1999R1726 — MT — 01.01.2008 — 002.001

---

Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu

►B

IR-REGOLAMENT TAL-KUMMISSJONI (KE) Nru 1726/1999 tas-7 ta' Lulju 1999 li jimplementa r-Regolament tal-Kunsill (KE) Nru 530/1999 dwar l-istatistika strutturali tad-dħul u ta' l-ispejjeż ta' l-impjieg fir-rigward tad-definizzjoni u t-trasmissjoni ta' l-informazzjoni fuq l-ispejjeż ta' l-impjieg (ĠU L 203, 3.8.1999, p.28)

Emendat bi:

		Il-Ġurnal Uffiċjali
		No	page	date
►M1	REGOLAMENT TAL-KUMMISSJONI (KE) Nru 1737/2005 tal-21 ta’ Ottubru 2005	L 279	11	22.10.2005
►M2	REGOLAMENT TAL-KUMMISSJONI (KE) Nru 973/2007 ta’ l-20 ta’ Awwissu 2007	L 216	10	21.8.2007

---

▼B

IR-REGOLAMENT TAL-KUMMISSJONI (KE) Nru 1726/1999

tas-7 ta' Lulju 1999

li jimplementa r-Regolament tal-Kunsill (KE) Nru 530/1999 dwar l-istatistika strutturali tad-dħul u ta' l-ispejjeż ta' l-impjieg fir-rigward tad-definizzjoni u t-trasmissjoni ta' l-informazzjoni fuq l-ispejjeż ta' l-impjieg

L-Artikolu 1

Definizzjoni u qsim ta' l-informazzjoni

Skond l-Artikolu 6 tar-Regolament (KE) Nru 530/1999, l-Istati Membri jridu jagħtu informazzjoni dwar il-varjabbli elenkati fl-Anness I ta' dan ir-Regolament.

Għal dan il-għan, id-definizzjonijiet tal-varjabbli huma stipulati fl-Anness II ta' dan ir-Regolament.

L-Artikolu 2

Format tekniku għat-trasmissjoni tar-riżultati

Il-format tekniku xieraq li għandu jintuża għat-trasmissjoni tar-riżultati huwa stipulat fl-Anness III ta' dan ir-Regolament.

▼M2

Artikolu 2a

Miżuri tranżizzjonali għall-implimentazzjoni ta’ NACE Rev. 2

L-Istati Membri għandhom jittrasmettu lill-Kummissjoni (Eurostat) ir-riżultati ta’ l-istħarriġ dwar l-ispiża tax-xogħol b’referenza għas-sena kalendarja 2008 skond in-NACE Rev. 2 u kif ukoll in-NACE Rev. 1.1, fejn dan ta’ l-aħħar huwa obbligatorju biss għat-Tabella A u fil-livell tat-taqsima tan-NACE Rev. 1.1.

▼B

L-Artikolu 3

Dħul fis-seħħ

Dan ir-Regolament jidħol fis-seħħ fl-20 jum wara li jiġi ppubblikat fil-Ġurnal Uffiċjali tal-Komunità Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

▼M1

---

ANNESS I

LISTA TAL-VARJABBLI

Statistika strutturali ta’ l-ispejjeż tax-xogħol

Tabella A

—

Informazzjoni nazzjonali

Tabella B

—

Informazzjoni nazzjonali skond id-daqs ta’ l-intrapriża

Tabella C

—

Informazzjoni reġjonali

Għall-varjabbli elenkati hawn taħt, għandhom ikunu pprovduti jew it-Tabella A biss jew it-tliet tabelli. Il-kunsinna mandatorja hija indikata permezz ta’ “m” u l-kunsinna mhux obbligatorja permezz ta’ “o”. Il-kodiċi tat-trasmissjoni li jappartjenu għall-kategoriji differenti ta’ varjabbli kwalitattivi jew id-daqs tal-klassijiet tal-varjabbli kwantitattivi huma stabbiliti mill-Eurostat f’dokument ta’ implimentazzjoni.

Fuq għażla tagħhom, l-Istati Membri jistgħu jirreġistraw data aktar iddettaljata għall-varjabbli li ġejjin (trasmissjoni lill-Eurostat fuq talba biss):

A.11	Impjegati full-time

A.12	Impjegati part-time

D.11112

Ħlas dirett, bonuses u allowances mhux imħallsa f’kull perjodu ta’ paga

D.1113

Ħlas għal ġranet mhux maħduma

D.1211

Kontribuzzjonijiet statutorji tas-sigurtà soċjali

D.1212

Il-kontribuzzjonijiet tas-sigurtà soċjali bi qbil kollettiv, kuntrattwali u volontarji

D.1223

Ħlas lill-impjegati li jħallu l-intrapriża

Figura 1

Spejjeż tax-xogħol u l-komponenti prinċipali tagħhom

Figura 2

Analiżi biċċa biċċa tal-komponent “Pagi u salarji” (D.11)

Figura 3

Analiżi biċċa biċċa tal-komponent “Kontribuzzjonijiet soċjali ta’ min iħaddem” (D.12)

---

ANNESS II

ID-DEFINIZZJONIJIET TAL-VARJABBLI

A.   IN-NUMRU TA’ IMPJEGATI

L-impjegati huma l-persuni kollha, irrispettivament min-nazzjonalità tagħhom jew mit-tul ta’ ħin tax-xogħol tagħhom fil-pajjiż, li għandhom kuntratt dirett ta’ impjieg ma’ l-intrapriża jew mal-fergħa lokali (kemm jekk il-ftehim huwa formali kemm jekk informali) u li jirċievu ħlas, irrispettivament mit-tip ta’ xogħol li jwettqu, min-numru ta’ sigħat ta’ xogħol (full-time jew part-time) u t-tul tal-kuntratt (definit jew indefinit). Ir-remunerazzjoni ta’ l-impjegati tista’ tieħu l-forma ta’ pagi u salarji inklużi bonuses, ħlas għal xogħol imħallas bl-imqietgħa u xogħol bix-shift, allowances, kumpens, tipps u flus mogħtija meta wieħed ikun ser jitlaq mill-impjieg, kummissjoni u remunerazzjoni mhux bi flus.

Din id-definizzjoni ta’ impjegati tkopri kemm ħaddiema manwali u mhux manwali u anki persunal tat-tmexxija fis-settur privat u f’dak pubbliku f’attivitajiet ekonomiċi kklassifikati fis- ►M2  Taqsimiet B-N u P-S ta’ NACE Rev. 2 ◄ f’intrapriżi li għandhom ta’ l-anqas 10 impjegati ( 3 ).

