EUR-Lex Access to European Union law
This document is an excerpt from the EUR-Lex website
Document 02001L0014-20071204
Directive 2001/14/EC of the European Parliament and of the Council of 26 February 2001 on the allocation of railway infrastructure capacity and the levying of charges for the use of railway infrastructure
Consolidated text: Id-Direttiva 2001/14/KE tal-Parlament Ewropew u tal-Kunsill tas-26 ta' Frar 2001 fuq l-allokazzjoni tal-kapaċità ta' l-infrastruttura tal-ferrovija u l-intaxxar tal-piżijiet għall-użu ta' l-infrastruttura tal-ferrovija
Id-Direttiva 2001/14/KE tal-Parlament Ewropew u tal-Kunsill tas-26 ta' Frar 2001 fuq l-allokazzjoni tal-kapaċità ta' l-infrastruttura tal-ferrovija u l-intaxxar tal-piżijiet għall-użu ta' l-infrastruttura tal-ferrovija
No longer in force
2001L0014 — MT — 04.12.2007 — 003.001
Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu
ID-DIRETTIVA 2001/14/KE TAL-PARLAMENT EWROPEW U TAL-KUNSILL tas-26 ta' Frar 2001 (ĠU L 075, 15.3.2001, p.29) |
Emendat bi:
|
|
Il-Ġurnal Uffiċjali |
||
No |
page |
date |
||
L 289 |
30 |
26.10.2002 |
||
L 220 |
16 |
21.6.2004 |
||
DIRETTIVA 2007/58/KE TAL-PARLAMENT EWROPEW U TAL-KUNSILL tat-23 ta’ Ottubru 2007 |
L 315 |
44 |
3.12.2007 |
ID-DIRETTIVA 2001/14/KE TAL-PARLAMENT EWROPEW U TAL-KUNSILL
tas-26 ta' Frar 2001
fuq l-allokazzjoni tal-kapaċità ta' l-infrastruttura tal-ferrovija u l-intaxxar tal-piżijiet għall-użu ta' l-infrastruttura tal-ferrovija
IL-PARLAMENT EWROPEW U L-KUNSILL TA' L-UNJONI EWROPEA,
Waqt li jikkunsidraw it-Trattat li jistabbilixxi l-Komunità Ewropea u b'mod partikolari l-Artikolu 71 tiegħu,
Waqt li jikkunsidraw il-proposta mill-Kummissjoni ( 1 ),
Waqt li jikkunsidraw l-opinjoni tal-Kumitat Ekonomiku u Soċjali ( 2 ),
Waqt li kkunsidraw l-opinjoni tal-Kumitat tar-Reġjuni ( 3 ),
Waqt li jaġixxu skond il-proċedura stabbilita fl-Artikolu 251 tat-Trattat ( 4 ) fid-dawl tat-test konġunt approvat fit-22 ta' Novembru 2000 mill-Kumitat Konċiljatorju,
Billi:
(1) |
Integrazzjoni akbar tas-settur tal-ferroviji Komunitarju huwa element essenzjali għall-kompletazzjoni tas-suq intern u jimxi lejn li tintlaħaq mobilità sostenibbli. |
(2) |
Id-Direttiva tal-Kunsill 91/440/EKE tad-29 ta' Lulju 1991 dwar l-iżvilupp ta' binarji Komunitarji ( 5 ) jipprovdi għal ċerti drittijiet ta' aċċess fit-transport internazzjonali bil-ferrovija għal impriżi tal-ferroviji, u gruppi internazzjonali ta' impriżi tal-ferroviji; dawn id-drittijiet ifissru li l-infrastruttura tal-ferroviji tista' tintuża minn utenti multipli |
(3) |
Id-Direttiva tal-Kunsill 95/19/KE tad-19 ta' Ġunju 1995 dwar l-allokazzjoni ta' kapaċita' infrastrutturali tal-ferroviji u t-tqegħid ta' piżijiet infrastrutturali ( 6 ) stabbiliet qafas wiesa' għall-allokazzjoni ta' kapaċità ta' infrastruttura tal-ferroviji. |
(4) |
Dawk id-Direttivi ma pprevenewx varjazzjoni konsiderevoli fl-istruttura u fil-livell ta' piżijiet ta' infrastruttura tal-binarji u l-forma u d-dewmien ta' proċessi ta' allokazzjoni ta' kapaċità. |
(5) |
Sabiex tiġi assigurata trasparenza u aċċess non-diskriminatorju għall-infrastruttura tal-ferroviji għall-impriżi kollha tal-ferroviji l-informazzjoni kollha neċessarja biex jintużaw id-drittijiet ta' l-aċċess għandha tiġi ppubblikata f'dikjarazzjoni ta' network. |
(6) |
Skemi xierqa għall-allokazzjoni tal-kapaċità għall-l-infrastruttura tal-binarji flimkien ma' l-operaturi kompetitivi għandhom jirriżultaw f' bilanċ aħjar bejn il-modi. |
(7) |
L-inkoraġġiment ta' l-użu ottimu ta' l-infrastruttura tal-ferroviji jwassal għal tnaqqis fl-ispiża tat-trasport għas-soċjetà. |
(8) |
Settur effiċjenti tal-merkanzija, speċjalment tul il-fruntieri, jeħtieġ azzjoni għall-ftuħ tas-suq. |
(9) |
Għandu jkun possibbli għall-Istati Membri li jippermettu lil xerrejja ta' servizzi tal-ferrovija jidħlu direttament fil-proċess ta' l-allokazzjoni tal-kapaċità. |
(10) |
Ir-rivitalizzazzjoni ta' binarji Ewropej permezz ta' aċċess estiż għal trasport internazzjonali fuq in-Network ta' Trasport Binarju Trans-Ewropew teħtieġ kompetizzjoni ġusta intermodali bejn il-binarji u t-toroq, b'mod partikolari b'akkont approprjat meħud ta' l-effetti esterni differenti; skemi approprjati ta' piżijiet għall-infrastruttura tal-binarji kkombinati ma' skemi ta' piżijiet approprjati għal infrastrutturi oħrajn ta' trasport u operaturi kompetittivi jirriżultaw f'bilanċ ottimu ta' modi differenti ta' trasport. |
(11) |
Il-piżijiet u skemi ta' allokazzjoni ta' kapaċità għandhom jippermettu aċċess ugwali u non-diskriminatorju għall-impriżi kollha u jippruvaw safejn possibbli jissodisfaw il-bżonnijiet ta' l-utenti kollha u t-tipi ta' traffiku b'mod ġust u non-diskriminatorju. |
(12) |
Fil-qafas stabbilit mill-Istati Membri il-piżijiet u l-iskemi ta' allokazzjoni ta' kapaċità għandhom jinkoraġġixxu lil amministraturi ta' l-infrastruttura tal-binarji biex itejbu l-użu ta' l-infrastruttura tagħhom. |
(13) |
Impriżi tal-binarji għandhom jirċievu sinjali ċari u konsistenti minn skemi ta' l-allokazzjoni tal-kapaċità li jwassluhom biex jagħmlu deċiżjonijiet razzjonali. |
(14) |
Sabiex jittieħed kont tal-ħtiġiet ta' l-utenti, jew utenti potenzjali, il-kapaċità ta' l-infrastruttura tal-binarji li jippjanaw in-negozju tagħhom, u tal-ħtiġiet ta' klijenti u fondaturi, huwa importanti li l-amministratur ta' l-infrastruttra jassigura li l-kapaċità ta' l-infrastruttura hija allokata b'tali mod li jirrifletti l-ħtieġa li jinżammu u jitjiebu l-livelli ta' kemm is-servizzi huma ta' min jorbot fuqhom. |
(15) |
Intrapriżi tal-binarji u l-amministratur ta' l-infrastruttura għandhom jiġu pprovduti b'inċentivi biex jiġi minimizzat id-disturb u jitjieb it-twettiq tan-network. |
(16) |
Piżijiet u skemi ta' allokazzjoni tal-kapaċità għandhom jippermettu kompetizzjoni ġusta fid-dispożizzjoni ta' servizzi tal-ferroviji. |
(17) |
Huwa importanti li jitqiesu l-ħtiġiet tan-negozju ta' kemm l-applikanti kif ukoll l-amministratur ta' l-infrastruttura. |
(18) |
Huwa importanti li titjieb il-flessibilità disponibbli għall-amministraturi ta' l-infrastruttura fir-rigward ta' l-allokazzjoni tal-kapaċità ta' l-infrastruttura imma dan għandu jkun konsistenti mas-sodisfazzjon tal-ħtiġiet raġjonevoli ta' l-applikant. |
(19) |
Il-proċess ta' l-allokazajoni tal-kapaċità għandu jrażżan l-impożizzjoni ta' rbit mhux xieraq fuq xewqiet ta' impriżi oħrajn li għandhom, jew bi ħsiebhom ikollom, drittijiet li jużaw l-infrastruttura biex jiżviluppaw in-negozju tagħhom. |
(20) |
Huwa xieraq li jingħata grad ta' flessibbiltà lil amministraturi infrastrutturali sabiex ikun possibbli użu iktar effiċjenti tan-network ta' l-infrastruttura. |
(21) |
L-iskemi ta' allokazzjoni ta' kapaċità u l-piżijiet jista' jkollhom jieħdu kont tal-fatt li komponenti differenti tan-network ta' l-infrastruttura tal-binarji setgħu kienu ddisinjati b'fi ħsiebhom utenti prinċipali differenti. |
(22) |
Il-ħtiġiet għal servizzi tal-passiġġieri jistgħu spiss jikkonfliġġu mal-ħtiġiet għat-trasport tal-merkanzija; ir-rekwiżiti għal servizzi tal-passiġġieri jistgħu jirriżultaw f'network li tqum aktar flus biex tinbena u tinżamm milli waħda maħsuba biss għat-trasport tal-merkanzija; id-differenxjal tal-veloċità dejjem jiżdied bejn il-fluss ta' merkanzija u passiġġieri jista' twassal għal aggravar tal-kunflitt bejn dawn iż-żewġ tipi ta' traffiku. |
(23) |
Utenti u tipi ta' utenti differenti spiss ikollhom impatt differenti fuq il-kapaċità ta' l-infrastruttura u l-ħtiġiet tas-servizzi differenti għandhom jiġu bbilanċjati kif dovut. |
(24) |
Servizzi operati taħt kuntratt lil awtorità pubblika jistgħu jenħtieġu regoli speċjali biex jissalvagwardjaw l-attrazzjoni taghħom lill-utenti. |
(25) |
Il-piżijiet u l-iskemi ta' l-allokazzjoni tal-kapaċità għandhom jieħdu kont ta' l-effetti ta' saturazzjoni dejjem tiżdied tal-kapaċità ta' l-infrastruttura u fl-aħħar, is-skarsezza tal-kapaċità. |
(26) |
Il-kwadri taż-żmien differenti għall-ippjanar ta' tipi tat-traffiku jfissru li huwa xieraq li jiġi aċċertat li talbiet għall-kapaċità infrastrutturali li jsiru wara l-kompletazzjoni tal-proċess ta' l-iskedar jistgħu jiġu ssodisfati. |
(27) |
L-użu tat-teknoloġija informatika jista' jtejjeb il-veloċità u r-risponsività tal-proċess ta' l-iskedar u l-kapaċità ta' l-applikanti li jagħmlu offerti għall-kapaċità infrastrutturali, kif ukoll li jtejbu l-kapaċità li jistabbilixxu toroq tal-binarji li jaqsmu aktar minn network waħda ta' l-infrastruttura ta' l-amministratur. |
(28) |
Sabiex jiġi aċċertat l-aħjar riżultat għall-impriżi tal-binarji, huwa xieraq li tkun meħtieġa verifika tal-kapaċità disponibbli ta' l-infrastruttura meta l-koordinazzjoni ta' talbiet għall-kapaċità hija meħtieġa tilħaq il-bżonnijiet ta' l-utenti. |
(29) |
Invista tal-pożizzjoni monopolistika ta' l-amministraturi ta' l-infrastruttura huwa mixtieq li tkun meħtieġa verifika tal-kapaċità disponibbli ta' l-infrastruttura, u metodi għat-titjib tagħha meta l-proċess ta' l-allokazzjoni ta' kapaċità ma jkunx jista' jissodisfa l-ħtiġiet ta' l-utenti. |
(30) |
Nuqqas ta' informazzjoni dwar talbiet ta' impriżi tal-ferroviji oħrajn kif ukoll dwar l-irbit fis-sistema tista' tagħmilha diffiċli għall-impriżi tal-ferroviji biex jippruvaw itejbu t-talbiet ta' kapaċità ta' infrastruttura tagħhom. |
(31) |
