This document is an excerpt from the EUR-Lex website
Document 02009D0790-20150717
Council Decision of 20 October 2009 authorising the Republic of Poland to apply a measure derogating from Article 287 of Directive 2006/112/EC on the common system of value added tax (2009/790/EC)
Consolidated text: Deċiżjoni tal-Kunsill tal- 20 ta’ Ottubru 2009 li tawtorizza lir-Repubblika tal-Polonja biex tapplika miżura ta’ deroga mill-Artikolu 287 tad-Direttiva 2006/112/KE dwar is-sistema komuni ta’ taxxa fuq il-valur miżjud (2009/790/KE)
Deċiżjoni tal-Kunsill tal- 20 ta’ Ottubru 2009 li tawtorizza lir-Repubblika tal-Polonja biex tapplika miżura ta’ deroga mill-Artikolu 287 tad-Direttiva 2006/112/KE dwar is-sistema komuni ta’ taxxa fuq il-valur miżjud (2009/790/KE)
2009D0790 — MT — 17.07.2015 — 002.001
Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu
|
DEĊIŻJONI TAL-KUNSILL tal-20 ta’ Ottubru 2009 li tawtorizza lir-Repubblika tal-Polonja biex tapplika miżura ta’ deroga mill-Artikolu 287 tad-Direttiva 2006/112/KE dwar is-sistema komuni ta’ taxxa fuq il-valur miżjud (ĠU L 283 30.10.2009, p. 53) |
Emendat bi:
|
|
|
Il-Ġurnal Uffiċjali |
||
|
No |
page |
date |
||
|
DEĊIŻJONI TA’ IMPLIMENTAZZJONI TAL-KUNSILL tal-4 ta’ Diċembru 2012 |
L 338 |
27 |
12.12.2012 |
|
|
DEĊIŻJONI TA' IMPLIMENTAZZJONI TAL-KUNSILL (UE) 2015/1173 tal-14 ta' Lulju 2015 |
L 189 |
36 |
17.7.2015 |
|
DEĊIŻJONI TAL-KUNSILL
tal-20 ta’ Ottubru 2009
li tawtorizza lir-Repubblika tal-Polonja biex tapplika miżura ta’ deroga mill-Artikolu 287 tad-Direttiva 2006/112/KE dwar is-sistema komuni ta’ taxxa fuq il-valur miżjud
(2009/790/KE)
IL-KUNSILL TAL-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u b’mod partikolari l-Artikolu 93 tiegħu,
Wara li kkunsidra d-Direttiva tal-Kunsill 2006/112/KE tat-28 ta’ Novembru 2006 dwar is-sistema komuni ta’ taxxa fuq il-valur miżjud ( 1 ), u b’mod partikolari l-Artikolu 395(1) tagħha,
Wara li kkunsidra l-proposta mill-Kummissjoni,
Billi:|
(1) |
Permezz ta’ ittra rreġistrata mis-Segretarjat Ġenerali tal-Kummissjoni fit-22 ta’ Ġunju 2009, ir-Repubblika tal-Polonja talbet l-awtorizzazzjoni biex tapplika miżura speċjali ta’ deroga mill-Artikolu 287 tad-Direttiva 2006/112/KE sabiex teżenta mit-taxxa fuq il-valur miżjud(VAT), mill-1 ta’ Jannar 2010, lill-persuni taxxabbli li l-fatturat annwali tagħhom mhuwiex iktar mill-ekwivalenti fil-munita nazzjonali ta’ EUR 30 000 bir-rati tal-kambju fil-jum tal-adeżjoni tagħha. |
|
(2) |
Skont l-Artikolu 395(2) tad-Direttiva 2006/112/KE, il-Kummissjoni bagħtet it-talba ppreżentata mir-Repubblika tal-Polonja lill-Istati Membri l-oħra b’ittra ddatata t-22 ta’ Ġunju 2009. B’ittra ddatata t-3 ta’ Lulju 2009, il-Kummissjoni nnotifikat lir-Repubblika tal-Polonja li kellha l-informazzjoni kollha li kkunsidrat meħtieġa biex tivvaluta t-talba. |
|
(3) |
It-Titolu XII, Kapitolu 1, tad-Direttiva 2006/112/KE jipprevedi l-possibbiltà li l-Istati Membri japplikaw skemi speċjali għall-impriżi ż-żgħar, inkluża skema fakultattiva ta’ eżenzjoni mill-VAT lill-persuni taxxabbli li l-fatturat annwali tagħhom ikun inqas minn ċertu limitu. |
|
(4) |
Skont l-Artikolu 287(14) tad-Direttiva 2006/112/KE, ir-Repubblika tal-Polonja tista’ tagħti eżenzjoni mill-VAT lill-persuni taxxabbli li l-fatturat annwali tagħhom mhuwiex għola mill-ekwivalenti fil-munita nazzjonali ta’ EUR 10 000 bir-rata tal-kambju tal-jum tal-adeżjoni tagħha. |
|
(5) |
Iż-żieda ta’ dan il-limitu għal EUR 30 000 ser jippermetti lir-Repubblika tal-Polonja biex tissimplifika l-proċeduri amministrattivi għal proporzjon iktar wiesgħa tal-impriżi ż-żgħar, filwaqt li tillimita lilha nnifisha għal dawk l-impriżi bl-inqas fatturat, u b’hekk tikkontribwixxi lejn l-iżvilupp tagħhom. |
|
(6) |
Fil-proposta tagħha għal Direttiva li tissimplifika l-obbligi tat-taxxa fuq il-valur miżjud tad-29 ta’ Ottubru 2004, il-Kummissjoni inkludiet dispożizzjonijiet maħsuba biex jippermettu lill-Istati Membri biex jistabbilixxu l-limitu tal-fatturat annwali tal-iskema tal-eżenzjoni tal-VAT sa EUR 100 000 jew l-ekwivalenti fil-munita nazzjonali, bil-possibbiltà li dan l-ammont jiġi aġġornat kull sena. It-talba ppreżentata mir-Repubblika tal-Polonja hija konformi ma’ din il-proposta. |
|
(7) |
Id-deroga ppreżentata mhux ser ikollha impatt fuq ir-riżorsi proprji tal-Komunitajiet Ewropej li jakkumulaw mit-taxxa fuq il-valur miżjud, |
ADOTTA DIN ID-DEĊIŻJONI:
Artikolu 1
B’deroga mill-Artikolu 287 tad-Direttiva 2006/112/KE, ir-Repubblika tal-Polonja hija awtorizzata li tagħti eżenzjoni mill-VAT lill-persuni taxxabbli li l-fatturat annwali tagħhom m’huwiex ogħla mill-ekwivalenti fil-munita nazzjonali ta’ EUR 30 000 bir-rata tal-kambju tal-jum tal-adeżjoni tagħha.
Artikolu 2
Din id-Deċiżjoni għandha tapplika mill-1 ta' Jannar 2010 sal-31 ta' Diċembru 2018.
Artikolu 3
Din id-Deċiżjoni hija indirizzata lir-Repubblika tal-Polonja.
( 1 ) ĠU L 347, 11.12.2006, p. 1.