Il-lista li ġejja tagħti eżempji ċari ta’ kategoriji ta’ impjegati li huma inklużi:

Il-kategoriji li ġejjin għandhom jiġu esklużi:

Referenza ESA 95: 11.12 sa 11.14

A.1   It-total ta’ impjegati

Dan il-varjabbli jkopri impjegati full-time (A.11), impjegati part-time (A.12) u apprendisti (A.13)

Referenza SBS: kodiċi 16130 (numru ta’ impjegati)

A.11   Impjegati full-time (esklużi l-apprendisti)

Dan ikopri l-impjegati (esklużi l-apprendisti) li jaħdmu n-numru ta’ sigħat miftiehma kollettivament jew is-sigħat skond il-konswetudni fl-intrapriża jew il-fergħa lokali, anke jekk il-kuntratt tagħhom hu ta’ anqas minn sena. In-numru ta’ impjegati meħtieġa huwa l-medja tan-numru ta’ impjegati full-time ta’ kull xahar li jaħdmu fil-fergħa li qed tagħmel ir-rapport matul is-sena ta’ referenza.

A.12   Impjegati part-time (esklużi l-apprendisti)

Dan ikopri l-impjegati (esklużi l-apprendisti) li jaħdmu anqas min-numru ta’ sigħat miftiehma kollettivament jew is-sigħat skond il-konswetudni fl-intrapriża jew il-fergħa lokali, sew jekk ta’ kull jum, ta’ kull ġimgħa jew ta’ kull xahar (nofs ta’ nhar, tliet kwarti ta’ jum, erbgħa minn ħames partijiet ta’ ġurnata, eċċ.) In-numru ta’ impjegati meħtieġa huwa l-medja tan-numru ta’ impjegati part-time ta’ kull xahar li jaħdmu fil-fergħa li qed tagħmel ir-rapport matul is-sena ta’ referenza.

A.121   Imjegati part-time mibdula f’unitajiet full-time

Din il-bidla trid titwettaq jew direttament mill-intrapriżi jew fergħat lokali li qed jagħmlu dħul jew mill-aġenzija tal-ġbir / mill-istitut nazzjonali ta’ l-istatistika skond in-numru normali ta’ sigħat ta’ xogħol ta’ l-impjegati full-time f’din l-intrapriża / fergħa lokali, billi jużaw il-metodu li jaħsbu li hu l-aktar adattat. In-numru ta’ impjegati meħtieġa huwa l-medja tan-numru ta’ impjegati part-time ta’ kull xahar (mibdula f’unitajiet full-time) li jaħdmu fil-fergħa li qed tagħmel ir-rapport matul is-sena ta’ referenza.

Referenza ESA 95: 11.32 sa 11.34

A.13   Apprendisti

Dan ikopri l-impjegati kollha, full-time jew part-time, li għadhom ma jiħdux sehem b’mod sħiħ fil-proċess tal-produzzjoni u li jaħdmu jew b’kuntratt ta’ apprendistat jew f’sitwazzjoni fejn it-taħriġ vokazzjonali jingħata aktar importanza mill-produttività. In-numru ta’ apprendisti meħtieġa huwa l-medja tan-numru ta’ apprendisti ta’ kull xahar impjegati fil-fergħa li qed tagħmel ir-rapport matul is-sena ta’ referenza.

A.131   Apprendisti part-time mibdula f’unitajiet full-time

Din il-bidla trid titwettaq jew direttament mill-intrapriża jew fergħa lokali li qed jagħmlu dħul jew mill-aġenzija tal-ġbir / mill-istitut nazzjonali ta’ l-istatistika, billi jużaw il-metodu li jaħsbu li hu l-aktar xieraq. Is-sigħat li jitqattgħu f’taħriġ jew fl-intrapriża / fil-fergħa lokali jew fi stabbilimenti ta’ l-edukazzjoni għandhom jiġu esklużi. In-numru ta’ apprendisti meħtieġa huwa l-medja tan-numru ta’ apprendisti part-time ta’ kull xahar (mibdula f’unitajiet full-time) impjegati fil-fergħa li qed tagħmel ir-rapport matul is-sena ta’ referenza ( 6 ).

Referenzi ESA 95: 11.32 sa 11.34; SBS: kodiċi 16140 (A.11 + A.121 + A.131 jikkorrispondi għall-varjabbli SBS “numru ta’ impjegati f’unitajiet full-time”)

B.   SIGĦAT ATTWALMENT MAĦDUMA

L-istatistika tkopri t-total tas-sigħat maħduma mill-impjegati kollha matul is-sena3. It-total tas-sigħat attwalment maħduma (B.1) huwa ddokumentat b’mod separat għall-impjegati full-time (B.11), għall-impjegati part-time (B.12) u għall-apprendisti (B.13).

Is-sigħat attwalment maħduma huma definiti bħala s-somma tal-perjodi kollha mgħoddija fuq attivitajiet diretti u anċillari biex jiġu prodotti oġġetti u servizzi.

Is-sigħat attwalment maħduma jinkludu:

Madankollu, is-sigħat attwalment maħduma jeskludu dawn li ġejjin:

Referenzi ESA 95: 11.26 sa 11.29; SBS: kodiċi 16150 (numru ta’ sigħat maħduma mill-impjegati)

C.   SIGĦAT IMĦALLSA

Dan il-varjabbli jkopri n-numri totali ta’ sigħat imħallsa matul is-sena. In-numru totali ta’ sigħat imħallsa (C.1) huwa ddokumentat b’mod separat għall-impjegati full-time (C.11), għall-impjegati part-time (C.12) u għall-apprendisti (C.13).

In-numru annwali ta’ sigħat imħallsa huwa definit kif ġej:

Il-kalkolu ta’ sigħat attwalment maħduma fis-sena u s-sigħat imħallsa fis-sena

Dawn il-kalkoli għandhom jitwettqu jew direttament mill-intrapriżi jew mill-fergħat lokali li qed jagħmlu dħul jew mill-aġenziji tal-ġbir / istituti nazzjonali ta’ l-istatistika, billi jużaw il-metodu li jaħsbu li hu l-aktar xieraq. Il-mudelli li ġejjin juru kif jistgħu jiġu stmati s-sigħat attwalment maħduma u s-sigħat imħallsa, billi tintuża informazzjoni li hija disponibbli.

