilità tat-titjira” tfisser il-viżibilità osservata ’l quddiem mill-kabina tal-bdot ta’ inġenju tal-ajru waqt li qed itir;

“format” tfisser, b’rabta mad-data, struttura ta’ punti tad-data, rekords u fajls organizzati sabiex jissodisfaw standards, speċifikazzjonijiet jew rekwiżiti dwar il-kwalità tad-data;

“ġeojd” tfisser il-wiċċ ekwipotenzjali fil-kamp tal-gravità tad-Dinja li jikkoinċidi mal-livell medju tal-baħar (MSL) mhux disturbat estiż kontinwament tul il-kontinenti;

“undulazzjoni tal-ġeojd” tfisser id-distanza tal-ġeojd fuq (pożittiva) jew taħt (negattiva) l-ellipsojde ta’ referenza matematika;

“trajettorja tal-glide” tfisser profil tal-inżul iddeterminat għall-gwida vertikali matul avviċinament finali;

“viżibilità fuq l-art” tfisser il-viżibilità f’ajrudrom, kif tkun irrapportata minn osservatur akkreditat jew minn sistemi awtomatiċi;

“orjentazzjoni” tfisser id-direzzjoni fejn ikun ippuntat l-assi lonġitudinali ta’ inġenju tal-ajru, ġeneralment espressa fi gradi mit-Tramuntana (ġeografika, manjetika, tal-kumpass jew tal-grilja);

“ħeliport” tfisser ajrudrom jew żona definita fuq struttura maħsuba sabiex tintuża bis-sħiħ jew f’parti minnha għall-wasla, għat-tluq u għall-moviment tal-wiċċ tal-ħelikopters;

“klassifikazzjoni tal-integrità” tfisser, b’rabta ma’ data ajrunawtika, klassifikazzjoni bbażata fuq ir-riskju potenzjali li jirriżulta mill-użu ta’ data korrotta, li tiddefinixxi data ta’ rutina, essenzjali u kritika;

“uffiċċju internazzjonali tal-NOTAM (NOF)” tfisser uffiċċju ddeżinjat minn Stat Membru għall-iskambju ta’ NOTAM f’livell internazzjonali;

“fiss taż-żamma” tfisser post ġeografiku li jservi bħala referenza għal proċedura ta’ żamma;

“proċedura ta” żamma’ tfisser manuvra predeterminata li żżomm inġenju tal-ajru fi ħdan spazju tal-ajru speċifikat filwaqt li jistenna awtorizzazzjoni ulterjuri;

“identifikazzjoni” tfisser is-sitwazzjoni li teżisti meta l-indikazzjoni tal-pożizzjoni ta’ inġenju tal-ajru partikolari tkun tidher fuq display tas-sitwazzjoni u tiġi identifikata pożittivament;

“regoli tat-titjir bl-istrumenti” huma regoli li jippermettu lil inġenju tal-ajru li huwa mgħammar b’tagħmir tan-navigazzjoni xieraq adattat għar-rotta sabiex jittajjar skont ir-rekwiżiti applikabbli fuq l-operazzjonijiet tal-ajru.

“INCERFA” hija l-kelma kodiċi użata għad-deżinjazzjoni ta’ fażi ta’ inċertezza;

“operazzjonijiet ta’ avviċinament bl-istrumenti” tfisser avviċinament u nżul bl-użu ta’ strumenti għal gwida fin-navigazzjoni bbażat fuq proċedura ta’ avviċinament bl-istrumenti. Hemm żewġ metodi għat-twettiq ta’ operazzjonijiet ta’ avviċinament bl-istrumenti:

“proċedura ta’ avviċinament bl-istrumenti (IAP)” tfisser sensiela ta’ manuvri ddeterminati minn qabel b’referenza għal strumenti tat-titjir bi protezzjoni speċifikata minn ostakoli mill-punt tal-avviċinament inizjali jew fejn ikun applikabbli, mill-bidu ta’ rotta tal-wasla ddefinita sa punt minn fejn jista’ jiġi kkompletat l-inżul u wara, jekk l-inżul ma jiġix ikkompletat, sa pożizzjoni li fiha japplikaw kriterji ta’ twarrib ta’ ostakoli f’punt ta’ stennija jew waqt ir-rotta. Il-proċeduri ta’ avviċinament bl-istrumenti jiġu kklassifikati kif ġej:

“kundizzjonijiet meteoroloġiċi tal-istrument (IMC)” tfisser kundizzjonijiet meteoroloġiċi espressi f’termini ta’ viżibilità, ta’ distanza mis-sħab, u ta’ limitu, anqas mill-valuri minimi speċifikati għall-kundizzjonijiet meteoroloġiċi viżwali;

“operazzjonijiet f’viżibbiltà baxxa (LVOs)” tfisser operazzjonijiet ta’ avviċinament jew ta’ tlugħ fuq runway b’medda viżwali tar-runway ta’ inqas minn 550m jew b’għoli tad-deċiżjoni ta’ inqas minn 200 pied;

“proċeduri ta’ viżibilità baxxa” tfisser proċeduri applikati f’ajrudrom għall-fini li tiġi żgurata s-sikurezza waqt operazzjonijiet f’viżibilità baxxa;

“erja ta’ mmanuvrar” tfisser dik il-parti minn ajrudrom li għandha tintuża għat-tlugħ, għall-inżul u għas-sewqan tal-inġenji tal-ajru, esklużi s-superfiċji asfaltati fl-ajrudrom;

“metadata” tfisser data dwar data;

“erja ta” moviment’ tfisser dik il-parti minn ajrudrom li għandha tintuża għat-tlugħ, għall-inżul u għas-sewqan ta’ inġenju tal-ajru, li tikonsisti fiż-żona ta’ mmanuvrar u fis-superfiċje asfaltata fl-ajrudrom;

“għajnuna għan-navigazzjoni” tfisser faċilità jew sistema esterna għall-inġenju tal-ajru, li tiġġenera sinjali elettromanjetiċi li jridu jintużaw mis-sistemi ta’ navigazzjoni bl-ajru għad-determinazzjoni tal-pożizzjoni jew għall-gwida tar-rotta tat-titjira;

“modalità tar-Radar Sekondarju ta’ Sorveljanza (SSR)” tfisser l-identifikatur konvenzjonali relatat ma’ funzjonijiet speċifiċi tas-sinjali ta’ interrogazzjoni trażmessi minn interrogatur SSR. Hemm erba’ modalitajiet speċifikati fl-Anness 10 tal-ICAO: A, C, S u intermodalità;

“runways kważi paralleli” tfisser runways li ma jidħlux f’xulxin u li l-linji taċ-ċentru estiżi tagħhom għandhom angolu ta’ konverġenza/diverġenza ta’ 15-il grad jew anqas;

“operazzjoni bi krediti operazzjonali” tfisser operazzjoni bl-użu ta’ inġenji tal-ajru jew tagħmir tal-art speċifiċi, jew kombinament ta’ inġenji tal-ajru u tagħmir tal-art li jippermetti kwalunkwe elementi li ġejjin:

“bdot fil-kmand” tfisser il-bdot deżinjat mill-operatur, jew fil-każ ta’ Avjazzjoni Ġenerali, mis-sid, bħala li jkollu l-kmand f’idejh u jkun inkarigat mit-twettiq sikur ta’ titjira;

“pożizzjoni” tfisser, f’kuntest ġeografiku, sett ta’ koordinati (latitudni u lonġitudni) referenzjat għall-ellipsojde ta’ referenza matematika, li jiddefinixxi l-pożizzjoni ta’ punt fuq il-wiċċ tad-Dinja;

“indikazzjoni tal-pożizzjoni” tfisser l-indikazzjoni viżwali, f’forma mhux simbolika jew simbolika, jew it-tnejn, fuq display tas-sitwazzjoni, tal-pożizzjoni ta’ inġenju tal-ajru, ta’ vettura tal-ajrudrom jew ta’ oġġett ieħor;

“altitudni tal-pressjoni” tfisser pressjoni atmosferika espressa f’termini ta’ altitudni li tikkorrispondi għal dik il-pressjoni fl-Atmosfera Standard;

“radar primarju” tfisser sistema tar-radar li tuża sinjali tar-radju riflessi;

“komunikazzjonijiet stampati” tfisser komunikazzjonijiet li awtomatikament jipprovdu rekord stampat permanenti f’kull terminal ta’ ċirkwit tal-messaġġi kollha li jgħaddu fuq ċirkwit bħal dan;

“erja pprojbita” tfisser spazju tal-ajru b’dimensjonijiet iddefiniti, ’il fuq miż-żoni fuq l-art jew mill-ilmijiet territorjali ta’ Stat Membru, li fih huwa pprojbit it-titjir tal-inġenji tal-ajru;

“servizz ta’ navigazzjoni bir-radju” tfisser servizz li jipprovdi informazzjoni ta’ gwida jew data dwar il-pożizzjoni għat-tħaddim effiċjenti u sikur ta’ inġenju tal-ajru b’appoġġ minn għajnuna ta’ navigazzjoni bir-radju waħda jew aktar;

“radjutelefonija” tfisser forma ta’ komunikazzjoni bir-radju primarjament maħsuba għall-iskambju ta’ informazzjoni fil-forma ta’ diskors;

