02009A0303(01) — MT — 02.12.2019 — 002.001

---

Dan it-test hu maħsub purament bħala għodda ta’ dokumentazzjoni u m’għandu l-ebda effett legali. L-istituzzjonijiet tal-Unjoni m'għandhom l-ebda responsabbiltà għall-kontenut tiegħu. Il-verżjonijiet awtentiċi tal-atti rilevanti, inklużi l-preamboli tagħhom, huma dawk ippubblikati fil-Ġurnal Uffiċjali tal-Unjoni Ewropea u disponibbli f’EUR-Lex. Dawk it-testi uffiċjali huma aċċessibbli direttament permezz tal-links inkorporati f’dan id-dokument

►B	FTEHIM TA' SĦUBIJA EKONOMIKA INTERIM bejn il-Côte d'Ivoire, fuq naħa, u l-Komunità Ewropea u l-Istati Membri tagħha, fuq in-naħa l-oħra (ĠU L 059 3.3.2009, p. 3)

Emendat bi:

		Il-Ġurnal Uffiċjali
		Nru	Paġna	Data
►M1	DEĊIŻJONI Nru 1/2019 TAL-KUMITAT FSE STABBILIT MILL-FTEHIM TA' SĦUBIJA EKONOMIKA INTERIM BEJN IL-KOSTA TAL-AVORJU, FUQ NAĦA, U L-KOMUNITÀ EWROPEA U L-ISTATI MEMBRI TAGĦHA, FUQ IN-NAĦA L-OĦRA tal-11 ta' April 2019	L 185	83	11.7.2019
►M2	DEĊIŻJONI NRU 2/2019 TAL-KUMITAT TAL-FSE STABBILIT MILL-FTEHIM TA’ SĦUBIJA EKONOMIKA INTERIM BEJN IL-CÔTE D’IVOIRE, FUQ NAĦA WAĦDA, U L-KOMUNITÀ EWROPEA U L-ISTATI MEMBRI TAGĦHA, FUQ IN-NAĦA L-OĦRA tat-2 ta’ Diċembru 2019	L 49	1	21.2.2020

---

▼B

FTEHIM TA' SĦUBIJA EKONOMIKA INTERIM

bejn il-Côte d'Ivoire, fuq naħa, u l-Komunità Ewropea u l-Istati Membri tagħha, fuq in-naħa l-oħra

WERREJ
	PREAMBOLU
TITOLU I:	L-GĦANIJIET
TITOLU II:	SĦUBIJA GĦALL-IŻVILUPP
TITOLU III:	L-ISKEMA KUMMERĊJALI GĦALL-MERKANZIJA
KAPITOLU 1:	Id-dazji doganali u l-miżuri li mhux marbuta ma' tariffi
KAPITOLU 2:	L-istrumenti ta' protezzjoni kummerċjali
KAPITOLU 3:	Il-proċeduri doganali u l-iffaċilitar tal-kummerċ
KAPITOLU 4:	L-ostakoli tekniċi għall-kummerċ u miżuri sanitarji u fitosanitarji
TITOLU IV	SERVIZZI, INVESTIMENTI U REGOLI MARBUTA MAL-KUMMERĊ
TITOLU V:	IL-PREVENZJONI U R-RIŻOLUZZJONI TAT-TILWIM
KAPITOLU 1:	L-għan u l-ambitu
KAPITOLU 2:	Il-konsultazzjoni u l-medjazzjoni
KAPITOLU 3:	Il-proċeduri u tar-riżoluzzjoni tat-tilwim
KAPITOLU 4:	Dispożizzjonijiet ġenerali
TITOLU VI:	EĊĊEZZJONIJIET ĠENERALI
TITOLU VII:	ID-DISPOŻIZZJONIJIET ISTITUZZJONALI, ĠENERALI U FINALI

TITOLU I

L-GĦANIJIET

Artikolu 1

Il-Ftehim interim

Dan il-ftehim jistabbilixxi qafas inizjali għal ftehim ta' sħubija ekonomika (FSE).

Artikolu 2

Għanijiet

L-għanijiet ta' dan il-ftehim huma dawn li ġejjin:

TITOLU II

SĦUBIJA GĦALL-IŻVILUPP

Artikolu 3

Il-kooperazzjoni għall-iżvilupp fil-qafas ta' dan il-ftehim

Il-partijiet jimpenjaw ruħhom li jikkooperaw sabiex jimplimentaw dan il-Ftehim u sabiex jikkontribwixxu biex jakkumpanjaw lill-parti Côte d'Ivoire fil-ksib tal-għanijiet tal-FSE. Din il-kooperazzjoni tieħu forom finanzjarji u mhux finanzjarji.

Artikolu 4

Il-kooperazzjoni għall-iffinanzjar tal-iżvilupp fil-qafas ta' dan il-ftehim

1.  Id-dispożizzjonijiet tal-ftehim ta' Cotonou dwar il-kooperazzjoni u l-integrazzjoni ekonomiċi u reġjonali se jiġu implimentati sabiex jimmassimizzaw il-benefiċċji ta' dan il-Ftehim.

2.  Il-finanzjament tal-Komunità Ewropea ( 1 ) dwar il-kooperazzjoni għall-iżvilupp bejn il-parti Côte d'Ivoire u l-Komunità Ewropea li fuqha tibbaża l-implimentazzjoni ta' dan il-ftehim se titwettaq fil-qafas tar-regoli u l-proċeduri adattati previsti mill-ftehim Cotonou, partikolarment il-proċeduri tal-programmazzjoni tal-Fond Ewropew għall-Iżvilupp (FED) u fil-qafas tal-istrumenti pertinenti ffinanzjati mill-Baġit Ġenerali tal-Unjoni Ewropea. F'dan il-kuntest, l-appoġġ għall-implimentazzjoni ta' dan il-FSE se jkun waħda mill-prijoritajiet.

3.  L-Istati Membri tal-Komunità Ewropea jimpenjaw ruħhom kollettivament biex isostnu, permezz tal-politiki u l-istrumenti għall-iżvilupp rispettivi tagħhom, l-azzjonijiet ta' żvilupp favur il-kooperazzjoni ekonomika reġjonali u l-implimentazzjoni ta' dan il-Ftehim, kemm fil-livell nazzjonali u kemm f'dak reġjonali, skont il-prinċipji tal-effikaċja u ta' komplimentarjetà tal-għajnuna.

4.  Il-partijiet se jikkooperaw biex jiffaċilitaw l-intervent ta' donaturi oħra lesti li jsostnu l-isforzi tal-parti Côte d'Ivoire biex iwettqu l-għanijiet ta' dan il-Ftehim.

5.  Il-partijiet jagħrfu l-utilità tal-mekkaniżmi ta' finanzjament reġjonali bħalma hu fond reġjonali FSE stabbilit minn u għar-reġjun biex il-finanzjament jiġi mmirat fil-livell reġjonali u nazzjonali u għall-implimentazzjoni b'mod effikaċi tal-miżuri ta' akkompanjament għal dan il-Ftehim. Il-Komunità Ewropea timpenja ruħha li timmira l-isforzi tagħha kemm permezz ta' mekkaniżmi ta' finanzjament tar-reġjun stess, u kemm dawk magħżula mill-pajjiżi li jagħmlu parti minn dan il-Ftehim fir-rispett tar-regoli u l-proċeduri previsti fil-Ftehim ta' Cotonou u skont il-prinċipji tal-effikaċja tal-għajnuna tad-dikjarazzjoni ta' Pariġi, sabiex tkun żgurata implimentazzjoni semplifikata, effikaċi u mgħaġġla.

6.  Fl-implimentazzjoni tad-dispożizzjonijiet tal-paragrafi 1 sa 5 ta' dan l-Artikolu, il-partijiet jimpenjaw ruħhom li jikkooperaw b'mod finanzjarju u mhux finanzjarju fl-oqsma definiti fl-Artikoli 5, 6, 7, u 8 hawn taħt.

Artikolu 5

Il-qasam tax-xogħol

Il-partijiet iqisu li l-qasam tax-xogħol jikkostitwixxi faċilitatur tal-iżvilupp ekonomiku, u li għalhekk, id-dispożizzjonijiet ta' dan l-ftehim għandhom l-għan li jikkontribwixxu għal dan l-għan komuni. Il-Côte d'Ivoire, li ffirmat it-Trattat tal-Organizzazzjoni għall-Armonizzazzjoni fl-Afrika tal-Liġi tax-Xogħol (OHADA), terġa' ssostni l-impenn tagħha biex tapplika d-dispożizzjonijiet ta' dan it-Trattat.

Il-partijiet jimpenjaw ruħhom, skont id-dispożizzjonjiet tal-Artikolu 4, li jaħdmu bis-sħiħ għat-titjib tal-qasam tax-xogħol.

Artikolu 6

Appoġġ għall-implimentazzjoni tar-regoli

Il- partijiet jaqblu li l-implimentazzjoni tar-regoli marbuta mal-kummerċ, li l-oqsma tal-kooperazzjoni tagħhom huma ddettaljati fil-kapitoli differenti ta' dan il-Ftehim, tikkostitwixxi element essenzjali biex jintlaħqu l-għanijiet ta' dan il-Ftehim. Il-kooperazzjoni f'dan il-qasam se tiġi implimentata skont it-termini previsti fl-Artikolu 4.

Artikolu 7

It-tisħiħ u l-aġġornament tas-setturi produttivi

Fil-qafas tal-implimentazzjoni ta' dan il-Ftehim, il-partijiet isostnu r-rieda tagħhom li jippromwovu l-aġġornament tal-kompetittività tas-setturi produttivi tal-Côte d'Ivoire affettwati minn dan il-Ftehim.

Il-partijiet jaqblu li jikkooperaw permezz tal-istrumenti ta' kooperazzjoni, u skont id-dispożizzjonijiet tal-Artikolu 4 u li jistabbilixxu:

Artikolu 8

Il-kooperazzjoni fil-qasam ta' aġġustament fiskali

1.  Il-partijiet jagħrfu l-isfidi li l-eliminazzjoni jew it-tnaqqis sostanzjali tad-dazji doganali previsti minn dan il-Ftehim jistgħu jippreżentaw lill-Côte d'Ivoire, u li dawn jaqblu li jistabbilixxu djalogu u kooperazzjoni f'dan il-qasam.

2.  Fid-dawl tal-kalendarju ta' tneħħija approvat miż-żewġ partijiet f'dan il-Ftehim, dawn jaqblu li jistabbilixxu djalogu fil-fond dwar il-miżuri ta' adattament fiskali biex jassiguraw fit-tul il-bilanċ tal-baġit tal-Côte d'Ivoire.

3.  Il-partijiet jaqblu li jikkooperaw, fil-qafas tad-dispożizzjonijiet tal-Artikolu 4, partikolarment biex jiġu faċilitati l-miżuri ta' assistenza, fl-oqsma li ġejjin:

Artikolu 9

Il-kooperazzjoni fil-fora internazzjonali

Il-partijiet se jagħmlu kull sforz biex jikkooperaw fil-fora internazzjonali kollha fejn jiġu ttrattati t-temi kollha li jinteressaw din is-sħubija.

TITOLU III

L-ISKEMA KUMMERĊJALI GĦALL-MERKANZIJA

KAPITOLU 1

Id-dazji doganali u l-miżuri li mhux marbuta ma' tariffi

Artikolu 10

Id-dazji doganali

1.  B'dazji doganali, wieħed jifhem id-dazji jew it-taxxi ta' kwalunkwe tip imħallsa matul l-importazzjoni jew l-esportazzjoni jew fil-każ tal-importazzjoni jew tal-esportazzjoni ta' merkanzija hekk kif previst mir-regoli tad-WTO.

Din id-dispożizzjoni m'għandiex tiġi interpretata bħala li tapplika għat-taxxi interjuri jew għal dawk ta' effett ekwivalenti, li jiġu imposti fil-mument tal-ħruġ mit-territorju.

2.  Għal kull prodott, id-dazju doganali bażiku li għalih japplika t-tnaqqis suċċessiv huwa dak speċifikat fil-kalendarji ta' tneħħija ta' tariffi ta' kull parti.

Artikolu 11

Ħlasijiet u spejjeż oħra

Il-partijiet isostnu l-impenn tagħhom li jirrispettaw id-dispożizzjonijiet tal-Artikolu VIII tal-GATT tal-1994.

Artikolu 12

Id-dazji doganali fuq il-prodotti li joriġinaw mill-Côte d'Ivoire

Il-prodotti li joriġinaw mill-Côte d'Ivoire huma importati fil-parti KE ħielsa mid-dazji doganali, ħlief għall-prodotti indikati u skont il-kundizzjonijiet definiti fl-Anness 1.

Artikolu 13

Id-dazji doganali fuq il-prodotti li joriġinaw mill-KE

Id-dazji doganali fuq il-prodotti li joriġinaw mill-KE li huma destinati għall-Côte d'Ivoire huma mnaqqsa jew eliminati skont il-kalendarju tat-tneħħija tat-tariffi fl-Anness 2.

Artikolu 14

Ir-regoli tal-oriġini

1.  Fis-sens ta' dan il-kapitolu, “ta' oriġini” tapplika għall-merkanzija li tikkonforma mar-regoli tal-oriġini fis-seħħ fl-1 ta' Jannar 2008 fuq it-territorju tal-partijiet.

2.  Il-partijiet għandhom jistabbilixxu skema komuni reċiproka li tiggverna r-regoli tal-oriġini sa mhux aktar tard mill-31 ta' Lulju 2008, ibbażata fuq ir-regoli tal-oriġini li ġejjin mill-ftehim ta' Cotonou u li tipprevedi s-simplifikazzjoni tagħhom filwaqt li jitqiesu l-għanijiet tal-iżvilupp tal-parti Côte d'Ivoire. Din l-iskema l-ġdida ser tkun integrata ma' dan il-ftehim permezz tad-deċiżjoni tal-Kumitat FSE. Jekk ma jkunx hemm ftehim bejn il-partijiet, l-iskema fis-seħħ se tkun l-aktar skema favorevoli għall-Côte d'Ivoire bejn l-iskema fis-seħħ fil-KE u r-regoli mtejbin li ġejjin mill-ftehim ta' Cotonou.

3.  Mhux aktar tard minn tliet snin wara d-data ta' dħul fis-seħħ ta' dan il-ftehim, il-partijiet għandhom jirrevedu d-dispożizzjonijiet fis-seħħ li fuqhom huma bbażati ir-regoli tal-oriġini, bl-għan li jissimplifikaw il-kunċetti u l-metodi utilizzati biex jiddeterminaw l-oriġini fir-rigward tal-għanijiet tal-iżvilupp tal-Kosta tal-Avorju skont dawk tal-Afrika tal-Punent. Fil-qafas ta' din ir-reviżjoni, il-partijiet għandhom jikkunsidraw l-iżvilupp teknoloġiku, il-proċessi tal-produzzjoni u kull fattur ieħor, inkluż ir-riformi preżenti li jikkonċernaw ir-regoli tal-oriġini li jistgħu jinħtieġu modifiki għall-iskema reċiproka nnegozjata. Kull emenda jew sostituzzjoni għandha ssir permezz ta' deċiżjoni tal-Kumitat FSE.

Artikolu 15

Statu quo

1.  L-ebda dazju doganali għall-importazzjoni ġdid ma għandu jiġi introdott fil-kummerċ bejn il-partijiet, u dawk li attwalment japplikaw għall-kummerċ bejn il-partijiet ma għandhomx jiġu miżjuda mid-data tad-dħul fis-seħħ tal-ftehim.

2.  Minkejja l-paragrafu 1, fil-qafas tal-finalizzazzjoni tal-istabbiliment tat-tariffa esterna komuni tal-Komunità Ekonomika tal-Istati tal-Afrika tal-Punent (ECOWAS), il-Côte d'Ivoire se tkun tista' tirrevedi d-dazji doganali ta' bażi li japplikaw għall-merkanzija li toriġina mill-Komunità Ewropea sal-31 ta' Diċembru 2011, sakemm l-inċidenza ġenerali ta' dawn id-dazji ma tkunx ogħla minn dik li tirriżulta mid-dazji msemmija fl-Anness 2. B'konsegwenza, il-Kumitat FSE jemenda l-Anness 2.

Artikolu 16

Id-dazji, it-taxxi jew dħul ieħor u spejjeż fuq l-esportazzjoni

1.  L-ebda dazju doganali fuq l-esportazzjoni ġdid jew spejjeż b'effett ekwivalenti ma għandhom jiġu introdotti, u lanqas ma għandhom jiġu miżjuda dawk li diġà japplikaw, fil-kummerċ bejn il-partijiet mid-data tad-dħul fis-seħħ ta' dan il-Ftehim.

2.  F'ċirkostanzi eċċezzjonali, jekk il-parti Côte d'Ivoire tkuntista' tiġġustifika bżonnijiet speċifiċi għad-dħul, ta' protezzjoni għall-industrija li qed tibda, jew ta' ħarsien għall-ambjent, din tista', temporanjament u wara konsultazzjoni mal-parti KE, tintroduċi dazji doganali fuq l-esportazzjonijiet jew spejjeż b'effett ekwivalenti fuq numru limitat ta' merkanzija addizzjonali, jew iżżid l-inċidenza ta' dawk eżistenti.

3.  Il-partijiet jaqblu li jirrevedu d-dispożizzjonijiet ta' dan l-artikolu fil-qafas tal- Kumitat FSE fi żmien tlett snin mid-dħul fis-seħħ ta' dan il-Ftehim, filwaqt li jikkunsidraw bis-sħiħ l-impatt tagħhom fuq l-iżvilupp u d-diversifikazzjoni tal-ekonomija tal-parti Côte d'Ivoire.

Artikolu 17

L-aktar trattamenti favorevoli li jirriżultaw mill-ftehimiet ta' skambju liberu

1.  Fir-rigward tal-oqsma koperti minn dan il-kapitolu, il-parti KE għandha tagħti dejjem lill-parti Côte d'Ivoire l-aktar trattament favorevoli li jista' jirriżulta mill-fatt li l-Komunità Ewropea ssir parti minn ftehim ta' skambju liberu ma' partijiet terzi wara li jiġi ffirmat dan il-ftehim.

2.  Fir-rigward tal-oqsma koperti minn dan il-kapitolu, il-parti Côte d'Ivoire għandha dejjem tagħti lill-parti KE l-aktar trattament favorevoli li jista' jirriżulta mill-fatt li l-parti Côte d'Ivoiressir parti fi ftehim ta' skambju liberu ma' sieħeb kummerċjali maġġuri wara l-iffirmar ta' dan il-ftehim.

3.  Jekk il-parti Côte d'Ivoire tikseb trattament sostanzjalment aktar favorevoli minn sħubija kummerċjali maġġuri minn dak offert mill-parti KE, il-partijiet għandhom jidħlu f'konsultazzjoni u flimkien jiddeċiedu l-implimentazzjoni tad-dispożizzjonijiet tal-paragrafu 2.

4.  Id-dispożizzjonijiet ta' dan il-kapitolu ma jistgħux jiġu interpretati bħallikieku qed jobbligaw lill-partijiet biex jiftiehmu reċiprokament dwar it-trattamenti preferenzjali li jkunu applikabbli minħabba li waħda mill-partijiet tkun parti minn ftehim ta' skambju liberu ma' parti terza fid-data tad-dħul fis-seħħ ta' dan il-Ftehim.

5.  Fil-qafas ta' dan l-Artikolu, “ftehim ta' skambju liberu” jinftiehem bħala ftehim li jillibera l-kummerċ sostanzjalment u li jistabbilixxi jew jelimina sostanzjalment id-diskriminazzjonjiet bejn il-partijiet, permezz tal-eliminazzjoni ta' miżuri ta' diskriminazzjoni eżistenti u ta' miżuri aktar diskriminatorji, kemm fid-dħul fis-seħħ ta' dan il-ftehim, kemm fuq il-bażi ta' kalendarju raġonevoli.

6.  Fil-qafas ta' dan l-Artikolu, “sieħeb kummerċjali maġġuri” jfisser kull pajjiż żviluppat, jew kull pajjiż li għandu parti mill-iskambji kummerċjali mondjali superjuri għal 1 fil-mija fis-sena ta' qabel id-dħul fis-seħħ tal-ftehim ta' skambju liberu previst fil-paragrafu 2, jew kull grupp ta' pajjiżi li jaġixxu b'mod individwali, kollettivament jew permezz ta' ftehim ta' skambju liberu li jkollu parti mill-iskambji kummerċjali mondjali superjuri għal 1,5 fil-mija fis-sena ta' qabel id-dħul fis-seħħ tal-ftehim ta' skambju liberu previst fil-paragrafu 2 ( 2 ).

Artikolu 18

Il-projbizzjoni tar-restrizzjonijiet kwantitattivi

Minkejja d-dispożizzjonijiet tal-Artikoli 23, 24 u 25, kull projbizzjonijiet jew restrizzjoni għall-importazzjoni jew għall-esportazzjoni li jaffettwaw il-kummerċ bejn il- partijiet huma eliminati mad-dħul fis-seħħ ta' dan il-Ftehim, minbarra d-dazji doganali, it-taxxi, il-ħlas u spejjeż oħra stipulati fl-Artikolu 11, kemm jekk ikunu implimentati permezz ta' miżuri ta' restrizzjoni, liċenzji għall-importazzjoni jew għall-esportazzjoni jew minn miżuri oħra. Ma tista' tiġi introdotta l-ebda miżura ġdida.

Artikolu 19

It-trattament nazzjonali fil-qasam tat-tassazzjoni u tar-regolamentazzjoni interni

1.  Il-prodotti importati ta' oriġini mill-parti l-oħra ma jistgħux ikunu suġġetti direttament jew indirettament għal taxxi interni jew spejjeż oħra interni ta' kwalunkwe tip li jaqbżu dawk li huma applikati direttament jew indirettament għal prodotti nazzjonali simili. Barra minn dan, kull parti timpedixxi l-applikazzjoni ta' kwalunkwe tip ta' taxxi jew spejjeż interni oħra bl-għan li tipprovdi protezzjoni għall-produzzjoni nazzjonali.

2.  Il-prodotti importati ta' oriġini mill-parti l-oħra jibbenefikaw minn trattament mhux anqas favorevoli mit-trattament mogħti lil prodotti nazzjonali simili fil-qafas tal-liġijiet, regolamentazzjonijiet u eżiġenzi kollha li japplikaw għall-bejgħ tagħhom, l-offerta tagħhom għall-bejgħ, ix-xiri tagħhom, it-trasportazzjoni tagħhom, it-tqassim tagħhom jew l-użu tagħhom fuq is-suq internazzjonali. Id-dispożizzjonijiet ta' dan il-paragrafu ma jimpedux l-applikazzjoni ta' tariffi għal trasporti interni differenti bbażati biss fuq l-użu ekonomiku tal-mezzi tat-trasport u mhux fuq l-oriġini tal-prodott.

3.  Minkejja d-dispożizzjonijiet fuq ir-regoli tal-oriġini, kull parti hija projbita li twaqqaf jew li żżomm fis-seħħ kwalunkwe regolamentazzjoni interna li tibbaża fuq it-taħlit, l-ipproċessar jew l-użu ta' prodotti skont kwantitajiet jew proporzjonijiet speċifiċi li jkun jinħtieġ, direttament jew indirettament, li kwantità jew proporzjon speċifiku minn prodott li huwa suġġett għal din ir-regolamentazzjoni jkun ġej minn sorsi nazzjonali. Barra minn dan, kull parti hija pprojbita milli tapplika kull tip ta' regolamentazzjoni kwantitattiva interna oħra bl-għan li tipprovdi protezzjoni għall-produzzjoni nazzjonali tagħha.

4.  Id-dispożizzjonijiet ta' dan l-Artikolu ma japplikawx għal-liġijiet, għar-regolamenti, għall-proċeduri jew għall-prattiki relatati mas-swieq pubbliċi.

5.  Id-dispożizzjonijet ta' dan l-Artikolu għandhom ikunu bla ħsara għall-kapitolu ta' dan il-Ftehim li jikkonċerna l-istrumenti ta' protezzjoni għall-kummerċ.

6.  Rigward il-kwistjonijiet relattivi għall-ħlas ta' sussidji lill-produtturi nazzjonali, il-partijiet għandhom jirreferu għall-WTO.

Artikolu 20

Is-sikurezza tal-ikel

Jekk l-implimentazzjoni ta' dan il-Ftehim twassal għal diffikultajiet fid-disponibbiltà jew l-aċċess għal prodotti tal-ikel neċessarji biex jassiguraw is-sikurezza tal-ikel, u meta din is-sitwazzjoni tippreżenta jew ikun hemm riskju li tippreżenta diffikultajiet maġġuri għall-Côte d'Ivoire, din tkun tista' tieħu miżuri adattati skont il-proċeduri stabbiliti fl-Artikolu 25.

Artikolu 21

Dispożizzjoni speċjali dwar il-kooperazzjoni amministrattiva

1.  Il-partijiet jaqblu li l-kooperazzjoni amministrattiva hija essenzjali għall-implimentazzjoni u l-kontroll tat-trattament preferenzjali mogħti f'dan il-Kapitolu u jenfasizzaw l-impenn tagħhom li jiġġieldu kontra l-irregolaritajiet u l-frodi fil-qasam tad-dwana u fl-oqsma relatati.

2.  Meta waħda mill-partijiet tosserva li, fuq bażi ta' informazzjoni oġġettiva, jkun hemm nuqqas ta' kooperazzjoni amministrattiva u/jew xi irrregolaritajiet jew xi frodi, il-parti kkonċernata tista' tissospendi temporanjament it-trattament preferenzjali mogħti għall-prodott(i) konċernat(i) konformement ma' dan l-Artikolu.

3.  Għall-finijiet ta' dan l-Artikolu, nuqqas ta' kooperazzjoni amministrattiva huwa definit, fost l-oħrajn, bħala:

4.  L-applikazzjoni ta' sospensjoni temporanja hija suġġetta għall-kundizzjonijiet li ġejjin:

5.  Fl-istess żmien tan-notifika lill-Kumitat FSE prevista fil-paragrafu 4, il-punt (a) ta' dan l-Artikolu, il-parti kkonċernata għandha tippubblika avviż għall-importaturi fil-ġurnal uffiċjali tagħha. Dan l-avviż lill-importaturi għandu jindika li, għall-prodott konċernat, fuq il-bażi ta' informazzjoni oġġettiva, inkisbet prova tan-nuqqas ta' kooperazzjoni amministrattiva u/jew ta' irregolaritajiet jew ta' frodi.

Artikolu 22

Il-ġestjoni ta' żbalji amministrattivi

F'każ ta' żball tal-awtoritajiet kompetenti fil-ġestjoni tas-sistemi preferenzjali għall-esportazzjoni, u partikolarment fl-applikazzjoni tad-dispożizzjonijiet li jikkonċernaw id-definizzjoni tal-kunċett “prodotti ta' oriġini” u l-metodi ta' kooperazzjoni amministrattiva, meta dan l-iżball ikollu konsegwenzi f'termini ta' importazzjoni jew esportazzjoni, il-parti esposta għal dawn il-konsegwenzi tista' titlob lill-Kumitat FSE li jeżamina l-possibilitajiet għall-adozzjoni tal-miżuri kollha adattati bil-għan li jinstab rimedju għas-sitwazzjoni.

KAPITOLU 2

L-istrumenti ta' protezzjoni kummerċjali

Artikolu 23

Il-miżuri antidumping u ta' kumpens

1.  Skont id-dispożizzjonijiet ta' dan l-Artikolu, l-ebda parti minn dan il-Ftehim ma għandha ttellef il-parti KE jew lill-Côte d'Ivoire milli jadottaw miżuri ta' antidumping jew ta' kumpens skont il-ftehimiet tal-WTO pertinenti. Għall-finijiet ta' dan l-Artikolu, l-oriġini hija determinata skont ir-regoli tal-oriġini mhux preferenzjali tal-partijiet.

2.  Qabel ma jimponu l-miżuri ta' antidumping jew ta' kumpens fuq il-merkanzija, il-partijiet għandhom jikkunsidraw il-possibbiltà ta' soluzzjonijiet kostruttivi hekk kif previsti fil-ftehimiet tal-WTO pertinenti. Għalhekk, dawn jistgħu jorganizzaw konsultazzjonijiet kif jinħtieġ.

3.  Il-parti KE għandha tinnotifika lill-Côte d'Ivoire meta tirċievi lment dokumentat kif xieraq qabel ma tinfetaħ inkjesta.

4.  Id-dipożizzjonijiet ta' dan l-Artikolu huma applikabbli għall-inkjesti kollha li jinbdew wara d-dħul fis-seħħ ta' dan il-ftehim.