Sigħat attwalment maħduma kull sena għall-impjegati full-time (B.11)

Assumi li l-informazzjoni għall-varjabbli elenkati hawn isfel hija disponibbli:

(A.11)

Il-medja ta’ kull xahar ta’ impjegati full-time

(a)	Medja annwali tas-sigħat kuntrattwali normali ta’ impjegat full-time, eskluża s-sahra u l-waqfiet prinċipali għall-ikel

(b)	Medja annwali tas-sahra (kemm bi ħlas u kemm mingħajr ħlas) ta’ impjegat full-time

(c)	Medja tas-sigħat kuntrattwali ta’ kull jum flimkien mas-sahra maħduma minn impjegat full-time, esklużi l-waqfiet prinċipali għall-ikel

(d)	Medja annwali ta’ ġranet ta’ btajjel / vaganzi għal kull impjegat full-time, mogħtija minn min iħaddem

(e)	Medja annwali tal-ġranet ta’ festi pubbliċi uffiċjali għal kull impjegat full-time

(f)	Medja annwali tal-ġranet ta’ mard u leave tal-maternità għal kull impjegat full-time

(g)	Medja annwali ta’ ġranet qosra ta’ xogħol u kwistjonijiet marbuta ma’ l-impjieg għal kull impjegat full-time

(h)	Medja annwali ta’ ġranet oħra mhux attwalment maħduma għal kull impjegat full-time (per eżempju leave speċjali għal eżaminazzjonijiet mediċi, twelid, żwieġ, funerali, ġarr għal dar ġdida, wara xi inċident, eċċ).

In-numru totali annwali ta’ sigħat maħduma minn impjegati full-time (qabel il-korrezzjonijiet għal ġranet mhux attwalment maħduma) jirriżulta li huwa (A.11) * (a + b). Jekk wieħed inaqqas in-numru totali annwali ta’ sigħat mhux attwalment maħduma li huwa definit minn (A.11) * c * (d + e + f + g + h) wieħed jikseb (B.11), it-total annwali ta’ sigħat attwalment maħduma minn impjegati full-time:

(B.11) = (A.11) * [(a + b) - c (d + e + f + g + h)].

Sigħat maħduma attwalment kull sena għall-impjegati part-time (B.12) u għall-apprendisti (B.13)

Mudelli simili jistgħu jintużaw għall-kalkolu ta’ sigħat maħduma minn impjegati part-time u minn apprendisti.

Sigħat imħallsa fis-sena għall-impjegati full-time (C.11)

Fejn hemm informazzjoni disponibbli għall-varjabbli elenkati hawn isfel

(A.11)

Il-medja ta’ kull xahar ta’ impjegati full-time

(a1)	Il-medja annwali ta’ sigħat imħallsa skond il-kuntratt ta’ impjegat full-time, eskluża s-sahra u l-waqfiet prinċipali għall-ikel

(b1)	Il-medja annwali ta’ sigħat ta’ sahra mħallsa ta’ impjegat full-time

in-numru totali annwali ta’ sigħat imħallsa għall-impjegati full-time huwa mogħti permezz ta’ din l-ekwazzjoni

(C.11) = (A.11) * (a1 + b1).

Sigħat imħallsa fis-sena għall-impjegati part-time (C.12) u għall-apprendisti (C.13)

Jistgħu jintużaw mudelli simili għall-kalkolu ta’ sigħat imħallsa għall-impjegati part-time u għall-apprendisti.

D.   SPEJJEŻ TAX-XOGĦOL

L-ispejjeż tax-xogħol ifissru l-infiq totali li jġorr min iħaddem sabiex jimpjega l-ħaddiema, kunċett li ġie adottat fl-istruttura tal-Komunità u li jaqbel b’mod ġenerali mad-definizzjoni internazzjonali tal-Konferenza Internazzjonali ta’ l-Istudjużi ta’ l-Istatistika dwar ix-Xogħol (Ġinevra, 1966). L-ispejjeż tax-xogħol jinkludu l-kumpens ta’ l-impjegati (D.1) b’pagi u salarji bil-flus jew mhux bil-flus u l-kontribuzzjonijiet soċjali ta’ min iħaddem, l-ispejjeż tat-taħriġ vokazzjonali (D.2), infiq ieħor (D.3), taxxi dwar l-impjieg ikkunsidrati bħala spejjeż tax-xogħol (D.4), nieqes kull sussidju riċevut (D.5). L-ispejjeż ta’ persuni impjegati minn aġenziji ta’ l-impjieg temporanju għandhom jiġu inklużi fl-industrija ta’ l-aġenzija li timpjegahom ( ►M2  NACE Rev. 2, 78.20 ◄ ) u mhux fl-industrija ta’ l-intrapriża li għaliha attwalment jaħdmu.

Ħarsa ħafifa lejn analiżi ta’ l-ispejjeż totali tax-xogħol maqsuma f’komponenti hija pprovduta fil-Figuri 1 sa 3 fl-Anness I.

D.1   Il-kumpens ta’ l-impjegati

Id-definizzjoni tal-kumpens ta’ l-impjegati hija r-remunerazzjoni totali, bil-flus jew mhux bil-flus, imħallsa minn min iħaddem lill-impjegat għal xogħol magħmul minn dan ta’ l-aħħar matul il-perjodu ta’ referenza. Din tinqasam kif ġej:

Referenzi ESA 95: 4.02 (kodiċi D.1), SBS: kodiċi 13310 (l-ispejjeż tal-persunal)

D.11   Pagi u salarji

Il-pagi u s-salarji jinkludu bonuses, ħlas għal xogħol imħallas bl-imqietgħa u għal xogħol bix-shift, allowances, kumpens, tipps u flus mogħtija meta wieħed ikun ser jitlaq mix-xogħol, kummissjoni u remunerazzjoni b’oġġetti. Dawn huma ddokumentati fil-perjodu li matulu jsir ix-xogħol. Madankollu, bonuses ad hoc jew pagamenti eċċezzjonali oħra (paga tat-13-il xahar, arretrati ta’ paga mħallsa b’1ura, eċċ.) jiġu ddokumentati meta jiġu biex jitħallsu.

Analiżi sħiħa ta’ pagi u salarji maqsuma f’komponenti hija pprovduta fil-Figura 2 fl-Anness I.

Referenzi ESA 95: 4.03 sa 4.07 u 4.12(a) (kodiċi D.11); SBS: kodiċi 13320 (pagi u salarji)

D.111   Pagi u salarji (esklużi l-apprendisti)

D.1111   Ħlas dirett, bonuses u allowances

Ħlas dirett, bonuses u allowances jinkludu l-valuri ta’ kull kontribuzzjoni soċjali, taxxi fuq id-dħul, eċċ., li jitħallsu mill-impjegat anke jekk dawn attwalment jinżammu minn min iħaddem u jitħallsu direttament fi skemi ta’ sigurtà soċjali, lill-awtoritajiet tat-taxxa, eċċ. f’isem l-impjegat.