Huwa importanti li tiġi assigurata l-koordinazzjoni aħjar ta' l-iskemi ta' allokazzjoni sabiex tiġi assigurata l-attrazzjoni mtejba tal-binarji għat-traffiku li juża' n-network ta' iktar minn amministratur ta' l-infrastruttura, b'mod partikolari għal traffiku internazzjonali. |
(32) |
Huwa importanti li jiġu mminimizzati d-distorzjonijiet li jistgħu tal-kompetizzjoni li jistgħu iqumu jew bejn infrastrutturi tal-binarji jew bejn modi tat-trasport, minn differenzi sinifikanti fil-prinċipji tat-tqegħid tal-piżijiet. |
(33) |
Huwa xieraq li jiġu definiti dawk il-komponenti tas-servizz ta' l-infrastruttura li huma essenzjali biex jippermettu lil operatur li jipprovdi servizz u li għandhom jingħataw għal piżijiet ta' aċċess minimi. |
(34) |
Investiment fl-infrastruttura tal-ferroviji huwa xieraq u l-iskemi għat-tqegħid tal-piżijiet għandhom jipprovdu inċentivi għal amministraturi ta' l-infrastruttura meta jkunu ekonomikament ta' attrazzjoni. |
(35) |
Kull skema għat-tqegħid tal-piżijiet tibgħat sinjali ekonomiċi lil utenti. Huwa importanti li dawk is-sinjali għal impriżi ferrovjarji huma konsistenti u jwassluhom biex jagħmlu deċiżjonijiet razzonali. |
(36) |
Sabiex ikun possibbli l-istabbiliment ta' livelli approprjati u ġusti ta' piżijiet ta' l-infrastruttura, amministraturi ta' l-infrastruttra jeħtieġu jirreġistraw u jistabbilixxu l-valutazzjoni ta' l-assi tagħhom u jiżviluppaw fehma ċara tal-fatturi tal-prezz fl-operazzjoni ta' l-infrastruttura. |
(37) |
Huwa mixtieq li jiġi assigurat li jittieħed kont ta' spejjeż esterni fid-deċiżjonijiet tat-trasport. |
(38) |
Huwa importanti li jiġi assigurat li piżijiet għat-traffiku internazzjonali huma tali li jippermettu li l-ferroviji jissodisfaw il-bżonnijiet tas-suq; konsegwentement il-piżijiet ta' l-infrastruttura għandhom jiġu stabbiliti bil-prezz li hu direttament akkumulat bħala riżultat ta' l-operazzjoni tas-servizz tal-ferrovija. |
(39) |
Il-livell globali ta' rkupru tal-prezz permezz ta' piżijiet infrastrutturali jaffettwa l-livell neċessarju ta' kontribuzzjoni tal-gvern; Stati Membri jistgħu jeħtieġu livelli differenti ta' rkupru globali tal-prezz permezz ta' piżijiet li jinkludu mark-ups jew rata ta' ritorn li s-suq jiflaħ għalihom waqt li jibbilanċja l-irkupru tal-prezz ma' kompetittività intermodali ta' merkanzija tal-ferrovija. Madanakollu huwa mixtieq għal kull skema ta' piżijiet ta' l-infrastruttura biex tippermetti li t-traffiku juża n-network tal-ferrovija li jista' ta' l-inqas iħallas għall-prezz addizzjonli li jimponi. |
(40) |
Infrastruttura tal-ferroviji hija monopolju naturali. Għalhekk huwa neċessarju li jiġu pprovduti amministraturi ta' l-infrastruttura b'inċentivi biex inaqqsu l-ispejjeż u jamministraw l-infrastruttura tagħhom b'mod effiċjenti. |
(41) |
Għandu jittieħed kont tal-fatt li għal snin twal il-livell ta' investiment fl-infrastruttura u t-teknoloġija ma għamlithiex possibbli li jiġu kkreati kondizzjonijiet għal kull żvilupp reali tat-trasport tal-ferrovija. Huwa għalhekk ta' min, kontra dan l-isfond, iwettaq titjib approprjat, b'mod partikolari fil-kuntest ta' l-istabbiliment tan-Network Trans-Ewropew għall-Merkanzija bil-Ferrovija, bl-użu inter alia ta' l-istrumenti Komunitarji disponibbli, mingħajr preġudizzju għal prijoritajiet diġà stabbiliti. |
(42) |
Skonti permessi għal impriżi ferrovjarji għandhom jirrelataw għal tfaddil amministrattiv tal-prezz esperjenzat; jistgħu ukoll jintużaw skonti biex jippromwovu l-użu effiċjenti ta' l-infrastruttura. |
(43) |
Huwa mixtieq għal impriżi tal-ferroviji u l-amministratur ta' l-infrastruttura li jiġu pprovduti b'inċentivi biex jiġi mminimizzat id-disturb tan-network. |
(44) |
L-allokazzjoni tal-kapaċità hija assoċjata ma' spiża għall-amministratur, li għandu jkun meħtieġ ħlas għaliha. |
(45) |
Huma meħtieġa miżuri biex jiġi assigurat li l-impriżi tal-ferroviji liċenzjati taħt il-liġi Komunitarja huma meħtieġa jżommu ċertifikat approprjat ta' sigurtà qabel ma joperaw fit-territorju ta' Stat Membru; l-għoti ta' ċertifikati tas-sigurtà għandu jikkonforma mal-liġi Komunitarja. |
(46) |
L-amministrazzjoni effiċjenti u ġusta u l-użu non-diskriminatorju ta' l-infrastruttura tal-ferroviji jeħtieġu l-istabbiliment ta' korp regolatorju li jissorvelja l-applikazzjoni ta' dawn ir-regoli Komunitarji u jaġixxi bħala korp ta' appell, minkejja l-possibbiltà ta' rivista ġudizzjarja. |
(47) |
Miżuri speċifiċi huma meħtieġa biex jieħdu kont tas-sitwazzjoni speċifika ġeopolitika u ġeografika ta' ċerti Stati Membri kif ukoll organizzazzjoni speċifika kif ukoll organizzazzjoni speċifika tas-settur tal-ferrovija fi Stati Membri varji waqt li jassiguraw l-integrità tas-suq intern. |
(48) |
Il-miżuri neċessarji għall-implimentazzjoni ta' din id-Direttiva għandhom jiġu adottati skond id-Deċiżjoni tal-Kunsill 1999/468/KE tat-28 ta' Ġunju 1999 li tistabbilixxi l-proċeduri għall-eżerċizzju ta' poteri ta' implimentazzjoni mogħtija lill-Kummissjoni ( 7 ). |
(49) |
Skond il-prinċipji ta' sussidjarjetà u proporzjonalità kif stabbiliti fl-Artikolu 5 tat-Trattat, l-iskopijiet ta' din id-Direttiva, primarjament biex jikkoordinaw arranġamenti fl-Istati Membri li jirregolaw l-allokazzjoni tal-kapaċità ta' l-infrastruttura tal-ferroviji u l-piżijiet magħmula għall-użu tagħhom kif ukoll ċertifikazzjoni tas-sigurtà, ma jistgħux jintlaħqu b'mod suffiċjenti mill-Istati Membri invista tal-bżonn li jiġu assigurati kondizzjonijiet ġusti u non-diskriminatorji għal aċċess għall-infrastruttura kif ukoll biex jieħdu kont tad-dimensjonijiet manifestament internazzjonali involuti fl-operazzjoni ta' elementi sinifikanti tan-networks tal-ferrovija, u jistgħu għalhekk, għar-raġuni tal-bżonn ta' azzjoni trans-nazzjonali kkoordinata, jintlaħqu aħjar mill-Komunità. Din id-Direttiva ma tmurx lil hinn minn dak li hu neċessarju biex jintalħqu dawk l-objettivi. |
(50) |
Ir-Regolament tal-Kunsill (KEE) No 2830/77 tat-12 ta' Diċembru 1977 dwar il-miżuri neċessarji biex tintlaħaq paragunabbiltà bejn is-sistemi ta' kontabilità u l-kontijiet annwali ta' l-impriżi ferrovjarji ( 8 ), ir-Regolament tal-Kunsill (KEE) Nru 2183/78 tad-19 ta' Settembru 1978 li jistabbilixxi l-prinċipji uniformi ta' l-ispejjeż għal impriżi tal-ferroviji ( 9 ), id-Deċiżjoni tal-Kunsill 82/529/KEE tad-19 ta' Lulju 1982 dwar l-iffissar ta' rati għat-trasport internazzjonali tal-merkanzija bil-ferrovija ( 10 ), id-Deċiżjoni tal-Kunsill 83/418/KEE tal-25 ta' Lulju 1983 dwar l-indipendenza kummerċjali tal-ferroviji fl-amministrazzjoni tat-traffiku internazzjonali tagħhom ta' passiġġeri u bagalji ( 11 ), u d-Direttiva 95/19/KE huma mgħoddija minn din id-Direttiva u għalhekk għandhom jitħassru, |
ADOTTAW DIN ID-DIRETTIVA:
IL-KAPITOLU I
ID-DISPOŻIZZJONIJIET TAL-BIDU
L-Artikolu 1
Il-qasam ta' l-applikazzjoni
1. Din id-Direttiva tikkonċerna l-prinċipji u l-proċeduri li għandhom jiġu applikati fir-rigward tat-tqegħid u l-istabbiliment ta' piżijiet ta' l-infrastruttura tal-ferrovija u l-allokazzjoni ta' kapaċità ferrovjarja infrastrutturali.
L-Istati Membri għandhom jassiguraw li l-iskemi tat-tqegħid ta' piżijiet u tal-kapaċità ta' allokazzjoni għall-infrastruttura ferrovjarja jsegwu l-prinċipji stabbiliti f'din id- Direttiva u b'hekk jippermettu lill-amministratur infrastrutturali biex iqiegħed fis-suq u jagħmel użu effettiv mill-kapaċità infrastrutturali disponibbli.
2. Din id-Direttiva tapplika għall-użu ta' l-infrastruttura tal-ferroviji għal servizzi bil-ferrovija domestiċi u internazzjonali.
3. L-Istati Membri jistgħu jeskludu mill-iskop ta' din id-Direttiva:
(a) networks lokali u reġjonali indipendenti għal servizzi tal-passiġġieri fuq infrastruttura tal-ferroviji;
(b) networks maħsuba biss għall-operazzjoni ta' servizzi tal-passiġġieri urbani u suburbani;
(c) networks reġjonali li jintużaw għal servizzi tal-merkanzija internazzjonali biss minn impriża tal-ferrovija li mhijiex koperta bl-iskop tad-Direttiva 91/440/KEE sakemm tintalab kapaċità fuq dik in-network minn applikant ieħor;
(d) infrastruttura tal-ferroviji li hija proprjetà privata u teżisti biss għall-użu mill-proprjetarju ta' l-infrastruttra għall-operazzjonijiet proprji tal-merkanzija;
(e) operazzjonijiet ta’ trasport fil-forma ta’ servizzi ferrovjarji li huma mwettqa fi transitu madwar il-Kommunità.
4. Operazzjonijiet tat-trasport fil-forma ta' servizzi tax-shuttle għal vetturi tat-toroq miċ-Channel Tunnel huma esklużi mill-iskop ta' din id-Direttiva.
L-Artikolu 2
Id-Definizzjonijiet
Għall-iskop ta' din id-Direttiva:
(a) “allokazzjoni” tfisser l-allokazzjoni tal-kapaċità ta' l-infrastruttura tal-ferroviji minn amministratur ta' l-infrastruttura;
(b) “applikant” tfisser impriża tal-ferroviji bil-liċenzja u/jew iggruppar internazzjonali ta' impriżi tal-ferroviji u, fl-Istati Membri li jipprovdu għal din il-possibbiltà, persuni u/jew entitajiet legali oħrajn b'servizz pubbliku jew interess kummerċjali fil-prokura tal-kapaċità infrastrutturali, bħal awtoritajiet pubbliċi taħt ir-Regolament (KEE) Nru 1191/69 ( 12 ) u shippers, forwarders tal-merkanzija u operaturi tat-trasport ikkumbinat, għall-operazzjoni ta' servizz tal-ferrovija fit-territorji rispettivi tagħhom;
(c) “infrastruttura konġestjonata” tfisser taqsima ta' l-infrastruttura li għaliha d-domanda għall-kapaċità infrastrutturali ma tistax tiġi ssodisfata kompletament tull ċerti perjodi anke wara l-koordinazzjoni ta' talbiet differenti għall-kapaċità.
