This document is an excerpt from the EUR-Lex website
Document 01997D0740-20010802
Commission Decision of 14 October 1997 on the procedure for attesting the conformity of construction products pursuant to Article 20 (2) of Council Directive 89/106/EEC as regards masonry and related products (Text with EEA relevance) (97/740/EC)
Consolidated text: Id-Deċiżjoni tal-Kummissjoni ta’ l-14 ta’ Ottubru 1997 dwar il-proċedura tal-attestazzjoni tal-konformità tal-prodotti għall-bini permezz ta’ l-Artikolu 20(2) tad-Direttiva tal-Kunsill 89/106/KEE f’dak li jirigwardja l-bini bil-ġebel u l-prodotti relatati (Test b’rilevanza għaż-ŻEE) (97/740/KE)
Id-Deċiżjoni tal-Kummissjoni ta’ l-14 ta’ Ottubru 1997 dwar il-proċedura tal-attestazzjoni tal-konformità tal-prodotti għall-bini permezz ta’ l-Artikolu 20(2) tad-Direttiva tal-Kunsill 89/106/KEE f’dak li jirigwardja l-bini bil-ġebel u l-prodotti relatati (Test b’rilevanza għaż-ŻEE) (97/740/KE)
1997D0740 — MT — 02.08.2001 — 001.001
Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu
|
ID-DEĊIŻJONI TAL-KUMMISSJONI ta’ l-14 ta’ Ottubru 1997 dwar il-proċedura tal-attestazzjoni tal-konformità tal-prodotti għall-bini permezz ta’ l-Artikolu 20(2) tad-Direttiva tal-Kunsill 89/106/KEE f’dak li jirigwardja l-bini bil-ġebel u l-prodotti relatati (Test b’rilevanza għaż-ŻEE) (ĠU L 299, 4.11.1997, p.42) |
Emendat bi:
|
|
|
Il-Ġurnal Uffiċjali |
||
|
No |
page |
date |
||
|
L 209 |
33 |
2.8.2001 |
||
ID-DEĊIŻJONI TAL-KUMMISSJONI
ta’ l-14 ta’ Ottubru 1997
dwar il-proċedura tal-attestazzjoni tal-konformità tal-prodotti għall-bini permezz ta’ l-Artikolu 20(2) tad-Direttiva tal-Kunsill 89/106/KEE f’dak li jirigwardja l-bini bil-ġebel u l-prodotti relatati
(Test b’rilevanza għaż-ŻEE)
(97/740/KE)
IL-KUMMISSJONI TAL-KOMUNITAJIET EWROPEJ
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 89/106/KEE tal-21 ta’ Diċembru 1988 dwar l-approssimazzjoni tal-liġijiet, ir-regolamenti u d-disposizzjonijiet amministrattivi tal-Istati Membri li għandhom x’jaqsmu mal-prodotti għall-bini ( 1 ), kif emendata bid-Direttiva 93/68/KEE ( 2 ), u partikolarment l-Artikolu 13(4) tagħha,
Billi l-Kummissjoni hija meħtieġa li tagħżel, bħal bejn iż-żewġ proċeduri permezz ta’ l-Artikolu 13(3) tad-Direttiva 89/106/KEE għall-attestazzjoni tal-konformità ta’ prodott, il-‘proċedura l-anqas oneruża possibli li tkun konsistenti mas-sigurtà’; billi dan ifisser li huwa meħtieġ li tiddeċiedi jekk, għal prodott partikolari jew għal familja ta’ prodotti, l-eżistenza ta’ sistema ta’ kontroll tal-produzzjoni fil-fabbrika taħt ir-responsabbilità tal-manifattur, tkunx il-kondizzjoni meħtieġa u suffiċjenti għall-attestazzjoni tal-konformità, jew jekk, għal raġunijiet relatati mat-twettieq tal-kriterja msemmija fl-Artikolu 13(4), l-intervent ta’ korp approvat tal-attestazzjoni ikunx għalhekk meħtieġ;
Billi l-Artikolu 13(4) jeħtieġ li l-proċedura hekk iddeterminata għandha tkun indikata fuq il-mandat u l-ispeċifikazzjonijiet tekniċi; billi, għalhekk, huwa mixtieq li jkun definit il-kunċett ta’ prodotti jew familja ta’ prodotti kif użati fil-mandati u fl-ispeċifikazzjonijiet tekniċi;