5.  Id-dispożizzjonijiet ta' dan l-Artikolu mhumiex suġġetti għad-dispożizzjonijiet tal-mekkaniżmu tar-riżoluzzjoni tat-tilwim f'dan il-ftehim.

Artikolu 24

Il-miżuri multilaterali għal ħarsien

1.  Skont id-dispożizzjonijiet ta' dan l-Artikolu, l-ebda parti minn dan il-ftehim ma għandha ttellef lill-Côte d'Ivoire u lill-parti KE milli jadottaw miżuri skont l-Artikolu XIX tal-GATT tal-1994, il-ftehim dwar is-Salvagwardja, u l-Artikolu 5 tal-Ftehim tal-WTO dwar l-Agrikoltura. Għall-finijiet ta' dan l-Artikolu, l-oriġini hija determinata f'konformità mar-regoli tal-oriġini mhux preferenzjali tal-partijiet.

2.  Bla ħsara għad-dispożizzjonijiet tal-paragrafu 1, fid-dawl tal-għanijiet ġenerali tal-iżvilupp ta' dan il-Ftehim u taċ-ċokon tal-ekonomija tal-Côte d'Ivoire, il-parti KE għandha teskludi l-importazzjonijiet tal-Côte d'Ivoire minn kull miżura li tittieħdet fl-applikazzjoni tal-Artikolu XIX tal-GATT tal-1994, tal-ftehim dwar is-Salvagwardja, u tal-Artikolu 5 tal-Ftehim tal-WTO dwar l-Agrikoltura.

3.  Id-dispożizzjonijiet tal-paragrafu 2 għandhom japplikaw għal perjodu ta' ħames snin, li jibdew jingħaddu mid-data tad-dħul fis-seħħ ta' dan il-Ftehim. Fi żmien 120 jum qabel it-tmiem ta' dan il-perjodu, il-Kumitat FSE se jerġa' jeżamina mill-ġdid l-implimentazzjoni ta' dawn id-dispożizzjonijiet fid-dawl tal-bżonnijiet tal-iżvilupp tal-Côte d'Ivoire, bil-għan li jiġi determinat jekk hemmx lok li tiġi estiża l-applikazzjoni tagħhom għal perjodu itwal.

4.  Id-dispożizzjonijiet tal-paragrafu 1 mhumiex suġġetti għad-dispożizzjonijiet tal-mekkaniżmu tar-riżoluzzjoni tat-tilwim f'dan il-Ftehim.

Artikolu 25

Il-miżuri ta' protezzjoni bilaterali

1.  Wara li tkun eżaminat is-soluzzjonijiet alternattivi, parti għandha tieħu miżuri għall-protezzjoni għal żmien limitat li jidderogaw id-dispożizzjonijiet tal-Artikoli 12 u 13, fil-kundizzjonijiet u skont il-proċeduri previsti f'dan l-Artikolu.

2.  Il-miżuri ta' protezzjoni previsti fil-paragrafu 1 jistgħu jittieħdu meta prodott ta' oriġini minn parti huwa importat fit-territorju tal-parti l-oħra fi kwantitajiet miżjuda u f'kundizzjonijiet tali li jikkawżaw jew jheddu li jikkawżaw:

3.  Il-miżuri ta' protezzjoni stipulati f'dan l-Artikolu ma għandhomx jeċċedu dak li huwa strettament neċessarju sabiex tkun rimedjata jew imwaqqfa l-ħsara gravi jew l-interuzzjonijiet, hekk kif definiti fil-paragrafi 2, 4 u 5. Dawn il-miżuri ta' protezzjoni tal-parti importatriċi jistgħu jikkonsistu biss f'waħda jew uħud mill-miżuri li ġejjin:

4.  Bla ħsara għad-dispożizzjonijiet tal-paragrafi 1 u 2, meta prodott ta' oriġini mill-Côte d'Ivoire huwa importat fi kwantitajiet miżjuda u f'kundizzjonijiet tali li jistgħu jikkawżaw jew jheddu li jikkawżaw waħda mis-sitwazzjonijiet deskritti ta' hawn fuq fil-paragrafu 2, il-punti (a), (b) u (c) f'wieħed jew f'uħud mir-reġjuni l-aktar imbiegħda tal-parti KE, il-parti KE tista' tieħu miżuri ta' sorveljanza jew ta' protezzjoni, hekk kif previsti fil-paragrafu 3, limitati għar-reġjun jew għar-reġjuni konċernati, skont il-proċeduri definiti fil-paragrafi 6 sa 9.

Din id-dispożizzjoni hija applikabbli biss għal perjodu ta' għaxar snin li jibdew mid-data tad-dħul fis-seħħ ta' dan il-Ftehim. Madankollu, dan iż-żmien jista' jiġġedded bi ftehim bejn il-partijiet, meta minkejja l-potenzjal għall-iżvilupp tal-industrija u l-isforzi fil-fatt implimentati, dan l-għan ma ntlaħaqx, partikolarment minħabba żviluppi ekonomiċi globali jew problemi gravi li jaffettwaw lill-Côte d'Ivoire.

Il-miżuri jridu jittieħdu skont id-dispożizzjonijiet tal-paragrafi 6 sa 9.

6.  

7.  Għall-implimentazzjoni tal-paragrafi 1 sa 6, japplikaw id-dispożizzjonijiet li ġejjin:

8.  Meta ċirkostanzi eċċezzjonali jeżiġu li jittieħdu miżuri immedjati, il-parti importatriċi konċernata, kemm jekk tkun il-parti KE u kemm il-Côte d'Ivoire, skont il-każ, tista' tieħu l-miżuri previsti fil-paragrafi 3, 4 u/jew 5 fuq bażi provviżorja, mingħajr ma tikkonforma mal-eżigenzi tal-paragrafu 7. Din l-azzjoni tista' tittieħed għal perjodu massimu ta' 180 jum meta l-miżuri jittieħdu mill-parti KE u 200 jum meta l-miżuri jittieħdu mill-Kosta tal-Avorju, jew meta l-miżuri tal-parti KE huma limitati għal wieħed jew uħud mir-reġjuni l-aktar imbiegħda tagħha. Il-tul ta' dawn il-miżuri provviżorji għandu jitqies bħala parti mill-perjodu inizjali jew minn kull estensjoni definita fil-paragrafu 6. Meta jittieħdu dawn il-miżuri proviżorji, għandhom jiġu kkunsidrati l-interessi tal-partijiet kollha li jeħduhom. Il-parti importatriċi konċernata għandha tinforma lill-parti l-oħra u taħtar immedjatament lill-Kumitat FSE biex teżamina dan is-suġġett.

9.  Jekk parti importatriċi tissuġġetta l-importazzjoni ta' prodott għal proċedura amministrattiva li jkollha l-għan li tipprovdi informazzjoni b'mod rapidu sabiex jevolvi l-fluss kummerċjali suxxettibbli li jikkawża l-problemi stipulati f'dan l-Artikolu, din għandha tinforma lill-Kumitat FSE b'dan mingħajr dewmien.

10.  M'għandiex issir referenza għall-ftehimiet tal-WTO biex itellef parti milli tadotta miżuri ta' protezzjoni skont id-dispożizzjonijiet ta' dan l-Artikolu.

Artikolu 26

Il-kooperazzjoni

1.  Il-partijiet jagħrfu l-importanza tal-kooperazzjoni fil-qasam tal-istrumenti tal-protezzjoni kummerċjali.

2.  Il-partijiet jaqblu li jikkooperaw, skont id-dispożizzjonijiet tal-Artikolu 4, inkluż permezz tal-faċilitazzjoni tal-miżuri tal-għajnuna, partikolarment fl-oqsma li ġejjin:

KAPITOLU 3

Il-proċeduri doganali u l-iffaċilitar tal-kummerċ

Artikolu 27

L-għanijiet

1.  Il-partijiet jagħrfu l-importanza tal-mistoqsijiet doganali u tal-iffaċilitar tal-kummerċ fil-kuntest tal-evoluzzjoni tal-kummerċ dinji. Huma jaqblu li jsaħħu l-kooperazzjoni tagħhom f'dan il-qasam sabiex jassiguraw ruħhom li l-leġiżlazzjoni u l-proċeduri pertinenti kif ukoll il-kapaċità amministrattiva tal-amministrazzjonijiet ikkonċernati jissodisfaw l-għanijiet stipulati fil-qasam tal-kontroll effettiv u tal-iffaċilitar tal-iskambji kummerċjali, u jikkontribwixxu għall-promozzjoni tal-iżvilupp u tal-integrazzjoni reġjonali tal-pajjiżi firmatarji.

2.  Il-partijiet jaqblu li l-għanijiet leġittimi tal-politika pubblika, inklużi l-għanijiet ta' sigurtà u ta' prevenzjoni tal-frodi, ma għandhom jiġu inklużi bl-ebda mod.

3.  Il-partijiet jimpenjaw ruħhom li jassiguraw iċ-ċirkolazzjoni libera tal-merkanzija koperta minn dan il-ftehim fit-territorji rispettivi tagħhom.

Artikolu 28

Il-kooperazzjoni doganali u amministrattiva

1.  Sabiex jassiguraw il-konformità mad-dispożizzjonijiet ta' dan it-titolu, u sabiex jirrispondu b'mod effikaċi għall-għanijiet definiti mill-Artikolu 27, il-partijiet:

2.  Minkejja l-paragrafu 1, l-amministrazzjonijiet tal-partijiet għandhom jipprovdu għajnuna amministrattiva reċiproka għall-kwistjonijiet ta' dwana, skont id-dispożizzjonijiet tal-Protokoll dwar l-assistenza amministrattiva reċiproka fil-qasam dognali.

Artikolu 29

Il-leġiżlazzjoni u l-proċeduri doganali

1.  Il-partijiet jaqblu li l-leġiżlazzjonijiet kummerċjali u doganali rispettivi tagħhom, id-dispożizzjonijiet tagħhom u l-proċeduri tagħhom huma bbażati fuq l-istrumenti u n-normi internazzjonali fl-oqsma doganali u kummerċjali, partikolarment l-elementi sostanzjali tal-Konvenzjoni Internazzjonali dwar is-Simplifikazzjoni u l-Armonizzazzjoni tal-Proċeduri Doganali magħmula fi Kyoto fit-18 ta' Mejju 1973, riveduta fi Brussell fis-26 ta' Ġunju 1999 (il-Konvenzjoni ta' Kyoto riveduta), il-Qafas tan-normi tal-WCO li jaħsbu bies jassiguraw u biex jiffaċilitaw il-kummerċ dinji, il-mudell ta' dejta tal-WCO u l-Konvenzjoni Internazzjonali dwar is-Sistema Armonizzata ta' Deskrizzjonijiet u ta' Kodiċijiet ta' Oġġetti (“SA”).

Il-partijiet għandhom iħarsu l-moviment liberu tal-merkanzija fit-territorju tagħhom, billi jiftiehmu l-itinerarju li huwa l-aktar adattat għat-transitu tagħhom.

Ir-restrizzjonijiet, il-kontrolli jew l-eżiġenzi jridu jkunu bbażati fuq għan leġittimu ta' politika pubblika, ikunu mhux diskriminatorji, proporzjonali u applikati b'mod uniformi.

Bla ħsara għat-tkomplija tal-kontrolli doganali leġittimi, il-partijiet għandhom jagħtu trattament mhux anqas favorevoli lill-merkanzija fi transitu li għandha d-destinazzjoni jew li ġejja mit-territorju tal-parti l-oħra, minn dak mogħti lill-merkanzija domestika, għall-prodotti esportati, importati u għall-moviment tagħhom.

Il-partijiet għandhom jistabbilixxu skemi ta' trasport taħt id-dwana, li jippermettu t-transitu tal-merkanzija mingħajr ma jkollhom iħallsu d-dazji doganali u spejjeż oħra, skont il-preżentazzjoni ta' garanziji xierqa.

Il-partijiet għandhom jimpenjaw ruħhom li jippromwovu u li jimplimentaw skemi ta' transitu reġjonali bil-ħsieb li jnaqqsu l-ostakoli għall-kummerċ.

Il-partijiet għandhom jirrikorru għan-normi u l-istrumenti internazzjonali fil-qasam ta' transitu ta' merkanzija.

Il-partijiet għandhom jassiguraw il-kooperazzjoni u l-koordinazzjoni tal-entitajiet kollha kkonċernati fit-territorji tagħhom biex jiffaċilitaw it-traffiku fi transitu u jippromwovu l-kooperazzjoni bejn il-fruntieri.

2.  Sabiex itejbu l-metodi tax-xogħol, u biex ikunu ċerti li l-prinċipji ta' nuqqas ta' diskriminazzjoni, ta' trasparenza, ta' effikaċja, ta' integrità u ta' responsabbiltà jiġu rispettati, il-partijiet iridu:

Artikolu 30

Ir-relazzjonijiet mal-komunità tal-kummerċ

Il-partijiet jaqblu:

Il-partijiet jippubblikaw l-informazzjoni amministrattiva, partikolarment dwar l-eżiġenzi tal-aġenzija, il-proċeduri tad-dħul, is-siegħat tal-attività u l-proċeduri operazzjonali tad-dwana għall-portijiet u l-postijiet tal-fruntieri, kif ukoll fuq il-punti tal-kuntatt biex tinkiseb l-informazzjoni;

Artikolu 31

Il-valur tad-dwana

1.  L-Artikolu VII tal-GATT tal-1994 u tal-ftehim tad-WTO dwar l-implimentazzjoni tal-Artikolu VII tal-GATT tal-1994 li jsostnu r-regoli tad-determinazzjoni tal-valur tad-dwana applikati għall-kummerċ reċiproku bejn il-partijiet.

2.  Il-partijiet għandhom jikkooperaw bil-ħsieb li tintlaħaq strateġija komuni għall-kwistjonijiet li jikkonċernaw il-valur tad-dwana.

Artikolu 32

L-integrazzjoni reġjonali

Il-partijiet jaqblu li jmexxu 'l quddiem ir-riformi doganali li jaħsbu biex jiffaċilitaw l-iskambji kummerċjali fil-qafas reġjonali tal-Afrika tal-Punent.

Artikolu 33

It-tkomplija tan-negozjati fil-qasam tad-dwana u tal-iffaċilitar tal-kummerċ

Fil-qafas tan-negozjati tal-FSE globali, il-partijiet jaqblu li jkomplu n-negozjati dwar dan il-kapitolu sabiex jikkompletawh f'qafas reġjonali.

Artikolu 34

Il-kumitat speċjali fil-qasam tad-dwana u tal-iffaċilitar tal-kummerċ

Fil-qafas tal-Kumitat FSE, il-partijiet għandhom jistabbilixxu kumitat speċjali fuq id-dwana u l-iffaċilitar tal-kummerċ, magħmul minn rappreżentanti tal-partijiet. Dan il-kumitat għandu jirrapporta lill-Kumitat FSE. Dan għandu jiddiskuti l-kwistjonijiet doganali kollha sabiex jiffaċilita l-iskambji kummerċjali bejn il-partijiet u għandu jissorvelja l-implimentazzjoni u l-amministrazzjoni ta' dan il-kapitolu kif ukoll l-implimentazzjoni tar-regoli tal-oriġini.

Artikolu 35

Il-kooperazzjoni

1.  Il-partijiet jagħrfu l-importanza tal-kooperazzjoni fil-qasam doganali u tal-iffaċilitar tal-kummerċ għall-implimentazzjoni ta' dan il-ftehim.

2.  Il-partijiet jaqblu li jikkooperaw, skont id-dispożizzjonijiet tal-Artikolu 4, inkluż permezz tal-faċilitar tal-miżuri tal-assistenza, partikolarment fl-oqsma li ġejjin:

KAPITOLU 4

L-ostakoli tekniċi għall-kummerċ u miżuri sanitarji u fitosanitarji

Artikolu 36

L-obbligazzjonijiet multilaterali

Il-partijiet jerġgħu jsostnu d-drittijiet u l-obbligi tagħhom fit-termini tal-ftehim li jistabbilixxi l-WTO u, partikolarment, tal-ftehimiet tad-WTO dwar l-applikazzjoni tal-miżuri sanitarji u fitosanitarji (Ftehim SPS) u dwar l-ostakoli tekniċi għall-kummerċ (Ftehim TBT). Il-partijiet jerġgħu jsostnu wkoll id-drittijiet u l-obbligi tagħhom fit-termini tal-Ftehim Internazzjonali għall-Protezzjoni tal-Veġetali (IPPC), tal-Codex Alimentarius u l-Organizzazzjoni Dinjija tas-Saħħa tal-Annimali (OMSA).

Il-partijiet jerġgħu jsostnu l-impenn tagħhom li jtejbu s-saħħa pubblika fil-Côte d'Ivoire, partikolarment permezz tat-tisħiħ tal-kapaċitajiet tagħha li tidentifika l-prodotti li mhumiex konformi.

Dawn l-impenji, id-drittijiet u l-obbligi jiġbru flimkien l-attività tal-partijiet taħt dan il-kapitolu.

Artikolu 37

L-għanijiet

L-għanijiet ta' dan il-kapitolu huma li jiffaċilitaw il-kummerċ tal-merkanzija bejn il-partijiet, li jżidu l-kapaċitajiet tagħhom biex jidentifikaw, iħarsu u jeliminaw l-ostakoli għall-kummerċ li mhumiex neċessarji għar-regolamentazzjonijiet tekniċi, tan-normi u tal-proċeduri tal-evalwazzjoni tal-konformità applikati minn waħda mill-partijiet, filwaqt li titħares il-kapaċità tal-partijiet li jipproteġu s-saħħa pubblika, tal-annimali u tal-pjanti.

Artikolu 38

L-Ambitu u d-definizzjonijiet

1.  Id-dispożizzjonijiet ta' dan il-kapitolu japplikaw għar-regolamentazzjonijiet u n-normi tekniċi, kif ukoll il-proċeduri tal-evalwazzjoni tal-konformità definiti fil-ftehim TBT tal-WTO u għall-miżuri sanitarji u fitosanitarji (minn issa 'l quddiem imsejħa n-normi SPS), meta dawn jaffettwaw l-iskambji kummerċjali bejn il-partijiet.

2.  Għall-finijiet ta' dan il-kapitolu u sakemm ma jkunx hemm indikazzjoni kuntrarja, id-definizzjonjiet tal-ftehimiet SPS u TBT, tal-Codex Alimentarius, tal-IPPC u tal-OMSA japplikaw, inkluż għal kull referenza għal “prodotti” f'dan il-kapitolu u fl-Appendiċi ta' dan il-Ftehim.

Artikolu 39

L-awtoritajiet kompetenti

L-awtoritajiet tal-partijiet kompetenti għall-implimentazzjoni tal-miżuri previsti minn dan il-kapitolu huma indikati fl-Appendiċi II.

Konformement mal-Artikolu 41, il-partijiet jinfurmaw lil xulxin u fi żmien xieraq bil-bidliet kollha sinifikanti tal-awtoritajiet kompetenti li jidhru fl-Appendiċi II. Il-Kumitat FSE jadotta kull bidla neċessarja fl-Appendiċi II.

Artikolu 40

Id-determinazzjoni taż-żoni sanitarji u fitosanitarji

F'dak li jikkonċerna l-kundizzjonijiet tal-importazzjoni, il-partijiet jistgħu jipproponu u jidentifikaw għal kull każ żoni definiti għall-finijiet sanitarji u fitosanitarji, b'referenza għall-Artikolu 6 tal-Ftehim SPS.

Artikolu 41

It-trasparenza tal-kundizzjonijiet tal-kummerċ u l-iskambju tal-informazzjoni

1.  Il-partijiet għandhom jinfurmaw lil xulxin b'kull bidla fir-regolamenti tekniċi tagħhom għall-prodotti (partikolarment ta' annimali ħajjin u tal-veġetali).

2.  Il-partijiet għandhom jaqblu li jinfurmaw lil xulxin bil-miktub u mill-aktar fis possibbli, dwar il-miżuri li jittieħdu biex titwaqqaf l-importazzjoni tal-merkanzija bil-għan li jintervjenu fir-rigward ta' problema kwalunkwe li tikkonċerna s-saħħa (pubblika, tal-annimali jew fitosanitarja), il-prevenzjoni u l-ambjent, skont ir-rakkomandazzjonijiet previsti fil-Ftehim SPS.

3.  Il-partijiet għandhom jaqblu li jiskambjaw l-informazzjoni fi spirtu ta' kollaborazzjoni sabiex il-prodotti tagħhom jirrispettaw ir-regolamenti tekniċi u n-normi meħtieġa biex jippermettulhom li jeċċedu għas-swieq rispettivi tagħhom.

4.  Il-partijiet għandhom jiskambjaw ukoll direttament l-informazzjoni fuq oqsma oħra li fuqhom jaqblu l-partijiet, li huma jagħtu importanza potenzjali għar-relazzjonijiet kummerċjali tagħhom, inkluż il-kwistjonijiet ta' sikurezza tal-ikel, id-dehra f'daqqa ta' mard tal-annimali u veġetali, il-pariri xjentifiċi u avvenimenti oħra li ta' min jinnutahom, marbuta mas-sikurezza tal-prodotti. Partikolarment, il-partijiet jimpenjaw ruħhom li jinfurmaw lil xulxin meta dawn japplikaw il-prinċipju taż-żoni li ma fihomx parassiti jew mard, u żoni bi prevalenza dgħajfa ta' parassiti jew mard kif previst fl-Artikolu 6 tal-Ftehim SPS.

5.  Il-partijiet għandhom jaqblu li jiskambjaw l-informazzjoni dwar is-sorveljanza epidemoloġika tal-mard tal-annimali. F'dak li jikkonċerna l-protezzjoni fitosanitarja, il-partijiet għandhom jiskambjaw ukoll l-informazzjoni fuq id-dehra ta' parassiti li jippreżentaw periklu magħruf u immedjat għall-parti l-oħra.

6.  Il-partijiet għandhom jaqblu li jikkooperaw bil-ħsieb li javżaw lil xulxin u b'mod rapidu meta regoli reġjonali ġodda jista' jkollhom impatt fuq il-kummerċ reċiproku.

Artikolu 42

Il-kooperazzjoni fi ħdan l-organizzazzjonijiet internazzjonali

Il-partijiet għandhom jaqblu li jikkooperaw mal-organizzazzjonijiet internazzjonali ta' normalizzazzjoni, inkluż bil-għan nli jiffaċilitaw il-parteċipazzjoni tar-rappreżentanti tal-parti tal-Côte d'Ivoire fil-laqgħat ta' dawn l-organizzazzjonijiet.

Artikolu 43

Il-kooperazzjoni

1.  Il-partijiet jagħrfu l-importanza li jikkooperaw fl-oqsma tar-regolamentazzjoni teknika, tan-normi, u tal-evalwazzjoni tal-konformità biex jitwettqu l-għanijiet ta' dan il-kapitolu.

2.  Il-partijiet jaqblu li jikkooperaw, skont id-dispożizzjonijiet tal-Artikolu 4, bil-ħsieb li jtejbu l-kwalità u l-kompetitività tal-prodotti prijoritarji għall-Côte d'Ivoire u l-aċċess għas-suq tal-Komunità Ewropea, inkluż permezz ta' miżuri ta' assistenza partikolarment finanzjarja, fl-oqsma li ġejin:

TITOLU IV

SERVIZZI, INVESTIMENTI U REGOLI MARBUTA MAL-KUMMERĊ

Artikolu 44

Fuq il-bażi tal-Ftehim ta' Cotonou, il-partijiet jimpenjaw ruħhom li jieħdu l-miżuri kollha neċessarji jew li jikkooperaw biex jiffavorixxu n-negozjar u konklużjoni fl-iqsar żmien possibbli ta' FSE globali, skont id-dispożizzjonijiet pertinenti tal-WTO, bejn il-parti KE u l-Afrika tal-Punent kollha, fl-oqsma li ġejjin:

Il-partijiet għandhom jieħdu d-dispożizzjonijiet kollha neċessarji bil-ħsieb li jiffavorixxu l-konklużjoni ta' FSE globali bejn il-parti KE u l-Afrika tal-Punent qabel it-tmiem tas-sena 2008.

TITOLU V

IL-PREVENZJONI U R-RIŻOLUZZJONI TAT-TILWIM

KAPITOLU 1

L-għan u l-ambitu

Artikolu 45

L-għan

L-għan ta' dan it-titolu huwa li jipprevjeni u li jirregola t-tilwim li jista' jinqala' bejn il-partijiet sabiex jaslu, safejn ikun possibbli, għal soluzzjoni sodisfaċenti għaż-żewġ partijiet.

Artikolu 46

L-ambitu

1.  Dan it-Titolu japplika għal kull tilwima rigward l-interpretazzjoni jew l-applikazzjoni ta' dan il-Ftehim, ħlief għad-dispożizzjonijiet tat-Titolu II u ħlief għal dispożizzjonijiet kuntrarji.

2.  Minkejja l-paragrafu 1, il-proċedura prevista fl-Artikolu 98 tal-Ftehim ta' Cotonou, hija applikabbli f'każ ta' tilwim li jikkonċerna l-finanzjament tal-kooperazzjoni għall-iżvilupp hekk kif definiti fil-Ftehim ta' Cotonou.

KAPITOLU 2

Il-konsultazzjoni u l-medjazzjoni

Artikolu 47

Il-konsultazzjonijiet

1.  Il-partijiet għandhom jimpenjaw ruħhom biex jirrisolvu t-tilwim li huma koperti mill-Artikolu 46 billi jagħmlu konsultazzjonijiet sabiex jaslu għal soluzzjoni sodisfaċenti għaż-żewġ partijiet.

2.  Parti li tkun tixtieq tibda konsultazzjonijiet għandha tagħmel dan billi tippreżenta talba bil-miktub lill-parti l-oħra, u tibgħat kopja lill-Kumitat FSE fejn tippreċiża l-miżura inkwistjoni u d-dispożizzjonijiet tal-Ftehim li, skont il-parir tagħha, il-miżura msemmija mhix konformi magħhom.

3.  Il-konsultazzjonijiet għandhom isiru fi żmien 40 jum mid-data tal-preżentazzjoni tar-rikjesta. Dawn jitqiesu konklużi fi żmien 60 jum mid-data tar-rikjesta sakemm il-partijiet ma jaqblux li jkompluhom lil hinn miż-żmien previst. L-informazzjoni skambjata matul il-konsultazzjonijiet għandha tibqa' kunfidenzjali.

4.  Fis-sitwazzjonijiet urġenti, partikolarment dawk li jinvolvu oġġetti tal-ikel li jiħżienu jew staġjonali, il-konsultazzjonijiet jinbdew fi żmien 15-il jum mid-data tal-preżentazzjoni tar-rikjesta u jitqiesu konklużi fi żmien 30 jum mid-data tal-preżentazzjoni tar-rikjesta.

5.  Jekk il-konsultazzjonijiet ma jinbdewx fiż-żmien previst fil-paragrafu 3 jew il-paragrafu 4, jew jekk il-konsultazzjonjiet jiġu konklużi mingħajr ma tintlaħaq soluzzjoni sodisfaċenti għaż-żewġ partijiet, il-parti li tippreżenta l-ilment għandha l-opportunità li titlob li jiġi kostitwit grupp speċjali ta' arbitraġġ skont l-Artikolu 49.

Artikolu 48

Il-medjazzjoni

1.  Jekk il-konsultazzjonijiet ma jwasslu għall-ebda soluzzjoni sodisfaċenti għaż-żewġ partijiet, dawn jistgħu, bi ftehim amikevoli, jirrikorru għal medjatur. Sakemm il-partijiet ma jiddeċidux mod ieħor, it-termini ta' referenza tal-medjazzjoni għandhom ikunu dawk esposti matul ir-rikjesta għall-konsultazzjonijiet.

2.  Sakemm il-partijiet fit-tilwima ma jaqblux dwar medjatur fi żmien 10 ijiem mill-preżentazzjoni tat-talba ta' medjazzjoni, il-president tal-Kumitat FSE, jew ir-rappreżentant tiegħu, għandu jaħtar bil-polza medjatur fost l-individwi li jidhru fuq il-lista stipulata fl-Artikolu 64 u li mhumiex ċittadini tal-partijiet. L-għażla għandha ssir fi żmien 20 jum mill-preżentazzjoni tat-talba ta' medjazzjoni fil-preżenza ta' rappreżentant ta' kull waħda mill-partijiet. Il-medjatur għandu jsejjaħ laqgħa tal-partijiet fi żmien 30 jum wara li jkun inħatar. Il-medjatur għandu jirċievi s-sottomissjonjiet ta' kull parti fi żmien 15-il jum qabel il-laqgħa, u għandu jgħarraf l-opinjoni tiegħu fi żmien 45 jum wara li jkun inħatar.