(d) “pjan ta' titjib tal-kapaċià” jfisser miżura jew serje ta' miżuri b'kalendarju għall-implimentazzjoni tagħhom li huma proposti biex jallevjaw l-irbit tal-kapaċità li jwassal għad-dikjarazzjoni ta' taqsima ta' infrastruttura bħala “infrastruttura konġestjonata”;
(e) “koordinazzjoni” tfisser il-proċess li bih il-korp ta' allokazzjoni u l-applikanti jippruvaw jirrisolvu s-sitwazzjonijijet li fihom hemm applikazzjonijiet konfliġġenti għall-kapaċità infrastrutturali;
(f) “ftehim qafas” ifisser ftehim ġenerali li jorbot abbażi tal-liġi pubblika jew privata, li jistabbilixxi d-drittijiet u l-obbligi ta' applikant u l-amministratur ta' l-infrastruttura jew il-korp ta' l-allokazzjoni fir-rigward tal-kapaċità infrastrutturali li għandha tiġi allokata u l-piżijiet li għandhom jiġu imposti tul perjodu itwal minn perjodu ta' skeda ta' xogħol;
(g) “kapaċità infrastrutturali” tfisser il-potenzjali li jiġu skedati t-toroq tal-ferroviji mitluba għal element ta' l-infrastruttura għal ċertu perjodu;
(h) “amministratur infrastrutturali” ifisser kull korp jew impriża responsabbli b'mod partikolari biex tiġi stabbilita u mantnuta infrastruttura tal-ferrovija. Dan jista' jinkludi wkoll l-amministrazzjoni ta' sistemi ta' kontroll u sigurtà ta' l-infrastruttura. Il-funzjonijiet ta' l-amministratur ta' l-infrastruttura f' network jew parti minn network jistgħu jiġu allokati għal korpi jew impriżi differenti;
(i) “network” ifisser l-infrastruttura tal-ferroviji sħiħa fil-proprjetà ta' u/jew amministrata minn amministratur ta' l-infrastruttura;
(j) “dikjarazzjoni tan-network” tfisser id-dikjarazzjoni li tistabbilixxi fid-dettall ir-regoli ġenerali, termini, proċeduri u kriterji li jikkonċernaw l-iskemi ta' piżijiet u allokazzjoni ta' kapaċità. Għandha wkoll tikkontjeni l-informazzjoni l-oħra li hi meħtieġa biex tippermetti l-applikazzjoni għall-kapaċità infrastrutturali;
(k) “impriża tal-ferroviji” tfisser kull impriża pubblika jew privata, liċenzjata skond il-leġislazzjoni Komunitarja applikabbli, li n-negozju kummerċjali tagħha huwa li tipprovdi s-servizzi għat-trasport ta' merkanzija u/jew passiġġieri bil-ferrovija bi ħtieġa li l-impriża għandha tassigura trazzjoni; dan jinkludi wkoll impriżi li jipprovdu trazzjoni biss;
(l) “mogħdija tal-ferrovija” tfisser il-kapaċità infrastrutturali meħtieġa sabiex titmexxa ferrovija bejn żewġ postijiet f'terminu determinat;
(m) “skeda tax-xogħol” tfisser id-data li tiddefinixxi l-movimenti kollha ppjanati tal-ferrovija u tar-rolling-stock li jseħħu fuq l-infrastruttura relevanti tul il-perjodu li għalih huwa fis-seħħ;
(n) “transitu” għandha tfisser il-qsim tat-territorju Komunitarju li jiġi mwettaq mingħajr tagħbija jew ħatt ta’ prodotti, u/jew mingħajr ma jittellgħu jew jitniżżlu passiġġieri fit-territorju Komunitarju.
L-Artikolu 3
Dikjarazzjoni tan-network
1. L-amministratur ta' l-infrastruttura għandu, wara li jikkonsulta mal-partijiet interessati, jiżviluppa u jippubblika dikjarazzjoni tan-network li tista' tiġi akkwistata għal ħlas ta' dazju li ma jistax jeċċedi l-ispiża tal-pubblikazzjoni tad-dikjarazzjoni.
2. Id-dikjarazzjoni tan-network għandha tistabbilixxi n-natura ta' l-infrastruttura disponibbli għall-impriżi tal-ferroviji. Għandha tikkontjeni informazzjoni li tistabbilixxi l-kondizzjonijiet għall-aċċess għall-infrastruttura relevanti tal-ferrovija. Il-kontenut tad-dikjarazzjoni tan-network huwa stabbilit fl-Anness I.
3. Id-dikjarazzjoni tan-network għandha tinżamm aġġornata u modifikata kif neċessarju.
4. Id-dikjarazzjoni tan-network għandha tiġi ppubblikata mhux inqas minn erba' xhur bil-quddiem tat-terminu għal talbiet għall-kapaċità infrastrutturali.
IL-KAPITOLU II
IL-PIŻIJIET INFRASTRUTTURALI
L-Artikolu 4
L-istabbiliment, id-determinazzjoni u l-ġbir ta' piżijiet
1. L-Istati Membri għandhom jistabbilixxu qafas tal-piżijiet waqt li jirrispettaw l-indipendenza ta' l-amministrazzjoni stabbilita fl-Artikolu 4 tad-Direttiva 91/440/KEE.
Bla ħsara għall-kundizzjoni msemmija ta' indipendenza ta' l-amministrazzjoni, l-Istati Membri għandhom ukoll jistabbilixxu regoli speċifiċi dwar il-piżijiet jew jiddelegaw dawn il-poteri għall-amministratur ta' l-infrastruttura. Id-determinazzjoni tal-piż għall-użu ta' l-infrastruttura u l-ġbir ta' dan il-piż għandhom jitwettqu mill-amministratur ta' l-infrastruttura.
2. Meta l-amministratur ta' l-infrastruttura, fil-forma legali, l-organizzazzjoni jew fil-funzjonijiet ta' teħid tad-deċiżjonijiet tiegħu, mhuwiex indipendenti minn kull impriża tal-ferroviji, il-funzjonijiet, deskritti f' dan il-Kapitolu, ta' xort' oħra mill-ġbir tal-piżijiet għandhom jitwettqu minn korp tal-piżijiet li hu indipendenti fil-forma legali, fl-organizzazzjoni u fit-teħid-tad-deċiżjonijiet tiegħu minn kull impriża tal-ferroviji.
3. L-amministraturi ta' l-infrastruttura għandhom jikkooperaw biex jakkwistaw l-operazzjoni effiċjenti tas-servizzi tal-ferroviji li jaqsmu aktar minn network waħda ta' infrastruttura. Għandhom b'mod partikolari jimmiraw li jiggarantixxu l-kompetittività ottima ta' merkanzija internazzjonali bil-ferrovija u jassiguraw l-utilizzazzjoni effiċjenti tan-Network Trans-Ewropea tal-Merkanzija bil-Ferrovija. Jistgħu jistabbilixxu dawn l-organizzazzjonijiet konġunti xierqa biex jippermettu li dan iseħħ. Kull kooperazzjoni jew organizzazzjoni konġunta għandha tintrabat bir-regoli stabbiliti f'din id-Direttiva.
4. Ħlief meta jsiru arranġamenti speċifiċi taħt l-Artikolu 8(2), l-amministraturi ta' l-infrastruttura għandhom jassiguraw li l-iskema tal-piżijiet fis-seħħ hija bbażata fuq l-istess prinċipji fin-network sħiħ tagħhom kollha.
5. L-amministraturi ta' l-infrastruttura għandhom jassiguraw li l-applikazzjoni ta' l-iskema tal-piżijiet tirriżulta f'piżijiet ekwivalenti non-diskriminatorji għal impriżi tal-ferroviji differenti li jwettqu servizzi ta' natura ekwivalenti f'parti simili tas-suq u li l-piżijiet attwalment applikati jikkonformaw mar-regoli stabbiliti fid-dikjarazzjoni tan-network.
6. Amministratur ta' l-infrastruttura jew korp li jitlob il-piżijiet għandu jirrispetta l-kunfidenzjalità kummerċjali ta' l-informazzjoni pprovduta lilu mill-applikanti.
L-Artikolu 5
Is-Servizzi
1. Impriżi tal-ferroviji għandhom, fuq bażi mhux diskriminatorja, ikunu intitolati għall-pakkett miinimu ta' aċċess u aċċess għall-binarji għal faċilitajiet tas-servizzi deskritti fl-Anness II. Il-provvista tas-servizzi msemmija fl-Anness II, il-punt 2, għandha tiġi pprovduta f' mod mhux diskriminatorju u talbiet mill-impriżi tal-ferroviji jistgħu jiġu miċħuda biss jekk jeżistu alternattivi vijabbli fil-kunduzzjonijiet tas-suq. Jekk is-servizzi mhumiex offruti minn amministratur ta' l-infrastruttura wieħed, il-fornitur ta' l-infrastruttura ewlenija għandu juża l-isforzi kollha raġonevoli biex jiffaċilita l-fornitura ta' dawn is-servizzi.
2. Meta l-amministratur ta' l-infrastruttura joffri kwalunkwe mill-firxa tas-servizzi deskritti fl-Anness II, il-punt 3 bħala servizzi addizzjonali, għandu jipprovdihom fuq talba lil impriża tal-ferroviji.
3. Impriżi tal-ferroviji jistgħu jitolbu grad oltre ta' servizzi anċillari, elenkati fl-Anness II, il-punt 4 mill-amministratur ta' l-infrastruttura jew minn provvedituri oħrajn. L-amministratur ta' l-infrastruttura mhuwiex obbligat li jforni dawn is-servizzi.
L-Artikolu 6
Ir-Rendikonti ta'l-infrastruttura u ta' l-ispejjeż
1. L-Istati Membri għandhom jistabbilixxu kundizzjonijiet, inklużi meta approprjat ħlasijiet bil-quddiem, biex jaċċertaw li, taħt kundizzjonijiet normali tal-kummerċ u f'terminu raġonevoli, il-kontijiet ta' amministratur ta' l-infrastruttura għandhom għall-inqas jibbilanċjaw dħul minn piżijiet ta' l-infrastruttura, iż-żejjed minn attivitajiet kummerċjali oħrajn u fondi mill-Istat fuq naħa waħda, u spejjeż infrastrutturali oħrajn fuq in-naħa l-oħra.
Bla ħsara għall-iskop possibbli fit-tul ta' koperta ta' l-utent ta' l-ispejjeż infrastrutturali għall-modi kollha tat-trasport abbażi ta' kompetizzjoni ġusta, kompetizzjoni non-diskriminatorja bejn il-modi varji, meta t-trasport bil-ferrovija jista' jikkompeti ma' modi oħrajn tat-trasport, fil-qafas tat-tarifffi ta' l-Artikoli 7 u 8, Stat Membru jista' jeħtieġ lill-amministratur ta' l-infrastruttura jibbilanċja l-kontijiet tiegħu mingħar fondi ta' l-Istat.
2. Amministraturi ta' l-infrastruttura għandhom, b'konsiderazzjoni xierqa għas-sigurtà u għall-manutenzjoni u t-titjib tal-kwalità tas-servizz ta' l-infrastruttura, jingħataw inċentivi biex inaqqsu l-ispejjeż tal-fornitura ta' l-infrastruttura u l-livell ta' piżijiet ta' l-aċċesss.
3. L-Istati Membri għandhom jassiguraw li d-dispożizzjoni stabbilita fil-paragrafu 2 tiġi implimentata, jew permezz ta' ftehim kontrattwali bejn l-awtorità kompetenti u l-amministratur ta' l-infrastruttura li jkopri terminu ta' mhux inqas minn tliet snin li jipprovdi għal fondi mill-Istat jew permezz ta' l-istabbiliment ta' miżuri regolatorji xierqa b' poteri adegwati.
4. Fejn jeżisti ftehim kontrattwali, it-termini tal-kuntratt u l-istruttura tal-pagamenti miftiehma biex jiġu pprovduti l-fondi lill-ġestitur ta' l-infrastruttura għandhom jiġu miftiehma minn quddiem biex ikopru t-terminu sħiħ tal-kuntratt.
5. Metodu għall-apporzjonament ta' l-ispejjeż għandu jiġi stabbilit. L-Istati Membri jistgħu jeħtieġu approvazzjoni minn qabel. Dan il-metodu għandu jiġi aġġornat minn żmien għal żmien għall-aħjar prattika internazzjonali.
L-Artikolu 7
Il-Prinċipji tat-tariffi
1. Il-piżijiet għall-użu ta' l-infrastruttura tal-ferroviji għandhom jitħallsu lill-amministratur ta' l-infrastruttura u jintużaw biex jipprovdu fondi għan-negozju tiegħu.
2. L-Istati Membri jistgħu jeħtieġu lill-amministratur ta' l-infrastruttura li jipprovdi l-informazzjoni neċessarja dwar il-piżijiet imposti. L-amministratur ta' l-infrastruttura għandu, f'dan ir-rigward, ikun jista' jiġġustifika li l-piżijiet infrastrutturali ġeneralment fatturati lil kull operator, skond l-Artikoli 4 sa 12, jikkonformaw mal-metodoloġija, regoli u meta applikabbli, l-iskali stabbiliti mid-dikjarazzjoni tan-network.