Billi ż-żewġ proċeduri li hemm provvediment dwarhom fl-Artikolu 13(3) huma deskritti fid-dettall fl-Anness III tad-Direttiva 89/106/KEE; billi huwa meħtieġ għalhekk li jkunu speċifikati b’mod ċar il-metodi li bihom iż-żewġ proċeduri għandhom ikunu implementati, b’referenza għall-Anness III, għall-kull prodott jew familja ta’ prodotti, la darba l-Anness III jagħti preferenza għal ċerti sistemi;
Billi l-proċedura riferita fil-punt (a) ta’ l-Artikolu 13(3) tikkorrespondi mas-sistemi stabbiliti fl-ewwel possibilità, mingħajr sorveljanza kontinwa, u t-tieni u t-tielet possibilitajiet tal-punt (ii) tas-Sezzjoni 2 ta’ l-Anness III, u l-proċedura riferita fil-punt (b) ta’ l-Artikolu 13(3) tikkorrespondi għas-sistemi stabbiliti fil-punt (i) tas-Sezzjoni 2 ta’ l-Anness III, u l-ewwel possibilità, b’sorveljanza kontinwa, tal-punt (ii) tas-Sezzjoni 2 ta’ l-Anness III;
Billi l-miżuri li hemm provvediment dwarhom f’dan ir-Regolament huma bi qbil mal-opinjoni tal-Kumitat Permanenti dwar il-Bini,
ADOTTAT DIN ID-DEĊIŻJONI:
Artikolu 1
Il-prodotti u l-familji tal-prodotti stabbiliti fl-Anness I għandhom ikollhom il-konformità tagħhom iċċertifikta bi proċedura li biha l-manifattur ikollu r-responsabbilità unika tiegħu is-sistema ta’ kontroll tal-produzzjoni tal-fabbrika biex jassigura li l-prodott ikun f’konformità ma’ l-ispeċifikazzjonijiet tekniċi relevanti.
Artikolu 2
Il-prodotti elenkati fl-Anness II għandhom ikollhom il-konformità tagħhom iċċertifikata bi proċedura li biha, b’żieda mas-sistema ta’ kontroll tal-produżżjoni fil-fabbrika operati mill-manifattur, korp approvat tal-attestazzjoni ikun involut fl-assessjar u s-sorveljanza tal-kontroll tal-produzzjoni jew tal-prodott innifsu.
Artikolu 3
Il-proċedura għall-attestazzjoni tal-konformità kif stabbilita fl-Anness III għandha tkun indikata fil-mandati għall-istandards armonizzati.
Artikolu 4
Dan id-Deċiżjoni hija indirizzata lill-Istati Membri.
L-ANNESS I
Bini bil-ġebel u prodotti relatati
— Unitajiet ta’ bini bil-ġebel tal-kategorija II biex ikunu wżati fil-ħitan, kolonni u diviżorji,
— Unitajiet speċjali ta’ bini bil-ġebel tal-kategorija II b’materjali ta’ insulazzjoni termika inkorporati fihom biex ikunu użati fil-ħitan u d-diviżjori u li ma humiex inklużi fl-Anness II,
— tajn tal-bini bil-ġebel maħduma fil-fabbrika preskritti biex ikun użat fil-ħitan, kolonni u diviżorji,
— tajn tat-tikħil/l-illixxar maħduma fil-fabbrika biex ikun użat fil-ħitan, kolonni, diviżorji u l-illixxar tas-soqfa, u
— irbit, qfiel ta’ saħħa, spallieri tat-travi, mensuli, angoli tas-sostenn, infurzament ta’ l-għaqdiet fil-pedamenti u blajjiet biex ikunu nkorporati f’ħitan, kolonni u diviżorji tal-ġebel.
L-ANNESS II
Bini bil-ġebel u prodotti relatati
— Unitajiet ta’ bini bil-ġebel tal-kategorija I biex ikunu wżati fil-ħitan, kolonni u diviżorji,
— Unitjiet speċjali tal-ġebel tal-kategorija I jew II li jinkorporaw materjali termiċi ta' insulazzjoni li jidħlu fil-klassijiet A1 ( 3 ), A2 (3) , B (3) , Ċ (3) biex jintużaw fil-ħitan u diviżorji suġġetti għar-regolamenti dwar ir-reazzjoni għan-nar, imma biss meta l-materjal ikunu suxxettibli li jkun espost għan-nar fl-applikazzjoni finali tiegħu, u
— tajn tal-bini bil-ġebel maħduma fil-fabbrika iddisinjati biex ikunu wżati fil-ħitan, kolonni u diviżorji.