3.  Il-medjatur jista' jipprepara r-rakkomandazzjonijiet dwar kif, fl-opinjoni tiegħu, għandha tissolva t-tilwima li jkunu konformi mad-dispożizzjonijiet stipulati fl-Artikolu 53. L-opinjoni tal-medjatur ma torbotx.

4.  Il-partijiet jistgħu jiftiehmu li jimmodifikaw iż-żmien stipulat fil-paragrafu 2. Il-medjatur jista' jiddeċiedi wkoll li jimmodifika dawn iż-żminijiet għat-talba ta' kwalunkwe waħda mill-partijiet jew fuq l-inizjattiva tiegħu skont id-diffikultajiet partikolari li jaffettwaw lill-parti konċernata jew minħabba l-kumplessità tal-kwistjoni.

5.  Il-proċeduri ta' medjazzjoni u partikolarment l-informazzjoni skambjata u l-pożizzjonijiet li jittieħdu mill-partijiet matul dawn il-proċeduri jibqgħu kunfidenzjali.

KAPITOLU 3

Il-proċeduri tar-riżoluzzjoni tat-tilwim

Sezzjoni I

Il-proċedura tal-arbitraġġ

Artikolu 49

Il-bidu tal-proċedura tal-arbitraġġ

1.  Jekk il-partijiet ma jaslux biex jirriżolvu t-tilwima tagħhom wara li jirrikorru għall-konsultazzjonijiet previsti fl-Artikolu 47 jew wara li jkunu rrikorrew għall-medjazzjoni stipulata fl-Artikolu 48, il-parti li tagħmel l-ilment tista' titlob li jiġi kkostitwit grupp speċjali tal-arbitraġġ.

2.  It-talba biex jiġi kostitwit grupp speċjali ta' arbitraġġ għandha ssir bil-miktub lill-parti intimata u lill-Kumitat FSE. Fit-talba tagħha, il-parti li tagħmel l-ilment għandha tippreċiża l-miżuri speċifiċi li jkunu qed jiġu diskussi u tispjega r-raġunijiet li għalihom dawn il-miżuri huma fi ksur tad-dispożizzjonijiet ta' dan il-Ftehim.

Artikolu 50

Il-kostituzzjoni ta' grupp speċjali tal-arbitraġġ

1.  Grupp speċjali tal-arbitraġġ huwa magħmul minn tliet arbitri.

2.  Fiż-żmien 10 ijiem mill-preżentazzjoni tat-talba biex jiġi kostitwit grupp speċjali tal-arbitraġġ lill-Kumitat FSE, il-partijiet jaħdmu sabiex jiftiehmu fuq il-kompożizzjoni tal-grupp speċjali tal-arbitraġġ.

3.  Fil-każ fejn il-partijiet ma jaslux biex jiftiehmu fuq il-kompożizzjoni tal-grupp speċjali tal-arbitraġġ fil-limitu taż-żmien previst fil-paragrafu 2, kull parti tista' titlob lill-president tal-Kumitat FSE jew lir-rappreżentant tiegħu li jagħżel it-tliet membri tal-grupp speċjali tal-arbitraġġ bix-xorti mil-lista stabbilita skont l-Artikolu 64, b'wieħed minn dawn il-membri minn fost il-persuni li nħatru mill-parti li qed tagħmel l-ilment, b'ieħor minn fost dawk li nħatru mill-parti intimata, u bit-tielet fost dawk li nħatru miż-żewġ partijiet sabiex jippresjedu fuq il-laqgħat. Jekk il-partijiet ikunu ftiehmu dwar l-għażla ta' wieħed jew diversi membri tal-grupp speċjali tal-arbitraġġ, il-membru jew membri li jibqgħu jintgħażlu skont l-istess proċedura.

4.  Il-president tal-Kumitat FSE jew ir-rappreżentant tiegħu għandu jagħżel l-arbitri fi żmien ħamest ijiem mit-talba stipulata fil-paragrafu 3 u li tiġi minn waħda mill-partijiet fil-preżenza ta' rappreżentant ta' kull parti.

5.  Id-data li fiha jiġi kostitwit il-grupp speċjali tal-arbitraġġ hija dik li fiha jkunu ntgħażlu t-tliet arbitri.

Artikolu 51

Ir-rapport temporanju tal-grupp speċjali tal-arbitraġġ

Il-grupp speċjali tal-arbitraġġ għandu jippreżenta rapport temporanju lill-partijiet li jinkludi fih kemm is-sezzjonijiet ta' deskrizzjoni u kemm in-noti u l-konklużjonijiet tiegħu, bħala regola ġenerali fi zmien 120 jum wara li jibdew jgħoddu minn meta jiġi kostitwit il-grupp speċjali tal-arbitraġġ. Fi żmien ħmistax-il jum mill-preżentazzjoni tar-rapport intermedjarju mill-grupp speċjali, kull parti tista' tippreżenta lill-grupp ir-rimarki tagħha bil-miktub, dwar aspetti preċiżi ta' dan ir-rapport.

Artikolu 52

Id-deċiżjoni tal-grupp speċjali tal-arbitraġġ

1.  Il-grupp speċjali tal-arbitraġġ għandu jippreżenta d-deċiżjoni tiegħu lill-partijiet u lill-Kumitat FSE fi zmien 150 jum wara li jibdew jgħoddu minn meta jiġi kostitwit. Jekk iqis li ma jistax iżomm ma' dan it-terminu ta' żmien, il-president tal-grupp speċjali tal-arbitraġġ għandu jinforma bil-miktub lill-partijiet u lill-Kumitat FSE, fejn jippreċiża r-raġunijiet għad-dewmien u d-data li fiha l-kumitat iqis li se jtemm ix-xogħlijiet tiegħu. Id-deċiżjoni tal-arbitraġġ fl-ebda ċirkostanza ma għandha tingħata aktar tard minn 180 jum wara, li jibdew jgħoddu minn meta jiġi kostitwit il-grupp speċjali tal-arbitraġġ.

2.  F'każijiet urġenti, inkluż f'dawk fejn huma involuti oġġetti tal-ikel li jiħżienu jew staġjonali, il-grupp speċjali tal-arbitraġġ għandu jeżerċita diliġenza biex jagħti d-deċiżjoni tiegħu fi żmien 75 jum minn meta jitwaqqaf. Fl-ebda każ ma għandu jagħti d-deċiżjoni tiegħu aktar tard minn 90 jum minn meta kien kostitwit. Matul l-10 ijiem wara li jkun ġie kostitwit, il-grupp speċjali jista' jagħti deċiżjoni preliminari fuq il-kwistjoni jekk iqis li l-każ huwa urġenti.

3.  Kull parti tista' titlob lill-grupp speċjali tal-arbitraġġ li jipprovdi rakkomandazzjonijiet fuq il-mod kif il-parti inkwistjoni tista' terġa' tikkonforma.

Sezzjoni II

Il-konformità

Artikolu 53

Il-konformità mad-deċiżjoni tal-grupp speċjali tal-arbitraġġ

Kull parti għandha tieħu l-miżuri kollha neċessarji biex timplimenta d-deċiżjoni tal-grupp speċjali tal-arbitraġġ, u l-partijiet jimpenjaw ruħhom biex jiftiehmu fuq żmien għat-twettiq tad-deċiżjoni.

Artikolu 54

Żmien raġonevoli għall-konformità

1.  Fi żmien tletin jum wara li l-partijiet ikunu ġew avżati bid-deċiżjoni tal-grupp speċjali tal-arbitraġġ, il-parti intimata għandha tavża bil-miktub lill-parti li tippreżenta l-ilment u lill-Kumitat FSE bit-tul ta' żmien li din tkun tinħtieġ biex tikkonforma (minn issa msejjaħ “żmien raġonevoli”).

2.  F'każ ta' nuqqas ta' ftehim bejn il-partijiet dwar x'jikkostitwixxi żmien raġonevoli biex din tikkonforma mad-deċiżjoni tal-grupp speċjali tal-arbitraġġ, il-parti li tippreżenta l-ilment, fi żmien 20 jum min-notifika ppreżentata mill-parti intimata, għandha titlob bil-miktub lill-grupp speċjali tal-arbitraġġ biex jiddetermina t-tul taż-żmien raġonevoli. Din it-talba għandha tiġi kkomunikata fl-istess ħin lill-parti l-oħra u lill-Kumitat FSE. Il-grupp speċjali tal-arbitraġġ għandu jgħarraf id-deċiżjoni tiegħu lill-partijiet u lill-Kumitat FSE fi żmien 30 jum minn meta tiġi ppreżentata t-talba.

3.  Biex jiġi determinat it-tul taż-żmien raġonevoli, il-grupp speċjali jrid jikkunsidra ż-żmien li l-parti intimata normalment ikollha bżonn biex tadotta l-miżuri leġiżlattivi jew amministrattivi mqabbla ma' dawk li l-parti li intimata tqis li jkunu meħtieġa biex jassiguraw il-konformità. Il-grupp speċjali jista' jikkunsidra wkoll il-limitazzjonijiet li jistgħu jaffettwaw l-adozzjoni tal-miżuri meħtieġa mill-parti intimata.

4.  Fil-każ li l-grupp speċjali tal-arbitraġġ oriġinali jew uħud mill-membri tiegħu ma jkunux jistgħu jerġgħu jiltaqgħu mill-ġdid, għandhom jiġu applikati l-proċeduri tal-Artikolu 50. Iż-żmien biex tittieħed deċiżjoni huwa ta' 45 jum mill-preżentazzjoni tat-talba stipulata fil-paragrafu 2.

5.  Iż-żmien raġonevoli jista' jiġi estiż bi ftehim bejn il-partijiet.

Artikolu 55

Eżami mill-ġdid tal-miżuri meħuda għall-konformità mad-deċiżjoni tal-grupp speċjali tal-arbitraġġ

1.  Il-parti intimata għandha tavża lill-parti l-oħra u lill-Kumitat FSE qabel it-tmiem tal-perjodu ta' żmien raġonevoli bil-miżuri li din tkun ħadet sabiex tikkonforma mad-deċiżjoni ta' arbitraġġ.

2.  F'każ ta' nuqqas ta' ftehim bejn il-partijiet dwar il-kompatibbiltà tal-miżuri notifikati fit-termini tal-paragrafu 1 mad-dispożizzjonijiet ta' dan il-Ftehim, il-parti li tippreżenta l-ilment tista' titlob lill-grupp speċjali tal-arbitraġġ bil-miktub biex jiddeċiedi dwar il-kwistjoni. It-talba għandha tippreċiża l-miżuri speċifiċi li qed jiġu diskussi, u tispjega r-raġunijiet li għalihom dawn mhumiex kompatibbli mad-dispożizzjonijiet ta' dan il-Ftehim. Il-grupp speċjali tal-arbitraġġ għandu jgħarraf id-deċiżjoni tiegħu fi żmien 90 jum wara l-preżentazzjoni tat-talba. Fil-każijiet urġenti, inkluż partikolarment f'dawk li jirrigwardaw oġġetti tal-ikel li jiħżienu u staġjonali, il-grupp speċjali tal-arbitraġġ għandu jgħarraf id-deċiżjoni tiegħu fi żmien 45 jum mill-preżentazzjoni tat-talba.

3.  Fil-każ fejn il-grupp speċjali tal-arbitraġġ oriġinali jew uħud mill-membri tiegħu ma jkunux jistgħu jerġgħu jiltaqgħu, għandhom jiġu applikati l-miżuri previsti fl-Artikolu 50. Iż-żmien għan-notifika tad-deċiżjoni huwa ta' 105 ijiem mill-preżentazzjoni tat-talba kif stipulat fil-paragrafu 2.

Artikolu 56

Rimedji temporanji f'każ ta' nuqqas ta' konformità

1.  Jekk qabel ma jiskadi ż-żmien raġonevoli l-parti intimata ma tgħarrafx il-miżuri li din tkun ħadet biex tikkonforma mad-deċiżjoni tal-grupp speċjali ta' arbitraġġ, jew jekk dan jiddeċiedi li l-miżuri notifikati skont l-Artikolu 55, il-paragrafu 1 mhumiex kompatibbli mal-obbligi ta' din il-parti fit-termini tad-dispożizzjonijiet previsti fl-Artikolu 53, il-parti intimata għandha, jekk din tkun mistiedna mill-parti li qed tagħmel l-ilment, li tagħmel offerta ta' kumpens temporanju.

2.  Jekk il-partijiet ma jaqblux dwar kumpens fi żmien it-30 jum li jibdew mit-tmiem taż-żmien raġonevoli jew mid-deċiżjoni tal-grupp speċjali ta' arbitraġġ, kif stipulat fl-Artikolu 55, fejn il-miżuri ta' konformità li jkunu ttieħdu ma jkunux kompatibbli mad-deċiżjonijiet stipulati fl-Artikolu 53, il-parti li tippreżenta l-ilment tista', wara li tkun innotifikat lill-parti l-oħra b'dan, tadotta miżuri adattati. Billi tadotta tali miżuri, il-parti li qed tippreżenta l-ilment għandha tagħżel miżuri li jkollhom l-anqas effett possibbli fuq il-kisba tal-għanijiet ta' dan il-ftehim, u għandha tikkunsidra l-impatt tagħhom fuq l-ekonomija tal-parti intimata.

Fi kwalunkwe każ, il-miżuri adottati skont dan il-paragrafu ma għandhomx jaffettwaw l-għotja ta' assistenza għall-iżvilupp tal-Kosta tal-Avorju.

3.  Il-parti KE għandha tkun moderata fit-talbiet għal kumpens jew fl-adozzjoni ta' miżuri adattati skont il-paragrafi 1 u 2, u tikkunsidra li l-parti tal-Côte d'Ivoire hija pajjiż li qed jiżviluppa.

4.  Il-miżuri adattati jew il-kumpens huma temporanji u jiġu applikati biss meta l-miżura li tkun ġiet rikonoxxuta li qed tikser id-dispożizzjonijiet stipulati fl-Artikolu 53 tkun ġiet imħassra jew emendata b'tali mod li din tikkonforma mad-dispożizzjonijiet imsemmija, jew sakemm il-partijiet jaslu għal ftehim.

Artikolu 57

L-eżami tal-miżuri ta' konformità wara l-adozzjoni ta' miżuri xierqa

1.  Il-parti intimata għandha tinnotifika lill-parti l-oħra u lill-Kumitat FSE bil-miżuri li din tkun ħadet biex tikkonforma mad-deċiżjoni tal-grupp speċjali ta' arbitraġġ, u fin-notifika titlob lill-parti li tippreżenta l-ilment li għandhom jitwaqqfu l-miżuri adattati.

2.  Jekk il-partijiet ma jaslux biex jaqblu fuq il-kompatibbiltà tal-miżuri notifikati mad-dispożizzjonijiet ta' dan il-ftehim fi żmien 30 jum mill-preżentazzjoni tan-notifika, il-parti li tippreżenta l-ilment għandha titlob bil-miktub lill-grupp speċjali ta' arbitraġġ biex jiddeċiedi dwar il-kwistjoni. It-talba tiġi nnotifikata lill-parti l-oħra u lill-Kumitat FSE. Id-deċiżjoni tal-grupp speċjali ta' arbitraġġ tiġi kkomunikata lill-partijiet u lill-Kumitat FSE fi żmien 45 jum mill-preżentazzjoni tat-talba. Jekk il-grupp speċjali ta' arbitraġġ jiddeċiedi li kwalunkwe miżura li ttieħdet biex tintlaħaq il-konformità mhijiex konformi mad-dispożizzjonijiet ta' dan il-ftehim, dan jiddeċiedi jekk il-parti li qed tippreżenta l-ilment tistax tkompli tapplika l-miżuri adattati. Jekk il-grupp speċjali ta' arbitraġġ jiddeċiedi li kwalunkwe miżura li ttieħdet biex tintlaħaq il-konformità hija konformi mad-dispożizzjonijiet ta' dan il-ftehim, il-miżuri adattati għandhom jitwaqqfu.

3.  Fil-każ fejn il-grupp speċjali ta' arbitraġġ oriġinali jew uħud mill-membri tiegħu ma jkunux jistgħu jerġgħu jiltaqgħu mill-ġdid, għandhom jiġu applikati l-proċeduri previsti fl-Artikolu 50. Iż-żmien għan-notifika tad-deċiżjoni huwa ta' 60 jum mill-preżentazzjoni tat-talba stipulata fil-paragrafu 2.

Sezzjoni III

Id-dispożizzjonijiet komuni

Artikolu 58

Soluzzjoni sodisfaċenti għaż-żewġ partijiet

Fil-qafas ta' dan it-titolu, il-partijiet jistgħu fi kwalunkwe mument jiftiehmu dwar soluzzjoni li tissodisfa liż-żewġ partijiet f'tilwima. Dawn għandhom javżaw lill-Kumitat FSE bil-ftehim tagħhom dwar tali soluzzjoni. Malli tiġi adottata soluzzjoni sodisfaċenti għaż-żewġ partijiet, il-proċedura għandha titwaqqaf.

Artikolu 59

Ir-regolament tal-proċedura

1.  Il-proċeduri tar-riżoluzzjoni tat-tilwim previsti fil-Kapitolu 3 ta' dan it-titolu huma regolati mir-regolament tal-proċedura li se jiġi adottat mill-Kumitat FSE tliet xhur wara li jiġi kostitwit.

2.  Il-laqgħat tal-grupp speċjali tal-arbitraġġ huma miftuħa għall-pubbliku skont ir-regolament tal-proċedura, sakemm ma jiġix deċiż b'mod ieħor mill-grupp speċjali tal-arbitraġġ, fuq l-inizjattiva tiegħu jew fuq talba tal-partijiet.

Artikolu 60

Informazzjoni ġenerali u teknika

Fuq talba ta' waħda mill-partijiet jew fuq l-inizjattiva tiegħu, il-grupp speċjali tal-arbitraġġ jista' jikseb informazzjoni minn kwalunkwe sors, inkluż mingħand partijiet interessati mit-tilwima, jekk dan iqis li dan huwa meħtieġ għall-proċedura tal-arbitraġġ. Il-grupp speċjali tal-arbitraġġ għandu wkoll l-awtorità li jikseb l-opinjoni ta' esperti sakemm dan iqis li huwa meħtieġ. Il-partijiet interessati għandhom il-possibbiltà li jippreżentaw, bħala amicus curiae, in-noti tal-grupp speċjali tal-arbitraġġ skont ir-regolament tal-proċedura. Kull informazzjoni miksuba trid tingħata lil kull waħda mill-partijiet u huma jistgħu jagħmlu l-osservazzjonijiet tagħhom fuqha.

Artikolu 61

Il-lingwa tas-sottomissjonijiet

Is-sottomissjonijiet bil-fomm u bil-miktub għandhom jiġu ppreżentati fi kwalunkwe mil-lingwi uffiċjali tal-partijiet. Madankollu, il-partijiet għandhom jimpenjaw ruħhom, sakemm ikun possibbli, li jadottaw bħala lingwa tal-ħidma komuni xi lingwa uffiċjali komuni għaż-żewġ partijiet, u għandhom iqisu b'mod speċjali l-fatt li l-Côte d'Ivoire hu pajjiż li għadu qed jiżviluppa, partikolarment fir-rigward tad-diffikultajiet ta' traduzzjoni.

Artikolu 62

Ir-regoli tal-interpretazzjoni

Il-grupp speċjali tal-arbitraġġ huwa obbligat li jinterpreta d-dispożizzjonijiet ta' dan il-Ftehim skont ir-regoli normali tal-interpretazzjoni tad-dritt internazzjonali pubbliku, inkluż il-Konvenzjoni ta' Vjenna fuq il-Liġi tat-Trattati. Id-deċiżjonijiet tal-grupp speċjali tal-arbitraġġ ma jistgħux iżidu jew inaqqsu d-drittijiet u l-obbligi previsti mid-dispożizzjonijiet ta' dan il-ftehim.

Artikolu 63

Id-deċiżjonijiet tal-grupp speċjali ta' arbitraġġ

1.  Il-grupp speċjali ta' arbitraġġ għandu jimpenja ruħu biex jieħu d-deċiżjonijiet tiegħu b'konsensus. Madankollu, jekk ikun impossibbli li tintlaħaq deċiżjoni b'konsensus, il-kwistjoni tiġi deċiża skont il-maġġoranza tal-voti, imma fl-ebda każ ma jiġu ppubblikati l-opinjonijiet diverġenti tal-arbitri.

2.  Id-deċiżjoni tippremetti l-konstatazzjonijiet fuq il-fatti, l-applikabbiltà tad-dispożizzjonijiet pertinenti ta' dan il-Ftehim, u r-raġunament li jirfed il-konstatazzjonijiet u l-konklużjonijiet li jkun wasal għalihom il-grupp speċjali ta' arbitraġġ. Il-Kumitat FSE jgħarraf id-deċiżjoni ta' arbitraġġ tiegħu lill-pubbliku sakemm ma jiddeċidix b'mod ieħor.

KAPITOLU 4

Dispożizzjonijiet ġenerali

Artikolu 64

Il-lista tal-arbitri

1.  Fi żmien tliet xhur mill-applikazzjoni proviżorja ta' dan il-Ftehim, il-Kumitat FSE għandu jistabbilixxi lista ta' 15-il persuna li huma disposti u kapaċi jkunu arbitri. Kull parti magħżula għandha tagħżel ħames persuni kapaċi li jkunu arbitri. Iż-żewġ partijiet għandhom jiftiehmu wkoll fuq l-għażla tal-ħames individwi li mhumiex ċittadini ta' xi waħda mill-partijiet, u li jkunu jistgħu jissejħu biex jippresjedu fuq il-grupp speċjali ta' arbitraġġ. Il-Kumitat FSE huwa responsabbli biex iżomm din il-lista dejjem aġġornata.

2.  L-arbitri għandu jkollhom għarfien jew esperjenza speċjalizzata fil-liġi u fil-kummerċ internazzjonali. Għandhom ikunu indipendenti, jaġixxu fil-kapaċità individwali tagħhom u mhux skont l-ordnijiet ta' kwalunkwe organizzazzjoni jew gvern, ma jkunux membri tal-amministrazzjoni ta' xi waħda mill-partijiet, u josservaw il-kodiċi tal-kondotta anness mar-Regoli tal-Proċedura.

3.  Il-Kumitat FSE jista' jistabbilixxi lista supplementari ta' 15-il persuna li jkollhom għarfien settorjali speċjalizzat li għandu x'jaqsam mal- kwistjonijiet partikolari koperti minn dan il-Ftehim. Jekk isir rikors għall-proċedura ta' għażla prevista mill-Artikolu 50 (2), il-president tal-Kumitat FSE jista' juża din il-lista settorjali bl-approvazzjoni taż-żewġ partijiet.

Artikolu 65

Ir-relazzjoni mal-obbligi tad-WTO

1.  Is-seduti ta' arbitraġġ kostitwiti taħt dan il-ftehim mhumiex kompetenti biex jiddeċiedu dwar tilwim naxxenti mid-drittijiet u l-obbligi ta' kull parti fit-termini tal-ftehim li jistabbilixxi l- WTO.

2.  L-użu tad-dispożizzjonijiet tar-riżoluzzjoni tat-tilwim f'dan il-ftehim huwa bla ħsara għal kull azzjoni ppreżentata fil-qafas tal-WTO, inkluża azzjoni għar-riżoluzzjoni tat-tilwim. Madnakollu, meta parti tista' tibda proċedura għar-riżoluzzjoni tat-tilwim fir-rigward ta' miżura koperta, kemm mit-termini tal-Artikolu 49, il-paragrafu 1, kif ukoll mit-termini tal-Ftehim li stabilixxa l-WTO, hi ma tistax tibda proċedura għar-riżoluzzjoni tat-tilwim fuq l-istess miżura quddiem il-forum l-ieħor qabel il-konklużjoni tal-ewwel proċedura. Fis-sens ta' dan il-paragrafu, parti tkun bdiet proċedura għar-riżoluzzjoni tat-tilwim fit-termini tal-Ftehim li stabilixxa l-WTO meta din tkun ippreżentat talba biex jiġi kostitwit grupp speċjali taħt l-Artikolu 6 tal-Memorandum ta' Ftehim dwar ir-riżoluzzjoni tat-tilwim tal-WTO.

3.  Dan il-Ftehim ma jipprekludix lil parti milli tapplika sospensjoni tal-obbligazzjonijiet awtorizzata mill-entità għar-riżoluzzjoni tat-tilwim tad-WTO.

Artikolu 66

Termini ta' żmien

1.  It-termini ta' żmien previsti f'dan it-Titolu, inkluż it-terminu ta' żmien għan-notifika tad-deċiżjonijiet mill-gruppi speċjali ta' arbitraġġ, jingħadd fi ġranet tal-kalendarju mill-jum ta' wara l-att jew il-fatt li huma relatati miegħu.

2.  Kull terminu ta' żmien f'dan it-Titolu jista' jiġi estiż bi ftehim reċiproku tal-partijiet.

Artikolu 67

Modifika tat-Titolu V

Kemm il-Kumitat FSE u kif ukoll kull waħda mill-partijiet għandhom id-dritt li jitolbu li jiġi modifikat it-Titolu V. It-talbiet ta' modifika għandhom jiġu eżaminati mill-Kumitat FSE. Il-modifika ssir effettiva biss wara l-approvazzjoni mill-partijiet.

TITOLU VI

EĊĊEZZJONIJIET ĠENERALI

Artikolu 68

Il-klawżola ta' eċċezzjoni ġenerali

Minħabba l-bżonn li tali miżuri ma jkunux applikati b'mod li jikkostitwixxi mezz ta' diskriminazzjoni arbitrarja jew li ma tistax tiġi ġġustifikata bejn il-partijiet filwaqt li l-kundizzjonijiet ugwali huma prevalenti, jew restrizzjoni moħbija li taffettwa l-iskambji tal-prodotti u servizzi u l-istabbiliment, l-ebda dispożizzjoni ta' dan il-Ftehim ma tista' tiġi interpretata b'mod li tipprekludi l-adozzjoni jew l-applikazzjoni mill-partijiet b'miżuri li:

Artikolu 69

Eċċezzjonijiet ta' sikurezza

1.  L-ebda waħda mid-dispożizzjonijiet ta' dan il-Ftehim ma tista' tiġi interpretata:

2.  Il-Kumitat FSE safejn ikun possibbli għandu jinżamm infurmat bil-miżuri li jittieħdu skont il-paragrafu 1, il-punti (b) u (c) u tad-data li fihom jintemmu.

Artikolu 70

It-tassazzjoni

1.  L-ebda waħda mid-dispożizzjonijiet ta' dan il-Ftehim jew ta' kwalunkwe arranġament adottat fil-qafas tiegħu ma jista' jkun interpretat bħala li jipprekludi lill-partijiet milli jiddistingwu, fl-applikazzjoni tad-dispożizzjonijiet pertinenti għad-dazju fiskali tagħhom, bejn l-ammonti li jridu jiġu kontribwiti li mhumiex fl-istess sitwazzjoni, partikolarment fir-rigward tal-post ta' fejn joqogħdu jew tal-post fejn huwa investit il-kapital tagħhom.

2.  L-ebda waħda mid-dispożizzjonijiet ta' dan il-Ftehim jew ta' kwalunkwe ftehim adottat fil-qafas tiegħu ma tista' tiġi interpretata bħala li tipprekludi l-adozzjoni jew l-applikazzjoni ta' kull miżura li taħseb biex tipprevjeni l-evażjoni fiskali jew sabiex jiġi evitat il-ħlas ta' taxxi skont il-ftehimiet li jaħsbu biex tiġi evitata t-tassazzjoni doppja jew skont arranġamenti fiskali oħra jew leġiżlazzjonijiet fiskali nazzjonali.

3.  L-ebda waħda mid-dispożizzjonijiet ta' dan il-Ftehim ma għandha taffettwa d-drittijiet u l-obbligi tal-partijiet previsti minn xi ftehim fiskali ieħor. Fil-każ fejn ikun hemm nuqqas ta' kompatibbiltà bejn dan il-ftehim u dak il-ftehim l-ieħor, jipprevali dan tal-aħħar minħabba n-nuqqas ta' kompatibbiltà.

TITOLU VII

ID-DISPOŻIZZJONIJIET ISTITUZZJONALI, ĠENERALI U FINALI

Artikolu 71

It-tkomplija tan-negozjati u l-implimentazzjoni ta' dan il-Ftehim

1.  Il-partijiet għandhom ikomplu n-negozjati skont id-dispożizzjonijiet ta' dan il-Ftehim.

2.  Meta n-negozjati jiġu konklużi, l-abbozzi tal-emendi li jirriżultaw għandhom jitpoġġew għall-approvazzjoni mill-awtoritajiet interni pertinenti.