“speċifikazzjoni tal-prestazzjoni tal-komunikazzjoni meħtieġa” jew “speċifikazzjoni tal-RCP” tfisser sett ta’ rekwiżiti għall-provvista ta’ servizzi tat-traffiku tal-ajru u għal tagħmir fuq l-art assoċjat, kapaċità tal-inġenju tal-ajru u operazzjonijiet meħtieġa b’appoġġ tal-komunikazzjoni bbażata fuq il-prestazzjoni;

“speċifikazzjoni tal-prestazzjoni tas-sorveljanza meħtieġa” jew “speċifikazzjoni tal-RSP” tfisser sett ta’ rekwiżiti għall-provvista ta’ servizzi tat-traffiku tal-ajru u għal tagħmir fuq l-art assoċjat, kapaċità tal-inġenju tal-ajru u operazzjonijiet meħtieġa b’appoġġ tas-sorveljanza bbażata fuq il-prestazzjoni;

“riżoluzzjoni” tfisser, b’rabta mad-data, numru ta’ unitajiet jew ta’ figuri li għalihom jiġi espress u jintuża valur imkejjel jew ikkalkolat;

“erja ristretta” tfisser spazju tal-ajru b’dimensjonijiet definiti, ’il fuq minn erjas l-art jew mill-ilmijiet territorjali ta’ Stat Membru, li fih it-titjira ta’ inġenju tal-ajru tkun ristretta skont ċerti kundizzjonijiet speċifikati;

“stadju tar-rotta” tfisser rotta jew parti minn rotta mtajra mingħajr illandjar intermedju;

“runway fl-użu” tfisser ir-runway jew ir-runways li, fi żmien partikolari, jitqies(u) mill-unità tas-servizzi tat-traffiku tal-ajru li hija/huma l-aktar xierqa għall-użu mit-tipi ta’ inġenji tal-ajru li huma mistennija jillandjaw jew jitilqu fl-ajrudrom. Runways separati jew multipli jistgħu jkunu r-runway fl-użu ddeżinjata għall-inġenji tal-ajru li jaslu u li jitilqu;

“radar sekondarju” tfisser sistema tar-radar li fiha sinjal tar-radju trażmess mill-istazzjon tar-radar iniedi t-trażmissjoni ta’ sinjal tar-radju minn stazzjon oħra;

“radar sekondarju ta’ sorveljanza (SSR)” tfisser sistema ta’ radar ta’ sorveljanza li juża trażmettituri u riċevituri (interrogaturi) u transponders;

“żona sensittiva” tfisser żona li testendi lil hinn miż-żona kritika fejn il-parkeġġ jew il-moviment tal-inġenji tal-ajru jew ta’ vetturi jaffettwa s-sinjal ta’ gwida sa punt li jista’ jitqies bħala disturb inaċċettabbli għal inġenji tal-ajru li jkunu qed jużaw is-sinjal;

“SNOWTAM” tfisser NOTAM ta’ serje speċjali mogħtija f’format standard, li tipprovdi rapport dwar il-kundizzjoni tal-wiċċ li jinnotifika l-preżenza jew il-waqfien ta’ kundizzjonijiet perikolużi minħabba borra, silġ, silġ maħlul, ġlata, ilma qiegħed jew ilma assoċjat mal-borra, mas-silġ maħlul, mas-silġ, jew mal-ġlata fuq iż-żona tal-moviment;

“punt sinifikanti” tfisser lokalità ġeografika speċifikata li tintuża biex tkun iddefinita rotta tal-ATS jew il-passaġġ tat-titjira ta’ inġenju tal-ajru u għal finijiet oħrajn ta’ navigazzjoni u ta’ servizzi tat-traffiku tal-ajru;

“display tas-sitwazzjoni” tfisser display elettroniku li juri l-pożizzjoni u l-moviment ta’ inġenji tal-ajru u informazzjoni oħra skont kif ikun meħtieġ;

“wasla strumentali standard (STAR)” tfisser rotta tal-wasla IFR iddeżinjata li torbot punt sinifikanti, normalment fuq rotta ATS, ma’ punt li minnu tkun tista’ tinbeda proċedura ta’ avviċinament bl-istrumenti ppubblikata;

“tluq strumentali standard (SID)” tfisser rotta tat-tluq IFR iddeżinjata li torbot l-ajrudrom jew runway speċifikata tal-ajrudrom ma’ punt sinifikanti speċifikat, normalment fuq rotta ATS iddeżinjata, li fiha tibda l-fażi tul ir-rotta ta’ titjira;

“titjira VFR speċjali” tfisser titjira VFR awtorizzata mill-ATC sabiex topera fi ħdan żona ta’ kontroll f’kundizzjonijiet meteoroloġiċi taħt VMC;

“taxiing” tfisser il-moviment ta’ inġenju tal-ajru fuq is-superfiċje ta’ ajrudrom jew ta’ sit tal-operat bil-qawwa tiegħu stess, esklużi t-tlugħ u l-inżul;

“taxiway” tfisser passaġġ iddefinit fuq ajrudrom fuq l-art stabbilit għas-sewqan tal-inġenji tal-ajru u maħsub sabiex jipprovdi kollegament bejn parti tal-ajrudrom u parti oħra;

“żona ta’ kontroll tat-terminal (TMA)” tfisser żona ta’ kontroll normalment stabbilita fil-konfluwenza tar-rotot ATS fil-viċinanza ta’ ajrudrom maġġuri wieħed jew aktar;

“tempestività” tfisser, b’rabta mad-data, il-livell ta’ fiduċja li d-data hija applikabbli għall-perjodu tal-użu maħsub tagħha;

“traċċabilità” tfisser, b’rabta mad-data, il-livell li fih sistema jew prodott tad-data jistgħu jipprovdu rekord tat-tibdiliet li saru f’dak il-prodott u, b’hekk, jippermettu li jiġi segwit rendikont tal-entrati mill-utent finali sal-parti li toriġina d-data;

“trajettorja” tfisser il-projezzjoni fuq wiċċ id-Dinja tal-passaġġ ta’ inġenju tal-ajru, fejn id-direzzjoni ta’ dan il-passaġġ fi kwalunkwe punt ġeneralment tiġi espressa fi gradi mit-Tramuntana (ġeografika, manjetika jew tal-grilja);

“informazzjoni dwar it-traffiku” tfisser informazzjoni maħruġa minn unità tas-servizzi tat-traffiku tal-ajru sabiex twissi lil bdot dwar traffiku tal-ajru ieħor magħruf jew osservat li jista’ jkun qrib il-pożizzjoni jew ir-rotta ppjanata tat-titjira u sabiex tgħin lill-bdot jevita kolliżjoni;

“punt tat-trasferiment tal-kontroll” tfisser punt iddefinit li jinsab tul il-passaġġ tat-titjira ta’ inġenju tal-ajru, fejn ir-responsabbiltà li jiġi pprovdut servizz ta’ kontroll tat-traffiku tal-ajru lill-inġenju tal-ajru tiġi ttrasferita minn unità ta’ kontroll jew minn pożizzjoni ta’ kontroll għall-oħra;

“unità tat-trasferiment” tfisser unità tal-kontroll tat-traffiku tal-ajru fil-proċess ta’ trasferiment tar-responsabbiltà għall-provvista ta’ servizz ta’ kontroll tat-traffiku tal-ajru lil inġenju tal-ajru għall-unità tal-kontroll tat-traffiku tal-ajru li jmiss jew lil kontrollur tat-traffiku tal-ajru tul ir-rotta tat-titjira;

“altitudni ta’ tranżizzjoni” tfisser l-altitudni li fiha jew li taħtha l-pożizzjoni vertikali ta’ inġenju tal-ajru tiġi kkontrollata b’referenza għall-altitudnijiet;

“saff tat-tranżizzjoni” tfisser l-ispazju tal-ajru bejn l-altitudni tat-tranżizzjoni u l-livell ta’ tranżizzjoni;

“livell ta’ tranżizzjoni” tfisser l-aktar livell baxx tat-titjira li huwa disponibbli sabiex jintuża ’l fuq mill-altitudni ta’ tranżizzjoni;

“validazzjoni” tfisser, b’rabta mad-data, il-proċess ta’ żgurar li d-data tissodisfa r-rekwiżiti għall-applikazzjoni speċifikata jew għall-użu maħsub;

“verifika” tfisser, b’rabta mad-data, l-evalwazzjoni tal-output ta’ proċess tad-data ajrunawtika sabiex jiġu żgurati l-korrettezza u l-konsistenza fir-rigward tal-inputs u tal-istandards, tar-regoli u tal-konvenzjonijiet tad-data applikabbli użati f’dak il-proċess;

“fażi ta’ inċertezza” tfisser sitwazzjoni li fiha teżisti inċertezza rigward is-sikurezza ta’ inġenju tal-ajru u tal-okkupanti tiegħu;

“ballun tal-arja ħieles u mingħajr ekwipaġġ” tfisser inġenju tal-ajru mingħajr magna, mingħajr ekwipaġġ u eħfef mill-arja li jtir b’mod ħieles;

“vetturar” tfisser il-provvista ta’ gwida għan-navigazzjoni lill-inġenju tal-ajru fil-forma ta’ intestaturi speċifiċi, fuq il-bażi tal-użu ta’ sistema ta’ sorveljanza tal-ATS;