L-ANNESS III
FAMILJA TA’ PRODOTTI
BINI BIL-ĠEBEL U PRODOTTI RELATATI (1/3)
Sistemi tal-attestazzjoni tal-konformità
Għal-prodott(i) u ntiżi għall-użu(i) elenkati hawn taħt, CEN/Cenelec huma mitluba biex jispeċifikaw is-sistema(i) li ġejjin tal-attestazzjoni tal-konformità fis-standards armonizzati relevanti:
|
Prodott(i) |
Użu(i) ntiż(i) |
Livell(i) jew klassi(jiet) |
Attestazzjoni tal-konformità tas-sistema(i) |
|
Unitajiet ta’ bini bil-ġebel kategorija I (1) |
Fil-ħitan, kolonni jew diviżorji |
— |
2+ |
|
Magħmulin fil-fabbrika, tajn maħsub għall-bini bil-ġebel (2) |
|||
|
Unitajiet ta’ bini bil-ġebel Kategorija II |
Fil-ħitan, kolonni jew diviżorji |
— |
4 |
|
Magħmulin fil-fabbrika, tajn preskritt, għall-bini bil-ġebel (3) |
|||
|
Magħmulin fil-fabbrika, tajn tat-tikħil/l-illixxsar |
Fl-illixxar tal-ħitan, kolonni, diviżorji u soqfa |
||
|
(1) Unitajiet b’medja speċifikata ta’ forza komprensiva bi probabbilità ta’ nuqqas li tilħaq dan il-livell li ma teċċedix 5 %. (2) Tajn iddisinjat u mmanifatturat biex jilħaq ħtiġiet speċifiċi ta’ rendiment. (3) Tajn immanifatturat minn proporzjon speċifiċu ta’ kostitwenti li jistgħu ikunu meqjusa bħala li jilħqu l-ħtiġiet assoċjati mat-twettieq. Is-Sistema 2+: Ara l-Annes III (2) (ii) tad-Direttiva 89/106/KEE, l-ewwel possibbilità, inkluża l-attestazzjoni tal-kontroll tal-produzzjoni fil-fabbrika minn korp approvat. Is-Sistema 4: Ara l-Annes III (2) (ii) tad-Direttiva 89/106/KEE, it-tielet possibbilità. |
|||
L-ispeċifikazzjoni għas-sistema għandha tkun tali hekk li tkun tista tiġi mplementata anki meta l-imġieba ma jkunx hemm ħtieġa li tkun iddeterminata għal ċerti karatteristiċi, minħabba li Stat Membru wieħed ma jkollu l-ebda ħtieġa legali dwar karatteristika bħal dik (ara l-Artikolu 2(1) tad-Direttiva 89/106/KEE u, meta applikabbli, il-klawsola 1.2.3 tad-dokumenti ta’ l-interpretazzjoni). F’dawk il-każi il-verifika ta’ karatteristika bħal dik m’għandhiex tkun imposta fuq il-manifattur jekk dan ma jkunx jixtieq li jiddikjara l-imġieba tal-prodott f’dak ir-rigward.
FAMILJA TA’ PRODOTTI
BINI BIL-ĠEBEL U PRODOTTI RELATATI (2/3)
Sistemi tal-attestazzjoni tal-konformità
Għal-prodott(i) u ntiżi għall-użu(i) elenkati hawn taħt, CEN/Cenelec huma mitluba biex jispeċifikaw is-sistema(i) li ġejjin tal-attestazzjoni tal-konformità fis-standards armonizzati relevanti:
|
Prodott(i) |
Użu(i) intiż(i) |
Livel(i) jew klassi(jiet) |
Attestazzjoni tas-sistema(i) tal-konformità |
|
Irbit, ċintorini ta’ l-isikkar, spallieri tat-travi, mensuli, angoli ta’ sostenn, għaqdiet għat-tisħiħ tal-pedamenti u blajjet |
fil-ħitan u d-diviżorji |
— |
3 |
|
Sistema 3: Ara l-Anness III 2 (ii) tad-Direttiva 89/106/KEE, it-tieni possibbiltà. |
|||
L-ispeċifikazzjoni għas-sistema għandha tkun tali hekk li tkun tista tiġi mplementata anki meta l-imġieba ma jkunx hemm ħtieġa li tkun iddeterminata għal ċerti karatteristiċi, minħabba li Stat Membru wieħed ma jkollu l-ebda ħtieġa legali dwar karatteristika bħal dik (ara l-Artikolu 2(1) tad-Direttiva 89/106/KEE u, meta applikabbli, il-klawsola 1.2.3 tad-dokumenti ta’ l-interpretazzjoni). F’dawk il-każi il-verifika ta’ karatteristika bħal dik m’għandhiex tkun imposta fuq il-manifattur jekk dan ma jkunx jixtieq li jiddikjara l-imġieba tal-prodott f’dak ir-rigward.