Artikolu 72

Id-definizzjoni tal-partijiet u t-twettiq tal-obbligi

1.  Il-partijiet kontraenti f'dan il-Ftehim huma r-Repubblika tal-Côte d'Ivoire, imsejħa “l-parti Côte d'Ivoire” jew “Côte d'Ivoire”, min-naħa, u l-Komunità Ewropea jew l-Istati Membri tagħha jew il-Komunità Ewropea u l-Istati Membri tagħha, fl-oqsma rispettivi ta' kompetenza previsti mit-Trattat li jistabbilixxi l-Komunità Ewropea, imsejħin “il-parti KE”, min-naħa l-oħra.

2.  Għall-finijiet ta' dan il-Ftehim, it-terminu “parti” tirreferi għall-Côte d'Ivoire jew għall-parti KE, skont il-każ. It-terminu “partijiet” jirreferi għall-Côte d'Ivoire u għall-Parti KE.

3.  Il-partijiet għandhom jieħdu kull miżura ġenerali jew partikolari meħtieġa għat-twettiq tal-obbligi tagħhom li ġejjin minn dan il-Ftehim u għandhom jimpenjaw ruħhom biex l-għanijiet definiti minn dan il-Ftehim jintlaħqu.

Artikolu 73

Kumitat FSE

1.  Għall-implimentazzjoni ta' dan il-Ftehim, għandu jiġi kkostitwit Kumitat FSE fi żmien tliet xhur mill-iffirmar ta' dan il-ftehim.

2.  Il-partijiet jaqblu li l-kompożizzjoni, l-organizzazzjoni u l-iffunzjonar tal-Kumitat FSE għandhom jirrispettaw il-prinċipju tal-ugwaljanza. Il-Kumitat FSE jiddetermina r-regoli tal-organizzazzjoni u tal-iffunzjonar tiegħu.

3.  Il-Kumitat FSE huwa responsabbli għall-amministrazzjoni tal-oqsma kollha koperti minn dan il-Ftehim u għat-twettiq tal-ħidmiet kollha msemmija f'dan il-Ftehim.

4.  Sabiex tkun iffaċilitata l-komunikazzjoni u tkun assigurata l-implimentazzjoni effikaċi ta' dan il-Ftehim, kull parti għandha taħtar korrispondent fil-Kumitat FSE.

5.  Il-laqgħat tal-Kumitat FSE jistgħu jkunu miftuħa għal partijiet terzi. Il-Kummissjonijiet tal-Unjoni Ekonomika u Monetarja tal-Afrika tal-Punent (WAEMU) u tal-ECOWAS jistgħu jkunu mistiedna għal-laqgħat tal-Kumitat FSE skont il-proċeduri interni tagħhom.

Artikolu 74

Ir-reġjuni l-aktar imbiegħda tal-Komunità Ewropea

1.  Meta titqies il-viċinanza ġeografika tar-reġjuni l-aktar imbiegħda tal-Komunità Ewropea u tal-Côte d'Ivoire, u sabiex jissaħħu r-relazzjonijiet ekonomiċi u soċjali bejn dawn ir-reġjuni u l-Côte d'Ivoire, il-partijiet għandhom jagħmlu ħilithom biex jiffaċilitaw il-kooperazzjoni fl-oqsma kollha koperti minn dan il-ftehim kif ukoll jiffaċilitaw il-kummerċ ta' beni u servizzi, li jippromwovu l-investimenti u li jinkoraġġixxu t-trasport u r-rabtiet ta' komunikazzjoni bejn ir-reġjuni l-aktar imbiegħda u l-Côte d'Ivoire.

2.  L-għanijiet iddikjarati fil-paragrafu 1 jiġu segwiti kemm jista' jkun billi tkun inkoraġġita l-parteċipazzjoni konġunta tal-Côte d'Ivoire u tar-reġjuni l-aktar imbiegħda fi programmi ta' qafas u fi programmi speċifiċi tal-Komunità Ewropea f'oqsma koperti minn dan il-ftehim.

3.  Il-parti KE għandha tagħmel sforz biex tassigura l-koordinazzjoni bejn l-istrumenti finanzjarji differenti ta' politiki ta' koeżjoni u tal-iżvilupp tal-Komunità Ewropea b'mod li jippromwovu l-kooperazzjoni bejn il-Côte d'Ivoire u r-reġjuni l-aktar imbiegħda tal-Komunità Ewropea fl-oqsma koperti minn dan il-ftehim.

4.  Xejn f'dan il-ftehim ma jipprekludi lill-parti KE milli tapplika l-miżuri eżistenti li jaħsbu biex jantiċipaw is-sitwazzjoni strutturali, soċjali u ekonomika tar-reġjuni l-aktar imbiegħda skont l-Artikolu 299, il-paragrafu 2 tat-Trattat li jistabbilixxi l-Komunità Ewropea.

Artikolu 75

Id-dħul fis-seħħ u d-denunzja

1.  Dan il-Ftehim għandu jiġi ffirmat, ratifikat jew approvat skont ir-regoli kostituzzjonali speċifiċi għal kull parti jew, f'dak li jikkonċerna l-parti KE, ir-regoli u l-proċeduri interni tagħha.

2.  Dan il-Ftehim jidħol fis-seħħ fl-ewwel jum tax-xahar ta' wara dak li matulu l-parti tal-Côte d'Ivoire u l-parti KE jkunu nnotifikaw lil xulxin bit-twettiq tal-proċeduri meħtieġa għal dan.

3.  In-notifiki għandhom jintbagħtu lis-segretarju ġenerali tal-Kunsill tal-Unjoni Ewropea, li se tkun id-depożitarju ta' dan il-Ftehim.

4.  Sakemm jidħol fis-seħħ dan il-Ftehim, il-partijiet jaqblu li japplikawh b'mod provviżorju, skont il-liġijiet rispettivi tagħhom u permezz tar-ratifika tal-Ftehim.

5.  Applikazzjoni provviżorja tiġi notifikata lid-depożitarju. Il-Ftehim għandu jiġi applikat b'mod provviżorju 10 ijiem wara li tasal l-aħħar notifika tal-applikazzjoni provviżorja mill-Komunità Ewropea jew mill-Côte d'Ivoire.

6.  Minkejja l-paragrafu 4, il-parti KE u l-Côte d'Ivoirejistgħu japplikaw il-Ftehim, kollu jew parti minnu, qabel l-applikazzjoni provviżorja tiegħu, sakemm dan ikun possibbli skont il-leġiżlazzjoni interna tagħhom.

7.  Kull parti tista' tinnotifika bil-miktub lill-parti l-oħra l-intenzjoni tagħha li tiddenunċja dan il-Ftehim. Id-denunzja ssir effettiva sitt xhur wara n-notifika mill-parti l-oħra.

8.  Dan il-Ftehim se jiġi sostitwit minn FSE globali konkluż fil-livell reġjonali mal-parti KE fid-data tad-dħul fis-seħħ tiegħu. F'dan il-każ, il-partijiet għandhom jimpenjaw ruħhom sabiex il-FSE globali fil-livell reġjonali jħares il-punti essenzjali tal-acquis tal-Côte d'Ivoire skont dan il-Ftehim.

Artikolu 76

L-applikazzjoni territorjali

Dan il-Ftehim huwa applikabbli min-naħa għat-territorji li fihom it-Trattat li jistabbilixxi l-Komunità Ewropea huwa applikat u dan, skont il-kundizzjonijiet iffissati f'dan it-Trattat, u min-naħa l-oħra l-Côte d'Ivoire.

Artikolu 77

L-adeżjonijiet tal-Istati l-Membri l-ġodda tal-Unjoni Ewropea

1.  Il-Kumitat FSE għandu jkun infurmat b'kull talba ta' Stat terz li jixtieq isir membru tal-Unjoni Ewropea. Matul in-negozjati bejn l-Unjoni Ewropea u l-Istat kandidat, il-parti KE għandha tipprovdi lill-Côte d'Ivoire kull informazzjoni pertinenti u l-Côte d'Ivoire għandha tinforma lill-parti KE bit-tħassib tagħha sabiex din tkun tista' tikkunsidrahom bis-sħiħ. Il-Côte d'Ivoire għandha tirċievi notifika ta' kull adeżjoni fl-Unjoni Ewropea.

2.  Kull Stat Membru ġdid tal-Unjoni Ewropea għandu jintrabat ma' dan il-Ftehim mid-data tal-adeżjoni tiegħu fl-Unjoni Ewropea fuq il-bażi ta' klawżola għal dan fl-Att tal-adeżjoni. Jekk l-att tal-adeżjoni fl-Unjoni Ewropea ma jipprevedix tali adeżjoni awtomatika tal-Istat Membru l-ġdid fl-Unjoni Ewropea f'dan il-Ftehim, l-Istat Membru kkonċernat għandu jingħaqad ma' dan il-Ftehim billi jippreżenta att ta' adeżjoni lis-Segretarjat Ġenerali tal-Kunsill tal-Unjoni Ewropea, li għandu jibgħat kopji ċertifikati lill-parti tal-Côte d'Ivoire.

3.  Il-partijiet għandhom jeżaminaw l-effetti tal-adeżjoni tal-Istati l-Membri l-ġodda tal-Unjoni Ewropea fuq dan il-Ftehim. Il-Kumitat FSE jista' jiddeċiedi fuq miżuri tranżitorji jew emendi neċessarji.

Artikolu 78

Id-djalogu fuq il-kwistjonijiet finanzjarji

Il-partijiet jaqblu li jippromwovu d-djalogu, it-trasparenza u li jaqsmu l-aqwa prattiki fil-qasam tal-politika u ta' amministrazzjoni fiskali.

Artikolu 79

Il-kollaborazzjoni fil-qasam tal-ġlieda kontra l-attivitajiet finanzjarji illegali

Il-parti KE u l-Côte d'Ivoire huma impenjati li jipprevjenu u jiġġieldu kontra l-attivitajiet illegali, frodulenti u ta' korruzzjoni, il-ħasil tal-flus u l-finanzjament tat-terroriżmu. Għal dan il-fini l-partijiet jieħdu miżuri leġiżlattivi u amministrattivi neċessarji biex jikkonformaw għan-normi internazzjonali, inkluż dawk definiti fil-Konvenzjoni tan-Nazzjonijiet Uniti kontra l-Korruzzjoni, il-Konvenzjoni tan-Nazzjonijiet Uniti kontra l-Kriminalità Transnazzjonali Organizzata u l-Protokolli tagħha, il-Konvenzjoni tan-Nazzjonijiet Uniti għar-Repressjoni tal-Finanzjament tat-Terroriżmu u r-rakkomandazzjonijiet tal-Grupp ta' l-Azzjoni Finanzjarja. Il-parti KE u l-Côte d'Ivoire jaqblu li jgħaddu għal skambju ta' informazzjoni u li jikkooperaw f'dawn l-oqsma.

Artikolu 80

Ir-rapporti ma' ftehimiet oħra

1.  Ħlief għall-Artikoli li jikkonċernaw il-kooperazzjoni għall-iżvilupp previst fit-Titolu II tal-Parti III tal-Ftehim ta' Cotonou, f'każ ta' nuqqas ta' koerenza bejn id-dispożizzjonijiet ta' dan il-Ftehim u dispożizzjonijiet tat-Titolu II tal-Parti III tal-Ftehim ta' Cotonou, id-dispożizzjonijiet ta' dan il-Ftehim għandhom jipprevalu.

2.  L-ebda dispożizzjoni ta' dan il-Ftehim ma għandha tiġi interpretata bħala li qed ittellef l-adozzjoni ta' miżuri mill-Komunità Ewropea jew mill-Côte d'Ivoire, inkluż miżuri kummerċjali, meqjusa adattati u previsti mill-Artikoli 11b, 96 u 97 tal-Ftehim ta' Cotonou.

3.  Il-partijiet jaqblu li l-ebda parti minn dan il-Ftehim ma jobbligahom li jaġixxu b'mod inkompatibbli mal-obbligi tagħhom fil-qafas tal-WTO.

▼M1

Artikolu 81

Testi awtentiċi

Dan il-Ftehim huwa mfassal f'żewġ eżemplari bil-lingwa Bulgara, Kroata, Ċeka, Daniża, Olandiża, Ingliża, Estona, Finlandiża, Franċiża, Ġermaniża, Griega, Ungeriża, Taljana, Latvjana, Litwana, Maltija, Pollakka, Portugiża, Rumena, Slovakka, Slovena, Spanjola u Żvediża, b'kull wieħed minn dawn it-testi ugwalment awtentiku.

▼B

Artikolu 82

Annessi

L-appendiċi, l-annessi u l-Protokolli ta' dan il-Ftehim huma parti integrali minnu.

BĦALA XHIEDA, il-plenipotenzjarji hawn iffirmati poġġew il-firma tagħhom fit-tmiem ta' dan il-Ftehim.

Съставено съответно в Абиджан на двайсет и шести ноември две хиляди и осма година и в Брюксел на двайсет и втори януари две хиляди и девета година.

Hecho en Abiyán el veintiséis de noviembre de dos mil ocho y en Bruselas el veintidós de enero de dos mil nueve, respectivamente.

V Abidžanu dne dvacátého šestého listopadu dva tisíce osm a v Bruselu dne dvacátého druhého ledna dva tisíce devět.

Udfærdiget i henholdsvis Abidjan, den seksogtyvende november to tusind og otte, og Bruxelles, den toogtyvende januar to tusind og ni.

Geschehen zu Abidjan am sechsundzwanzigsten November zweitausendacht und zu Brüssel am zweiundzwanzigsten Januar zweitausendneun.

Koostatud kahe tuhande kaheksanda aasta novembrikuu kahekümne kuuendal päeval Abidjanis ja kahe tuhande üheksanda aasta jaanuarikuu kahekümne teisel päeval Brüsselis.

Έγινε στο Αμπιτζάν στις είκοσι έξι Νοεμβρίου του έτους δύο χιλιάδες οκτώ και στις Βρυξέλλες στις είκοσι δύο Ιανουαρίου του έτους δύο χιλιάδες εννιά.

Done at Abidjan on the twenty-sixth day of November in the year two thousand and eight and at Brussels on the twenty-second day of January in the year two thousand and nine, respectively.

Fait respectivement à Abidjan, le vingt-six novembre deux mille huit et à Bruxelles, le vingt-deux janvier deux mille neuf.

Fatto ad Abidjan, il ventisei novembre duemilaotto, e a Bruxelles, il ventidue gennaio duemilanove, rispettivamente.

Abidžanā, divi tūkstoši astotā gada divdesmit sestajā novembrī, un Briselē, divi tūkstoši devītā gada divdesmit otrajā janvārī.

Priimta atitinkamai du tūkstančiai aštuntų metų lapkričio dvidešimt šeštą dieną Abidžane ir du tūkstančiai devintų metų sausio dvidešimt antrą dieną Briuselyje.

Kelt Abidjanban, a kétezer-nyolcadik év november havának huszonhatodik napján, illetve Brüsszelben, a kétezer-kilencedik év január havának huszonkettedik napján.

Magħmul f'Abdijan fis-sitta u għoxrin jum ta' Novembru fis-sena elfejn u tmienja u fi Brussell fit-tnejn u għoxrin jum ta' Jannar tas-sena elfejn u disgħa, rispettivament.

Gedaan te Abidjan op zesentwintig november tweeduizend acht, respectievelijk Brussel op tweeëntwintig januari tweeduizend negen.

Sporządzono w Abidżanie dnia dwudziestego szóstego listopada dwa tysiące ósmego roku oraz w Brukseli dnia dwudziestego drugiego stycznia dwa tysiące dziewiątego roku.

Feito em Abidjã, no dia vinte e seis de Novembro do ano de dois mil e oito, e em Bruxelas, no dia vinte e dois de Janeiro do ano de dois mil e nove.

Încheiat la Abidjan la douăzeci și șase noiembrie două mii opt, respectiv la Bruxelles la douăzeci și două ianuarie două mii nouă.

V Abidžane dvadsiateho šiesteho novembra dvetisícosem a v Bruseli dvadsiateho druhého januára dvetisícdeväť.

V Abidžanu, šestindvajsetega novembra leta dva tisoč osem, in v Bruslju, dvaindvajsetega januarja leta dva tisoč devet.

Tehty Abidjanissa kahdentenakymmenentenäkuudentena päivänä marraskuuta vuonna kaksituhattakahdeksan ja Brysselissä kahdentenakymmenentenätoisena päivänä tammikuuta vuonna kaksituhattayhdeksän.

Utfärdat i Abidjan den tjugosjätte november tjugohundraåtta och i Bryssel den tjugoandra januari tjugohundranio.

Pour la République de Côte d'Ivoire

За Европейската общност

Por la Comunidad Europea

Za Evropské společenství

For Det Europæiske Fællesskab

Für die Europäische Gemeinschaft

Euroopa Ühenduse nimel

Για την Ευρωπαϊκή Κοινότητα

For the European Community

Pour la Communauté européenne

Per la Comunità europea

Eiropas Kopienas vārdā

Europos bendrijos vardu

az Európai Közösség részéről

Għall-Komunità Ewropea

Voor de Europese Gemeenschap

W imieniu Wspólnoty Europejskiej

Pela Comunidade Europeia

Pentru Comunitatea Europeană

Za Európske spoločenstvo

Za Evropsko skupnost

Euroopan yhteisön puolesta

På Europeiska gemenskapens vägnar

Pour la République française

Voor het Koninkrijk België

Pour le Royaume de Belgique

Für das Königreich Belgien

Deze handtekening verbindt eveneens de Vlaamse Gemeenschap, de Franse Gemeenschap, de Duitstalige Gemeenschap, het Vlaamse Gewest, het Waalse Gewest en het Brussels Hoofdstedelijk Gewest.

Cette signature engage également la Communauté française, la Communauté flamande, la Communauté germanophone, la Région wallonne, la Région flamande et la Région de Bruxelles-Capitale.

Diese Unterschrift bindet zugleich die Deutschsprachige Gemeinschaft, die Flämische Gemeinschaft, die Französische Gemeinschaft, die Wallonische Region, die Flämische Region und die Region Brüssel-Hauptstadt.

За Република България

Za Českou republiku

På Kongeriget Danmarks vegne

Für die Bundesrepublik Deutschland

Eesti Vabariigi nimel

Thar cheann Na hÉireann

For Ireland

Για την Ελληνική Δημοκρατία

Por el Reino de España

Per la Repubblica italiana

Για την Ελληνική Δημοκρατία

Latvijas Republikas vārdā

Lietuvos Respublikos vardu

Pour le Grand-Duché de Luxembourg

A Magyar Köztársaság részéről

Għal Malta

Voor het Koninkrijk der Nederlanden

Für die Republik Österreich

W imieniu Rzeczypospolitej Polskiej

Pela República Portuguesa

Pentru România

Za Republiko Slovenijo

Za Slovenskú republiku

Suomen tasavallan puolesta

För Republiken Finland

För Konungariket Sverige

For the United Kingdom of Great Britain and Northern Ireland

APPENDIĊI I

Il-prodotti tal-Côte d'Ivoire prijoritarji għall-esportazzjoni lejn il-Komunità Ewropea

Dawn il-prodotti se jkunu identifikati mill-Côte d'Ivoire u notifikati lill-Kumitat FSE fi żmien massimu ta' tliet xhur li jibda jgħodd mid-data tal-firma ta' dan il-ftehim.

APPENDIĊI II

L-awtoritajiet kompetenti

A.   L-awtoritajiet kompetenti tal-Komunità Ewropea

L-attivitajiet tal-kontroll huma maqsuma bejn is-servizzi nazzjonali tal-Istati Membri u l-Kummissjoni tal-Komunitajiet Ewropej. Id-dispożizzjonijiet li ġejjin huma applikabbli għal dan:

B.   L-awtoritajiet kompetenti tal-Côte d'Ivoire

Dawn l-awtoritajiet għandhom jinħatru mill-Côte d'Ivoire u l-lista għandha tiġi kkomunikata lill-Kumitat FSE fi żmien massimu ta' tliet xhur li jibda jgħodd mid-data tal-iffirmar ta' dan il-ftehim.

ANNESS 1

Id-dazji doganali fuq il-prodotti li joriġinaw mill-Côte d’Ivoire

ANNESS 2

Id-dazji doganali fuq il-prodotti ta' oriġini mill-parti KE

Il-Côte d'Ivoire għandha tilliberalizza l-prodotti ta' oriġini mill-parti KE importati fuq it-territorju tagħha.

Għal dan l-għan, din għandha tistabbilixxi erba' gruppi ta' prodotti: A, B, C u D.

Il-kalendarju ta' liberalizzazzjoni huwa kif ġej:

Għall-prodotti ta' grupp A, il-liberalizzazzjoni hija estiża mill-1 ta' Jannar 2008 sal-31 ta' Diċembru 2012, jiġifieri perjodu ta' ħames snin;

Fir-rigward tal-prodotti tal-grupp B, il-liberalizzazzjoni hija estiża mill-1 ta' Jannar 2013 sal-31 ta' Diċembru 2017, jiġifieri perjodu ta' ħames snin;

Għall-prodotti tal-grupp C, il-liberalizzazzjoni hija estiża mill-1 ta' Jannar 2018 sal-31 ta' Diċembru 2022, jiġifieri perjodu ta' ħames snin.

Il-prodotti tal-grupp D mhumiex liberalizzati.

IL-PROTOKOLL

Dwar l-assistenza amministrattiva reċiproka fil-qasam doganali

Artikolu 1

Id-definizzjonijiet

Għall-finijiet ta' dan il-Protokoll, wieħed jifhem bi:

Artikolu 2

L-ambitu

1.  Il-partijiet kontraenti jirċievu assistenza reċiproka, fl-oqsma li jaqgħu taħt il-kompetenza tagħhom, skont it-termini u fil-kundizzjonijiet previsti minn dan il-Protokoll, biex jiggarantixxu li l-leġiżlazzjoni doganali hija applikata b'mod korrett, partikolarment bil-ħsieb ta' prevenzjoni, riċerka, u t-tkomplija tal-operazzjonijiet kuntrarji għal-leġiżlazzjoni doganali.

2.  L-assistenza fil-qasam doganali prevista minn dan il-Protokoll tapplika għal kull awtorità amministrattiva tal-partijiet kompetenti għall-applikazzjoni ta' dan il-Protokoll. Din ma tippreġudikax id-dispożizzjonijiet li jsostnu l-assistenza reċiproka fil-qasam penali. Bl-istess mod, din ma tapplikax għall-informazzjoni miġbura bis-saħħa ta' poteri eżerċitati fuq talba ta' awtorità ġudizzjarja, ħlief fuq l-approvazzjoni tagħha.

3.  L-assistenza fil-qasam tal-irkuprar tad-dazji, taxxi jew kontravenzjonijiet mhix koperta minn dan il-Protokoll.

Artikolu 3

Assistenza meta tintalab

1.  Fuq it-talba tal-awtorità applikanti, l-awtorità mitluba għandha tikkomunika lil din kull informazzjoni utli li tippermettilha tissorvelja li l-leġiżlazzjoni doganali tkun applikata b'mod korrett, partikolarment l-informazzjoni tigward l-azzjonijiet innutati jew ipproġettati li jikkostitwixxu jew li jkunu suxxettibbli li jikkostitwixxu operazzjonijiet kuntrarji għal-leġiżlazzjoni doganali.

2.  Fuq it-talba tal-awtorità applikanti, l-awtorità mitluba għandha tinforma lil din dwar:

3.  Fuq it-talba tal-awtorità applikanti, l-awtorità mitluba għandha tieħu l-miżuri neċessarji, fil-qafas tad-dispożizzjonijiet legali jew regolamentari, biex ikun żgurat li tiġi eżerċitata sorveljanza fuq:

Artikolu 4

Assistenza spontanja

Il-partijiet jagħtu assistenza reċiproka, b'inizjattiva tagħhom stess, skont id-dispożizzjonijiet legali jew regolamentari tagħhom, jekk dawn jikkunsidraw li dan huwa neċessarju għall-applikazzjoni korretta tal-leġiżlazzjoni doganali, partikolarment billi jipprovdu l-informazzjoni li huma jiksbu f'rabta ma':

Artikolu 5

Il-komunikazzjoni/notifika

1.  Fuq it-talba tal-awtorità applikanti, l-awtorità mitluba għandha tieħu, skont id-dispożizzjonijiet legali jew regolamentari applikabbli għal din, kull miżura neċessarja biex:

li ġejja mill-awtorità applikanti u li tidħol fil-qasam tal-applikazzjoni ta' dan il-Protokoll, għal destinatarju li jgħix jew stabbilit fuq it-territorju tal-awtorità mitluba.

2.  It-talbiet għall-komunikazzjoni tad-dokumenti u għan-notifika tad-deċiżjonijiet iridu jiġu ppreżentati bil-miktub f'waħda mil-lingwi uffiċjali tal-awtorità mitluba jew b'lingwa aċċettabbli għal din l-awtorità.

Artikolu 6

Il-forma u l-kontenut tat-talbiet għall-assistenza

1.  It-talbiet ippreparati skont dan il-Protokoll għandhom jiġu ppreżentati bil-miktub. Dawn għandhom ikollhom magħhom id-dokumenti meqjusa utli biex jippermettu li tingħata risposta. Meta jkun meħtieġ mill-urġenza tas-sitwazzjoni, it-talbiet bil-fomm jistgħu jiġu aċċettati, imma dawn iridu jiġu kkonfermati immedjatament bil-miktub.

2.  It-talbiet ippreżentati skont il-paragrafu 1 għandhom jinkludu l-informazzjoni li ġejja:

3.  It-talbiet huma stabbiliti f'waħda mil-lingwi uffiċjali tal-awtorità mitluba jew b'lingwa aċċettabbli għal din l-awtorità. Din il-ħtieġa ma tapplikax għad-dokumenti li jakkumpanjaw it-talba stipulata fil-paragrafu 1.

4.  Jekk talba ma tirrispondix għall-kundizzjonijiet formali esposti hawn fuq, huwa possibbli li jitolbu li din tiġi korretta jew kompletata sadanittant, jistgħu jiġu ordnati miżuri ta' konservazzjoni.

Artikolu 7

It-twettiq tat-talbiet

1.  Biex twieġeb għal talba ta' assistenza, l-awtorità li tirċievi t-talba tipproċedi, fil-limiti tal-kompetenza taħgha u tar-riżorsi tagħha, bħallikieku kienet qed taġixxi għan-nom tagħha jew fuq talba ta' awtoritajiet oħra mill-istess parti, billi tipprovdi l-informazzjoni li din ikollha diġà u billi tipproċedi jew tmexxi l-proċeduri għall-inkjesti adattati. Din id-dispożizzjoni tapplika wkoll għal kull awtorità oħra li għaliha tiġi indirizzata t-talba mill-awtorità mitluba skont dan il-Protokoll meta din ma tkunx tista' taġixxi waħedha.

2.  It-talbiet ta' assistenza jiġu sodisfatti skont id-dispożizzjonijiet legali jew regolamentari tal-parti li ssirilha t-talba.

3.  L-uffiċjali li jkunu awtorizzati minn parti jistgħu, bil-ftehim tal-parti l-oħra u fil-kundizzjonijiet previsti minn din, ikunu preżenti u jiġbru, fl-uffiċċji tal-awtorità mitluba jew ta' kull awtorità oħra konċernata skont il-paragrafu 1, informazzjoni relattiva għal aġir li jikkostitwixxi jew li jista' jikkostitwixxi operazzjoni kuntrarja għal-leġiżlazzjoni doganali u li l-awtorità applikanti għandha bżonn għall-finijiet ta' dan il-Protokoll.

4.  L-uffiċjali awtorizzati minn parti jistgħu, bi ftehim mal-parti l-oħra u fil-kundizzjonijiet previsti minn din, ikunu preżenti għall-inkjesti mwettqa fuq it-territorju ta' din tal-aħħar.

Artikolu 8

Il-format li fih għandha tiġi kkomunikata l-informazzjoni

1.  L-awtorità mitluba għandha tikkomunika r-riżultati tal-inkjesti lill-awtorità applikanti bil-miktub, u flimkien ma' kull dokument, kull kopja ċertifikata, jew kull oġġett ieħor pertinenti.

2.  Din l-informazzjoni tista' tiġi pprovduta f'format elettroniku.

3.  Id-dokumenti oriġinali jiġu trażmessi biss fuq talba meta l-kopji ċertifikati jkunu insuffiċjenti. Dawn l-oriġinali għandhom jiġu restitwiti malajr kemm jista' jkun.