“titjira skont ir-regoli tat-titjir viżwali” jew “titjira VFR” tfisser titjira mwettqa skont ir-regoli tat-titjir viżwali;

“avviċinament viżwali” tfisser avviċinament minn titjira tal-IFR meta parti waħda minn proċedura ta’ avviċinament bl-istrumenti jew kollha kemm hi ma titwettaqx u l-avviċinament jiġi eżegwit b’referenza viżwali għall-art;

“kundizzjonijiet meteoroloġiċi viżwali (VMC)” tfisser kundizzjonijiet meteoroloġiċi espressi f’termini ta’ viżabilità, ta’ distanza mis-sħab u ta’ limitu, daqs jew aħjar minn valuri minimi speċifikati;

“VOLMET” tfisser informazzjoni meteoroloġika għall-inġenju tal-ajru matul titjira;

“xandira VOLMET” tfisser il-provvista, kif xieraq, ta’ METAR, SPECI, TAF u SIGMENT kurrenti permezz ta’ xandiriet kontinwi u ripetittivi tal-vuċi;

“waypoint” tfisser post ġeografiku speċifikat użat għad-definizzjoni ta’ rotta tan-navigazzjoni tal-erja jew ir-rotta tal-ajru ta’ inġenju tal-ajru li juża n-navigazzjoni tal-erja. Il-waypoints jiġu identifikati bħala:

“osservatorju tal-vulkani” tfisser fornitur, magħżul mill-awtorità kompetenti, li josserva l-attività ta’ vulkan jew ta’ grupp ta’ vuklani u jqiegħed dawn l-osservazzjonijiet għad-dispożizzjoni ta’ lista miftiehma ta’ riċeventi tal-avjazzjoni;

“Geography Markup Language (GML)” tfisser standard ta’ kodifikazzjoni tal-Konsorzju Ġeospazjali Miftuħ (OGC);

“ċentru tat-temp spazjali (SWXC)” tfisser ċentru ddeżinjat biex jimmonitorja u jipprovdi informazzjoni ta’ notifika dwar fenomeni tat-temp spazjali li huma mistennija li jaffettwaw il-komunikazzjonijiet bir-radju ta’ frekwenza għolja, il-komunikazzjonijiet permezz tas-satellita, is-sistemi ta’ navigazzjoni u ta’ sorveljanza bbażati fuq il-GNSS u/jew jippreżentaw riskju ta’ radjazzjoni għall-okkupanti tal-inġenji tal-ajru.

L-awtorità kompetenti għandha teżerċita kompiti ta' ċertifikazzjoni, sorveljanza u infurzar fir-rigward tal-applikazzjoni tar-rekwiżiti applikabbli għall-fornituri ta' servizzi, tissorvelja l-forniment sikur tas-servizzi tagħhom u tivverifika li jissodisfaw ir-rekwiżiti applikabbli.

L-awtoritajiet kompetenti għandhom jidentifikaw u jeżerċitaw ir-responsabblitajiet għaċ-ċertifikazzjoni, is-sorveljanza u l-infurzar b'tali mod li jiżguraw li:

L-awtoritajiet kompetenti kkonċernati għandhom jirrevedu b'mod regolari l-ftehim dwar is-superviżjoni tal-fornituri ta' servizzi li jipprovdu servizzi tan-navigazzjoni bl-ajru fi blokok ta' spazju tal-ajru funzjonali (FABs) li jestendu tul l-ispazju tal-ajru li jaqa' taħt ir-responsabbiltà ta' iktar minn Stat Membru wieħed imsemmijin fl-Artikolu 2(3) tar-Regolament (KE) Nru 550/2004 u, fil-każ ta' forniment transfruntier ta' servizzi tan-navigazzjoni bl-ajru, il-ftehim dwar ir-rikonoxximent reċiproku tal-kompiti superviżorji msemmijin fl-Artikolu 2(5) tar-Regolament (KE) Nru 550/2004, kif ukoll l-implimentazzjoni prattika ta' dawk il-ftehimiet, b'mod partikolari fid-dawl tal-prestazzjoni tas-sikurezza miksuba tal-fornituri ta' servizzi taħt is-superviżjoni tagħhom.

L-awtorità kompetenti għandha tistabbilixxi l-ftehimiet għall-koordinazzjoni ma' awtoritajiet kompetenti oħrajn għall-bidliet notifikati fis-sistemi funzjonali li jinvolvu lil fornituri ta' servizzi taħt is-superviżjoni ta' awtoritajiet kompetenti oħrajn. Dawn l-arranġamenti għall-koordinazzjoni għandhom jiżguraw l-għażla u r-reviżjoni effettivi ta' dawk il-bidliet notifikati, skont il-punt ATM/ANS.AR.C.025.

L-Aġenzija għandha tiżviluppa l-mezzi aċċettabbli ta' konformità (AMC) li jistgħu jintużaw sabiex tiġi stabbilita konformità mar-rekwiżiti ta' dan ir-Regolament. Meta l-AMC jiġu rrispettati, ir-rekwiżiti applikabbli ta' dan ir-Regolament għandhom jitqiesu li ġew issodisfati.

Jistgħu jintużaw mezzi alternattivi ta' konformità (AltMOC) sabiex tiġi stabbilita konformità mar-rekwiżiti ta' dan ir-Regolament.

L-awtorità kompetenti għandha tistabbilixxi sistema sabiex b'mod konsistenti tevalwa li l-AltMOC kollha użati minnha stess jew mill-fornituri ta' servizzi taħt is-sorveljanza tagħha biex tkun tista' tistabbilixxi konformità mar-rekwiżiti ta' dan ir-Regolament.

L-awtorità kompetenti għandha tevalwa l-AltMOC kollha proposti minn fornitur ta' servizz skont ATM/ANS.OR.A.020 billi tanalizza d-dokumentazzjoni pprovduta u, jekk tqis li hemm bżonn li tagħmel dan, twettaq spezzjoni tal-fornitur ta' servizz.

Meta l-awtorità kompetenti ssib li l-AltMOC huma biżżejjed sabiex tiżgura li hemm konformità mar-rekwiżiti applikabbli ta' dan ir-Regolament, mingħajr dewmien din għandha:

Meta l-awtorità kompetenti stess tuża AltMOC sabiex tikseb il-konformità mar-rekwiżiti applikabbli ta' dan ir-Regolament; din għandha:

L-awtorità kompetenti għandha tipprovdi lill-Aġenzija b'deskrizzjoni sħiħa tal-AltMOC, inkluża kwalunkwe reviżjoni għall-proċeduri li tista' tkun rilevanti, kif ukoll valutazzjoni li turi li r-rekwiżiti applikabbli ta' dan ir-Regolament ġew issodisfati.

L-awtorità kompetenti għandha tinnotifika lill-Aġenzija f’każ ta’ kwalunkwe problema sinifikanti bl-implimentazzjoni tar-Regolament (UE) 2018/1139 u l-atti delegati u ta’ implimentazzjoni tiegħu fi żmien 30 jum minn meta l-awtorità kompetenti tkun saret taf bil-problemi.

Mingħajr preġudizzju għar-Regolament (UE) Nru 376/2014 tal-Parlament Ewropew u tal-Kunsill ( 1 ) u l-atti delegati u ta’ implimentazzjoni tiegħu, l-awtorità kompetenti għandha tipprovdi lill-Aġenzija b’informazzjoni sinifikanti għas-sikurezza li tirriżulta mir-rapporti dwar l-okkorrenzi maħżuna fil-bażi tad-data nazzjonali tagħha f’konformità mal-Artikolu 6(6) tar-Regolament (UE) Nru 376/2014, mill-iktar fis possibbli.

Mingħajr ħsara għar-Regolament (UE) Nru 376/2014, l-awtorità kompetenti għandha timplimenta sistema biex tiġbor, tanalizza u xxerred informazzjoni ta' sikurezza b'mod xieraq.

L-Aġenzija għandha timplimenta sistema sabiex tanalizza kif xieraq kwalunkwe informazzjoni rilevanti dwar is-sikurezza riċevuta mingħand l-awtoritajiet kompetenti u mingħajr dewmien żejjed tipprovdi lill-Istati Membri u lill-Kummissjoni, kif xieraq, kwalunkwe informazzjoni, inklużi rakkomandazzjonijiet jew azzjonijiet korrettivi li għandhom jittieħdu, li jkunu neċessarji sabiex jirreaġixxu fi żmien opportun għal problema ta' sikurezza li tinvolvi lill-fornituri ta' servizzi.

Kif tirċievi l-informazzjoni msemmija f'punti (a) u (b), l-awtorità kompetenti għandha tieħu miżuri adegwati sabiex tindirizza l-problema ta' sikurezza, inkluża dik tal-ħruġ ta' direttivi dwar is-sikurezza skont il-punt ATM/ANS.AR.A.030.

Il-miżuri meħudin skont il-punt (c) għandhom jiġu notifikati minnufih lill-fornituri ta' servizzi kkonċernati sabiex jirrispettawhom, b'konformità mal-punt ATM/ANS.OR.A.060. L-awtorità kompetenti għandha tinnotifika wkoll b'dawk il-miżuri lill-Aġenzija u, meta tkun meħtieġa azzjoni kkombinata, lill-awtoritajiet kompetenti l-oħrajn ikkonċernati.