Bonus huwa forma ta’ premju jew rikonoxximent mogħti minn min iħaddem. Meta impjegat jirċievi ħlas bonus, m’hemm l-ebda stennija jew suppożizzjoni li l-bonus ser jintuża biex ikopri xi spiża speċifika. Il-valur u ż-żmien ta’ ħlas bonus jistgħu jiġu deċiżi skond kif jidhirlu min iħaddem jew jistgħu jiġu stipulati fi ftehimiet fuq il-post tax-xogħol.

Allowance huwa dritt mogħti minn min iħaddem lill-impjegat u huwa maħsub biex ikopri spiża speċifika, mhux relatata max-xogħol, li tkun intnefqet mill-impjegat. Ħafna drabi dan ikun stipulat fi ftehimiet fuq il-post tax-xogħol u normalment jitħallas fiż-żmien li wieħed ikun intitulat għalih.

D.11111   Ħlas dirett, bonuses u allowances imħallsa f’kull perjodu ta’ paga

Dan ifisser remunerazzjoni fil-forma ta’ pagament regolari bi flus imħallsa regolarment f’kull perjodu ta’ paga matul is-sena. Għal ħafna mill-impjegati, il-perjodu ta’ paga huwa ta’ kull ġimgħa jew ta’ kull xahar. Għalhekk, pagamenti rċevuti b’mod anqas frekwenti (kull xahar fil-każ ta’ pagamenti regolari ta’ kull ġimgħa, kull tliet xhur, kull sitt xhur, kull sena) jew fuq bażi ad hoc m’għandhomx jiġu inklużi hawnhekk. Pagamenti fi skemi tifdil għall-impjegati għandhom jiġu esklużi hawn u għandhom jiġu inklużi taħt D.1112.

B’mod speċifiku, il-varjabbli jirreferi għal:

Aktar eżempji ta’ kategoriji ta’ paga li għandhom jiġu inklużi hawnhekk huma pprovduti fl-Appendiċi ma’ l-Anness II.

Il-varjabbli D.11111 jirreferi għal ammonti totali qabel it-tnaqqis tat-taxxi u tal-kontribuzzjonijiet tas-sigurtà soċjali li jitħallsu mill-impjegati.

D.11112   Ħlas dirett, bonuses u allowances mhux imħallsa f’kull perjodu ta’ paga

Il-pagamenti kollha lill-impjegati li mhumiex imħallsa regolarment f’kull perjodu ta’ paga (ta’ kull ġimgħa jew ta’ kull xahar). Dawn jinkludu bonuses u allowances imħallsa f’perjodi fissi (per eżempju mħallsa kull xahar fejn il-pagamenti regolari jkunu mħallsa darba fil-ġimgħa, jew imħallsa kull tliet xhur, kull sitt xhur jew kull sena), u bonuses marbuta ma’ rendiment individwali jew kollettiv. Pagamenti eċċezzjonali lill-impjegati li jħallu l-intrapriża huma inklużi hawnhekk, bil-kondizzjoni li dawn il-pagamenti ma jkunux marbuta ma’ ftehim kollettiv. Jekk ma tkun teżisti l-ebda informazzjoni dwar rabta possibbli ma’ ftehim kollettiv jew jekk ikun magħruf li teżisti tali rabta, il-pagamenti eċċezzjonali għal-leave huma hawnhekk esklużi u għandhom jiġu inklużi taħt D.1223. Pagamenti għal skemi ta’ tifdil għall-impjegati huma esklużi wkoll u koperti minn D.1112.

Eżempji ta’ kategoriji ta’ paga li jagħmlu parti minn D.11112 huma elenkati fl-Appendiċi ma’ l-Anness II.

Bl-istess mod il-varjabbli D.11112 jirreferi għall-ammonti totali qabel it-tnaqqis tat-taxxi u tal-kontribuzzjonijiet tas-sigurtà soċjali li jitħallsu mill-impjegati.

D.1112   Pagamenti għal skemi ta’ tifdil għall-impjegati

Dan jirreferi għal somom imħallsa fi skemi ta’ tifdil għall-impjegati (bħalma huma skemi ta’ tifdil tal-kumpanija).

Referenza ESA 95: 4.03(i)

D.1113   Ħlas għal ġranet mhux maħduma

Remunerazzjoni mħallsa għal-leave statutorju, kuntrattwali jew mogħti volontarjament u għall-festi pubbliċi jew ġranet oħra mħallsa iżda mhux maħduma. L-Appendiċi ma’ l-Anness II jipprovdi eżempji.

D.1114   Pagi u salarji mhux bi flus

Dan il-varjabbli jirreferi għal stima tal-valur ta’ l-oġġetti u s-servizzi kollha li jingħataw lill-impjegati mill-intrapriża jew mill-fergħa lokali. Dan jinkludi prodotti tal-kumpanija, akkomodazzjoni għall-impjegati, karozzi tal-kumpanija, skemi ta’ għażla ta’ -xiri ta’ stokks u ta’ ishma. Jekk tkun disponibbli l-informazzjoni dwar it-taxxa tad-dħul personali fuq pagi u salarji mhux bil-flus, din tista’ tintuża bħala prokura.

L-Appendiċi ma’ l-Anness II jagħti eżempji ta’ pagi u salarji mhux bil-flus.

Referenza ESA 95: 4.04, 4.05, 4.06 (kodiċi D.11)

D.11141   Prodotti tal-kumpanija

Dawn huma pprovduti b’xejn għall-użu privat jew jinbiegħu lill-impjegati bi prezz anqas milli jiswew lill-intrapriża. Per eżempju, ikel u xorb (esklużi l-infiq f’canteens u vouchers ta’ l-ikel), faħam, gass, dawl, karburanti, sistemi tat-tisħin, żraben u ħwejjeġ (eskluż l-ilbies tax-xogħol), micro-computers, eċċ.

Għandu jiddaħħal il-prezz nett għall-intrapriża, jiġifieri kemm jiswew il-prodotti pprovduti b’xejn jew id-differenza bejn kemm jiswew dawn il-prodotti u l-prezz li bih jinbiegħu lill-impjegati. Pagamenti bħala kumpens jew benefiċċji f’oġġetti li ma jittieħdux iridu jiddaħħlu wkoll.

