EUR-Lex Access to European Union law
This document is an excerpt from the EUR-Lex website
Document 02006D0168-20130101
Commission Decision of 4 January 2006 establishing the animal health and veterinary certification requirements for imports into the Community of bovine embryos and repealing Decision 2005/217/EC (notified under document number C(2005) 5796) (Text with EEA relevance) (2006/168/EC)
Consolidated text: Deċiżjoni tal-Kummissjoni ta' l- 4 ta' Jannar 2006 li tistabbilixxi l-ħtiġijiet tas-saħħa ta' l-annimali u taċ-ċertifikazzjoni veterinarja għall-importazzjoni fil-Komunità ta' embrijuni bovini u li tirrevoka d-Deċiżjoni 2005/217/KE (innotifikata taħt dokument numru C(2006) 5796) (Test b'rilevanza għaż-ŻEE) (2006/168/KE)
Deċiżjoni tal-Kummissjoni ta' l- 4 ta' Jannar 2006 li tistabbilixxi l-ħtiġijiet tas-saħħa ta' l-annimali u taċ-ċertifikazzjoni veterinarja għall-importazzjoni fil-Komunità ta' embrijuni bovini u li tirrevoka d-Deċiżjoni 2005/217/KE (innotifikata taħt dokument numru C(2006) 5796) (Test b'rilevanza għaż-ŻEE) (2006/168/KE)
2006D0168 — MT — 01.01.2013 — 003.002
Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu
DEĊIŻJONI TAL-KUMMISSJONI ta' l-4 ta' Jannar 2006 li tistabbilixxi l-ħtiġijiet tas-saħħa ta' l-annimali u taċ-ċertifikazzjoni veterinarja għall-importazzjoni fil-Komunità ta' embrijuni bovini u li tirrevoka d-Deċiżjoni 2005/217/KE (innotifikata taħt dokument numru C(2006) 5796) (Test b'rilevanza għaż-ŻEE) (ĠU L 057, 28.2.2006, p.19) |
Emendat bi:
|
|
Il-Ġurnal Uffiċjali |
||
No |
page |
date |
||
COMMISSION REGULATION (EC) No 1792/2006 of 23 October 2006 (*) |
L 362 |
1 |
20.12.2006 |
|
L 315 |
22 |
2.12.2009 |
||
DEĊIŻJONI TA’ IMPLIMENTAZZJONI TAL-KUMMISSJONI tas-17 ta’ Lulju 2012 |
L 194 |
12 |
21.7.2012 |
Ikkoreġut b'
(*) |
Dan l-att qatt ma ġie ppubblikat bil-Malti. |
DEĊIŻJONI TAL-KUMMISSJONI
ta' l-4 ta' Jannar 2006
li tistabbilixxi l-ħtiġijiet tas-saħħa ta' l-annimali u taċ-ċertifikazzjoni veterinarja għall-importazzjoni fil-Komunità ta' embrijuni bovini u li tirrevoka d-Deċiżjoni 2005/217/KE
(innotifikata taħt dokument numru C(2006) 5796)
(Test b'rilevanza għaż-ŻEE)
(2006/168/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 89/556/KEE tal-25 ta' Settembru 1989 dwar il-kondizzjonijiet tas-saħħa ta' l-annimali li jirregolaw l-kummerċ intra-Komunitarju u l-importazzjoni minn pajjiżi terzi ta' annimali domestiċi ta' l-ispeċi bovina ( 1 ), u b'mod partikolari l-Artikolu 7(1) u l-punt (b) ta' l-ewwel subparagrafu ta' l-Artikolu 9(1) tagħha,
Billi:
(1) |
Id-Direttiva 89/556/KEE tistabbilixxi l-kondizzjonijiet tas-saħħa ta' l-annimali li jirregolaw il-kummerċ intra-Komunitarju u l-importazzjoni minn pajjiżi terzi ta' embrijuni friski u ffriżati ta' annimali domestiċi ta' l-ispeċi bovina. |