3. Bla ħsara għall-paragrafi 4 jew 5 jew għall-Artikolu 8, il-piżijiet għall-pakkett minimu ta' l-aċċess u aċċess għall-binarju għal faċilitajiet tas-servizzi għandhom jiġu stabbiliti abbażi ta' l-ispiża direttament involuta bħala riżultat ta' l-operazzjoni tas-servizz tal-ferrrovija
4. Il-piż infrastrutturali jista' jinkludi piż li jirriflettti l-iskarsità tal-kapaċità tat-taqsima identifikabbli ta' l-infrastruttura fil-perjodi ta' konġestjoni.
5. Il-piż infrastrutturali jista' jiġi mmodifikat biex jieħu kont ta' l-ispejjeż ta' l-effetti ambjentali kkawżati mill-operazzjoni tal-ferrovija. Din il-modifika għandha tiġi differenzjata skond id-daqs ta' l-effett ikkawżat.
Il-piż ta' spejjeż ambjentali li jirriżultaw f' żieda fid-dħul totali li jakkumula għall-amministratur ta' l-infrastruttura għandu madankollu jiġi permess biss jekk dan il-piż jiġi applikat f' livell paragunabbli għal modi kompetittivi ta' trasport.
Fin-nuqqas ta' kull livell paragunabbli ta' piżijiet ambjentali f'modi tat-trasport kompetituri oħrajn, din il-modifika m'għandhiex tirriżulta f'xi tibdil ġenerali fid-dħul ta' l-amministratur ta' l-infrastruttura. Jekk ġie introdott livell paragunabbli ta' piżijiet ta' spejjeż ambjentali għal ferroviji u modi tat-trasport kompetittivi u li jiġġenera dħul addizzjonali, huwa għall-Istati Membri biex jiddeċiedu kif għandu jintuża d-dħul.
6. Sabiex jiġu evitati tibdiliet sproporzjonati, il-piżijiet imsemmija fil-paragrafi 3, 4 u 5 jistgħu jiġu mmedjati fuq firxa raġonevoli ta' servizzi u ħinijiet tal-ferrovija. Iżda, id-daqsijiet relattivi tal-piżijiet ta' l-infrastruttura għandhom ikunu relatati ma' l-ispejjeż attribwibbli għas-servizz.
7. Il-provvista tas-servizzi msemmija fl-Anness II, il-punt 2, m'għandhomx ikunu koperti b'dan l-Artikolu. Bla ħsara għal dan ta' hawn fuq, għandu jittieħed kont, fl-istabbiliment tal-prezzijiet tas-servizzi stabbiliti fl-Anness II, il-punt 2, tas-sitwazzjoni kompetittiva tat-trasport bil-ferrovija.
8. Meta s-servizzi elenkati fl-Anness II il-punti 3 u 4 bħala servizzi addizzjonali u anċillari jiġu offerti biss minn fornitur wieħed, il-piż impost għal dan is-servizz għandu jirrelata għall-ispiża biex jiġi fornit, ikkalkulat abbażi tal-livell attwali ta' l-użu.
9. Il-piżijiet jistgħu jiġu mposti għal kapaċità użata għall-iskop ta' manutenzjoni ta' l-infrastruttura. Dawn it-tariffi m'għandhomx jeċċedu t-telf nett għall-amministratur ta' l-infrastruttura kkawżat mill-manutenzjoni.
L-Artikolu 8
Eċċezzjonijiet għall-prinċipji tal-piżijiet
1. Sabiex ikun hemm irkupru sħiħ ta' l-ispejjeż magħmula mill-amministratur ta' l-infrastruttura, Stat Membru jista', jekk is-suq jiflaħ dan, jimponi mark-ups fuq bażi ta' prinċipji effiċjenti, trasparenti u non-diskriminatorji, waqt li jiggarantixxu kompetittività ottima partikolarment ta' merkanzija internazzjonali bil-ferrovija. Is-sistema tal-piżijiet għandha tirrispetta ż-żidiet akkwistati minn impriżi tal-ferroviji.
Iżda l-livell tal-piżijiet m'għandux jeskludi l-użu ta' infrastruttura minn taqsimiet tas-suq li jistgħu iħallsu għall-inqas l-ispejjeż magħmula direttament b'riżultat ta' l-operazzjoni tas-servizz tal-ferrovija, u rata tar-ritorn li jiflaħ għaliha s-suq.
2. Għal proġetti speċifiċi ta' investiment, fil-futur, jew li tlestew mhux aktar minn 15-il sena qabel id-dħul fis-seħħ ta' din id-Direttiva, l-amministratur ta' l-infrastruttura jista' jiffissa jew ikompli jiffissa piżijiet ogħla abbażi ta' l-ispejjeż fit-tul ta' dawn il-proġetti jekk iżidu l-effiċjenza u/jew effettività ta' l-ispiża u ma setgħux isiru mod ieħor. Dan l-arranġament tal-piżijiet jista' wkoll jinkorpora l-ftehim dwar it-tqassim tar-riskju assoċjat ma' investimenti ġodda.
3. Biex tiġi pprevenuta d-diskriminazzjoni, għandu jiġi assigurat li l-medja partikolari ta' kull amministratur ta' l-infrastruttura u piżijiet marġinali għall-utilitajiet ekwivalenti ta' l-infrastruttura tiegħu huma paragunabbli u li servizzi paragunabbli fl-istess taqsima tas-suq huma soġġetti għall-istess piżijiet. L-amministratur ta' l-infrastruttura għandu juri fid-dikjarazzjoni tan-network li s-sistema tal-piżijiet tissodisfa dawn il-ħtiġiet sa fejn dan jista' jsir mingħajr ma tiġi żvelata informazzjoni importanti konfidenzjali kummerċjali.
4. Jekk amministratur ta' l-infrastruttura jkollu l-intenzjoni jimmodifka l-elementi essenzjali tas-sistemi ta' piżijiet imsemmija fil-paragrafu 1, għandu jagħmilhom pubbliċi għall-inqas tliet xhur minn quddiem.
L-Artikolu 9
Skonti
1. Bla ħsara għall-Artikoli 81, 82, 86 u 87 tat-Trattat u minkejja l-Artikolu 7(3) ta' din id-Direttiva, kull skont fuq il-piżijiet imposti fuq impriża tal-ferroviji mill-amministratur ta' l-infrastruttura għal kwalunkwe servizz, għandha tikkonforma mal-kriterji stabbiliti f' dan l-Artikolu.
2. Ħlief għall-paragrafu 3, l-iskonti għandhom jiġu limitati għat-tfaddil attwali ta' l-ispiża amministrattiva għall-amministratur ta' l-infrastruttura. Fid-determinazzjoni tal-livell ta' l-iskont, ma għandu jittieħed ebda kont tat-tfaddil ta' spejjeż diġà internalizzati fil-piż impost.
3. L-amministraturi ta' l-infrastruttura jistgħu jintroduċu skemi disponibbli għall-utenti kollha ta' l-infrastruttura, għall-mixjiet speċifikati tat-traffiku, li jagħtu skonti limitati fil-ħin biex jinkoraġġixxu l-iżvilupp ta' servizzi ġodda tal-ferrovija, jew skonti li jinkoraġġixxu l-użu ta' linji konsiderevolment mhux użati biżżejjed.
4. L-iskonti jistgħu jirrelataw biss għal piżijiet imposti għal taqsima speċifikata ta' l-infrastruttura.
5. Skemi simili ta' skonti għandhom jgħoddu għal servizzi simili.
L-Artikolu 10
Skemi ta' kumpens għal spejjeż mhux imħallsa ambjentali, aċċidentali u infrastrutturali
1. L-Istati Membri jistgħu jistabilixxu skema ta' kumpens illimitata biż-żmien għall-użu ta' l-infrastruttura tal-ferroviji għall-ispejjeż demostrabbli ambjentali mhux imħallsa, aċċidentali u infrastruttrali għal modi kompetittivi ta' trasport sa fejn dawn l-ispejjeż jeċċedu l-ispejjeż ekwivalenti tal-ferroviji.
2. Meta l-operator li jirċievi kumpens għandu dritt esklussiv, il-kumpens għandu jiġi akkumpanjat minn benefiċċji paragunabbli għall-utenti.
3. Il-metodoloġija użata u l-kalkoli mwettqa għandhom ikunu disponibbli pubblikament. Għandu jkun partikolarment possibbli li jintwerew l-spejjeż speċifikati mhux imposti ta' l-infrastruttura tat-trasport kompetitriċi li ġiet evitata u sabiex jiġi assigurat li l-iskema tingħata fuq kondizzjonijiet non-diskriminatorji lill-impriżi.
4. L-Istati Membri għandhom jassiguraw li din l-iskema hija kompatibbli ma' l-Artikoli 73, 8 7 u 88 tat-Trattat.
L-Artikolu 11
Skema tal-ħidma
1. Skemi tal-piżijiet infrastrutturali għandhom permezz ta' skema tal-ħidma jinkoraġġixxu l-impriżi tal-ferroviji u lill-amministratur ta' l-infrastruttura biex jimminimizzaw it-telf u jtejbu l-ħidma tan-network tal-ferrovija. Dan jista' jinkludi penali għal azzjonijiet li jtellfu l-operazzjoni tan-network, il-kumpens għall-impriżi li jbatu minn telf u bonuses li jippremjaw ħidma aħjar minn dik li ġiet ippjanata.
2. Il-prinċipji bażiċi ta' l-iskema ta' operazzjoni għandhom japplikaw man-network kollha.
L-Artikolu 12
Il-Piżijiet ta' riserva
L-amministraturi ta' l-infrastruttura jistgħu jimponu piż għall-kapaċità mitluba iżda mhux użata. Dan il-piż għandu jipprovdi inċentivi għall-użu effiċjenti tal-kapaċità.
L-amministratur ta' l-infrastruttura għandu dejjem ikun jista' jinforma lil kull parti interessata tal-kapaċità infrastrutturali li ġiet allokata lil impriżi tal-ferroviji ta' l-utenti.
KAPITOLA III
L-ALLOKAZZJONI TAL-KAPAĊITÀ INFRASTRUTTURALI
L-Artikolu 13
Id-Drittijiet tal-kapaċità
1. Il-kapaċità infrastrutturali għandha tiġi allokata minn amministratur ta' l-infrastruttura, u ladarba allokata lil applikant ma tistax tiġi ttrasferita mir-reċipjent għal impriża jew servizz ieħor.
Kull negozjar fil-kapaċità infrastrutturali għandu jiġi pprojbit u għandu jwassal għal esklużjoni mill-allokazzjoni oltre tal-kapaċità.
L-użu tal-kapaċità minn impriża tal-ferroviji meta jwettqu n-negozju ta' applikant li mhuwiex impriża tal-ferrovija m'għandux jitqies bħala trasferiment.
2. Id-dritt ta' l-użu ta' kapaċità speċifika infrastrutturali fil-forma ta' mogħdija tal-ferrovija jista' jingħata lil applikanti għal terminu massimu ta' perjodu wieħed kalendarju ta' ħidma.
Amministratur ta' l-infrastruttura u applikant jistgħu jidħlu fi ftehim tal-qafas kif stabbilit fl-Artikolu 17 għall-użu tal-kapaċità fuq l-infrastruttura tal-ferroviji relevanti għal terminu itwal minn terminu wieħed kalendarju ta' ħidma.
3. Id-definizzjoni tad-drittijiet u l-obbligi rispettivi bejn amministraturi ta' l-infrastruttura u l-applikanti fir-rigward ta' kull allokazzjoni ta' kapaċità għandha tiġi stabblitia fil-kuntratti jew fil-leġislazzjoni.
4. Fejn applikant għandu l-intenzjoni li jitlob kapaċità ta’ infrastruttura bil-ħsieb li jopera servizz internazzjonali tal-passiġġieri kif definit fl-Artikolu 3 tad-Direttiva 91/440/KEE, huwa għandu jinforma lill-maniġers ta’ l-infrastruttura u l-korpi regolatorji konċernati. Sabiex tiġi permessa l-valutazzjoni ta’ l-għan tas-servizz internazzjonali tat-trasport ta’ passiġġieri bejn stazzjonijiet li jinsabu fi Stati Membri differenti, u l-impatt ekonomiku potenzjali fuq kuntratti ta’ servizz pubbliku eżistenti, il-korpi regolatorji għandhom jiżguraw li kwalunkwe awtorità kompetenti li tat servizz ferrovjarju għal passiġġieri definit f’kuntratt ta’ servizz pubbliku, kwalunkwe awtorità kompetenti oħra interessata bid-dritt li tillimita l-aċċess taħt l-Artikolu 10 (3b) tad-Direttiva 91/440/KE u kwalunkwe intrapriża tal-linji ferrovjarji li qed twettaq il-kuntratt ta’ servizz pubbliku fuq ir-rotta ta’ dan is-servizz internazzjonali għall-passiġġieri tkun infurmata.