D.11142   Akkomodazzjoni għall-impjegati

Dan jirreferi għall-infiq ta’ l-intrapriża fl-għajnuna ta’ akkomodazzjoni għall-impjegati, inklużi: infiq fuq akkomodazzjoni ta’ l-intrapriża (infiq fuq il-manutenzjoni u l-amministrazzjoni ta’ l-akkomodazzjoni, u t-taxxa u l-assigurazzjoni relatati ma’ l-akkomodazzjoni) u self b’rata baxxa ta’ mgħax għall-kostruzzjoni jew għax-xiri ta’ akkomodazzjoni mill-impjegati (id-differenza bejn ir-rata ta’ mgħax fuq is-suq u r-rata għall-impjegati), allowances u sussidji mogħtija lill-impjegati għall-akkomodazzjoni, u l-installazzjoni, imma esklużi l-allowances għall-ġarr.

D.11143   Karozzi tal-kumpanija

Karozzi tal-kumpanija, jew l-ispiża lill-intrapriża ta’ karozzi tal-kumpanija mogħtija lill-impjegati għall-użu privat tagħhom. Dan għandu jinkludi l-ispejjeż netti tal-manteniment li jintnefqu mill-intrapriża (il-prezz annwali tal-kiri u l-pagamenti ta’ l-interessi – id-deprezzament, l-assigurazzjoni, il-manutenzjoni u t-tiswijiet u l-ipparkjar). Dan m’għandux jinkludi l-infiq kapitali involut għax-xiri tal-vetturi jew xi dħul li jirriżulta mill-bejgħ tagħhom.

L-istimi għandhom jinħadmu skond l-informazzjoni disponibbli fl-intrapriżi, per eżempju d-dokumentazzjoni tal-grupp tal-vetturi ta’ dan it-tip, l-istima tal-prezz medju għal kull vettura, u l-istima tal-proporzjon attribwibbli għall-użu privat tal-vettura mill-impjegat.

D.11144   Skemi ta’ għażla ta’ xiri ta’stokks u ta’ ishma

Din il-varjabbli mhux obbligatorja tirreferi għall-forom kollha ta’ pagamenti mhux fi flus li huma marbuta ma’ kumpens ibbażat fuq ishma. L-għażla ta’xiri ta’ stokks, skemi ta’ xiri ta’ ishma u strumenti oħra azzjonarji li possibilment jevolvu fil-futur jagħmlu parti minn din il-kategorija. Karatteristika tipika ta’ dawn l-istrumenti hija li huma equity-settled, jiġifieri li dawn jirrappreżentaw trasferiment ta’ strumenti azzjonarji mill-intrapriża / fergħa lokali lill-impjegat. Il-forom ta’ kumpens koperti minn D11144 huma identiċi għal dawk koperti mit-titolu “Tranżazzjonijiet ta’ pagament ibbażat fuq ishma equity-settled” ta’ l-Istandard 2 tar-Rapportar Finanzjarju Internazzjonali “Pagament ibbażat fuq ishma”.

Skemi ta’ xiri ta’ ishma tipikament jittrasferixxu ishma mill-intrapriża li tħaddem lill-impjegati għal għand l-impjegati nfushom. It-trasferiment isir fil-preżent (id-data ta’ l-għotja) u huwa bbażat fuq prezz aktar baxx mill-prezz tas-suq tal-lum (strike price). L-ispejjeż għall-intrapriża huma ekwivalenti għall-multiplikazzjoni ta’ l-ammont ta’ ishma mad-differenza bejn il-prezz tas-suq u l-“strike price”.

Skemi ta’ għażla ta’ xiri ta’ stokks tipikament jittrasferixxu d-dritt li jinxtraw l-ishma ta’ l-intrapriża li tħaddem lill-impjegati mhux qabel żmien definit sew fil-futur (vesting date) għal “strike price” favorevoli diġà ffissat fil-preżent (id-data ta’ l-għotja). L-impjegati jagħmlu użu minn dan id-dritt biss jekk il-prezz tas-suq fil-vesting date jew warajha jaqbeż l-“strike price”. L-ispejjeż għall-intrapriża huma għal darb’oħra ekwivalenti għall-multiplikazzjoni ta’ l-ammont ta’ ishma mad-differenza bejn il-prezz tas-suq u l-“strike price”. Kemm fl-istatistika u kemm fil-kontabilità ta’ l-ispejjeż tax-xogħol, l-ispejjeż huma assenjati u mqassma matul il-“vesting period”, li huwa l-perjodu bejn id-data ta’ l-għotja u l-vesting date. Dawn il-valuri ma jkunux magħrufa fiċ-ċert matul il-vesting period u għalhekk għandhassir stima tagħhom.

Stima tal-varjabbli D.11144 għas-sena tar-referenza tista’ idealment tintlaħaq bl-għajnuna tal-linji ta’ gwida mill-Istandard 2 tar-Rapportar Finanzjarju Internazzjonali, “Pagament ibbażat fuq l-ishma”. Jekk din l-istima ma tkunx disponibbli, jistgħu jittieħdu valuri skond l-istandards tal-kontabilità jew skond ir-regolament tat-taxxa ta’ l-Istat Membru, bil-kondizzjoni li dawn ikopru l-istrumenti ta’ l-investiment ta’ D.11144 u jirreferu għall-perjodu tar-referenza tas-Servej ta’ l-Ispiża tax-xogħol.

Pagamenti li jsiru biex jitwaqqaf fond speċjali għax-xiri ta’ ishma tal-kumpanija għall-impjegati, anke jekk dawn ma jkollhomx aċċess immedjat għal dawn l-assi, irid jitnaqqsilhom l-ammont ta’ kwalunkwe eżenzjoni ta’ taxxa li tista’ tapplika għalihom. Kumpens ibbażat fuq ishma u saldat bil-flus bħalma huma drittijiet ta’ stock-appreciation m’humiex koperti mill-varjabbli D.11144, imma minn D.11112.

D.11145   Oħrajn

Dan ikopri b’mod partikolari benefiċċji indiretti li jitħallsu minn min iħaddem:

Dan l-infiq kollu jinkludi tiswijiet żgħar u manutenzjoni regolari ta’ bini u installazzjonijiet użati għas-servizzi u l-faċilitajiet soċjali, kulturali jew għall-ħin liberu kif elenkati hawn fuq. Salarji u pagi mħallsa mill-intrapriża direttament lill-impjegati li jaħdmu f’dawn is-servizzi u faċilitajiet mhumiex imdaħħla taħt it-titolu tal-varjabbli D.11145.

D.112   Pagi u salarji ta’ l-apprendisti

Ara D.11.