(2) |
Dik id-Direttiva tipprovdi, inter alia, li m'għandhomx jintbagħtu embrijuni bovini minn Stat Membru għal ieħor ħlief jekk ikunu ġew konċepiti bl-inseminazzjoni artifiċjali jew fertilizzazzjoni in vitro permezz ta' semen minn donatur miżmum f'ċentru ta' ġbir tas-semen approvat mill-awtorità kompetenti għall-ġbir, l-ipproċessar u l-ħżin ta' semen jew ta' semen importat f'konformità mad-Direttiva tal-Kunsill 88/407/KEE ta' l-14 ta' Ġunju 1988 li tistabbilixxi l-ħtiġijiet tas-saħħa ta' l-annimal applikabbli għall-kummerċ intra-Komunitarju u għall-importazzjoni ta' semen ta' annimali domestiċi ta' l-ispeċi bovina ( 2 ). |
(3) |
Id-Deċiżjoni tal-Kummissjoni 92/452/KEE tat-30 ta' Lulju 1992 li tistabbilixxi elenki ta' skwadri ta' ġbir ta' l-embrijuni u skwadri ta' produzzjoni ta' l-embrijuni approvati f'pajjiżi terzi għall-esportazzjoni ta' embrijuni bovini lejn il-Komunità ( 3 ) tipprovdi li l-Istati Membri għandhom jimportaw tali embrijuni minn pajjiżi terzi fil-każ biss li dawn ikunu nġabru, ġew ipproċessati, inkluża l-fertilizzazzjoni in vitro, u nħażnu minn skwadri ta' ġbir ta' l-embrijuni inklużi fl-elenku f'dik id-Deċiżjoni. |
(4) |
Wara li kien hemm problemi kummerċjali marbuta ma' rekwiżiti ġodda u aktar stretti dwar semen bovin użat għall-fertilizzazzjoni, introdotti bid-Deċiżjoni tal-Kummissjoni 92/471/KEE ( 4 ), il-Kummissjoni adottat id-Deċiżjoni 2005/217/KE tad-9 ta' Marzu 2005 li tistabbilixxi l-kondizzjonijiet tas-saħħa ta' l-annimali u l-ħtiġijiet taċ-ċertifikazjoni veterinarja għall-importazzjoni fil-Komunità ta' embrijuni bovini ( 5 ). |
(5) |
Id-Deċiżjoni 2005/217/KE tipprovdi perjodu ta' tranżizzjoni li jintemm fil-31 ta' Diċembru 2006 għal importazzjoni ta' embrijuni bovini miġbura jew prodotti qabel l-1 ta' Jannar 2006 u kkonċepiti bl-użu ta' semen li ma jikkonformax għal kollox mad-Direttiva 88/407/KEE bil-kondizzjoni li dawn l-embrijuni jitqiegħdu f'annimali bovini femminili miżmuma fl-Istat Membru destinatarju u jiġu esklużi mill-kummerċ intra-Komunitarju. |
(6) |
Is-Soċjetà Internazzjonali għat-Trasferimenti ta' l-Embrijuni (The International Embryo Transfer Society — IETS) ivvalutat bħala negliġibbli r-riskju tat-teħid ta' ċertu mard kontaġjuż mir-reċipjenti jew frieħ permezz ta' l-embrijuni, kemm-il darba l-embrijuni jkunu mmaniġġati sew bejn il-ġbir u t-trasferiment tagħhom. Dik ukoll hija l-pożizzjoni ta' l-Organizzazzjoni Dinjija tas-Saħħa ta' l-Annimali (World Organisation for Animal Health OIE) safejn għandhom x'jaqsmu l-embrijuni miksuba in vivo. Madanakollu, fl-interess tas-saħħa ta' l-annimali, għandu jkun hemm salvagwardji xierqa fl-istadji preċedenti relatati mas-semen użat fil-fertilizzazzjoni, b'mod partikolari fir-rigward ta' embrijuni ġġenerati in vitro. |
