EUR-Lex Access to European Union law
This document is an excerpt from the EUR-Lex website
Document 02009R0900-20130529
Commission Regulation (EC) No 900/2009 of 25 September 2009 concerning the authorisation of selenomethionine produced by Saccharomyces cerevisiae CNCM I-3399 as a feed additive (Text with EEA relevance)
Consolidated text: Regolament tal-Kummissjoni (KE) Nru 900/2009 tal- 25 ta’ Settembru 2009 dwar l-awtorizzazzjoni tas-selenomethionine prodotta mis- Saccharomyces cerevisiae CNCM I-3399 bħala addittiv fl-għalf (Test b’relevanza għaż-ŻEE)
Regolament tal-Kummissjoni (KE) Nru 900/2009 tal- 25 ta’ Settembru 2009 dwar l-awtorizzazzjoni tas-selenomethionine prodotta mis- Saccharomyces cerevisiae CNCM I-3399 bħala addittiv fl-għalf (Test b’relevanza għaż-ŻEE)
2009R0900 — MT — 29.05.2013 — 001.001
Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu
|
REGOLAMENT TAL-KUMMISSJONI (KE) Nru 900/2009 tal-25 ta’ Settembru 2009 dwar l-awtorizzazzjoni tas-selenomethionine prodotta mis-Saccharomyces cerevisiae CNCM I-3399 bħala addittiv fl-għalf (ĠU L 256, 29.9.2009, p.12) |
Emendat bi:
|
|
|
Il-Ġurnal Uffiċjali |
||
|
No |
page |
date |
||
|
REGOLAMENT TA’ IMPLIMENTAZZJONI TAL-KUMMISSJONI (UE) Nru 427/2013 tat-8 ta’ Mejju 2013 |
L 127 |
20 |
9.5.2013 |
|
REGOLAMENT TAL-KUMMISSJONI (KE) Nru 900/2009
tal-25 ta’ Settembru 2009
dwar l-awtorizzazzjoni tas-selenomethionine prodotta mis-Saccharomyces cerevisiae CNCM I-3399 bħala addittiv fl-għalf
(Test b’relevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta' Settembru 2003 fuq l-addittivi għall-użu fl-għalf tal-annimali ( 1 ), u b'mod partikolari l-Artikolu 9(2) tiegħu,
Billi:|
(1) |
Ir-Regolament (KE) Nru 1831/2003 jistipula l-awtorizzazzjoni ta' addittivi għall-użu fl-għalf tal-annimali u r-raġunijiet u l-proċeduri għall-għoti ta' din l-awtorizzazzjoni. |
|
(2) |
B'konformità mal-Artikolu 7 tar-Regolament (KE) Nru 1831/2003, intbagħtet applikazzjoni għall-awtorizzazzjoni tal-preparazzjoni stipulata fl-Anness ta' dan ir-Regolament. Din l-applikazzjoni kienet akkumpanjata bid-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003. |
|
(3) |
L-applikazzjoni tikkonċerna l-awtorizzazzjoni tal-preparazzjoni tas-selenomethionine prodotta mis-Saccharomyces cerevisiae CNCM I-3399 bħala addittiv fl-għalf għall-ispeċi kollha, biex tiġi kklassifikata fil-kategorija tal-addittivi “addittivi nutrittivi”. |
|
(4) |