D.12   Il-kontribzzjonijiet soċjali ta’ min iħaddem

Din il-varjabbli tirreferi għal ammont ugwali għall-valur tal-kontribuzzjonijiet soċjali li ntnefqu minn min iħaddem sabiex jiżguraw li l-impjegati tagħhom ikunu intitolati għall-vantaġġi soċjali. Il-kontribuzzjonijiet soċjali ta’ min iħaddem jistgħu jkunu jew attwali jew attribwiti.

Analiżi sħiħa tal-kontribuzzjonijiet soċjali ta’ min iħaddem għal kull komponent hija pprovduta fil-Figura 3 fl-Anness I.

Referenzi ESA 95: 4.08 (kodiċi D.12); SBS: kodiċi 13330 (spejjeż tas-sigurtà soċjali)

D.121   Il-kontribuzzjonijiet soċjali attwalment imħallsa minn min iħaddem (esklużi l-apprendisti)

Dawn huma l-pagamenti magħmula minn min iħaddem għall-benefiċċju ta’ l-impjegati tagħhom lill-assiguraturi (fondi tas-sigurtà soċjali u skemi privati bħal skemi ta’ pensjoni okkupazzjonali). Dawn il-pagamenti jkopru l-kontribuzzjonijiet statutorji, konvenzjonali, kuntrattwali u volontarji fir-rigward tas-sigurtà kontra riskji jew bżonnijiet soċjali. Il-kontribuzzjonijiet soċjali attwalment imħallsa minn min iħaddem huma ddokumentati matul il-perjodu li fih isir ix-xogħol.

L-Appendiċi ma’ l-Anness II jipprovdi xi eżempji.

Referenza ESA 95: 4.09 (kodiċi D.121) u 4.12(b)

D.1211   Kontribuzzjonijiet statutorji tas-sigurtà soċjali

Il-kontribuzzjonijiet imħallsa lill-istituzzjonijiet tas-sigurtà soċjali li jitħallsu minn min iħaddem u li saru obbligatorjibil-liġi. Is-somom ta’ dawn il-kontribuzzjonijiet għandhom jiġu ddokumentati netti minn kull sussidju. Dawn jinkludu:

D.1212   Kontribuzzjonijiet ta’sigurtà soċjali kuntrattwali, volontarji jew bi ftehim kollettiv mħallsa minn min iħaddem

Dawn huma kollha kontribuzzjonijiet imħallsa minn min iħaddem fi skemi ta’sigurtà soċjali li huma supplementari għal dawk obbligatorji bil-liġi. Għandhom jitqiesu eżenzjonijiet mit-taxxa li jistgħu japplikaw. Dawn jinkludu:

D.122   Il-kontribuzzjonijiet soċjali attribwiti ta’ min iħaddem (esklużi l-apprendisti)

Il-kontribuzzjonijiet soċjali attribwiti ta’ min iħaddem huma neċessarji sabiex wieħed jikseb kejl sħiħ ta’ l-ispejjeż tax-xogħol fiż-żmien li fih isir ix-xogħol. Dawn jirrappreżentaw il-kontroparti tal-benefiċċji soċjali mħallsa li jistgħu jiġu osservati u li mhumiex iffinanzjati.

Benefiċċji soċjali mhux iffinanzjati jitħallsu direttament minn min iħaddem lill-impjegati tagħhom jew lill-impjegati preċedenti tagħhom u lill-persuni oħra eliġibbli mingħajr rabtiet ma’ fond tas-sigurtà soċjali, intrapriża ta’ l-assigurazzjoni jew fond awtonomu tal-pensjoni, u mingħajr it-twaqqif ta’ fond speċjali jew riżerva għaliha għal dan il-għan. Minflok, il-benefiċċji jitħallsu mill-istess riżorsi ta’ min iħaddem u li joperaw skemi li mhux iffinanzjati. Il-fatt li ċerti benefiċċji soċjali jitħallsu direttament minn min iħaddem, u mhux permezz ta’ fondi tas-sigurtà soċjali jew assiguraturi oħra, ma jaffettwalhomx in-natura tagħhom ta’ benefiċċji soċjali. D.122 tista’ tkun partikolarment relevanti meta min iħaddem ma jkunx produttur tas-suq (mis-settur tal-gvern).

L-ammont ta’ D.122 huwa ddeterminat b’referenza għall-obbligazzjonijiet futuri ta’ min iħaddem li jipprovdi benefiċċji soċjali. Is-sors ideali biex ikun ikkalkulat id-D.122 għal min iħaddem u jopera skemi ta’ assigurazzjoni soċjali li mhumiex iffinanzjati, huwa li jkun hemm stimi bbażati fuq konsiderazzjonijiet attwarjali. Jekk dawn il-konsiderazzjonijiet attwarjali ma jkunux disponibbli, għandhom jiġu applikati metodi oħra ta’ stima. Ċerti pajjiżi, per eżempju, bħala stima għal D. 122 jużaw il-benefiċċji soċjali mħallsa li jistgħu jiġu osservati u li mhumiex iffinanzjati, u minnhom inaqqsu l-kontribuzzjonijiet soċjali eventwali ta’ min iħaddem.

Il-varjabbli D.122 tinkludi b’mod partikolari l-kontribuzzjonijiet soċjali ta’ min iħaddem attribwiti għall-pensjonijiet u għall-kura tas-saħħa. Dan jinkludi wkoll ammont ta’ l-istess valur tal-pagi u s-salarji li min iħaddem ikompli jħallas temporanjament fil-każ ta’ mard, maternità, korriment industrijali, diżabilità, telfien tax-xogħol, eċċ. ta’ l-impjegati tiegħu, jekk dan l-ammont ikun jista’ jiġi separat.

Jingħataw eżempji fl-Appendiċi ta’ l-Anness II.

Referenza ESA 95: 4.10 (kodiċi D.122) u 4.12(c)

D.1221   Ħlas garantit f’każ ta’ mard

Din il-varjabbli tkopri l-ammonti mħallsa direttament minn min iħaddem lill-impjegati biex jibqgħu jitħallsu f’każ ta’ mard, maternità jew inċident waqt ix-xogħol bħala kumpens għat-telf ta’qligħ, bit-tnaqqis ta’ rimborżi mħallsa minn istituzzjonijiet tas-sigurtà soċjali.