(7) |
Il-ħtiġijiet Komunitarji għall-importazzjoni ta' embrijuni bovini miksuba minn fertilizzazzjoni naturali (in vivo) u prodotti permezz ta' fertilizzazzjoni in vitro, b'mod partikolari fir-rigward tas-semen użat għall-fertilizzazzjoni, għandhom għalhekk jiġu adattati. |
(8) |
Fid-dawl tal-valutazzjoni tar-riskju mwettqa mill-IETS u f'konformità mar-rakkomandazzjonijiet ta' l-OIE, il-kondizzjonijiet li jirregolaw l-importazzjoni ta' embrijuni bovini meħuda in vivo għandhom jiġu ssimplifikati filwaqt li ħtiġijiet iktar stretti dwar is-saħħa ta' l-annimali għandhom jinżammu għall-importazzjoni ta' embrijuni prodotti in vitro, b'restrizzjonijiet speċjali fejn iż-żona pelluċida tkun ġarrbet ħsarat matul il-proċess. |
(9) |
Fl-interessi taċ-ċarezza tal-leġiżlazzjoni tal-Komunità, id-Deċiżjoni 2005/217/KE għandha tiġi revokata u ssostitwita minn din id-Deċiżjoni. |
(10) |
Madanakollu, sabiex l-operaturi ekonomiċi jitħallew jadattaw għal-ħtiġijiet l-ġodda stabbiliti f'din id-Deċiżjoni, jixraq li jingħata perjodu ta' tranżizzjoni fejn l-importazzjoni ta' embrijuni ta' annimali domestiċi ta' l-ispeċi bovina miġbura jew prodotti qabel l-1 ta' Jannar 2006 jkunu jistgħu, suġġetti għal ċerti kondizzjonijiet, jiġu importati fil-Komunità skond il-ħtiġijiet stabbiliti fl-Anness V għal din id-Deċiżjoni. |
(11) |
Il-miżuri stipulati f'din id-Deċiżjoni huma konformi ma' l-opinjoni tal-Kumitat Permanenti dwar il-Katina Alimentari u s-Saħħa ta' l-Annimali, |
ADOTTAT DIN ID-DEĊIŻJONI:
Artikolu 1
Il-kundizzjonijiet ġenerali għall-importazzjoni ta’ embrijuni
L-Istati Membri għandhom jawtorizzaw l-importazzjoni ta’ embrijuni ta’ annimali domestiċi tal-ispeċi bovina (“embrijuni”) miġbura jew prodotti f’pajjiż terz elenkat fl-Anness I għal din id-Deċiżjoni minn gruppi approvati għall-ġbir jew għall-produzzjoni tal-embrijuni skont l-Artikolu 8 tad-Direttiva 89/556/KEE.
Artikolu 2
Importazzjoni ta' embrijun in vivo
L-Istati Membri għandhom jawtorizzaw l-importazzjoni ta' embrijuni miksuba minn fertilizzazzjoni in vivo u li jikkonformaw mal-ħtiġijiet tas-saħħa ta' l-annimali stabbiliti fiċ-ċertifikat veterinarju mudell fl-Anness II.
Artikolu 3
Importazzjoni ta' embrijuni prodotti in vitro
1. L-Istati Membri għandhom jawtorizzaw l-importazzjoni ta' embrijuni miksuba minn fertilizzazzjoni in vitro bl-użu ta' semen li huwa konformi mad-Direttiva 88/407/KEE u li jissodisfa l-ħtiġijiet tas-saħħa ta' l-annimali stabbiliti fiċ-ċertifikat veterinarju mudell fl-Anness III għal din id-Deċiżjoni.
