02004R1925-20070101

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
EUR-Lex - 02004R1925-20070101 - EN

Help

Search tips

Need more search options? Use the Advanced search

Document 02004R1925-20070101

Consolidated text: Regolament tal-Kummissjoni (KE) 1925/2004 tad- 29 ta' Ottubru 2004 li jiffissa l-modalitajiet ta’ applikazzjoni ta’ ċerti dispożizzjonijiet tar-Regolament tal-Kunsill (KE) Nru 1798/2003 dwar il-koperazzjoni amministrattiva fil-qasam tat-taxxa fuq il-valur miżjud

Access initial legal act

(

Legal status of the document No longer in force

)

ELI: http://data.europa.eu/eli/reg/2004/1925/2007-01-01

HTML

PDF

2004R1925 — MT — 01.01.2007 — 001.001

Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu

►B	REGOLAMENT TAL-KUMMISSJONI (KE) 1925/2004 tad-29 ta' Ottubru 2004 li jiffissa l-modalitajiet ta’ applikazzjoni ta’ ċerti dispożizzjonijiet tar-Regolament tal-Kunsill (KE) Nru 1798/2003 dwar il-koperazzjoni amministrattiva fil-qasam tat-taxxa fuq il-valur miżjud (ĠU L 331, 5.11.2004, p.13)

Emendat bi:

		Il-Ġurnal Uffiċjali
		No	page	date
►M1	COMMISSION REGULATION (EC) No 1792/2006 of 23 October 2006 (*)	L 362	1	20.12.2006

(*)	Dan l-att qatt ma ġie ppubblikat bil-Malti.

▼B

REGOLAMENT TAL-KUMMISSJONI (KE) 1925/2004

tad-29 ta' Ottubru 2004

li jiffissa l-modalitajiet ta’ applikazzjoni ta’ ċerti dispożizzjonijiet tar-Regolament tal-Kunsill (KE) Nru 1798/2003 dwar il-koperazzjoni amministrattiva fil-qasam tat-taxxa fuq il-valur miżjud

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 1798/2003 tas-7 ta’ Ottubru 2002 dwar il-koperazzjoni amministrattiva fil-qasam tat-taxxa fuq il-valur miżjud u li jħassar ir-Regolament (KEE) Nru 218/92, u notevolment l-Artikolu 18, l-Artikolu 35 u l-Artikolu 37 tiegħu,

Billi:

(1)

Ir-Regolament (KE) Nru 1798/2003 jiġbor flimkien u jsaħħaħ id-dispożizzjonijiet relatati mal-kooperazzjoni amministrattiva fil-qasam tal-VAT iffissati fir-Regolament (KEE) Nru 218/92 u d-Direttiva tal-Kunsill 77/799/KEE dwar għajnuna reċiproka mill-awtoritajiet kompetenti tal-Istati Membri fil-qasam tat-tassazzjoni diretta, ċerti dazji tad-dwana u t-taxxi fuq premiums tal-assigurazzjoni ( 1 ).

(2)	Hu meħtieġ li jiġu speċifikati l-kategoriji preċiżi ta’ informazzjoni li għandhom jiġu skambjati mingħajr talba preliminari, il-frekwenza kemm dawn l-iskambji jistgħu jseħħu u l-modalitajiet prattiċi.

(3)	Hu meħtieġ li jiġu stipulati l-modalitajiet li jirregolaw l-iskambju, b’mezzi elettroniċi, tal-informazzjoni mibgħuta skont ir-Regolament (KE) Nru 1798/2003.

(4)	Fl-aħħar nett, hu meħtieġ li tiġi stabbilita lista ta’ data statistika meħtieġa għall-valutazzjoni tar-Regolament (KE) Nru 1798/2003.