Fl-opinjoni tagħha tal-5 ta' Marzu 2009 ( 2 ), l-Awtorità Ewropea dwar is-Sigurtà fl-Ikel (l-Awtorità) waslet għall-konklużjoni li l-ħmira rikka fis-selenium, l-aktar is-selenomethionine, mis-Saccharomyces cerevisiae CNCM I-3399 ma għandhiex effett mhux mixtieq fuq saħħet l-annimali, saħħet il-bniedem jew fuq l-ambjent u l-użu ta’ dik il-preparazzjoni jista’ jitqies bħala sors ta’ selenium disponibbli f’forma bijo, u jissodisfa l-kriterji ta’ addittiv nutrittiv għall-ispeċi kollha. L-Awtorità ma tqisx li hemm bżonn ta’ rekwiżiti speċifiċi ta’ sorveljanza wara t-tqegħid fis-suq. L-Awtorità tivverifika wkoll ir-rapport dwar il-metodu ta’ analiżi tal-addittivi tal-għalf imressaq mil-Laboratorju ta’ Referenza Komunitarju stabbilit mir-Regolament (KE) Nru 1831/2003. |
|
(5) |
L-evalwazzjoni ta’ dik il-preparazzjoni turi li l-kundizzjonijiet għall-awtorizzazzjoni, stipulati fl-Artikolu 5 tar-Regolament (KE) Nru 1831/2003, ġew sodisfatti. Għaldaqstant, l-użu ta' din il-preparazzjoni għandu jiġi awtorizzat, kif speċifikat fl-Anness ta' dan ir-Regolament. |
|
(6) |
Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DAN IR-REGOLAMENT:
Artikolu 1
Il-preparazzjoni speċifikata fl-Anness, li tifforma parti mill-kategorija ta’ addittivi “addittivi nutrittivi” u mill-grupp funzjonali “taħlitiet ta’ elementi ta’ traċċi”, hija awtorizzata bħala addittiv fl-għalf tal-annimali suġġetta għall-kondizzjonijiet stipulati f’dan l-Anness.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
ANNESS
|
Numru ta’ identifikazzjoni tal-addittiv |
Isem id-detentur tal-awtorizzazzjoni |
Addittiv |
Kompożizzjoni, formula kimika, deskrizzjoni, metodu analitiku. |
Speċi jew kategorija tal-annimal |
Età massima |
Kontenut minimu |
Kontenut massimu |
Dispożizzjonijiet oħra |
Tmiem il-perjodu tal-awtorizzazzjoni |
|
Kontenut massimu tal-element (Se) f’ mg/kg ta’ għalf sħiħ għall-bhejjem b'kontenut ta’ umdità ta’ 12 % |
|||||||||
|
Kategorija ta’ addittivi nutrittivi. Grupp funzjonali: taħlitiet ta' elementi ta’ traċċi |
|||||||||
|
3b8.12 |
— |
Selenomethionine Selenomethionine prodotta mis-Saccharomyces cerevisiae CNCM I-3399 (Ħmira selenizzata inattivata) |
Karatterizzazzjoni tal-addittiv: Selenju organiku, l-aktar is-selenomethionine (63 %) kontenut ta' 2 000-2 400 mg Se/kg (97-99 % ta' selenju organiku) Karatterizzazzjoni tas-sustanza attiva: Selenomethionine prodotta mis-Saccharomyces cerevisiae CNCM I-3399 (Ħmira selenizzata inattivata) Metodu analitiku (1): Zeeman graphite furnace Atomic Absorption Spectrometry (AAS) jew Hydride AAS |
L-ispeċi kollha |
— |
0,50 (total) |
1. L-addittiv għandu jiġi inkorporat fl-għalf f’forma ta’ pretaħlita. 2. Għas-sikurezza tal-utent: protezzjoni għan-nifs, nuċċalijiet u ingwanti tas-sikurezza għandhom jintlibsu waqt l-użu. 3. Supplimentazzjoni massima mas-selenju organiku: 0,20 mg Se/kg ta’ għalf komplet b’kontenut ta’ umdità ta’ 12 %. ◄ |
19 ta’ Ottubru 2019 |
|
|
(1) Id-dettalji tal-metodi analitiċi huma disponibbli fl-indirizz tal-Laboratorju ta' Referenza Komunitarju li ġej: www.irmm.jrc.be/crl-feed-additives |
|||||||||
( 1 ) ĠU L 268, 18.10.2003, p. 29.
( 2 ) Il-Ġurnal tal- EFSA (2009) 992 p. 1-24.