L-awtorità kompetenti għandha toħroġ direttiva dwar is-sikurezza meta tiddetermina l-eżistenza ta' kundizzjoni ta' nuqqas ta' sikurezza f'sistema funzjonali li tkun teħtieġ azzjoni immedjata.

Id-direttiva dwar is-sikurezza għandha tintbagħat lill-fornituri ta' servizzi kkonċernati, u tal-inqas għandu jkun fiha din l-informazzjoni:

L-awtorità kompetenti għandha tgħaddi kopja tad-direttiva dwar is-sikurezza lill-Aġenzija u lil kwalunkwe awtorità kompetenti oħra kkonċernata fi żmien xahar mindu tinħareġ.

L-awtorità kompetenti għandha tivverifika l-konformità tal-fornituri ta' servizzi mad-direttivi applikabbli dwar is-sikureza.

L-awtorità kompetenti għandha tistabbilixxi u tmantni sistema ta' ġestjoni, inklużi tal-inqas l-elementi li ġejjin:

▼M3

▼B

L-awtorità kompetenti għandha taħtar, għal kull qasam ta' attività inkluż fis-sistema ta' mmaniġġjar, persuna jew persuni li jkollhom ir-responsabbiltà ġenerali għall-immaniġġjar tal-kompitu/i rilevanti.

L-awtorità kompetenti għandha tistabbilixxi proċeduri għall-parteċipazzjoni fi skambju reċiproku tal-informazzjoni u l-assistenza kollha meħtieġa ma’ awtoritajiet kompetenti oħra kkonċernati, kemm jekk minn ġewwa l-Istat Membru jew fi Stati Membri oħra, inkluż l-informazzjoni li ġejja:

Kopja tal-proċeduri marbutin mas-sistema ta' ġestjoni u tal-emendi tagħhom għandha titqiegħed għad-dispożizzjoni tal-Aġenzija għall-għanijiet tal-istandardizzazzjoni.

L-awtorità kompetenti tista' talloka l-kompiti tagħha marbutin maċ-ċertifikazzjoni jew is-sorveljanza tal-fornituri ta' servizzi skont dan ir-Regolament, għajr il-ħruġ ta' ċertifikati nfushom, lil entitajiet ikkwalifikati. Meta talloka dawn il-kompiti, l-awtorità kompetenti għandha tiżġura li din ikollha:

L-awtorità kompetenti għandha tiżgura li l-proċess ta' awditjar intern, u l-proċess ta' mmaniġġjar tar-riskji għas-sikurezza meħtieġa skont il-punt AATCO.AR.B.001(a)(4), ikopru l-kompiti kollha li jsiru f'isimha mill-entità kkwalifikata.

L-awtorità kompetenti għandu jkollha fis-seħħ sistema biex tidentifika l-bidliet li jaffettwaw il-kapaċità tagħha li twettaq il-kompiti tagħha u twettaq ir-responsabbiltajiet tagħha skont ir-Regolament (UE) 2018/1139 u l-atti delegati u ta’ implimentazzjoni adottati abbażi tiegħu. Din is-sistema għandha tippermettilha tieħu azzjoni, kif ikun xieraq, biex tara li s-sistema ta’ ġestjoni tibqa’ adegwata u effettiva.

L-awtorità kompetenti għandha taġġorna s-sistema ta’ ġestjoni tagħha biex tirrifletti kwalunkwe bidla fir-Regolament (UE) 2018/1139 u fl-atti delegati u ta’ implimentazzjoni adottati abbażi tiegħu, b’mod f’waqtu, sabiex tiżgura l-implimentazzjoni effettiva tas-sistema ta’ ġestjoni tagħha.

L-awtorità kompetenti għandha tinnotifika lill-Aġenzija bil-bidliet li jaffettwaw il-kapaċità tagħha li twettaq il-kompiti u r-responsabbiltajiet tagħha skont ir-Regolament (UE) 2018/1139 u l-atti delegati u ta’ implimentazzjoni adottati abbażi tiegħu.

L-awtorità kompetenti għandha tistabbilixxi sistema ta' żamma tar-rekords li tipprovdi għall-ħażna adegwata, l-aċċessibbiltà u t-traċċabbiltà affidabbli ta':

L-awtorità kompetenti għandha żżomm lista taċ-ċertifikati kollha maħruġa lil fornituri ta' servizzi u d-dikjarazzjonijiet li tkun irċiviet.

Ir-rekords kollha għandhom jinżammu għal perjodu minimu ta' 5 snin wara li ċ-ċertifikat ma jibqax validu jew id-dikjarazzjoni tiġi rtirata, soġġetta għal-liġi applikabbli dwar il-protezzjoni tad-data.

L-awtoritajiet kompetenti għandhom jissorveljaw u jivvalutaw b'mod regolari l-prestazzjoni tas-sikurezza tal-fornituri ta' servizzi taħt is-superviżjoni tagħhom.

L-awtoritajiet kompetenti għandhom jużaw ir-riżultati tal-monitoraġġ tal-prestazzjoni tas-sikurezza, speċjalment fis-superviżjoni tagħhom imsejsa fuq ir-riskji.

Fi ħdan il-qafas tal-punt ATM/ANS.AR.B.001(a)(1), l-awtorità kompetenti għandha tistabbilixxi proċess sabiex tivverifika:

Il-proċess imsemmi fil-punt (a) għandu:

L-awtorità kompetenti, jew l-entitajiet ikkwalifikati li jaġixxu f'isimha, għandhom iwettqu awditi, b'konformità mal-Artikolu 4(5).

L-awditi msemmijin fil-paragrafu (a) għandhom:

Fuq il-bażi tal-evidenza li jkollha għad-dispożizzjoni tagħha, l-awtorità kompetenti għandha tissorvelja l-konformità ssoktata mar-rekwiżiti applikabbli ta' dan ir-Regolament tal-fornituri ta' servizzi taħt is-superviżjoni tagħha.

L-awtorità kompetenti għandha tistabbilixxi programm ta' superviżjoni u taġġornah kull sena filwaqt li tqis l-għamla speċifika tal-fornituri ta' servizzi, il-kumplessità tal-attivitajiet tagħhom, ir-riżultati tal-attivitajiet ta' ċertifikazzjoni u/jew superviżjoni fl-imgħoddi u dan għandu jkun ibbażat fuq il-valutazzjoni tar-riskji assoċjati. Għandu jinkludi awditi, li għandhom:

L-awtorità kompetenti tista' tiddeċiedi li timmodifika l-objettivi u l-ambitu tal-awditi ppjanati minn qabel, inklużi reviżjonijiet dokumentarji u awditi addizzjonali, kull meta jinqala' l-bżonn.

L-awtorità kompetenti għandha tiddeċiedi liema arranġamenti, elementi, servizzi, funzjonijiet, postijiet fiżiċi u attivitajiet għandhom jiġu awditjati fi żmien speċifikat.

L-osservazzjonijiet u s-sejbiet tal-awditi maħruġin skont il-punt ATM/ANS.AR.C.050 għandhom jiġu ddokumentati. Dawn tal-aħħar għandhom ikunu appoġġati minn evidenza, u jkunu identifikati skont ir-rekwiżiti applikabbli u l-arranġamenti ta' implimentazzjoni tagħhom li jkunu l-bażi li fuqhom twettaq l-awditu.

Għandu jitfassal rapport tal-awditjar, li jinkludi d-dettalji tas-sejbiet u l-osservazzjonijiet, li jiġi kkomunikat lill-fornitur ta' servizz ikkonċernat.

Wara l-proċess stabbilit fil-punt ATM/ANS.AR.C.005(a), malli tirċievi applikazzjoni għall-ħruġ ta' ċertifikat lil fornitur ta' servizz, l-awtorità kompetenti għandha tivverifika l-konformità tal-fornitur ta' servizz mar-rekwiżiti applikabbli ta' dan ir-Regolament.

L-awtorità kompetenti tista' titlob kwalunkwe awditu, spezzjoni jew valutazzjoni li tqis neċessarji qabel ma toħroġ dan iċ-ċertifikat.

Iċ-ċertifikat għandu jinħareġ għal perjodu mhux limitat. Il-privileġġi tal-attivitajiet li l-fornitur ta' servizz ikun approvat li jwettaq għandhom ikunu speċifikati fil-kundizzjonijiet tal-forniment tas-servizzi marbutin maċ-ċertifikat.

Meta sejba tal-livell 1 tibqa' miftuħa, iċ-ċertifikat ma għandux jinħareġ. F'ċirkustanzi eċċezzjonali, sejba (jew sejbiet), li mhijiex tal-livell 1, għandha tiġi vvalutata u mmitigata kif ikun hemm bżonn mill-fornitur ta' servizz u qabel ma jinħareġ iċ-ċertifikat l-awtorità kompetenti għandha tapprova pjan ta' azzjoni korrettiva għall-għeluq tas-sejba (jew sejbiet).

Malli tirċievi notifika għal bidla skont il-punt ATM/ANS.OR.A.045, l-awtorità kompetenti għandha tirrispetta l-punti ATM/ANS.AR.C.030, ATM/ANS.AR.C.035 u ATM/ANS.AR.C.040.