Artikolu 9

Id-derogi għall-obbligu li tingħata assistenza

1.  L-assistenza tista' tiġi rrifjutata jew tista' tiġi sottomessa għall-osservanza ta' ċerti kundizzjonijiet jew bżonnijiet, fil-każ fejn parti tqis li l-assistenza fil-qafas ta' dan il-protokoll:

2.  L-assistenza tista' tingħata mill-awtorità mitluba minħabba li din ittellef f'inkjesta, fi proċedura ġudizzjarja jew xi proċedura li tkun għaddejja. F'dan il-każ, l-awtorità mitluba għandha tikkonsulta biex tiddetermina jekk l-assistenza tista' tingħata soġġetta għal termini jew kundizzjonijiet li tista' tinħtieġ l-awtorità mitluba.

3.  Jekk l-awtorità applikanti tkun tixtieq assistenza li din ma tkunx tista' tagħti jekk tintalab li ttiha, din għandha tiġbed l-attenzjoni għal dan fit-talba tagħha. Għalhekk, hija l-awtorità mitluba li tiddeċiedi l-mod li bih għandha tirrispondi għal din it-talba.

4.  Fil-każijiet stipulati fil-parargafi 1 u 2, id-deċiżjoni tal-awtorità mitluba u r-raġunijiet li jispjegawha jridu jiġu kkomunikati mingħajr dewmien lill-awtorità applikanti.

Artikolu 10

L-iskambju ta' informazzjoni u kunfidenzjalità

1.  Kull informazzjoni kkomunikata, tkun taħt liema forma tkun, fl-applikazzjoni ta' dan il-Protokoll, għandha karattru kunfidenzjali jew ristrett, skont ir-regoli applikabbli f'kull parti. Din hija koperta mill-obbligu tas-sigriet professjonali u tibbenefika mill-protezzjoni mogħtija mil-liġijiet applikabbli fil-qasam fuq it-territorju tal-parti li tkun irċevietha, kif ukoll mid-dispożizzjonijiet korrispondenti li japplikaw għal entitajiet Komunitarji.

2.  L-informazzjoni ta' tip personali tista tiġi skambjata biss jekk il-parti li setgħet tirċevihom timpenja ruħha li tħares din l-informazzjoni b'mod għall-inqas ekwivalenti għal dak applikabbli għal każ partikolari fil-parti li trid tipprovdihom. Għalhekk, il-partijiet jikkomunikaw informazzjoni li tippreżenta r-regoli applikabbli fil-partijiet, inkluż, jekk ikun il-każ, ir-regoli tad-dazji fis-seħħ fl-Istati Membri tal-Komunità.

3.  L-użu, fil-qafas tal-azzjonijiet ġudizzjarji jew amministrattivi li jittieħdu wara li jiġu nnutati operazzjonijiet kuntrarji għal-leġiżlazzjoni doganali, l-informazzjoni miksuba taħt dan il-Protokoll, tiġi kkunsidrata bħala li tkun għall-fini ta' dan il-Protokoll. Għalhekk, il-partijiet jistgħu juru, bħala prova, fil-minuti, rapporti u xhieda tagħhom kif ukoll matul il-proċeduri u azzjonijiet legali quddiem il-qrati, l-informazzjoni miġbura u dokumenti konsultati skont id-dispożizzjonijiet ta' dan il-Protokoll. L-awtorità kompetenti li tkun ipprovdiet din l-informazzjoni jew tkun tat aċċess għal dawn id-dokumenti għandha tkun informata dwar tali użu.

4.  L-informazzjoni miġbura tintuża biss għall-fini ta' dan il-Protokoll. Meta parti tkun tixtieq tuża tali informazzjoni għal raġunijiet oħra, din trid tikseb minn qabel ftehim bil-miktub mingħand l-awtorità li tkun ipprovdiethom. Dan l-użu mbagħad jiġi sottopost għal restrizzjonijiet imposti minn din l-awtorità.

Artikolu 11

L-esperti u x-xhieda

Aġent mill-awtorità mitluba jista' jkun awtorizzat li jidher, fil-limiti ffissati mill-awtorizzazzjoni li tkun ingħatatlu, bħala espert jew xhud fil-qafas ta' azzjonijiet ġudizzjarji jew amministrattivi mibdija fl-oqsma li jaqgħu taħt dan il-Protokoll, u li jipproduċi l-oġġetti, id-dokumenti jew kopji ċertifikati ta' dawk li jistgħu jkunu meħtieġa għall-proċedura. It-talba għall-attendenza trid tindika bi preċiżjoni l-awtorità ġudizzjarja jew amministrattiva li dan l-aġent irid jidher quddiemha, u f'liema kwistjoni, taħt liema titolu u f'liema kwalità l-aġent ser jinstema’.

Artikolu 12

Spejjeż ta' assistenza

Il-partijiet jirrinunċjaw min-naħa u minn oħra għal kull tilwima bbażata fuq il-ħlas lura tal-ispejjeż li jirriżultaw mill-applikazzjoni ta' dan il-Protokoll, ħlief, jekk ikun il-każ, f'dak li jikkonċerna l-ispejjeż li jikkonċernaw l-esperti u x-xhieda, u dawk li jikkonċernaw l-interpreti u t-tradutturi li ma jiddependux mis-servizzi pubbliċi.

Artikolu 13

L-implimentazzjoni

1.  L-implimentazzjoni ta' dan il-Protokoll hija fdata min-naħa lill-awtoritajiet doganali tal-Côte d'Ivoire, u min-naħa l-oħra lis-servizzi kompetenti tal-Kummissjoni tal-Komunitajiet Ewropej u, jekk ikun il-każ, lill-awtoritajiet doganali tal-Istati Membri tal-Komunità Ewropea. Dawn jiddeċiedu l-miżuri u d-dispożizzjonijiet prattiċi kollha neċessarji għall-applikazzjoni tiegħu, filwaqt li jqisu r-regoli fis-seħħ partikolarment fil-qasam tal-protezzjoni tal-informazzjoni. Huma jistgħu jippreżentaw lill-entitajiet kompetenti, il-modifiki li skont huma għandhom jiġu applikati għal dan il-Protokoll.

2.  Il-partijiet għandhom jikkonsultaw flimkien u jinfurmaw lil xulxin reċiprokament dwar it-termini tal-applikazzjoni li huma adottati skont id-dispożizzjonijiet ta' dan il-Protokoll.

Artikolu 14

Ftehimiet oħra

1.  Filwaqt li jitqiesu l-kompetenzi rispettivi tal-Komunità Ewropea, u tal-Istati Membri tagħha, id-dispożizzjonijiet ta' dan il-protokoll:

2.  Minkejja d-dispożizzjonijiet tal-paragrafu 1, id-dispożizzjonijiet ta' dan il-Protokoll jieħdu preċedenza fuq dawk ta' kull ftehim bilaterali fil-qasam ta' assistenza reċiproka li kienet jew li setgħet tiġi konkluża bejn l-Istati Membri individwali tal-Komunità Ewropea u l-Côte d'Ivoire safejn id-dispożizzjonijiet ta' dawn tal-aħħar ma jkunux kompatibbli ma' dawk ta' dan il-Protokoll.

3.  F'dak li jikkonċerna l-kwistjonijiet relatati mal-applikazzjoni ta' dan il-Protokoll, il-partijiet għandhom jikkonsultaw lil xulxin sabiex jirriżolvu l-kwistjoni fil-qafas tal-Kumitat FSE stabbilit mill-Artikolu 73 tal-Ftehim tas-sħubija ekonomika interim bejn il-Côte d'Ivoire u l-Komunità Ewropea u l-Istati Membri tagħha.

▼M2

Protokoll 1

dwar id-definizzjoni tal-kunċett ta’ “prodotti oriġinarji” u l-metodi ta’ kooperazzjoni amministrattiva

WERREJ
TITOLU I:
Dispożizzjonijiet ġenerali
Artikolu
1.	Definizzjonijiet
TITOLU II:
Definizzjoni tal-kunċett ta’ “prodotti oriġinarji”
Artikoli
2.	Kundizzjonijiet ġenerali
3.	Prodotti miksuba b’mod sħiħ
4.	Prodotti maħduma jew ipproċessati biżżejjed
5.	Ħidma jew ipproċessar mhux biżżejjed
6.	Ħidma jew ipproċessar ta’ materjali importati fl-Unjoni Ewropea mingħajr dazju
7.	Akkumulazzjoni tal-oriġini
8.	Akkumulazzjoni ma’ pajjiżi oħrajn li jgawdu minn aċċess mingħajr dazju u barra mill-kwoti fis-suq tal-Unjoni Ewropea
9.	Unità ta’ kwalifika
10.	Aċċessorji, spare parts u għodda
11.	Settijiet
12.	Elementi newtrali
13.	Segregazzjoni tal-kontabbiltà
TITOLU III:
Kundizzjonijiet territorjali
Artikoli
14.	Prinċipju ta’ territorjalità
15.	Nuqqas ta’ bidliet
16.	Wirjiet
TITOLU IV
Prova tal-oriġini
Artikoli
17.	Kundizzjonijiet ġenerali
18.	Proċedura għall-ħruġ ta’ ċertifikat tal-moviment EUR.1
19.	Ċertifikati tal-moviment EUR.1 maħruġa b’mod retrospettiv
20.	Ħruġ ta’ kopja taċ-ċertifikat tal-moviment EUR.1
21.	Kundizzjonijiet biex issir dikjarazzjoni tal-oriġini
22.	Esportatur approvat
23.	Validità ta’ prova tal-oriġini
24.	Preżentazzjoni tal-prova tal-oriġini
25.	Importazzjoni gradwali
26.	Eżenzjonijiet mill-prova tal-oriġini
27.	Proċedura tal-informazzjoni għal skopijiet ta’ akkumulazzjoni
28.	Dokumenti ta’ sostenn
29.	Preservazzjoni tal-provi tal-oriġini u tad-dokumenti ta’ sostenn
30.	Diskrepanzi u żbalji formali
31.	Ammonti espressi f’euro
TITOLU V:
Kooperazzjoni amministrattiva
Artikoli
32.	Kundizzjonijiet amministrattivi biex il-prodotti jibbenefikaw mill-Ftehim
33.	Notifika tal-awtoritajiet doganali
34.	Metodi oħra ta’ kooperazzjoni amministrattiva
35.	Verifika tal-prova tal-oriġini
36.	Verifika tad-dikjarazzjonijiet tal-fornitur
37.	Riżoluzzjoni tat-tilwim
38.	Sanzjonijiet
39.	Żoni ħielsa
40.	Derogi
TITOLU VI:
Ceuta u Melilla
Artikoli
41.	Kundizzjonijiet speċjali
42.	Kundizzjonijiet speċifiċi
TITOLU VII:
Dispożizzjonijiet finali
Artikoli
43.	Reviżjoni u applikazzjoni tar-regoli ta’ oriġini
44.	Annessi
45.	Implimentazzjoni tal-Protokoll
46.	Dispożizzjonijiet tranżitorji għall-merkanzija fi tranżitu jew f’ħażna
ANNESSI TAL-PROTOKOLL 1
ANNESS I:	Noti ta’ introduzzjoni dwar il-lista li tidher fl-Anness II tal-Protokoll
ANNESS II:	Lista tal-ħidmiet jew tal-ipproċessar li jridu jitwettqu fuq materjali mhux oriġinarji sabiex il-prodott manifatturat ikun jista’ jikseb status oriġinarju
ANNESS II-A:	Derogi mil-lista tal-ħidmiet jew tal-ipproċessar li jridu jitwettqu fuq materjali mhux oriġinarji biex il-prodott manifatturat ikun jista’ jikseb status oriġinarju
ANNESS III:	Formola għaċ-ċertifikat tal-moviment EUR.1
ANNESS IV:	Dikjarazzjoni tal-oriġini
ANNESS V-A:	Dikjarazzjoni tal-fornitur dwar il-prodotti bi status oriġinarju preferenzjali
ANNESS V-B:	Dikjarazzjoni tal-fornitur dwar il-prodotti mingħajr status oriġinarju preferenzjali
ANNESS VI:	Ċertifikat ta’ Informazzjoni
ANNESS VII:	Formola ta’ talba għal deroga
ANNESS VIII:	Pajjiżi u territorji extra-Ewropej
ANNESS IX:	Prodotti koperti mill-Artikolu 7(4) tal-Protokoll
DIKJARAZZJONI KONĠUNTA	dwar il-Prinċipat ta’ Andorra
DIKJARAZZJONI KONĠUNTA	dwar ir-Repubblika ta’ San Marino

TITOLU I

DISPOŻIZZJONIJIET ĠENERALI

Artikolu 1

Definizzjonijiet

Għall-finijiet ta’ dan il-Protokoll:

TITOLU II

DEFINIZZJONI TAL-KUNĊETT TA’ “PRODOTTI ORIĠINARJI”

Artikolu 2

Kundizzjonijiet ġenerali

1.  Għall-finijiet tal-Ftehim, il-prodotti li ġejjin għandhom jitqiesu bħala prodotti oriġinarji tal-Unjoni Ewropea:

2.  Għall-finijiet tal-Ftehim, il-prodotti li ġejjin għandhom jitqiesu bħala prodotti oriġinarji tal-Kosta tal-Avorju:

Artikolu 3

Prodotti miksuba b’mod sħiħ

1.  Għandhom jitqiesu bħala miksuba b’mod sħiħ fil-Kosta tal-Avorju jew fl-Unjoni Ewropea:

2.  It-termini “il-bastimenti tagħhom” u “il-bastimenti fabbriki tagħhom” fil-paragrafu 1(f) u (g) għandhom japplikaw biss għall-bastimenti u għall-bastimenti fabbriki:

3.  Minkejja d-dispożizzjonijiet tal-paragrafu 2 ta’ dan l-Artikolu, fuq talba tal-Kosta tal-Avorju, il-bastimenti liċenzjati jew mikrija mill-Kosta tal-Avorju għandhom jiġu ttrattati bħala “bastiment tagħha” jew “bastimenti tagħha” għall-attivitajiet tas-sajd fiż-żona ekonomika esklussiva tagħha, dment li tkun saret offerta lill-operaturi ekonomiċi tal-Unjoni Ewropea minn qabel u dment li jkun hemm konformità mar-regoli ta’ implimentazzjoni stabbiliti minn qabel mill-Kumitat. Il-Kumitat għandu jiżgura li jitħarsu l-kundizzjonijiet stabbiliti f’dan il-paragrafu.

4.  Il-kundizzjonijiet imsemmija fil-paragrafu 2 ta’ dan l-Artikolu jistgħu jiġu ssodisfati kemm fil-Kosta tal-Avorju kif ukoll fl-Istati koperti minn diversi Ftehimiet ta’ Sħubija Ekonomika li magħhom huwa applikabbli l-akkumulazzjoni. F’dawn il-każijiet, il-prodotti għandhom jitqiesu bħala oriġinarji fl-Istat tal-bandiera.

Artikolu 4

Prodotti maħduma jew ipproċessati biżżejjed

1.  Għall-finijiet tal-Artikolu 2 ta’ dan il-Protokoll, il-prodotti li ma jinkisbux b’mod sħiħ jitqiesu li jkunu nħadmu jew ġew ipproċessati biżżejjed meta jissodisfaw il-kundizzjonijiet stipulati fil-lista fl-Anness II ta’ dan il-Protokoll.

2.  Għall-finijiet tal-Artikolu 2 ta’ dan il-Protokoll, u minkejja d-dispożizzjonijiet tal-paragrafu 1 ta’ dan l-Artikolu, il-prodotti elenkati fl-Anness II-A ta’ dan il-Protokoll jistgħu jitqiesu li nħadmu jew li ġew ipproċessati biżżejjed meta jissodisfaw il-kundizzjonijiet stipulati f’dan l-Anness. Mingħajr preġudizzju għad-dispożizzjonijiet tal-Artikolu 43(2), ta’ dan il-Protokoll, l-Anness II-A ta’ dan il-Protokoll japplika unikament għall-esportazzjonijiet tal-Kosta tal-Avorju, u matul perjodu ta’ ħames (5) snin mid-data tad-dħul fis-seħħ ta’ dan il-Protokoll.

3.  Il-kundizzjonijiet imsemmija fil-paragrafi 1 u 2 ta’ dan l-Artikolu jindikaw il-ħidma jew l-ipproċesar li għandhom jitwettqu fuq il-materjali mhux oriġinarji u li jintużaw fil-manifattura, għall-prodotti kollha koperti bil-Ftehim, u japplikaw esklussivament għal dawn il-materjali. Skont dan, jekk prodott, li jkun kiseb l-istatus oriġinarju billi jkun issodisfa l-kundizzjonijiet stabbiliti f’xi waħda mil-listi għal dan il-prodott stess, jintuża għall-manifattura ta’ prodott ieħor, il-kundizzjonijiet applikabbli għall-prodott li fih ikun inkorporat ma jkunux applikabbli għalih, u ma għandhomx jitqiesu l-materjali mhux oriġinarji li setgħu ntużaw għall-manifattura tiegħu.

4.  B’deroga mill-paragrafi 1 u 2 ta’ dan l-Artikolu, il-materjali mhux oriġinarji, li skont il-kundizzjonijiet stabbiliti fl-Anness II u fl-Anness II-A ta’ dan il-Protokoll għal prodott partikolari ma għandhomx jintużaw fil-manifattura ta’ dan il-prodott, xorta jistgħu jintużaw, dment li:

5.  Id-dispożizzjonijiet tal-paragrafu 4 ta’ dan l-Artikolu ma għandhomx japplikaw għall-prodotti tal-Kapitoli 50 sa 63 tas-Sistema Armonizzata.

6.  Il-paragrafi 1 sa 5 ta’ dan l-Artikolu għandhom japplikaw soġġetti għall-Artikolu 5 ta’ dan il-Protokoll.

Artikolu 5

Ħidma jew ipproċessar mhux biżżejjed

1.  Il-ħidma jew l-ipproċessar li ġejjin jitqiesu bħala mhux biżżejjed biex jingħata l-istatus oriġinarju, kemm jekk il-kundizzjonijiet tal-Artikolu 4 jiġu ssodisfati u kemm jekk ma jiġux:

2.  L-operazzjonijiet kollha li jsiru fuq prodott partikolari, kemm fl-Unjoni Ewropea kif ukoll fil-Kosta tal-Avorju, jitqiesu b’mod konġunt biex jiġi determinat jekk il-ħidma jew l-ipproċessar li jkun għadda minnu dan il-prodott jitqiesx bħala mhux biżżejjed skont it-tifsira tal-paragrafu 1 ta’ dan l-Artikolu.

Artikolu 6

Ħidma jew ipproċessar ta’ materjali importati fl-Unjoni Ewropea mingħajr dazju

1.  Mingħajr preġudizzju lejn id-dispożizzjonijiet tal-Artikolu 2 ta’ dan il-Protokoll, il-materjali mhux oriġinarji li jistgħu jiġu importati fl-Unjoni Ewropea ħielsa mid-dazji doganali bl-applikazzjoni tat-tariffi konvenzjonali tat-trattament tan-nazzjon l-aktar iffavorit (MFN), skont it-Tariffa Doganali Komuni definita fl-Anness I tar-Regolament tal-Kunsill (KEE) Nru 2658/87 ( 5 ), għandhom jitqiesu bħala materjali oriġinarji tal-Kosta tal-Avorju meta jkunu inkorporati fi prodott miksub hemmhekk, dment li tkun saritilhom ħidma jew ipproċessar li jmur lil hinn minn dak imsemmi fl-Artikolu 5(1) ta’ dan il-Protokoll.

2.  Iċ-ċertifikati ta’ ċirkolazzjoni EUR.1 (il-Kaxxa 7) jew id-dikjarazzjonijiet tal-oriġini maħruġa bl-applikazzjoni tal-paragrafu 1 ta’ dan l-Artikolu għandhom jinkludu l-frażi li ġejja:

3.  Kull sena l-Unjoni Ewropea għandha tinnotifika lill-Kumitat bil-lista ta’ materjali li għalihom japplikaw id-dispożizzjonijiet ta’ dan l-Artikolu. Ladarba notifikata, il-lista tiġi ppubblikata mill-Kummissjoni Ewropea f’Il-Ġurnal Uffiċjali tal-Unjoni Ewropea (is-Serje C), filwaqt li l-Kosta tal-Avorju għandha tippubblikaha skont il-proċeduri tagħha.

4.  L-akkumulazzjoni prevista f’dan l-Artikolu ma tapplikax għall-materjali li meta jiġu importati lejn l-Unjoni jkunu soġġetti għal dazji ta’ antidumping jew dazji kumpensatorji meta joriġinaw mill-pajjiż li jkun soġġett għal dawk id-dazji ta’ antidumping jew dazji kumpensatorji.

Artikolu 7

Akkumulazzjoni tal-oriġini

1.  Mingħajr preġudizzju għad-dispożizzjonijiet tal-Artikolu 2 ta’ dan il-Protokoll, il-materjali oriġinarji f’waħda mill-Partijiet, f’pajjiżi oħra tal-Afrika tal-Punent ( 6 ) li għandhom aċċess mingħajr dazju u mingħajr kwoti għas-suq tal-Unjoni Ewropea, Stati oħra tal-AKP li jkunu applikaw FSE tal-inqas b’mod proviżorju, jew il-PTEE, għandhom jitqiesu bħala oriġinarji fil-Parti l-oħra meta jkunu inkorporati fi prodott miksub minn hemmhekk jekk il-ħidma jew l-ipproċessar imwettaq f’din il-Parti jmur lil hinn mill-operazzjonijiet imsemmija fl-Artikolu 5(1) ta’ dan il-Protokoll.

Fejn il-ħidma jew l-ipproċessar imwettaq fil-Parti kkonċernata ma jmurx lil hinn mill-operazzjonijiet imsemmija fl-Artikolu 5(1) ta’ dan il-Protokoll, il-prodott miksub għandu jitqies bħala oriġinarju f’dik il-Parti biss jekk il-valur miżjud ikun akbar mill-valur tal-materjali oriġinarji użati fi kwalunkwe pajjiż jew territorju ieħor. Jekk dan ma jkunx il-każ, il-prodott miksub għandu jitqies oriġinarju fil-pajjiż jew fit-territorju responsabbli għall-akbar valur tal-materjali oriġinarji u li jintużaw għall-manifattura tal-prodott finali.

L-oriġini ta’ materjali oriġinarji fi Stati oħra tal-AKP li jkunu applikaw FSE tal-inqas b’mod proviżorju u fil-PTEE jiġi determinat skont ir-regoli ta’ oriġini applikabbli fi ħdan il-ftehimiet preferenzjali bejn l-Unjoni Ewropea u dawn il-pajjiżi u skont id-dispożizzjonijiet tal-Artikolu 28 ta’ dan il-Protokoll.

2.  Mingħajr preġudizzju għad-dispożizzjonijiet tal-Artikolu 2 ta’ dan il-Protokoll, il-ħidma u l-ipproċessar imwettqa f’waħda mill-Partijiet, fi Stati oħra tal-AKP li jkunu applikaw FSE tal-inqas b’mod proviżorju u fil-PTEE, għandhom jitqiesu bħala li twettqu ffil-Parti l-oħra, dment li l-materjali tkun saritilhom ħidma jew ipproċessar sussegwenti li jmur lil hinn mill-operazzjonijiet imsemmija fl-Artikolu 5(1) ta’ dan il-Protokoll.

Fejn il-ħidma jew l-ipproċessar imwettaq f’xi waħda mill-Partijiet ma jmorrux lil hinn mill-operazzjonijiet imsemmija fl-Artikolu 5(1) ta’ dan il-Protokoll, il-prodott miksub għandu jitqies bħala oriġinarju f’din il-Parti biss jekk il-valur miżjud ikun akbar mill-valur tal-materjali oriġinarji użati fi kwalunkwe mill-pajjiżi jew mit-territorji msemmija. Jekk dan ma jkunx il-każ, il-prodott miksub għandu jitqies oriġinarju fil-pajjiż jew fit-territorju responsabbli għall-akbar valur tal-materjali li jkunu ntużaw għall-manifattura tal-prodott finali.

L-oriġini tal-prodott lest għandha tiġi determinata skont ir-regoli tal-oriġini ta’ dan il-Protokoll u d-dispożizzjonijiet tal-Artikolu 28 tiegħu.

3.  L-akkumulazzjoni prevista fil-paragrafi 1 u 2 ta’ dan l-Artikolu tista’ tiġi applikata għall-pajjiżi l-oħra tal-Afrika tal-Punent li jibbenefikaw minn aċċess mingħajr dazju u bla kwoti għas-suq tal-Unjoni Ewropea, għall-Istati l-oħra tal-AKP li applikaw FSE tal-inqas b’mod proviżorju u għall-PTEE dment li:

4.  L-akkumulazzjoni prevista f’dan l-Artikolu tista’ tiġi applikata biss lill-prodotti elenkati fl-Anness IX ta’ dan l-Artikolu wara l-1 ta’ Ottubru 2015, meta l-materjali użati għall-manifattura ta’ dawk il-prodotti jkunu oriġinarji jew meta l-ħidma jew l-ipproċessar isir fi Stat ieħor tal-AKP li jkun applika FSE tal-anqas b’mod provviżorju.

5.  L-akkumulazzjoni prevista f’dan l-Artikolu ma għandhiex tapplika għal materjali:

6.  Kull sena l-Unjoni Ewropea għandha tinnotifika lill-Kumitat bil-lista ta’ materjali li għalihom japplikaw id-dispożizzjonijiet tal-paragrafu 5(c) ta’ dan l-Artikolu. Ladarba notifikata, il-lista tiġi ppubblikata mill-Kummissjoni Ewropea f’Il-Ġurnal Uffiċjali tal-Unjoni Ewropea (is-Serje C), filwaqt li l-Kosta tal-Avorju għandha tippubblikaha skont il-proċeduri tagħha.

Artikolu 8

Akkumulazzjoni ma’ pajjiżi oħra li jgawdu minn aċċess mingħajr dazju u mingħajr kwoti fis-suq tal-Unjoni Ewropea

1.  Mingħajr preġudizzju għad-dispożizzjonijiet tal-Artikolu 2 ta’ dan il-Protokoll, il-materjali oriġinarji minn pajjiżi u minn territorji:

għandhom jitqiesu bħala materjali oriġinarji tal-Kosta tal-Avorju meta jiġu inkorporati fi prodott miksub minn dan il-pajjiż.

Ma hemmx bżonn li dawn il-materjali jkunu għaddew minn ħidma u pproċessar biżżejjed, iżda jkunu għaddew minn ħidma u pproċessar li jmur lil hinn minn dak imsemmi fl-Artikolu 5(1) ta’ dan il-Protokoll. Jekk ikun fih ukoll materjali mhux oriġinarji, kwalunkwe prodott li fih jiġu inkorporati dawn il-materjali għandu jgħaddi minn ħidma jew ipproċessar biżżejjed, skont id-dispożizzjonijiet tal-Artikolu 4 ta’ dan il-Protokoll, sabiex jitqies oriġinarju mill-Kosta tal-Avorju.

1.2.  L-oriġini tal-materjali tal-pajjiżi jew it-territorji l-oħra kkonċernati għandha tiġi ddeterminata skont ir-regoli ta’ oriġini applikabbli fil-qafas tal-SĠP tal-Unjoni Ewropea, skont id-dispożizzjonijiet tal-Artikolu 27 ta’ dan il-Protokoll.

1.3.  L-akkumulazzjoni prevista f’dan l-Artikolu ma għandhiex tapplika għal materjali:

2.  Fuq notifika tal-Kosta tal-Avorju, mingħajr preġudizzju għad-dispożizzjonijiet tal-Artikolu 2 ta’ dan il-Protokoll u b’kont meħud tad-dispożizzjonijiet tal-paragrafi 2.1, 2.2 u 5 ta’ dan l-Artikolu, il-materjali oriġinarji f’pajjiżi jew territorji li jibbenefikaw minn ftehimiet jew arranġamenti li jipprovdu aċċess mingħajr dazju u mingħajr kwoti għas-suq tal-Unjoni Ewoprea għandhom jitqiesu bħala materjali oriġinarji tal-Kosta tal-Avorju. In-notifika hija trażmessa mill-Kosta tal-Avorju lill-Unjoni Ewropea permezz tal-Kummissjoni Ewropea. L-akkumulazzjoni għandha tibqa’ applikabbli dment li l-kundizzjonijiet għall-għoti tagħha jiġu ssodisfati. Ma hemmx bżonn li dawn il-materjali jkunu għaddew minn ħidma u pproċessar biżżejjed, dment li jkunu għaddew minn ħidma u pproċessar li jmur lil hinn minn dak imsemmi fl-Artikolu 5(1) ta’ dan il-Protokoll.