(5)	Il-miżuri previsti f’dan ir-Regolament huma bi qbil mal-opinjoni tal-Kumitat Permanenti għall-Kooperazzjoni Amministrattiva,

ADOTTAT DAN IR-REGOLAMENT:

Artikolu 1

Għan

Dan ir-Regolament jiffissa l-modalitajiet ta’ applikazzjoni tal-Artikolu 18, tal-Artikolu 35 u tal-Artikolu 37 tar-Regolament (KE) Nru 1798/2003.

Artikolu 2

Definizzjonijiet

Għall-finijiet ta’ dan ir-Regolament, għandhom japplikaw id-definizzjonijiet li ġejjin:

1. “negozjant difettuż”: negozjant irreġistrat għall-finijiet tal-VAT, li, b’intenzjoni potenzjalment ta’ frodi, jakkwista jew ta’ x’jifhem li akkwista prodotti jew servizzi, mingħajr ma ħallas il-VAT u li jipprovdi dawn il-prodotti jew servizzi bi ħruġ ta’ riċevuta tal-VAT, mingħajr madankollu ma jħallasha lill-awtoritajiet nazzjonali kkonċernati.

2. “ħtif tan-numru ta’ reġistrazzjoni tal-VAT”: l-użu illegali ta’ numru ta’ reġistrazzjoni tal-VAT mogħti lill-negozjant ieħor.

Artikolu 3

Kategoriji ta’ skambju ta’ informazzjoni mingħajr talba preliminari

Dawn li ġejjin huma l-kategoriji ta’ informazzjoni suxxettibbli li jkunu l-mira ta’ skambju awtomatiku jew ta’ skambju awtomatiku strutturat bis-saħħa tal-Artikolu 17 tar-Regolament Nru 1798/2003:

1. Informazzjoni li tikkonċerna persuni taxxabbli li mhumiex stabbiliti;

2. Informazzjoni dwar il-mezzi ġodda tat-trasport;

3. Informazzjoni relatata mal-bejgħ mill-bogħod eżentat mill-VAT fl-Istat Membru ta’ oriġini;

4. Informazzjoni relatata ma’ tranżazzjonijiet intra-Komunitarji preżumibbli irregolari;

5. Informazzjoni dwar “negozjanti difettużi” (potenzjali).

Artikolu 4

Sotto-kategoriji ta’ skambju ta’ informazzjoni mingħajr talba preliminari

1. F’dak li jikkonċerna lill-persuni taxxabbli li mhumiex stabbiliti, l-iskambju ta’ informazzjoni li tikkonċerna:

(a) l-għoti ta’ numri ta’ identifikazzjoni tal-VAT lill-persuni taxxabbli stabbiliti fi Stat Membru ieħor;

(b) il-modalitajiet ta’ rimborż tat-taxxa fuq valur miżjud lill-persuni taxxabbli li mhumiex stabbiliti fi ħdan il-pajjiż, skont id-Direttiva 79/1072/KEE ( 2 ) tal-Kunsill.

2. F’dak li jikkonċerna l-mezzi ġodda ta’ trasport, l-iskambju ta’ informazzjoni li tikkonċerna:

(a) il-kunsinni eżentati, skont l-Artikolu 28(c), Titolu A, il-punt (b) tad-Direttiva tal-Kunsill 77/388/KEE ( 3 ), ta’ mezzi ġodda ta’ trasport definiti fl-Artikolu 28(a)(2), li jsiru minn persuni kkunsidrati bħala taxxabbli bis-saħħa tal-Artikolu 28a(4), irreġistrati għall-finijiet tal-VAT;

(b) il-kunsinni eżentati, skont l-Artikolu 28(c), Titolu A, il-punt (b) tad-Direttiva 77/388/KEE, ta’ bastimenti u ajruplani ġodda definiti fl-Artikolu 28a(2), li jsiru minn persuni taxxabbli rreġistrati għall-finijiet tal-VAT — minbarra dawk li jissemmew fil-punt (a) — għall-persuni li mhumiex irreġistrati għall-finijiet tal-VAT;

(c) il-kunsinni eżentati, skont l-Artikolu 28(c), Titolu A, il-punt (b) tad-Direttiva 77/388/KEE, ta’ vetturi ġodda b’mutur definiti fl-Artikolu 28a(2), li jsiru minn persuni taxxabbli rreġistrati għall-finijiet tal-VAT — minbarra dawk li jissemmew fil-punt (a) — għall-persuni li mhumiex irreġistrati għall-finijiet tal-VAT.