Malli tirċievi notifika għal bidla skont il-punt ATM/ANS.OR.A.040(a)(2) li teħtieġ l-approvazzjoni minn qabel, l-awtorità kompetenti għandha:

Sabiex fornitur ta' servizz ikun jista' jimplimenta l-bidliet fis-sistema ta' ġestjoni tiegħu u/jew fis-sistema ta' ġestjoni tas-sikurezza tiegħu, kif applikabbli, mingħajr approvazzjoni minn qabel skont il-punt ATM/ANS.OR.A.040 (b), l-awtorità kompetenti għandha tapprova proċedura li tiddefinixxi l-ambitu tat-tali bidliet u li tiddeskrivi kif it-tali bidliet se jiġu notifikati u mmaniġġjati. Fil-proċess ta' sorveljanza kontinwa, l-awtorità kompetenti għandha tivvaluta l-informazzjoni pprovduta fin-notifika sabiex tivverifika jekk l-azzjonijiet meħudin jikkonformawx mal-proċeduri approvati u r-rekwiżiti applikabbli. F'każ ta' xi nuqqas ta' konformità, l-Awtorità Kompetenti għandha:

L-awtorità kompetenti għandha tirrevedi:

L-awtorità kompetenti għandha tapprova l-proċeduri, il-modifiki u d-devjazzjonijiet imsemmijin fil-punt (a) meta tkun stabbilixxiet li huma neċessarji u biżżejjed għall-fornitur ta' servizz sabiex juri l-konformità mal-punti ATM/ANS.OR.A.045, ATM/ANS.OR.C.005, ATS.OR.205, u ATS.OR.210, kif applikabbli.

Malli tirċievi notifika skont il-punt ATM/ANS.OR.A.045(a)(1), jew malli tirċievi informazzjoni modifikata skont il-punt ATM/ANS.OR.A.045(b), l-awtorità kompetenti għandha tieħu deċiżjoni dwar jekk tirrevedix il-bidla jew le. L-awtorità kompetenti għandha titlob kwalunkwe informazzjoni addizzjonali meħtieġa mingħand il-fornitur ta' servizz sabiex issostni din id-deċiżjoni.

L-awtorità kompetenti għandha tistabbilixxi l-ħtieġa għal reviżjoni bbażata fuq kriterji speċifiċi, validi u ddokumentati li, tal-inqas, jiżguraw li l-bidla notifikata hija riveduta jekk it-taħlita tal-probabbiltà li l-argument ikun kumpless jew mhux familjari għall-fornitur ta' servizz u s-severità tal-konsegwenzi possibbli tal-bidla tkun sinifikanti.

Meta l-awtorità kompetenti tiddeċiedi fuq il-bżonn ta' reviżjoni fuq il-bażi ta' kriterji oħrajn ibbażati fuq ir-riskju minbarra l-punt (b), dawn il-kriterji għandhom ikunu speċifiċi, validi u ddokumentati.

L-awtorità kompetenti għandha tinforma lill-fornitur ta' servizz dwar id-deċiżjoni tagħha li tirrevedi bidla notifikata f'sistema funzjonali u, fuq talba, tipprovdi l-ġustifikazzjoni assoċjata lill-fornitur ta' servizz.

Meta l-awtorità kompetenti tirrevedi l-argument għal bidla notifikata, din għandha:

L-awtorità kompetenti għandha, inkella:

Malli tirċievi dikjarazzjoni mingħand fornitur tas-servizzi ta' informazzjoni dwar it-titjir li biħsiebu jipprovdi dawn is-servizzi, l-awtorità kompetenti għandha tivverifika li d-dikjarazzjoni jkun fiha l-informazzjoni kollha mitluba mill-punt ATM/ANS.OR.A.015 u għandha tgħarraf lil dak il-fornitur ta' servizz li tkun irċeviet id-dikjarazzjoni.

Jekk id-dikjarazzjoni ma jkunx fiha l-informazzjoni mitluba, jew ikun fiha informazzjoni li tindika nuqqas ta' konformità mar-rekwiżiti applikabbli, l-awtorità kompetenti għandha tinnotifika lill-fornitur tas-servizzi tas-servizzi ta' informazzjoni dwar it-titjir ikkonċernat dwar in-nuqqas ta' konformità u titlob aktar informazzjoni. Jekk ikun hemm bżonn, l-awtorità kompetenti għandha twettaq awditu tal-fornitur tas-servizzi ta' informazzjoni dwar it-titjir. Jekk in-nuqqas ta' konformità jkun ikkonfermat, l-awtorità kompetenti għandha tieħu azzjoni kif iddefinit fil-punt ATM/ANS.AR.C.050.

L-awtorità kompetenti għandha żżomm rekord tad-dikjarazzjonijiet tal-fornituri ta' servizzi ta' informazzjoni dwar it-titjir li sarulha skont dan ir-Regolament.

L-awtorità kompetenti għandu jkollha sistema kif tanalizza s-sejbiet għas-sinifikanza tas-sikurezza tagħhom u tiddeċiedi fuq il-miżuri ta' infurzar fuq il-bażi tar-riskju għas-sikurezza li jġib miegħu n-nuqqas ta' konformità tal-fornitur tas-servizz.

F'ċirkustanzi li fihom ma jkun hemm ebda riskju addizzjonali għas-sikurezza jew dan ikun baxx ħafna b'miżuri ta' mitigazzjoni xierqa immedjati, l-awtorità kompetenti tista' taċċetta l-forniment ta' servizzi sabiex tiżgura l-kontinwità tas-servizz filwaqt li jkunu qegħdin jittieħdu l-azzjonijiet korrettivi.

L-awtorità kompetenti għandha toħroġ sejba tal-livell 1 meta jinstab xi nuqqas ta' konformità serju mar-rekwiżiti applikabbli tar-Regolament (KE) Nru 216/2008 u r-regoli ta' implimentazzjoni tiegħu kif ukoll ir-Regolamenti (KE) Nru 549/2004, (KE) Nru 550/2004, (KE) Nru 551/2004, u (KE) Nru 552/2004 u r-regoli ta' implimentazzjoni tagħhom, mal-proċeduri u l-manwali tal-fornitur tas-servizz, mal-patti tal-kundizzjonijiet taċ-ċertifikat jew maċ-ċertifikat, mal-att ta' deżinjazzjoni, jekk applikabbli, jew mal-kontenut ta' dikjarazzjoni li ġġib magħha riskju sinifikanti għas-sikurezza tat-titjira jew inkella tixħet dubju fuq il-kapaċità tal-fornitur tas-servizz sabiex ikompli bl-operazzjonijiet.

Is-sejbiet tal-livell 1 għandhom jinkludu, iżda mhumiex limitati għal:

L-awtorità kompetenti għandha toħroġ sejba tal-livell 2 meta jinstab xi nuqqas ta' konformità ieħor mar-rekwiżiti applikabbli tar-Regolament (KE) Nru 216/2008 u r-regoli ta' implimentazzjoni tiegħu kif ukoll ir-Regolamenti (KE) Nru 549/2004, (KE) Nru 550/2004, (KE) Nru 551/2004, u (KE) Nru 552/2004 u r-regoli ta' implimentazzjoni tagħhom, mal-proċeduri u l-manwali tal-fornitur tas-servizz jew mal-patti tal-kundizzjonijiet jew iċ-ċertifikat, jew mal-kontenut ta' dikjarazzjoni.

Meta ssir sejba, matul superviżjoni jew b'xi mezz ieħor, l-awtorità kompetenti għandha, mingħajr ħsara għall-azzjoni addizzjonali meħtieġa mir-Regolament (KE) Nru 216/2008 u dan ir-Regolament, kif ukoll ir-Regolamenti (KE) Nru 549/2004, (KE) Nru 550/2004, (KE) Nru 551/2004, u (KE) Nru 552/2004 u r-regoli ta' implimentazzjoni tagħhom, tikkomunika s-sejba lill-fornitur tas-servizz bil-miktub u teħtieġ li tittieħed azzjoni korrettiva li tindirizza n-nuqqasijiet ta' konformità identifikati.

Għal dawk il-każijiet li ma jkunux jeħtieġu sejbiet tal-livell 1 u 2, l-awtorità kompetenti tista' toħroġ osservazzjonijiet.

Applikazzjoni għal ċertifikat ta' fornitur ta' servizz jew emenda f'ċertifikat eżistenti għandha ssir f'forma u manjiera stabbiliti mill-awtorità kompetenti, filwaqt li jitqiesu r-rekwiżiti applikabbli ta' dan ir-Regolament.