L-Artikolu 14
L-Allokazzjoni tal-kapaċità
1. L-Istati Membri jistgħu jistabbilixxu qafas għall-allokazzjoni ta' kapaċità infrastrutturali filwaqt li jirrispettaw l-indipendenza amministrattiva stabbilita fl-Artikolu 4 tad-Direttiva 91/440/KEE. Regoli speċifiċi ta' allokazzjoni ta' kapaċità għandhom jiġu stabbiliti. L-amministratur infrastrutturali għandu jwettaq il-proċessi ta' l-allokazzjoni tal-kapaċità. Partikolarment, l-amministratur ta' l-infrastruttura għandu jassigura li l-kapaċità infrastrutturali tiġi allokata fuq bażi ġusta u non-diskriminatorja u skond il-liġi Komunitarja.
2. Meta l-amministratur ta' l-infrastruttura, fil-forma legali, l-organizzazzjoni jew fil-funzjonijiet tiegħu ta' teħid tad-deċiżjonijiet, mhuwiex indipendenti minn kull impriża tal-ferroviji, il-funzjonijiet imsemmija fil-paragrafu 1 u deskritti f' dan il-Kapitolu għandhom jitwettqu minn korp ta' allokazzjoni li hu huwa indipendenti fil-forma legali, l-organizzazzjoni u t-teħid tad-deċiżjonijiet tiegħu minn kull impriża tal-ferroviji.
3. Amministraturi ta' l-infrastruttura u korpi ta' allokazzjoni għandhom jirrispettaw il-kunfidenzjalità kummerċjali ta' l-informazzjoni provduta lilhom.
L-Artikolu 15
Il-Kooperazzjoni fl-allokazzjoni tal-kapaċità infrastrutturali fuq aktar minn network waħda
1. Amministraturi ta' l-infrastruttura għandhom jikkooperaw biex jippermettu l-kreazzjoni effiċjenti u l-allokazzjoni tal-kapaċità infrastrutturali li taqsam aktar minn network waħda. Għandhom jorganizzaw mogħdijiet internazzjonali tal-ferroviji, b'mod partikolari fil-kwadru tan-Network Trans-Ewropew tal-Merkanzija tal-Ferrovija. Ghandhom jistabbilixxu dawn il-proċeduri li huma approprjati sabiex dan ikun jista' jseħħ. Dawn il-proċeduri għandhom ikunu marbuta bir-regoli stabbiliti f'din id-Direttiva.
Il-proċedura stabbilita sabiex tiġi kkoordinata l-allokazzjoni tal-kapaċità infrastrutturali fuq livell internazzjonali għandha tassoċja r-rappreżentanti ta' amministraturi ta' l-infrastruttura għall-infrastrutturi kollha tal-ferrovija li d-deċiżjonijiet ta' l-allokazzjoni tagħhom għandhom impatt fuq aktar minn amministratur wieħed ieħor ta' l-infrastruttura. Rappreżentati approprjati ta' amministraturi ta' l-infrastruttura minn barra l-Komunità jistgħu jiġu assoċjati ma' dawn il-proċeduri. Il-Kummissjoni għandha tiġi informata u mistiedna biex tattendi bħala osservatriċi.
2. Fkull laqgħa jew attività oħra li ssir biex tippermetti l-allokazzjoni tal-kapaċità infrastrutturali għal servizzi bil-ferrovija trans-netwrok, id-deċiżjonijiet għandhom jittieħdu biss minn rappreżentanti ta' amministraturi ta' l-infrastruttura.
3. Il-parteċipanti fil-kooperazzjoni msemmija fil-paragrafu 1 għandhom jassiguraw li l-assoċjazzjoni, il-metodi ta' operazzjoni u l-kriterji kollha relevanti użati biex tiġi stmata u allokata l-kapaċità infrastrutturali jistgħu jsiru pubblikament disponibbli.
4. Waqt li jaħdmu b'kooperazzjoni kif imsemmi fil-paragrafu 1, l-amministraturi ta' l-infrastruttura għandhom jistmaw il-ħtieġa għal, u jistgħu meta neċessarju jipproponu u jorganizzaw mogħdijiet internazzjonali tal-ferrovija biex jiffaċilitaw l-operazzjoni ta' ferroviji tal-merkanzija li huma soġġetti għal talba ad hoc kif imsemmi fl-Artikolu 23.
Dawn il-mogħdijiet internazzjonali tal-ferrovija rranġati minn qabel għandhom ikunu disponibbli għal applikanti permezz ta' amministraturi parteċipanti ta' l-infrastruttura.
L-Artikolu 16
L-Applikanti
1. L-applikazzjonijiet għall-kapaċità infrastrutturali jistgħu jsiru minn impriżi tal-ferrovijia u l-gruppi internazzjonali tagħhom u, fit-territorji ta' dawk l-Istati Membri li jippermettu hekk, minn applikanti oħrajn li jikkonformaw mad-definizzjoni fl-Artikolu 2(b). L-Istati Membru jistgħu wkoll jippermettu lil applikanti oħrajn japplikaw għall-kapaċità infrastrutturali fit-territorji tagħom.
2. L-amministratur ta' l-infrastruttura jista' jistabbilixxi l-ħtiġiet fir-rigward ta' applikanti sabiex jassigura li l-aspettattivi leġittimi tiegħu dwar dħul futur u utilizzazzjoni ta' l-infrastruttura jiġu ssalvagwardjati. Dawn il-ħtiġiet għandhom ikunu approprjati, trasparenti u non-diskriminatorji. Il-ħtiġiet għandhom jiġu ppubblikati bħala parti mill-prinċipji ta' l-allokazzjoni fid-dikjarazzjoni tan-network, u l-Kummissjoni għandha tiġi infurmata.
3. Il-ħtiġiet fil-paragrafu 2 jistgħu jinkludu biss il-fornitura ta' garanzija finanzjarja li m'għandhiex teċċedi livell approprjat li għandu jkun proporzjonali għal-livell ikkontemplat ta' attività ta' l-applikant, u l-assigurazzjoni tal-kapaċità li jiġu ppreparati offerti ta' lment għall-kapaċità infrastrutturali.
L-Artikolu 17
Il-Ftehim qafas
1. Bla ħsara għall-Artikoli 81, 82 u 86 tat-Trattat, ftehim qafas jista' jiġi konkluż ma' l-applikant. Dan il-kwadru ta' ftehim jispeċifika l-karatteristiċi tal-kapaċità infrastrutturali meħtieġa minn u offerta lill-applikant tul perjodu ta' żmien li jeċċedi perjodu ta' ħidma skedarja. Il-ftehim qafas m'għandux jispeċifika mogħdija tal-ferrovija fid-dettall, imma għandu jkun tali li jfittex li jilħaq il-ħtiġiet leġittimi kummerċjali ta' l-applikant. Stat Membru jista' jitlob approvazzjoni minn qabel ta' dan il-ftehim qafas mill-korp regolatorju msemmi fl-Artikolu 30 ta' din id-Direttiva.
2. Ftehim qafas m'għandux ikun tali li jipprekludi l-użu ta' l-infrastruttura relevanti minn applikanti jew servizzi oħrajn.
3. Ftehim qafas għandu jippermetti għall-emenda jew limitazzjoni tat-termini tiegħu biex jippermetti sabiex ikun jista' jsir użu aħjar mill-infrastruttura tal-ferrovija.
4. Il-Ftehim kwadru jista' jikkontjeni penalitajiet jekk ikun neċessarju li jiġi mmodifikat jew itterminat il-ftehim.
5. Ftehim kwadru għandhom fil-prinċipju jkopru perijodu ta’ ħames snin, li jistgħu jiġġeddu għal perijodi ugwali għat-tul ta’ żmien oriġinali tagħhom. Il-maniġer ta’ l-infrastrutura jista’ jaqbel ma’ perijodi iqsar jew itwal f’każijiet speċifiċi. Kwalunkwe perijodu itwal minn ħames snin għandu jiġi ġustifikat mill-eżistenza ta’ kuntratti kummerċjali, investimenti speċjalizzati jew riskji.
5a. Għal servizzi li qed jużaw infrastruttura speċjalizzata, imsemmija fl-Artikolu 24, li jeħtieġu investiment sostanzjali u fuq tul ta’ żmien, ġustifikat b’mod dovut mill-applikant, ftehim kwadru jistgħu jkunu ta’ perijodu ta’ 15-il sena. Kwalunkwe perijodu itwal minn 15-il sena għandu jkun permissibbli biss f’każijiet eċċezzjonali, b’mod partikolari fejn hemm investiment kbir u ta’ tul ta’ żmien, u speċjalment fejn tali investiment hu kopert minn impenji kuntrattwali inkluż pjan pluriennali ta’ ħlas ta’ dejn.
Il-ħtiġiet ta’ l-applikant f’dan il-każ jistgħu jitolbu definizzjoni dettaljata tal-karattersitiċi tal-kapaċità — inkluża l-frekwenza, il-volum u l-kwalità tal-passaġġi tal-ferroviji — li għandhom ikunu provduti lill-applikant għat-tul tal-ftehim kwadru. Il-maniġer ta’ l-infrastruttura jista’ jnaqqas kapaċità riżervata li, fuq perijodu ta’ mill-anqas xahar, tkun intużat anqas mill-kwota ta’ limitu msemmija fl-Artikolu 27.
Mill-1 ta’ Jannar 2010 ‘il quddiem, ftehim kwadru inizjali jista’ jitfassal għal perijodu ta’ ħames snin, li jista’ jiġġedded darba, abbażi tal-karatteristiċi tal-kapaċità użati mill-applikanti li joperaw servizzi qabel l-1 ta’ Jannar 2010, sabiex jittieħed kont ta’ l-investimenti speċjalizzati jew ta’ l-eżistenza ta’ kuntratti kummerċjali. Il-korp regolatorju msemmi fl-Artikolu 30 għandu jkun responsabbli sabiex jawtorizza d-dħul fis-seħħ ta’ tali Ftehim.
6. Filwqat li jirrispetta l-kunfidenzjalità kummerċjali, in-natura ġenerali ta' kull ftehim qafas għandha tkun disponibbli għal kull parti interessata.
L-Artikolu 18
Skeda għall-proċess ta' allokazzjoni
1. L-amministratur ta' l-infrastruttura għandu jaderixxi għall-iskeda għall-allokazzjoni ta' kapaċità stabbilita fl-Anness III.
2. L-amministraturi ta' l-infrastruttura għandhom jaqblu ma' amministraturi oħrajn ta' l-infrastruttura kkonċernati dwar liema toroq tal-ferroviji għandhom jiġu inklużi fl-iskeda tax-xogħol, qabel ma jibdew il-konsultazzjoni dwar l-abbozz ta' l-iskeda tax-xogħol. L-aġġustamenti għandhom isiru biss jekk assolutament meħtieġa
L-Artikolu 19
L-Applikazzjoni
1. L-applikanti jistgħu japplikaw abbażi tal-liġi pubblika jew privata lill-amministratur ta' l-infrastruttura biex jitlob ftehim li jiggarantixxi drittijiet għall-użu ta' l-infrastruttura tal-ferrovija kontra piż kif previst fil-kapitolu II.
2. Talbiet li jirrelataw għall-iskeda tal-ħidma regolari għandhom għal-limiti ta' żmien stabbiliti fl-Anness III.
3. Applikant li huwa parti għal ftehim qafas għandu japplika skond dak il-ftehim.
4. Applikanti jistgħu jitolbu kapaċità infrastrutturali li taqsam aktar minn network waħda billi japplikaw għand amministratur wieħed ta' l-infrastruttura. Dak l-amministratur ta' l-infrastruttura imbagħad huwa permess li jaġixxi f'isem l-applikant sabiex ifittex kapaċità ma' l-amministraturi l-oħrajn relevanti ta' l-infrastruttura.
5. Amministraturi ta' l-infrastruttura għandhom jassiguraw illi, għall-kapaċità infrastrutturali li taqsam aktar minn network waħda, l-applikanti jista' japplika direttament ma' kull korp konġunt li l-amministraturi ta' l-infrastruttura jistgħu jistabbilixxu.
L-Artikolu 20
L-iskedar
1. L-amministratur ta' l-infrastruttura għandu sa fejn possibbli jissodisfa t-talbiet kollha għall-kapaċità infrastrutturali inklużi talbiet għat-toroq tal-ferroviji li jaqsmu aktar minn network waħda, u għandhom se fejn possibbli jieħdu kont ta' l-irbit kollu fuq l-applikanti, inkluż l-effett ekonomiku fuq in-negozju tagħhom.
2. L-amministratur ta' l-infrastruttura jista' jagħti prijorità lil servizzi speċifiċi fl-iskedar u l-proċess ta' koordinazzjoni, imma biss kif stabbilit fl-Artikoli 22 u 24.