3. F’dak li jikkonċerna l-informazzjoni relatata mal-bejgħ mill-bogħod li hu eżentat mill-VAT fl-Istat Membru ta’ oriġini, l-iskambju ta’ informazzjoni jikkonċerna:

(a) il-kunsinni superjuri għall-livell previst fl-Artikolu 28(b), Titolu B, paragrafu 2, tad-Direttiva 77/388/KEE;

(b) il-kunsinni inferjuri għal-livell previst fl-Artikolu 28(b), Titolu B, paragrafu 2, tad-Direttiva 77/388/KE, meta l-persuna taxxabbli tagħżel li tkun intaxxata fl-Istat Membru ta’ destinazzjoni skont l-Artikolu 28(b), Titolu B, paragrafu 3 ta’ din id-Direttiva.

4. F’dak li jikkonċerna l-informazzjonijiet relatati mat-tranżazzjonijiet intra-Komunitarji preżumibbli irregolari, l-iskambju ta’ informazzjoni jikkonċerna:

(a) il-każijiet meta jintwera li l-valur tal-kunsinni intra-Komunitarji indikati fis-sistema ta’ skambju ta’ informazzjoni tal-VAT (VIES) ma jkunx jaqbel b’mod konsiderevoli mal-ammont iddikjarat bħala akkwisti intra-Komunitarji korrispondenti;

(b) il-kunsinni intra-Komunitarji tal-merkanziji li mhumiex eżentati mill-VAT skont l-Artikolu 28(c), Titolu A tad-Direttiva 77/388/KEE lill-persuna taxxabbli stabbilita f’Istat Membru ieħor.

5. F’dak li jikkonċerna l-informazzjoni dwar in-“negozjanti difettużi” (potenzjali), l-iskambju ta’ informazzjoni jikkonċerna:

(a) il-persuni taxxabbli li n-numru ta’ identifikazzjoni tal-VAT tagħhom tħassar jew ma għadux validu minħabba assenza jew simulazzjoni ta’ attività ekonomika u li wettqu tranżazzjonijiet intra-Komunitarji;

(b) il-persuni taxxabbli li huma “negozjanti difettużi” (potenzjali) iżda li n-numru ta’ identifikazzjoni tal-VAT tagħhom ma tħassarx;

(c) il-persuni taxxabbli li wettqu kunsinni intra-Komunitarji u l-klijenti tagħhom fl-Istati Membri l-oħra meta l-klijent hu “negozjant difettuż” (potenzjali) jew “ħataf numru ta’ reġistrazzjoni tal-VAT”.

Artikolu 5

Notifika ta’ partiċipazzjoni fl-iskambju ta’ informazzjoni

Kull Stat Membru għandu jinnotifika, bil-miktub, lill-Kummissjoni, fi żmien tliet xhur mid-dħul fis-seħħ ta’ dan ir-Regolament, id-deċiżjoni tiegħu, meħuda skont it-tieni paragrafu tal-Artikolu 18 tar-Regolament (KE) Nru 1798/2003, dwar il-parteċipazzjoni tiegħu fl-iskambju ta’ informazzjoni li jappartjeni għal kategorija jew sotto-kategorija msemmija fl-Artikoli 3 u 4, fejn meħtieġ, għandu jagħti dettalji jekk biħsiebu jagħmel dan b’mod awtomatiku jew b’mod awtomatiku strutturat. Il-Kummissjoni għandha tittrażmetti din l-informazzjoni lill-Istati Membri l-oħra.