2. L-Istati Membri għandhom jawtorizzaw l-importazzjoni ta' embrijuni li huma prodotti b'fertilizzazzjoni in vitro permezz ta' semen prodott f'ċentri ta' ġbir approvati jew maħżun f'ċentri ta' ħżin tas-semen f'pajjiżi terzi elenkati fl-Anness I għad-Deċiżjoni tal-Kummissjoni 2004/639/KE ( 6 ) u li jikkonformaw mal-ħtiġijiet tas-saħħa ta' l-annimali elenkati fiċ-ċertifikat veterinarju mudell fl-Anness IV għal din id-Deċiżjoni bil-kondizzjoni li tali embrijuni jiġu:
a) esklużi minn kummerċ intra-Komunitarju; u
b) mqiegħda esklussivament f'annimali bovini femminili miżmuma fl-Istat Membru destinatarju indikat fiċ-ċertifikat veterinarju.
Artikolu 4
Miżuri tranżizzjonali
Permezz ta' deroga mill-Artikoli 2 u 3, l-Istati Membri għandhom jawtorizzaw, sal-31 ta' Diċembru 2006, l-importazzjoni ta' embrijuni minn terzi pajjiżi elenkati fl-Anness I sakemm tali embrijuni jikkonformaw ma':
a) il-ħtiġijiet tas-saħħa ta' l-annimali msemmija fiċ-ċertifikat veterinarju mudell fl-Anness V; u
b) il-kondizzjonijiet li ġejjin:
i) għandhom ikunu nġabru jew prodotti qabel l-1 ta' Jannar 2006;
ii) għandhom jintużaw biss għat-tqegħid f'annimali bovini femminili miżmuma fl-Istat Membru destinatarju indikat fiċ-ċertifikat veterinarju;
iii) għandhom jiġu esklużi minn kummerċ intra-Komunitarju;
iv) għandhom ikunu akkumpanjati b'tali ċertifikat mimli kif suppost qabel l-1 ta' Jannar 2007.
Artikolu 5
Revoka
Id-Deċiżjoni 2005/217/KE hija revokata.
Artikolu 6
Applikabbiltà
Din id-Deċiżjoni għandha tapplika mill-1 ta' Jannar 2006.
Artikolu 7
Destinatarji
Din id-Deċiżjoni hija indirizzata lill-Istati Membri
ANNESS I
Kodiċi ISO |
Pajjiż Terz |
Ċertifikat veterinarju applikabbli |
||
AR |
l-Arġentina |
l-ANNESS II |
l-ANNESS III |
l-ANNESS IV |
AU |
l-Awstralja |
l-ANNESS II |
l-ANNESS III |
l-ANNESS IV |
CA |
il-Kanada |
l-ANNESS II |
l-ANNESS III |
l-ANNESS IV |
CH |
l-Isvizzera (1) |
l-ANNESS II |
l-ANNESS III |
l-ANNESS IV |
HR |
il-Kroazja |
l-ANNESS II |
l-ANNESS III |
l-ANNESS IV |
IL |
l-Iżrael |
l-ANNESS II |
l-ANNESS III |
l-ANNESS IV |
MK |
Dik li kienet ir-Repubblika Jugoslava tal-Maċedonja (2) |
l-ANNESS II |
l-ANNESS III |
l-ANNESS IV |
NZ |
New Zealand (3) |
l-ANNESS II |
l-ANNESS III |
l-ANNESS IV |
US |
l-Istati Uniti |
l-ANNESS II |
l-ANNESS III |
l-ANNESS IV |