3. L-amministratur ta' l-infrastruttura għandu jikkonsulta lill-partijiet interessati dwar l-abbozz ta' l-iskeda tax-xogħol u jagħtihom għall-inqas xahar żmien biex jagħtu l-opinjonijiet tagħhom. Partijiet interessati għandhom jinkludu dawk kollha li jkunu talbu kapaċità infrastrutturali kif ukoll partijiet oħrajn li jixtiequ jkollhom l-opportunità biex jikkummentaw dwar kif l-iskeda tax-xogħol tista' taffettwalhom l-abbiltà li jipprokuraw servizzi bil-ferrovija waqt it-terminu ta' l-iskeda tax-xogħol.
4. L-amministratur ta' l-infrastruttura għandu jieħu miżuri approprjati biex jitratta kull ħsieb li hu espress.
L-Artikolu 21
Il-Proċess ta' koordinazzjoni
1. Matul il-proċess ta' l-iskedar imsemmi fl-Artikolu 20, meta l-amministratur ta' l-infrastruttura jiltaqa' ma' konflitti bejn talbiet differenti, għandu jipprova, permezz ta' koordinazzjoni tat-talbiet, jassigura l-aħjar paragun possibbli tal-ħtiġiet kollha.
2. Meta tqum sitwazzjoni li teħtieġ koordinament, il-ġestitur ta' l-infrastruttura għandu d-dritt, f'limiti raġonevoli, li jipproponi l-kapaċità infrastrutturali li hija differenti minn dik mitluba.
3. L-amministratur ta' l-infrastruttura għandu jipprova, permezz ta' konsultazzjonijiet ma' l-applikanti approprjati, jissodisfa r-riżoluzzjoni ta' kull konflitt.
4. Il-prinċipji li jirregolaw il-proċess tal-koordinazzjoni għandhom jiġu definiti fid-dikjarazzjoni tan-network. Dawn għandhom partikolarment jirriflettu d-diffikultà li jiġu rranġati mogħdijiet internazzjonali tal-ferroviji u l-effett li jista' jkollha l-modifika fuq amministraturi oħrajn ta' l-infrastruttura.
5. Meta t-talbiet għall-kapaċità infrastrutturali ma jistgħux jiġu ssodisfati mingħajr koordinazzjoni, l-amministratur ta' l-infrastruttura għandu jipprova jakkomoda t-talbiet kollha permezz ta' koordinazzjoni.
6. Mingħajr preġudizzju għall-proċeduri ta' appell eżistenti u għad-dispożizzjonijiet ta' l-Artikolu 30, fil-każ ta' tilwimiet dwar l-allokazzjoni tal-kapaċità infrastrutturali, għandha tkun disponibbli sistema għar-riżoluzzjoni tat-tilwimiet sabiex dawn it-tilwimiet jiġu riżolti minnufih. Jekk din is-sistema hija applikata, għandha tintlaħaq deċiżjoni f'terminu ta' 10 ijiem tax-xogħol.
L-Artikolu 22
Infrastruttura kkonġestjonata
1. Meta wara l-koordinazzjoni tat-toroq mitluba u konsultazzjoni ma' l-applikanti mhuwiex possibbli li jiġu sodisfatti t-talbiet għall-kapaċità infrastrutturali b'mod adegwat, l-amministratur ta' l-infrastruttura għandu minnufih jiddikara li dak l-element ta' l-infrastruttura li seħħ dan fuqu jiġi kkonġestjonat. Dan għandu jsir ukoll għal infrastruttura li jista' jigi previst li ssofri minn kapaċità insufficjenti fil-futur qarib.
2. Meta l-infrastruttura tiġi ddikjarata kkonġestjonata, l-amministratur ta' l-infrastruttura għandu jwettaq analiżi tal-kapaċità deskritta fl-Artikolu 25, sakemm ma jkunx diġà qed jiġi implimentat pjan għat-titjib tal-kapaċità kif deskritt fl-Artikolu 26.
3. Meta piżijiet skond l-Artikolu 7(4) ma ġewx imposti jew ma jkunux laħqu riżultat sodisfaċenti u l-infrastruttura ġiet iddikjarata kkonġestjonata, l-amministratur ta' l-infrastruttura jista' wkoll juża kriterji ta' prijorità biex jalloka l-kapaċità infrastrutturali.
4. Il-kriterji ta' prijorità għandhom jieħdu kont ta' l-importanza ta' servizz għas-soċjetà, relattiva għal kull servizz ieħor li konsegwentement jiġi eskluż.
Sabiex jiġi ggarantit f'dan il-qafas l-iżvilupp ta' servizzi tat-trasport adegwati, partikolarment biex jikkonformaw mal-ħtiġiet tas-servizz pubbliku jew biex jiġi promoss l-iżvilupp tal-merkanzija tal-ferrovija, l-Istati Membri jistgħu jieħdu kull miżura neċessarja meħtieġa, taħt kundizzjonijiet non-diskriminatorji, biex jassiguraw li dawn is-servizzi jingħataw prijorità meta tiġi allokata l-kapaċità infrastrutturali.
L-Istati Membri jistgħu, meta approprjat, jagħtu lill-amministratur ta' l-infrastruttura kumpens li jikkorrispondi għal kull telf tad-dħul relatat mal-ħtieġa li tiġi allokata kapaċità partikolari għal ċerti servizzi skond is-subparagrafu preċedenti.
Dan għandu jinkludi li jittieħed kont ta' l-effett ta' din l-esklużjoni fi Stati Membri oħrajn.
5. L-importanza tas-servizzi tal-merkanzija u partikolarment servizzi internazzjonali tal-merkanzija għandhom jingħataw konsiderazzjoni adegwata fid-determinazzjoni ta' kriterji ta' prijorità.
6. Il- proċeduri li għandhom jiġu segwiti u l-kriterji użati meta l-infrastruttura hija kkonġestjonata għandhom jitwaqqfu fid-dikjarazzjoni tan-network.
L-Artikolu 23
It-Talbiet ad hoc
1. L-amministratur ta' l-infrastruttura għandu jirrispondi għal talbiet ad hoc għal toroq tal-ferroviji individwali mill-aktar fis possibbli, u f'kull każ, fi żmien ħamest ijiem tax-xogħol. L-informazzjoni fornita dwar kapaċità żejda disponibbli għandha tkun magħmula disponibbli għall-applikanti kollha li jixtiequ jużaw din il-kapaċità.
2. Amministraturi ta' l-infrastruttura għandhom meta neċesarju jieħdu fuqhom evalwazzjoni tal-bżonn ta' riserva ta' kapaċità li tinżamm disponibbli fl-aħħar skeda tax-xogħol biex ikunu jistgħu jirrispondu malajr għal talbiet ad hoc prevedibbli għall-kapaċità. Dan għandu japplika wkoll f'każijiet ta' infrastruttura konġestjonata.
L-Artikolu 24
Infrastruttura speċjalizzata
1. Bla ħsara għall-paragrafu 2, il-kapaċità infrastrutturali għandha titqies disponibbli għall-użu tat-tipi kollha tas-servizzi li jikkonformaw mal-karatteristiċi neċessarji għall-operazzjoni fit-triq tal-ferrovija.
2. Meta hemm toroq alternattivi adegwati, l-amministratur ta' l-infrastruttura jista', wara li jikkonsulta l-partijiet interessati, jindika infrastruttura partikolari għall-użu minn tipi speċifiċi tat-traffiku. Mingħajr preġudizzju għall-Artikoli 81, 82 u 86 tat-Trattat, meta din id-deskrizzjoni sseħħ, l-amministratur ta' l-infrastruttura jista' jagħti priorità lil dan it-tip ta' traffiku fl-allokazzjoni tal-kapaċità infrastrutturali.
Din id-deskrizzjoni m'għandhiex tipprevjeni l-użu ta' din l-infrastruttura minn tipi oħrajn tat-traffiku meta l-kapaċità hija disponibbli u meta r-rolling stock jikkonforma mal-karatterstiċi tekniċi neċessarji għall-operazzjoni fuq il-linja.
3. Meta l-infrastruttura tkun ġiet deskritta skond il-paragrafu 2, dan għandu jiġi ddikjarat fid-dikjarazzjoni tan-network.
L-Artikolu 25
L-Analiżi tal-kapaċità
1. L-iskop ta' l-analiżi tal-kapaċità huwa li jiġu determinati r-restrizzjonijiet fuq il-kapaċità infrastrutturali li jipprevienu t-talbiet għall-kapaċità milli jiġu ssodisfati b'mod adegwat, u biex jigu proposti metodi biex talbiet addizzjonali jiġu ssodisfati. Din l-analiżi għandha tidentifika r-raġunijiet għall-konġestjoni u liema miżuri jistgħu jittieħdu fit-terminu qasir u medju biex il-konġestjoni tiġi llaxkata.
2. L-analiżi għandha tqis l-infrastruttura, il-proċeduri ta' l-operazzjoni, in-natura tas-servizzi differenti li qed joperaw u l-effett ta' dawn il-fatturi kollha fuq il-kapaċità infrastrutturali. Il-miżuri li għandhom jitqiesu għandhom jinkludu partikolarment re-routing tas-servizzi, skedar mill-ġdid tas-servizzi, alterazzjonijiet tal-veloċità u titjib fl-infrastruttura.
3. Analiżi tal-kapaċità għandha tiġi kompletata fi żmien sitt xhur mill-identifikazzjoni ta' l-infrastruttura bħala kkonġestjonata.
L-Artikolu 26
Pjan tat-titjib tal-kapaċità
1. Fi żmien sitt xhur mill-kompletazzjoni ta' analiżi tal-kapaċità, l-amministratur ta' l-infrastruttura għandu jipproduċi pjan għat-tijib tal-kapaċità.
2. Il-pjan għat-tijib tal-kapaċità għandu jiġi żviluppat wara konsultazzjoni ma' l-utenti ta' l-infrastruttura kkonġestjonata relevanti.
Għandu jidentifika:
(a) ir-raġunijiet għall-konġestjoni;
(b) l-iżvilupp possibbli tat-traffiku fil-futur;
(c) l-irbit fuq l-iżvilipp ta' l-infrastruttura;
(d) l-għażliet u l-ispejjeż għat-titjib tal-kapaċità inklużi tibdiliet possibbli għatll-piżijiet ta' l-aċċess.
Għandu wkoll, abbażi ta' analiżi tal-benefiċċji ta' l-ispejjeż tal-miżuri possibbli identifikati, jiddetermina liema azzjoni għandha tittieħed sabiex tittejjeb il-kapaċità infrastrutturali, inkluż kalendarju għall-implimentazzjoni tal-miżuri
Il-pjan jista' jkun soġġett għall-approvazzjoni preċedenti mill-Istat Membru.
3. L-amministratur ta' l-infrastruttura għandu jieqaf milli jimponi xi piżijiet li huma imposti għall-infrastruttura relevanti skond l-Artikolu 7(4) f' każijiet meta:
(a) ma jipproduċix il-pjan għat-tijib tal-kapaċità; jew
(b) ma jagħmilx progress bil-pjan ta' azzjoni identifikat fil-pjan għat-tijib tal-kapaċità.
Madanakollu, il-amministratur ta' l-infrastruttura jista', bla ħsara għall-approvazzjoni tal-korp regolatorju msemmi fl-Artikolu 30 jibqa' jimponi dawk il-piżijiet jekk:
(a) il-pjan għat-tijib tal-kapaċità ma jistax jiġi realizzat għal raġunijiet lil hinn mill-kontroll tiegħu; jew
(b) l-għażliet disponibbli mhumiex ekonomikament jew finanzjarjament vijabbli;
L-Artikolu 27
L-Użu tal-mogħdijiet tal-ferroviji
1. Partikolarment għall-infrastruttura kkonġestjonata, l-amministratur ta' l-infrastruttura għandu jitlob li tiġi ċeduta mogħdija tal-ferrovija li, fi żmien ta' għall-inqas xahar, intużat inqas minn kwota ta' għatba li għandha tiġi stabbilita fid-dikjarazzjoni tan-network, sakemm dan ma kienx dovut għal raġunijet mhux ekonomiċi lil hinn mill-kontroll ta' l-operatur.
2. Amministratur ta' l-infrastruttura jista' jispeċifika fid-dikjarazzjoni tan-network kundizzjonijiet li permezz tagħhom tieħu kont tal-livelli preċedenti ta' utilizzazzjoni tal-mogħdijiet tal-ferroviji fid-determinazzjoni tal-prijoritajiet għall-proċess ta' l-allokazzjoni.
L-Artikolu 28
Kapaċità infrastrutturali għall-manutenzjoni skedata
1. Talbiet għall-kapaċità infrastrutturali sabiex tkun tista' ssir mantenuzzjoni għandhom jiġu sottomessi waqt il-perjodu ta' l-iskedar.
2. Għandu jittieħed kont adegwat mill-amministratur ta' l-infrastruttura, ta' l-effett tal-kapaċità infrastrutturali rriservata għall-mantenuzzjoni tal-binarji skedati fuq l-applikanti.