Skont l-Artikolu 6, sabiex jikseb iċ-ċertifikat, il-fornitur ta' servizz għandu jikkonforma ma':

Minkejja l-punt (b), il-fornitur ta' servizzi tat-traffiku tal-ajru jista' japplika għal ċertifikat limitat għall-forniment ta' servizzi fl-ispazju tal-ajru taħt ir-responsabbiltà tal-Istat Membru fejn għandu l-post prinċipali tal-operat jew, jekk jeżisti, fejn jinsab l-uffiċċju reġistrat tiegħu, meta jipprovdi jew jippjana li jipprovdi servizz biss fir-rigward ta' waħda jew iktar mill-kategoriji li ġejjin:

Barra minn hekk, il-fornituri ta' servizzi tan-navigazzjoni bl-ajru li ġejjin jistgħu japplikaw għal ċertifikat limitat ukoll:

Kif stabbilit mill-awtorità kompetenti, fornitur ta' servizz tan-navigazzjoni bl-ajru li japplika għal ċertifikat limitat skont il-punti (a) jew (b)(1) għandu jikkonforma, tal-inqas, mar-rekwiżiti li ġejjin stabbiliti fi:

Kif stabbilit mill-awtorità kompetenti, il-fornitur ta' servizz tan-navigazzjoni bl-ajru li japplika għal ċertifikat limitat skont il-punt (b)(2) għandu jikkonforma, tal-inqas, mar-rekwiżiti stabbiliti fil-punti (c)(1) sa (c)(4) u mar-rekwiżiti speċifiċi stipulati fl-Anness IV.

Applikant għal ċertifikat limitat għandu jissottometti applikazzjoni lill-awtorità kompetenti f'forma u manjiera stabbiliti mill-awtorità kompetenti.

Skont l-Artikolu 7, fornitur ta' servizzi ta' informazzjoni dwar it-titjir jista' jiddikjara l-ħila u l-mezzi tiegħu li jirrilaxxa r-responsabbiltajiet marbutin mas-servizzi pprovduti meta, minbarra r-rekwiżiti msemmijin fl-Artikolu 8b(1) tar-Regolament (UE) Nru 216/2008, jissodisfa r-rekwiżiti li ġejjin:

Fornitur ta' servizzi ta' informazzjoni dwar it-titjir li jiddikjara l-attivitajiet tiegħu għandu:

Qabel ma jieqaf jipprovdi s-servizzi tiegħu, il-fornitur ta' servizzi ta' informazzjoni dwar it-titjir li jiddikjara l-attivitajiet tiegħu għandu jinnotifika lill-awtorità kompetenti fi ħdan perjodu stabbilit mill-awtorità kompetenti.

Fornitur ta' servizzi ta' informazzjoni dwar it-tajran li jiddikjara l-attivitajiet tiegħu għandu jirrispetta r-rekwiżiti stabbiliti fi:

Fornitur ta' servizzi ta' informazzjoni dwar it-titjir li jiddikjara l-attivitajiet tiegħu għandu jibda bl-operazzjonijiet biss wara li jirċievi l-konferma tar-riċevuta tad-dikjarazzjoni mingħand l-awtorità kompetenti.

Il-fornitur ta' servizz jista' juża mezzi alternattivi ta' konformità (AltMOC) għall-AMC adottati mill-Aġenzija sabiex jistabbilixxi konformità mar-rekwiżiti ta' dan ir-Regolament.

Meta l-fornitur ta' servizz ikun jixtieq juża AltMOC, qabel ma jimplimentahom, għandu jipprovdi lill-awtorità kompetenti b'deskrizzjoni sħiħa tal-AltMOC. Id-deskrizzjoni għandha tinkludi kwalunkwe reviżjoni fil-manwali jew fil-proċeduri li tista' tkun rilevanti, kif ukoll valutazzjoni li turi konformità mar-rekwiżiti ta' dan ir-Regolament.

Fornitur tas-servizz jista' jimplimenta dawn il-mezzi alternattivi ta' konformità soġġett għall-approvazzjoni minn qabel mill-awtorità kompetenti, u meta din tirċievi n-notifika kif previst fil-punt ATM/ANS.AR.A.015(d).

Ċertifikat ta' fornitur ta' servizz għandu jibqa' validu diment li:

Meta jingħata lura jew jitħassar, iċ-ċertifikat għandu jintbagħat lura lill-awtorità kompetenti mingħajr dewmien.

is-servizzi ta' informazzjoni dwar it-titjir jibqgħu konformi mar-rekwiżiti applikabbli ta' dan ir-Regolament, inklużi dawk li jikkonċernaw il-faċilitazzjoni u l-kooperazzjoni għall-finijiet tal-eżerċizzju tas-setgħat tal-awtoritajiet kompetenti u dawk li jikkonċernaw il-ġestjoni ta' sejbiet kif speċifikat fil-punt ATM/ANS.OR.A.050 u ATM/ANS.OR.A.055 rispettivament;

id-dikjarazzjoni ma tkunx ġiet irtirata mill-fornitur tat-tali servizzi u lanqas ma titneħħielha r-reġistrazzjoni mill-awtorità kompetenti.

In-notifika u l-ġestjoni ta':

Kwalunkwe bidla msemmija fil-punt (a)(2) għandha teħtieġ l-approvazzjoni qabel l-implimentazzjoni, sakemm bidla bħal din ma tkunx notifikata u ġestita skont proċedura approvata mill-awtorità kompetenti kif stipulat fl-ATM/ANS.AR.C.025(c).

Fornitur ta' servizz li jippjana bidla fis-sistema funzjonali tiegħu għandu:

Wara li jinnotifika bidla, il-fornitur ta' servizz għandu jgħarraf lill-awtorità kompetenti kull meta l-informazzjoni pprovduta skont il-punti (a)(1) u (2) tiġi modifikata b'mod materjali, u l-fornituri ta' servizzi u l-imprżi tal-avjazzjoni rilevanti kull meta l-informazzjoni pprovduta skont il-punt (a)(3) tiġi notifikata b'mod materjali.

Fornitur ta' servizz għandu jibda jħaddem biss dawk il-partijiet tal-bidla li għalihom ikunu twettqu l-attivitajiet meħtieġa mill-proċeduri msemmijin fil-punt ATM/ANS.OR.B.010.

Jekk il-bidla tkun soġġetta għal reviżjoni mill-awtorità kompetenti skont il-punt ATM/ANS.AR.C.035, il-fornitur ta' servizz għandu jippermetti biss dawk il-partijiet tal-bidla li għalihom l-awtorità kompetenti tkun approvat l-argument sabiex jitħaddmu.

Meta bidla tkun taffettwa lil fornituri oħrajn ta' servizz u/jew impriżi tal-avjazzjoni oħrajn, kif identifikat fil-punt (a)(3), il-fornitur ta' servizz u dawn il-fornituri oħrajn ta' servizzi, f'koordinazzjoni, għandhom jistabbilixxu:

Dawk il-fornituri ta' servizzi affettwati mis-suppożizzjonijiet u l-mitigazzjonijiet tar-riskju msemmijin fil-punt (e)(2) għandhom jużaw biss, fl-argument tagħhom għall-bidla, suppożizzjonijiet u mitigazzjonijiet tar-riskji miftehmin u allinjati ma' xulxin u, fejn possibbli, mal-imprżi tal-avjazzjoni.

jidentifika l-kawża ewlenija tan-nuqqas ta' konformità;

ifassal pjan ta' azzjoni korrettiv li jissodisfa l-approvazzjoni mill-awtorità kompetenti;

juri implimentazzjoni ta' azzjoni korrettiva li tissodisfa lill-awtorità kompetenti fi ħdan il-perjodu ta' żmien propost mill-fornitur ta' servizz u miftiehem minn dik l-awtorità, kif definit fl-ATM/ANS.AR.C.050(e).

Bħala parti mis-sistema ta’ ġestjoni tiegħu, il-fornitur tal-ATM/ANS għandu jistabbilixxi u jżomm sistema ta’ rappurtar tal-okkorrenzi, inkluż rappurtar obbligatorju u volontarju. Il-fornituri tal-ATM/ANS stabbiliti fi Stat Membru għandhom jiżguraw li s-sistema tikkonforma mar-rekwiżiti tar-Regolament (UE) Nru 376/2014 u tar-Regolament (UE) 2018/1139, kif ukoll mal-atti delegati u ta’ implimentazzjoni adottati abbażi ta’ dawk ir-regolamenti.

Il-fornitur tal-ATM/ANS għandu jirrapporta lill-awtorità kompetenti u lil kwalunkwe organizzazzjoni oħra meħtieġa li tiġi infurmata mill-Istat Membru, fejn il-fornitur tal-ATM/ANS jipprovdi s-servizzi tiegħu, kwalunkwe avveniment jew kundizzjoni relatati mas-sikurezza li jipperikolaw jew, jekk ma jiġux ikkoreġuti jew indirizzati, jistgħu jipperikolaw inġenju tal-ajru, l-okkupanti tiegħu jew kwalunkwe persuna oħra, u b’mod partikolari kwalunkwe aċċident jew inċident serju.

Mingħajr preġudizzju għall-punt (b), il-fornitur tal-ATM/ANS għandu jirrapporta lill-awtorità kompetenti u lill-organizzazzjoni responsabbli għad-disinjar u/jew il-manutenzjoni tas-sistemi u l-kostitwenti tal-ATM/ANS, jekk ikunu differenti mill-fornitur tal-ATM/ANS, kwalunkwe ħsara, difett tekniku, qbiż tal-limitazzjonijiet tekniċi, okkorrenza, jew ċirkostanza irregolari oħra li pperikolat jew setgħet ipperikolat is-sikurezza tas-servizzi u ma rriżultatx f’aċċident jew f’inċident serju.