(1) Għal embirjuni derivati in vivo u prodotti in vitro, iċ-ċertifikati li għandhom jintużaw għall-importazzjonijiet mill-Isvizzera huma stabbiliti fl-Anness C tad-Direttiva 89/556/KEE, bl-adattamenti stabbiliti fil-punt 2 tal-Kapitolu VI(B) tal-Appendiċi 2 tal-Anness 11 tal-Ftehim bejn il-Komunità Ewropea u l-Konfederazzjoni Svizzera dwar il-kummerċ fil-prodotti agrikoli, kif approvat bid-Deċiżjoni 2002/309/KE, Euratom tal-Kunsill, u tal-Kummissjoni fir-rigward tal-Ftehim dwar il-Kooperazzjoni Xjentifika u Teknoloġika tal-4 ta’ April 2002 dwar il-konklużjoni tas-seba’ Ftehimmal-Konfederazzjoni Svizzera. (2) Dan il-Kodiċi proviżorju ma jippreġudika, bl-ebda mod, id-denominazzjoni definittiva għal dan il-pajjiż, li se tkun allokata wara l-konklużjoni tan-negozjati li għaddejjin bħalissa fin-Nazzjonijiet Uniti. (3) Għal embrijuni derivati in vivo, iċ-ċertifikat li għandu jintuża għall-importazzjoni minn New Zealand huwa stipulat fl-Anness IV tad-Deċiżjoni tal-Kummissjoni 2003/56/KE tal-24 ta’ Jannar 2003 dwar ċertifikati tas-saħħa għall-importazzjoni ta’ annimali ħajjin u prodotti tal-annimali minn New Zealand (biss għal embrijuni miġbura fi New Zealand), stabbilita skont il-Ftehim bejn il-Komunità Ewropea u New Zealand dwar miżuri sanitarji applikabbli għall-kummerċ ta’ annimali ħajjin u prodotti mill-annimali, kif approvat bid-Deċiżjoni tal-Kunsill 97/132/KE. |
ANNESS II
Ċertifikat veterinarju mudell għall-importazzjonijiet ta’ embrijuni derivati in vivo ta’ annimali domestiċi tal-ispeċi bovina miġbura b’konformità mad-Direttiva tal-Kunsill 89/556/KEE
L-ANNESS III
Ċertifikat veterinarju mudell għall-importazzjoni ta’ embrijuni prodotti in vitro ta’ annimali domestiċi tal-ispeċi bovina kkonċepiti bl-użu ta’ semen konformi mad-Direttiva tal-Kunsill 88/407/KEE
L-ANNESS IV
Ċertifikat veterinarju mudell għall-importazzjoni ta’ embrijuni prodotti in vitro ta’ annimali domestiċi tal-ispeċi bovina konċepiti bl-użu ta’ semen minn ċentri ta’ ġbir jew ħżin tas-semen approvati mill-awtorità kompetenti tal-pajjiż esportatur
L-ANNESS V
ĊERTIFIKAT VETERINARJUEMBRIJUNI TA' ANNIMALI DOMESTIĊI TA' L-ISPEĊI BOVINA GĦALL-IMPORTAZZJONI MIĠBURA JEW PRODOTTI QABEL L-1el TA' JANNAR 2006
( 1 ) ĠU L 302, tad-19.10.1989, p. 1. Id-Direttiva kif emendata l-aħħar mir-Regolament (KE) Nru 806/2003 (ĠU L 122, tas-16.5.2003, p. 1).
( 2 ) ĠU L 194, tat-22.7.1988, p. 10. Id-Direttiva kif emendata l-aħħar mid-Direttiva tal-Kummissjoni 2004/101/KE (ĠU L 30, ta' l-4.2.2004, p. 15).
( 3 ) ĠU L 250, 29.8.1992, p. 40. Deċiżjoni kif emendata l-aħħar bid-Deċiżjoni 2005/774/KE (ĠU L 291, tal-5.11.2005, p. 46).
( 4 ) ĠU L 270, 15.9.1992, p. 27. Deċiżjoni kif emendata l-aħħar bid-Deċiżjoni 2004/786/KE (ĠU L 346, 23.11.2004, p. 32).
( 5 ) ĠU L 69, tas-16.3.2005, p. 41.
( 6 ) ĠU L 292, tal-15.9.2004, p. 21.