L-Artikolu 29
Miżuri speċjali li għandhom jittieħdu f' każ ta' disturb
1. F'każ ta' disturbanza għall-movimenti tal-ferroviji kkawżati minn ħsarat tekniċi jew inċidenti, l-amministratur ta' l-infrastruttura għandu jieħu l-passi kollha neċessarji biex iraġġa' lura s-sitwazzjoni normali. Għal dak l-iskop, għandu jfassal pjan ta' kontinġenza li jelenka l-korpi pubbliċi varji li għandhom jiġu informati fil-każ ta' inċidenti serji jew disturbi serji għall-movimenti tal-ferroviji.
2. F'emerġenza u meta assolutament neċessarju minħabba ħsara li trendi l-infrastruttura temporanjament mhux utilizzabbli, it-toroq allokati jistgħu jiġu rtirati mingħajr twissija għal kemm ikun meħtieġ biex tissewwa s-sistema.
L-amministratur ta' l-infrastruttura jista', jekk iqis dan neċesarju, jeħtieġ lill-impriżi tal-ferroviji biex jagħmlu disponibbli lilu r-riżorsi li huwa jħoss huma l-aktar approprjati biex jirrestawraw is-sitwazzjoni normali mill-aktar fis possibbli.
3. L-Istati Membri jistgħu jeħtieġu lill-impriżi tal-ferroviji li jiġu involuti fl-assigurazzjoni ta' l-infurzar u l-monitoraġġ tal-konformità proprja dwar l-istandards u r-regoli tas-sigurtà.
KAPITOLA IV
MIŻURI ĠENERALI
L-Artikolu 30
Korp regolatorju
1. Bla ħsara għall-Artikolu 21(6), l-Istati Membri għandhom jistabbilixxu korp regolatorju. Dan il-korp, li jista' jkun il-Ministeru responsabbli għall-affarijiet tat-trasport jew kwalunkwe korp ieħor, għandu jkun indipendenti fl-organizzazzjoni tiegħu, fid-deċiżjonijiet tiegħu dwar fondi, struttura legali u t-teħid tad-deċiżjonijiet minn kull amministratur ta' l-infrastruttura, korp tal-piżijiet, korp jew applikant ta' l-allokazzjoni. ►M3 Barra minn hekk għandu jkun indipendenti funzjonalment minn kwalunkwe awtorità kompetenti involuta fl-għotja ta’ kuntratt ta’ servizz pubbliku. ◄ Il-korp għandu jiffunzjona skond il-prinċipji delinjati f'dan l-Artikolu meta l-appell u l-funzjonijiet regolatorji jistgħu jiġu attribwiti għal korpi separati.
2. Applikant għandu jkollu d-dritt li jappella lill-korp regolatorju jekk jemmen li ma ġiex ittrattat b'mod ekwu, saret diskriminazzjoni kontrih jew ġie aggravat bi kwalunkwe mod ieħor, u partikolarment kontra deċiżjonijiet adottati mill-amministratur ta' l-infrastruttura jew meta approprjat, l-impriża tal-ferroviji li tikkonċerna:
(a) id-dikjarazzjoni tan-network;
(b) il-kriterji fih;
(c) il-proċess ta' l-allokazzjoni u r-riżultat tiegħu;
(d) l-iskema tal-piżijiet;
(e) livell jew struttura ta' piżijiet infrastrutturali li hu meħtieġ jew li jista' jkun meħtieġ li jħallas;
(f) l-arranġamenti għall-aċċess skond l-Artikolu 10 tad-Direttiva 91/440/KEE tad-29 ta' Lulju 1991 fuq l-iżvilupp tal-linji tal-ferrovija tal-Komunita ( 13 ) kif emendata mid-Direttiva 2004/51/KE tal-Parlament Ewropew u tal-Kunsill tat-30 ta' April 2004 li temenda d-Direttiva tal-Kunsill 91/440/KEE fuq l-iżvilupp tal-linji tal-ferrovija tal-Komunità ( 14 ).
3. Il-korp regolatorju għandu jassigura li l-piżijiet stabbiliti mill-amministratur ta' l-infrastruttura jikkonformaw mal-Kapitolu II u mhumiex diskriminatorji. In-negozjati bejn l-applikanti u l-amministratur ta' l-infrastruttura li jikkonċernaw il-livell ta' piżijiet infrastrutturali għandhom jiġu permessi biss jekk dawn isiru taħt is-sorveljanza tal-korp regolatorju. Il-korp regolatorju għandu jintervieni jekk in-negozjati x'aktarx jikkontravenu r-rekwiżiti ta' din id-Direttiva.
4. Il-korp regolatorju għandu l-awtorità jitlob informazzjoni relevanti mill-amministratur ta' l-infrastruttura, applikanti u kull parti terza fl-Istat Membru kkonċernat, li għandha tiġi fornita mingħajr dewmien.
5. Il-korp regolatorju għandu jiddeċiedi fuq kull ilment u jieħu azzjoni biex jirrimedja s-sitwazzjoni fi żmien massimu ta' xahrejn minn meta jirċievi l-informazzjoni kollha.
Minkejja l-paragrafu 6, deċiżjoni tal-korp regolatorju għandha tkun torbot lill-partijiet kollha koperti minn dik id-deċiżjoni.
Fil-każ ta' appell kontra rifjut li tingħata l-kapaċità infrastrutturali, jew kontra t-termini ta' offerta għall-kapaċità, il-korp regolatorju għandu jew jikkonferma li ebda modifika tad-deċiżjoni ta' l-amministratur ta' l-infrastruttura ma hi meħtieġa, jew għandha teħtieġ modifika ta' dik id-deċiżjoni skond id-direzzjonijiet speċifikati mill-korp regolatorju.
6. L-Istati Membri għandhom jieħdu l-miżuri neċessarji sabiex jiġi assigurat li deċiżjonijiet meħuda mill-korp regolatorju huma soġġetti għal rivista ġudizzjarja.
L-Artikolu 31
Kooperazzjoni tal-korpi regolatorji
Il-korpi regolatorji nazzjonali għandhom jiskambjaw l-informazzjoni dwar xogħolhom u l-prinċipji tat-teħid tad-deċiżjonijiet u l-prattika għall-iskop tal-koordinazzjoni tal-prinċipji tat-teħid tad-deċiżjonijiet tagħhom mal-Komunità kollha. Il-Kummissjoni għandha tappoġġahom f'dan ix-xogħol.
▼M2 —————
L-Artikolu 33
Derogi
1. Għal perjodu ta' ħames snin mill-15 ta' Marzu 2003, l-Istati Membri li ġejjin:
— l-Irlanda, bħala Stat Membru fuq gżira, b'konnessjoni tal-ferrovija ma' Stat Membru ieħor wieħed biss,
— ir-Renju Unit, dwar l-Irlanda ta' Fuq, fuq l-istess bażi, u
— il-Greċja, bħala Stat Membru li m'għandu l-ebda konnessjoni diretta bil-ferrovija ma' xi Stat Membru ieħor
m'għandhomx għalfejn japplikaw il-ħtiġiet stabbiliti f':
(a) l-Artikoli 3, 4(2), 13, 14, 17, 21(4), 21(6), 22, 24(3), 25 sa 28 u 30 bil-kundizzjoni li d-deċiżjonijiet dwar l-allokazzjoni tal-kapaċità infrastrutturali jew il-piżijiet jistgħu jiġu appellati, meta dan jintalab bil-miktub minn impriża tal-ferroviji, quddiem korp indipendenti li għandu jieħu deċiżjoni fi żmien xahrejn mis-sottomissjoni ta' l-informazzjoni relevanti kollha u li d-deċiżjoni tiegħu tkun soġġetta għal rivista ġudizzjarja, u
(b) l-Artikolu 32 sa fejn is-servizzi tat-trasport bil-ferrovija li jaqgħu taħt il-qasam ta' applikazzjoni ta' l-Artikolu 10 tad-Direttiva 91 /440/KEE huma kkonċernati.
2. Madanakollu, meta:
(a) aktar minn impriża tal-ferroviji waħda hija liċenzjata skond l-Artikolu 4 tad-Direttiva 95/18/KE, jew, fil-każ ta' l-Irlanda u l-Irlanda ta' Fuq, kumpanija tal-ferroviji hekk liċenzjata band'oħra tissottometti applikazzjoni uffiċjali biex topera servizzi tal-ferroviji kompetituri, għal jew mill-Irlanda, l-Irlanda ta' Fuq jew il-Greċja, l-applikabilità kontinwa ta' din id-deroga tiġi deċiża skond il-proċedura ta' rakkomandazzjoni msemmiija fl-Artikolu 35(2); jew
(b) impriża tal-ferroviji li topera servizzi bil-ferrovija fl-Irlanda, l-Irlanda ta' Fuq jew il-Greċja tissottometti applikazzjoni uffiċjali biex topera servizzi bil-ferroviji, fil- għal jew mit-territorju ta' Stat Membru ieħor (fil-każ ta' l-Irlanda, jew ir-Renju Unit, fir-rigward ta' l-Irlanda ta' Fuq, jew it-tnejn, Stat Membru ieħor barra mit-territorji tagħhom), id-derogi msemmija fil-paragrafu 1 ma japplikawx.
Fi żmien sena minn meta tiġi rċevuta jew id-deċiżjoni msemmija fil-punt (a) adottata sknd il-proċedura ta' rakkomandazzjoni msemmija fl-Artikolu 35(2), jew notifika ta' l-applikazzjoni uffiċjali msemmija fil-punt (b), l-Istat Membru jew Stati Membri kkonċernat(i) (l-Irlanda, ir-Renju Unit fir-rigward ta' l-Irlanda ta' Fuq jew il-Greċja), għandhom jagħmlu leġislazzjoni biex jimplimentaw l-Artikoli msemmija fil-paragrafu 1.
3. Deroga msemmija fil-paragrafu 1 tista' tiġġedded għal perjodi mhux itwal minn ħames snin. Mhux aktar minn 12-il xahar qabel id-data ta' l-iskadenza ta' deroga, Stat Membru li jagħmel użu minn din id-deroga jista' jindirizza talba lill-Kummissjoni għal deroga mġedda. Kull talba bħal din għandha tiġi sostanzjata. Il-Kummissjoni għandha teżamina din it-talba u tadotta deċiżjoni skond il-proċedura ta' rakkomandazzjoni msemmija fl-Artikolu 35(2). Il-proċedura ta' rakkomandazzjoni msemmija għandha tapplika għall kull deċiżjoni relatata mat-talba.
Fl-adozzjoni tad-deċiżjoni tagħha l-Kummissjoni għandha tikkunsidra kull żvilupp fis-sitwazzjoni ġeopolitika u l-iżvilupp tas-suq tal-ferroviji fi, minn u għall-Istat Membru li jkun talab id-deroga mġedda.
4. Il-Lussemburgu bħala Stat Membru b'network tal-ferroviji relattivament żgħira m'għandux għalfejn japplika sal-31 ta' Awissu 2004 il-ħtieġa li jingħataw lil korp indipendenti il-funzjonijiet li jiddeterminaw aċċess ekwu u non-diskriminatorju għall-infrastruttura, kif previst fl-Artikoli 4 u 14 sa fejn jobbligaw Stati Membri jistabbilixxu korpi indipedenti li jwettqu l-funzjonijiet imsemmija f'dawk l-Artikoli.
KAPITOLA V
DISPOŻIZZJONIJIET FINALI
L-Artikolu 34
Miżuri implimentari
1. L-Istati Membri jistgħu jġibu kwistjoni dwar l-implimentazzjoni ta' din id-Direttiva għall-attenzjoni tal-Kummissjoni. Għandhom jittieħdu deċiżjonijiet approprjati skond il-proċedura ta' rakkomandazzjoni msemmija fl-Artikolu 35(2).
2. Fuq it-talba ta' l-Istat Membru jew fuq l-inizjattiva tagħha stess il-Kummissjoni għandha, f'każ speċifiku, teżamina l-applikazzjoni u l-infurzar tad-dispożizzjonijiet dwar l-intaxxar, l-allokazzjoni tal-kapaċità, u fi żmien xahrejn mir-riċevuta ta' din it-talba tiddeċidi skond il-proċedura msemmija fl-Artikolu 35(2) jekk il-miżura relatata tistax tibqa tapplika. Il-Kummissjoni għandha tikkomunika d-deċiżjoni tagħha lill-Parlament Ewropew, lill-Kunsill u lill-Istati Membri.
Bla ħsara għall-Artikolu 226 tat-Trattat, kull Stat Membru jista' jirreferi d-deċiżjoni tal-Kummissjoni lill-Kunsill f'terminu ta' xahar. Il-Kunsill, waqt li jaġixxi b'maġġoranza kkwalifikata, jista' f'każijiet eċċezzjonali jieħu deċiżjoni differenti f'terminu ta' xahar.
3. Miżuri mfasssla biex jemendaw elementi mhux essenzjali ta’ din id-Direttiva u li jkollhom x’jaqsmu ma’ l-adattazzjoni ta’ l-Annessi għaliha għandhom jiġu adottati f’konformità mal-proċedura regolatorja bi skrutinju msemmija fl-Artikolu 35(3).