Stat Membru li aktar tard jemenda l-kategoriji jew is-sotto-kategoriji ta’ informazzjoni li hu jiskambja jew il-mod ta’ parteċipazzjoni għal dan l-iskambju ta’ informazzjoni għandu jinforma bil-miktub dwar dan lill-Kummissjoni. Il-Kummissjoni għandha tittrażmetti din l-informazzjoni lill-Istati Membri l-oħra.

Artikolu 6

Frekwenza tal-ibgħid tal-informazzjoni

Jekk tintuża s-sistema ta’ skambju awtomatiku, ikun hemm lok li tiġi pprovduta din l-informazzjoni:

(a) mhux aktar tard mill-aħħar tat-tielet xahar wara s-sena kalendarja li matulha din l-informazzjoni saret disponibbli, f’dak li jirrigwarda l-kategoriji msemmija fl-Artikolu 3(1) u (3);

(b) mhux aktar tard mill-aħħar tat-tielet xahar wara kull kwart tas-sena kalendarja li matulu din l-informazzjoni saret disponibbli, fil-każ tal-kategoriji msemmija fl-Artikolu 3(2).

L-informazzjoni relatata mal-kategoriji msemmija fl-Artikolu 3(4) u (5) jingħataw hekk kif ikunu disponobbli.

Artikolu 7

Ibgħit ta’ informazzjoni li trid tiġi mgħoddija

1. L-informazzjoni kollha mibgħuta bil-miktub bis-saħħa tal-Artikolu 37 tar-Regolament (KE) Nru 1798/2003 tintbagħat biss, safejn hu possibbli, b’mezz elettroniku, permezz tan-netwerk tas-CCN/CSI ħlief:

(a) għat-talba ta’ notifika msemmija fl-Artikolu 14 tar-Regolament Nru 1798/2003 u tal-Att jew tad-deċiżjoni li trid tiġi nnotifikata;

(b) għad-dokumenti oriġinali mibgħuta bis-saħħa tal-Artikolu 7 tar-Regolament Nru 1798/2003.

2. L-awtoritajiet kompetenti tal-Istati Membri jistgħu jiddeċiedu li jirrinunzjaw għall-komunikazzjoni fuq karta ta’ informazzjoni nnumerata fil-punti (a) u (b) tal-paragrafu 1.

Artikolu 8

Valutazzjoni

Il-miżuri ta’ kooperazzjoni amministrattiva għandhom jiġi vvalutati skont l-Artikolu 35(1) tar-Regolament (KE) Nru 1798/2003, kull tliet snin li jibdew mid-data tad-dħul fis-seħħ ta’ dan ir-Regolament.

Artikolu 9

Data statistika

Il-lista tad-data tal-istatistika msemmija fl-Artikolu 35(3) tar-Regolament (KE) Nru 1798/2003 hi ppreżentata fl-anness.

Kull Stat Membru għandu jibgħat id-data tal-istatistika lill-Kummissjoni, qabel it-30 ta’ April ta’ kull sena, jekk possibbli b’mezz elettroniku, bl-għajnuna tal-formola standard ippreżenata fl-anness.

Artikolu 10

Komunikazzjoni tad-dispożizzjonijiet nazzjonali

L-Istati Membri għandhom jikkomunikaw lill-Kummissjoni t-test ta’ kull disposizzjoni tal-liġi nazzjonali, li huma japplikaw fil-qasam kopert b’dan ir-Regolament.

Il-Kummissjoni għandha tgħaddi dawn il-miżuri lill-Istati Membri l-oħra.

Artikolu 11

Dħul fis-seħħ

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali ta' l-Unjoni Ewropea.

Dan ir-Regolament hu obbligatorju fl-elementi tiegħu kollha u japplika direttament f’kull Stat Membru.