Mingħajr preġudizzju għar-Regolament (UE) Nru 376/2014 u għall-atti delegati u ta’ implimentazzjoni adottati abbażi tiegħu, ir-rapporti għandhom:

Għall-fornituri tal-ATM/ANS li ma jkunux stabbiliti fi Stat Membru, ir-rapporti obbligatorji inizjali għandhom:

Mingħajr preġudizzju għar-Regolament (UE) Nru 376/2014 u l-atti delegati u ta’ implimentazzjoni tiegħu, fejn ikun rilevanti, għandu jsir rapport ta’ segwitu li jipprovdi dettalji tal-azzjonijiet li l-organizzazzjoni jkun beħsiebha tieħu biex tipprevjeni okkorrenzi simili fil-ġejjieni, malli dawn l-azzjonijiet ikunu ġew identifikati; dawk ir-rapporti ta’ segwitu għandhom:

Fornitur ta' servizz għandu jipprovdi s-servizzi tiegħu b'mod miftuħ u trasparenti. Għandu jippubblika l-kundizzjonijiet ta' aċċess għas-servizzi tiegħu u l-bidliet fihom u jistabbilixxi proċess ta' konsultazzjoni mal-utenti tas-servizzi tiegħu fuq bażi regolari jew kif ikun hemm bżonn għal bidliet speċifiċi fil-forniment ta' servizz, jew f'livell individwali jew kollettiv.

Fornitur ta' servizz ma għandux jiddiskrimina fuq il-bażi ta' nazzjonalità jew karatteristika oħra tal-utent jew il-klassi ta' utenti tas-servizzi tiegħu b'mod li jmur kontra l-liġi tal-Unjoni.

Fornitur ta’ servizz għandu jiżgura li d-data ajrunawtika relatata mas-servizzi tiegħu tiġi pprovduta fi żmien debitu lill-fornitur ta’ AIS.

Meta tiġi ppubblikata d-data ajrunawtika relatata mas-servizzi tiegħu, il-fornitur ta’ servizz għandu:

jiżgura li d-data ajrunawtika msemmija fl-Appendiċi 1 tikkonforma mal-ispeċifikazzjonijiet tal-katalogu ta’ data ajrunawtika;

jiżgura li jiġu ssodisfati r-rekwiżiti li ġejjin dwar il-kwalità tad-data:

fir-rigward tal-oriġinazzjoni tad-data, jiġu stabbiliti arranġamenti formali speċifiċi mal-parti li toriġina d-data li jkun fihom struzzjonijiet għall-ħolqien, għall-modifika jew għat-tħassir tad-data, li bħala minimu jkunu jinkludu:

jiżgura li jitħaddmu t-tekniki ta’ validazzjoni u ta’ verifika tad-data sabiex jiġi żgurat li d-data ajrunawtika tissodisfa r-rekwiżiti assoċjati dwar il-kwalità tad-data u, barra minn hekk:

jittrażmetti d-data ajrunawtika b’mezzi elettroniċi;

jistabbilixxi arranġamenti formali ma’:

jiżgura li l-informazzjoni elenkata fil-punt AIS.TR.505(a) tiġi pprovduta fi żmien debitu lill-fornitur tal-AIS;

jiġbor u jittrażmetti metadata li bħala minimu tinkludi:

jiżgura li l-għodod u s-softwer użati għall-appoġġjar jew għall-awtomatizzazzjoni tal-proċessi tad-data ajrunawtika u tal-informazzjoni ajrunawtika jwettqu l-funzjonijiet tagħhom mingħajr ma jaffettwaw b’mod avvers il-kwalità tad-data ajrunawtika u tal-informazzjoni ajrunawtika;

jiżgura li jintużaw tekniki diġitali ta’ detezzjoni tal-iżbalji tad-data matul it-trażmissjoni jew il-ħżin tad-data ajrunawtika, jew it-tnejn, sabiex jiġu appoġġjati l-livelli applikabbli ta’ integrità tad-data;

jiżgura li t-trasferiment ta’ data ajrunawtika jkun soġġett għal proċess xieraq ta’ awtentikazzjoni b’tali mod li r-riċevituri jkunu jistgħu jikkonfermaw li d-data tkun ġiet trażmessa minn sors awtorizzat;

jiżgura li l-iżbalji identifikati matul l-oriġinazzjoni tad-data u wara l-konsenja tad-data jiġu indirizzati, ikkoreġuti jew riżolti u li tingħata prijorità lill-immaniġġjar tal-iżbalji f’data ajrunawtika kritika u essenzjali.

il-World Geodetic System — 1984 (WGS-84) bħala s-sistema ta’ referenza orizzontali;

id-datum tal-livell medju tal-baħar (MSL) bħala s-sistema ta’ referenza vertikali;

il-kalendarju Gregorjan u l-ħin universali koordinat (UTC) bħala s-sistemi ta’ referenza temporali.

Fornitur ta' servizz għandu jimplimenta u jżomm sistema ta' ġestjoni li tinkludi:

Fornitur ta' servizz għandu jiddokumenta l-proċessi ewlenin kollha tas-sistema ta' ġestjoni, inkluż proċess sabiex il-persunal jiġi mgħarraf dwar ir-responsabbiltajiet tiegħu, u l-proċedura għall-emendar ta' dawk il-proċessi.

Fornitur ta' servizz għandu jistabbilixxi funzjoni li tissorvelja l-konformità tal-organizzazzjoni tiegħu mar-rekwiżiti applikabbli u l-adegwatezza tal-proċeduri. Il-monitoraġġ tal-konformità għandu jinkludi sistema ta' rispons għas-sejbiet lill-maniġer responsabbli biex tkun żgurata l-implimentazzjoni effettiva tal-azzjonijiet korrettivi hekk kif ikun meħtieġ.

Fornitur ta' servizz għandu jissorvelja l-imġiba tas-sistema funzjonali tiegħu u, meta jidentifika prestazzjoni mhux adegwata, għandu jistabbilixxi l-kawżi tagħha u jeliminahom jew, wara li jistabbilixxi l-implikazzjoni tal-prestazzjoni mhux adegwata, jimmitiga l-effetti tagħha.

Is-sistema ta' ġestjoni għandha tkun tikkorrispondi għad-daqs tal-fornitur ta' servizz u l-kumplessità tal-attivitajiet tiegħu, filwaqt li tqis il-perikli u r-riskji assoċjati magħhom inerenti f'dawk l-attivitajiet.

Fi ħdan is-sistema ta' ġestjoni tiegħu, il-fornitur ta' servizzi għandu jistabbilixxi interfaċċji formali mal-fornituri ta' servizzi u l-impriżi tal-avjazzjoni rilevanti sabiex:

Fil-każ li l-fornitur ta' servizz ikollu wkoll ċertifikat ta' operatur ta' ajrudrom, għandu jiżgura li s-sistema ta' ġestjoni tkopri l-attivitajiet kollha fl-ambitu taċ-ċertifikati tiegħu.

Fornitur ta' servizz għandu juża l-proċeduri sabiex jimmaniġġja, jivvaluta u, jekk ikun hemm bżonn jimmitiga l-impatt tal-bidliet fuq is-sistemi funzjonali tiegħu skont il-punti ATM/ANS.OR.A.045, ATM/ANS.OR.C.005, ATS.OR.205 u ATS.OR.210, kif applikabbli.

Il-proċeduri msemmijin fil-punt (a) jew kwalunkwe modifika materjali f'dawk il-proċeduri għandhom:

Meta l-proċeduri approvati msemmijin fil-punt (b) ma jkunux adattati għal bidla partikolari, il-fornitur ta' servizz għandu:

L-attivitajiet kuntrattati jinkludu l-attivitajiet kollha li jaqgħu fl-ambitu tal-operazzjonijiet tal-fornitur ta' servizz, skont il-kundizzjonijiet taċ-ċertifikat, li jitwettqu minn organizzazzjonijiet oħrajn li jew jkunu ċċertifikati huma stess sabiex iwettqu t-tali attività jew jekk ma jkunux iċċertifikati huma stess, jaħdmu taħt is-superviżjoni tal-fornitur ta' servizz. Fornitur ta' servizz għandu jiżgura li meta jikkuntratta jew jixtri xi sehem mill-attivitajiet tiegħu lil organizzazzjonijiet esterni, l-attività, is-sistema jew il-kostitwenti kuntrattati jew mixtrijin jirrispettaw ir-rekwiżiti applikabbli.

Meta fornitur ta' servizz jikkuntratta xi parti mill-attivitajiet tiegħu lil organizzazzjoni li hija stess mhijiex iċċertifikata skont dan ir-Regolament sabiex twettaq tali attività, għandu jiżgura li l-organizzazzjoni kkuntrattata taħdem taħt is-superviżjoni tiegħu. Il-fornitur ta' servizz għandu jiżgura li l-awtorità kompetenti tingħata aċċess għall-organizzazzjoni kuntrattata, sabiex tara li tinżamm konformità kontinwa mar-rekwiżiti applikabbli skont dan ir-Regolament.

Il-fornitur ta' servizz għandu jaħtar maniġer responsabbli, li jkollu l-awtorità li jiżgura li l-attivitajiet kollha jkunu jistgħu jiġu ffinanzjati u eżegwiti skont ir-rekwiżiti applikabbli. Il-maniġer responsabbli għandu jkun responsabbli għall-istabbiliment u ż-żamma ta' sistema effettiva ta' ġestjoni.