D.1222   Il-kontribuzzjonijiet soċjali għall-pensjonijiet u għall-kura tas-saħħa li huma responsabilità ta’ min iħaddem

Dan il-komponent ta’ D.122 ikopri pagamenti attribwiti lil skemi ta’ pensjoni u kura tas-saħħa mhux iffinanzjati, b’mod partikolari fis-settur tal-gvern. F’ċerti pajjiżi Ewropej, min iħaddem fis-settur ġenerali tal-gvern jopera skemi ta’ pensjoni mhux iffinanzjati jew għall-impjegati kollha jew għall-gruppi speċifiċi (“l-uffiċjali”). F’dawn il-każijiet, min iħaddem ma joħloqx riżervi speċjali jew jakkumula assi biex iħallas pensjonijiet futuri. Għal dawn l-impjegati, għandhom jiġu kkunsidrati l-pagamenti attribwiti ta’ min iħaddem lil skemi ta’ pensjoni u ta’ kura tas-saħħa.

D.1223   Pagamenti lill-impjegati li jitilqu l-intrapriża

Dan il-komponent jirrappreżenta somom attwalment imħallsa lill-impjegati mkeċċija (ħlas u kumpens għall-qtugħ minflok avviż) jekk dawn il-pagamenti jkunu marbuta ma’ ftehim kollettiv jew jekk l-eżistenza ta’ rabta bħal din ma tkunx magħrufa. Pagamenti mhux marbuta ma’ ftehim kollettiv huma inklużi taħt D.11112.

Pagamenti magħmula lill-ħaddiema meta dawn jirtiraw, per eżempju bħala parti mid-dritt tal-pensjoni tagħhom, m’għandhomx jiġu inklużi taħt D.1223.

D.1224   Kontribuzzjonijiet soċjali oħra attribwiti

Dan il-punt jirreferi għall-kontribuzzjonijiet soċjali attribwiti l-oħra kollha ta’ min iħaddem li mhumiex imsemmija xi mkien ieħor, bħalma huma l-għotjiet għal studju lill-impjegati u l-familji tagħhom jew ħlas garantit fil-każ ta’ ġranet qosra ta’ xogħol. Dan ta’ l-aħħar huwa definit bħala pagament dirett ta’ min iħaddem lill-impjegati biex jinżamm il-ħlas fil-każ ta’ ġranet qosra ta’ xogħol bit-tnaqqis ta’ kwalunkwe rimborż imħallas minn istituzzjonijiet tas-sigurtà soċjali lil min iħaddem.

D.123   Il-kontribuzzjonijiet soċjali mħallsa minn min iħaddem għall-apprendisti

Din il-varjabbli hija s-somma tal-kontribuzzjonijiet attwalment imħallsa u kull kontribuzzjoni attribwita għall-apprendisti. Il-kontribuzzonijiet soċjali attribwiti għall-apprendisti, jekk ikun hemm, normalment ikunu żgħar ħafna.

Referenza ESA 95: 4.09 (kodiċi D.121), 4.10 (kodiċi D.122) u 4.12(b)

D.2   L-ispejjeż tat-taħriġ vokazzjonali mħallsa minn min iħaddem

Dawn jinkludu: l-infiq fuq servizzi u faċilitajiet għal taħriġ vokazzjonali (ukoll dawk għall-apprendisti imma mhux il-pagi u s-salarji tagħhom), tiswijiet żgħar u manutenzjoni ta’ bini u installazzjonijiet, esklużi l-ispejjeż ta’ l-impjegati; l-infiq fuq il-parteċipazzjoni f’korsijiet; il-ħlas ta’ esperti li ġejjin minn barra l-intrapriża; l-infiq fuq affarijiet għall-għajnuna tat-tagħlim u għodda għat-taħriġ; ammonti mħallsa mill-intrapriża lill-għaqdiet ta’ taħriġ vokazzjonali, eċċ. Sussidji marbutin mat-taħriġ vokazzjonali għandhom jitnaqqsu.

Referenza ESA 95: Il-konsum intermedjarju

D.3   Infiq ieħor imħallas minn min iħaddem

Dan jinkludi b’mod patikolari:

L-Appendiċi għall-Anness II jipprovdi eżempji.

Referenza ESA 95: Il-konsum intermedjarju

D.4   Taxxi mħallsa minn min iħaddem

Dan il-varjabbli jkopri t-taxxi kollha bbażati fuq il-kont tal-pagi u s-salarji jew fuq l-impjieg. Dawn it-taxxi jitqiesu bħala spejjeż tax-xogħol.

Il-varjabbli D4 ukoll ikopri taxxi ta’ piena li f’ċerti pajjiżi Ewropej jridu jitħallsu minn min iħaddem bħala konsegwenza talli jħaddmu ftit wisq persuni bi bżonnijiet speċjali, u taxxi jew ħlasijiet simili.

Referenza ESA 95: 4.23(c) (kodiċi D.29)

D.5   Sussidji li jirċievi min iħaddem

Dawn huma kollha somom li jkunu waslu fil-forma ta’ sussidji ta’ natura ġenerali maħsuba bħalaħlas lura għall-ispiża ta’ remunerazzjoni diretta fl-intier jew f’parti minnha, iżda mhux maħsuba biex ikopru spejjeż tas-sigurtà soċjali jew ta’ taħriġ vokazzjonali. Dawn ma jinkludux ħlas imħallas lura lil min iħaddem minn instituzzjonijiet tas-sigurtà soċjali jew minn fondi supplementari ta’ l-assigurazzjoni.

Referenza ESA 95: 4.37(a) (kodiċi D.39)

---

Appendiċi ma’ l-Anness II

Eżempji ċari għall-klassifikazzjoni ta’ ċerti kategoriji ta’ l-ispejjeż tax-xogħol

D.11111:   Ħlas dirett, bonuses u allowances imħallsa f’kull perjodu ta’ paga

Pagamenti li jaqgħu taħt il-kategorija ta’ l-ispejjeż tax-xogħol D.11111 għandhom il-karatteristiċi li ġejjin:

D.11112:   Ħlas dirett, bonuses u allowances mhux imħallsa f’kull perjodu ta’ paga

Pagamenti li jaqgħu taħt il-kategorija ta’ l-ispejjeż tax-xogħol D.11112 għandhom il-karatteristiċi li ġejjin:

D.1113:   Ħlas għal ġranet mhux maħduma

D.1114:   Pagi u salarji mhux biflus u l-komponenti tagħhom

D.121:   Il-kontribuzzjonijiet soċjali attwali ta’ min iħaddem

D.122:   Il-kontribuzzjonijiet soċjali attribwiti ta’ min iħaddem

D.2:   Taħriġ vokazzjonali mħallas minn min iħaddem

D.3:   Infiq ieħor minn min iħaddem

---

ANNESS III

IT-TRASMISSJONI TAD-DATA INKLUŻA ANALIŻI SKOND L-ATTIVITÀ EKONOMIKA, ID-DAQS TAL-KLASSIJIET TA’ L-INTRAPRIŻA U L-PAJJIŻ JEW IR-REĠJUN

Iridu jingħataw tliet files, li jikkorrispondu għat-Tabelli A, B u C:

It-Tabella C mhix neċessarja għal dawk il-pajjiżi fejn NUTS 1 jikkorrispondi mal-livell nazzjonali. Għall-parti sekondarja ta’ varjabbli elenkati fl-Anness I, hija neċessarja biss it-tabella A. Dawn il-varjabbli huma mmarkati fl-Anness I.