ANNESS (Artikolu 9)

Dokument standard għall-użu tal-ibgħit ta’ data mill-Istati Membri lill-Kummissjoni, imsemmi fl-Artikolu 35(3) tar-Regolament (KE) Nru 1798/2003

Stat Membru:

Sena kalendarja:

Parti A: statistika għal kull Stat Membru:

	Talbiet għal informazzjoni (Artikolu 5)		Tweġibiet tard ta’ Stati Membri oħra (Artikolu 8(1))	Tweġibiet minnufih ta’ Stati Membri oħra (Artikolu 8(2))	Notifiki skont l-Artikolu 10	Talbiet għal notifika (Artikoli 14 sa 16)
	Għadd ta’ talbiet riċevuti (Kaxxa Nru 1)	Għadd ta’ talbiet mibgħuta (Kaxxa Nru 2)	Għadd tad-drabi meta kien hemm dewmien ta’ aktar minn 3 xhur (Kaxxa Nru 3)	Għadd ta’ drabi meta l-limitu taż-żmien ta’ 1 xahar kien irrispettat (Kaxxa Nru 4)	Għadd ta’ notifiki riċevuti (Kaxxa Nru 5)	Għadd ta’ talbiet riċevuti (Kaxxa Nru 6)	Għadd ta’ talbiet mibgħuta (Kaxxa Nru 7)
Il-Belġju
▼M1
Bulgaria
▼B
Ir-Repubblika Ċeka
Id-Danimarka
Il-Ġermanja
L-Estonja
Il-Greċja
Spanja
Franza
L-Irlanda
L-Italja
Ċipru
Il-Latvja
Il-Litwanja
Il-Lussemburg
L-Ungerija
Malta
L-Olanda
L-Awstrija
Il-Polonja
Il-Portugall
▼M1
Romania
▼B
Is-Slovenja
Ir-Repubblika Slovakka
il-Finlandja
L-Iżvezja
Ir-Renju Unit

Parti B: statistika globali oħra:

Statistika dwar in-negozjanti
Għadd ta’ negozjanti rreġistrati għall-finijiet tal-VAT li ddikjaraw akkwisti intra-Komunitarji (Kaxxa Nru 8)
Għadd ta’ negozjanti rreġistrati għall-finijiet tal-VAT li indikaw kunsinni intra-Komunitarji fid-dikjarazzjonijiet ta’ kull kwart tas-sena (Kaxxa Nru 9)
Statistika dwar il-verifiki u l-istħarriġ
Għadd ta’ verifiki simultanji organizzati (l-Artikoli 12 u 13) (Kaxxa Nru 10)
Għadd ta’ verifiki simultanji li l-Istati Membri pparteċipaw fihom (l-Artikoli 12 u 13) (Kaxxa Nru 11)
Għadd ta’ stħarriġ amministrattiv mitlub (l-Artikolu 5(3)) (Kaxxa Nru 12)
Għadd ta’ stħarriġ amministrattiv imwettaq fuq talba ta’ Stat Membru ieħor (l-Artikoli 5(3)) (Kaxxa Nru 13)
Statistika dwar l-iskambji ta’ informazzjoni mingħajr talba preliminari
Għadd ta’ informazzjoni mibgħuta mingħajr talba (l-Artikoli 17 sa 21) (Kaxxa Nru 14)
Statistika li tikkonċerna l-VIES
Perċentwali tal-każijiet li fihom in-numri tar-reġistrazzjoni għall-finijiet tal-VAT tal-klijenti ma rrispettawx ir-regoli tal-ifformular (linji inkorretti / total tal-linji) fid-data meta tiddaħħal d-data (Kaxxa Nru 15)
Għadd tan-numri tal-VAT fil-messaġġi O_MCTL riċevuti (Kaxxa Nru 16)

( 1 ) ĠU L 336, 27.12.1977, p. 15. Id-Direttiva emendata l-aħħar bid-Direttiva 2004/56/KE (ĠU L 127, 29.4.2004, p. 70).

( 2 ) ĠU L 331, 27.12.1979, p. 11.

( 3 ) ĠU L 145, 13.6.1977, p. 1.

Top

Choose the experimental features you want to try