L-Artikolu 35
Proċeduri tal-kumitat
1. Il-Kummissjoni għandha tiġi assistita minn Kumitat
2. Meta ssir riferenza għal dan il-paragrafu, l-Artikoli 3 u 7 tad-Deċiżjoni 1999/468/KE għandhom japplikaw, b'konsiderazzjoni għad-dispożizzjonijiet ta' l-Artikolu 8 tagħha.
3. Meta ssir referenza għal dan il-paragrafu, għandhom japplikaw l-Artikolu 5a(1) sa (4), u l-Artikolu 7 tad-Deċiżjoni 1999/468/KE, filwaqt li jitqiesu d-dispożizzjonijiet ta’ l-Artikolu 8 tagħha.
4. Il-Kumitat għandu jadotta r-regoli tal-proċedura tiegħu.
L-Artikolu 36
Rapport
Sal-15 ta' Marzu 2005 il-Kummissjoni għandha tissottometti lill-Parlament Ewropew u lill-Kunsill rapport dwar l-implimentazzjoni ta' din id-Direttiva, akkumpanjat jekk neċessarju minn proposti għal azzjoni Komunitarja ulterjuri.
L-Artikolu 37
Tħassir
Ir-Regolament (KEE) Nru 2830/77, ir-Regolament (KEE) Nru 2183/78, id-Deċiżjoni 82/529/KEE, id-Deċiżjoni 83/418/KEE u d-Direttiva 95/19/KE huma hawnhekk imħassra.
L-Artikolu 38
Implimentazzjoni
L-Istati Membri għandhom iġibu fis-seħħ il-liġijiet, ir-regolamenti u d-dispożizzjonijiet amministrativi neċessarji biex jikkonforaw ma' din id-Direttiva sal-15 ta' Marzu 2003. Għandhom jinfurmaw lill-Kummissjoni dwar dan minnufih.
Meta l-Istati Membri jaddottaw dawn id-dispożizzjonijiet għandu jkollhom referenza għal din id-Direttiva jew jiġu akkumpanjati minn din ir-referenza meta jiġu ppubblikati uffiċjalment. L-Istati Membri għandhom jiddeterminaw kif għandha ssir din ir-referenza.
L-obbligi għal traspożizzjoni u implimentazzjoni ta’ din id-Direttiva m’għandhomx japplikaw għal Ċipru u għal Malta sakemm l-ebda sistema ferrovjarja ma tiġi stabbilita fit-territorju tagħhom.
L-Artikolu 39
Dħul fis-seħħ
Din id-Direttiva għandha tidħol fis-seħħ fid-data tal-pubblikazzjoni fil-Ġurnal Uffiċjali tal-Komunitajiet Ewropej.
L-Artikolu 40
Indirizzati
Din id-Direttiva hija indirizzata lill-Istati Membri.
L-ANNESS I
Kontenut tad-dikjarazzjoni tan-network
Id-dikjarazzjoni tan-network imsemmija fl-Artikolu 3 għandu jkollha din l-informazzjoni
1. Taqsima li tistabbilixxi n-natura ta' l-infrastruttura disponibbli għall-impriżi tal-ferroviji u l-kundizzjonjiet ta' l-aċċess għaliha.
2. Taqsima dwar prinċipji ta' piżijiet u tariffi. Din għandu jkun fiha dettalji approprjati dwar l-iskema tal-piżijiet kif ukoll informazzjoni suffiċjenti dwar piżijiet li japplikaw għas-servizzi elenkati fl-Anness II li jiġu pprovditi minn fornitur wieħed biss. Għandha tagħti dettalji dwar il-metodoloġija, r-regoli u, meta applikabbli, l-iskali użati għall-applikazzjoni ta' l-Artikolu 7(4) u (5) u l-Artikoli 8 u 9. Għandha tikkontjeni informazzjoni dwar tibdiliet fil-piżijiet diġà deċiż jew previsti.
3. Taqsima dwar prinċipji u l-kriterji għall-allokazzjoni tal-kapaċità. Dan għandu jjistabbilixxi l-kapaċità ġenerali tal-karatteristiċi ta' l-infrastruttura li huma disponibbli għall-impriżi tal-ferroviji u kull restrizzjoni relatata ma' l-użu tagħha, inklużi ħtiġiet ta' kapaċità x'aktarx meħtieġa għall-manutenzjoni. Għandha wkoll tispeċifika l-proċeduri u t-termini li jirrelataw għall-proċess ta' l-allokazzjoni tal-kapaċità. Għandu jkun fiha kriterji speċifiċi li jintużaw waqt dak il-proċess, partikolarment:
(a) il-proċeduri li bihom l-applikanti jistgħu jitolbu l-kapaċità mill-amministratur ta' l-infrastruttura;
(b) ir-rekwiżiti li jirregolaw l-applikanti;
(c) l-iskeda għall-proċessi ta' applikazzjoni u allokazzjoni;
(d) il-prinċipji li jirregolaw il-proċess tal-koordinazzjoni;
(e) il-proċeduri li għandhom jiġu segwiti u l-kriterji użati meta l-infrastruttura hija kkonġestjonata;
(f) dettalji dwar ir-restrizzjonijiet fuq l-użu ta' l-infrastruttura
(g) kondizzjonijiet li permezz tagħhom jitqiesu livelli preċedenti ta' utilizzazzjoni tal-kapaċità fid-determinazzjoni tal-prijoritajiet għall-proċess ta' l-allokazzjoni.
Għandha tiddettalja l-miżuri meħuda biex jiġi assigurat it-trattament adegwat tas-servizzi tal-merkanzija, servizzi internazzjonali u talbiet soġġetti għall-proċedura ad hoc.
L-ANNESS II
Servizzi li għandhom jingħataw lill-impriżi tal-ferroviji.
1. Il-pakkett ta' aċċess minimu għandu jkun jikkonsisti:
(a) fl-immaniġġar ta' talbiet għall-kapaċità infrastrutturali;
(b) fid-dritt li tintuża l-kapaċità allokata;
(c) fl-użu ta' running track points u ġonot;
(d) fil-kontroll tal-ferrovija inkluż is-senjalar, ir-regolament, id-dispaċċ, u l-komunikazzjoni u d-dispożizzjoni ta' infrmazzjoni dwar il-moviment tal-ferrovija;
(e) l-informazzjoni oħra kollha meħtieġa għall-implimentazzjoni jew l-operazzjoni tas-servizz li għalih ingħatat il-kapaċità.
2. Aċċess għall-binarju għal faċilitajiet tas-servizzi u l-fornitura tas-servizzi għandhom jinkludu:
(a) l-użu ta' tagħmir għall-provvista elettrika għall-kurrent tat-traction, meta disponibbli;
(b) faċilitajiet għal refuelling;
(c) stazzjonijiet tal-passiġġiera, il-bini tagħħom u faċilitajiet oħrajn;
(d) terminali tal-merkanzija
(e) marshalling yards;
(f) faċilitajiet għall-formazzjoni tal-ferrovija
(g) sidings għall-ħażna;
(h) manutenzjoni u faċilitajiet tekniċi oħrajn.
3. Is-servizzi addizzjonali jistgħu jinkludu:
(a) traction current;
(b) tisħin minn qabel tal-ferroviji tal-passiġġieri;
(c) provvista ta' karburant, shunting, u s-servizzi l-oħrajn kollha pprovduti fil-faċilitajiet tas-servizzi ta' l-aċċess imsemmija fuq;
(d) kuntratti speċifiċi għal:
— kontroll tat-trasport ta' merkanzija perikoluża,
— assistenza fil-ġestjoni ta' ferroviji mhux normali
4. Is-servizzi anċillari jistgħu jinkludu:
(a) aċċess għan-network tat-telekomunikazzjoni;
(b) provvista ta' informazzjoni supplementari;
(c) ispezzjoni teknika ta' rolling stock.
L-ANNESS III
Skeda għall-proċess ta' l-allokazzjoni
1. L-iskeda tax-xogħol għandha tiġi stabbilita darba f' kull sena kalendarja.
2. Il-bidla ta' l-iskeda tax-xogħol għandha sseħħ f'nofs il-lejl fit-tieni Sibt f'Diċembru. Meta bidla jew aġġustament jitwettqu wara x-xitwa, b'mod partikolari sabiex jittieħed kont, meta approprjat, tal-bidliet fi skedi ta' traffiku ta' passiġġieri reġjonali, għandhom isseħħu f'nofs il-lejl fit-tieni Sibt f'Ġunju u f'dawn l-intervalli l-oħrajn bejn dawn id-dati kif meħtieġ. Amministraturi ta' l-infrastruttura jistgħu jiftiehmu fuq dati differenti u f'dan il-każ għandhom jinfurmaw lill-Kummissjoni jekk traffiku internazzjonali jista' jiġi effettwat.
3. Id-data finali għall-irċevuta ta' talbiet għall-kapaċità biex jiġu inkorporati fl-iskeda tax-xogħol m'għandhiex tkun aktar minn 12-il xahar qabel id-dħul fis-seħħ ta' l-iskeda tax-xogħol.
4. Mhux aktar tard minn 11-il xahar qabel id-dħul fis-seħħ ta' l-iskeda tax-xogħol, l-amministraturi ta' l-infrastruttura għandhom jassiguraw li t-toroq proviżjonali tal-ferroviji internazzjonali ġew stabbiliti b'kooperazzjoni ma' korpi relevanti oħrajn ta' l-allokazzjoni kif stabbiliti fl-Artikolu 15. Amministraturi ta' l-infrastruttura għandhom jassiguraw li sa fejn possibbli dawn jiġu aderiti matul il-proċessi sussegwenti.
5. Mhux aktar tard minn erba' xhur wara t-terminu għas-sottomizzjoni ta' offerti mill-applikanti, l-amministratur ta' l-infrastruttura għandu jipprepara abbozz ta' skeda tax-xogħol.
( 1 ) ĠU C 321, ta' l-20.10.1998, p. 10, u ĠU C 116 E, tas-26.4.2000, p. 40.
( 2 ) ĠU C 209, tat-22.7.1999, p. 22.
( 3 ) ĠU C 57, tad-29.2.2000, p. 40.
( 4 ) L-Opinjoni tal-Parlament Ewropew ta' l-10 ta' Marzu 1999 (ĠU C 175, tal-21.6.1999, p. 120), ikkonfermata fis-27 ta' Ottubru 1999 (ĠU C 154, tal-5.6.2000, p. 22), il-Pożizzjoni Komuni tal-Kunsill tat-28 ta' Marzu 2000 (ĠU C 178, tas-27.6.2000, p. 28) u d-Deċiżjoni tal-Parlament Ewropew tal-5 ta' Lulju 2000 (għadha mhux ippubblikata fil-Ġurnal Uffiċjali) id-Deċiżjoni tal-Parlament Ewropew ta' l-1 ta' Frar 2001 u d-Deċiżjoni tal-Kunsill ta' l-20 ta' Diċembru 2000.
( 5 ) ĠU L 237, ta' l-24.8.1991, p. 25. Id-Direttiva kif emendata bid-Direttiva 2001/12/KE tal-Parlament Ewropew u tal-Kunsill (ara paġna 1 ta' dan il-Ġurnal Uffiċjali).
( 6 ) ĠU L 143, tas-27.6.1995, p. 75.
( 7 ) ĠU L 184, tas-17.7.1999, p. 23.
( 8 ) ĠU L 334, ta' l-24.12.1977, p. 13. Ir-Regolament kif l-aħħar emendat mill-Att ta' l-Adeżjoni 1994.
( 9 ) ĠU L 258, tal-21.9.1978, p. 1. Ir-Regolament kif l-aħħar emendat mill-Att ta' l-Adeżjoni 1994.
( 10 ) ĠU L 234, tad-9.8.1982, p. 5. Ir-Regolament kif l-aħħar emendat mill-Att ta' l-Adeżjoni 1994.
( 11 ) ĠU L 237, tas-26.8.1983, p. 32. Ir-Regolament kif l-aħħar emendat mill-Att ta' l-Adeżjoni 1994.
( 12 ) Ir-Regolament (KEE) Nru 1191/69 tal-Kunsill tas-26 ta' Gunju 1969 dwar azzjoni mill-Istati Membri li tikkonċerna l-obbligi inerenti fil-kunċett ta' servizz pubbliku fit-trasport bil-ferrovija, bit-triq u bil-passaġġi fuq l-ilma interni (ĠU L 156, tat-28.6.1969, p. 1). Ir-Regolament kif l-aħħar emendat bir-Regolament (KE) Nru 189391 (ĠU L 169, tad-29.6.1991, p. 1).
( 13 ) ĠU L 237, ta' l-24.8.1991, p. 25.
( 14 ) ĠU L 164, tat-30.4.2004, p. 164.