Identifikazzjoni ta’ rekord

Ir-rekords huma mqassmin skond sekwenza ta’ identifikazzjoni li għandha l-kategoriji li ġejjin:

Il-kodiċi tat-trasmissjoni għall-

huma stabbiliti minn Eurostat f’dokument ta’ implimentazzjoni.

Il-Marka tal-Kunfidenzjalità

Ir-rekords individwali trasmessi għat-Tabelli A, B u C jikkonsistu f’data miġbura f’daqqa, jiġifieri stimi tal-popolazzjoni. Meta jkun strettament neċessarju, rekords individwali jistgħu jiġu mmarkati bħala “kunfidenzjali”. Jista’ jkun hemm ksur tal-kunfidenzjalità fit-Tabelli A, B jew C jekk in-numru ta’ l-intrapriżi jew tal-fergħat lokali fil-popolazzjoni jkun żgħir ħafna għal rekord individwali relatat ma’ attività ekonomika, daqs tal-klassi jew reġjun partikolari. Ovvjament, ir-riskji huma akbar meta r-rekord individwali jkollu x’jaqsam ma’ fergħa jew tnejn kbar. Bl-istess mod, ir-riskju għall-kunfidenzjalità jista’ jkun ogħla għat-Tabelli B u C minħabba l-analiżi addizzjonali skond id-daqs tal-klassi u skond ir-reġjun rispettivament. Se jintużaw żewġ kodiċi biex ikunu identifikati rekords kunfidenzjali:

Il-varjabbli

Il-varjabbli mitluba huma definiti fl-Anness I. In-numri għandhom jiddaħħlu mingħajr spazji, punti jew virgoli (per eżempju, 13967 huwa korrett; dawn li ġejjin m’humiex korretti: 13 967 jew 13.967 jew 13,967).

Varjabbli nieqsa (jew żero) għandhom ikunu kodifikati skond ir-regoli li ġejjin:

Il-varjabbli għan-numru ta’ impjegati, il-ħin tax-xogħol u n-numru ta’ unitajiet statistiċi għandhom jiġu espressi f’termini assoluti, jiġifieri billi jingħataw in-numri sħaħ (mhux deċimali, għaxriet, eluf, miljuni, eċċ).

Il-varjabbli li għandhom x’jaqsmu man-nefqa għandhom jiġu espressi fil-munita nazzjonali tal-pajjiż konċernat. Għall-pajjiżi fiż-żona euro, in-numri għandhom jiġu espressi f’euros. L-unitajiet użati f’kull pajjiż għandhom ikunu identiċi għall-varjabbli kollha u għandhom jiġu espressi f’termini assoluti, jiġifieri billi jingħataw in-numri sħaħ (mhux deċimali, għaxriet, eluf, miljuni, eċċ).

Trażmissjoni

L-Istati Membri għandhom jittrasmettu lill-Kummissjoni (Eurostat) id-data u l-metadata mitluba minn dan ir-Regolament f’format elettroniku skond standard ta’ skambju propost mill-Eurostat. Eurostat ser jagħmel disponibbli dokumentazzjoni dettaljata fir-rigward ta’ standards approvati u ser jipprovdi linji ta’ gwida dwar kif jiġu implimentati dawn l-istandards skond il-ħtiġijiet ta’ dan ir-Regolament.

---

( 1 ) ĠU L 63, tat-12.3.1999, p. 6.

( 2 ) ĠU L 181, tat-28.6.1989, p. 47.

( 3 ) Mhux obbligatorju li tkun koperta s- ►M2  Taqsima O ta’ NACE Rev. 2 ◄ . Mhux obbligatorju wkoll li jkunu koperti impjegati f’intrapriżi b’anqas minn 10 impjegati. Il-kodiċi tat-trasmissjoni għall-attivitajiet ekonomiċi ta’ ►M2  NACE Rev. 2 ◄ , il-pajjiż jew ir-reġjun skond il-klassifikazzjoni NUTS fis-seħħ u l-klassijiet tad-daqs ta’ intrapriżi huma stabbiliti mill-Eurostat f’dokument ta’ implimentazzjoni.

( 4 ) Biex jiġi evitat għadd doppju, is-sigħat maħduma minn persuni impjegati minn aġenziji ta’ l-impjieg għandhom jiġu inklużi fil-kategorijia NACE ta’ l-aġenzija ta’ l-impjieg ( ►M2  NACE Rev. 2, 78.20 ◄ ) u mhux fil-kategorija NACE ta’ l-intrapriża li għaliha attwalment jaħdmu.

( 5 ) Ħaddiem li jaħdem barra mill-intrapriża huwa persuna li taqbel li taħdem għal intrapriża partikolari jew li jipprovdi ċertu kwantità ta’ oġġetti jew servizzi lill-intrapriża partikolari bi ftehim minn qabel jew fuq kuntratt ma’ dik l-intrapriża, imma li l-post tax-xogħol tiegħu mhuwiex fi ħdanha (Referenza ESA 95: 11.13(g)). Is-sigħat attwalment maħduma minn ħaddiema barra mill-intrapriża jistgħu jiġu stmati.

( 6 ) Jekk ikun preferut, il-medja tista’ tiġi bbażata fuq in-numru ta’ impjegati ta’ kull ġimgħa (jew ta’ kuljum) matul is-sena ta’ referenza. Medja bbażata fuq figuri ta’ kull tliet xhur dwar l-impjegati hija wkoll permessa.

( 7 ) Sigħat mhux imħallsa maħduma bħala komponent ta’ “sigħat attwalment maħduma” ħafna drabi jridu jiġu stmati, per eżempju minn data ta’ stħarriġ magħruf.

( 8 ) Meta rekord individwali ikun mmarkat bħala kunfidenzjali, Eurostat jieħu l-azzjoni xierqa biex jipproteġi l-kunfidenzjalità tad-data mressqa għat-Tabelli A, B u C.