2.1.  L-oriġini tal-materjali tal-pajjiżi jew it-territorji kkonċernati għandha tiġi ddeterminata skont ir-regoli ta’ oriġini li japplikaw fil-qafas tal-ftehimiet jew tal-arranġamenti preferenzjali bejn l-Unjoni Ewropea u dawk il-pajjiżi u t-territorji, u skont l-Artikolu 28 ta’ dan il-Protokoll.

2.2.  L-akkumulazzjoni prevista f’dan l-Artikolu ma għandhiex tapplika għal materjali:

3.  Kull sena, l-Unjoni Ewropea għandha tinnotifika lill-Kumitat bil-lista ta’ materjali li għalihom japplikaw id-dispożizzjonijiet tal-ewwel paragrafu ta’ dan l-Artikolu. Ladarba notifikata, il-lista tiġi ppubblikata mill-Kummissjoni Ewropea f’Il-Ġurnal Uffiċjali tal-Unjoni Ewropea (is-serje C), filwaqt li l-Kosta tal-Avorju għandha tippubblikaha skont il-proċeduri tagħha. Kull sena, l-Kosta tal-Avorju għandha tinnotifika lill-Kumitat dwar il-materjali li għalihom tkun ġiet applikata l-akkumulazzjoni prevista fil-paragrafi 1 u 2 ta’ dan l-Artikolu.

4.  Iċ-ċertifikati ta’ ċirkolazzjoni EUR.1 (il-Kaxxa 7) jew id-dikjarazzjonijiet tal-oriġini maħruġa bl-applikazzjoni tal-paragrafi 1 u 2 ta’ dan l-Artikolu għandhom jinkludu l-frażi li ġejja:

5.  L-akkumulazzjoni prevista fil-paragrafi 1 u 2 ta’ dan l-Artikolu tista’ tapplika biss kemm-il darba jiġu ssodisfati dawn il-kundizzjonijiet:

Artikolu 9

Unità ta’ kwalifika

1.  L-unità ta’ kwalifika għall-applikazzjoni tad-dispożizzjoniijiet ta’ dan il-Protokoll għandha tkun il-prodott partikolari li jitqies bħala l-unità bażika fid-determinazzjoni tal-klassifikazzjoni bl-użu tan-nomenklatura tas-Sistema Armonizzata.

Għaldaqstant isegwi li:

2.  Fejn, skont ir-Regola Ġenerali 5 tas-Sistema Armonizzata, l-imballaġġ huwa inkluż mal-prodott li jkun fih, għandu jitqies baħal ħaġa waħda mal-prodott sħiħ sabiex tiġi ddeterminata l-oriġini.

Artikolu 10

Aċċessorji, spare parts u għodda

L-aċċessorji, l-ispare parts u l-għodda li jintbagħtu ma’ materjal, magna, apparat jew vettura, li huma parti mit-tagħmir normali u inklużi fil-prezz tiegħu, jew li mhumiex fatturati separatament, għandhom jitqiesu bħala ħaġa waħda mal-materjal, il-magna, l-apparat jew il-vettura kkonċernati.

Artikolu 11

Settijiet ta’ oġġetti mħalltin

Is-settijiet, kif definiti fir-Regola Ġenerali 3 tas-Sistema Armonizzata, għandhom jitqiesu bħala oriġinarji, dment li l-prodotti kollha tal-komponenti jkunu oriġinarji. Madankollu, meta sett ikun magħmul minn prodotti oriġinarji u prodotti mhux oriġinarji, is-sett bħala entità sħiħa għandu jitqies bħala oriġinarju, sakemm il-valur tal-prodotti mhux oriġinarji ma jaqbiżx 15 % tal-prezz mill-fabbrika tas-sett.

Artikolu 12

Elementi newtrali

Biex jiġi ddeterminat jekk prodott huwiex oriġinarju, ma hemmx bżonn tiġi ddeterminata l-oriġini tal-elementi li ġejjin u li jaf jintużaw fil-manifattura tagħhom:

Artikolu 13

Segregazzjoni tal-kontabbiltà

1.  Meta jinqalgħu bosta spejjeż jew diffikultajiet b’rabta mal-materjali għaż-żamma ta’ stokkijiet separati tal-materjali funġibbli oriġinarji u mhux oriġinarji, l-awtoritajiet doganali jistgħu, fuq talba bil-miktub mingħand dawk ikkonċernati, jawtorizzaw li jintuża l-metodu msejjaħ tas-“segregazzjoni tal-kontabbiltà” (minn hawn ’il quddiem imsejjaħ “il-metodu”) għall-immaniġġar ta’ dawn l-istokkijiet.

2.  Il-metodu japplika wkoll għal zokkor mhux raffinat li ma fihx aromatizzanti jew koloranti miżjuda u maħsub għar-raffinar, oriġinarju u mhux oriġinarju, tas-subintestaturi 1701 12 , 1701 13  u 1701 14 tas-Sistema Armonizzata, li fiżikament jitħawwad jew jitħallat fil-Kosta tal-Avorju jew fl-Unjoni Ewropea qabel l-esportazzjoni, rispettivament, lejn l-Unjoni Ewropea u lejn il-Kosta tal-Avorju.

3.  Il-metodu għandu jiżgura li, f’kull ħin, l-għadd ta’ prodotti miksuba li jistgħu jitqiesu bħala oriġinarji tal-Kosta tal-Avorju jew tal-Unjoni Ewropea jkun l-istess bħal dak li kien jinkiseb kieku kien hemm segregazzjoni fiżika tal-istokks.

4.  L-awtoritajiet doganali jistgħu jagħtu l-awtorizzazzjoni msemmija fil-paragrafi 1 u 2 ta’ dan l-Artikolu, skont il-kundizzjonijiet li huma jqisu bħala xierqa.

5.  Il-metodu għandu jiġi applikat u l-użu tiegħu jiġi rreġistrat skont il-prinċipji ġenerali tal-kontabbiltà aċċettati fil-pajjiż fejn il-prodott ikun ġie mmanifatturat.

6.  Il-benefiċjarju tal-metodu jista’, skont il-każ, jipprovdi provi tal-oriġini jew japplika għalihom, għall-kwantità ta’ prodotti li jistgħu jitqiesu oriġinarji. Fuq talba mill-awtoritajiet doganali, il-benefiċjarju għandu jipprovdi dikjarazzjoni dwar kif ġew immaniġġati l-kwantitajiet.

7.  L-awtoritajiet doganali għandhom jimmonitorjaw l-użu li jkun sar tal-awtorizzazzjoni u jistgħu jirtirawha fi kwalunkwe ħin meta jinstab li l-benefiċjarju jinqeda bl-awtorizzazzjoni b’mod li mhux xieraq, jew meta jonqos milli jissodisfa xi waħda mill-kundizzjonijiet l-oħra stipulati f’dan il-Protokoll.

8.  Għall-għanijiet tal-paragrafi 1 u 2 ta’ dan l-Artikolu, it-termini “materjali funġibbli” jew “prodotti funġibbli” jfissru materjali jew prodotti tal-istess tip u tal-istess kwalità kummerċjali, li għandhom l-istess karatteristiċi tekniċi u fiżiċi, u li ma jistgħux jiġu distinti minn xulxin għall-iskop tad-determinazzjoni tal-oriġini tagħhom.

TITOLU III

KUNDIZZJONIJIET TERRITORJALI

Artikolu 14

Prinċipju ta’ territorjalità

1.  Il-kundizzjonijiet stipulati fit-Titolu II ta’ dan il-Protokoll, dwar il-kisba ta’ status oriġinarju għandhom jintlaħqu mingħajr interruzzjoni fil-Kosta tal-Avorju jew fl-Unjoni Ewropea, soġġetti għall-Artikoli 6, 7, u 8 ta’ dan il-Protokoll.

2.  Meta tintbagħat lura merkanzija oriġinarja li tiġi esportata mill-Kosta tal-Avorju jew mill-Unjoni Ewropea lejn pajjiż ieħor, soġġetta għall-Artikoli 6, 7 u 8 ta’ dan il-Protokoll, din għandha titqies li mhux oriġinarja, ħlief meta jkun jista’ jintwera għas-sodisfazzjon tal-awtoritajiet doganali li:

3.  L-akkwist ta’ status oriġinarju skont il-kundizzjonijiet stipulati fit-Titolu II ta’ dan il-Protokoll ma għandux ikun affettwat minn ħidma jew ipproċessar li jsir barra mill-Unjoni Ewropea jew mill-Kosta tal-Avorju fuq prodotti esportati mill-Unjoni Ewropea jew mill-Kosta tal-Avorju u, sussegwentement importati mill-ġdid, dment li:

4.  Għall-merkanzija li tissodisfa l-kundizzjonijiet tal-paragrafu 3 ta’ dan l-Artikolu, l-ispejjeż kollha li jirriżultaw minn barra l-Kosta tal-Avorju jew mill-Unjoni Ewropea, inkluż il-valur tal-materjali li jiżdiedu hemmhekk, għandhom jiġu ttrattati bħala minn materjali mhux oriġinarji. L-istatus oriġinarju tal-merkanzija mbagħad għandu jiġi ddeterminat billi jiġu applikati r-regoli stabbiliti fl-Anness II ta’ dan il-Protokoll billi jingħaqad il-valur totali tal-materjali mhux oriġinarji użati kemm fl-Unjoni Ewropea jew fil-Kosta tal-Avorju kif ukoll barra minnhom.

5.  Il-paragrafi 3 u 4 ta’ dan l-Artikolu ma għandhomx japplikaw għall-prodotti li jitqiesu bħala maħdumin jew ipproċessati biżżejjed ħlief fil-każ li tiġi applikata t-tolleranza ġenerali stabbilita fl-Artikolu 4(4) ta’ dan il-Protokoll.

6.  Il-paragrafi 3 u 4 ta’ dan l-Artikolu ma għandhomx japplikaw għall-prodotti tal-Kapitoli 50 sa 63 tas-Sistema Armonizzata.

Artikolu 15

Nuqqas ta’ bidliet

1.  Il-prodotti ddikjarati għar-rilaxx għal ċirkolazzjoni ħielsa f’xi Parti għandhom ikunu dawk esportati mill-parti l-oħra fejn jitqiesu oriġinarji. Dawn ma għandhom ikunu nbidlu, jew ġew ittrasformati bl-ebda mod, u ma għandhom ikunu ġew soġġetti għal ebda operazzjoni oħra għajr dik biex jinżammu f’kundizzjoni tajba jew għaż-żieda jew it-twaħħil ta’ marki, tikketti, siġilli jew dokumentazzjoni oħra biex tiġi żgurata l-konformità ma’ rekwiżiti nazzjonali speċifiċi applikabbli fil-Parti li timporta, qabel ma jkunu ġew iddikjarati għar-rilaxx għal ċirkolazzjoni ħielsa.

2.  Il-ħżin ta’ prodotti jew konsenji jista’ jseħħ sakemm dawn jibqgħu taħt is-sorveljanza tal-awtoritajiet doganali fil-pajjiż jew pajjiżi ta’ tranżitu.

3.  Mingħajr preġudizzju għat-Titolu V, il-qsim tal-konsenji jista’ jsir meta dan jitwettaq mill-esportatur jew taħt ir-responsabbiltà tiegħu u meta l-prodotti jibqgħu taħt is-sorveljanza tal-awtoritajiet doganali fil-pajjiż jew pajjiżi ta’ tranżitu.

4.  Il-konformità mal-paragrafi 1 sa 3 għandha titqies bħala ssodisfata, sakemm l-awtoritajiet doganali ma jkollomx raġunijiet biex jaħsbu mod ieħor; f’każijiet bħal dawn, l-awtoritajiet doganali jistgħu jitolbu lid-dikjarant biex jipprovdi provi tal-konformità ma’ dawk il-paragrafi, li tista’ tingħata bi kwalunkwe mezz, inklużi dokumenti kontrattwali tat-trasport bħal poloz ta’ kargu jew provi fattwali jew konkreti bbażati fuq l-immarkar jew in-numerazzjoni ta’ pakketti jew kwalunkwe evidenza relatata mal-merkanzija nnifisha.

Artikolu 16

Wirjiet

1.  Il-prodotti oriġinarji li jintbagħtu għall-wiri f’pajjiż jew territorju li mhuwiex wieħed minn dawk imsemmija fl-Artikoli 6, 7, u 8 ta’ dan il-Protokoll, li għalihom tapplika l-akkumulazzjoni u li jinbiegħu wara l-wiri għall-importazzjoni fl-Unjoni Ewropea jew fil-Kosta tal-Avorju, għandhom igawdu mid-dispożizzjonijiet tal-Ftehim meta jiġu importati, dment li għas-sodisfazzjon tal-awtoritajiet doganali jintwera li:

2.  Trid tinħareġ jew issir prova tal-oriġini skont id-dispożizzjonijiet tat-Titolu IV ta’ dn il-Protokoll u tingħata lill-awtoritajiet doganali tal-pajjiż importatur bil-mod normali. Fuqha għandhom jitniżżlu l-isem u l-indirizz tal-wirja. Fejn meħtieġ, tista’ tintalab ukoll bħala rekwiżit, evidenza dokumentarja addizzjonali tal-kundizzjonijiet li fihom ġew esebiti l-prodotti.

3.  Il-paragrafu 1 ta’ dan l-Artikolu għandu japplika għal kwalunkwe wirja, fiera jew manifestazzjoni pubblika ta’ natura kummerċjali, industrijali, agrikola jew artiġjanali, li ma tkunx organizzata għal finijiet privati fi ħwienet jew postijiet tan-negozju bl-iskop li jinbiegħu prodotti barranin, u li matulha l-prodotti inkwistjoni jibqgħu taħt il-kontroll tad-dwana.

TITOLU IV

PROVA TAL-ORIĠINI

Artikolu 17

Kundizzjonijiet ġenerali

1.  Il-prodotti oriġinarji tal-Unjoni Ewropea għandhom, waqt l-importazzjoni tagħhom lejn il-Kosta tal-Avorju, jibbenefikaw mill-Ftehim mal-preżentazzjoni, fil-każijiet speċifikati fl-Artikolu 22(1) ta’ dan il-Protokoll, ta’ dikjarazzjoni tal-oriġini mogħtija mill-esportatur fuq fattura, nota ta’ konsenja jew kwalunkwe dokument kummerċjali ieħor, li jiddeskrivi l-prodotti kkonċernati f’dettall biżżejjed biex ikunu jistgħu jiġu identifikati (minn hawn ’il quddiem imsejħa “dikjarazzjoni tal-oriġini”). It-test tad-dikjarazzjoni tal-oriġini jidher fl-Anness IV.

2.  Il-prodotti oriġinarji tal-Kosta tal-Avorju, waqt l-importazzjoni fl-Unjoni Ewropea, għandhom jibbenefikaw mid-dispożizzjonijiet tal-Ftehim meta jippreżentaw:

3.  Il-paragrafu 2(a) għandu japplika għal tliet snin mid-dħul fis-seħħ ta’ dan il-Protokoll. Meta dan il-perijodu jiskadi, jibqa jkun applikabbli biss il-paragrafu 2(b).

4.  B’deroga mid-dispożizzjonijiet tal-paragrafi 1 u 2 ta’ dan l-Artikolu, il-prodotti oriġinarji skont it-tifsira ta’ dan il-Protokoll għandhom, fil-każijiet kollha msemmija fl-Artikolu 26, igawdu mill-Ftehim mingħajr ma jkun hemm bżonn jiġi ppreżentat xi dokument minn dawk imsemmija fil-paragrafi 1 u 2.

5.  Għall-finijiet tal-applikazzjoni tad-dispożizzjonijiet ta’ dan it-Titolu, l-esportaturi għandhom jagħmlu ħilithom biex jużaw lingwa komuni kemm għall-Kosta tal-Avorju kif ukoll għall-Unjoni Ewropea.

Artikolu 18

Proċedura għall-ħruġ ta’ ċertifikat tal-moviment EUR.1

1.  Iċ-ċertifikat tal-moviment EUR.1 għandu jinħareġ mill-awtoritajiet doganali tal-pajjiż esportatur meta ssir l-applikazzjoni bil-miktub mill-esportatur jew, taħt ir-responsabbiltà tal-esportatur, mir-rappreżentant awtorizzat tal-esportatur.

2.  Għal dan il-għan, l-esportatur jew ir-rappreżentant awtorizzat tiegħu għandhom jimlew kemm iċ-ċertifikat ta’ moviment EUR.1 kif ukoll il-formola ta’ applikazzjoni, li kampjuni tagħhom jidhru fl-Anness III ta’ dan il-Protokoll. Dawn il-formoli għandhom jimtlew skont id-dispożizzjonijiet ta’ dan il-Protokoll. Jekk il-formuli jinkitbu bl-idejn, dawn għandhom jimtlew bil-linka u b’ittri kapitali. Id-deskrizzjoni tal-prodotti għandha ssir fil-kaxxa riżervata għal dan il-għan mingħajr ma jinqabżu linji. Meta l-kaxxa ma timteliex kollha, trid issir linja mimduda taħt l-aħħar linja tad-deskrizzjoni u l-ispazju vojt jiġi ingassat.

3.  L-esportatur li japplika għall-ħruġ ta’ ċertifikat tal-moviment EUR.1 għandu jkun ippreparat kull ħin biex meta jintalab mill-awtoritajiet doganali tal-pajjiż esportatur imnejn ikun inħareġ iċ-ċertifikat tal-moviment EUR.1, jippreżenta d-dokumenti xierqa kollha li jixhdu l-istatus oriġinarju tal-prodotti kkonċernati, kif ukoll li l-bqija tar-rekwiżiti ta’ dan il-Protokoll huma ssodisfati.

4.  Għandu jinħareġ ċertifikat tal-moviment EUR.1 mill-awtoritajiet doganali ta’ Stat Membru tal-Unjoni Ewropea jew tal-Kosta tal-Avorju, jekk il-prodotti kkonċernati jistgħu jitqiesu bħala prodotti oriġinarji tal-Unjoni Ewropea, tal-Kosta tal-Avorju jew ta’ xi wieħed mill-pajjiżi jew mit-territorji l-oħra msemmija fl-Artikoli 6, 7 u 8 u jekk dawn ikunu jissodisfaw il-bqija tal-kundizzjonijiet previsti f’dan il-Protokoll.

5.  L-awtoritajiet doganali tal-ħruġ taċ-ċertifikati EUR.1 għandhom jieħdu l-miżuri kollha meħtieġa biex jivverifikaw l-istatus oriġinarju tal-prodotti u biex il-bqija tal-kundizzjonijiet previsti f’dan il-Protokoll jiġu ssodisfati. Għal dan il-għan, dawn għandu jkollhom id-dritt li jitolbu kwalunkwe evidenza u jwettqu kwalunkwe spezzjoni tal-kontijiet tal-esportatur jew kwalunkwe verifika oħra li jqisu xierqa. L-awtoritajiet doganali tal-ħruġ taċ-ċertifikati EUR.1 għandhom jiżguraw ukoll li l-formoli msemmija fil-paragrafu 2 ta’ dan l-Artikolu jkunu mtlew kif xieraq. B’mod partikolari, dawn għandhom jivverifikaw li l-ispazju riżervat għad-deskrizzjoni tal-prodotti jkun imtela b’tali mod li jeskludi kull possibbiltà ta’ żidiet qarrieqa.

6.  Id-data tal-ħruġ taċ-ċertifikat tal-moviment EUR.1 għandha tkun indikata fil-kaxxa 11 taċ-ċertifikat.

7.  Iċ-certifikat tal-moviment EUR.1 għandu jinħareġ mill-awtoritajiet doganali u jitqiegħed għad-dispożizzjoni tal-esportatur malli l-esportazzjoni attwali tkun saret jew tkun garantita.

Artikolu 19

Ċertifikati tal-moviment EUR.1 maħruġa b’mod retrospettiv

1.  Minkejja l-Artikolu 18(7) ta’ dan il-Protokoll, ċertifikat ta’ ċirkolazzjoni EUR.1 jista’ jinħareġ b’mod eċċezzjonali wara l-esportazzjoni tal-prodotti li jkopri fil-każ li:

2.  Għall-applikazzjoni tal-paragrafu 1 ta’ dan l-Artikolu, l-esportatur għandu jindika fl-applikazzjoni tiegħu l-post u d-data tal-esportazzjoni tal-prodotti koperti biċ-ċertifikat tal-moviment EUR.1, kif ukoll ir-raġunijiet għat-talba tiegħu.

3.  L-awtoritajiet doganali jistgħu joħorġu ċertifikat tal-moviment EUR.1 b’mod retrospettiv biss wara li ssir verifika li l-informazzjoni mogħtija fl-applikazzjoni tal-esportatur taqbel mal-fajl korrispondenti.

4.  Iċ-ċertifikati tal-moviment EUR.1 maħruġa b’mod retrospettiv għandhom jiġu approvati bil-frażi li ġejja:

“DÉLIVRÉ A POSTERIORI”.

5.  L-approvazzjoni msemmija fil-paragrafu 4 ta’ dan l-Artikolu għandha tiddaħħal fil-kaxxa “Rimarki” taċ-ċertifikat ta’ moviment EUR.1.

Artikolu 20

Ħruġ ta’ kopja taċ-ċertifikat tal-moviment EUR.1

1.  F’każ ta’ serq, telf jew qerda taċ-ċertifikat tal-moviment EUR.1, l-esportatur jista’ japplika biex l-awtoritajiet doganali li jkunu ħarġulu ċ-ċertifikat joħorġu kopja abbażi tad-dokumenti tal-esportazzjoni fil-pussess tagħhom.

2.  Il-kopja dupplikata maħruġa b’dan il-mod għandha tiġi approvata bil-frażi li ġejja:

“DUPLICATA”.

3.  L-approvazzjoni msemmija fil-paragrafu 2 ta’ dan l-Artikolu għandha tiddaħħal fil-kaxxa “Rimarki” tal-kopja taċ-ċertifikat ta’ moviment EUR.1.

4.  Il-kopja, li għandu jkollha d-data tal-ħruġ taċ-ċertifikat oriġinali tal-moviment EUR.1, għandha tibda tapplika minn dik id-data.

Artikolu 21

Kundizzjonijiet biex issir dikjarazzjoni tal-oriġini

1.  Id-dikjarazzjoni tal-oriġini tista’ ssir:

2.  Dikjarazzjoni tal-oriġini tista’ ssir jekk il-prodotti kkonċernati jistgħu jitqiesu bħala prodotti oriġinarji tal-Kosta tal-Avorju, tal-Unjoni Ewropea jew ta’ xi wieħed mill-pajjiżi jew mit-territorji l-oħra msemmija fl-Artikoli 6, 7 u 8 ta’ dan il-Protokoll u jkunu jissodisfaw il-kundizzjonijiet l-oħra ta’ dan il-Protokoll.

3.  L-esportatur li jagħmel id-dikjarazzjoni tal-oriġini għandu jkun ippreparat li jissottometti f’kull ħin, fuq it-talba tal-awtoritajiet doganali tal-pajjiż ta’ esportazzjoni, id-dokumenti kollha xierqa li jippruvaw l-istatus ta’ prodotti oriġinarji tal-prodotti kkonċernati kif ukoll li jissodisfaw il-kundizzjonijiet l-oħra ta’ dan il-Protokoll.

4.  Id-dikjarazzjoni tal-oriġini għandha ssir mill-esportatur billi jittajpja, jittimbra jew jistampa fuq il-fattura, fuq in-nota ta’ konsenja jew kwalunkwe dokument kummerċjali ieħor, id-dikjarazzjoni, li t-test tagħha jidher fl-Anness IV ta’ dan il-Protokoll, billi jintużaw il-verżjonijiet lingwistiċi elenkati f’dan l-Anness u skont id-dispożizzjonijiet tal-liġi domestika tal-pajjiż esportatur. Jekk id-dikjarazzjoni tinkiteb bl-idejn, din għandha tinkiteb bil-linka u b’ittri kapitali.

5.  Id-dikjarazzjonijiet tal-oriġini għandu jkollhom il-firma oriġinali tal-esportatur. Madankollu, esportatur irreġistrat kif definit fil-paragrafu 1 ta’ dan l-Artikolu, jew esportatur approvat skont it-tifsira tal-Artikolu 22 ta’ dan il-Protokoll ma għandux jintalab jiffirma dawn id-dikjarazzjonijiet, sakemm ma jippreżentax lill-awtoritajiet doganali tal-pajjiż garanzija bil-miktub li jaċċetta r-responsabbiltà sħiħa għal kull dikjarazzjoni tal-oriġinili tidentifika lilu daqslikieku ffirmata minnu.

6.  Tista’ tinħareġ dikjarazzjoni tal-oriġini mill-esportatur meta l-prodotti li tkopri jiġu esportati, jew wara l-esportazzjoni, dment li tiġi ppreżentata fil-pajjiż importatur mhux aktar minn sentejn (2) wara l-importazzjoni tal-prodotti li hija tkopri.

Artikolu 22

Esportatur approvat

1.  L-awtoritajiet doganali tal-pajjiż esportatur jistgħu jawtorizzaw lil kwalunkwe esportatur li jesporta ta’ spiss prodotti koperti mid-dispożizzjonijiet dwar il-kooperazzjoni kummerċjali tal-Ftehim, li joffri, għas-sodisfazzjon tal-awtoritajiet doganali, il-garanziji kollha meħtieġa biex jiġi vverifikat l-istatus oriġinarju tal-prodotti u l-issodisfar tal-kundizzjonijiet l-oħra ta’ dan il-Protokoll, biex joħorġu dikjarazzjonijiet tal-oriġini, irrispettivament mill-valur tal-prodotti kkonċernati.

2.  L-awtortajiet doganali jistgħu jagħtu l-istatus ta’ esportatur approvat soġġett għal kwalunkwe kundizzjoni li huma jqisu xierqa.

3.  L-awtoritajiet doganali għandhom jagħtu lill-esportatur approvat numru tal-awtorizzazzjoni doganali li għandu jidher fuq id-dikjarazzjoni tal-oriġini.

4.  L-awtoritajiet doganali għandhom jikkontrollaw l-użu tal-awtorizzazzjoni mill-esportatur approvat.

5.  L-awtoritajiet doganali jistgħu jirtiraw l-awtorizzazzjoni fi kwalunkwe ħin. Dawn għandhom jagħmlu dan meta l-esportatur approvat ma jibqax joffri l-garanziji msemmija fil-paragrafu 1, ma jkunx jissodisfa l-kundizzjonijiet imsemmija fil-paragrafu 2 ta’ dan l-Artikolu, jew meta jabbuża b’xi mod mill-awtorizzazzjoni.

Artikolu 23

Validità tal-prova tal-oriġini

1.  Il-prova tal-oriġini għandha tkun valida għal għaxar xhur (10) mid-data tal-ħruġ fil-pajjiż esportatur, u għandha tkun ippreżentata fil-perjodu msemmi lill-awtoritajiet doganali tal-pajjiż importatur.

2.  Il-provi tal-oriġini li huma ppreżentati lill-awtoritajiet doganali tal-pajjiż importatur wara l-iskadenza għall-preżentazzjoni stipulata fil-paragrafu 1 ta’ dan l-Artikolu jistgħu jiġu aċċettati għall-iskop li jiġi applikat reġim preferenzjali, meta d-dokumenti ma jiġux preżentati sal-iskadenza stabbilita minħabba ċirkostanzi eċċezzjonali.

3.  F’każijiet oħra ta’ preżentazzjoni tard, l-awtoritajiet doganali tal-pajjiż importatur jistgħu jaċċettaw il-provi tal-oriġini dment li l-prodotti jkunu ġew ippreżentati qabel l-iskadenza msemmija.

Artikolu 24

Preżentazzjoni tal-prova tal-oriġini

Il-provi tal-oriġini jiġu prodotti għall-awtoritajiet doganali tal-pajjiż importatur skont il-proċeduri applikabbli f’dak il-pajjiż. Dawn l-awtoritajiet jistgħu jeżiġu t-traduzzjoni tal-prova tal-oriġini. Jistgħu wkoll jeżiġu li d-dikjarazzjoni ta’ importazzjoni tkun akkumpanjata minn dikjarazzjoni li permezz tagħha l-importatur jiddikjara li l-prodotti jkunu jissodisfaw il-kundizzjonijiet meħtieġa għall-applikazzjoni tal-Ftehim.