Fornitur ta' servizz għandu jiddefinixxi l-awtorità, id-dmirijiet u r-responsabbiltajiet tad-detenturi nominati għall-kariga, b'mod partikolari tal-persunal maniġerjali inkarigat mill-funzjonijiet marbutin mas-sikurezza, il-kwalità, is-sigurtà, il-finanzi u r-riżorsi umani, skont kif ikun applikabbli.

Fornitur ta' servizz għandu jistabbilixxi sistema ta' żamma tar-rekords li tippermetti l-ħażna adegwata u t-traċċabbiltà affidabbli tal-attivitajiet kollha tiegħu, li tkun tkopri b'mod partikolari l-elementi kollha indikati fil-punt ATM/ANS.OR.B.005.

Il-format u l-perjodu ta' żamma tar-rekords imsemmijin fil-punt (a) għandhom ikunu speċifikati fil-proċeduri tas-sistema ta' ġestjoni tal-fornitur ta' servizz.

Ir-rekords għandhom jinħażnu b'mod li jiżgura l-protezzjoni mill-ħsara, mit-tbagħbis u mis-serq.

Fornitur ta' servizz għandu jipprovdi manwali tal-operazzjonijiet dwar il-forniment ta' servizzi tiegħu u jżommhom aġġornati sabiex ikunu ta' gwida u jkunu jistgħu jintużaw mill-persunal tal-operazzjonijiet.

Għandu jiżgura li:

Għal kwalunkwe bidla notifikata skont il-punt ATM/ANS.OR.A.045(a)(1), il-fornitur ta' servizz għajr il-fornitur ta' servizzi tat-traffiku tal-ajru għandu:

Fornitur ta' servizz għajr fornitur tas-servizzi tat-traffiku tal-ajru għandu jiżgura li l-valutazzjoni tal-appoġġ għas-sikurezza msemmija fil-punt (a) tinkludi:

Il-fornituri ta' servizzi tan-navigazzjoni bl-ajru u ta' ġestjoni tal-fluss tat-traffiku tal-ajru għandhom jipproduċu pjan ta' direzzjoni tan-negozju li jkopri tal-inqas perjodu ta' ħames snin. Il-pjan ta' direzzjoni tan-negozju għandu:

L-informazzjoni elenkata fil-punti (i) u (ii) għandha tkun allinjata mal-pjan ta' prestazzjoni msemmi fl-Artikolu 11 tar-Regolament (KE) Nru 549/2004 u, f'dak li għandu x'jaqsam mad-data dwar is-sikurezza, għandha tkun konsistenti mal-Programm ta' Sikurezza tal-Istat imsemmi fl-Istandard 3.1.1 tal-Anness 19 għall-Konvenzjoni ta' Chicago fl-ewwel edizzjoni ta' Lulju 2013.

Il-fornituri ta' servizzi tan-navigazzjoni bl-ajru u ta' ġestjoni tal-fluss tat-traffiku tal-ajru għandhom jipproduċu ġustifikazzjonijiet f'termini ta' sikurezza u ta' negozju għal proġetti kbar ta' investiment inkluż, fejn ikun rilevanti, l-impatt stmat fuq il-miri tal-prestazzjoni xierqa msemmija fil-punt (1)(ii) u għandhom jidentifikaw l-investimenti li jirriżultaw mir-rekwiżiti legali assoċjati mal-implimentazzjoni tal-Programm ta' Riċerka dwar il-Ġestjoni tat-Traffiku bl-Ajru Uniku Ewropew (SESAR).

Il-fornituri tas-servizzi tan-navigazzjoni bl-ajru u tal-ġestjoni tal-fluss tat-traffiku tal-ajru għandhom jipproduċu pjan annwali li jkopri s-sena li jmiss li jrid jispeċifika wkoll il-karatteristiċi tal-pjan ta' direzzjoni tan-negozju u jiddeskrivi kwalunkwe bidla fih meta mqabbel mal-pjan ta' qablu.

Il-pjan annwali jrid ikopri d-dispożizzjonijiet li ġejjin dwar il-livell u l-kwalità tas-servizz bħal-livell mistenni tal-kapaċità, tas-sikurezza, tal-ħarsien ambjentali u ta' kosteffiċjenza:

Il-fornituri ta' servizzi tan-navigazzjoni bl-ajru u ta' ġestjoni tal-fluss tat-traffiku tal-ajru u l-Maniġer tan-Netwerk għandhom, bħala parti integrali mis-sistema ta' ġestjoni tagħhom kif meħtieġ fil-punt ATM/ANS.OR.B.005, jistabbilixxu sistema ta' ġestjoni tas-sigurtà sabiex jiżguraw:

Is-sistema ta' ġestjoni tas-sigurtà għandha tiddefinixxi:

Il-fornituri ta' servizzi tan-navigazzjoni bl-ajru u ta' ġestjoni tal-fluss tat-traffiku tal-ajru u l-Maniġer tan-Netwerk għandhom jiżguraw li l-awtorizzazzjoni tas-sigurtà tal-persunal tagħhom, jekk xieraq, u jikkoordinaw mal-awtoritajiet ċivili u militari rilevanti sabiex jaraw li l-faċilitajiet, il-persunal u d-data tagħhom ikunu siguri.

Il-fornituri ta' servizzi tan-navigazzjoni bl-ajru u ta' ġestjoni tal-fluss tat-traffiku tal-ajru u l-Maniġer tan-Netwerk għandhom jieħdu l-miżuri neċessarji sabiex jipproteġu s-sistemi, il-kostitwenti f'użu u d-data tagħhom u jevitaw milli jxekklu n-netwerk b'informazzjoni u theddidiet għaċ-ċibersigurtà li jistgħu joħolqu xkiel illegali għall-forniment tas-servizz tagħhom.

Il-fornituri ta' servizzi tan-navigazzjoni bl-ajru u ta' ġestjoni tal-fluss tat-traffiku tal-ajru u l-Maniġer tan-Netwerk għandu jkollhom fis-seħħ arranaġamenti sabiex ikopru r-riskji marbutin mal-eżekuzzjoni tal-kompiti tagħhom skont il-liġi applikabbli.

Il-metodu użat sabiex tingħata din il-kopertura għandu jkun adattat għat-telf u għad-dannu potenzjali inkwistjoni, filwaqt li jitqiesu l-istatus legali tal-fornituri kkonċernati u l-Maniġer tan-Netwerk u l-livell ta' kopertura tal-assigurazzjoni kummerċjali disponibbli.

Il-fornituri ta' servizzi tan-navigazzjoni bl-ajru u ta' ġestjoni tal-fluss tat-traffiku tal-ajru u l-Maniġer tan-Netwerk li huma stess jużaw is-servizzi ta' fornitur ta' servizz ieħor għandhom jaraw li l-ftehimiet li jikkonkludu għal dak il-għan jispeċifikaw l-allokazzjoni tar-responsabbiltà bejniethom.

Il-fornituri ta' servizzi tan-navigazzjoni bl-ajru u ta' ġestjoni tal-fluss tat-traffiku tal-ajru għandhom jipprovdu rapport annwali tal-attivitajiet tagħhom lill-awtorità kompetenti.

Għall-fornituri ta' servizzi tan-navigazzjoni bl-ajru u ta' ġestjoni tal-fluss tat-traffiku tal-ajru, ir-rapport annwali jrid ikopri r-riżultati finanzjarji tagħhom, mingħajr ħsara għall-Artikolu 12 tar-Regolament (KE) Nru 550/2004, kif ukoll il-prestazzjoni operazzjonali tagħhom u kwalunkwe attività u żvilupp sinifikanti oħrajn b'mod partikolari fil-qasam tas-sikurezza.

B'konformità mal-Artikolu 20 tar-Regolament (UE) Nru 677/2011, il-Maniġer tan-Netwerk għandu jipprovdi rapport annwali tal-attivitajiet tiegħu lill-Kummissjoni u lill-Aġenzija. Dan ir-rapport għandu jkopri l-prestazzjoni operazzjonali tiegħu, kif ukoll l-attivitajiet u l-iżviluppi sinifikanti, b'mod partikolari fil-qasam tas-sikurezza.

Ir-rapporti annwali msemmijin fil-punti (a) u (c) għandhom jinkludu tal-inqas:

Il-fornituri ta' servizzi tan-navigazzjoni bl-ajru u ta' ġestjoni tal-fluss tat-traffiku tal-ajru u l-Maniġer tan-Netwerk għandhom jagħmlu r-rapporti annwali tagħhom disponibbli għall-Kummissjoni u l-Aġenzija meta dawn jitolbuhom jagħmlu dan. Dawn għandhom ukoll jagħmlu dawk ir-rapporti disponibbli għall-pubbliku, skont il-kondizzjonijiet stabbiliti mill-awtorità kompetenti skont il-liġi tal-Unjoni u dik nazzjonali.

Il-katalogu ta’ data ajrunawtika huwa referenza għas-suġġetti, għall-proprjetajiet u għas-subproprjetajiet tad-data ajrunawtika organizzati f’:

It-tabelli tal-katalogu ta’ data ajrunawtika huma msawra mill-kolonni li ġejjin: