EUR-Lex Access to European Union law
This document is an excerpt from the EUR-Lex website
Document 02008D0313-20080902
Political and Security Committee Decision CHAD/2/2008 of 18 March 2008 on the setting-up of the Committee of Contributors for the European Union military operation in the Republic of Chad and in the Central African Republic (2008/313/CFSP)
Consolidated text: Deċiżjoni tal-Kumitat Politiku u ta' Sigurtà CHAD/2/2008 tat- 18 ta' Marzu 2008 dwar l-istabbiliment tal-Kumitat ta' Kontributuri għall-operazzjoni militari ta' l-Unjoni Ewropea fir-Repubblika taċ-Ċad u fir-Repubblika Ċentru-Afrikana (2008/313/PESK)
Deċiżjoni tal-Kumitat Politiku u ta' Sigurtà CHAD/2/2008 tat- 18 ta' Marzu 2008 dwar l-istabbiliment tal-Kumitat ta' Kontributuri għall-operazzjoni militari ta' l-Unjoni Ewropea fir-Repubblika taċ-Ċad u fir-Repubblika Ċentru-Afrikana (2008/313/PESK)
Dan it-test ikkonsolidat jista’ ma jinkludix l-emendi li ġejjin:
| Att li jemenda | Tip ta’ emenda | Is-subdiviżjoni kkonċernata | Data tal-effett |
|---|---|---|---|
| 32008D0731 | Emendata minn | anness | 16/09/2008 |
2008D0313 — MT — 02.09.2008 — 002.001
Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu
|
DEĊIŻJONI TAL-KUMITAT POLITIKU U TA' SIGURTÀ CHAD/2/2008 tat-18 ta' Marzu 2008 dwar l-istabbiliment tal-Kumitat ta' Kontributuri għall-operazzjoni militari ta' l-Unjoni Ewropea fir-Repubblika taċ-Ċad u fir-Repubblika Ċentru-Afrikana (ĠU L 107, 17.4.2008, p.60) |
Emendat bi:
|
|
|
Il-Ġurnal Uffiċjali |
||
|
No |
page |
date |
||
|
DEĊIŻJONI TAL-KUMITAT POLITIKU U TA’ SIGURTÀ CHAD/3/2008 tat-28 ta’ Mejju 2008 |
L 144 |
82 |
4.6.2008 |
|
|
DEĊIŻJONI TAL-KUMITAT POLITIKU U TA' SIGURTÀ CHAD/4/2008 tat-2 ta' Settembru 2008 |
L 247 |
54 |
16.9.2008 |
|
DEĊIŻJONI TAL-KUMITAT POLITIKU U TA' SIGURTÀ CHAD/2/2008
tat-18 ta' Marzu 2008
dwar l-istabbiliment tal-Kumitat ta' Kontributuri għall-operazzjoni militari ta' l-Unjoni Ewropea fir-Repubblika taċ-Ċad u fir-Repubblika Ċentru-Afrikana
(2008/313/PESK)
IL-KUMITAT POLITIKU U TA' SIGURTÀ,
Wara li kkunsidra t-Trattat dwar l-Unjoni Ewropea u, b'mod partikolari t-tielet subparagrafu ta' l-Artikolu 25 tiegħu,
Wara li kkunsidra l-Azzjoni Konġunta tal-Kunsill 2007/677/PESK tal-15 ta' Ottubru 2007 dwar l-operazzjoni militari ta’ l-Unjoni Ewropea fir-Repubblika taċ-Ċad u fir-Repubblika Ċentru-Afrikana ( 1 ) (Operazzjoni EUFOR Tchad/RCA), u b'mod partikolari l-Artikolu 10(5) tagħha,
Billi:|
(1) |
Skond l-Artikolu 10(5) ta' l-Azzjoni Konġunta 2007/677/PESK, il-Kunsill awtorizza lill-Kumitat Politiku u ta' Sigurtà (KPS) sabiex jieħu d-deċiżjonijiet relevanti għall-istabbiliment ta' Kumitat ta' Kontributuri għall-Operazzjoni EUFOR Tchad/RCA. |
|
(2) |
Il-Konklużjonijiet tal-Kunsill Ewropew ta' Nizza tas-7, it-8 u d-9 ta' Diċembru 2000 u ta' Brussell ta' l-24 u l-25 ta' Ottubru 2002 stabbilixxew l-arranġamenti għall-parteċipazzjoni ta' Stati terzi f'operazzjonijiet ta' maniġġar ta' kriżijiet u fl-istabbiliment ta' Kumitat ta' Kontributuri. |
|
(3) |
Il-Kumitat ta' Kontributuri ser ikollu rwol ċentrali fil-ġestjoni ta' kuljum ta' l-Operazzjoni EUFOR Tchad/RCA. Huwa ser ikun il-forum prinċipali fejn l-Istati kontribwenti kollettivament jindirizzaw kwistjonijiet relatati ma' l-impjieg tal-forzi tagħhom fl-operazzjoni. Il-KPS, li jeżerċita l-kontroll politiku u d-direzzjoni strateġika ta' l-operazzjoni, ser jieħu kont ta' l-opinjonijiet espressi mill-Kumitat ta' Kontributuri. |
|
(4) |
Skond l-Artikolu 6 tal-Protokoll dwar il-pożizzjoni tad-Danimarka anness għat-Trattat dwar l-Unjoni Ewropea u għat-Trattat li jistabbilixxi l-Komunità Ewropea, id-Danimarka ma tipparteċipax fl-elaborazzjoni u l-implementazzjoni ta' deċiżjonijiet u azzjonijiet ta' l-Unjoni Ewropea li jkollhom implikazzjonijiet ta' difiża, |
IDDEĊIEDA KIF ĠEJ:
Artikolu 1
Stabbiliment u termini ta' referenza
Huwa b'dan stabbilit Kumitat ta' Kontributuri għall-operazzjoni militari ta' l-Unjoni Ewropea fir-Repubblika taċ-Ċad u fir-Repubblika Ċentru-Afrikana (“KK”). It-termini ta' referenza tiegħu huma stabbiliti fil-Konklużjonijiet tal-Kunsill Ewropew ta' Nizza u ta' Brussell.
Artikolu 2
Kompożizzjoni
1. Il-membri tal-KK għandhom ikunu kif ġej:
— rappreżentanti ta' l-Istati Membri kollha,
— rappreżentanti ta' l-Istati terzi parteċipanti fl-operazzjoni u li jipprovdu kontributi militari sinifikattivi, kif imsemmi fl-Anness.
2. Il-Kmandant ta' l-Operazzjoni ta' l-UE, id-Direttur Ġenerali tal-Persunal Militari ta' l-Unjoni Ewropea, jew ir-rappreżentanti tagħhom u r-rappreżentanti tal-Kummissjoni għandhom jattendu għal-laqgħat tal-KK.
3. Jistgħu jiġu mistiedna terzi persuni għal partijiet rilevanti tad-diskussjoni, skond il-każ.
Artikolu 3
Presidenza
Mingħajr preġudizzju għall-prerogattivi tal-Presidenza, għal din l-operazzjoni l-KK ser ikun presjedut mis-Segretarju Ġenerali/Rappreżentant Għoli jew mir-rappreżentant tiegħu f'konsultazzjoni mill-qrib mal-Presidenza u mal-President tal-Kumitat Militari ta' l-Unjoni Ewropea (CEUMC) jew mir-rappreżentant tiegħu.
Artikolu 4
Laqgħat
1. Il-KK għandu jitlaqqa' mill-President tiegħu fuq bażi regolari. Fejn iċ-ċirkostanzi jitolbu hekk, jistgħu jissejħu laqgħat ta' emerġenza fuq l-inizjattiva tal-President, jew fuq it-talba ta' membru.
2. Il-President tal-KK għandu jiċċirkola minn qabel aġenda provviżorja u dokumenti relatati mal-laqgħa. Għandu jiġi ċċirkolat wara kull laqgħa sommarju tal-proċedimenti tal-laqgħat.
Artikolu 5
Proċedura
1. Ħlief kif previst fil-paragrafu 3 u mingħajr preġudizzju għall-kompetenzi tal-KPS u għar-responsabbiltajiet tal-Kmandant ta' l-Operazzjoni ta' l-UE,
— għandha tapplika l-unanimità tar-rappreżentanti ta' l-Istati li jikkontribwixxu għall-operazzjoni meta l-KK jieħu deċiżjonijiet dwar il-ġestjoni ta' kuljum ta' l-operazzjoni,
— għandha tapplika l-unanimità tal-membri tal-KK meta l-KK jagħmel rakkomandazzjonijiet dwar aġġustamenti possibbli għall-ippjanar operattiv, inklużi aġġustamenti possibbli għall-objettivi.
L-astensjoni ta' membru m'għandhiex tipprekludi l-unanimità.
2. Il-President tal-KK għandu jistabbilixxi li l-maġġoranza tar-rappreżentanti ta' l-Istati intitolati li jieħdu sehem fil-deliberazzjonijiet tkun preżenti.
3. Il-kwistjonijiet proċedurali kollha għandhom jiġu riżolti b'maġġoranza sempliċi tal-membri preżenti fil-laqgħa.
4. Id-Danimarka m'għandha tieħu sehem f'ebda deċiżjoni tal-Kumitat.
Artikolu 6
Kunfidenzjalità
1. Ir-Regolamenti tal-Kunsill dwar is-Sigurtà għandhom japplikaw għal-laqgħat u l-proċedimenti tal-KK. B'mod partikolari, ir-rappreżentanti fil-KK għandhom ikunu fil-pussess ta' awtorizzazzjonijiet ta' sigurtà adegwati.
2. Id-deliberazzjonijiet tal-KK għandhom ikunu koperti mill-obbligu ta' segretezza professjonali, ħlief meta l-KK b'mod unanimu jiddeċiedi mod ieħor.
Artikolu 7
Dħul fis-seħħ
Din id-Deċiżjoni għandha tidħol fis-seħħ fil-jum ta' l-adozzjoni tagħha.
ANNESS
LISTA TA' STATI TERZI MSEMMIJA FL-ARTIKOLU 2(1)
— ir-Repubblika ta' l-Albanija
— il-Federazzjoni Russa
— ir-Repubblika tal-Kroazja.
( 1 ) ĠU L 279, 23.10.2007, p. 21.