Artikolu 25

Importazzjoni gradwali

Meta, fuq talba tal-importatur u fuq il-kundizzjonijiet stabbiliti mill-awtoritajiet doganali tal-pajjiż importatur, il-prodotti żmontati jew mhux immuntati flimkien, skont it-tifsira tar-Regola Ġenerali 2(a) tas-Sistema Armonizzata li tidħol fit-Taqsimiet XVI u XVII jew l-intestaturi 7308 u 9406 tas-Sistema Armonizzata, huma importati gradwalment, għandha tiġi sottomessa prova waħda tal-oriġini għal dawn il-prodotti lill-awtoritajiet doganali waqt l-importazzjoni tal-ewwel konsenja.

Artikolu 26

Eżenzjonijiet mill-prova tal-oriġini

1.  Il-prodotti mibgħuta bħala pakketti żgħar minn persuni privati lil persuni privati jew li jifformaw parti mill-bagalji personali ta’ vjaġġaturi għandhom ikunu aċċettati bħala prodotti oriġinarji mingħajr ma jirrikjedu l-preżentazzjoni ta’ prova formali tal-oriġini, dment li dawn il-prodotti ma jkunux importati f’għamla ta’ kummerċ u dment li jkunu ddikjarati li jissodisfaw il-kundizzjonijiet ta’ dan il-Protokoll u dment li ma jkun hemm l-ebda dubju dwar il-korrettezza ta’ dan it-tip ta’ dikjarazzjoni. Fil-każ tal-prodotti mibgħuta bil-posta, din id-dikjarazzjoni tista’ ssir fid-dikjarazzjoni doganali CN22/CN23 jew fuq karta mehmuża ma’ dan id-dokument.

2.  L-importazzjonijiet okkażjonali u li jikkonsistu biss minn prodotti għall-użu personali tad-destinatarji jew tal-vjaġġaturi jew tal-familji tagħhom ma għandhomx jitqiesu importazzjonijiet kummerċjali jekk ikun evidenti min-natura u l-kwantità tal-prodotti li ma hemmx skop kummerċjali.

3.  Barra minn hekk, il-valur totali ta’ dawn il-prodotti ma għandux jaqbeż il-EUR 500 fil-każ ta’ pakketti żgħar jew EUR 1 200 fil-każ ta’ prodotti li jagħmlu parti mill-bagalji personali tal-vjaġġaturi.

Artikolu 27

Il-proċedura tal-informazzjoni għal skopijiet ta’ akkumulazzjoni

1.  Meta l-Artikolu 7(1) ta’ dan il-Protokoll jiġi applikat, il-prova ta’ status oriġinarju skont it-tifsira ta’ dan il-Protokoll ta’ materjali li ġejjin mill-Kosta tal-Avorju, mill-Unjoni Ewropea, minn Stat ieħor tal-AKP li applika FSE tal-inqas b’mod provviżorju, jew minn xi PTEE, għandha tingħata permezz ta’ ċertifikat ta’ ċirkolazzjoni EUR.1, jew permezz ta’ dikjarazzjoni tal-oriġini jew dikjarazzjoni tal-fornitur, li kampjun tagħha jidher fl-Anness V-A ta’ dan il-Protokoll, mogħti mill-esportatur fil-Kosta tal-Avorju jew fl-Unjoni Ewropea skont minn fejn joriġinaw il-materjali.

2.  Meta jiġi applikat l-Artikolu 7(1) ta’ dan il-Protokoll, il-prova tal-ħidma jew ipproċessar imwettaq fil-Kosta tal-Avorju, fl-Unjoni Ewropea, fi Stat ieħor tal-AKP li applika FSE tal-nqas b’mod provviżorju jew f’PTEE hija amministrata bid-dikjarazzjoni tal-fornitur, li kampjun tagħha jidher fl-Anness V-B ta’ dan il-Protokoll, tingħata mill-esportatur fil-Kosta tal-Avorju jew l-Unjoni Ewropea minn fejn joriġinaw il-materjali.

3.  Meta jiġi applikat l-Artikolu 8(1) ta’ dan il-Protokoll, id-dokumenti ta’ sostenn meħtieġa biex tingħata prova tal-oriġini għandhom jiġu ddeterminati skont ir-regoli applikabbli għall-pajjiżi benefiċjarji tal-SPĠ ( 8 ).

4.  Meta jiġi applikat l-Artikolu 8(2) ta’ dan il-Protokoll, id-dokumenti ta’ sostenn meħtieġa biex tingħata prova tal-oriġini għandhom jiġu ddeterminati skont ir-regoli applikabbli fl-arranġamenti jew fil-ftehimiet ikkonċernati.

5.  Il-fornitur għandu jagħmel dikjarazzjoni separata għal kull konsenja ta’ merkanzija fuq il-fattura kummerċjali li tirrigwarda dik il-konsenja jew li hija annessa ma’ dik il-fattura, jew fuq in-nota tal-konsenja jew kwalunkwe dokument kummerċjali ieħor relatat mal-konsenja li jiddeskrivi l-materjali kkonċernati fid-dettall biżżejjed biex ikunu jistgħu jiġu identifikati.

6.  Id-dikjarazzjoni tal-fornitur tista’ ssir fuq formola stampata minn qabel.

7.  Id-dikjarazzjonijiet tal-fornituri għandu jkollhom il-firma oriġinali tal-esportatur bil-miktub. Madankollu, meta l-fattura u d-dikjarazzjoni tal-fornitur ikunu stabbiliti permezz tal-kompjuter, ma hemmx bżonn li d-dikjarazzjoni tal-fornitur tkun iffirmata bil-miktub dment li l-uffiċjal responsabbli fil-kumpanija tal-forniment ikun identifikat għas-sodisfazzjon tal-awtoritajiet doganali fl-Istat fejn ikunu stabbiliti d-dikjarazzjonijiet tal-fornitur. Dawn l-awtoritajiet doganali jistgħu jistabbilixxu kundizzjonijiet għall-implimentazzjoni ta’ dan il-paragrafu.

8.  Id-dikjarazzjonijiet tal-fornitur għandhom jiġu ppreżentati lill-awtoritajiet doganali fil-pajjiż esportatur li ntalab joħroġ ċertifikat tal-moviment EUR.1.

9.  Il-fornitur li jagħmel id-dikjarazzjoni għandu jkun ippreparat kull ħin biex meta jintalab mill-awtoritajiet doganali tal-pajjiż fejn issir id-dikjarazzjoni, jippreżenta d-dokumenti xierqa kollha li jixhdu li l-informazzjoni mogħtija f’din id-dikjarazzjoni hija korretta.

10.  Id-dikjarazzjonijiet tal-fornituri u ċ-ċertifikati tal-informazzjoni maħruġa qabel id-data tad-dħul fis-seħħ ta’ dan il-Protokoll skont l-Artikolu 26 tal-Protokoll 1 għall-Ftehim ta’ Cotonou għandhom jibqgħu validi.

Artikolu 28

Dokumenti ta’ sostenn

Id-dokumenti msemmija fl-Artikoli 18(3) u 21(3) ta’ dan il-Protokoll użati għall-iskop li jagħtu prova li l-prodotti koperti b’ċertifikat ta’ ċirkolazzjoni EUR.1 jew b’dikjarazzjoni tal-oriġini, li jistgħu jitqiesu bħala prodotti oriġinarji tal-Kosta tal-Avorju, tal-Unjoni Ewropea jew ta’ wieħed mill-pajjiżi jew it-territorji l-oħra msemmija fl-Artikoli 6, 7 u 8 ta’ dan il-Protokoll u jissodisfaw il-kundizzjonijiet l-oħra ta’ dan il-Protokoll, jistgħu jkunu, fost l-oħrajn, dawn li ġejjin:

Artikolu 29

Preservazzjoni tal-provi tal-oriġini u tad-dokumenti ta’ sostenn

1.  L-esportatur li japplika għall-ħruġ ta’ ċertifikat ta’ moviment EUR.1 għandu jżomm għal tal-anqas tliet (3) snin id-dokumenti msemmija fl-Artikolu 18(3) ta’ dan il-Protokoll.

2.  L-esportatur li jimla dikjarazzjoni tal-oriġini għandu jżomm kopja ta’ din id-dikjarazzjoni tal-oriġini, kif ukoll tad-dokumenti msemmija fl-Artikolu 21(3) ta’ dan il-Protokoll għal mill-anqas tliet (3) snin.

3.  Il-fornitur li jagħmel dikjarazzjoni tal-oriġini għandu jżomm kopji tad-dikjarazzjoni u tal-fattura, noti tal-konsenja jew kwalunkwe dokumenti kummerċjali oħra li magħhom tkun annessa din id-deċiżjoni kif ukoll id-dokumenti msemmija fl-Artikolu 27(9) ta’ dan il-Protokoll, għal mill-anqas tliet (3) snin.

4.  L-awtoritajiet doganali tal-pajjiż esportatur li joħroġ ċertifikat ta’ moviment EUR.1 għandhom iżommu għal tal-anqas tliet (3) snin il-formula ta’ applikazzjoni msemmija fl-Artikolu 18(2) ta’ dan il-Protokoll.

5.  L-awtoritajiet doganali tal-pajjiż importatur għandhom iżommu għal tal-anqas tliet (3) snin iċ-ċertifikati ta’ ċirkolazzjoni EUR.1 u d-dikjarazzjonijiet tal-oriġini sottomessi lilhom.

Artikolu 30

Diskrepanzi u żbalji formali

1.  Is-sejba ta’ diskrepanzi żgħar bejn id-dikjarazzjonijiet magħmula fil-prova tal-oriġini u dawk magħmula fid-dokumenti ppreżentati lill-uffiċċju doganali biex jitwettqu l-formalitajiet għall-importazzjoni tal-prodotti, ma għandhiex ipso facto tirrendi l-prova tal-oriġini bħala nulla u bla effett jekk ikun stabbilit kif xieraq li dan id-dokument fil-fatt jikkorrispondi għall-prodotti ppreżentati.

2.  L-iżbalji formali ovvji bħalma huma l-iżbalji tat-tipa fi prova tal-oriġini ma għandhomx iwasslu biex dan id-dokument jiġi rrifjutat jekk dawn l-iżbalji ma jkunux tali li joħolqu dubji dwar il-korrettezza tad-dikjarazzjonijiet magħmula f’dan id-dokument.

Artikolu 31

Ammonti espressi f’euro

1.  Għall-applikazzjoni tad-dispożizzjonijiet tal-Artikolu 21(1)(b) u tal-Artikolu 26(3) ta’ dan il-Protokoll, meta l-prodotti jkunu fatturati b’munita li mhix l-euro, l-ammonti fil-muniti nazzjonali tal-Kosta tal-Avorju, tal-Istati Membri tal-Unjoni Ewropea u tal-pajjiżi jew tat-territorji l-oħra msemmija fl-Artikoli 6, 7 u 8 ta’ dan il-Protokoll li huma ekwivalenti għall-ammonti espressi bl-euro għandhom jiġu ffissati kull sena minn kull wieħed mill-pajjiżi kkonċernati.

2.  Konsenja għandha tibbenefika mid-dispożizzjonijiet tal-Artikolu 22(1)(b) jew l-Artikolu 27(3) ta’ dan il-Protokoll b’referenza għall-munita li fiha tkun inħarġet il-fattura, skont l-ammont iffissat mill-pajjiż ikkonċernat.

3.  L-ammonti li għandhom jintużaw minn kwalunkwe munita nazzjonali għandhom ikunu l-ekwivalenti f’dik il-munita tal-ammonti espressi bl-euro fl-ewwel jum tax-xogħol ta’ Ottubru. Dawn l-ammonti għandhom jiġu kkomunikati lill-Kummissjoni Ewropea sal-15 ta’ Ottubru u għandhom japplikaw mill-1 ta’ Jannar tas-sena ta’ wara. Il-Kummissjoni Ewropea tinnotifika lill-pajjiżi kollha kkonċernati bl-ammonti rilevanti.

4.  Pajjiż jista’ jnaqqas jew iżid biex l-ammont li jirriżulta mill-kambju tal-ammont espress bl-euro għall-munita nazzjonali tiegħu jqarreb lejn l-ewwel numru sħiħ. L-ammont mogħti għad-dritt ma jistax ikun differenti b’aktar minn 5 % mill-ammont li jirriżulta mill-kambju. Pajjiż jista’ jżomm l-ekwivalenti tal-munita nazzjonali bla ma jibdlu f’ammont espress f’euro jekk, fiż-żmien tal-aġġustament annwali previst fil-paragrafu 3 ta’ dan l-Artikolu, il-konverżjoni ta’ dak l-ammont qabel ma nqata’ għad-dritt, tirriżulta f’żieda ta’ anqas minn 15 % fl-ekwivalenti tal-munita nazzjonali. L-ekwivalenti fil-munita nazzjonali jista’ jinżamm kif inhu jekk il-kambju jwassal għal tnaqqis f’dak il-valur ekwivalenti.

5.  L-ammonti espressi f’euro għandhom jiġu eżaminati mill-ġdid mill-Kumitat fuq talba tal-Unjoni Ewropea jew tal-Kosta tal-Avorju. Meta jkun qiegħed jagħmel dan l-eżami mill-ġdid, il-Kumitat għandu jikkunsidra kemm huwa mixtieq li jkunu ppreservati l-effetti tal-limiti kkonċernati f’termini reali. Għal dan il-għan, jista’ jiddeċiedi li jimmodifika l-ammonti espressi f’euro.

TITOLU V

KOOPERAZZJONI AMMINISTRATTIVA

Artikolu 32

Kundizzjonijiet amministrattivi biex il-prodotti jibbenefikaw mill-Ftehim

Il-prodotti oriġinarji tal-Kosta tal-Avorju jew tal-Unjoni Ewropea skont it-tifsira ta’ dan il-Protokoll għandhom jibbenefikaw fil-mument tad-dikjarazzjoni doganali tal-importazzjoni mill-preferenzi li jagħti l-Ftehim biss dment li dawn ikunu ġew esportati fid-data meta l-pajjiż esportatur jikkonforma mad-dispożizzjonijiet stipulati fl-Artikolu 33, 34 u 45 ta’ dan il-Protokoll, jew wara dik id-data.

Il-Partijiet Kontraenti għandhom jinnotifikaw l-informazzjoni msemmija fl-Artikolu 33 ta’ dan il-Protokoll.

Artikolu 33

Notifika tal-awtoritajiet doganali

1.  Il-Kosta tal-Avorju u l-Istati Membri tal-Unjoni Ewropea għandhom jipprovdu lil xulxin, permezz tal-Kummissjoni Ewropea u l-Kummissjoni Nazzjonali tal-FSE, l-indirizzi tal-awtoritajiet doganali responsabbli għall-ħruġ u l-verifika taċ-ċertifikati ta’ moviment EUR.1, tad-dikjarazzjonijiet tal-oriġini u tad-dikjarazzjonijiet tal-fornitur, flimkien mal-kampjuni tat-timbri użati fl-uffiċċji doganali għall-ħruġ ta’ dawn iċ-ċertifikati.

Iċ-ċertifikati tal-moviment EUR.1, kif ukoll id-dikjarazzjonijiet tal-oriġini jew id-dikjarazzjonijiet tal-fornitur, għandhom jiġu aċċettati bl-iskop li jiġi applikat trattament preferenzjali mid-data meta din l-informazzjoni tasal għand il-Kummissjoni Ewropea u għand il-Kummissjoni Nazzjonali tal-FSE.

2.  Il-Kosta tal-Avorju u l-Istati Membri tal-Unjoni Ewropea għandhom jinfurmaw minnufih lil xulxin bi kwalunkwe bidla fl-informazzjoni msemmija fil-paragrafu 1 ta’ dan l-Artikolu.

3.  L-awtoritajiet imsemmija fil-paragrafu 1 għandhom jaġixxu bl-awtorità tal-gvern tal-pajjiż ikkonċernat. L-awtoritajiet responsabbli mill-kontroll u l-verifika għandhom jiffurmaw parti mill-awtoritajiet governattivi tal-pajjiż ikkonċernat.

Artikolu 34

Metodi oħra ta’ kooperazzjoni amministrattiva

1.  Sabiex jiżguraw l-applikazzjoni korretta ta’ dan il-Protokoll, l-Unjoni Ewropea, il-Kosta tal-Avorju u l-pajjiżi l-oħra msemmija fl-Artikoli 6, 7 u 8 ta’ dan il-Protokoll għandhom jassistu lil xulxin, permezz tal-amministrazzjonijiet doganali kompetenti, biex jivverifikaw l-awtentiċità taċ-ċertifikati tal-moviment EUR.1, tad-dikjarazzjonijiet tal-oriġini u tad-dikjarazzjonijiet tal-fornitur kif ukoll tal-korrettezza tal-informazzjoni mogħtija f’dawn id-dokumenti. Barra minn hekk, il-Kosta tal-Avorju u l-Istati Membri tal-Unjoni Ewropea:

2.  L-awtoritajiet ikkonsultati għandhom jipprovdu l-informazzjoni rilevanti dwar il-kundizzjonijiet li fihom sar il-prodott, fejn jindikaw b’mod speċjali l-kundizzjonijiet li fihom ġew irrispettati r-regoli tal-oriġini fil-Kosta tal-Avorju, fl-Unjoni Ewropea u fil-pajjiżi l-oħra kkonċernati msemmija fl-Artikoli 6, 7 u 8 ta’ dan il-Protokoll.

Artikolu 35

Verifika tal-prova tal-oriġini

1.  Il-verifiki suċċessivi tal-provi tal-oriġini għandhom isiru abbażi ta’ analiżi tar-riskju, permezz ta’ teħid ta’ kampjunar jew kull meta l-awtoritajiet doganali tal-pajjiż importatur ikollhom dubji serji dwar l-awtentiċità ta’ tali dokumenti, dwar l-istatus oriġinarju tal-prodotti kkonċernati jew jekk il-kundizzjonijiet l-oħra ta’ dan il-Protokoll jkunux qed jiġu ssodisfati.

2.  Għall-finijiet tal-implimentazzjoni tal-paragrafu 1 ta’ dan l-Artikolu, l-awtoritajiet doganali tal-pajjiż importatur għandhom jirritornaw iċ-ċertifikat ta’ ċirkolazzjoni EUR.1 u l-fattura, jekk din tkun ġiet ippreżentata, id-dikjarazzjoni tal-oriġini, jew kopja ta’ dawn id-dokumenti, lill-awtoritajiet doganali tal-pajjiż esportatur filwaqt li jagħtu, fejn xieraq, ir-raġunijiet għat-talba għal verifika. Id-dokumenti u l-informazzjoni kollha miġbura li jissuġġerixxu li l-informazzjoni mogħtija fuq il-provi tal-oriġini mhijiex korretta għandha tingħadda bħala sostenn tat-talba għall-verifika.

3.  Il-verifika għandhom jagħmluha l-awtoritajiet doganali tal-pajjiż esportatur. Għal dan il-għan, dawn għandu jkollhom id-dritt li jitolbu kwalunkwe evidenza u jwettqu kwalunkwe spezzjoni tal-kontijiet tal-esportatur jew kwalunkwe verifika oħra li jqisu xierqa.

4.  Jekk l-awtoritajiet doganali tal-pajjiż importatur jiddeċiedu li jissospendu l-għoti ta’ trattament preferenzjali lil xi prodott ikkonċernat waqt li jkunu qegħdin jistennew ir-riżultati tal-verifika, l-importatur għandu jingħata l-possibbiltà li l-prodotti jinħarġu soġġetti għal kwalunkwe miżura ta’ prekawzjoni kkunsidrata meħtieġa.

5.  L-awtoritajiet doganali li jitolbu l-verifika għandhom ikunu informati bir-riżultati ta’ din il-verifika malajr kemm jista’ jkun. Dawn ir-riżultati għandhom jindikaw b’mod ċar jekk id-dokumenti humiex awtentiċi u jekk il-prodotti kkonċernati jistgħux jitqiesu bħala prodotti oriġinarji tal-Kosta tal-Avorju, tal-Unjoni Ewropea jew ta’ xi wieħed mill-pajjiżi l-oħra msemmija fl-Artikoli 6, 7 u 8 ta’ dan il-Protokoll u jekk jissodisfawx il-kundizzjonijiet l-oħra ta’ dan il-Protokoll.

6.  F’każijiet ta’ dubju fondat, u jekk ma jkunx hemm tweġiba fi żmien għaxar (10) xhur mid-data tat-talba għall-verifika jew jekk it-tweġiba ma jkunx fiha informazzjoni biżżejjed li tiddetermina l-awtentiċità tad-dokument inkwistjoni jew l-oriġini reali tal-prodotti, l-awtoritajiet doganali rikjedenti għandhom, ħlief f’ċirkostanzi eċċezzjonali, jirrifjutaw l-intitolament għall-preferenzi.

7.  Il-partijiet jirreferu għall-Artikolu 7 tal-Protokoll 2 tal-Ftehim dwar l-assistenza amministrattiva reċiproka fi kwistjonijiet doganali għall-investigazzjonijiet konġunti dwar il-provi tal-oriġini.

Artikolu 36

Verifika tad-dikjarazzjoni tal-fornituri

1.  Il-verifika tad-dikjarazzjonijiet tal-fornituri għandha ssir fuq il-bażi ta’ analiżi tar-riskju, permezz ta’ teħid ta’ kampjuni jew kull meta l-awtoritajiet doganali tal-pajjiż fejn dawn id-dikjarazzjonijiet ikunu ġew ikkunsidrati sabiex jinħareġ ċertifikat ta’ ċirkolazzjoni EUR.1 jew sabiex issir dikjarazzjoni tal-oriġini, ikollhom dubji fondati dwar l-awtentiċità tad-dokument jew il-korrettezza tal-informazzjoni mogħtija f’dan id-dokument.

2.  L-awtoritajiet doganali li lilhom tiġi ppreżentata d-dikjarazzjoni tal-fornitur jistgħu jitolbu lill-awtoritajiet doganali tal-Istat fejn tkun saret id-dikjarazzjoni biex joħorġu ċertifikat tal-informazzjoni, li mudell tiegħu jinsab fl-Anness VI ta’ dan il-Protokoll. Inkella, l-awtoritajiet taċ-ċertifikazzjoni li lilhom tkun ġiet ippreżentata d-dikjarazzjoni tal-fornitur jistgħu jitolbu lill-esportatur biex jipproduċi ċertifikat tal-informazzjoni maħruġ mill-awtoritajiet doganali tal-Istat fejn tkun saret id-dikjarazzjoni.

Għandha tinżamm kopja taċ-ċertifikat ta’ informazzjoni għal mill-anqas tliet (3) snin, mill-uffiċċju li jkun ħariġha.

3.  L-awtoritajiet doganali li jitolbu l-verifika għandhom ikunu informati bir-riżultati ta’ din il-verifika malajr kemm jista’ jkun. Ir-riżultati jridu jindikaw b’mod ċar jekk l-informazzjoni mogħtija fid-dikjarazzjoni tal-fornitur hijiex korretta u tagħmilhiex possibbli li jiddeterminaw jekk u sa fejn din id-dikjarazzjoni tal-fornitur tistax tiġi kkunsidrata sabiex jinħareġ ċertifikat ta’ ċirkolazzjoni EUR.1 jew biex tiġi stabbilita dikjarazzjoni tal-oriġini.

4.  Il-verifika għandhom jagħmluha l-awtoritajiet doganali tal-pajjiż fejn tkun saret id-dikjarazzjoni tal-fornitur. Għal dan il-għan, dawn għandu jkollhom id-dritt li jitolbu kwalunkwe evidenza jew li jwettqu kwalunkwe spezzjoni tal-kontabbiltà tal-fornitur jew kwalunkwe verifika oħra li jqisu xierqa biex jivverifikaw il-korrettezza ta’ kwalunkwe dikjarazzjoni tal-fornitur.

5.  Kwalunkwe ċertifikat tal-moviment EUR.1 jew kwalunkwe dikjarazzjoni tal-oriġini maħruġa jew magħmula fuq bażi ta’ dikjarazzjoni żbaljata tal-fornitur għandha titqies mhux valida.

Artikolu 37

Riżoluzzjoni tat-tilwim

1.  Meta jinqala’ tilwim li ma jistax jissolva minħabba verifiki msemmija fl-Artikoli 35 u 36 ta’ dan il-Protokoll bejn l-awtoritajiet doganali li qegħdin jitolbu verifika u l-awtoritajiet doganali responsabbli mit-twettiq ta’ din il-verifika jew meta titqajjem mistoqsija fir-rigward tal-interpretazzjoni ta’ dan il-Protokoll, dan it-tilwim għandu jiġu ppreżentat lill-Kumitat.

2.  Fil-każijiet kollha, ir-riżoluzzjoni tat-tilwim bejn l-importatur u l-awtoritajiet doganali tal-pajjiż importatur għandha timxi skont il-leġiżlazzjoni ta’ dan il-pajjiż.

Artikolu 38

Sanzjonijiet

Is-sanzjonijiet għandhom jiġu imposti fuq kwalunkwe persuna li tfassal, jew li tikkawża t-tfassil, ta’ dokument li jkun fih informazzjoni skorretta bil-għan li jinkiseb trattament preferenzjali għall-prodotti.

Artikolu 39

Żoni ħielsa

1.  Il-Kosta tal-Avorju u l-Unjoni Ewropea għandhom jieħdu l-passi kollha meħtieġa biex jiżguraw li l-prodotti nnegozjati u koperti bi prova tal-oriġini jew b’dikjarazzjoni tal-fornitur u li tul it-trasport jużaw żona ħielsa fit-territorju tagħhom, ma jiġux sostitwiti b’merkanzija oħra u ma jkollhomx trattament ieħor għajr l-operazzjonijiet normali mfassla biex jevitaw id-deterjorazzjoni tagħhom.

2.  B’deroga mid-dispożizzjonijiet li jinsabu fil-paragrafu 1 ta’ dan l-Artikolu, meta prodotti oriġinarji tal-Kosta tal-Avorju jew tal-Unjoni Ewropea jiġu importati f’żona ħielsa taħt kopertura ta’ prova ta’ oriġini u jgħaddu minn trattament jew ipproċessar, l-awtoritajiet doganali kkonċernati għandhom joħorġu ċertifikat ta’ moviment EUR.1 ġdid fuq it-talba tal-esportatur, jekk it-trattament jew l-ipproċessar li għaddew minnu jikkonforma mad-dispożizzjonijiet ta’ dan il-Protokoll.

Artikolu 40

Derogi

1.  Il-Kumitat jista’ jadotta derogi minn dan il-Protokoll meta l-iżvilupp tal-industriji eżistenti jew il-ħolqien ta’ industriji ġodda fil-Kosta tal-Avorju jkunu jiġġustifikaw dan. Għal dan il-għan, il-Kosta tal-Avorju għandha, qabel jew waqt ir-riferiment lill-imsemmi Kumitat, tinforma lill-Unjoni Ewropea bit-talba tagħha, fuq il-bażi ta’ fajl ta’ sostenn imfassal skont il-paragrafu 2 ta’ dan l-Artikolu. L-Unjoni Ewropea għandha tirreaġixxi b’mod pożittiv għat-talbiet kollha tal-Kosta tal-Avorju li huma ġġustifikati kif xieraq skont dan l-Artikolu u li ma jistgħux joħolqu danni serji għall-industrija stabbilita tal-Unjoni Ewropea.

2.  Sabiex l-eżaminazzjoni mill-Kumitat għat-talbiet għal deroga titħaffef, il-Kosta tal-Avorju, li tippreżenta t-talba permezz ta’ formula li tidher fl-Anness VII ta’ dan il-Protokoll, tipprovdi l-aktar informazzjoni possibbli biex issostni t-talba tagħha u biex tkopri b’mod partikolari l-punti elenkati hawn taħt:

L-istess dispożizzjonijiet għandhom japplikaw għal kull talba għal estensjoni.

Il-Kumitat jista’ jimmodifika l-formola.

3.  L-eżaminazzjoni tat-talbiet għandha tqis b’mod partikolari:

4.  F’kull każ għandha ssir eżaminazzjoni biex jinstab jekk ir-regoli relatati mal-akkumulazzjoni tal-oriġini jipprovdux soluzzjoni għall-problema.

5.  Fl-eżaminazzjoni tat-talbiet każ b’każ, għandha titqies b’mod speċjalil-possibbiltà li jkun konferit l-istatus oriġinarju fuq il-prodotti li jinkludu fil-kompożizzjoni tagħhom, materjali li joriġinaw minn pajjiżi ġirien li għadhom qed jiżviluppaw, pajjiżi l-anqas żviluppati jew pajjiżi li għandhom qed jiżviluppaw, li magħhom il-Kosta tal-Avorju jkollha relazzjonijiet speċjali, dment li tkun tista’ tiġi stabbilita koperazzjoni amministrattiva sodisfaċenti.