FAMILJA TA’ PRODOTTI
TAL-BINI U L-PRODOTTI RELATATI (3/3)
Sistemi tal-attestazzjoni tal-konformità
Għal-prodott(i) u ntiżi għall-użu(i) elenkati hawn taħt, CEN/Cenelec huma mitluba biex jispeċifikaw is-sistema(i) li ġejjin tal-attestazzjoni tal-konformità fis-standards armonizzati relevanti:
|
Prodott(i) |
Użu(i) ntiż(i) |
Livell(i) jew klassi(jiet) (Reazzjoni għan-nar) (1) |
attestazzjoni tal-konformità tas-sistema(i) |
|
Unitajiet tal-bini bil-ġebel li jinkorporaw materjali ta’ l-insulazzjoni termika imqiegħda fuq il-wiċċ suxxettibbli li jkun espost għan-nar |
Fil-ħitan jew fid-diviżorji suġġetti għal reazzjoni rigward ir-regolamenti dwar in-nirien |
1 |
|
|
3 |
|||
|
4 |
|||
|
(1) Għar-reazzjoni lejn in-nar, ara ►M1 id-Deċiżjoni tal-Kummissjoni 2000/147/KE (ĠU L 50, tat-23.2.2000, p. 14) ◄ (2) ►M1 Prodotti/materjali fejn stadju identifikkabbli b'mod ċar fil-proċess tal-produzzjoni jirriżulta f'titjib dwar il-klassifika tar-reazzjoni għan-nar (p.e. żieda ta' fire retardants jew limitu fuq il-materjali organiċi) ◄ . (3) ►M1 Prodotti/materjali mhux koperti bin-nota ta' l-aħħar 2 ◄ . (4) Prodotti/materjali li ma jenħtieġux prova għal reazzjoni għan-nar (p.e. Prodotti/materjali fi Klassijiet A1 skond id-Deċiżjoni tal-Kummissjoni 96/603/KE). Is-Sistema 1: Ara l-Anness III (2) (i) tad-Direttiva 89/106/KEE, mingħajr l-awditjar tat-testijiet tal-kampjuni. Is-Sistema 3: Ara l-Anness III (2) (ii) tad-Direttiva 89/106/KEE, it-tieni possibbilità. Is-Sistema 4: Ara l-Anness III (2) (ii) tad-Direttiva 89/106/KEE, it-tielet possibbilità. |
|||
L-ispeċifikazzjoni għas-sistema għandha tkun tali hekk li tkun tista tiġi mplementata anki meta l-imġieba ma jkunx hemm ħtieġa li tkun iddeterminata għal ċerti karatteristiċi, minħabba li Stat Membru wieħed ma jkollu l-ebda ħtieġa legali dwar karatteristika bħal dik (ara l-Artikolu 2(1) tad-Direttiva 89/106/KEE u, meta applikabbli, il-klawsola 1.2.3 tad-dokumenti ta’ l-interpretazzjoni). F’dawk il-każi il-verifika ta’ karatteristika bħal dik m’għandhiex tkun imposta fuq il-manifattur jekk dan ma jkunx jixtieq li jiddikjara l-imġieba tal-prodott f’dak ir-rigward.
( 1 ) ĠU L 40, tal-11.2.1989, p. 12.
( 2 ) ĠU L 220, tat-30.8.1993, p. 1.
( 3 ) Prodotti/materjali fejn stadju identifikkabbli b'mod ċar fil-proċess tal-produzzjoni jirriżulta f'titjib dwar il-klassifika tar-reazzjoni għan-nar (p.e. żieda ta' fire retardants jew limitu fuq il-materjali organiċi).