6.  Il-Kumitat għandu jieħu l-passi meħtieġa biex jiżgura li tintlaħaq deċiżjoni malajr kemm jista’ jkun u, fi kwalunkwe każ, mhux aktar tard minn 75 jum ta’ xogħol minn mindu t-talba tasal għand il-Kopresident tal-Unjoni Ewropea tal-Kumitat. Jekk l-Unjoni Ewropea ma tinfurmax lill-Kosta tal-Avorju dwar il-pożizzjoni tagħha fir-rigward tat-talba fiż-żmien stipulat, it-talba għandha titqies li ġiet aċċettata.

7.  

8.  Minkejja l-paragrafi 1 sa 7 ta’ dan l-Artikolu, derogi awtomatiċi għat-tonn ippreservat u għall-flettijiet tat-tonn ta’ SA 1604 għandhom jingħataw biss għal perjodu ta’ sentejn (2) mid-data tad-dħul fis-seħħ ta’ dan il-Protokoll, fil-limiti ta’ kwota annwali li tonqos ta’ 2 000 tunnellata fl-ewwel sena, ta’ kwota ta’ 1 000 tunnellata fit-tieni sena għall-prodotti ppreservati u ta’ kwota annwali ta’ 200 tunnellata għall-flettijiet tat-tonn.

TITOLU VI

CEUTA U MELILLA

Artikolu 41

Kundizzjonijiet speċjali

1.  It-terminu “Unjoni Ewropea” użat f’dan il-Protokoll ma jkoprix lil Ceuta u Melilla.

2.  Il-prodotti oriġinarji tal-Kosta tal-Avorju, meta jiġu importati f’Ceuta jew Melilla, għandhom igawdu f’kull aspett mill-istess sistema doganali bħal dik li applikata għall-prodotti oriġinarji tat-territorju doganali tal-Unjoni Ewropea skont il-Protokoll 2 tal-Att tal-Adeżjoni tar-Renju ta’ Spanja u r-Repubblika Portugiża mal-Komunitajiet Ewropej. Fuq il-prodotti importati taħt il-Ftehim u oriġinarji f’Ceuta u Melilla, il-Kosta tal-Avorju tapplika l-istess reġim doganali bħal dak applikat fuq prodotti importati mill-Unjoni Ewropea u oriġinarji minnha.

3.  Għall-finijiet tal-applikazzjoni tal-paragrafu 2 ta’ dan l-Artikolu fir-rigward ta’ prodotti oriġinarji ta’ Ceuta u Melilla, dan il-Protokoll għandu japplika mutatis mutandis skont il-kundizzjonijiet speċjali stipulati fl-Artikolu 42 ta’ dan il-Protokoll.

Artikolu 42

Kundizzjonijiet speċifiċi

1.  Dment li kienu ttrasportati skont id-dispożizzjonijiet tal-Artikolu 15 ta’ dan il-Protokoll, dawn li ġejjin għandhom jitqiesu bħala:

2.  Ceuta u Melilla għandhom jitqiesu bħala territorju wieħed.

3.  L-esportatur jew ir-rappreżentant awtorizzat tiegħu għandu jniżżel “....” u “Ceuta u Melilla” fil-Kaxxa 2 taċ-ċertifikati ta’ moviment EUR.1 jew fuq id-dikjarazzjonijiet tal-oriġini. Barra minn dan, fil-każ ta’ prodotti oriġinarji ta’ Ceuta u Melilla, l-istatus oriġinarju jiġi indikat fil-Kaxxa 4 taċ-ċertifikat ta’ moviment EUR.1 jew fuq id-dikjarazzjonijiet tal-oriġini.

4.  L-awtoritajiet doganali Spanjoli għandhom ikunu responsabbli għall-applikazzjoni ta’ dan il-Protokoll f’Ceuta u Melilla.

TITOLU VII

DISPOŻIZZJONIJIET FINALI

Artikolu 43

Reviżjoni u applikazzjoni tar-regoli tal-oriġini

1.  Skont l-Artikolu 73 tal-Ftehim, kull meta l-Kosta tal-Avorju jew l-Unjoni Ewropea jitolbu dan, il-Kumitat tal-FSE jista’ jeżamina l-applikazzjoni tad-dispożizzjonijiet ta’ dan il-Protokoll u l-effetti ekonomiċi tagħhom bil-għan li jadattahom jew jemendahom jekk ikun meħtieġ. Il-Kumitat tal-FSE tal-Kosta, għandu jqis, fost affarijiet oħra, l-impatt tal-iżviluppi teknoloġiċi fuq ir-regoli tal-oriġini.

2.  Minkejja d-dispożizzjonijiet tal-paragrafu 1 ta’ dan l-Artikolu, dan il-Protokoll u l-Annessi tiegħu għandhom jiġu eżaminati mill-ġdid u, jekk meħtieġ, riveduti qabel it-tmiem ta’ perjodu ta’ ħames (5) snin mid-data tad-dħul fis-seħħ ta’ dan il-Protokoll, skont l-obbligi tal-Artikolu 14 tal-Ftehim. Dan l-eżami mill-ġdid għandu jinkludi wkoll l-Anness II-A ta’ dan il-Protokoll sabiex ikun jista’ jiddeċiedi dwar it-tiġdid possibbli tiegħu.

3.  Skont l-Artikolu 34 tal-Ftehim, il-Kumitat għandu jissorvelja l-implimentazzjoni u l-ġestjoni tad-dispożizzjonijiet ta’ dan il-Protokoll u jieħu deċiżjonijiet li jikkonċernaw, fost l-oħrajn:

Artikolu 44

Annessi

L-Annessi ta’ dan il-Protokoll għandhom jifformaw parti integrali minnu.

Artikolu 45

Implimentazzjoni tal-Protokoll

L-Unjoni Ewropea u l-Kosta tal-Avorju, skont kif jikkonċernahom, għandhom jieħdu l-miżuri kollha meħtieġa għall-implimentazzjoni ta’ dan il-Protokoll, fosthom:

Artikolu 46

Dispożizzjonijiet tranżizzjonali għal merkanzija fi tranżitu jew f’ħażna

Il-merkanzija li tissodisfa d-dispożizzjonijiet tal-Protokoll u li, fil-jum tad-dħul fis-seħħ tiegħu, tkun fi tranżitu jew tkun maħżuna temporanjament f’imħażen doganali jew f’żoni ħielsa fl-Unjoni Ewropea jew fil-Kosta tal-Avorju, tista’ tiġi aċċettata dment li jiġi ppreżentat ċertifikat ta’ moviment EUR.1 lill-awtoritajiet doganali tal-Istat importatur fi żmien għaxar (10) xhur mid-data msemmija, li jinħareġ retrospettivament mill-awtoritajiet doganali tal-Istat esportatur flimkien mal-provi tal-konformità mal-Artikolu 15 ta’ dan il-Protokoll.

ANNESS I

NOTI TA’ INTRODUZZJONI DWAR IL-LISTA FL-ANNESS II TAL-PROTOKOLL

Nota 1:

Il-lista fl-Anness II ta’ dan il-Protokoll tistabbilixxi l-kundizzjonijiet meħtieġa biex il-prodotti kollha jitqiesu maħdumin jew ipproċessati biżżejjed skont it-tifsira tal-Artikolu 4 tal-Protokoll.

Nota 2:

Nota 3:

Pereżempju:

Magna tal-intestatura 8407 , li għaliha r-regola tiddikjara li l-valur tal-materjali mhux oriġinarji li jistgħu jiġu inkorporati, ma għandux jaqbeż l-40 % tal-prezz mill-fabbrika, hija magħmula minn azzar liga ieħor b’għamla ħarxa mill-forġa tal-intestatura ex  72 24 .

Jekk dan ix-xogħol tal-forġa jkun sar fl-Unjoni Ewropea minn ingott mhux oriġinarju, dan ikun diġà kiseb status ta’ prodott oriġinarju permezz tar-regola prevista fil-lista għall-prodotti tal-intestatura ex  72 24 . Ix-xogħol tal-forġa, b’hekk, jista’ jitqies bħala oriġinarju fil-kalkolu tal-valur tal-magna, mingħajr ma jingħata każ jekk kinitx prodotta fl-istess fabbrika jew f’xi fabbrika oħra fl-Unjoni Ewropea. B’hekk, il-valur tal-ingott mhux oriġinarju ma jitqiesx meta jkun qed jingħadd il-valur tal-materjali mhux oriġinarji użati.

Pereżempju:

Ir-regola għad-drappijiet tal-intestaturi 5208 sa 5212 tipprovdi li jistgħu jintużaw fibri naturali u li jistgħu jintużaw ukoll materjali kimiċi fost materjali oħra. Din ir-regola ma timplikax li l-fibri naturali u l-materjali kimiċi għandhom jintużaw f’daqqa; jista’ jintuża wieħed jew l-ieħor, jew it-tnejn li huma f’daqqa.

Pereżempju:

Ir-regola għall-ikel preparat tal-intestatura 1904 , li speċifikament teskludi l-użu ta’ ċereali u d-derivattivi tagħhom ma tipprevjenix l-użu ta’ minerali, materjali kimiċi jew addittivi oħra dment li ma jinkisbux miċ-ċereali.

Madankollu, din ir-regola ma tapplikax għall-prodotti li, minkejja li ma jistgħux jiġu manifatturati minn materjali partikolari speċifikati fil-lista, jistgħu jsiru minn materjal tal-istess natura fi stadju aktar bikri tal-manifattura.

Pereżempju:

Fil-każ ta’ lbies tal-ex Kapitolu 62 tas-Sistema Armonizzata magħmul minn materjal mhux minsuġ, jekk ikun previst li dan it-tip ta’ prodott jista’ jinkiseb biss minn ħajt mhux oriġinarju, mhux possibbli li jintuża materjal mhux minsuġ, anki jekk il-materjali mhux minsuġa normalment ma jkunux jistgħu jinkisbu mill-ħajt. F’dawn il-każijiet, il-materjal li jaqbel li jintuża huwa dak ta’ waqt il-ħidma, li normalment jiġi immedjatament qabel l-istadju tal-ħjut – jiġifieri l-istadju tal-fibri.

Nota 4:

Nota 5:

Dawn li ġejjin huma l-materjali tessili bażiċi:

Pereżempju:

Il-ħajt tal-intestatura 5205 , magħmul minn fibri tal-qoton tal-intestatura 5203 u l-fibri sintetiċi ta’ qisien ta’ qosor predeterminat tal-intestatura 5506 huwa ħajt imħallat. Għalhekk, il-fibri sintetiċi ta’ qisien ta’ qosor predeterminat mhux oriġinarji li ma jissodisfawx ir-regoli tal-oriġini (li jeżiġu manifattura minn materjali kimiċi jew polpa tat-tessuti) jistgħu jintużaw sa piż ta’ 10 % tal-ħjut mibruma.

Pereżempju:

Drapp tas-suf tal-intestatura 5112 magħmul minn ħajt tas-suf tal-intestatura 5107 u ħajt sintetiku tal-fibri sintetiċi ta’ qisien ta’ qosor predeterminat tal-intestatura 5509 huwa drapp imħallat. Għalhekk, il-ħajt sintetiku li ma jissodisfax ir-regoli tal-oriġini (li jeħtieġu manifattura minn materjal kimiku jew polpa tat-tessuti), jew ħajt tas-suf li ma jissodisfax ir-regoli tal-oriġini (li jeħtieġu manifattura minn fibri naturali, mhux imqardxa jew mimxuta jew ippreparati b’xi mod ieħor għall-għażil), jew taħlita tat-tnejn, jista’ jintuża, bil-kundizzjoni li l-piż totali tagħhom ma jaqbiżx l-10 % tal-piż tad-drapp.

Pereżempju:

Drapp tat-tessuti bil-bżiebeż tal-intestatura 5802 magħmul minn ħajt tal-qoton tal-intestatura 5205 u drapp tal-qoton tal-intestatura 5210 huwa biss prodott imħallat jekk id-drapp tal-qoton innifsu huwa drapp imħallat magħmul minn ħjut klassifikat f’żewġ intestaturi separati jew jekk il-ħjut tal-qoton infushom huma taħlitiet.

Pereżempju:

Jekk l-istess drapp tat-tessuti bil-bżiebeż kien magħmul minn ħajt tal-qoton tal-intestatura 5205 u drapp sintetiku tal-intestatura 5407 , imbagħad, ovvjament, il-ħjut użati huma żewġ materjali tessili bażiċi separati u d-drapp tat-tessuti bil-bżiebeż huwa, għal din ir-raġuni, prodott imħallat.

Nota 6:

It-tirqim u l-aċċessorji tessili huma dawk ikklassifikati fil-Kapitoli 50 sa 63 tas-Sistema Armonizzata. L-inforra u l-furzetta ma għandhomx ikunu meqjusin bħala tirqim jew aċċessorji.

Pereżempju ( 9 ), jekk regola fil-lista tgħid li għal oġġett partikolari b’materjal tessili, bħal qmis, għandhom jintużaw biss ħjut, dan ma jipprojbixxix l-użu ta’ oġġetti tal-metall, bħal buttuni, għax dawn ma jistgħux jitqiesu li saru minn materjali tessili.

Nota 7:

ANNESS II

Lista ta’ ħidmiet jew ipproċessar li jridu jitwettqu għall-materjali mhux oriġinarji sabiex il-prodott maħdum jakkwista l-istatus oriġinarju

Il-prodotti msemmija fil-lista li ġejja mhux kollha huma koperti mill-Ftehim. Huwa għaldaqstant meħtieġ li jiġu kkonsultati l-partijiet l-oħrajn tal-Ftehim.

ANNESS II-A

Derogi mil-lista ta’ ħidmiet jew ipproċessar li jirdu jitwettqu għall-materjali mhux oriġinarji sabiex il-prodott maħdum jakkwista l-istatus oriġinarju

Jista’ jkun li l-prodotti msemmija fil-lista ma jkunux kollha koperti b’dan il-Ftehim. Huwa għaldaqstant meħtieġ li jiġu kkonsultati l-partijiet l-oħrajn tal-Ftehim.

DISPOŻIZZJONIJIET KOMUNI

“Dérogation - Annexe II-A du protocole n° 1… - Matières de la position SH n° … originaires de … utilisées.”.

Din il-frażi għandha tkun fil-kaxxa 7 taċ-ċertifikati tal-moviment EUR.1 imsemmija fl-Artikolu 18 ta’ dan il-Protokoll, jew għandhom jiżdiedu mad-dikjarazzjoni tal-oriġini msemmija fl-Artikolu 21 tiegħu.

ANNESS III

FORMULA TAĊ-ĊERTIFIKAT TAL-MOVIMENT EUR.1

ĊERTIFIKAT TA’ MOVIMENT

APPLIKAZZJONI GĦAL ĊERTIFIKAT TA’ MOVIMENT TAL-MERKANZIJA

DIKJARAZZJONI TAL-ESPORTATUR

ANNESS IV

DIKJARAZZJONI TAL-ORIĠINI

Id-dikjarazzjoni tal-oriġini, li t-test tagħha jidher hawn taħt, trid issir skont in-noti ta’ qiegħ il-paġna. Madankollu, m’hemmx għalfejn jiġu riprodotti n-noti ta’ qiegħ il-paġna.

Il-verżjoni bil-Bulgaru

Износителят на продуктите, обхванати от този документ (митническо разрешение № … (1)) декларира, че освен кьдето е отбелязано друго, тези продукти са с … преференциален произход (2).

Il-verżjoni bl-Ispanjol

El exportador de los productos incluidos en el presente documento (autorización aduanera n.° .. …(1).) declara que, salvo indicación en sentido contrario, estos productos gozan de un origen preferencial. …(2).

Il-verżjoni biċ-Ċek

Vývozce výrobků uvedených v tomto dokumentu (číslo povolení …(1)) prohlašuje, že kromě zřetelně označených, mají tyto výrobky preferenční původ v …(2).

Il-verżjoni bid-Daniż

Eksportøren af varer, der er omfattet af nærværende dokument, (toldmyndighedernes tilladelse nr. …(1)), erklærer, at varerne, medmindre andet tydeligt er angivet, har præferenceoprindelse i …(2).

Il-verżjoni bil-Ġermaniż

Der Ausführer (Ermächtigter Ausführer; Bewilligungs-Nr. …(1)) der Waren, auf die sich dieses Handelspapier bezieht, erklärt, dass diese Waren, soweit nicht anderes angegeben, präferenzbegünstigte …(2) Ursprungswaren sind.

Il-verżjoni bl-Estonjan

Käesoleva dokumendiga hõlmatud toodete eksportija (tolli luba nr. …(1)) deklareerib, et need tooted on …(2) sooduspäritoluga, välja arvatud juhul kui on selgelt näidatud teisiti.

Il-verżjoni bil-Grieg

Ο εξαγωγέας των προϊόντων που καλύπτονται από το παρόν έγγραφο (άδεια τελωνείου υπ αριθ. …(1)) δηλώνει ότι, εκτός εάν δηλώνεται σαφώς άλλως, τα προϊόντα αυτά είναι προτιμησιακής καταγωγής …(2).

Il-verżjoni bl-Ingliż

The exporter of the products covered by this document (customs authorization No …(1)) declares that, except where otherwise clearly indicated, these products are of …(2) preferential origin.

Il-verżjoni bil-Franċiż

L’exportateur des produits couverts par le présent document (autorisation douanière n° …(1)) déclare que, sauf indication claire du contraire, ces produits ont l’origine préférentielle … (2).

Il-verżjoni bil-Kroat

Izvoznik proizvoda obuhvaćenih ovom ispravom (carinsko ovlaštenje br. … (1)) izjavljuje da su, osim ako je drukčije izričito navedeno, ovi proizvodi … (2) preferencijalnog podrijetla.

Il-verżjoni bit-Taljan

L’esportatore delle merci contemplate nel presente documento (autorizzazione doganale n …(1)) dichiara che, salvo indicazione contraria, le merci sono di origine preferenziale …(2).

Il-verżjoni bil-Latvjan

To produktu eksportētājs, kuri ietverti šajā dokumentā (muitas atļauja Nr. …(1)), deklarē, ka, izņemot tur, kur ir citādi skaidri noteikts, šiem produktiem ir preferenciāla izcelsme no …(2).

Il-verżjoni bil-Litwan

Šiame dokumente išvardytų produktų eksportuotojas (muitinės liudijimo Nr …(1)) deklaruoja, kad, jeigu kitaip nenurodyta, tai yra …(2) preferencinės kilmės produktai.

Il-verżjoni bl-Ungeriż

A jelen okmányban szereplő áruk exportőre (vámfelhatalmazási szám: …(1)) kijelentem, hogy eltérő jelzés hiányában az áruk kedvezményes …(2) származásúak.

Il-verżjoni bil-Malti

L-esportatur tal-prodotti koperti b’dan id-dokument (awtorizzazzjoni tad-dwana nru. …(1)) jiddikjara li, ħlief fejn indikat b’mod ċar li mhux hekk, dawn il-prodotti huma ta’ oriġini preferenzjali …(2).

Il-verżjoni bin-Netherlandiż

De exporteur van de goederen waarop dit document van toepassing is (douanevergunning nr. …(1)), verklaart dat, behoudens uitdrukkelijke andersluidende vermelding, deze goederen van preferentiële … oorsprong zijn (2).

Il-verżjoni bil-Pollakk

Eksporter produktów objętych tym dokumentem (upoważnienie władz celnych nr …(1)) deklaruje, że z wyjątkiem gdzie jest to wyraźnie określone, produkty te mają …(2) preferencyjne pochodzenie.

Il-verżjoni bil-Portugiż

O exportador dos produtos cobertos pelo presente documento (autorização aduaneira n°. …(1)), declara que, salvo expressamente indicado em contrário, estes produtos são de origem preferencial …(2).

Il-verżjoni bir-Rumen

Exportatorul produselor ce fac obiectul acestui document (autorizatia vamală nr. …(1)) declară că, exceptând cazul în care în mod expres este indicat altfel, aceste produse sunt de origine preferentială …(2).

Il-verżjoni bis-Sloven

Izvoznik blaga, zajetega s tem dokumentom (pooblastilo carinskih organov št …(1)) izjavlja, da, razen če ni drugače jasno navedeno, ima to blago preferencialno …(2) poreklo.

Il-verżjoni bis-Slovakk

Vývozca výrobkov uvedených v tomto dokumente (číslo povolenia …(1)) vyhlasuje, že okrem zreteľne označených, majú tieto výrobky preferenčný pôvod v …(2).

Il-verżjoni bil-Finlandiż

Tässä asiakirjassa mainittujen tuotteiden viejä (tullin lupa n:o …(1)) ilmoittaa, että nämä tuotteet ovat, ellei toisin ole selvästi merkitty, etuuskohteluun oikeutettuja … alkuperätuotteita (2).

Il-verżjoni bl-Iżvediż

Exportören av de varor som omfattas av detta dokument (tullmyndighetens tillstånd nr. …(1)) försäkrar att dessa varor, om inte annat tydligt markerats, har förmånsberättigande … ursprung (2).

………………………………………………………… (3)

(Post u data)

…………………………………………………………(4)

(Firma tal-esportatur; barra minn hekk, l-isem tal-persuna li tiffirma d-dikjarazzjoni jrid jiġi indikat b’kitba ċara)

ANNESS V-A

DIKJARAZZJONI TAL-FORNITUR DWAR IL-PRODOTTI BI STATUS ORIĠINARJU PREFERENZJALI

Jiena, hawn taħt iffirmat, niddikjara li l-merkanzija elenkata f’din il-fattura … (1)

inkisbet ………………… (2) u tissodisfa r-regoli ta’ oriġini li jirregolaw il-kummerċ preferenzjali bejn il-Kosta tal-Avorju u l-Unjoni Ewropea.

Nimpenja ruħi li ngħaddi evidenza lill-awtoritajiet doganali, jekk ikun meħtieġ, li ssostni din id-dikjarazzjoni.

…(3)

…(4)

…(5)

Nota

It-test hawn fuq imsemmi, mimli kif xieraq f’konformitsa man-noti ta’ qiegħ il-paġna ta’ hawn taħt, jikkostitwixxi dikjarazzjoni tal-fornitur. In-noti ta’ qiegħ il-paġna m’hemmx għalfejn ikunu riprodotti.

ANNESS V-B

DIKJARAZZJONI TAL-FORNITUR DWAR IL-PRODOTTI MINGĦAJR STATUS ORIĠINARJU PREFERENZJALI

Jiena, hawn taħt iffirmat, niddikjara li l-merkanzija elenkata f’din il-fattura ………………………… (1) nkisbet ………………………… (2) u fiha l-komponenti jew il-materjali li ġejjin li mhumiex oriġinarji tal-Kosta tal-Avorju, jew ta xi Stat ieħor tal-AKP li jkun applika FSE tal-inqas b’mod provviżorju, minn PTEE jew mill-Unjoni Ewropea fil-kuntest tal-kummerċ preferenzjali:

…(3) …(4)

………………………………(5)

…

…(6)

Nimpenja ruħi li ngħaddi evidenza lill-awtoritajiet doganali, jekk ikun meħtieġ, li ssostni din id-dikjarazzjoni.

…(7) …(8)

…(9)

Nota

It-test hawn fuq imsemmi, mimli kif xieraq f’konformitsa man-noti ta’ qiegħ il-paġna ta’ hawn taħt, jikkostitwixxi dikjarazzjoni tal-fornitur. In-noti ta’ qiegħ il-paġna m’hemmx għalfejn ikunu riprodotti.

ANNESS VI

ĊERTIFIKAT TA’ INFORMAZZJONI

ANNESS VII

FORMULA TA’ TALBA GĦAL DEROGA

NOTI

Kaxex 3, 4, 5, 7

:

“Pajjiż terz” tfisser kwalunkwe pajjiż li mhux imsemmi fl-Artikolu 7 ta’ dan il-Protokoll.

Kaxxa 12

:

Jekk il-materjali ta’ pajjiż terz ikunu nħadmu jew ġew ipproċessati fl-Istati jew fit-territorji msemmija fl-Artikoli 7 ta’ dan il-Protokoll mingħajr ma jkun inkiseb l-oriġini, qabel ma jsir aktar ipproċessar fil-Kosta tal-Avorju li qed jitlob id-deroga, indika l-ħidma jew l-ipproċessar imwettqa fl-Istati jew fit-territorji msemmija fl-Artikoli 7 ta’ dan il-Protokoll.

Kaxxa 13

:

Id-dati li jridu jiġu indikati huma tal-bidu u ta’ tmiem il-perjodu li fih jistgħu jinħarġu ċ-ċertifikati EUR. 1 fil-kuntest tad-deroga.

Kaxxa 18

:

Indika l-persentaġġ tal-valur miżjud tal-prezz tal-prodott mill-fabbrika jew l-ammont fi flus tal-valur miżjud għal kull unitsa tal-prodott.

Kaxxa 19

:

Jekk jeżistu sorsi alternattivi tal-materjal, indika hawn x’inhuma u, jekk inhu possibbli, ir-raġunijiet tal-ispejjeż jew raġunijiet oħra għalfejn ma ntużawx.

Kaxxa 20

:

Indika investimenti oħra possibbli jew differenzjar tal-fornituri li jirrendu d-deroga meħtieġa għal perjodu taż-żmien limitat biss.

ANNESS VIII

PAJJIŻI U TERRITORJI EXTRA-EWROPEJ

Skont it-tifsira ta’ dan il-Protokoll, “pajjiżi u territorji extra-Ewropej” tfisser il-pajjiżi u t-territorji msemmija fl-Anness II tat-Trattat dwar il-Funzjonament tal-Unjoni Ewropea, elenkati hawn taħt:

(Din il-lista hija mingħajr preġudizzju għall-istatus ta’ dawn il-pajjiżi u t-territorji, jew għat-tibdiliet futuri fl-istatus tagħhom.)

ANNESS IX

PRODOTTI KOPERTI MILL-ARTIKOLU 7(4) TAL-PROTOKOLL

DIKJARAZZJONI KONĠUNTA

li tikkonċerna l-Prinċipat ta’ Andorra

DIKJARAZZJONI KONĠUNTA

dwar ir-Repubblika ta’ San Marino

---

( ) L-Istati Membri mhumiex inklużi.

( ) Għal dan il-kalkolu, se tintuża l-informazzjoni uffiċjali tal-WTO dwar l-esportaturi dinjija tal-merkanzija prinċipali (li jeskludi l-kummerċ intra-UE).

( ) Għall-finijiet ta' dan l-Artikolu, il-prodotti agrikoli huma dawk koperti mill-Anness I tal-Ftehim tad-WTO dwar l-Agrikoltura.

( ) Għal dawn il-fini u b'deroga għall-Artikolu 25, Stati tal-Afrika tal-Punent individwali magħrufa mill-Organizzazzjoni tan-Nazzjonijiet Uniti (ONU) bħala l-pajjiżi l-anqas avvanzati jistgħu jkunu l-oġġett ta' miżuri ta' salvagwardja.

( 1 ) Ir-Regolament tal-Kunsill (KEE) Nru 2658/87 tat-23 ta’ Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta’ Dwana (ĠU L 256, 7.9.1987, p. 1), inklużi l-emendi sussegwenti kollha.

( 2 ) Il-pajjiżi l-oħra tal-Afrika tal-Punent huma: il-Benin, il-Burkina, Cape Verde, il-Gambja, il-Ghana, il-Guinea, il-Guinea-Bissau, il-Liberja, il-Mali, il-Mauritania, in-Niġer, in-Niġerja, is-Senegal, Sierra Leone u t-Togo.

( 3 ) Ara d-Deċiżjoni tal-Kunsill 2009/729/KE tat-13 ta’ Lulju 2009 dwar l-iffirmar u l-applikazzjoni provviżorja tal-Ftehim Interim ta’ Sħubija bejn il-Komunità Ewropea, minn naħa waħda, u l-Istati tal-Paċifiku, min-naħa l-oħra (ĠU L 272 tas-16.10.2009, p. 1).

( 4 ) Ara r-Regolament tal-Kummissjoni (KEE) Nru 2454/93 tat-2 ta’ Lulju 1993 li jiffissa d-dispożizzjonijiet għall-implimentazzjoni tar-Regolament tal-Kunsill (KEE) Nru 2913/92 li jistabbilixxi l-Kodiċi Doganali Komunitarju (ĠU L 253, 11.10.1993, p. 1).

( 5 ) Dan l-eżempju hu mogħti għall-fini ta’ spjegazzjoni biss. Mhuwiex legalment vinkolanti.

( 6 ) Ara n-Nota ta’ Spjegazzjoni 5(b) addizzjonali tal-Kapitolu 27 tan-Nomenklatura Magħquda.

( 7 ) Ara n-Nota ta’ Spjegazzjoni 5(b) addizzjonali tal-Kapitolu 27 tan-Nomenklatura Magħquda.